Category Archive: Հարց ու պատասխան

Feb 28 2012

Մաշվածության հաշվարկ

Ինեսսա.

Խնդրում եմ օգնեք ինձ ավտոմեքենաների մաշվածությունը հաշվարկելու հարցում: Մեր ՊՈԱԿ-ը ունի 3 մեքենա` Գազել – 2002թ.ձեռք բերված, Վազ 21214 – 2003թ.-ց և Տոյոտա – 2011թ.նոյեմբերին ձեռք բերված: Ինչպե՞ս հաշվարկել 2002թ.-ց անցած տարիների մաշվածությունը, քանի որ այն երբեք չի հաշվարկվել: Արդյո՞ք ՊՈԱԿ-ներում հաշվարկվում է մաշվածություն: Կանխավ շնորհակալություն:

Feb 28 2012

Ա/Ձ Սոց. ապահովության վճարի տարեկան հայտարարագիր

lusine.

Ա/Ձ Սոց. ապահովության վճարի տարեկան հայտարարագրի 22 տողում ո՞րն է հարկային վնասը համարվում: Խնդրում եմ պարզաբանել մանրամասնությամբ, թեկուզև օրինակով:

Feb 28 2012

ՀԴՄ և հարկայինի շրջանառության թվերը տարբեր են

karo.

Բարև: Մենք ունենք կարի սպասարկում: Տարեկան հաշվետվությունում մեր ՀԴՄ և հարկայինի շրջանառության թվերը տարբեր են: Ի՞նչ պետք է անել:

Feb 28 2012

Աշխատանքի տեսչություն

nare.

Հարգելի հաշվապահներ, ես նոր եմ աշխատում որպես հաշվապահ: Ինձ աշխատանքի տեսչությունից կանչել են հարցաքննության, ի՞նչ տիպի հարցաքննության մասին է խոսքը, չգիտեմ…Կարո՞ղ եք օգնել:

Feb 28 2012

Ստաժի մասին տեղեկություն տրամադրելը

Անգելինա.

Բարև Ձեզ: Խնդրում եմ ինձ ասեք` նոր աշխատողներ ընդունելուց ստաժի մասին տեղեկություն սոցապին տրամադրելը պարտադի՞ր է, թե՞ ոչ: Կանխավ շնորհակալություն:

Feb 27 2012

Անդամավճարի նվազեցում եկամտահարկը հաշվարկելիս

Շահեն.

Կազմակերպությունը 15 հոգուց է կազմված: Կամավոր անդամակցում են արհկոմին, և աշխատավարձից փոխանցվում է անդամավճար աշխատավարձի 1 տոկոսի չափով: Կարո՞ղ եմ աշխատավարձը և եկամտահարկը հաշվարկելիս այդ չափով յուրաքանչյուրին նվազեցնել, թե՞ ոչ: Ի՞նչ օրենք կա այդ մասով: Այդ կազմակերպությունը գործում է այս տարվա փետրվար ամսից: Շնորհակալություն:

Feb 27 2012

Ինչքանո՞վ է պարտադիր գրանցումը առաքման գրքում

Արտակ Ավետիսյան.

Հարգելի խորհրդատուներ, երբ x քանակի ապրանք (սարքավորում) տեղափոխում ենք մի այլ հասցե ոչ վաճառքի նպատակով, հետո այդ հասցեից պետք է բաշխում իրականացվի 74 կետեր, ինչքանո՞վ է պարտադիր դրանց գրանցումը առաքման գրքում, կամ այդ դեպքում ակտը համարվու՞մ է որպես ուղեկցող փաստաթուղթ:

Feb 27 2012

Արդյո՞ք անհրաժեշտ է արձանագրություն կազմել

Մերի.

Խնդրում եմ ինձ օգնել հետևյալ հարցերում. հասարակական կազմակերպության խորհրդի ընտրությունը, անդամավճարի և մուտքավճարի չափի որոշումը անհրաժե՞շտ է ֆիքսել արձանագրությամբ:

Feb 27 2012

Ինչպիսի՞ եռամսյակային կամ տարեկան հաշվետվություններ պետք է հանձնել

Արման.

