Category: Փաստաթղթեր, պայմանագրեր, գրքեր

Գույքի ձեռքբերում ֆիզ. անձից

Լաուրա․

Բարի օր եմ մաղթում։ Եթե ֆիրման ֆիզ․ անձից գնում է գույք, ի՞նչ փաստաթղթով է դա իրականացվելու, և ֆիզ․ անձի համար քանի՞ տոկոս ի՞նչ հարկի պահում պետք է կատարվի։ Նախապես շնորհակալ եմ օգնելու համար։

Ներմուծում և արտահանում

Արև․

Հարգելի հաշվապահներ, ընկերությունը 2020թ․ շինարարական ապրանքներ է ներմուծել ՌԴ-ից և 2023թ․ ցանկանում է արտահանել Վրաստան։ Ինչպիսի՞ փաստաթղթեր է անհրաժեշտ պատրաստել։

Հաշիվը ուշ է ստորագրվել

Գրիգոր․

Կազմակերպությունը 2022թ․ հոկտեմբեր ամսվա ձեռք բերված ծառայության (էլեկտրաէներգիայի) հաշիվը ստորագրել է 2023թ հունվարի 10-ին:

Հարց 1․ 2023թ․ հունվար ամսվա ԱԱՀ-ի միասնական հաշվարկի 18-րդ տողու՞մ է արտացոլվում, թե՞ ցույց է տրվում 2022թ, հոկտեմբեր ամսվա ԱԱՀ-ի միասնական հաշվարկի 18-րդ տողում, այնուհետև 20-րդ տողում պակասեցվում է, իսկ 2023թ, հունվար ամսվա հաշվետվության 20-րդ տողում՝ ավելացվում:

Հարց 2․ Եթե արտացոլենք 2023թ, հունվար ամսվա միասնական հաշվարկի 18-րդ տողում, ապա այդ դեպքում կարո՞ղ ենք արդյոք 2022թ հոկտեմբեր ամսվա համար էլեկտրաէներգիայի ծառայության արժեքը ծախս համարել:

Հարկային ռեզիդենտի սերտիֆիկատ

Անի․

Բարև ձեզ, հարգելիներս: Որևէ մեկը ստացե՞լ է հարկային ռեզիդենտի սերտիֆիկատ: Ինձ հետաքրքրում է ողջ գործընթացը քայլ առ քայլ: Կարո՞ղ եք օգնել:

Հարկային հաշվի ստացում

Գայանե․

Բարև ձեզ, հարգելի հաշվապահներ։ Հարցս հետևյալն է՝ եթե մեր ընկերությունը ՍՊԸ է, հարկվում է շրջ․ հարկով, արդոք ճի՞շտ է ստանալ հարկային հաշիվ։ Կանխավ շնորհակալություն։

Հաշիվ ոչ ռեզիդենտին

Գոհար․

Հարգելի հաշվապահներ, եթե ոչ ռեզիդենտին (ՌԴ) հաշվարկային հաշիվ ենք գրում, պիտի ռուսերե՞ն գրենք, թե՞ հայերեն։

Հանձնման-ընդունման ակտի ձև

Կարինե Իսկանդարյան․

Բարի օր: Ինձ անհրաժեշտ է գույքի (անշարժ և շարժական) հանձնման-ընդունման ակտի ձև: Շնորհակալ կլինեմ, եթե օգնեք:

Հաշվի արտացոլում հաշվետվության մեջ

Լիանա․

Բարև Ձեզ։ Ա/Ձ-ն (ԱԱՀ վճարող) ստացել է Բ հաշիվ, որի դիմաց Ա/Ձ-ն չի վճարելու, այլ բարեգործական հիմնադրամ։ Արդյո՞ք ԱԱՀ-ի հաշվետվության մեջ պետք է արտացոլել ստացված հաշվի գումարը։

Հաշիվների չեղարկում

Մելինե․

Բարև ձեզ։ Եթե այս ամիս 3 ամսվա նախորդ երեք ամիսների հաշիվներ եմ չեղյալ արել (դիմացի կողմի խնդրանքով), և մեկ նոր հաշիվ եմ դուրս գրել (այդ երեք ամիսների+պլյուս հունվար համար)՝ մատակարման ամսաթիվն նշելով 31.01.2022։ Ես հիմա ԱԱՀ-ի հաշվարկներում ճշտելու բան ունե՞մ։ Նշեմ, որ այդ հաշիվների վճարումները ստացած են եղել։ Շնորհակալություն։

