Category Archive: Հարց ու պատասխան

Sep 25 2012

ԱԱՀ հաշվանցում

Արթուր.

ԱԱՀ-ը վճարող կազմակերպությունը ձեռք է բերել հիմնական միջոց` հեռուստացույց, սառնարան կամ շինություն, բոլորի համար էլ ԱԱՀ է վճարվել: ԱԱՀ-ն ձեռք բերման պահին հնարավո՞ր է հաշվանցել, վճարումը կատարված է ամբողջությամբ փոխանցումով:

Sep 25 2012

ԱՁ մեկնում է հղիության և ծննդաբերության արձակուրդ

Մարինե.

Բարև ձեզ, հարգելի հաշվապահներ: Ես հանդիսանում եմ անհատ ձեռնարկատեր և պատրաստվում եմ գնալ դեկրետային արձակուրդի: Այդ ընթացքում պետք է աշխատանքի ընդունեմ ինձ փոխարինող աշխատողի:

1. Ինձ հետաքրքիր է, թե ինչպես է հաշվարկվելու իմ դեկրետային նպաստը, եթե ես վճարում եմ ամսական սահմանված հարկ և սոց. վճար: Ամսեկան եկամուտս մոտ 150 հազար է կազմում:

2. Ինչպե՞ս է կատարվելու ինձ փոխարինող աշխատողին ընդունելու պահը` ես նորից մնալու՞ եմ որպես անհատ ձեռներեց և ինձ համար և աշխատողի համար վճարելու՞ եմ հարկերը, թե միայն անշխատողի համար:

Sep 25 2012

Եթե շաբաթը վեցորյա աշխատանքային ռեժիմով է

Սիլվա.

Եթե շաբաթը վեցորյա աշխատանքային ռեժիմով է, ապա ինչպե՞ս է կարգավորվում մեռելոց օրերի փոխարինումը:

Sep 20 2012

Արդյո՞ք ԱԱՀ գումարը պետք է դեբետագրվի

Մարիամ.

Հարգելի հաշվապահներ,
եթե կազմակերպությունը մի տարի առաջ բենզին է վերցրել փոխառություն (առանց ԱԱՀ-ի) և ծախսագրել է, իսկ հիմա ձեռք է բերել փոխառությունը վերադարձնելու համար (հիմա արդեն ԱԱՀ-ով), արդյո՞ք ԱԱՀ գումարը պետք է դեբետագրվի, թե՞ ոչ:

Շատ շնարհակալ կլինեմ, եթե հարցիս պատասխանեք հնարավորինս շուտ mariamdadoyan շնիկ mail.ru էլ. հասցեին:

Sep 20 2012

ԱԱՀ շեմը գերազանցելու վերաբերյալ

Արթուր.

Կազմակերպությունը աշխատում է առանց ԱԱՀ-ի, սակայն դեկտեմբերին շրջանառությունը կգերազանցի շեմը: Ինչպիսի՞ քայլեր են անհրաժեշտ կատարել, ինչպե՞ս կազմել ԱԱՀ-ի հաշվետվությունը (հաշվետվության մեջ ներառվի միայն շեմը գերազանցա՞ծ մասը): Խնդրում եմ հնարավորինս արագ պատասխանել:

Sep 20 2012

ՀԿ նվիրատվություն է ստացել ֆիզ. անձից

Արևիկ.

Բարև Ձեզ, խնդրում եմ պատասխանեք իմ հարցին:
Եթե հասարակական կազմակերպությունը նվիրատվություն է ստացել ֆիզիկական անձից, ապա դրա դիմաց պե՞տք է կատարի որոշակի վճարում, կամ արդյո՞ք դա դիտվում է որպես եկամուտ:

Sep 20 2012

Նյութական պատասխանատվության տիպային ձև

Թեհմինե.

Խնդրում եմ ուխարկեք ինձ նյութական պատասխանատվության տիպային ձև: Կանխավ շնորհակալ եմ:

Sep 18 2012

ԱՁ սոց. վճարների հետ կապված

Զարուհի.

Ես մեկ հարց ունեմ` կապված ԱՁ-ի սոց. վճարումների հետ: Ինձ սոցապի աշխատակիցը ասել էր, որ տվյալ ամսվա սոց. վճարումը, այսինքն 5000 դրամը, ես կարող եմ կատարել մինչև ամսվա վերջ ընկած ժամանակահատվածում: Արդյո՞ք նա ճիշտ տեղեկություն է տվել ինձ:

Sep 18 2012

Անաշխատունակության թերթիկի` ՀՏ ներկայացման վերաբերյալ

Մերի.

