Category Archive: Այլ

Feb 03 2016

Կազմակերպությունը զբաղվում է բեռնափոխադրումներով

207

Արթուր.

Բարև ձեզ:

Ինձ անհրաժեշտ է հաշվապահական և հարկային տեղեկատվություն և խորհրդատվություն, թե միջազգային և միջշրջանային բեռնափոխադրում իրականացնելու համար ԱԱՀ-ով աշխատող ընկերություն է պետք բացել, թե՞ հաստատագրված վճարով, եթե.

1. Բեռնատար մեքենան սեփական է,
2. Բացվող ընկերությունը հանդիսանալու է միջնորդ բեռի տիրոջ և բեռնափոխադրում իրականացնողի միջև

Եթե հնարավոր է հանդիպել և ստանալ մանրամասն անհրաժեշտ և բավարար հաշվապահական և հարկային խորհրդատվությունը անմիջական բանավոր հարց ու պատասխանի միջոցով, ապա կոնտակտ թողեք, ես կկապվեմ Ձեզ հետ:

Շնորհակալություն:

Feb 03 2016

Կազմակերպության գործունեությունը ժամանակավոր դադարեցնելու ժամանակ

Քնարիկ.

Հարգելի հաշվապահներ, խնդրում եմ օգնեք. կազմակերպության գործունեությունը ժամանակավոր դադարեցնելու ժամանակ տնօրենին ազատու՞մ են:

Jan 25 2016

Ներմուծման հարկային հայտարարագրի լրացում

Lucy.

Կարո՞ղ եք օգնել ինձ ճիշտ լրացնել ներմուծման հարկային հայտարարագիր:

Jan 18 2016

Տուրիստական կազմակերպություն բացելու համար

Հասմիկ.

Բարև ձեզ, ես ուզում եմ բացել տուրիստական ֆիրմա և չգիտեմ` որտեղից սկսել: Խնդրում եմ ինձ հուշեք, եթե գիտեք, թե ինչ սիստեմայով է աշխատելու գործակալությունը: Ո՞ր օրենքներին է պետք ծանոթանալ:

Jan 18 2016

Եթե ՍՊԸ հիմնադրի հաշիվների վրա ԴԱՀԿ կալանք կա

Milena.

Բարև ձեզ:
Եթե ՍՊԸ հիմնադրի հաշիվների վրա ԴԱՀԿ կալանք կա, կալանքը տարածվու՞մ է ընկերության բանկային հաշվի վրա, եթե այն ընկերության տնօրենի անունով է: Այս դեպքում ինչպե՞ս հարկային պարտավորություն կատարի տնօրենը: Հարկավոր է լիազորել այլ անձի, ով մինչ ամսի 20-ը տնօրենի փոխարեն կվճարի հարկայինին գումարը: Ի՞նչ տարբերակ կառաջարկեք:

Jan 18 2016

Ընտանեկան ձեռնարկատիրությամբ զբաղվելու համար

Խնդրում եմ օգնեք իմանալ` Ընտանեկան ձեռնարկատիրություն գրանցվելու համար ի՞նչ է հարկավոր ունենալ, ի՞նչ է պետք անել և որտե՞ղ մոտենալ, նախապես շնորհակալություն:

Jan 11 2016

Տրանսպորտային միջոցը շահագործվում է ընկերության շահերի համար

Բարև ձեզ: Եթե տրանսպորտային միջոցը գլխավորապես` մոտ 80%, շահագործվում է ընկերության շահերն առաջ տանելու համար, արդյո՞ք ընկերությունը պետք է իր վրա վերցնի վառելիքի ողջ ծախսը և շահագործման հետ կապված բոլոր ծախսերը՝ այդ թվում` տարեկան ԱՊՊԱ-ի, տեխսպասարկման վճարի, վարորդի մեղավորությամբ ճանապարհատրանսպորտային պատահարների հետևանքով մեքենայի վրա առաջացած ծախսերը, և ցանկացած ընթացիկ, միջին և հիմնանորոգման հետ կապված ծախսեր:

Jan 08 2016

Ընկերությունը ունի գործառնական վարձակալությամբ հիմնական միջոց

Arsine.

