Category Archive: Այլ

Aug 17 2012

Կազմակերպությունները աշխատելու են բարտերային հիմունքներով

Նաիրա.

Բարև Ձեզ: Մեր ընկերությունը իր Պատվիրատուներից մեկի հետ աշխատելու է բարտերային հիմունքով: Պատվիրատուի հետ անհրաժեշտ է կնքել բարտերի պայմանագիր: Եթե հնարավոր է, խնդրում եմ տիպային օրինակ տրամադրել:

Կանխավ շնորհակալություն:

Aug 17 2012

Ապրանքի վաճառք ապառիկով

Աննա.

Հարգելի հաշվապահներ, խնդրում եմ օգնեք` առաջին անգամ պետք է զբաղվենք ապառիկ առևտրով: Ֆիզ. անձը գնում է ապրանքը ապառիկով, սակայն գումարը փոխանցում է բանկը, այսինքն ես ՀԴՄ-ի կտրոն չեմ կարող տրամադրել գնորդին, դրա փոխարեն պետք է դուրս գրեմ հաշիվ-ֆակտուրա, որպեսզի կրկնակի շրջանառություն չլինի, բայց այս դեպքում էլ ԱԱՀ-ի 12 տողի շրջանառության և ՀԴՄ-ի ֆիսկալային թվի միջև կլինի տարբերություն, խնդրում եմ օգնեք ավելի ճիշտ հասկանալու և ձևակերպելու նման գործարքները:

Aug 16 2012

Կազմակերպությունը ներմուծում է կատարել

Արամ.

Հարգելի կոլեգաներ, կազմակերպությունը ներմուծում է կատարել: Հարցը հետևյալն է` ո՞ր ամսվաթվով` օտարերկրյա կազմակերպության կողմից տրամադրված հաշիվ-ապրանքագրի, թե՞ ներմուծման օրվա փոխարժեքով պետք է ապրանքը մուտք անել պահեստ: Կանխավ շնորհակալություն:

Aug 15 2012

ՀԿ կանոնադրության ձև

Ջավահիր.

Բարև Ջեզ, ես Ջավահիրն եմ, ապրում եմ Արմավիրի մարզում: Ցանկանում եմ բացել հասարակական կազմակերպություն, խնդրում եմ, եթե հնարավոր է, ինձ ուղարկեք ՀԿ կանոնադրության ունիվերսալ ձև, եթե այդպիսին կա: Կանխավ շնորհակալություն:

Aug 12 2012

Հաշվային պլանում կատարված փոփոխություններ

Tsovinar.

Խնդրում եմ շտապ պատասխանեք` եթե ես ունեմ 2009թ. հրատարակված հաշվային պլանի գրքույկն իր պարզաբանումներով և ձևակերպումներով, արդյո՞ք կարող եմ այն օգտագործել հիմա, և ի՞նչ փոփոխություններ են կատարվել դրանում ՀՀ ֆինանսների նախարարության 2012թ ապրիլի 17-ի թիվ 353-Ն որոշումով: Շնորհակալություն:

Aug 12 2012

Արդյո՞ք գրականությունը համարվում է ՀՄ

Քնարիկ.

Հարգելի հաշվապահներ, խնդրում եմ ասեք` գեղարվեստական գրականությունր համարվու՞մ է հիմնական միջոց, թե՞ ոչ:

Aug 09 2012

Հաշվարկային հաշվի մնացորդի նկատմամբ տոկոսների հաշվարկ

Նարինե.

Կազմակերպությունը ՊՈԱԿ է, նրա միակ ֆինանսական աղբյուրը պետությունից ստացված սուբսիդիան է, ամսվա ընթացքում կատարված ծախսերից հետո մնում է մնացորդ: Բանկը, որտեղ մեր հաշվարկային հաշիվն է, այդ գումարի վրա տոկոս է աշխատացնում` 0,05: Արդյո՞ք այդ գումարը համարվում է եկամուտ, և պե՞տք է ցույց տամ եկամտահարկի հաշվետվության մեջ և հարկեմ 10 տոկոսով որպես տոկոսներ: Կանխավ շնորհակալություն:

Aug 07 2012

Կազմակերպության գործունեության հասցեում փակցնելու ենթակա փաստաթղթեր

Sweet.

