Category Archive: Այլ

Feb 10 2015

Կազմակերպությունը ձեռք է բերել ապրանք առանց փաստաթղթի

Լևոն.

Հարգելի հաշվապահներ,
կազմակերպությունը (ՍՊԸ), որն աշխատում է շրջանառության հարկով, ձեռք է բերել ապրանք առանց փաստաթղթի: Կնխդրեի ասել հետագա քայլերը: Մասնավորապես` վճարվելիք եկամտային հարկի չափի, ներկայացվելիք հաշվետվության, ինչպես նաև ֆինանսների նախարարի 2014 թվականի թիվ 639 հրամանի համաձայն արդյո՞ք կազմակերպությունը պետք է ներկայացնի հայտարարագիր:

Կանխավ շնորհակալություն:

Feb 09 2015

Գեղեցկության սրահի հաշվապահական հաշվառում

Արփի.

Բարև: Սկսնակ հաշվապահ եմ, ուզում եմ վարել գեղեցկության սրահի հաշվապահություն: Խնդրում եմ ասեք` ինչպե՞ս կարող եմ վարել կամ ինտերնետում որտե՞ղ կարող եմ գտնել օգտակար ինֆորմացիա: Շնորհակալություն:

Feb 05 2015

Արդյո՞ք կազմակերպության ղեկավարը կարող է կատարել գանձապահի գործառնությունները

Լևոն.

Արդյո՞ք կազմակերպության (ՍՊԸ) ղեկավարը կարող է կատարել գանձապահի գործառնությունները, եթե կազմակերպությունն ունի մեկ աշխատակից (ղեկավարը):

Feb 05 2015

Բուսական թեյի արտադրություն սկսելու համար

Արսեն.

Բարև ձեզ: Բուսական թեյի արտադրություն սկսելու համար ի՞նչ պարտադիր թղթեր են պետք (լիցենզավորում, սանէպիդկայան, որակի սերտիֆիկատ, շտրիխ կոդ և այլն), խնդրում եմ օգնեք:

Feb 05 2015

Բյուջետային հիմարկների հաշվապահական հաշվային պլան

Hasmik.

Ողջույն, ինձ անհրաժեշտ է բյուջետային հիմարկների հաշվապահական հաշվային պլանը:

Feb 05 2015

Արդյո՞ք գումարը կարող է համարվել առհաշիվ գումար

Կարեն.

Բարև ձեզ։
Խնդրում եմ պատասխանել, թե բանկային փոխանցումով գումարը համարվու՞մ է առհաշիվ գումար:

Շնորհակալություն:

Feb 04 2015

Արդյո՞ք լիցենզիայի ներդիրները կկորցնեն իրենց ուժը

Taron.

Եթե լիցենզավորված ՍՊԸ-ն աշխատողներին աշխատանքից ազատում է, իսկ այդ աշխատողների անունով լիցենզիայի ներդիրներ ունի, այդ ներդիրները կորցնու՞մ են իրենց ուժը, թե՞ ոչ: Իսկ եթե որոշ ժամանակ անց նույն աշխատողներին նորից վերականգնեն աշխատանքի, այդ ներդիրները կգործե՞ն, թե՞ ոչ:

Feb 01 2015

Երկարաժամկետ անտոկոս փոխառության ձևակերպում

222

Սյուզաննա.

Բարև ձեզ:
Հարգելի կոլեգաներ, մի կազմակերպության հաշվապահություն եմ ընդունում, որտեղ 2006թ-ից 4 000 000 ներդրում է եղել դրամարկղով և մինչև օրս չի վերադարձվել: Կարո՞ղ եմ երկարաժամկետ անտոկոս փոխառություն ձևակերպեմ 15 տարով, որ կարողանամ ետ վերադարձ անեմ: Կանխավ շնորհակալություն:

Jan 30 2015

Չբաշխված շահույթի վճարում դրամարկղից

Adriana.

