Category Archive: Փաստաթղթեր, պայմանագրեր, գրքեր

Apr 19 2012

Կնքվել է պայմանագիր ֆիզ. անձի հետ

Հասմիկ.

Հարգելի հաշվապահներ, ունեմ մեկ հարց: Եթե իրավաբանական անձը ֆիզ. անձի հետ պայմանագիր է կնքում գույք ձեռք բերելու կամ ծառայության մատուցման համար, բնականաբար առաջանում է եկամտահարկ 10%: Հարցս հետևյալն է. պայմանագրի մեջ նշվում է գումարը ներառյա՞լ եկամտահարկը, թե՞ առանց եկամտահարկի գումարը, թե՞ էական չի:

Apr 19 2012

Արդյո՞ք կցվում է ՀԴՄ կտրոն

Կարո.

Ասացեք խնդրեմ, հաշիվ-ապրանքագրի հետ արդյո՞ք կցվում է ՀԴՄ կտրոն, թե՞ ոչ:

Apr 07 2012

Ինչպիսի՞ պատասխանատվություն կարող է առաջանալ

Նարինե.

Խնդրում եմ պատասխանեք: Կազմակերպությունը նորաբաց է, կատարել է գործարքներ միայն փոխանցումով: Տնօրենը մի քանի օր առաջ գումար է կանխիկացրել բանկից, բայց դեռ դրամարկղային գիրք չունի: Ինչպիսի՞ պատասխանատվություն կարող է առաջանալ նման դեպքում:

Apr 03 2012

Արդյո՞ք պարտադիր է պայմանագիր կնքելը

Վարդան.

Սեփական արտադրության վաճառքն իրականացնելու դեպքում պարտադի՞ր է արդյոք գնորդ կազմակերպության հետ պայմանագիր կնքելը: Կամ ո՞ր դեպքում պարտադիր կլինի:

Mar 31 2012

Պայմանագրի օրինակելի ձև

Anush.

Կարո՞ղ եք ինձ ուղարկել հասարակական կազմակերպության հիմնադիրների միջև կնքվող պայմանագրի օրինակելի ձև: Կանխավ շնորհակալ եմ:

Mar 28 2012

Խանութը զբաղվում է համակարգիչների ներմուծմամբ և մանրածախ վաճառքով

Արթուր.

Խանութը զբաղվում է համակարգիչների ներմուծմամբ և մանրածախ վաճառքով, կատարում է նաև ապառիկ վաճառք և փոխանցումով մանրածախ վաճառք բանկի միջոցով` համաձայն պայմանագրի: Կազմակերպությունը հանդիսանում է ԱԱՀ չվճարող: Արդյո՞ք նոր կարգով պետք է վարի առաքման գիրք, թե՞ ոչ: Կանխավ շնորհակալություն:

Mar 28 2012

Ընկերությունը գործունեություն չի ծավալել

hayk.

Հարգելի հաշվապահներ, եթե ընկերությունը մի քանի ամիս է` գրանցված է, բայց գործունեություն չի ծավալել, աշխատողներ չկան, կա միայն գրանցված տնօրեն (նաև հիմնադիր), որի հետ աշխատանքային պայմանագիր չկա, արդյո՞ք պարտադիր է, որ.
1. Տնօրենը աշխատավարձ ստանա
2. Սոցապին ձև Ֆ10 ներկայացնել` տնօրենի համար
3. Դրամարկղային գիրք պահել

Mar 16 2012

Գնման ակտի լրացման հետ կապված

Նանա.

Հարգելիներս, եթե կազմակերպության աշխատակիցը շուկայից ապրանքներ է ձեռք բերում, գնման ակտի վրա նրա անձնագրային տվյալները պե՞տք է լրացնել, թե՞ ոչ: Եվ ընդհանրապես, բացի չափման միավոր, քանակ, գին, գումարից, ո՞ր վավերապայմաններն են պարտադիր լրացվում գնման ակտում: Կանխավ շնորհակալ եմ:

Mar 12 2012

ԱՁ-ն զբաղվում է բենզինի և դիզելային վառելիքի մանրածախ առևտրով

Գոհար.