Ստորագրության բացակայություն փաստաթղթի վրա

Հայկ․

Բարև Ձեզ։ Խնդրեմ հուշեք՝ դրամարկղի մուտքի / ելքի օրդերների վրա եթե որոշ ստորագրություններ են բացակայում, օրինակ գանձապահի, դրա համար ի՞նչ պատասխանատվություն է նախատեսված։ Կանխավ շնորհակալություն։

Հաշվապահական գործերի հանձնում-ընդունում

Անուշ․

Բարև Ձեզ։ Խնդրում եմ ասեք՝ ի՞նչ փաստաթղթեր պետք է պատրաստել գլխավոր հաշվապահի աշխատանքից ազատման, գործերի հանձնման-ընդունման ժամանակ։ Շնորհակալություն։

ՀԿ ներքին կանոնակարգ

Հասմիկ․

Բարև ձեզ։ Հարգելի գործընկերներ, անհրաժեշտ է նախաձեռնության կամ հասարակական կազմակերպության ներքին կանոնակարգի որևէ օրինակելի ձև: Առկայության դեպքում խնդրում եմ ուղարկել hasmik.is.96@gmail.com էլ․ հասցեին։ Նախապես շնորհակալություն:

E-invoicing – ում հարկային հաշվի դուրսգրման արգելք

NA.

Բարև Ձեզ։ Այսօր 13․01․2023 թվականի օրով ԱԱՀ վճարողի դիմում եմ ներկայացրել, սակայն E-invoicing-ով հաշիվ գրելուց նշում է, որ ԱԱՀ վճարող չեմ։ Խնդիրը ինչի՞ց կարող է լինել։

Գնորդը ջնջել է հաշիվը

Նելլի․

Բարև ձեզ, հարգելի հաշվապահներ։ Էսպիսի մի հարց՝ գնորդը ջնջել է մայիս ամսին գրված հարկային հաշիվը առանց կազմակերպությանը տեղյակ պահելու, ու գնորդին ոչ մի կերպ չենք կարողանում գտնել, ի՞նչ է արվում էդ դեպքում։

Ստացված հաշիվների սերիա-համարներ

Գայանե․

Բարև ձեզ, հարգելի հաշվապահներ, հարցս հետևյալն է․ եթե մեր կազմակերպությունը ՍՊԸ է և հարկվում է շրջ․ հարկով, ապա ստացած հաշիվները արդյո՞ք չպետք է Բ կարգի լինեն, այսինքն դիմացի կողմը ԱԱՀ-ով է հարկվում ու մեր համար դուրս է գրում Ա կարգի հարկային հաշիվ։ Կանխավ շնորհակալություն։

Դեկտեմբերի հաշիվը դուրս է գրվել հունվարին

Տաթև․

Բարև Ձեզ, հարգելի հաշվապահներ: Միկրոյով աշխատող ՍՊԸ-ն, եթե հաշիվ վավերագիրը գրել 2023թ.-ի հունվարին, բայց ծառայությունը մատուցվել և վճարվել է դեկտեմբերին, այս դեպքում վճարված գումարի չափը ներառվու՞մ է 2022թ-ի իրացման շրջանառության մեջ:

Դրամարկղային գրքի լրացում

Սաթեն․

Խնդրում եմ պատասխանեք:

Կանխիկ գործարքների բացակայության դեպքում դրամարկղի գիրքը լրացվու՞մ է՝ այսինքն մնացորդի տեղափոխում հաջորդ ամիս կատարվու՞մ է։

Электронный счёт без НДС

Армине.

Как выписать электронный счёт без НДС? Выдаёт ошибку сумма НДС должна быть выше 0. Заранее спасибо!