Բարև ձեզ, սիրելի հաշվապահներ: Ես սկսնակ հաշվապահ եմ, խնդրում եմ օգնել հետևյալ հարցում: Ի՞նչ պարտադիր փաստաթղթեր է հարկավոր փակցնել ՍՊԸ-ի գործունեության հասցեում, որոնք ենթակա են հարկային տեսչության մարմինների կողմից ստուգման: Արդեն փակցրված են “Օրինակելի ձև հարկ վճարողի կողմից տեղեկություններ փակցնելու հայտարարությունը” և “Ոգելից/ալկոհոլային խմիչք և ծխախոտ վաճառելու թույլտվությունները”: Խնդրում եմ օգնեք ինձ լրացնել այլ անհրաժեշտ փաստաթղթեր, եթե դրանք կան: Նախապես շնորհակալ եմ:

Aug 07 2012

Ի՞նչ գրություն պետք է ներկայացնել ՀՏ

Աննա.

Բարև ձեզ: Ես ունեմ նոր բացված ՍՊԸ, բայց դեռ չենք աշխատում: Ի՞նչ գրություն պետք է ներկայացնենք հարկային տեսչություն:

Aug 07 2012

Պարտավորությունների մարման նախապատվություններ

Arman.

Բարև ձեզ: Խնդրում եմ շտապ պատասխանեք` ամենաառաջնայինը պետք է վճարել փոխառությա՞ն, թե՞ հիմնադիրների շահաբաժինների գումարը: Շնորհակալություն:

Aug 07 2012

Սահմանափակումներ վառելիքի ծախսի նկատմամբ

Արամ.

Կազմակերպությունը վարձակալել է մարդատար ավտոմեքենա, ձեռք է բերել վառելիք, ավելի ճիշտ` վառելիքի կտրոններ, և ծախս է ճանաչում այդ վառելիքը` կազմելով երթուղային թերթիկ և նշելով մեքենայի վազքն ու վառելիքի համապատասխան ծախսը: Հարցը հետևյալն է` մի՞թե չկա որևէ սահմանափակում, նորմա, ինչպես օրինակ օրապահիկի դեպքում (որոշում N 2335-Ն) վառելիքի ծախսի համար: Այդ դեպքում երևի ծախս պետք է ճանաչել ողջամտությա՞ն սահմաններում: Չէ՞ որ կազմակերպության տնօրենը կարող է մեքենան վարել անձնական նպատակներով` դուրս գրելով հարկվող շահույթի հաշվին վառելիք:

Aug 05 2012

Ապրանքի գնում ինտերնետով

Արմեն.

Բարև ձեզ: 29.05.2012-ին ինտերնետով (ebay) գնեցի պրոյեկտոր և մաքսազերծեցի: Հիմա ես նույն կերպ մի քանի ապրանքներ եմ գնել, որոնց ընդհանուր գումարը կազմում է 20 000 – 25 000 դրամ: Խնդրում եմ ասել, արդյո՞ք այդ ապրանքները ենթակա են մաքսազերծման: Կանխավ շնորհակալություն:

Aug 05 2012

Հայաստանի հաշվապահների և աուդիտորների ասոցիացիա

Lusin.

Հարգելի հաշվապահներ, ի՞նչ գիտեք Հայաստանի հաշվապահների և աուդիտորների ասոցիացիայի մասին: Ի՞նչ կարող է տալ գործող հաշվապահին վերջինիս անդամագրվելը: Շնորհակալ կլինեմ արձագանքների համար:

Aug 01 2012

Փոխառության ստացում արտարժույթով

Հայկ.

Հարգելի գործընկերներ, արդյո՞ք կազմակերպությունը կարող է փոխառություն ստանալ արտարժույթով: Գումարը մուտք է լինելու կազմակերպության արտարժութային հաշիվ անմիջապես փոխառություն տրամադրողից: Նախապես շնորհակալություն պատասխանի համար:

Jul 31 2012

Չվճարված շահաբաժինների վերաբերյալ

Arman.

Հարգելի հաշվապահներ, խնդրում եմ պատասխանեք` տարվա վերջում առաջացած շահույթն ամբողջովին ենթակա՞ է վճարման որպես շահաբաժին: ՍՊԸ-ն չունի հիմնադիրների որոշում 2010 տարվա շահաբաժինը բաշխելու վերաբերյալ, շահաբաժիններ չեն վճարվել: Այս դեպքում ես ի՞նչ պետք է անեմ: Ես կարո՞ղ եմ մոռանալ այդ գումարի մասին, թե՞ ստուգման ժամանակ կարող եմ տուգանվել: Շնորհակալություն:

Jul 29 2012

Հաշվապահական հաշվառման դասընթացներ

Տաթևիկ.