Հարգելի հաշվապահներ, խնդրում եմ ինձ օգնեք: Ես ԱԱՀ վճարող ԱՁ եմ, նախորդ տարվա շրջանառությունս կազմել է 50 մլն դրամ: Ինչպիսի՞ եռամսյակային կամ տարեկան հաշվետվություններ պիտի հանձնեմ ՀՏ:

Feb 27 2012

Կազմակերպության հիմնադիր ու տնօրենը օտարերկրացի է

Արմինե.

Բարև Ձեզ, հարգելի հաշվապահներ, խնդրում եմ օգնեք: Եթե Պարսկաստանի քաղաքացի է և Հայաստանում ՍՊԸ-ի հիմնադիրն ու տնօրենն է, արդյո՞ք կարող է տարվա ընթացքում տարբեր երկրներ երկար ժամանակով մեկնել գործուղման, ու նաև կարո՞ղ ենք այդ բոլոր գործուղումները ճանաչել որպես ծախս: Եվս մեկ հարց` Պարսկաստան գնալ գալը նույնպե՞ս գործուղում է: Կանխավ շնորհակալություն:

Feb 27 2012

Կազմակերպությունը 3 ամիս եկամուտ չի ունեցել

Anna.

Բարև ձեզ:

1. Կազմակերպությունը 3 ամիս եկամուտ չի ունեցել, այսինքն չենք աշխատել, և գրանցված եղել է միայն տնօրենը: Այս դեպքում ես ի՞նչ կարգի դիմում պետք է ներկայացնեմ շահութահարկի հաշվարկի համար:

2. Շահութահարկի հաշվարկի մեջ եթե հաշվետու տարվա շահութահարկի գումարը մեծ է հաշվետու տարվա նվազագույն շահութահարկի գումարից, ապա դրա տարբերությունը նունպե՞ս պետք է վճարեմ բյուջե: Ես բանկային հաշվում գումար չունեմ, ապա ինչ պետք անեմ: Ես կարո՞ղ եմ այդ տարբերությունը չմուծեմ: Շնորհակալություն:

Feb 27 2012

Որպես ԱՁ գրանցվելու համար

Լուսինե.

Բարև Ձեզ: Ի՞նչ փաստաթղթեր են անհրաժեշտ որպես ԱՁ գրանցվելու համար, կանխավ շնորհակալություն:

Feb 27 2012

Պակաս հաշվարկված սոց. վճար

Mari.

Աշխատողը մինչև հունվարի 25-ը եղել է արձակուրդում, հունվարին աշխատել է 5 օր, և աշխատավարձը այդ օրերի համար կազմել է 48600 դրամ: Այդ աշխատողի համար սոց. հաշվարկելիս արձակուրդայինի` հունվարին բաժին ընկնող մասը սխալմամբ չի հաշվվել, և հետևաբար սոց. վճարը քիչ է փոխանցվել:

Խնդրում եմ ասել, ես կարո՞ղ եմ այդ տարբերությունը և յուրաքանչյուր ուշացրած օրվա համար ապառքի 0,15 տոկոսը փետրվար ամսվա համար փոխանցվելիք սոց-ի հետ փոխանցել և եռամսյակային հաշվետվությունում ճիշտ լրացնել:
Շնորհակալություն…

Feb 26 2012

Համակարգչային վրիպակի պատճառով պակաս հաշվարկված հարկ

Նարինե.

Հարգելի հաշվապահներ, կարո՞ղ եք ասել` ինչ վարչական պատասխանատվություն է հասնում համակարգչային վրիպակի պատճառով պակաս հաշվարկած հարկի համար: Այս տարի հաշվարկելու ժամանակ նկատեցի, որ բանաձևի մեջ 0,01 տոկոսի անճշտություն կա, և տարեկան հաշվով գումարը կազմում է 17515 դրամ: Ես արդեն պատրաստվում եմ այդ պակասը փոխանցել բյուջե: Դա եկամտահարկ: Եթե ստուգում լինի, այդ վրիպումը ինչքա՞ն կազդի, կմեղմացնի՞ պատասխանատվությունը, թե՞ ոչ, քանի որ դիտավորյալ չի կատարվել: Կանխավ շնորհակալություն:

Feb 26 2012

Պարզեցված շահութահարկի հաշվարկի լրացում

Քրիստինե.