01.03-ին գրանցված ԱՁ-ն զբաղվում է բենզինի և դիզելային վառելիքի մանրածախ առևտրով: Ունի վաճառքի 2 հասցեներ: Խնդրում եմ ասեք, բացի առաքվող ապրանքների գրանցման գրքից ես պե՞տք է ունենամ հրամանագիրք, դրամարկղի գիրք, աշխատանքային պայմանագրերի գրանցամատյան: Եվ երկրորդ` ես պե՞տք է ՏՀՏ հայտարարություն ներկայացնեմ ԱԱՀ վճարող համարվելու համար: Շնորհակալություն:

Mar 12 2012

Աշխատանքային պայմանագրի ժամկետի լրանալու հետ կապված

Մհեր.

Բարև Ձեզ, հարգելի հաշվապահներ: Հարցս կայանում է հետևյալում` եթե աշխատանքային պայմանագիրը կնքված է 5 տարով, լրանալուն պես պե՞տք է արդյոք նոր պայմանագիր կնքել, թե՞ կարող եմ պայմանագրի ժամկետը երկարացնել` հիմք ընդունելով հին պայմանագիրը: Եթե այո, այդ դեպքում աշխատանքային պայմանագրերի գրանցամատյանում ինչպե՞ս ձևակերպել այն: Եվ կարո՞ղ եմ արդյոք պայմանագիրը կնքել անժամկետ: Նախապես շնորհակալություն:

Mar 11 2012

Եթե ՀԴՄ-ով տպվում է 310 000 դրամանոց կտրոն

tigranious.

Եթե ՀԴՄ-ով տպվում է 310 000 դրամանոց կտրոն, ինչ որ հավելյալ փաստաթուղթ պե՞տք է գրել, թե՞ ոչ:

Mar 08 2012

Հարկային հաշվի և հաշիվ-ապրանքագրի տարբերությունը

Արայիկ.

Հարգելի հաշվապահներ, խնդրում եմ գրել, թե ինչ տարբերություն հարկային հաշվի և հաշիվ-ապրանքագրի միջև: Կանխավ շնորհակալ եմ:

Mar 07 2012

ԱՁ-ն վարկ է ստացել բանկից արտարժույթի տեսքով

Վահագ.

Բարև ձեզ: Եթե կարելի է մի հարց: ԱՁ-ն վարկ է ստացել բանկից արտարժույթի տեսքով, որը հիմա գտնվում է բանկում արտարժույթային հաշվի վրա: Այդ արտարժույթը անհրաժեշտության դեպքում պետք է կանխիկացվի և դրամի վերածելով` պետք է ապրանք ձեռք բերի Հայաստանի ներսում, իսկ հետո նորից պետք է գնի արտարժույթ և նորից մուտք անի բանկային հաշվի վրա: Ինձ ասացին, որ ես կարող եմ և պետք է արտարժույթի առք ու վաճառքի փոխարժեքների և այդ պահին կենտրոնական բանկի կողմից սահմանված փոխարժեքների տարբերության դեպքում առաջացած եկամուտը կամ ծախսը համարեմ ԱՁ-ի համար ծախս կամ եկամուտ, և օրինակ այդ եկամուտը պետք է հարկվի եկամտահարկով, իսկ ծախսը հանվի եկամտհարկի հաշվարկման ժամանակ: Հիմա դա ի՞նչ է նշանակում, որ ես պետք է փոխարժեքներ այդ տարբերությունից առաջացած եկամուտը տարվա վերջում գումարեմ ապրանքի վաճառքից ստացված եկամտին, իսկ ծախսը գումարեմ տարվա ընթացքում կատարված ծախսերին և ա՞յդ կերպ հաշվեմ եկամտահարկը: Թե՞ այդ եկամուտը հարկվում է առանձին եկամտահարկով, օրինակ պետք է նշվի եռամսյակային հաշվետվության մեջ: Եվ նաև ինձ թվում է` պետք չէ արտարժույթի համար վարել դրամարկղի գիրք: ԱՁ-ն ԱԱՀ վճարող չէ և զբաղվում է մանրածախ առևտրով:
Բերեմ օրինակ` եթե ես վաճառել եմ 100 դոլար 390-ով, իսկ Կենտրոնական բանկի կողմից սահմանված փոխարժեքը եղել է 388, ապա ես ստացել եմ եկամուտ 200 դրամ: Շնորհակալություն:

Mar 04 2012

Դրամարկղային գիրք վարելու հետ կապված

Էդգար.