Բարև ձեզ: Կարո՞ղ եմ անցած տարվա չբաշխված շահույթը վճարել դրամարկղից (խոսքը մեծ գումարի մասին է):

Jan 27 2015

Ո՞ր օրվա փոխարժեքը հիմք վերցնել

104

Արթուր.

Ընկերությունը զբաղվում է ներմուծմամբ: Ներմուծված ապրանքի invoice-ի ամսաթիվը մոտ 10-15 օրով հետ է մաքսային հայտարարագրի ամսաթվից, բնականաբար տարբեր օրերի կենտրոնական բանկի փոխարժեքներն էլ են տարբեր, ո՞ր ամսաթվի դրությամբ պետք է ապրանքի դոլարային գինը դրամ դարձնել, որպեսզի ինքնարժեք ստանալ: Ու նաև այդ ապրանքը ներկրվում է 3-րդ պետությունից պատվիրված տրանսպորտային ընկերության կողմից, որն էլ իր հերթին է տալիս invoice այլ ամսաթվով, $-ով: Այդ ծախսը ո՞ր ամսաթվի դրությամբ պետք է դրամի վերածել ինքնարժեք ստանալու համար: Շատ շնորհակալ կլինեմ, եթե պատասխանելիս նշեք օրենքը, որով կարգավորվում են նշածս հարցերը:

Jan 23 2015

Կազմակերպությունը հարկային հաշիվ է դուրս գրել գործունեությունը դադարեցրած ԱՁ-ի անունով

Arsine.

ՍՊԸ զբաղվում է մեծածախ առևտրով և աշխատում է ԱԱՀ դաշտում: Հունվարին X խանութին տվել է ապրանք և դուրս է գրվել հարկային հաշիվ: Սակայն օրեր անց պարզվել է, որ այդ խանութը հունվարից գործում է այլ ԱՁ-ի անվամբ, իսկ նախկին ԱՁ-ն գործունեությունը դադարեցրել է, որի մասին խանութը նախապես չէր տեղեկացրել: Նշեմ նաև, որ արդեն իսկ դուրս գրված հարկային հաշվի հիմքով կատարվել է վճարում: Ինչպե՞ս կարող եմ վարվել նման պարագայում: Եթե դուրս գրված հաշիվը անվավեր ճանաչեմ, ապա ի՞նչ կլինի կատարված վճարման հետ:

Կանխավ շնորհակալություն:

Jan 21 2015

Ի՞նչ կարժենա մաքսազերծումը

Արտակ.

Պատրաստվում եմ Չինաստանից ներմուծել մոտոբլոկ գյուղատնտեսական նպատակով, գինը $1 400, ծանրոցի քաշը` 145կգ: Ի՞նչ կարժենա մաքսազերծումը և արդյո՞ք պետք է մաքսազերծել:

Jan 16 2015

Քանի՞ աշխատանքային օր ունեն ամիսները

Լուսինե.

Բարև ձեզ:
Խնդրում եմ 5-օրյա աշխատանքային գրաֆիկով տարեկան կտրվածքով ասել` յուրաքանչյուր ամիս քանի՞ օր է գալիս աշխատանքային: Կանխավ շնորհակալ եմ:

Jan 14 2015

Կազմակերպության հիմնական միջոցների մաշվածության գումարը մեծ թիվ է

Լուսինե.

Հարգելի հաշվապահներ, խնդրում եմ ինձ օգնեք: Կազմակերպության հիմնական միջոցների մաշվածության գումարը մեծ թիվ է իրենից ներկայացնում, և եթե այն վերագրում ենք ծախսերին, ապա ստացվում է, որ կազմակերպությունը աշխատել է վնասով, բայց իրականում դա այդպես չէ: Ինչպիսի՞ լուծում կարելի է տալ այս հարցին: Կանխավ շնորհակալություն:

Dec 25 2014

Կազմակերպությունը փետրվարին պլանավորում է դադարեցնել գործունեությունը

Գագիկ.