Ընկերությունը աշխատում է ԱԱՀ-ով:
Ընկերությունը ունի գործառնական վարձակալությամբ հիմնական միջոց (մեքենաներ): Ըստ մեքենաների շահագործման պայմանագրի դրանց հիմնական վերանորոգումը կատարվում է Ընկերության կողմից: Մեքենայի արժեքը ըստ պայմանագրի կազմում է 2 000 000 ՀՀ դրամ: Հարցս հետևյալն է.

Եթե Ընկերությունը կատարել է օրինակ 600 000-ի ծախս, որից օրինակ 450 000-ը ավտոպահեստամասեր, իսկ 150 000-ը ծառայության գումար, ապա նշված 450 000-ից 200 000-ը (2 000 000 * 10% = 200 000, համաձայն 11.04.2000 N161 որոշման) հանդիսանում է ծախս, իսկ 250 000-ը հաշվառվում է առանձին 154 հաշվով` որպես “Ոչ ընթացիկ ակտիվներ հետաձգված ծախսերի գծով”, թե՞ ամբողջ 600 000-ն էլ հանդիսանում է ծախս:

Dec 28 2015

Փոխառության մարում

253

Արմեն.

Հարգելի գործընկերներ, արդյո՞ք կարելի է ֆիզ. անձից ստացված արտարժույթով փոխառությունը մարել ՀՀ դրամով:

Dec 21 2015

Ի՞նչ խնդիրներ կարող են առաջանալ կազմակերպության համար

Վարդան.

Բարև ձեզ, խնդրում եմ օգնեք ինձ մի քանի հարցում.
1. Ես հիմնադրել եմ ՍՊԸ և որպես տնօրեն եմ հանդես գալիս, բայց չունեմ պայմանագիր տնօրենի հետ:
2. ՍՊԸ հիմնել եմ 2015-01-12, բայց ոչ հարկայինում եմ գրանցվել, ոչ լիցենզիա եմ հանել որևէ ոլորտի, ոչ էլ որևէ բանկում բանկային հաշիվ կա բացված:
3.Ես անձնական խնդիրներ ունեմ հարկադիր կատարման մարմնի հետ, դա ինչ որ կերպ ազդեցություն կունենա՞ ՍՊԸ-ի հետ:

Ես հիմա ուզում եմ ակտիվացնել (այսինքն ստանալ լիցենզիա, գրանցվել հարկայինում…) ՍՊԸ-ն:
Խնդրում եմ, եթե հնարավոր է, կասե՞ք ինչ ազդեցություններ և տույժեր կարող են լինել, և իմ ԴԱՀԿ-ի հետ ունեցած խնդիրները ազդեցություն կունենա՞ն ՍՊԸ-ի վրա:
Կանխավ շնորհակալություն:

Dec 21 2015

Գործունեությունը դադարեցնելու համար

Բարև ձեզ, խնդրում եմ օգնեք:
Գրանցել եմ Ա/Ձ, որը գրանցման պահից գործունեություն չի ծավալել: Խնդրում եմ պատասխանեք, թե ինչ է անհրաժեշտ գործունեությունը դադարեցնելու համար:

Dec 03 2015

Ինչպե՞ս գրանցել իրավաբանական անձ պետ. ռեգիստրում

Ofelya Vahanyan.

Կարո՞ղ եք ինձ ասել, թե ինչպես իրավաբանական անձ գրանցեմ պետական ռեգիստրում (բլանկի ձևը):

Nov 09 2015

Կազմակերպության գործունեության դադարեցում

Margarita.

Բարև ձեզ, կասե՞ք` ինչքան ժամանակով կարող ենք սառեցնել կազմակերպությունը, և ինչպե՞ս է դա արվում: Խնդրում եմ շտապ պատասխանել:

Oct 30 2015

Վարչական պատասխանատվության վերաբերյալ

Մովսես.

Վարչական տուգանքից խուսափելու ինչ-որ հնարավորություն կա՞:

Oct 26 2015

Էլեկտրոնային կոմերցիա

Armanios.