Բարև Ձեզ: Խնդրում եմ օգնեք հետևյալում`
1. Պարզեցված շահութահարկի հաշվարկը լրացնել հազա՞ր դրամներով
2. Պարզեցված շահույթահարկի հաշվարկի լրացման մեջ աղյուսակ 4-ում “տեսակարար կշիռ (%)” շարքում ի՞նչ է պետք լրացնել
Կանխավ շնորհակալություն:

Feb 26 2012

Ընդունման և ազատման հայտերը չեն ներկայացվել

Վահե.

Հարգելի հաշվապահներ, խնդրում եմ ինձ օգնեք: Ես նոր հաշվապահ եմ, կանգնել եմ փաստացի խնդրի առջև. սոցում անհատական հաշվետվությունները (Ձև Ֆ10) ներկայացման ժամանակ պարզվել է, որ նախկին հաշվապահը աշխատակիցների ընդունման և ազատման հայտերը չի ներկայացրել: Ասացեք խնդրեմ` ի՞նչ տույժ և տուգանք է հասնում, և հիմա ի՞նչ պետք է անեմ: Նշեմ նաև, որ 2010թ. Ձև Ֆ10 տարեկան հաշվետվության համար վարչական տուգանք է եկել կազմակերպության վրա:
Կանխավ շնորհակալություն:

Feb 26 2012

Ինչպե՞ս է կատարվում եկամտահարկի վճարումը

Անի.

Խնդրում եմ պարզաբանեք, եթե ԱՁ -ն ունի 2 աշխատող և աշխատավարձերից պահվում է եկամտահարկ, այդ եկամտահարկի մուծումը ինչպե՞ս է կատարվում:

Feb 26 2012

Անձնական նվազեցման գումար

Թերեզա.

Բարև բոլորին: Ես խնդրում եմ ինձ ասեք, թե որքան է կազմում Ա/Ձ-ի եկամտահարկի անձնական նվազեցումը, նախկինում այն 30000 դրամ էր: Կանխավ շնորհակալություն:

Feb 26 2012

Ֆիզիկական անձի տարեկան եկամուտների հաշվարկ

Անի.

Խնդրում եմ պարզաբանեք, թե ԱՁ-ի եռամսյակային հաշվետվություններում (22) տողում նշված գումարները (առանց հիմնավորող փաստաթղթերի վճարում) ինչպես են երևալու տարեկան եկամուտների մասին հաշվարկի մեջ:

Feb 26 2012

Կազմակերպությունը վաճառել է իր ավտոմեքենան ֆիզ. անձի

Քրիստինե.

Հարգելիներս, կազմակերպությունը 2010թ-ին վաճառել էր իրեն պատկանող ավտոմեքենան կանխիկ 540 000 դրամով ֆիզ.անձին, որի համար տրամադրել է վերջինիս ՀԴՄ կտրոն: Արդյո՞ք իրավունք ուներ ՍՊԸ-ն նման ձևով գործարք անելու:

Feb 25 2012

Արդյո՞ք պետք է սոց. վճար վճարել

Hayk.

Հարգելի հաշվապահներ, եթե կազմակերպությունը բացվել է 2011-ի նոյեմբերին ու մինչ այժմ գործունեություն չի ծավալել, աշխատողներ չկան, կա միայն տնօրեն: Այդ դեպքում սոց. վճար պե՞տք է վճարել, և կարո՞ղ է տնօրենը իր անձնական միջոցներից այն վճարել, եթե ոչ, ապա ինչպե՞ս: Իսկ հաշվետվություն պե՞տք է ներկայացնել: Նախապես շնորհակալ եմ:

Feb 25 2012

Շահութահարկի պարզեցված հաշվարկը կազմելու համար

ԱՐՓԻ.