Հարգելի գործընկերներ, մեր կազմակերպությունը պետք է նոր սերնդի ՀԴՄ տեղադրի 2015թ. հունվարի 1-ից, սակայն փետրվարին պլանավորում է դադարեցնել գործունեությունը: Ինչպե՞ս վարվել: Միթե 1 ամսվա համար պետք է պարտադիր գնենք այդ ՀԴՄ: Շնորհակալություն:

Dec 25 2014

Ճիշտ է որպես ԱՁ գրանցվել, թե՞ կազմակերպություն հիմնադրել

Karine.

Բարև ձեզ: Խնդրում եմ օգնեք` ճիշտ որոշում կայացնեմ: Ես պետք է ուրիշի հանձնարարությամբ տարբեր աշխատանքներ կատարեմ (կոմունալների վճարում, տարածքի մաքրման համար աշխատողների տրամադրում և այլ բազմաբնույթ աշխատանքներ): Ճիշտ է ԱՁ գրանցվեմ, թե ՍՊԸ: Ուղղակի տվյալ ֆիրման, որը ինձ հանձնարարություններ է տալու, ուզում է անպայման գրանցված ֆիրմայի հետ աշխատել: Կանխավ շնորհակալություն: Խնդրում եմ, եթե հնարավոր է, շուտ արձագանքել հարցիս:

Dec 23 2014

Ինչպե՞ս կատարել գրառումը դրամարկղային գրքում

Armin.

Խնդրում եմ պատասխանել. դեկտեմբերի 5-ին առհաշիվ գումար է տրամադրվել հաշվետու անձին և կատարվել են համապատասխան գործընթացները: Հարցս հետևյալն է. դրամարկղի գրքի վերևում նշելում եմ 1-31-ը, թե 5-31-ը, այսինքն երբ կատարվել է առաջին գործարքը: Ոչ մի տեղ չեմ կարող գտնել դրա պատասխանը:

Dec 16 2014

Արդյո՞ք կազմակերպությունը կարող է վճարել միջանկյալ շահաբաժիններ

218

Erik.

Բարև ձեզ:
Կարո՞ղ եք պատասխանել հետևյալ հարցին.
Եթե կազմակերպությունը գործունեության 6 ամսվա կտրվածքով շահույթ չունի, սակայն կանխատեսվում է, որ տարին շահույթով է փակելու, այդ դեպքում 6 ամսվա ընթացքում միջանկյալ շահաբաժին կարո՞ղ է վճարել, թե՞ ոչ, թե՞ այդ ընթացքում անձնական նպատակով հանված գումարը ձևակերպվում է դեբիտորական պարտավորություն, այլ ոչ թե միջանկյալ շահաբաժին: Եթե շահույթ չկա, կարո՞ղ է վճարվել միջանկյալ շահաբաժին, թե՞ ոչ:

Dec 16 2014

Գործունեության դադարեցման էլեկտրոնային դիմում

Մհեր.

Բարև ձեզ: Ես ցանկանում եմ ժամանակավոր դադարեցնել ՍՊԸ գործունեությունը: Փորձում եմ լրացնել դիմում (59. ԴԻՄՈՒՄ-ՀԱՅՏԱՐԱՐՈՒԹՅՈՒՆ՝ Հաստատագրված վճար վճարողի գործունեության ժամանակավոր դադարեցման վերաբերյալ), բայց համար 3 դաշտը (Գործունեության տեսակը) միշտ դատարկ է մնում: Այդ դաշտում ոչ կարող եմ գրել, ոչ էլ ունեմ տարբերակներ, որ նրանից մեկը զատեմ: Այս ձևով չեմ կարողանում լրացնել դիմումը, միշտ ասում է` “Դաշտը չի կարող լինել դատարկ”: Խնդրում եմ հուշել` ինչպես վարվեմ: Նախապես շնորհակալ եմ:

Dec 12 2014

Ի՞նչ հերթական քայլեր է անհրաժեշտ կատարել ՍՊԸ լուծարելու համար

Angela.