Ինտերնետ խանութի գործունեություն, որը չի հանդիսանում ապրանք ներկրող արտահանող, քանի որ ապրանքը ֆիզիկապես ՀՀ-ում չի գտնվում, այլ ԱՄՆ-ում, և ապրանքները վաճառվում են ԱՄՆ-ի շուկայում: Պարզապես գործունեությունը կառավարվում է Հայաստանից, վճարումները նույնպես գալիս են դեպի Հայաստան: Տվյալ դեպքում ինչպիսի՞ ընկերության տեսակն է հարմար նման գործուներության համար, որպեսզի և հարկային դաշտում “հանգիստ աշխատենք”, և պարզապես ճիշտ ուղղու վրա դրվի:
Նախապես ասեմ, որ օրինական է պետք գործել, քանի որ վճարումներ ընդունելու միակ կարճ և ճիշտ տարբերակը օրինական գրանցված գործունեություն ունենալն է:

Շնորհակալ եմ:

Oct 21 2015

Քաղցրավենիքի արտադրություն և վաճառք

Ռուզաննա.

Բարև ձեզ:
Ցանկանում եմ զբաղվել քաղցրավենիքի արտադրությամբ և վաճառքով:
Խնդրում եմ օգնել ինձ հասկանալ.
1.ԱՁ բացելու անհրաժեշտությունը
2.Եթե անհրաժեշտ է, ապա ի՞նչ փաստաթղթեր են անհրաժեշտ այն բացելու համար
3.Խնդրում եմ տալ անհրաժեշտ տեղեկություն հարկերի և օրենքների վերաբերյալ
Կանխավ հայտնում եմ շնորհակալությունս:
Խնդրում եմ պատասխանել, և եթե հնարավոր է` e-mail հասցեով ուղարկել փաստաթղթեր` կապված պատասխանի հետ:

Oct 21 2015

Կազմակերպությունը ունի ձեռքբերած ապրանքներ, որոնց ծամկետն անցել է

Arsine.

Հարգելի հաշվապահներ, խնդրում եմ օգնեք.
ՍՊԸ աշխատում է ԱԱՀ դաշտում: Ունի ձեռքբերած ապրանքներ, որոնց ծամկետն անցել է, և պիտանի չեն: Ինչպե՞ս վարվել.

1. Կատարել գույքագրում և կազմել արձանագրություն փչացած ապրանքի վերաբերյալ
2. Փչացած ապրանքի գույքագրմանը արդյո՞ք պարտադիր է Հարկային մարմնի աշխատակցի ներկայությունը
3. Իսկ այդ փչացած ապրանքը շահութահարկի հաշվարկման ժամանակ հանդիսանու՞մ է որպես ծախս, նվազեցվում է համախառն եկամտից, թե՞ ոչ:

Կանխավ շնորհակալություն:

Oct 14 2015

Օգտագործված գյուղտեխնիկայի ներմուծում

ЗОР.

Կպատասխանե՞ք մեկ հարցի: Օգտագործված գյուղտեխնիկայի ներկրման դեպքում մաքսազերծումը ինչպե՞ս է կազմակերպվում:

Oct 14 2015

Ի՞նչ տարբերություն կա առևտրական և առևտրային կազմակերպությունների միջև

vardanlalazaryan.

Բարև ձեզ։ Խնդրում եմ ասել` ի՞նչ տարբերություն կա առևտրական և առևտրային կազմակերպությունների միջև:

Oct 14 2015

Ակտիվների և պարտավորությունների գույքագրում

Արաքսյա.

Խնդրում եմ ասեք` կազմակերպության ակտիվների և պարտավորությունների գույքագրմանը ի՞նչ գործընթաց է հետևում, և որտեղի՞ց կարող եմ օգտվել:

Oct 07 2015

Նորաբաց խանութում տեղադրվելու է ՊՈՍ տերմինալ

251

Արմեն.

Հարգելի գործընկերներ, նորաբաց խանութում բացի ՀԴՄ տեղադրվելու է նաև ՊՈՍ տերմինալ` բանկային քարտերով առևտուր իրականացնելու համար: Արդյո՞ք նման գործարքների ժամանակ պետք է տրամադրել ՀԴՄ կտրոն:

Sep 15 2015

Գնումների համակարգողի որակավորման քննություններ

Naira.

Խնդրում եմ khachatryan.nara շնիկ gmail.com էլեկտրոնային հասցին ուղարկել գնումների համակարգողի որակավորման քննությունների թեստային աշխատանքի ճիշտ պատասխանները: Կանխավ շնորհակալություն:

Sep 10 2015

Կազմակերպության իրավաբանական հասցեի փոփոխություն

Կարինե.