Բարև ձեզ, խնդրում եմ պատասխանեք` արդյո՞ք պետք է ՍՊԸ-ն վարի դրամարկղային գիրք, եթե դրամարկղային գործառնությունների մասին օրենքն ասում է.
Հոդված 4.
Դրամարկղային գիրք` գրանցամատյան, որում գրանցվում է դրամարկղում կանխիկ դրամի մնացորդը ժամանակաշրջանի սկզբի և վերջի դրությամբ, ինչպես նաև կանխիկ դրամի մուտքը դրամարկղ և ելքը դրամարկղից:
Հոդված 5.
Դրամարկղային գործառնություններն իրականացվում են դրամարկղի և (կամ) հաշվետու անձանց միջոցով:

Այսինքն պարտադիր է, եթե ունես դրամարկղ, իսկ եթե գործառնություններն իրականացնում է հաշվետու անձը, որը չունի դրամարկղ, կարող է դրամարկղային գիրք չվարել:

Mar 01 2012

Դրամարկղային գրքի լրացման հետ կապված

Ռուզաննա.

Բարև Ձեզ: Խնդրում եմ օգնեք ինձ: Եթե դրամարկղային գիրքը լրացնելիս էջի վրա մնացել է ազատ տեղ, ես կարո՞ղ եմ շարունակել հաջորդ ամսվա գրառումները այդ էջի վրա, թե՞ պետք է սկսել նոր էջից:

Feb 29 2012

Ինչպիսի՞ ուղեկցող փաստաթուղթ պետք է գրվի

Հայկուհի.

Հարգելի հաշվապահներ, խնդրում եմ օգնել: Հացի արտադրամասից ամեն օր հաց է մատակարարվում (առաքվում) կազմակերպություններին: Ինչպիսի՞ ուղեկցող փաստաթուղթ պետք է գրվի, քանի՞ հատ (կազմակերպությունների թվով), և այդ ուղեկցող փաստաթուղթը կարո՞ղ է լինել հենց հաշիվ-ապրանքագիրը:

Feb 27 2012

Ինչքանո՞վ է պարտադիր գրանցումը առաքման գրքում

Արտակ Ավետիսյան.

Հարգելի խորհրդատուներ, երբ x քանակի ապրանք (սարքավորում) տեղափոխում ենք մի այլ հասցե ոչ վաճառքի նպատակով, հետո այդ հասցեից պետք է բաշխում իրականացվի 74 կետեր, ինչքանո՞վ է պարտադիր դրանց գրանցումը առաքման գրքում, կամ այդ դեպքում ակտը համարվու՞մ է որպես ուղեկցող փաստաթուղթ:

Feb 25 2012

Ինտերնետային խանութի համար անհրաժեշտ փաստաթղթեր

Նոնա.

Բարև Ձեզ, հարգելի հաշվապահներ, եթե որևէ մեկն ունի փորձ կամ տեղյակ է ինտերնետային խանութի համար անհրաժեշտ փաստաթղթերի և հաշվապահության վարման վերաբերյալ, խնդրում եմ արձագանքեք: Կանխավ շնորհակալ եմ:

Feb 20 2012

Արդյո՞ք պետք է ունենալ առաքման գիրք

Armen.

ԱՁ զբաղվում է հացի արտադրությամբ, ստացել է նոր առաքման գիրք, հաշվառման հասցեն` մեքենան: Արդյո՞ք պետք է պահել առաքման գիրք փուռում: Ինչպե՞ս լրացնել: Կարո՞ղ ենք առաքման գիրք չպահել:

Feb 20 2012

Տուգանք կատարողական ակտի բացակայության պատճառով

Դավիթ Ասատրյան.