Հաշիվ վավերագրի դուրս գրում

Աննա․

Հարգելի հաշվապահներ, հաշիվ վավերագիր լրացնելուց ինչպե՞ս պետք է լրացնել «Պայմանագիր» բաժինը:

1) Կնքման ամսաթիվն ինչո՞վ է մատակարարման ամսաթվից տարբերվում: Կարելի՞ է նույն բանն լրացնել ծառայություն արտահանելու դեպքում, ասենք գումարն հաշվին նստելու օրն:

2) Ի՞նչ տրամաբանությանբ պետք է կազմել պայմանագրի համարները:

Միկրոձեռնարկատերը կարո՞ղ է հաշիվ գրել

Գայանե․

Միկրոձեռնարկատիրությամբ գործող ԱՁ -ն գրենական խանութ է, կարո՞ղ է կազմակերպությանը հաշիվ գրել։ Շնորհակալություն։

Ի՞նչ հաշիվ պետք է դուրս գրել

Աննա․

Հարգելի հաշվապահներ, ԱՁ-ն սկսելու է freelance ծառայություններ մատուցել, ընդհանուր հարկման համակարգում է: Քանի որ ծառայության մատուցման վայրն ՀՀ-ից դուրս է, զրոյական ԱԱՀ-ով է հարկվելու: Այս դեպքում, որքանով տեղյակ եմ, հարկային հաշիվների փոխարեն պետք է դուրս գրել այլ հաշվարկային փաստաթուղթ: e-invoice համակարգում համապատասխան փաստաթղթի տեսակ չգտա: Խնդրում եմ օգնեք՝ ի՞նչ փաստաթուղթ պետք է դուրս գրեմ ու ո՞րտեղից: Որտե՞ղ կարող եմ ավելի շատ ինֆորմացիա հաշիվներ դուրս գրելու մասին գտնեմ:

Պայմանագիրը վավերացում չունի

Ռոման․

Բարև ձեզ: Կազմակերպությունը զբաղվում է գյուղատնտեսական արտադրանքի արտադրության գործունեությամբ՝ լոլիկ, կարտոֆիլ: Ջերմոցը սեփականության իրավունքով չի պատկանում կազմակերպությանը, այլ վերցված է վարձակալությունով ֆիզիկական անձից անհատույց: Վարձակալական պայմանագիրը նոտարով կամ կադաստրով վավերացված չէ: Հարց․ ի՞նչ խնդիրներ կարող են առաջանալ։

Վարձակալության պայմանագիր չկա

Lilia.

Բարև ձեզ։ Վարձակալության հետ է կապված հարցս․ եթե մարզում աշխատող խանութը միկրոձեռնարկատիրություն է, վարձով է տարածք վերցրել, բայց պայմանագիր չկա, մեր համար դա խնդի՞ր է, թե՞ պետք է վարձատուն մտածի, ու երկրորդ՝ եթե անհատույց պայմանագիր է կնքում ԱՁ-ն ֆիզ անձի հետ, հարկ չի առաջանում, չէ՞։

Դրամարկղային գրքի լրացման հետ կապված

Արաքսյա․

Հարգելի հաշվապահներ, ինչպե՞ս պետք է վարվել, եթե դրամարկղային գիրքը լրացնելիս, տպող թուղթը դրվել է սխալ և կրկնօրինակը տպվել է չճղվող հատվածի վրա: Շնորհակալություն։

Ստացված հաշվի չեղարկում

Կարեն․

Հարգելի հաշվապահներ, եթե հոկտեմբեր ամսվա մեջ ԱԱՀ-ով հաշիվ եմ ստացել մեկ այլ ընկերությունից, որից հետո ներկայացրել եմ հեկտեմբերի համար ԱԱՀ հաշվետվություն, սակայն նոյեմբերի մեջ ծառայություն մատուցողը չեղարկել է իր դուրս գրած հաշիվը և նույն հոկտեմբերի մատակարարման ամսաթվով հաշիվը գրել է արդեն առանց ԱԱՀ-ի՝ հաշվարկային փաստաթուղթ։ Այս դեպքում ԱԱՀ հաշվետվության մեջ փոփոխությունը ինչպե՞ս եմ արտացոլում և ԱԱՀ հաշվարկի 20-րդ կետում ո՞ր հոդվածի համաձայն եմ նշում։

Ոչ ռեզիդենտի հաշիվ

Մանե․

Բարև ձեզ: Շրջհարկով աշխատող միջնորդ կազմակերպության համար ռուսաստանյան ոչ ռեզիդենտ կազմակերպությունը մատուցել է ծառայություն՝ բեռը հասցնելով ՀՀ սահման: Առկա է թղթային հաշիվ ոչ ռեզիդենտի կողմից: Ինչպե՞ս պետք է ներկայացվի թղթային հաշիվը հարկայինում, որպեսզի հիմնավորում լինի շրջհարկով ծախս ճանաչելու համար։