Բարև ձեզ, հարգելի գործընկերներ: Կխնդրեի նշել, թե ինչ փաստաթղթեր են անհրաժեշտ ՍՊԸ-ի իրավաբանական հասցեի փոփոխության համար, և որտեղի՞ց կարող եմ վերցնել նմուշային ձևերը:

Նախապես շնորհակալ եմ:

Aug 15 2015

Փչացած սննդամթերքի փոխհատուցում

230

Մարգարիտա.

Հարգելի հաշվապահներ, խնդրում եմ օգնել:
ՍՊԸ-ն զբաղվում է սննդամթերքի ներմուծմամբ: Ներմուծումից 10 օր անց պարզվել է, որ ապրանքը փչացած է: Արտահանող ընկերությունը որոշել է փոխհատուցում կատարել և նվիրաբերել (անվճար տրամադրել վերընշված ՍՊԸ-ին նույն քանակությամբ մթերք) սննդամթերքը:

Հարց. ինչպե՞ս կարելի է ձևակերպել տվյալ գործարքը հարկայինին ներկայացնելու համար: Կարելի՞ է արդյոք ձևակերպել որպես նվիրատվություն:

Կանխավ շնորհակալություն:

Aug 09 2015

Մատակարարվող ապրանքի նշանակման վայրի նշումը հաշվի մեջ

228

Nshan4.

Կարո՞ղ է որևէ մի ընկերությանը մատակարարվող ապրանքի նշանակման վայրը նշվել այնպիսի հասցե, որի հետ ապրանքը ստացող ընկերությունը իրավական կապ չունի, և հաջորդ հարցս` եթե ամեն դեպքում վերը նկարագրված գործողությունը տեղի է ունեցել, ապա ի՞նչ խնդիրներ կարող են ի հայտ գալ հետագայում:

Jul 30 2015

Արդյո՞ք նման գործունեության դեպքում անհրաժեշտ է ՀԴՄ

226

Arsine.

ՍՊԸ-ն զբաղվում է զբոսաշրջային գործունեությամբ: Հանդիսանում է որպես գործակալ: Ձեռք է բերել նոր սերնդի հսկիչ դրամարկղային մեքենա: Հարցս հետևյալն է.
Արդյո՞ք նման գործունեության դեպքում անհրաժեշտ էր ՀԴՄ:

Jul 23 2015

Փոխառության վերադարձ

Մարգարիտա.

Բարև ձեզ, կասե՞ք` եթե հիմնադիրը կազմակերպությանը փոխառություն է տվել պայմանագրով, հիմա պետք է հետ վերադարձնենք, պե՞տք է փոխառության հետ վերադարձի պայմանագիր կնքենք: Եթե ոչ, ապա ինչպե՞ս է արվում:

Jul 23 2015

Ի՞նչ է հարկավոր ավիակասսա բացելու համար

Սարգսյան.

Խնդրում եմ պատասխանել հարցիս. ի՞նչ է հարկավոր ավիակասսա բացելու համար, ի՞նչ պաստաթղթեր և ու՞մ հետ է պետք համագործակցել, կա՞ նման կազմակերպություն, ումից կարելի է վերավաճառել: Ու՞ր դիմել: Նախապես շնորհակալություն:

Jul 21 2015

Որակավորման քննությունների խնդիրներ

Vic.

Հարգելի գործընկերներ,

Շատ եմ խնդրում ինձ տրամադրել տեղեկություններ ՀՀ Ֆինանսների նախարարության կողմից անցկացվող Հաշվապահների որակավորման քննության մեջ ներառված խնդիրների վերաբերյալ:

Եթե Ձեզ մոտ առկա են այդ խնդիրները կամ դրանց օրինակները, խնդրում եմ կիսվել` ուղարկելով դրանք նշված էլ. փոստի հասցեին lavrenov_vic շնիկ mail.ru

Խոստանում եմ լավության տակ չմնալ:

Կանխավ շնորհակալություն:

Jul 09 2015

Դրամարկղում դրամային մնացորդ չլինելու դեպքում

Արմեն.