Ես ցանկանում եմ առաջին անգամ հաշվեկշիռ կազմել և ցանկանում եմ իմանալ, թե որտեղից կարող եմ սովորել դրա ձևը: Ցանկանում եմ իմանալ նաև` Շահութահարկի պարզեցված հաշվարկը կազմելու համար պարտադի՞ր է արդյոք ամբողջ հաշվեկշռի ձևը լրացնել: Ինձ հետաքրքիր է` որքան կարելի է վճարել փորձառու հաշվապահին տարեկան հաշվեկշիռը կազմելու համար, եթե թղթաբանությունը նորմալ վիճակում է: Նախապես շնորհակալություն:

Feb 25 2012

Ա/Ձ վարձակալել է տարածք պատճենահանում իրականացնելու համար

maro.

Խնդրում եմ ասեք, Ա/Ձ վարձակալել է տարածք պատճենահանում իրականացնելու համար, ունի աշխատող, ի՞նչ հաշվետվություններ ունի ներկայացնելու, և ո՞րն է նրա առաջին քայլը գործունեությունը սկսելու համար:

Feb 25 2012

Նպաստ ստանալու վերաբերյալ

Հովիկ.

Բարև Ձեզ: Հարցս հետևյալն է` բարեկամուհիս գտնվում է երեխայի խնամքի արձակուրդում և պատրաստվում է նորից մայրանալ: Ցանկանում եմ իմանալ` նա կարո՞ղ է ստանալ նախածննդյան և հետծննդյան արձակուրդի դրամական բավարարում, եթե մինչև ծննդաբերելը չաշխատի: Ո՞ր իրավական ակտով է այս հարցը կարգավորվում: Նշեմ նաև, որ նշված անձը զինծառայող է:
Շնորհակալություն:

Feb 25 2012

Ինտերնետային խանութի համար անհրաժեշտ փաստաթղթեր

Նոնա.

Բարև Ձեզ, հարգելի հաշվապահներ, եթե որևէ մեկն ունի փորձ կամ տեղյակ է ինտերնետային խանութի համար անհրաժեշտ փաստաթղթերի և հաշվապահության վարման վերաբերյալ, խնդրում եմ արձագանքեք: Կանխավ շնորհակալ եմ:

Feb 25 2012

Ֆիզիկական անձի տարեկան եկամուտների պարզեցված հաշվարկի 27-րդ տող

Աիդա Ասլանյան.

Ցանկանում եմ իմանալ, ֆիզիկական անձի տարեկան եկամուտների պարզեցված հաշվարկի 27-րդ տողում ավելի կոնկրետ ի՞նչ է պահանջվում գրել, տարվա ընթացքում վճարած սոց. վճարնե՞րը, թե՞ եկամտահարկի նվազագույն վճարումների գումարը:

Շնորհակալություն:

Feb 25 2012

Արդյո՞ք պետք է նվազագույն շահութահարկ հաշվարկել և վճարել

Hayk.

Հագելի հաշվապահներ, նոր ստեղծված կազմակերպությունը նվազագույն շահութահարկ վճարու՞մ է արդյոք, ու եթե կարող եք` օրենքի հղում արեք: Նախապես շնորհակալ եմ:

Feb 25 2012

Արդյո՞ք նորից կհաշվարկվի նպաստ

Kima.

Հարգելի հաշվապահներ, ինձ շտապ պետք է իմանալ հետևյալ հարցի պատասխանը. ես գտնվում եմ ֆիզ. արձակուրդում ու հիմա պատրաստվում եմ նորից ֆիզ-ից ֆիզ. արձակուրդ գնալ, ասեք խնդրում եմ` ես նորից ստանալու՞ եմ իմ ֆիզ. արձակուրդի գումարը, թե ոչ, և այն նախորդի չափո՞վ է լինելու, թե՞ ավելի քիչ: Շնորհակալություն:

Feb 25 2012

Ինչպե՞ս հաշվարկել նպաստը

Աշխեն.