Երթուղային թերթիկը պարտադի՞ր է

Արուս․

Բարև Ձեզ։ Շրջ․ հարկով աշխատող ՍՊԸ-ն ցանկանում է ներմուծել ավտոմեքենա իր օգտագործման համար, հնարավոր է մի տարի ժամկետով, այնուհետև վաճառի։ Ի՞նչ նրբություններ կան ավտոմեքենա ձեռք բերելիս, և արդյո՞ք պարտադիր է վարել ուղեթերթը։

Շնորհակալություն։

Դրամարկղային գրքի վարում

Գոհար․

Բարև ձեզ, հարգելի հաշվապահներ։ Խնդրում եմ օգնեք։ ՍՊԸ-ն բացվել է անցած տարի, որսորդական խանութ է, գործում է շրջհարկով և ունի 1 աշխատող։ Այս խանութի համար գրանցել են դրամարկղային գիրք, և մինչև հիմա գրանցում չկա արած։ Կասե՞ք՝ ինչի՞ց սկսեմ, և արդյո՞ք հնարավոր է չվարել։

Կանխիկ վճարում

Հայկ․

Բարև Ձեզ: Այսպիսի հարց ունեմ: Շրջհարկով աշխատող ԱՁ-ն ձեռքբերած ապրանքների դիմաց վճարել է կանխիկ, սակայն մատակարար կողմը կանխիկի ոչ մի անդորրագիր չի տվել, միայն դուրս է գրվել էլէկտրոնային հաշիվ: Հիմա ինչպե՞ս պետք է հիմնավորել այդ վճարումները , և արդյո՞ք ԱՁ-ն պարտավոր է վարել դրամարկղային գիրք, եթե կատարում է կանխիկ գործարքներ: Շնորհակալություն։

Դեղորայքի բարեգործական գնում

Սաթիկ․

Բարև Ձեզ, կազմակերպությունը ցանկանում է դեղորայքի բարեգործական գնում կատարել ֆիզ. անձի համար: Կասե՞ք՝ կարգը ինչպես է լինելու, եթե ոչ մի դեղատուն չի համաձայնվում ֆիզ անձի անունով հաշիվ դուրս գրել: Պատճառաբանում են օրենքի փոփոխություն, կասե՞ք՝ ո՞ր օրենքի մասին է խոսքը: Կանխավ շատ շնորհակալ եմ։

Ճշգրտող հաշիվ

Lilia.

Բարև բոլորին։ Ո՞վ կարող է օգնել դուրս գրենք վերադարձի հաշիվ, ճշգրտող հաշիվ եմ մտնելու, հետո նշեմ նախկինի սերիա՞ն

1-առաքման ամսաթիվ ի՞նչ նշեմ

2-վայրը, որտեղից ապրանքները առաքվում են, նշելու եմ այդ հետ ուղարկող խանութի հասցեն

3-մատակարարվող ապրանքների նշանակման վայրը

4-անվանացանկում հետ վորադարձվողն եմ միայն նշում

Պե՞տք է գրել ինքնահաշիվ

Գայանե․

Բարև Ձեզ։ ՀՀ ռեզիդենտ կազմակերպությունը ոչ ռեզիդենտ կազմակերպությունից ձեռք է բերել ծառայություն, նյութեր են ուղարկել Ռուսաստան, փորձաքննություն են անցկացրել և տրամադրել են սերտիֆիկատ։ Հաշիվ ֆակտուրա են գրել, որտեղ գրված է նաև ԱԱՀ։ Ունենք կնքված պայմանագիր։ Վճարումը կատարել ենք պայմնագիրը կնքելուց հետո 5-օրյա ժամկետում, իսկ հաշիվ ֆակտուրան գրվել է 3 ամիս հետո։ Հարցս հետևյալն է՝ պե՞տք է գրել ինքնահաշիվ և ԱԱՀ հաշվետվության կազմելիս ե՞րբ պետք է ներառեմ, ըստ վճարման ամսի, թե՞ հաշիվ ֆակտուրայի ամսում։

Փոխառության մարման համաձայնագիր

Հեղինե․

Բարև ձեզ։ Խնդրում եմ օգնեք։ ՍՊԸ-ի տնօրենին տրամադրվել է փոխառություն երկու ամիս առաջ։ Հիմա նա ուզում է փոխառությունը մարել իրեն հասանելիք բոնուսի հաշվին։ Քանի որ գումարը ՍՊԸ-ի հաշվից միանգամից ուղղվում է փոխառության մարմանը, եթե չեմ սխալվում, կնքվում է համաձայնագիր։ Կարո՞ղ եք ինձ ուղարկել համաձայնագրի տիպային օրինակ։