Դրամարկղում դրամային մնացորդ չլինելու դեպքում ինչպիսի՞ պատասխանատվություն է սահմանված, և եթե կա այդպիսի օրենք, խնդրում եմ նշել աղբյուրը:

Jun 24 2015

Արդյո՞ք պարտադիր է հարկային հաշիվների էլեկտրոնային վավերացումը

Լյուդմիլա.

Հարգելի հաշվապահներ, խնդրում եմ օգնեք հետևյալ հարցում, շտապ է: Աշխատում եմ ԱԱՀ-ի 0 ական դրույքաչափով, հարկային հաշիվները ստանում եմ էլէկտրոնային, բայց երբեք էլէկտրոնային չեմ վավերացրել հարկային հաշիվները, հիմա 2015 հունվարից օրենքը փոխվել է, ու պարտադիր պետք է էլէկտրոնային վավերացնել ԱԱՀ-ն հաշվանցելու համար, ես հաշվանցում չեմ անում, բայց դիմում եմ գրում հետ վերադաձնելու համար:
ՀԱՐՑ. արդյո՞ք պարտադիր է հարկային հաշիվների էլեկտրոնային վավերացումը:

Jun 22 2015

Ա/Ձ ցանկանում է աշխատել որպես համակարգչային ծառայություններ մատուցող

Norayr.

Հարգելի հաշվապահներ, խnդրում եմ օգնեք մի հարցում. Ա/Ձ ցանկանում է աշխատել որպես համակարգչային ծառայություններ մատուցող (վերանորոգում, սպասարկում և այլն) հիմնականում կազմակերպությունների հետ փոխանցումով: Իրավունք ունե՞մ ՀԴՄ չունենալու, և այդ դեպքում Ֆիզ. անձանց հետ կանխիկ գործառույթներ իրականացնելու իրավունք ունե՞մ:

Jun 21 2015

Կա՞ որևէ սահմանափակում շահաբաժինները արտարժութային հաշվից վճարելու համար

Տնօրեն.

Բարև բոլորին:

ՀՀ ռեզիդենտ ՍՊԸ-ն ունի արտարժութային հաշիվ: ՍՊԸ հիմնադիրները ՀՀ քաղաքացիներ են:
Կա՞ որևէ սահմանափակում շահաբաժինները արտարժութային հաշվից նրանց արտարժութային հաշիվներին անկանխիկ վճարման համար: Հասկանալի է, որ շահաբաժինը հաշվարկվում է ՀՀ դրամով և արտարժույթով վճարումը կատարվում է տվյալ օրվա համար ՀՀ ԿԲ սահմանած փոխարժեքով:

Շնորհակալություն:

Jun 03 2015

Ո՞ր փոխարժեքով պետք է հաշվարկվի ինքնարժեքը

244

Nelly.

Բարև ձեզ, հարգելի գործընկերներ: Շատ շնորհակալ կլինեմ, եթե պատասխանեք հետևյալ հարցիս. ո՞ր փոխարժեքով պետք է հաշվարկվի ինքնարժեքը, եթե ներմուծումը կատարվել է FCA պայմանով, և ապրանքի դիմաց ամբողջ գումարի չափով կատարվել է կանխավճար: Կխնդրեի նաև նշել համապատասխան իրավական ակտը:

Jun 01 2015

Նոր սերնդի ՀԴՄ համար ավել վճարված գումարի վերադարձ

226

Narek.

Բարև ձեզ: Խնդրում եմ պատասխանել. մենք 2013թ. նոյեմբերին ձեռք ենք բերել նոր սերնդի ՀԴՄ 370 000 դրամով, իսկ 2014թ. հայտարարվեց, որ 58,350 հազարը չգերազանցող կազմակերպությունների համար ՀԴՄ արժե 150 000 դրամ ու պետք է ավել վճարված գումարը վերադարձվի: Հաշվապահը ասում է, որ մեկ տարուց ավել է դիմում է գրել գումարի վերադարձի համար, բայց դեռ չեն վերադարձրել: Ինչպե՞ս կարող եմ ստուգել:

Jun 01 2015

Հաշվապահական ծրագրի ուսումնական տարբերակ

Hasmik.

Բարև ձեզ: Որտեղի՞ց կարող եմ բեռնել 1C 8.2-ի ուսումնական տարբերակը:

May 26 2015

Եթե կազմակերպությունը կանխիկ ապրանք է վաճառում կամ ծառայություն է մատուցում այլ կազմակերպությանը

Հարություն.