Ինչպե՞ս հաշվարկել անաշխատունակության նպատը:

Feb 25 2012

Ուսուցչի աշխատավարձ

Ռուզան.

Հարգելի հաշվապահներ, խնդրում եմ մոտավորապես ասեք, թե որքան կկազմի ուսուցչի մաքուր աշխատավարձը, եթե ունի 22 դասաժամ, դասղեկություն, մեթոդմիավորում, 16 տարվա ստաժ, լեզվի և գրականության դասավանդում 6-րդ, 7-րդ և 11 ժամ 12-րդ դասարանում, նաև ասեմ, որ բարձր լեռնային համայնք է: Շնորհակալություն:

Feb 25 2012

ԱՁ տարեկան եկամուտների մասին հայտարարագրի ներկայացման վերջնաժամկետ

Rip.

Հարգելի հաշվապահներ, օրենսդրական փոփոխություններից հետո “Պարտադիր սոցիալական ապահովության վճարների մասին” ՀՀ օրենքի 6-րդ հոդվածի 3-րդ կետով փոխվել են հաշվետվության ներկայացման և սոց. վճարների վճարման ժամկետները.
3. Անհատ ձեռնարկատերերը (ձեռներեցները) տարվա համար հաշվարկված սոցիալական վճարների և սույն օրենքի 5-րդ հոդվածի 5-րդ կետի երկրորդ մասով նախատեսված սոցիալական վճարների տարբերությունը Հայաստանի Հանրապետության պետական բյուջե են փոխանցում (վճարում) հաջորդ տարվա մայիսի 1-ից ոչ ուշ:

Անհատ ձեռնարկատերը (ձեռներեցը) յուրաքանչյուր տարվա արդյունքներով` մինչև օրացուցային տարվան հաջորդող ապրիլի 15-ը լիազորված մարմին է ներկայացնում (մասնավորապես էլեկտրոնային եղանակով կամ փոստով` «Հարկերի մասին» Հայաստանի Հանրապետության օրենքով սահմանված կարգով և պայմաններով կամ հանձնում ըստ պատկանելության) տարեկան եկամուտների մասին հայտարարագիր:

Հարցս հետևյալն է` 2011թ.-ի համար ԱՁ-ն տարեկան եկամուտների մասին հայտարարագիրը ե՞րբ պետք է ներկայացնի, և վճարման վերջնաժամկետը ո՞րն է:

Feb 25 2012

Մեծածախ առևտրի սահմանում

Արթուր.

Խնդրում եմ պարզաբանեք, թե ինչ է նշանակում մեծածախ առևտուր մեր օրենսդրությամբ:

Feb 25 2012

Ծախսը հիմնավորված համարելու համար

Rip.

Հարգելի հաշվապահներ, կազմակերպությունը գումար է փոխանցել մրցութային փաստաթղթերի փաթեթ ստանալու համար, սակայն հաշիվ չի ստացել: Միայն բանկային փոխանցման առկայությունը բավարա՞ր է ծախսը հիմնավորված համարելու համար, թե՞ ոչ:

Feb 25 2012

Ձև Ֆ10 լրացման վերաբերյալ

Anahit.

Խնդրում եմ ասեք, ձև Ֆ10-ում սոց. վճարի մեջ մտնու՞մ է արդյոք 3 տոկոսը:

Feb 22 2012

Կազմակերպությունը արտադրանք է գնում ֆիզ. անձից

Էդգար Աբրահամյան.

Բարև Ձեզ: Մի հարց ունեմ. եթե ես ֆիզիկական անձ եմ և տանը կարում եմ դրոշներ, արդյո՞ք ես կարող եմ այն վաճառել խանութին, և դա խանութի հաշվապահությունը ինչպե՞ս կարող է գնել, որպեսզի թղթաբանական խնդիրներ չունենա: Նախապես շնորհակալություն:

Feb 22 2012

Նախածննդյան և հետծննդյան վճարումների վերաբերյալ

Հրայր.