Խնդրում եմ ասեք` եթե ես գրանցված եմ որպես ԱՁ և աշխատում եմ որպես պատճենահանող, անաշխատունակության թերթիկը հանձնել եմ մեր հաշվապահություն հուլիսի 16-ին, իսկ մինչ այժմ հաշվապահը չի ներկայացրել հարկային, հարցնելու դեպքում պատասխանում է, որ կարող է ներկայացնել անգամ ծննդաբերությունից հետո, և ոչ մի խնդիր չի լինի, ես կարո՞ղ եմ ստանալ իմ արձակուրդային գումարը: Իսկ ծննդաբերությունը կլինի սեպտեմբերի վերջ: Խնդրում եմ ասացեք` դա ճի՞շտ է, թե՞ ոչ:

Sep 18 2012

Էլեկտրոնային հաշվետվությունների հանձնում

Հասմիկ 1954.

Հարգելիներս, քանի որ 2013թ. հունվարից հաշվետվությունները պետք է էլեկտրոնային եղանակով հանձնվեն, խնդրում եմ ձեր օգնությունը ինձ սովորեցնելու էլեկտրոնային հաշվետվություններ ուղարկելը, կամ հուշեք, թե որտեղ կարող եմ սովորել:

Sep 14 2012

Չվճարվող արձակուրդի տրամադրում

Nune.

Աշխատողին կարո՞ղ ենք տրամադրել չվճարվող արձակուրդ երկու տարի ժամկետով:

Sep 14 2012

Արդյո՞ք գործատուն պարտավոր է վճարել արձակման նպաստ

Նվարդ.

Աշխատողի նախաձեռնությամբ փորձաշրջանի ընթացքում աշխատանքային պայմանագրի լուծման դեպքում գործատուն պարտավո՞ր է վճարել արձակման նպաստ:

Sep 14 2012

Գործատուն կարո՞ղ է արդյոք տեղափոխել աշխատանքային օրերը

ԱՆՆԱ.

Բարև Ձեզ: Գործատուն կարո՞ղ է արդյոք տեղափոխել աշխատանքային օրերը: Օրինակ` երեքշաբթի օրվա փոխարեն աշխատելով կիրակի օրը, դրա համար ոչ մի հավելում չտալով աշխատողին (արտաժամի և հանգստյան օրն աշխատելու համար): Ի դեպ կազմակերպությունն աշխատում է վեցօրյա աշխատանքային շաբաթով: Կանխավ շնորհակալություն:

Sep 14 2012

Աշխատակիցը դժբախտ պատահարի պատճառով բուլետենի մեջ է

Թեհմինե.

Ընկերության աշխատակիցը աշխատանքի վայրում դժբախտ պատահարի պատճառով բուլետենի մեջ է և պետք է ստանա կարգ: Աշխ. օրենսգրքով նշված է, որ պատահարից 4 ամիս անց նա պետք ազատվի աշխատանքից և ստանա թոշակ: Ընկերությունը ի՞նչ կարգով պետք է նրան ազատի աշխատանքից, մինչև՞ թոշակի անցնելը, թե՞ թոշակի դիմելուց առաջ: Եթե տեղյակ եք, խնդրում եմ պարզաբանել:

Sep 14 2012

ՌԴ հարկային դաշտը

AA.

Հարգելի Հաշվապահներ, կա՞ որևիցե մեկը, ում ծանոթ է ՌԴ հարկային դաշտը, ինչ որ չափով հարկային տեսչություն հանձնվող հաշվետվություններին: Խնդրում եմ, եթե ինչ որ բան գիտեք, գրեք:

Sep 14 2012

Ապրանքների արտադրության և շրջանառության ֆիզիկական ծավալների ու գների վերաբերյալ հաշվետվություն

Աննա.

Բարև Ձեզ: Խնդրում եմ պատասխանեք հետևյալ հարցիս. ինչո՞վ է հիմնավորվում այն փաստը , որ “Ապրանքների արտադրության և շրջանառության ֆիզիկական ծավալների ու գների վերաբերյալ” հաշվետվության մեջ ԱԱՀ-ն չի գրվում:

Sep 14 2012

Նպաստ ստանալու համար

Արտուր.