Հարգելի կոլեգաներ, հարցս բազմիցս քննարկվել է, սակայն կցանկանայի վստահության համար լսել կարծիքներ: Եթե կազմակերպությունը կանխիկ ապրանք է վաճառում կամ ծառայություն է մատուցում այլ կազմակերպությանը, արդյո՞ք պետք է ՀԴՄ կտրոն տպել, թե՞ կարելի է դրամարկղի մուտքի օրդեր տրամադրել: Շնորհակալություն:

May 19 2015

Արդյո՞ք կազմակերպությունը իրավունք ունի հարկային հաշիվ դուրս գրելու

Arsine.

Հարգելի հաշվապահներ,
Կազմակերպությունը աշխատում է ԱԱՀ դաշտում: Արդյո՞ք կազմակերպությունը իրավունք ունի Քրեակատարողական հիմնարկին (բանտ) ապրանք մատկարարել և դուրս գրել հարկային հաշիվ:

Կանխավ շնորհակալություն:

May 19 2015

Արդյո՞ք իրերը ենթակա են մաքսազերծման

Վարդան.

Բարև: Ես ցանկանում եմ հագուստ ներմուծեմ ինձ հետ ՀՀ, իմ և ընտանիքիս անձնական իրերն են, քաշը մոտավորապես 100կգ: Կցանկանաի իմանալ` մաքսազերծման ենթակա՞ է:

May 19 2015

Գնումների որակավորման հարցաշարի ճիշտ պատասխաններ

Ani.

Եթե ունեք գնումների որակավորման հարցաշարի ճիշտ պատասխանները, խնդրում եմ, ուղարկեք այս հասցեին՝ ap.sokolova շնիկ mail.ru: Կանխավ շնորհակալություն:

May 15 2015

Ո՞րն է հիմնադիրների շահաբաժինը

Լուսինե.

Բարև ձեզ, սիրելի հաշվապահներ: Խնդրում եմ պատասխանել հետևյալ հարցիս` արդյո՞ք հիմնադիրների շահաբաժինը = հարկվող շահույթ – շահութահարկ: Կանխավ շնորհակալություն:

Apr 29 2015

Շրջանառության հարկ վճարող համարվելու համար դիմում

Վարդան.

Ա/Ձ գրանցվելուց հետո մոտ 2 ամիս անց մոտեցել եմ հարկային և ներկայացրել դիմում շրջանառության հարկ վճարող համարվելու համար, սակայն դիմումս բանավոր մերժում են` ասելով, իբր ինձ ուղարկվել է պատվիրակած նամակ այն մասին, որ պետք է դիմում ներկայացնեի 9 աշխատանքային օրվա ընթացքում: Նման նամակ ես չեմ ստացել, և փոստում էլ նշում են, որ նման նամակ չի եկել իմ անունով:

Հարկային հաշվառման վերցնելու և հարկային հաշվառումից հանելու մասին ՀՀ Օրենքում ընդհանրապես ոչ մի բան չգտա նախ դիմում գրելու անհրաժեշտության մասին, այսպես կոչված 9 աշխատանքային օրվա մասին:

Հարցերսս հետևյալներն են. արդյո՞ք իրավունք ունեն բանավոր մերժեն դիմումս և որո՞նք են մերժման հիմքերը: Եթե ես չեմ ստացել նամակ, ինչու՞ պետք է դիմումս մերժվի: Ու՞մ կարող եմ դիմել նման հարցով, ինչպես նաև հետագա շրջանառության հարկի հաշվարկի հետ կապված: Կանխավ շնորհակալ եմ:

Apr 29 2015

Նոր հաշվապահական ծրագիր

hamrich

Ruben.