Հարգելի գործընկեր, խնդրում եմ բացատրել, թե ՍՊԸ-ն լուծարելու համար ինչ հերթական քայլեր են պետք կատարել: 2014թ. նոյեմբերի 1-ի դրությամբ բոլոր աշխատողները ազատված են աշխատանքից, բացի տնօրենից:

Dec 12 2014

Կրկնակի հարկման բացառման վերաբերյալ

Susanna.

Խնդրում եմ տալ կրկնակի հարկման բացառման մասին տեղեկատվություն, ոչ մի կերպ չեմ կարողանում գտնել: Շնորհակալություն:

Dec 08 2014

Արդյո՞ք անհրաժեշտ է լիցենզիա

Artyom.

Նոր գրանցված ԱՁ եմ: Ցանկանում եմ զբաղվել ջեռուցման կաթսաների, նրանց այրիչների վերանորոգումով և կարգաբերումով: Արդյո՞ք անհրաժեշտ պայման է ունենալ լիցենզիա այդ գործունեությամբ զբաղվելու համար:

Dec 08 2014

Տնօրենը ՍՊԸ-ին անտոկոս կարճաժամկետ փոխառություն է տվել

Հեղինե.

ՍՊԸ-ի տնօրենը ՍՊԸ-ին անտոկոս կարճաժամկետ փոխառություն է տվել: Ի՞նչ թղթակցող հաշիվներով ներկայացնել մուտքը դրամարկղ և ելքը դրամարկղից` վերադարձնելու ժամանակ: Նախապես շնորհակալություն:

Dec 03 2014

Կազմակերպությունը աշխատում է շրջանառության հարկով

Մարգարիտա.

Բարև ձեզ, մեր կազմակերպությունը ՍՊԸ է, աշխատում է շրջանառության հարկով, ինձ անհրաժեշտ է հաշվապահի օգնությունը փաստաթղթերի հետ կապված ճշտումներ անելու համար (իհարկե վճարովի):

Dec 01 2014

ՍՊԸ-ն զբաղվում է պահեստամասերի վաճառքով

212

Արմեն.

Խնդրում եմ օգնել:

ՍՊԸ-ն զբաղվում է պահեստամասերի վաճառքով և միաժամանակ տեղադրում է այդ պահեստամասերը սարքավորումների վրա:

Հարց.
-Ինչպե՞ս գրանցել գործարքը, եթե վաճառել ենք պահեստամաս և տեղադրել ենք այն, վաճառք և ծառայություն:
-Կարո՞ղ ենք արդյոք ընդհանուր գւմարը մեկ ՀԴՄ կտրոնով ստանալ
-Հաշվետվության ժամանակ ինչպե՞ս տարանջատենք ծառայությունը առևտրից
-Պե՞տք է արդյոք ՀԴՄ-ի մեջ բացել առանձին բաժին ծառայություններ համար
Աշխատում են շրջանառության հարկով: Շնորհակալություն:

Nov 24 2014

Ի՞նչ տվյալներ պետք է փակցնել կազմակերպության մուտքի մոտ

Մարգարիտա.

Հարգելի կոլեգաներ, կազմակերպության մուտքին պետք է ամպայման նշված լինի կազմակերպության անունը, և էլ ուրիշ ի՞նչ պիտի լրացվի, եթե նման օրինակելի ձև ունեք, խնդրում եմ ուղարկեք:

Nov 24 2014

Չաշխատող մայրերին երեխայի խնամքի նպաստ վճարվու՞մ է

Ժաննա.

Բարև ձեզ, խնդրում եմ պատասխանեք` չաշխատող մայրերին երեխայի խնամքի նպաստ վճարվու՞մ է, թե՞ ոչ:

Nov 17 2014

Գնումների համակարգողի որակավորման քննություններ

Naira.