Բարեվ Ձեզ: Ցանկանում եմ սովորել հաշվապահություն: Հետաքրքրված եմ IAB Centre կամ IATC ուսումնական կենտրոններով: Շատ շնորհակալ կլինեմ, եթե խորհուրդ տաք, թե որտեղ կարող եմ դիմել: Եթե կլինեն այլ առաջարկներ, որտեղ կազմակերպվում են հաշվապահության որակյալ դասընթացներ, խնդրում եմ նշեք: Կանխավ շնորհակալ եմ:

Jul 23 2012

Կարո՞ղ է մաքսային պահպանությամբ զբաղվող կազմակերպությունը պահակ չունենալ

em.

Խնդրում եմ ինձ օգնել հետևյալ հարցում. կազմակերպությունը (մաքսային պահպանություն) արդեն գործում է մեկ տարի, շահույթ տարվա վերջում չի եղել: Այժմ 4 պահակներից մեկի պետք է ուղարկենք արձակուրդ: Աշխատում են 8 – ժամյա ռեժիմով ամբողջ օրը: Այժմ նախատեսել եմ որևէ պահակի արձակուրդի գնալուց նոր պահակ չնդունենք: Կկազմեմ 16-ժամյա աշխ. գրաֆիկ, մեր աշխատանքի ավարտից` 17:00-ից մինչև հաջորդ օրը 9:00: Հարցս կայանում է նրանում, թե ես իրավունք ունե՞մ ադմինիստրացիայի աշխատանքային ժամերին պահակ չունենալ: Կարո՞ղ է դրա հետ կապված խնդիր ունենանք, որ պահակ չենք ունեցել այդ ժամերին: Որևէ օրենք կա՞ դրա հետ կապված, որտեղ նայեմ: Շնորհակալ եմ:

Jul 23 2012

Հաշվապահական հաշվառման դասընթացներ

ԳՈՀԱՐ.

Հարգելի հաշվապահներ, ես աշխատում եմ մի հիմնարկությունում որպես համակարգչային օպերատոր և օրվա ընթացքում ունենում եմ որոշակի ազատ ժամանակ և ուզում եմ արդյունավետ օգտագործեմ այդ ժամանակը հաշվապահություն սովորելու համար: Կարո՞ղ եք արդյոք հուշել` ինչպես կարելի է համացանցի միջոցով սովորել: Նշեք որևէ կայք կամ գրականություն, որից կարող եմ օգտվել: Կանխավ շնորհակալություն:

Jul 23 2012

Օրապահիկի վերաբերյալ

lusine.

Հարգելի հաշվապահներ, կարո՞ղ եք ինձ հուշել` որտեղ կարող եմ գտնել օրապահիկ հասկացության և դրանում ներառվող ծախսերի վերաբերյալ լիարժեք սհմանում: Կանխավ շնորհակալություն:

Jul 23 2012

ՍՊԸ-ն վաճառում է հողատարածք իր շինությունով ֆիզ. անձին

Կարեն.

Խնդռում եմ ինձ օգնել: Եթե ՍՊԸ-ն վաճառում է հողատարածք իր շինությունով ֆիզ. անձին, ապա այդ դեպքում ի՞նչ գումար է ճիշտ գրել պայմանագրի մեջ, որպեսզի հետագայում 20% ԱԱՀ վճարելիս քիչ վճարվի: Եվ կադաստրայի՞ն արժեքն են հաշվի առնում, թե՞ բալանսայինը:

Jul 19 2012

Անհատույց վարձակալություն

Hayk.

Հարգելի հաշվապահներ, խնդրում եմ պատասխանեք` կարո՞ղ է արդյոք ֆիզ. անձն իր վարձակալած տարածքի մի մասը անհատույց օգտագործման հանձնել կազմակերպությանը: Եվ եթե այո, արդյո՞ք հարկեր կառաջանան: Նախապես շնորհակալ եմ:

Jul 17 2012

ՀԿ հաշվառման առանձնահատկություններ

Գոհար.