Ենթադրենք, որ Ալֆա ՍՊԸ-ն ցանկանում է խանութ կառուցի և այդ նպատակով դիմում է Բետա ՍՊԸ-ին, որը ունի շինարարական լիցենզիա: Բետա ՍՊԸ-ն առաջարկում է այդ խանութը կառուցել ասենք տաս միլիոն դրամով: Ալֆա ՍՊԸ-ն համաձայնվում է, կնքվում է կապալի պայմանագիր` տաս միլիոն դրամ: Իրականացվում է շինարարություն, Բետա ՍՊԸ-ն դուրս է գրում հարկային հաշիվ, ցույց է տալիս ԱԱՀ-ի հաշվարկում և տեղեկանքում, Ալֆա-ն վճարում է տաս միլիոնը, Բետան վճարում է ԱԱՀ-ն… Եվ գալիս է Բետա ՍՊԸ-ի ստուգման օրը, հարկային տեսուչը պահանջում է կատարողական ակտ, իսկ Բետա ՍՊԸ-ն չունի այն: Կարո՞ղ է հարկայինը տուգանել Բետա ՍՊԸ-ին կատարողական ակտի բացակայության համար, և եթե այո, ապա ո՞ր օրենքով, ո՞ր հոդվածի համաձայն:

Feb 20 2012

Նվազեցվող ծախս ձևակերպելու համար

Դավիթ Ասատրյան.

Համաձայն ՀՀ կառավարության 525 որոշման ծախսը հիմնավորող փաստաթուղթ է համարվում հարկային հաշիվը և հաշիվ-ապրանքագիրը: Հարց. Ասացեք խնդրեմ, բենզինի ձեռք բերման հաշիվը բավարա՞ր է արդյոք նվազեցվող ծախս ձևակերպելու համար: Խնդրում եմ պատասխանել այո կամ ոչ:

Feb 20 2012

Առաքման գրքի կազմի լրացում

Aram.

Բարև ձեզ: Կարո՞ղ եք ինձ ասել` առաքման գրքի կազմի վրա ով է գրանցում-անվանումը, կազմակերպական իրավական տեսակը, ՀՎՀՀ, գտնվելու (բնակության) վայրը և առաքումների գրանցման գրքի հերթական համարը: Ո՞վ է գրանցում` հարկայի՞նը, թե՞ հաշվապահը:Շնորհակալություն:

Feb 18 2012

Հարկավո՞ր է արդյոք առաքման գիրք

Norayr.

Կօգնե՞ք ինձ: Մենք ունենք հացի արտադրամաս և վաճառք: Առաքում չունենք: Ինձ հարկավո՞ր է արդյոք առաքման գիրք, թե՞ ոչ:

Feb 18 2012

Ուղեկցող փաստաթղթի վերաբերյալ

Դավիթ Ասատրյան.

Ինչպես գիտենք, նոր առաքման գիրք է ասպարեզ եկել, որտեղ պետք է գրանցվի ուղեկցող փաստաթղթերը: Հարգելի հաշվապահներ, խնդրում եմ ինձ ուղարկել այդ ուղեկցող փաստաթղթի ձև, նմուշ` david456 շնիկ list.ru: Ես ունեմ իմ ձևը, խնդրում եմ ասացեք` ինչ սխալ կա, ինչը չի բավարարում օրենքի պահանջներին (հավելված 4): Ես պարզապես copy-paste եմ արել այդ հատվածը հավելված 4-ից, վերևն էլ գրել ՈՒՂԵԿՑՈՂ ՓԱՍՏԱԹՈՒՂԹ, ահա այն. Կարդալ ավելին … »

Feb 17 2012

Հաշվետվություն պայմագրերի մասին

N..

Էլեկտրոնային հաշվետվություններում կա նոր հաշվետվություն պայմագրերի մասին: Ո՞վ կարող է տեղեկություն տալ դրա լրացման կարգի մասին, և ո՞ր կազմակերպությունները պետք է լրացնեն այդ հաշվետվությունը: Շնորհակալություն:

Feb 15 2012

Պայմանագրի ձևեր

Լիլիա.

Բարև Ձեզ: Կա՞ արդյոք փոխշահավետ պայմանագրի ձևեր, և որտեղի՞ց այն կարելի է բեռնել: Նախապես շնորհակալություն:

Feb 14 2012

Ինչպիսի՞ պայմանագիր կնքել

astxik.