Լիազորող անձը Հայաստանում չի

Մելինե․

Բարև ձեզ։ Կազմած լիազորագիրը առանց լիազորողի կարո՞ղ եմ տանել նոտարի մոտ՝ հաստատելու։ Լիազորող անձը Հայաստանում չի, բայց կարող է ինձ PDF-ծրագրի միջոցով լիազորագիրը կազմած ուղարկել։

Պայմանագրի գումար

Աշոտ․

Ցանկացած պայմանագրում պայմանագրի գումարը պետք է գրել հարկերի հետ միասի՞ն, թե՞ կարելի է գրել նաև առանց հարկերի։

Մեկ մուտքի օրդեր

Մելինե․

Հարգելի հաշվապահներ, օգնեք ճիշտ լրացնել դրամարկղային գիրքը։ ՍՊԸ-ն ծառայություն է մատուցում և օրական 8-15 բաժանորդից գումար է ստանում դրամարկղում։ Յուրաքանչյուր օրվա համար գանձապահը մեկ մուտքի օրդեր կազմի՞, թե՞ կարելի է նաև ամսական կտրվածքով։ Ամեն օրվա գումարը ճանաչում ենք անմիջապես եկամուտ։ Թե՞ պետք է ամսվա սկզբին բաժանորդների քանակով դեբիտորական պարտք ձևակերպել և արդեն ամեն օրվա ստացած գումարը ճանաչել պարտքի մարում։ Շնորհակալ կլինեմ, եթե ուղղորդեք։

Միջնորդային ծառայության հաշիվ

Էրիկ․

Բաևր ձեզ, հաշվապահներ, հարցս հետևյալն է․ բացել եմ ՍՊԸ, ուզում եմ շրջ. հարկով աշխատել, հանդիսանում եմ միջնորդ, invoicing-ով պետք է հաշիվ գրել միջնորդավճա՞րի համար։

Ինքնահաշիվ ե՞րբ դուրս գրել

Տիրուհի․

Բարև Ձեզ։ Ընկերությունը ոչ ռեզիդենտից պետք է ստանա ծառայություն՝ ընկերության տեխնիկայի վրա ծրագրային ապահովում կատարելով։ Այդ ոչ ռեզիդենտ կազմակերպությունը ուղարկել է invoice 24.11․2022-ին, սակայն ծառայությունը մատուցելու է 3 շաբաթից։ Հարցս հետևյալում է ՝ ինքնահաշիվը ե՞րբ պետք է դուրս գրել։

Լիազորագիր առանց նոտարական վավերացման

Սարգիս․

Առանց նոտարական վավերացման անձի կողմից կարո՞ղ է տրվել լիազորագիր գնորդին՝ առքուվաճառքից ստացվելիք գումարը այլ անձի հաշվեքարտին փոխանցելու համար։

Ճշգրտող հաշիվ

Աննա․

Հարգելի հաշվապահներ, ՍՊԸ աշխատում է ԱԱՀ-ով։ Սեպտեմբեր 4-ին դուրս է գրել ապրանքների մատակարարման հաշիվ, հիմա պետք է դուրս գրի ճշգրտող հարկային հաշիվ։ Կասե՞ք՝ մատուցման ամսաթիվը որը պետք է նշել։

Արտահանում ԵՏՄ

Աննա․

ԵՏՄ արտահանելու համար ի՞նչ ընթացակարգ է, եթե կարելի մանրամասն: Շրջանառության հարկով է աշխատում ընկերությունը:

1.Արտահանելուց գրվու՞մ է հաշիվ, որի գումարը պետք է արտացոլվի շրջհարկի հաշվետվության մեջ

2. Պայմանագիրը միայն ռուսերեն լեզվով խնդիր չի՞ առաջացնի արտահանելուց

3. Մինչ արտահանելը պե՞տք է գրություն ուղարկել ՊԵԿ։ Եվ եթե այո, կա՞ ինչ-որ ձև, կարո՞ղ եք տրամադրել