Հարգելի կոլեգաներ, եթե հասարակական կազմակերպությունը ստանում է դրամաշնորհ, ինչպե՞ս կարելի է հաշվառումը վարել, ինչպիսի՞ առանձնահատկություններ կան, կամ ինձ կարո՞ղ եք գրականություն ցույց տալ, որպեսզի կարողանամ օգտվել:

Եվ հաջորդ հարցը: Եթե ՀԿ-ին գումար են տվել, ենթադրենք էլի դրամաշնորհի նման, միջոցառում կազմակերպելու համար, ասենք “տոլմայի օր”, ինչպե՞ս կարող եմ ծախսեր ցույց տալ, չէ՞ որ ոչ մի գյուղացի գյուղատնտեսական մթերք գնելու համար ՀԴՄ չի տալիս, կամ խուսափում է իր անձնագրային տվյալներն ինձ ասելու, կամ ասենք մասնակիցներին հատկացնում ենք երթուղային տաքսիներ միջոցառման վայր հասնելու համար: Խնդրում եմ օգնել:

Jul 17 2012

Գյուղատնտեսական արտադրանքի ոլորտ

Hermine.

Փնտրում եմ հաշվապահի, ով ունի փորձ գյուղատնտեսական արտադրանքի արտադրության և իրացման ոլորտում:

Jul 14 2012

ՍՊԸ-ն վերցրել է փոխառություն և հիմնադիրից

Արման.

Բարև ձեզ: Կարո՞ղ եք ինձ օգնել երկու հարցում.

1)ՍՊԸ-ն վերցրել է փոխառություն տնօրենից 4 մլն.դրամ – 0%, և հիմնադիրից 12մլն դրամ – 0%: Խնդրում եմ պատասխանեք` գումարային պահով սահմանապակում կա՞: Այսինքն, ես իրավունք ունե՞մ վերցնել 16 մլն դրամ փոխառություն 0 տոկոսադրույքով

2) ժամկետի տեսակետից ես կարո՞ղ եմ կնքել 1 տարով կամ 2 տարով 0 %-դրույքով: Խնդրում եմ, եթե կարող եք, շտապ պատասխանեք: Շնորհակալություն:

Jul 14 2012

Անտոկոս ու անժամկետ փոխառությունը կարո՞ղ է ծախս համարվել

Նարինե.

Անտոկոս ու անժամկետ փոխառությունը կարո՞ղ է ծախս համարվել, թե՞ ծախս է համարվում միայն տոկոսների պահով, եթե նրանք կան: Օրինակ, ենթադրենք, հիմանդիրը մի քանի տարվա թնթացքում 100 մլն դրամի փոխառություն է տրամդրում, և կազմակերպությունը ամեն տարի 20 մլն-ի չափով մարում է պարտքը, արդյո՞ք 20 մլն -ը շահութահարկից նվազեցվող ծախս կհամարվի:

Jul 13 2012

ՍՊԸ ձեռք է բերել տրանսպորտային միջոց

Lara.

Բարև Ձեզ: ՍՊԸ-ն ՓՄՁ է և 2011 թ-ի մարտին ձեռք է բերել 2011 թ. տրասնպորտային միջոց, որը գնել է 5 700 000 դրամով (ԱԱՀ վճարող չէ և չի հաշվանցել) : Հարցերս հտևյալն են`
1. Ին՞չ մինիմալ գնով իրավունք ունի դա վաճառել
2. Վաճառքի գումարը համարվելու՞ է որպես հասույթ և հարկվելու՞ դա է արդյոք:

Շատ եմ խնդրում` պատասխանը գրեք ձեր բառերով, ոչ թե օրենքից մեջբերումով:

Jul 13 2012

Հաշվապահների որակավորման քննությունների վերաբերյալ

Աղավնի.