Հարգելիներս, բարև ձեզ: Բեռնափոխադրումների համար, եթե ֆիզ. անձը իր սեփական մեքենայով է այն կատարում, անձի հետ քաղաքացիաիրավական պայմանագիր կնքվի որպես վարորդ, իսկ մեքենայի համար էլ պե՞տք է ծառայության պայմանագիր կնքվի, թե՞ ոչ: Շնորհակալություն կանխավ:

Feb 12 2012

Նոր առաքման գրքի հաստատման հետ կապված

Նաիրի.

Ես նոր առաքման գիրքը ներկայացրեցի հարկային մարմին գրանցելու, նրանք ինձնից պահանջեցին նախկին` հին առաքման գիրքը: Ո՞ր իրավական ակտով է սա հիմնավորվում: Ի դեպ, arlis.am-ում նայում եմ Կառավարության N314 որոշումը, այնտեղ դեռևս հին առաքման գրքի ձևը ուժի մեջ է: Որտեղի՞ց կարդամ նորի լրացման կարգը: Նախապես շնորհակալություն:

Jan 30 2012

Արդյո՞ք պարտադիր է ունենալ առաքման գիրք

Արշակ.

Հարգելի մասնագետներ, խնդրում եմ օգնել ինձ հետևյալ հարցի վերաբերյալ: Իմ կազմակերպությունը զբաղվում է մաքսային միջնորդությամբ և ավիա բեռնափոխադրումների կազմակերպմամբ։ Ներկա պահին ԱԱՀ վճարող չեմ: Կազմակերպության ծառայությունները ներառում են նաև մաքսային ձևակերպումներից հետո պատվիրատուների բեռների առաքումը պատվիրատուների գրասենյակներ կամ պահեստներ։

Արդյո՞ք պարտավոր եմ Առաքման Գիրք վարել, թե՞ ոչ։

Շնորհակալություն:

Jan 30 2012

Ի՞նչ պետք է անել հին առաքման գրքերի հետ

Anna.

Բարև ձեզ: Առաքման նոր գրքերը արդեն կան, իսկ հին առաքման գրքերը ի՞նչ պետք է անենք: Մեր կազմակերպությունը դուրս է գրում հարկային հաշիվ, նաև կատարում է ներքին տեղափոխություն: Եթե պետք է նոր գիրք ձեռք բերել, ապա ես ի՞նչ պետք է անեմ և ու՞մ դիմեմ, եթե ունեմ հին գիրք (որը ամբողջությամբ լրացված չի):

Jan 30 2012

Անհրաժե՞շտ է արդյոք ունենալ և վարել առանձին գրքեր

Վալոդիա.

Համաձայն “Հարկերի Մասին” ՀՀ օրենքի Հավելված 4-ի կետ 7-ի “Հարկ վճարողն իր յուրաքանչյուր առաքման վայրի համար (ապրանքների առաքում կամ տեղափոխում իրականացնելու դեպքում) պարտավոր է վարել առանձին գիրք, …”:
ԲԲԸ-ն ունի մի քանի պահեստ, որոնք տեղակայված են պարսպապատված և մեկ անցակետ ունեցող տարածքում: Տարածքը ունի մեկ հասցե: Այդ պահեստներից կատարվում է ապրանքների առաքում կամ տեղափոխում:
Հարց.
Անհրաժե՞շտ է արդյոք յուրաքանչյուր պահեստի համար ունենալ և վարել “Առաքվող կամ տեղափոխվող արտադրանքի, ապրանքների գրանցման (հաշվառման)” առանձին գրքեր, թե՞ ելնելով վերը նշված հավելվածի 2-րդ կետով սահմանված առաքման կետի սահմանումից` “…, անշարժ գույքի միավորներից որպես միասնություն կազմված անշարժ գույքի օբեկտ,…”, կարելի է ունենալ և վարել միայն մեկ գիրք հաստատված այդ տարածքին տրված հասցեով:
Կանխավ շնորհակալություն:

Jan 30 2012

Առաքվող կամ տեղափոխվող արտադրանքի, ապրանքների գրանցման (հաշվառման) գրքի վերաբերյալ

Դավիթ Ասատրյան.