18000 ստանալու համար մենք ներկայացնում եք երեխայի ծննդականը և տեղեկանք այն մասին, որ գտնվում է երեխայի խնամքի արձակուրդում, բյուլետենի մասին խոսք չկա: Բայց գործատուն ի՞նչ հիմք ընդունի, ինչի՞ վրա տա տեղեկանքը, եթե բուլետեն չի բերել:

Sep 11 2012

Ե՞րբ է առաջանում եկամտահարկի պարտավորություն

Հարություն.

Հարգելի գործընկերներ, ֆիզ. անձը վարձակալության է տվել տարածք, որի վարձավճարը վճարվել է կանխավճարի տեսքով մի քանի ամսվա համար: Հարցը հետևյալն է` արդյո՞ք հարկային գործակալի մոտ եկամտահարկի պարտավորությունը առաջանում է կանխավճարը վճարելիս, թե՞ կառաջանա յուրաքանչյուր ամսվա վերջում:

Sep 11 2012

Արդյո՞ք կա խախտում

Քրիստինա.

Խնդրում եմ պատասխանել` անհատը աշխատում է հերթափոխով` աշխատելով 24 ժամ, հանգստանալով 3 օր: Արդյո՞ք դա չի հակասում աշխատանքային օրենսգրքին:

Sep 08 2012

Ավտոմեքենաների ներմուծում

Gor.

Ցանկանում եմ իմանալ, թե որ մեքենան ինչ թվի և ինչ հզորության ինչ մաքսային արժեք կսահմանվի Հայաստան ներմուծելիս:

Sep 08 2012

Ո՞րն է CIF և CPT տարբերությունը

Liana.

Խնդրում եմ օգնել ինձ: Ես այսպիսի մի հարց ունեմ: Մեր կազմակերպությունը ապրանք է ներմուծում արտերկրից: Պայմանագրում առաքման պայմանները նշված են CIF, իսկ ինվոյսում` CPT: Ո՞րն է դրանց տարբերությունը:

Sep 08 2012

Չօգտագործված արձակուրդի տրամադրում աշխատանքից ազատվելու ժամանակ

Mari.

Հարգելի գործընկերներ, հարցս հետևյալն է. եթե աշխատողը 30 օր առաջ դիմում է գրել աշխատանքից ազատվելու մասին և ունի չօգտագործված արձակուրդային օրեր, կարո՞ղ է արդյոք նա պահանջել այդ արձակուրդային օրերի ստացումը վերոնշյալ 30 օրյա ժամանակահատվածում: Խնդրում եմ հնարավոր սեղմ ժամկետներում պատասխանել հարցիս: Նախօրոք շնորհակալություն:

Sep 08 2012

Արդյո՞ք պարտադիր է աշխատողի դիմումը

Սուսաննա.

Խնդրում եմ ասեք.
1. Եթե աշխատողին ընդունում ենք աշխատանքի` աշխատանքային պայմանագիր կնքելով, ապա աշխատողի դիմում գրելը աշխատաքի ընդունման համար պարտադի՞ր է, թե՞ ոչ:
2. Գնումների համակարգողի քննության մասին ի՞նչ գիտեք, և ինչպե՞ս պետք է քննությանը մասնակցել:

Sep 08 2012

ՀՀ ԱՕ 29-րդ հոդված

Աննա.

Հարգելի հաշվապահներ, խնդրում եմ Ձեզ պարզաբանել ՀՀ ԱՕ 29-րդ հոդվածը: Կանխավ շնորհակալ եմ:

Sep 08 2012

Լիցենզավորված հաշվապահի անհրաժեշտություն

Aram.

Ո՞ր կազմակերպությունների հաշվապահական հաշվառման համար է անհրաժեշտ լիցենզավորված հաշվապահ:

Sep 06 2012

Արդյո՞ք հասնում է նպաստ

Գայանե.

Հարգելի հաշվապահներ, խնդրում եմ օգնեք կողմնորոշվելու: Աշխատողը հղի է, նրա ֆիզ. արձակուրդը սկսվում է հուլիսի 12-ից, իսկ աշխատանքային պայմանագրի ժամկետը ավարտվում է մայիսի 31-ին: Նրան ծննդաբերության նպաստ հասնու՞մ է, թե՞ ոչ: Խնդրում եմ պատասխանեք: Շնորհակալություն:

Sep 06 2012

Ապրանքի ներմուծում Չինաստանից

Աննա.