Բարև Ձեզ, հարցս վերաբերում է հաշվապահների որակավորման քննություններին: Ֆին. նախ-ի կայքից բեռնել եմ հարցաշարը, նաև հավելվածը հարցաշարից հանված հարցերի վերաբերյալ, սակայն պատասխանների մեջ և գործող օրենսդրության մեջ կան շատ և շատ անհամապատասխանություններ: Զանգիս պատասխանեցին, թե ՖՆ կայքում տեղադրվածն է վերջին գործող հարցաշարը, բայց մի՞թե կարող են քննություններ անցկացվել հին հարցաշարով, որում կան ակնհայտ անճշտություններ (ԱԱՀ օրենքի փոփոխություններ, ԱՕ փոփոխություններ, Աուդիտի ստանդարտների փոփոխություններ և այլն, կան նույնիսկ հարցեր օրենքների ուժը կորցրած կետերի վերաբերյալ, հիմա էլ նոր հաշվային պլանը): Խնդրում եմ օգնեք դուրս գալ այս խառնաշփոթից:

Jul 11 2012

Հիմնադիրը փոխառության պայմանագրով գումար է տրամադրել կազմակերպությանը

Քրիստինե.

Եթե ՍՊԸ-ի հիմնադիրը նախկինում փոխառության պայմանագրով 10 000 000 դրամ է տրամադրել ՍՊԸ-ին, որով տրվել է աշխատավարձ, վճարվել են հարկեր և ձեռք են բերվել տրանսպորտային միջոցներ, իսկ այժմ 100 % բաժնեմասով ՍՊԸ-ն նվիրատվություն է արել մեկ ուրիշի` հրաժարվելով փոխառության գումարներից, այդ գումարը ինչպե՞ս ձևակերպեմ, որ ճիշտ լինի:

Jul 11 2012

Կազմակերպությունը որոշ ժամանակ գործունեություն չի ծավալելու

Ռուզաննա.

Եթե ՍՊԸ-ի հիմնադիրը նաև տնօրենն է, ազատել է բոլոր աշխատողներին աշխատանքից և որոշ ժամանակ գործունեություն չի ծավալելու, հնարավո՞ր է լուծել նաև տնօրենի աշխատանքային պայմանագիրը, և այդ դեպքում ՍՊԸ-ն կարո՞ղ է սոցի և եկամտահարկի հաշվարկ չկատարել, զրոյական հաշվետվություններ ներկայացնել:

Jul 09 2012

Հաշվապահական ծրագրի ներբեռնում

Արման Թադևոսյան.

Որտեղի՞ց կարող եմ ներբեռնել 1C ծրագիրը:

Jul 09 2012

Ժամկետանց դեբիտորական պարտքի փաստաթղթավորում

Արտակ.

Հարգելի հաշվապահներ, ժամկետանց դեբիտորական պարտքի վրա հաշվակված տույժերը ինչպե՞ս փաստաթղթավորել, որպեսզի ներկայացնել դեբիտոր կազմակերպությանը:

Նախապես շնոհակալ եմ:

Jul 09 2012

Էլեկտրոնային գովազդի գործունեություն

Էլինա.

Բարև Ձեզ:
Ցանկանում եմ զբաղվել էլեկտրոնային գովազդով: Կայքը ստեղծվելու է online shoping-ի տեսքով: Իրականում ոչ թե ես եմ վաճառք իրականացնելու, այլ ապրանքը և ծառայությունը մատուցող անձը: Ես պարզապես իրականացնում եմ դրանց գովազդ: Ցանկանում եմ ամեն ինչ օրինական ճանապարհով իրականացնել, պարզապես չգիտեմ, թե հարկային դաշտում ինչպես եմ գործելու: Սկզբի համար որոշել եմ գրանցվել որպես ԱՁ, իսկ թե ինչ հարկատեսակներով եմ հարկվելու կամ ինչպիսի հաշվետվություններ եմ ներկայացնելու հարկային մարմին, պատկերացում չունեմ: Խնդրում եմ օգնեք ինձ այս հարցում: Ու՞մ կամ որտե՞ղ կարող եմ դիմել:

Jul 09 2012

Հիմնադիրը փոխառություն է տրամադրել կազմակերպությանը

Hayk.

Հարգելի հաշվապահներ, կազմակերպության հիմնադիրն ու տնօրենը միևնույն անձն է ու նա որպես հիմնադիր կազմակերպությանը փոխառություն է տրամադրում: Գումարը նրա անունից գլխավոր հաշվապահը մուտքագրում է բանկային հաշվին: Արդյո՞ք պետք է գումարը մուտքագրվեր դրամարկղ, թե՞ խնդիր չկա:

Jul 09 2012

Վարձավճարը փոքր է տարածքի կադաստրային արժեքի 5% – ից

Tatevik.