Հին առաքման գիրքը վերացավ, նոր գիրք ստեղծվեց, որտեղ պետք է հաշվառվի ապրանքների առաքման կամ տեղափոխման ուղեկցող փաստաթղթերը, այսպես ասած բեռնագրերը: Ճիշտ է գիրքը կարող ես ունենալ ապրիլից, սակայն բեռնագրերը արդեն պիտի գրես, հունվարից, այսինքն, երեք ամիս կուտակված թղթերը պետք է լրացնես գրքում ապրիլին: Հարկերի մասին օրենքի հավելված 4-ով սահմանված են վավերապայմաններ, թե ինչ պետք է գրվի բեռնագրում, սակայն օրինակելի ձև չի զետեղված: Սա մեկ… Կարգը կարդալուց առաջացել են բազում հարցեր, դրանք են` Կարդալ ավելին … »

Jan 27 2012

Արդյո՞ք անհրաժեշտ է առաքման գիրք ունենալ

Nara.

Բարև ձեզ: Ասացեք խնդրեմ, այս տարվանից մենք էլեկտրոնային եղանակով ենք աշխատելու, արդյո՞ք առաքման գրքի անհրաժեշտություն առաջանալու է:

Jan 27 2012

Միակողմանի գնման ակտի ձև

Արեգ.

Հարգելի կոլեգաներ, խնդրում եմ ինձ ասեք, թե որտեղից կարելի է վերցնել միակողմանի գնման ակտի ձև` շուկայից ապրանք ձեռք բերելու համար:

Jan 24 2012

Կազմակերպությունը ապրանքներ է մատակարարում ՀՀ սահմաններից դուրս

Artur.

Հարգելի հաշվապահներ, օգնեք մի հարցի մասով: ԱԱՀ վճարող և էլեկտրոնային հաշիվներ դուրս գրող կազմակերպությունը ապրանքներ է (արտադրանք) մատակարարում ՀՀ սահմաններից դուրս: Խնդրում եմ ասել` ԱԱՀ-ի հետ կապված ի՞նչ հարցեր կարող են առաջանալ, և բեռնափոխադրողին ի՞նչ փաստաթղթեր ներկայացնել:

Jan 23 2012

Առաքվող կամ տեղափոխվող արտադրանքի, ապրանքների գրանցման (հաշվառման) գրքի վերաբերյալ

Մարիամ.

Ասացեք խնդրեմ, թե նոր առաքման գրքերը երբվանից են ուժի մեջ մտնում, և ինչպես կարելի է գտնել 2011թ.-ի դեկտեմբերի 30-ի առաքման գրքի մասին որոշումը: Կանխավ շնորհակալություն:

Jan 21 2012

Հաշվապահական հաշվառման փաստաթղթերի հանձնում-ընդունում

Անուշիկ.

Խնդրում եմ պատասխանեք: Եթե աշխատողը գլխավոր հաշվապահն է, ուզում է աշխատանքից դուրս գալ, դիմումը գրել է մեկ ամիս առաջ, բայց ընդունող հաշվապահ չկա, ինչպե՞ս պետք է վարվի, 4-րդ եռամսյակի հաշվետվությունները հանձնել է, տարեկանն էլ գրել է, ու՞մ պետք է հանձնի փաստաթղթերը: Վերջնահաշվարկը ո՞վ պետք է անի:

Jan 20 2012

Ծախսի հիմնավորում պատճեով

Արփինե.

Հարգելի կոլեգաներ, կարո՞ղ եք օգնել ինձ մի հարցում: Ես Ա/Ձ եմ, զբաղվում եմ նոտարի մոտ թարգմանություններով և մուծում եմ պետ. տուրք, ինձ մոտ փաստաթղթի պատճեն է, ես կարո՞ղ եմ արդյոք դա նվազեցնել իմ եկամուտից, օրիգինալը պարտադիր մնում է նոտարի մոտ, նախապես շնորհակալություն:

Jan 18 2012

Պայմանագրի ձև

Լուսինե.

Խնդրում եմ ինձ առաջարկել դպրոցի տնօրենի և տվյալ դպրոցի աշակերտներին տեղափոխող վարորդների միջև կնքվող պայմանագիր: Նախապես շնորհակալ եմ:

Jan 18 2012

Աշխատանքային գրքույկի լրացման հետ կապված

Հասմիկ.