Հարգելի հաշվապահներ,
Հարց` ներմուծվում է ապրանք (հագուստ) Չինաստանից օդային բեռնափոխադրման միջոցով: Ի՞նչ վճարներ է անհրաժեշտ կատարել ապրանքը մաքսազերծելու համար: Հետագայում վաճառվելու է խանութում` ձևակերպած Ա/Ձ: Հետո՞ է վճարելու ԱԱՀ, թե՞ ԱԱՀ-ի վճարումը կատարվում է մաքսակետում:
Շնորհակալություն,
Աննա

Sep 04 2012

Կազմակերպությունը որոշ ժամանակ գործունեություն չի իրականացնելու

Աշոտ.

Բարև ձեզ: Եթե ՍՊԸ-ն ունի երկու մասնակից, որոնցից մեկը տնօրենն է, մյուսը` փոխտնօրենը, սակայն ընկերությունը որոշ ժամանակ գործունեություն չի իրականացնելու, այս դեպքում ՍՊԸ-ն կարո՞ղ է սոցի և եկամտահարկի հաշվարկ չկատարել, զրոյական հաշվետվություններ ներկայացնել:

Շնորհակալություն:

Sep 04 2012

ԱՁ եկամտահարկը հաշվարկելու համար

Մարինե.

Բարձ Ձեզ, խնդրում եմ օգնեք հետևյալ հարցում. ԱՁ-ի համար երկամտահարկ հաշվարկելիս նվազեցվու՞մ են սոց. վճարները, և արդյո՞ք նվազեցվում է նաև յուրաքանչյուր ամսվա համար 32500 դրամ, չնայած այն բանին, որ վերջին 3 ամիսներին ստացել է 4-8 հազար դրամ եկամուտ: Եկամատահարկը հաշվարկելու համար արդյո՞ք պետք է ամբողջ տարվա ստացած եկամուտը գումարենք իրար, հանենք վճարված սոց. վճարները և յուրաքանչյուր ամսվա համար 32500 դրամ: Շնորհակալություն:

Sep 04 2012

Ազատ գրաֆիկով աշխատանքի ձևակերպում

Գագիկ.

Հարգելի հաշվապահներ, խնդրում եմ պատասխանել հետևյալ հարցին.
ազատ աշխատանքային գրաֆիկով աշխատանքը ձևակերպելու համար պե՞տք է արդյոք կնքվի աշխատանքային պայմանագիր: Եթե ոչ, ապա ինչպե՞ս է արվում: Իսկ աշխատավարձը կարելի՞ է գրել օրինակի համար 20000 դրամ, իսկ աշխատանքային թերթիկում էլ նշել աշխատած քիչ օրերի թիվը:

Sep 04 2012

Փոխարինող աշխատողին հասանելիք արձակուրդ

Մարինե.

Բարև ձեզ, խնդրում եմ ինձ ասեք` ֆիզ. արձակուրդում գտնվող աշխատողին փոխարինող ժամանակավոր աշխատողին հասնու՞մ է արդյոք ֆիզ. արձակուրդ:

Sep 04 2012

Առաքման գրքի լրացման հետ կապված

Մարիամ.

Հարգելի հաշվապահներ, խնդրում եմ օգնեք: Կազմակերպությունը փոխառություն է վերցրել հիմնադիրից բենզինի տեսքով և պետք է վերադարձնի նույն տեսքով: Պայմանագրի ժամկետն շուտով լրանում է: Արդյո՞ք հետ վերադարձը պետք է գրանցվի առաքման գրքում:

Sep 04 2012

Ի՞նչ հարկեր են հաշվարկվում աշխատավարձից

Արթուր.

Հարգելի գործընկերներ, խնդրում եմ պատասխանել հետևյալ հարցին:
Եթե ՍՊԸ-ի աշխատողներից մեկը, որը նաև հանդիսանում է այդ ՍՊԸ-ի փայատեր, միակողմանի ծնողազուրկ է, ի՞նչ հարկեր է գանձվում նրա աշխատավարձից:
Շնորհակալություն:

Sep 04 2012

Կազմակերպությունը աշխատում է վնասով

em.