Խնդրում եմ ասեք, թե որ իրավական ակտով է սահմանվում Գնումների համակարգողի որակավորման քննություններին դիմելու կարգը: Կանխավ շնորհակալություն:

Nov 12 2014

Ո՞ր օրվա փոխարժեքով հաշվառել ներմուծումը

208

Lilit.

Հարգելի հաշվապահներ, խնդրում եմ պատասխանեք այս հարցին.

Ներմուծման դեպքում (ԱԱՀ – օրենքով) արտարժույթով գնված ապրանքների փոխարժեքը պետք է հաշվառվի մաքսային հայտարարագրի օրվա դրությամբ, թե՞ գործարքի իրականացման ամսաթվով: Կանխավ շնորհակալություն:

Nov 10 2014

Ինչպե՞ս է փայատերը ստանում իր շահաբաժինը

Lusine.

Հարգելի հաշվապահներ, խնդրում եմ օգնել ինձ հետևյալ հարցում՝ մեր ՍՊԸ-ի տնօրենը նաև հիմնադիր է և համարվում է 100% փայատեր, բայց փայը ինչպե՞ս պետք է վերցնի և ի՞նչ ձևակերպումներով: Ես կարծում եմ, որ պետք է տրվեն հետևյալ ձևակերպումները.
331-343 նախորդ տարին փակել ենք շահույթով
343-342 շահույթի տեղափոխումը այս տարի
342-529 պահուստային կապիտալից շահաբաժնի վճարում
529-251 շահաբաժնի վճարում դրամարկղից

Nov 03 2014

Ո՞ր հասցեն նշել որպես գործունեության հասցե

Armen.

Բարև: Խնդրում եմ խորհուրդ տալ: Որոշել եմ զբաղվել մեքենաների ու տարածքների հոտոզերծմամբ ու արոմատիզացիայով: Անհրաժեշտ սարքը դյուրակիր է, ծառայությունը կարելի է մատուցել և պատվիրատուի մոտ, և իմ ավտոտնակի մոտ: Իմ ավտոտնակից ընդհամենը պահանջվում է հոսանքի կետ: Հարց.

Ո՞ր հարկային դաշտում է հարմար աշխատել, և ձեռնարկություն բացելիս գործունեության վայրը ի՞նչ նշել` տան հասցեն, թե՞ ավտոտնակի: Կանխավ շնորհակալ եմ:

Nov 03 2014

Կազմակերպության հիմնադիրը փոխառություն է տվել կազմակերպությանը

Մարգարիտա.

Հարգելի կոլեգաներ, խնդրում եմ օգնել և պատասխանել հարցիս: Կազմակերպության հիմնադիրը փոխառություն է տվել կազմակերպությանը 1 տարի ժամկետով, սակայն կրկին ուզում ենք փոխառություն վերցնել: Արդյո՞ք կարող է կազմակերպությունը նույն անձի հետ կնքել նոր փոխառության պայմանագիր, եթե առաջին պայմանագիրը դեռ գործում է: Եվ կխնդրեի ինձ ուղարկել փոխառության ետ վերադարձի պայմանագրի օրինակ: Կանխավ շնորհակալություն:

Nov 03 2014

Սահմանափակումներ` կապված կանխիկ գումարի և առհաշիվ տրված գումարների հետ

203

Լիպարիտ.

Կազմակերպությունը մեկ ամսվա ընթացքում ձեռք է բերել ՀԴՄ-ով մինչև 3 000 000 դրամի ապրանք և ծառայություն: Որևիցէ ՀԴՄ կտրոնի գումարը չի գերազանցում 300 000 դրամը, յուրաքանչյուր օրվա ՀԴՄ կտրոնների գրանցումը իրականացրել եմ ԴՏ 711; 712 կամ 713 ԿՏ 528:

Որից հետո ամսվա վերջին տվել եմ մեկ ելքի օրդերով ԴՏ 528 ԿՏ 251 գործարք 528 հաշվի կրեդիտում կուտակված գումարի չափով, որը չէր գերազանցում 3 000 000 դրամը:

Կա՞ որևիցէ օրենք կամ օրենքի հոդված, որը կհակասի տվյալ գործարքի իրավական հիմքերին:

Ինչ վերաբերվում է «ԴՐԱՄԱՐԿՂԱՅԻՆ ԳՈՐԾԱՌՆՈՒԹՅՈՒՆՆԵՐԻ ՄԱՍԻՆ» օրենքի`

Հոդված 6. Կանխիկ դրամով վճարումների նկատմամբ սահմանափակումները
1. Կանխիկ դրամով վճարումների նկատմամբ սահմանվում են հետևյալ սահմանափակումները՝
ա) ապրանքների, ծառայությունների, աշխատանքների միանվագ գնման դեպքում դրանց դիմաց կանխիկ դրամով վճարման գումարի առավելագույն չափը՝ 01.01.2005թ-ից չգերազանցի 300 000, դա վերաբերվում է մեկ ՀԴՄ կտրոնի դիմաց վճարումին, թե՞ այլ բան է նկատի առնվում:

Nov 01 2014

Ո՞ր կետը պիտի նշվի ՀԴՄ ձեռքբերման հայտի մեջ

Արամ.

Բարև ձեզ: Արծաթյա զարդերի արտադրությամբ ու վաճառքով զբաղվող անհատ ձեռներեց եմ ու ուզում եմ ՀԴՄ ձեռք բերելու մասին հայտ ներկայացնել, բայց հայտի մեջ կա միայն ոսկերչական արտադրատեսակների վաճառք ու նորոգում կետերը: Ո՞ր կետը պիտի նշվի հայտի մեջ:

Oct 28 2014

ՍՊԸ կարո՞ղ է ունենալ և տնօրեն, և գործադիր տնօրեն

Արփինե Ազարյան.

Բարև ձեզ: Խնդրում եմ ասեք` կարո՞ղ է ՍՊԸ ունենալ գործադիր տնօրեն, եթե բաժնեմասերի 100% պատկանում է մեկ մասնակցի, այսինքն մեկ անձի, որը հանդիսանում է ՍՊԸ տնօրեն: Այսինքն` ՍՊԸ կարո՞ղ է ունենալ և տնօրեն, և գործադիր տնօրեն:

Oct 28 2014

ՀԴՄ-ում պետք է նշվի ողջ գումարը, թե՞ միայն միջնորդավճարը

201

Lilit.

Հարգելի գործընկերներ, ուզում եմ ուղղել ձեզ հետևյալ հարցը: Տուրիստական ընկերությունը զբաղվում է տուր փաթեթների վաճառքով` գործակալության պայմանագրի հիման վրա: Կազմակերպության համար հասույթ է դիտվում միայն գործակալական միջնորդավճարը, սակայն խնդիր է առաջանում` կապված ՀԴՄ -ի կիրառման հետ: Հարցս հետևյալն է. ՀԴՄ-ում պետք է նշվի ողջ գումարը, թե՞ միայն միջնորդավճարը, և եթե նշենք ողջ գումարը, այդ դեպքում ինչպե՞ս պետք է հիմնավորել հարկը` միայն միջնորդավճարից գանձելու պայմանը: Կազմակերպությունը աշխատում է շրջանառության հարկի դաշտում: Շատ շնորհակալ կլինեմ հարցին արձագանքելու դեպքում: Նախօրոք շնորհակալություն:

Oct 28 2014

Արդյո՞ք պետք է գումարը դրամարկղ մուտքագրել

Goga.

Հարգելի հաշվապահներ,
Եթե կազմակերպությունը հաշվարկային հաշվից գումար է ելքագրում տնօրենին փոխառություն տրամադրելու նպատակով, արդյո՞ք պետք է այդ գումարը դրամարկղ մուտքագրել:

Oct 28 2014

Արդյո՞ք դպրոցի հաշվապահները կարող են ստանալ գնումների համակարգողի լիցենզիա

Լիլիթ.