Հարգելի կոլեգաներ, հարցս վերաբերում է նախածննդյան և հետծննդյան վճարումներին: Այս դեպքում, երբ աշխատող մայրը գտնվում է երեխայի խնամքի արձակուրդում և վճարվում է 18000 դրամ (հայտնի վճարը): Եթե այդ ընթացքում մայրը 2-րդ հղիություն ունի, օգտվու՞մ է արդյոք որպես աշխատող նախածննդյան և հետծննդյան նպաստից:

Feb 22 2012

Տնօրենին աշխատանքից ազատելու վերաբերյալ

Հայկուհի.

Հարգելի հաշվապահներ, խնդրում եմ օգնել գտնելու ՍՊԸ-ի տնօրենին աշխատանքից ազատման որևէ օրենսդրական կարգ: Ի՞նչ քայլեր և ի՞նչ հերթականությամբ պետք է իրականացնել, եթե տնօրենն ուզում է ազատվել աշխատանքից իր դիմումի համաձայն: Շնորհակալություն:

Feb 22 2012

Գանձապահի պարտականություններ

em.

ՍՊԸ-ն ունի գլխավոր հաշվապահ, տնօրեն և 4 գիշերային պահակ: Գանձապահի պարտականությունը կարո՞ղ է դրվել գլխավոր հաշվապահի վրա: Շնորհակալություն:

Feb 22 2012

Հասարակական կազմակերպության ստեղծում

Ishxan.

Ես ցանկանում եմ ստեղծել հասարակական կազմակերպություն: Ի՞նչ օրենքներ և որոշումներ է անհրաժեշտ իմանալ:

Feb 22 2012

Արտաքին բուֆետի հարկման վերաբերյալ

Liana.

Հարգելի կոլեգաներ, ապրիլի 1-ից հանրային սնունդը հարկվելու է արտոնագրային վճարով, և “Հաստատագրված վճարների մասին” օրենքի Գլուխ 16 ուժը կորցրած է ճանաչվում: Իսկ ինչպե՞ս է հարկվելու “Հաստատագրված վճարների մասին” օրենքի Գլուխ 16-ի 35րդ-հոդված 2-րդ կետով սահմանված արտաքին բուֆետը: Նոր` “Արտոնագրային վճարների մասին” օրենքում նման կետ չկա, միայն սպասարկման սրահով է որոշվում, այն էլ սկսվում է մինչև 50մ քառակուսու համար, ուղղիչ գործակից չկա և եռամսյակի համար 225.000 դրամ: Իսկ եթե սպասարկման սրահ չունես, ինչպե՞ս է որոշվելու:

Feb 22 2012

Դրամարկղում գումարի պահպանման չափի և ժամկետի սահմանափակումներ

em.

Դրամարկղում գումարի պահպանման չափի և ժամկետի սահմանափակումներ կա՞ն: Որտե՞ղ կարող եմ նայել: Շնորհակալություն:

Feb 22 2012

Պե՞տք է արդյոք առհաշիվ անձի հաշվետվություն

Նանա.

Ընկերության աշխատակից չհամարվող անձը կատարել է վճարումներ ընկերության անունից: Պե՞տք է արդյոք առհաշիվ անձի հաշվետվություն: Ի՞նչ ձևակերպումներ պետք է տալ:

Feb 22 2012

Ձև Ֆ10 Անհատական հաշվետվություն

Arman.

Խնդրում եմ ինձ օգնեք, եթե կարող եք, շատ շտապ է: Ձև Ֆ10 Անհատական հաշվետվությունում 3-րդ սյունակում Սոց. վճարը ընդամենը 70.000 (այդ գումարը փոխանցել եմ բյուջե), իսկ 6-րդ սյունակում դեկրետի գումարը 430.000դրամ, ապա կարո՞ղ եք գրել` այդ ներքևում երկու տողերում ես ինչ գումար գրեմ:
1.Հաշվետու ժամանակաշրջանում փաստացի վճարված սոցվճարը … դրամ
2.Հիմնադրամի նկատմամբ սոցվճարի պարտքի մնացորդը հաշվետու ժամանակաշրջանի վերջում … դրամ
Շնորհակալություն:

Feb 20 2012

Բիլիարդ խաղի կազմակերպում

Կարեն.