Հարգելի գործընկերներ, աշխատանքային գրքույկի 4-րդ սյունակում պետք է լրացնել միայն աշխատանքի ընդունման կամ ազատման հրամանի համարը, թե՞ նաև աշխատանքային պայմանագրի համարը կամ գրանցամատյանի տվյալները:

Jan 18 2012

ԱՕ հոդված 115-ի հետ կապված

Սուսաննա.

Խնդրում եմ պատասխանել հետևյալ հարցին, կանխավ շնորհակալություն: Համաձայն ՀՀ աշխատանքային օրենսգրքի 115-րդ հոդված 1-ին կետի գործատուն իրավունք ունի 113-րդ հոդվածի 1-ին և 2-րդ կետերի հիմքով լուծել աշխատանքային պայմանագիրը, այս մասին աշխատողին 2 ամիս առաջ ծանուցմամբ, հակառակ դեպքում հաշվարկվում և ենթակա է վճարման նույն հոդված 2-րդ կետով սահմանված տուժանքը: Վերոգրյալ հոդվածի դրույթներից կարելի՞ է ենթադրել, որ գործատուն իրավունք ունի լուծել աշխատողի հետ կնքված պայամանգիրը ծանուցման հաջորդ օրվանից` վերջինիս վճարելով 115-րդ հոդվածի 2-րդ կետով սահմանված տուժանքը:

Jan 16 2012

Սխալ գրառում դրամարկղային գրքում

Արևիկ.

Բարև Ձեզ, խնդրում եմ ինձ օգնեք հետևյալ հարցում` դրամարկղի գրքում սխալ եմ թույլ տվել, գումարը պակաս եմ լրացրել, ի՞նչ կարող եմ անել:

Jan 11 2012

Գործարքը չի գրանցվել դրամարկղի գրքում

Dina.

Բարև. Դրամարկղիս գիրքը լրացրել եմ, անցել է 20 օր, և ինձ ՀԴՄ կտրոն է բերել տնօրենը, որն անպայման պետք է ֆիքսված լիներ իմ ձեռքբերումների մեջ: Ինձ պետք է անպայման ունենալ այդ կտրոնը, քանի որ այն հիմք է մի շարք գործարքների որպես փաստաթուղթ: Ինչպե՞ս անեմ: Կարող է խնդիր առաջանալ, քանի որ այդ օրից հետո ես 14 գործարք էլ արել եմ դրամարկղով, ուղղում մտցնե՞մ: Թե՞ արդեն երկար ժամանակ անցել, ու դեն նետեմ այն:

Jan 11 2012

Ապրանքների ներքին շարժերի դեպքում

Minas.

Ուշադիր եղեք ԱԱՀ-ի մասին 8-րդ հոդվածի 12 կետին: Ապրանքների ներքին շարժերի դեպքում անպայման լրացրեք ուղեկցող փաստաթղթեր, որտեղ նշված լինեն մանրածախ վաճառքի գները: Կոմիսիոն վաճառքի հարկային փաստաթղթավորումը փոփոխվել է, և դեռևս անհասկանալի է, թե ինչպես պետք է ձևակերպել վաճառքից հասույթը (նոր օրենքում հարկվող շրջանառություն է համարվում մատակարարված ապրանքի արժեքը):

Jan 11 2012

Ի՞նչ փաստաթղթեր պետք է լրացնել

Վահե.

Հարգելի հաշվապահներ, խնդրում եմ պատասխանեք հետևյալ հարցիս. եթե ընկերությունը գնել է անվադողեր և տեղադրել ընկերությանը պատկանող ավտոմեքենայի վրա, ի՞նչ փաստաթղթեր պետք է լրացնի կամ կազմի ընկերությունը (եթե կատարողական ակտ չկա), որպեսզի հիմնավորվի, որ տվյալ անվադողերը տեղադրվել են վերը նշված ավտոմեքենայի վրա:

Jan 11 2012

Առաքման գրքի լրացման վերաբերյալ

Թեհմինա.