Խնդրում եմ ասել` արդյո՞ք դպրոցի հաշվապահները կարող են ստանալ գնումների համակարգողի լիցենզիա և հաշվապահ լինելու հետ միաժամանակ լինել գնումների համակարգող այդ դպրոցում:

Շնորհակալ եմ:

Oct 18 2014

Կարի արտել բացելու համար

Mayis.

Բարև ձեզ: Ես ուզում եմ փոքրիկ կարի արտել բացել և ունենալու եմ 1 աշխատող:
Խնդրում եմ ասեք` ի՞նչ հարկով եմ հարկվելու, ի՞նչ հերթականությամբ պետք է շարժվել: Ինձ հետաքրքրում է ամեն ինչ` Ա/Ձ-ի գրանցումից մինչև աշխատելը, խնդրում եմ հարցիս շուտ պատասխանեք, նախապես շնորհակալություն:

Oct 16 2014

Արդյո՞ք կազմակերպության գործունեությունը համարվում է վերսկսված

Կարեն.

Հարգելի գործընկերներ, կազմակերպությունը 2013թ. սեպտեմբերին գործունեության դադարեցման դիմում է ներկայացրել ՀՏ, որից հետո ստացել է հոսանքի և ջրի հարկային հաշիվներ: Հիմա ծանուցագիր է ստացել, որ կազմակերպության գործունեությունը համարվում է վերսկսված, և 2013թ. չորրորդ եռամսյակի համար պետք է հաշվարկել նվազագույն շահութահարկ: Հարց. արդյո՞ք կազմակերպության գործունեությունը համարվում է վերսկսված հաշիվ ստանալու դեպքում, եթե կազմակերպությունը որևէ այլ գործունեություն չի իրականացրել:

Oct 14 2014

Ավտոմեքենայի վերանորոգման ծախսը գերազանցում է սկզբնական արժեքի 10 %-ը

242

Arsine.

Հարգելի գործընկերներ, խնդրում եմ օգնեք:
Եթե ընկերությանը պատկանող հիմնական միջոցը՝ ավտոմեքենան վերանորոգվել է, և ծախսը գերազանցում է սկզբնական արժեքի 10%-ը, արդյո՞ք նման պարագայում գերազանցող մասով ավելանում է արժեքին, թե՞ ոչ: Նշեմ, որ վերանորոգումը կատարվել է մեկ այլ ընկերության կողմից, որի կողմից տրված հաշիվ-ապրանքագրում ուղղակի նշված է ավտոմեքենայի վերանորոգում:

Oct 14 2014

Առհաշիվ գումարների սահմանափակում

Arsine.

Հարգելի գործընկերներ,
թույլատրվու՞մ է արդյոք ՍՊԸ տնօրենին ամսվա ընթացքում միանվագ մինչև 3 000 000 ՀՀ դրամ որպես առհաշիվ գումար դուրս գրել: Կանխավ շնորհակալություն:

Oct 10 2014

ՊՈԱԿ-ի տնօրենը գտնվում է արձակուրդում

Արմինե.

Եթե ՊՈԱԿ-ի տնօրենը գտնվում է արձակուրդում, և նախարարի հրամանով պարտականությունները դրվում են տնօրենի տեղակալի վրա, ապա այդ դեպքում ինչպե՞ս է փաստաթղթերի տակ գրվում (1. ժամանակավոր պաշտոնակատար, 2 տնօրեն թեք գծով, տեղակալի անունը):
Կանխավ շնորհակալություն:

Oct 06 2014

Կազմակերպությունը օգոստոսի 1-ից սկսել է աշխատել նոր սերնդի ՀԴՄ-ով

Elen.