Բարև ձեզ, խնդրում եմ ասեք` ինչպե՞ս է հաշվարկվում հաստատագրված վճարի մեծության չափը բիլիարդ խաղի կազմակերպման համար Արմավիրի մարզում: Նախապես շնորհակալություն:

Feb 20 2012

Արդյո՞ք պետք է ունենալ առաքման գիրք

Armen.

ԱՁ զբաղվում է հացի արտադրությամբ, ստացել է նոր առաքման գիրք, հաշվառման հասցեն` մեքենան: Արդյո՞ք պետք է պահել առաքման գիրք փուռում: Ինչպե՞ս լրացնել: Կարո՞ղ ենք առաքման գիրք չպահել:

Feb 20 2012

Էլեկտրոնային հաշվետվությունների հետ կապված

Թեհմինե.

Հարգելի հաշվապահներ, խնդրում եմ օգնեք գտնեմ էլեկտրոնային հաշվետվությունների 23-րդ, 24-րդ ձևերի փոխարինող նոր ձևերը: Նախապես շնորհակալ եմ:

Feb 20 2012

Հաշվապահի որակավորման հարցաշար

Tigran.

Հարգելի գործընկերներ, խնդրում եմ ինձ ուղարկեք հաշվապահի որակավորման հարցաշարը հետևյալ Էլեկտրոնային փոստին dear_accountant շնիկ mail.ru Կանխավ շնորհակալ եմ:

Feb 20 2012

Ինչպե՞ս գրանցել ՍՊԸ

Armen.

Բարև ձեզ: Խնդրում եմ ինձ օգնել: Ինչպե՞ս գրանցել ՍՊԸ:

Feb 20 2012

Տուգանք կատարողական ակտի բացակայության պատճառով

Դավիթ Ասատրյան.

Ենթադրենք, որ Ալֆա ՍՊԸ-ն ցանկանում է խանութ կառուցի և այդ նպատակով դիմում է Բետա ՍՊԸ-ին, որը ունի շինարարական լիցենզիա: Բետա ՍՊԸ-ն առաջարկում է այդ խանութը կառուցել ասենք տաս միլիոն դրամով: Ալֆա ՍՊԸ-ն համաձայնվում է, կնքվում է կապալի պայմանագիր` տաս միլիոն դրամ: Իրականացվում է շինարարություն, Բետա ՍՊԸ-ն դուրս է գրում հարկային հաշիվ, ցույց է տալիս ԱԱՀ-ի հաշվարկում և տեղեկանքում, Ալֆա-ն վճարում է տաս միլիոնը, Բետան վճարում է ԱԱՀ-ն… Եվ գալիս է Բետա ՍՊԸ-ի ստուգման օրը, հարկային տեսուչը պահանջում է կատարողական ակտ, իսկ Բետա ՍՊԸ-ն չունի այն: Կարո՞ղ է հարկայինը տուգանել Բետա ՍՊԸ-ին կատարողական ակտի բացակայության համար, և եթե այո, ապա ո՞ր օրենքով, ո՞ր հոդվածի համաձայն:

Feb 20 2012

Նվազեցվող ծախս ձևակերպելու համար

Դավիթ Ասատրյան.

Համաձայն ՀՀ կառավարության 525 որոշման ծախսը հիմնավորող փաստաթուղթ է համարվում հարկային հաշիվը և հաշիվ-ապրանքագիրը: Հարց. Ասացեք խնդրեմ, բենզինի ձեռք բերման հաշիվը բավարա՞ր է արդյոք նվազեցվող ծախս ձևակերպելու համար: Խնդրում եմ պատասխանել այո կամ ոչ:

Older posts «

» Newer posts