Բարև Ձեզ: Կազմակերպությունը ՍՊԸ-ին վարձակալության է տվել իր տարածքը: Վարձակալության պայմանագրում վարձավճարը փոքր է տարածքի կադաստրային արժեքի 5% – ից: Ասացեք խնդրեմ` ի՞նչ պետք է անեմ: Արդյո՞ք խնդիրներ կունենամ հարկային տեսչությունում:

Jul 09 2012

Պաշարների հաշվառման մեթոդների վերաբերյալ

Ռիտա.

Բարև ձեզ: Խնդրում եմ պատասխանեք հարցիս` 2012թ գործում է պաշարների հազվառման միջինացվա՞ծ մեթոդը:

Jul 09 2012

Արտարժույթի փոխարժեքի տարբերությունից եկամուտ

ՄԱՐԻՆԱ.

Հարգելի կոլեգաներ, խնդրում եմ պատասխանեք. եթե ապրանք ձերք բերելու նպատակով կանխավճար է արվել 01/05/12թ-ին, երբ դոլարին համարժեք կուրսը եղել է 384 դրամ, իսկ ապրանքը մաքսազերցվել է 05/06/2012 թ-ին, այդ ժամանակ կուրսը ԿԲ եղել է 408 դրամ, 35000$ – ի տարբերությունը մեծ գումար է կազմում: Խնդրում եմ ասեք` տարբերություն կազմած գումարը պետք է որպես շահու՞յթ ձևակերպել: Ասեմ նաև, որ ապրանքի ձեռքբերման պայմանագիր չունենք: Դրա համար մուտքագրել եմ հայտարարագրի կուրսով:

Jul 05 2012

Տրանսպորտային միջոցի վաճառք

Ռուզաննա.

Բարև Ձեզ: Եթե ՍՊԸ-ն 2011 թ. հոկտեմբերին 5 700 000 դրամով ձեռք է բերել 2011թ. թողարկված տրանսպորտային միջոց և այժմ պատրաստվում է վաճառել, ի՞նչ մինիմալ գնով դա կարող է իրականացնել:

Jul 05 2012

Կանխիկ գործառնությունների սահմանափակում

Լառա.

Խնդրում եմ ասեք, թե որքան է առավելագույն գումարը դրամարկղից կանխիկ գնումների դեպքում:

Jul 05 2012

Կանխիկ դրամ պահելու սահմանափակումների վերաբերյալ

Լևոն.

Բարև Ձեզ, խնդրում եմ պատասխանեք, թե դրամարկղում առկա գումարը ինչքան ժամանակ կարող է մնալ դրամարկղում և չփոխանցվել հաշվարկային հաշվին: Եթե չի թույլատրվում, ապա ի՞նչ պատժամիջոց է նախատեսված: Նաև ուզում եմ իմանալ, թե դրամարկղում առկա գումարի չափ նախատեսված է, թե ոչ: Կանխավ շնորհակալ եմ:

Jul 04 2012

Արտաքին գովազդ

Սիմա.

Անհատ ձեռնարկատերը կարո՞ղ է ունենալ արտաքին գովազդ, ո՞ր պետական մարմինն է զբաղվում դրանով, և որո՞նք կարող են լինել գովազդի արգելքները:

Jul 04 2012

Դպրոցի գլխավոր հաշվապահը արձակուրդում է

Լուսինե.

Բարև Ձեզ, հարգելի հաշվապահներ: Խնդրում եմ պատասխանել. եթե դպրոցի գլխավոր հաշվապահը արձակուրդում է, և դպրոցը չունի ուրիշ հաշվապահ, ո՞վ է գործերը կատարում: Կանխավ շնորհակալություն:

Jul 04 2012

CIMA քննության համար նախատեսված գրքեր

Susie.

Բարև ձեզ: Որևէ մեկը կարո՞ղ է ինձ տրամադրել CIMA քննության համար նախատեսված հետևյալ գրքերը: Եթե կարող եք, գրեք էլ. փոստիս. susie25 շնիկ mail.ru

C01 – Fundamentals of Management Accounting
C02 – Fundamentals of Financial Accounting

Jul 04 2012

Հաշվապահների որակավորման քննություններ

Samvel.