Խնդրում եմ պատասխանեք` քանի՞ տարի կարող է ՍՊԸ – ն աշխատել վնասով, կանոնադրական կապիտալի նվազեցում երբվանի՞ց պետք է անի, ո՞րտեղ կարող եմ նայել:

Շնորհակալություն:

Sep 04 2012

Ինչպե՞ս ճիշտ կազմակերպել արձակուրդները

Գայանե.

Հարգելի հաշվապահներ, խնդրում եմ օգնեք ինձ հասկանալ` ինչպես ճիշտ կազմակերպել արձակուրդները: Տվյալ ՍՊԸ-ում ես նոր եմ աշխատանքի անցել, աշխատողները 2008թ.-ից առ 2012թ. չեն ունեցել ամենամյա արձակուրդ: Արդյո՞ք կարող եմ ես 2009, 2010 թվականների համար գրանցել չվճարվող արձակուրդ, որպեսզի խախտում չլինի, թե՞ ավելի գրագետ ճանապարհ կա լուծելու այս հարցը: Խնդրում եմ օգնեք:

Sep 04 2012

Տոկոսային եկամուտը հարկվու՞մ է ԱԱՀ-ով

inna.

Հարգելի հաշվապահներ, կազմակերպությունը աշխատում է ԱԱՀ-ով և ֆիզ. անձին տրամադրել է փոխառություն տոկոսով: Հարցս հետևյալն է` տոկոսային եկամուտը հարկվու՞մ է ԱԱՀ-ով:

Aug 30 2012

Եկամտային հարկի վերաբերյալ

Սամվել.

Արդյո՞ք ուժի մեջ մտնելու է եկամտային հարկը, թե՞ ոչ:

Aug 30 2012

Հիմնադիրը ցանկանում է վաճառել իր մասնաբաժինը

Անի.

Ընկերությունը պատկանում է 2 ֆիզիկական անձի: Եթե հիմնադիրներից մեկը ցանկանում է իր մասնաբաժինը վաճառել, արդյո՞ք կարող է ընկերության մյուս հիմնադիրը վերցնել այն` փոխարենը տալով ընկերությանը պատկանող անշարժ գույք:

Aug 30 2012

Ի՞նչ կարգով է կատարվելու նվիրատրությունը

Թեհմինե.

Կարո՞ղ է արդյոք ՍՊԸ-ն, որը աշխատում է ԱԱՀ-ով, իրեն պատկանող անշարժ գույքը նվիրատրել մեկ այլ կազմակերպության, որը չի աշխատում ԱԱՀ-ով: Ի՞նչ կարգով է կատարվելու նվիրատրությունը:

Aug 30 2012

Միջին աշխատավարձի հաշվարկ

Նաիրա.

Հարգելի հաշվապահներ, խնդրում եմ պատասխանեք. եթե ՀՀ Աշխատանքային Օրենսգրքի համաձայն վեցօրյա աշխատանքային շաբաթվա դեպքում միջին օրեկան աշխատավարձը հաշվարկվում է միջին ամսական աշխատավարձը բաժանելով 25-ի, ապա ինչպե՞ս վարվել այս դեպքում: Աշխատողը 2012թ. օգոստոս ամսվա մեջ ունի 26 աշխատանքային օր, սակայն նա փաստացի աշխատել է 25 աշխատանքային օր: Նրա ամսեկան աշխատավարձը 200 000 դրամ է: Ստացվում է, որ նրա միջին օրեկան աշխատավարձը = է 200 000/25=8000 դրամ: Օգոստոս ամսվա աշխատավարձը = կլինի 8000*25=200 000: Այսինքն ստացվում է, որ նա աշխատել է 25, այլ ոչ թե 26 աշխատանքային օր, բայց ստանում է լրիվ ամսվա աշխատավարձ: Խնդրում եմ ասեք` ինչպես վարվել:

Aug 29 2012

ՀԿ հիմնադրման վերաբերյալ

Ella Baghramyan.

Բարև Ձեզ: Մի հարց էի ուզում տալ` ես ցանկանում եմ հիմնադրել կենտրոն, որտեղ երեխաները անվճար կսովորեն օտար լեզուներ, համակարգիչ, և որը կֆինանսավորվի դրամաշնորհների գումարով: Հիմա հարցս հետևյալն է` իբրև ՀԿ պետք է գրանցեմ պարտադիր, թե՞ կարող եմ նաև իբրև ՍՊԸ կամ այլ կերպ գրանցել, ինչպես նաև հետագայում պետվճարումները մինիմալացնելու համար ո՞ր ձևն է օպտիմալ: Կանխավ շնորհակալություն:

Aug 29 2012

ՀԿ-ն ստացել է դրամաշնորհ

Գոհար.