Բարև ձեզ: Մեր կազմակերպությունը օգոստոսի 1-ից սկսել է աշխատել նոր սերնդի ՀԴՄ-ով: Շրջանառության հարկի հաշվետվության մեջ պե՞տք է գրել բոլոր 3 ամիսների ՀԴՄ-ով կատարված գործարքների գումարը, թե՞ միայն հին ՀԴՄ-ինը, այսինքն` միայն հուլիս ամսվանը: Նոր ՀԴՄ-ն ձեռք բերելուց հետո հին ՀԴՄ-ն անհրաժե՞շտ էր գրանցումից հանել:

Oct 06 2014

Արդյո՞ք հնարավոր է` ՍՊԸ-ի Տնօրենը լինի համատեղությամբ

Մարգարիտա.

Բարև ձեզ: Ցանկանում էի տեղեկանալ.
1. Արդյո՞ք հնարավոր է` ՍՊԸ-ի Տնօրենը լինի համատեղությամբ:
2. Արդյո՞ք ՍՊԸ-ի տնօրենը կարող է առանց նոտարական վավերացման լիազորագիր տալ այլ անձի, ով իր աշխատողը չէ` իր փոխարեն բանկային գործարքներ կատարելու համար: Նախապես շնորհակալ եմ:

Oct 05 2014

Կանոնադրական կապիտալի նվազագույն չափ

Լուսինե.

Բարև ձեզ:
1. Միևնույն անձը կարո՞ղ է մի քանի ԱՁ գրանցել
2. ՍՊԸ գրանցելիս կանոնադրական կապիտալի նվազագույն չափ կա՞ սահմանված և ինչպե՞ս է որոշվում

Շնորհակալություն:

Oct 02 2014

ՍՊԸ հիմնադրին փոխելու համար

Մարգարիտա.

Բարև ձեզ, հարգելի հաշվապահներ, կարո՞ղ եք ինձ օգնել, եթե ՍՊԸ-ի հիմնադիրին պետք է փոխեմ, ի՞նչ պետք է անեմ: Նախապես շնորհակալ եմ:

Sep 26 2014

ՍՊԸ տնօրենը իր անձնական միջոցներով ձեռք է բերել հումք և նյութ

Arsine.

Եթե ՍՊԸ տնօրենը իր անձնական միջոցներով ձեռք է բերել հումք և նյութ, հետագայում կազմակերպության դրամարկղից կատարվել է վճարում ձեռք բերված հումք և նյութի ձևակերպում, ապա
1. արդյո՞ք նման բան թույլատրվում է
2. եթե թույլատրվում է, ապա ի՞նչ ձևակերպում է տրվում դտ 2111 կտ 5281, ապա դտ 5281 կտ 2511
3. դրամարկղի գրքում որպես թղթակցող հաշիվ գրվում է 5281
Կանխավ շնորհակալություն:

Sep 17 2014

Ընկերության գրանցում ՀՀ-ում

Grigor.

Բարև ձեզ: Խնդրում եմ ասեք. ցանկանում եմ գրանցել սահմանափակ պատասխանատվությամբ ընկերություն, այդ ընկերութունը Հայաստանում ոչ մի գործարք չի իրականացնելու, գրանցվելու է ընկերության մասնաճյուղ արտասահմանում: Ինձ հետաքրքրում է ամեն ինչ, ինչը կապված է հարկային դաշտի հետ, կամ խնդրում եմ ինձ խորհուրդ տալ ինչ-որ մի հաշվապահական ընկերություն, որտեղ կարող եմ ստանալ լիարժեք ինֆորմացիա:

Շնորհակալություն պատասխանի համար:

Sep 11 2014

Ինչպե՞ս է իրականացվում ՍՊԸ վաճառքը երկու մասնակիցների կողմից

Karen.

Ինչպե՞ս է իրականացվում ՍՊԸ վաճառքը երկու մասնակիցների կողմից, որոնք միասին 100% բաժնեմասերի սեփականատեր են: Ի՞նչ փաստաթղթեր են պետք, և ի՞նչ պետական մարմինների է հարկավոր դիմել:

Older posts «

» Newer posts