Բարև ձեզ, հարգելի հաշվապահներ: Ուզում եմ նորից քննարկում կազմակերպենք բոլորիս հուզող թեմայով` հաշվապահների որակավորման քննություններ: Կցանկանայի լսել քննություններին մասնակցած անձանց կարծիքը քննությունների անցկացման կարգի վերաբերյալ: Բազմիցս փնտրել եմ քննությունների ընթացքում օգտագործվող խնդիրների ինչ-որ ժողովածու, սակայն ապարդյուն: Եթե ինչ-որ մեկը ունի կամ գիտի, թե որտեղից կարելի է գտնել, խնդրում եմ ասեք:

Jul 01 2012

Ծրագրի ուսուցողական գիրք

Alina.

Խնդրում եմ, եթե ինձ կարող եք ուղարկել 1C ծրագրի ուսուցողական գիրքը, անչափ շնորհակալ կլինեմ:

Jun 29 2012

Տրանսպորտային միջոցի վարձակալություն

ԳՈՀԱՐ.

ՍՊԸ-ն, որը անժամանակ դադարեցրել է իր աշխատանքային գործունեությունը, իրեն սեփականության իրավունքով պատկանող բեռնատար ավտոմեքենան տալիս է վարձակալության: Իրավունք ունի՞ արդյոք: Եթե այո, խնդրում եմ ուղարկեք վարձակալության պայմանագրի օրինակ gohzohrabyan շնիկ mail.ru էլ. հասցեին: Կանխավ շնորհակալություն:

Jun 29 2012

Վարսավիրական ծառայությունների մատուցում

Գայանե.

Բարև Ձեզ, ցանկանում եմ գրանցել ԱՁ և մատուցել վարսավիրական ծառայությոուններ, կցանկանայի իմանալ` ինչ քայլեր են անհրաժեշտ այն գրանցելու համար: Արդյո՞ք անհրաժեշտ է լիցենզիա, եթե վարսավիրանոցում մատուցելու են կոսմետոլոգիական ծառայություններ Գերմանիայից ներմուծված սարքավորումների միջոցով:

Jun 29 2012

Խոտան արտադրանքի դուրսգրում

Ս. Հ..

Հարգելի գործընկերներ, ընկերությունում կա խոտան պատրասրի արտադրանք, որը ընկերության արտադրածն է և խոտան է դարձել ժամանակի ընթացքում: Արտադրանքը սննդային է: Այժմ ընկերությունը պատրաստվում է ազատվել նշված արտադրանքներից: Ի՞նչ հարկային պարտավորություններ հնարավոր է առաջանան դրա կապակցությամբ, հատկապես ԱԱՀ-ի գծով: Եթե հնարավոր է, նաև ներկայացրեք այն հարկային կամ այլ հոդվածները, որը կառնչվի այս գործին: Կանխավ շնորհակալ եմ:

Jun 29 2012

Փոխառության վերադարձ հիմնադրին

Anna.

Հարգելի հաշվապահներ, հարցս հետրյալն է: Եթե հաշվարկայից հաշվից գումար է ելքագրվում և վերադարձվում հիմնադրին որպես անտոկոս փոխառության վերադարձ, ես այդ գումարը 252 հաշվից պե՞տք է ձևակերպեմ դրամարկղ 251 հաշվին, նոր ձևակերպեմ անտոկոս փախառության վերադարձ, թե՞ կարող եմ միանգամից 252 կրեդիտ 513 դեբետ: Եվ ո՞ր օրենքով է դա կարգավորվում: Հարցս շտապ է: Շնորհակալ կլինեմ բոլոր պատասխանների համար:

Jun 23 2012

Դադարեցված գործունեության վերսկսում

Lilit.

Բարև Ձեզ: Կարո՞ղ եք օգնել: Եթե կազմակերպությունը կամ ԱՁ-ն, որը իրականացնում է մանրածախ առևտուր, դադարեցրել է իր գործունությունը շուրջ 2 ամիս, սակայն անհրաժեշտություն է առաջանում նորից գործունեություն ծավալելու և իրականացնելու մեծածախ առևտուր, այս դեպքում ի՞նչ պետք է անել:

Jun 23 2012

Դեբիտորական պարտքի դուրսգրում

Աննա.

Ինչպե՞ս դուրս գրել անհուսալի դեբիտորական պարտքը: Ի՞նչ հաշվապահական ձևակերպումներ տալ, կանխավ շնորհակալություն:

Older posts «

» Newer posts