Դրամարկղային գրքում գործարք է բաց թողնվել

Մելինե․

Հարգելի հաշվապահներ, հարցս դրամարկղային գրքի վարման հետ է կապված։ Եթե երկու ամիս առաջ գործարք է բաց թողնվել և գրքում չի լրացվել, հիմա ինչպե՞ս վարվել։ Ներկայացնեմ իրավիճակը՝ դրամարկղի գիրքը էլեկտրոնային է։ Սակայն երեք ամիս առաջ հանվել էին կանխիկով բոլոր գործարքները, ՀԴՄ-ն, բայց գիրքը չենք փակել։ Դրանից հետո վարկ ենք ստացել կանխիկով և այն դրամարկղ չի մուտքագրվել։ Ինչպե՞ս է ճիշտ վարվել հիմա։ ՍՊԸ-ն աշխատում է շրջհարկով։

Արդյո՞ք պարտադիր են փաստաթղթերը

Կարինե․

Բարև ձեզ, հարգելի հաշվապահներ։ Եթե կազմակերպությունը տարածք է վարձակալել ֆիզ․ անձից իր գործունեության համար, ապա հարկավո՞ր է կազմել վարձակալության պայմանագիր, հանձման-ընդունման ակտ և հաշիվ ապրանքագիր։ Կանխավ շնորհակալություն։

Անհրաժե՞շտ է պայմանագիր կնքել

Lia.

Բարև Ձեզ։ Բեռնափոխադրում իրականացնող ԱՁ-ն, որը աշխատում է միկրոձեռնարկատիրության դաշտում, կարո՞ղ է իր որդուն պատկանող մեքենան շահագործել, թե՞ պետք է վարձակալության պայմանագիր կնքի։

Ինվոյսի դուրսգրում

Մերի․

Բարև ձեզ, մի հարց գործող հաշվապահներին.

Եթե շրջհարկով աշխատող ԱՁ-ն պետք է ինվոյս ուղարկի արտասահմանյան ընկերության, որի համար թարգմանչության ծառայություն է մատուցում, բացի հիմնական մաքուր ծառայության գումարից շրջհարկի 5%-ը պե՞տք է ներառվի այդ գումարի մեջ, այսինքն ո՞վ է այս դեպքում ԱՁ-ի հարկեր վճարողը լինելու` ԱՁ-ն, թե՞ այդ ընկերությունը։

Եվ 2-րդ հարցս. E- invoicing-ով հաշվի մեջ ինչպե՞ս պետք է գումարը գրվի` շրջհարկով, թե՞ առանց։

ՔԻՊ տևողություն

Ռուզաննա.

Բարև Ձեզ։ Խնդրում եմ պատասխանել՝ արդյո՞ք քաղիրավական պայմանագրով աշխատակիցը համարվում է հաստիքից դուրս աշխատակից, և խնդրում եմ ասացեք՝ ժամկետը մաքսիմում որքա՞ն կարող ենք կնքել։

Եվ խնդրում եմ պատասխանել՝ արդյոք քաղաքացիրավական պայմանագրով աշխատակցին հաշվառվու՞մ է ստաժ։
Կանխավ շնորհակալ եմ։

Թ. Մովսիսյան «Հաշվապահական հաշվառում»

Արփինե.

Բարև Ձեզ։ Ո՞վ ունի Թաթուլ Մովսիսյանի «Հաշվապահական հաշվառում» գրքի 2020թ. pdf տարբերակը։

Հարկային հաշիվ, թե՞ հաշիվ վավերագիր

Գրիգոր.

Հարկման ընդհանուր դաշտում աշխատող կազմակերպությունը ծառայություն է մատուցել, որը համաձայն ՀՕ 64 հոդվածի ազատված է ԱԱՀ-ից: Ի՞նչ փաստաթուղթ է դուրս գրում (հարկային հաշիվ, հաշիվ վավերագիր…)։

Ինքնահաշվի դուրսգրում

Հրանուշ․

Բարև Ձեզ։ Եթե Ռումինիայում գտնվող ընկերությունը մատուցում է ՀՀ-ում գտնվող ընկերությանը (ԱԱՀ-ով աշխատող) խորհրդատվական ծառայություններ, հաշիվ-ապրանքագրերի հիման վրա կատարվում է վճարում տվյալ ընկերությանը։ Նման դեպքում ՀՀ-ում գտնվող ընկերությունը պե՞տք է դուրս գրի ինքնահաշիվ, և խնդրում եմ հուշել նման ծառայության տեսակը հարկվելու՞ է արդյոք ՀՀ-ում շահութահարկով, և եթե այո, ապա ի՞նչ դրույքաչափով։ Նախապես շնորհակալություն։