Բարև Ձեզ: Խնդրում եմ պատասխանել հետևյալ հարցին:
Կազմակերպությունը ունի 2 պահեստ որոնք միմիանցից գտնվում են որոշակի հեռավորության վրա: Առաջին պահեստից նյութերը պետք է տեղափոխել երկրորդ պահեստ: Ապրանքի տեղափոխման ժամանակ մեքենան անցնում է ճանապարհով, որը չի պատկանում տվյալ կազմակերպությանը: Կարիք կա՞ առաքման գրքում գրանցել, և ի՞նչ փաստաթուղթ պետք է լրացնել: Կանխավ շնորհակալություն:
Հարգանքներով, Թեհմինա:

Jan 09 2012

Հարկային հաշվի մատակարարման և դուրս գրման ամսաթվերի վերաբերյալ

Դավիթ Աատրյան.

Ալֆա ՍՊԸ-ն դուրս է գրել հարկային հաշիվ, ասենք 600.0 հազ.դրամ` ներառյալ ԱԱՀ, Բետա ՍՊԸ-ին: Մատակարարման ամսաթիվը 29.12.2011թ., իսկ դուրս գրման ամսաթիվը 09.01.2012թ.: Բետա ՍՊԸ-ն 600.0 հազ. դրամը վճարել է 10.01.2012թ.-ին: Երկուսն էլ ԱԱՀ վճարող են:

Հարց 1: Ալֆա ՍՊԸ-ն 2011թ. 4-րդ եռամսյակի ԱԱՀ-ի հաշվարկում ի նկատի է ունենում այդ հաշիվը` որպես հարկային պարտավորություն:

Հարց 2: Բետա ՍՊԸ-ն 2011թ. 4-րդ եռամսյակի ԱԱՀ-ի հաշվարկում ի նկատի է ունենում այդ հաշիվը` որպես հաշվանցման ենթակա հետաձգված ԱԱՀ:

Հարց 3: Ալֆա ՍՊԸ-ն շահութահարկի 2011թ. հաշվարկում ի նկատի է ունենում որպես եկամուտ 500.0 հազ. դրամը:

Հարց 4: Բետա ՍՊԸ-ն շահութահարկի 2011թ. հաշվարկում ի նկատի է ունենում որպես ծախս 500.0 հազ. դրամը:

Տեսեք, թե ինչ խնդիրներ է առաջացնում մի օրենքի փոփոխությունը: Ու՞մ է պետք երկու ամսաթիվ, էդ ի՞նչ պրոբլեմ է, որ օրենք են փոխում…

Կանխավ շնորհակալ եմ:

Dec 26 2011

ԼՂՀ – ում գրանցված ընկերությունից ստացված հաշիվների վերաբերյալ

Վահե.

Արդյո՞ք կա որևէ պաշտոնական պարզաբանում Լեռնային Ղարաբաղում գրանցված ընկերության կողմից ներկայացված հաշիվ ապրանքագրերի` ՀՀ-ում կիրառման հետ կապված: Շնորհակալություն:

Dec 25 2011

Պայմանագրի փոփոխում

Ata.

Բարև ձեզ, հարգելի կոլեգաներ: Ես սկսնակ հաշվապահ եմ և հետևաբար խնդրում եմ օգնեք ինձ: Եթե հիմնադիրն ու տնօրենն է փոխվում (երկուսն էլ նույն մարդն է), ֆիզ. անձից տարածք է վարձակալել, իհարկե վարձակալության պայմանագրով, որը նոտարով կնքված է, այդ դեպքում պարտադի՞ր է, որպեսզի փոխվի պայմանագիրը, և տարբերություն կա՞ անհատույց օգտագործման է, թե վարձակալած: Եվ եթե պայմանագրի ժամկետը լրացել է, ինչպե՞ս պետք է վարվել: Կանխավ շատ շնորհակալ եմ:

Dec 19 2011

Հաշիվ-ապրանքագրի և հարկային հաշվի տարբերությունը

Ինգա.

Խնդրում եմ օգնեք հասկանալ` կա՞ արդյոք տարբերություն հաշիվ-ապրանքագրի և հարկային հաշվի միջև իրավական առումով:

Older posts «

» Newer posts