Հարգելի գործընկերներ, եթե ՀԿ-ն ստացել է դրամաշնորհ, ապա ինչպե՞ս է կատարվում դրա հաշվառումը, ծախսերի բախշումը և ընդհանրապես այդ հարցի հետ կապված որոշակի խորհուրդներ կամ ուղեցույց որտեղի՞ց կարող ենք ստանալ: Շնորհակալություն:

Aug 29 2012

ԱՁ սոց. վճարների վերաբերյալ

լիլիթ սեդրակյան.

Գրանցված եմ որպես ԱՁ, գործունեություն չեմ ծավալում, գործունեությունը դադարեցված է: Արդյո՞ք դուրս է եկել նոր օրենք, ըստ որի ԱՁ չփակելու դեպքում ամսեկան սոց. վճարները պետք է վճարվեն:
lilit_sedrakyan շնիկ mail.ru
Կանխավ շնորհակալ եմ:

Aug 29 2012

Աշխատողին տեղափոխում են մասնաճյուղ

Anna.

Բարև ձեզ: Կարո՞ղ եք պատասխանել` եթե ՍՊԸ գլխամասից աշխատողին տեղափոխում են նույն ՍՊԸ մասնաճյուղ, ապա այդ դեպքում պե՞տք է կնքվի նոր աշխատանքային պայմանագիր աշխատողի հետ, թե՞ կարող եմ համաձայնագիր կնքեմ աշխատողի հետ, իսկ հետո տալ հրաման:

Aug 27 2012

Արդյո՞ք պետք է գույքահարկ վճարել

Gohar.

Ցանկանում եմ ճշտել` արդյո՞ք գույքահարկ պետք է վճարվի 1 սենյականոց բնակարանի (Խրուշչովյան նախագիծ) համար, որը գտնվում է Հալաբյան 19 (Աջափնյակ) շենքի 4-րդ հարկում: Եթե այո, ապա որքա՞ն է գույքահարկի չափը: Շենքը 4 կարգի վթարային է և 45 տարուց ավել շահագործման տարիք ունի:

Aug 27 2012

Սոցապ տարվող փաստաթղթերում սխալ հայտնաբերելու դեպքում

Աստղիկ.

Բարև Ձեզ, ունեմ այսպիսի հարց.

Սոցապ տարվող փաստաթղթերում սխալ հայտնաբերելու դեպքում 15 օրվա ընթացքում կարող ենք տանել ճշգրտում առանց վարչական տուգանքների: Ինձ հետաքրքրում է` 15 օրը հաշվարկվում է փաստաթղթի ներկայացմա՞ն օրվանից, թե՞ ներկայացված փաստաթղթում սխալ հայտնաբերելու օրվանից: Շնորհակալություն:

Aug 26 2012

Ընկերության գանձապահը ազատվել է աշխատանքից

Մերի.

Հարգելի կոլեգաներ,
ընկերության գանձապահն ազատվել է աշխատանքից: Մինչ նոր գանձապահ ընդունելը կարելի՞ է գանձապահի պարտականությունները դնել հաշվապահի վրա:
Շնորհակալություն:

Aug 26 2012

Որքա՞ն է նվազեցումը եկամտահարկի հաշվարկման համար

Շուշան.

Վերջնահաշվարկի ժամանակ որքան է եկամտահարկի հաշվարկման համար կիրառվող նվազեցումը:

Aug 26 2012

Դավթաշենի վիճակագրական վարչության հասցեն

Աստղիկ.

Հարգելի հաշվապահներ, խնդրում եմ հուշեք Դավթաշենի վիճակագրական վարչության հասցեն: Շնորհակալություն:

Aug 26 2012

Խաղատների գործունեության հարկումը

Lus.

Հարգելի հաշվապահներ, Ա\Ձ -ն ցանկանում է բացել խաղատուն (պոկեր), կասե՞ք, թե ինչ հարկատեսակով է հարկվելու և լիցենզիան ինչ կարգով է կամ պարտադի՞ր է արդյոք:

Older posts «

» Newer posts