Հարգելի գործընկերներ,

Դեռ ուսանող տարիներից ընկերներով ցանկանում ենք ստեղծել նոր, հարմարավետ, ճկուն հաշվապահական, ինչպես նաև կազմակերպության այլ բիզնես գործընթացները ավտոմատացնող ծրագիր:

Այդ նպատակը կարծես թե մոտ է մեկնարկին (թու֊թու, չար մարդու աչքը ծակի :)) և որպեսզի կարողանանք պլանավորել այդ ապագա ծրագրի գործառույթներն ու հնարավորությունները, խնդրում եմ տեղեկացնել Ձեր կողմից օգտագործվող ծրագրերի թերությունները, ինչպես նաև այն բոլոր հատկությունները (որքան էլ ֆանտաստիկ դրանք չլինեն), որոնք կուզենայիք տեսնել նման ծրագրում:

Կանխավ շնորհակալություն:

Հ․Գ․ Ամենաշատ մեկնաբանություններ տվող գործընկերները իրավունք կստանան օգտվել այս ծրագրից անվճար:

Apr 29 2015

Փետրվար ամսին ՀԴՄ-ն փոխվել է, իսկ մարտին ավելացել է ևս մեկ ՀԴՄ

Աննա.

Բարև ձեզ: Խնդրում եմ օգնեք` եթե փետրվար ամսին ՀԴՄ-ն փոխվել է, իսկ մարտին ավելացել է ևս մեկ ՀԴՄ, հիմա շրջանառության հարկի հաշվարկի ժամանակ ՀԴՄ-եր դաշտում ավտոմատ բերում է միայն նախկին ՀԴՄ-ն, չեմ կարողանում ոչ ավելացնեմ նորը, ոչ էլ երկրորդը: Նոր ՀԴՄ-ները գրանցված են` մեկը 23.01.2015, մյուսը 12.02.2015:

Apr 22 2015

Ինչպե՞ս տպել ՀԴՄ կտրոնը

Արման.

Հարգելի գործընկերներ, արդյո՞ք հանրային սննդի օբյեկտը, որի համար պարտադիր է ՀԴՄ-ի կտրոնի վրա անվանացանկի տպելը, կարող է ՀԴՄ կտրոն տրամադրել` “Հանրային սնունդ” տպելով դրա վրա, թե՞ պետք է պարտադիր գրել, թե ինչ է վերցրել հաճախորդը` ճաշատեսակի անվանումով և այլն: Շնորհակալություն:

Apr 22 2015

Որքա՞ն է առհաշիվ գումարի առավելագույն չափը

Արմեն.

Դրամարկղից առհաշիվ անձին միանվագ գումար տրամադրելիս որքա՞ն պետք է կազմի դրա առավելագույն չափը:

Apr 13 2015

Արդյո՞ք ժամկետներ կան ՀԴՄ տեղադրելու հետ կապված

Սեդա.

Հարգելի հաշվապահներ, 27․03․2015թ․ պետ. ռեգիստրում գրանցվել եմ որպես Ա/Ձ, գործունեության ոլորտը` հանրային սնունդ: Հարցս այսպիսին է` արդյո՞ք ժամկետներ կան ՀԴՄ տեղադրելու հետ կապված, ասեմ, որ դեռ չեմ աշխատում, քանի որ դեռ վարձակալության պայմանագիրը չեմ կնքել:

Apr 10 2015

Որպես հաշվետար աշխատելու համար

Ծաղիկ.

Բարև ձեզ: Ես մասնագիտությամբ հաշվապահ չեմ, սակայն ցանկանում եմ որպես հաշվետար աշխատել: Ւ՞նչ է հարկավոր դրա համար: Եթե հաշվետար աշխատակից ինձ օգնի, շատ շնորհակալ կլինեմ:

Apr 10 2015

Ա/Ձ գրանցված է Շուշիում

Մելքոնյան.

Բարև ձեզ, խնդրում եմ պատասխանել իմ հարցին, եթե Ա/Ձ գրանցված է Շուշիում, իսկ գործունեության հասցեն` Երևանում, ապա պե՞տք է գրվի միմիայն հատուկ հաշիվ:

Apr 08 2015

Որքա՞ն է ՀԴՄ – ի ամորտիզացիոն ժամկետը

226

Arsine.

Հարգելի հաշվապահներ,
ՍՊԸ-ն 2014թ-ի հոկտեմբերին ձեռք է բերել նոր սերնդի ՀԴՄ 60 000 դրամով: Արդյո՞ք այն հանդիսանում է հիմնական միջոց: Եթե այո, ապա որքա՞ն է դրա ամորտիզացիոն ժամկետը:

Կանխավ շնորհակալություն:

Older posts «

» Newer posts