Category Archive: Հարց ու պատասխան

Dec 17 2012

Կազմակերպությունը զբաղվում է արտահանմամբ

Անահիտ.

Բարև Ձեզ, հարգելի հաշվապահներ, խնդրում եմ օգնել: Նոր կազմակեպություն է և զբաղվում է սննդամթերքի արտահանմամբ ԱՊՀ երկրներ: Ինչպե՞ս դուրս գրել հաշիվ-ապրանքագիր սննդամթերքի արտահանման ժամանակ, ինչպիսի՞ փաստաթղթեր են հարկավոր մաքսատուն ներկայացնելու համար: Եթե հնարավոր է` խնդրում եմ արտահանելու հաշիվ-ապրանքագրի ձև ուղարկեք:

Dec 14 2012

Արտոնագրային վճարի գումարը ավել է փոխանցվել

Հարություն.

Հարգելի գործընկերներ, արտոնագրային վճարի գումարը սխալ է հաշվարկվել և ավել է փոխանցվել: Արդյո՞ք հնարավոր է կատարել հաշվանցում կամ վերադարձնել ավել փոխանցված գումարը:

Dec 14 2012

Դասագրքերի մաշվածություն

Սեդա.

Դասագրքերի ամորտիզացիոն մասհանումների նորման քանի՞ տարի է:

Dec 14 2012

Որքա՞ն են տևելու ամանորյա արձակուրդները

Լիլիթ.

Կարո՞ղ եք ինձ ներկայացնել պետական որոշում ամանորյա արձակուրդների տևողության մասին:

Շնորհակալություն:

Dec 14 2012

Հիմնական աշխատավարձի տարբերություն

Արման.

Բարև ձեզ: Կարո՞ղ եք ինձ օգնել հասկանալ` ինչպես են ստանում հիմնական աշխատավարձի տարբերությունը, այսինքն 537 դրամ տվյալ օրինակում.

Օրինակ`
Հիմնական աշխատավարձի չափը մինչև 01.01.2013թ. 50.000
Առձեռն 46.900
Սոց. ապահովագրության վճարը 11.500
Հիմնական աշխատավարձի տարբերությունը 537
Պայմանագրային աշխատավարձը 01.01.2013թ-ից 62.037

Շնորհակալություն:

Dec 14 2012

Կարո՞ղ է արդյոք կազմակերպությունը հարկվել շրջանառության հարկով

Արման.

Հարգելի գործընկերներ, խնդրում եմ պատասխանել հետևյալ հարցին.
կազմակերպությունը զբաղվում է արտագնա տուրիզմով, ինչպես նաև ավիատոմսերի վաճառքով (ավիատոմսերի վաճառքից ստանում է կոմիսիոն եկամուտ): Կարո՞ղ է արդյոք 2013 թ.-ից հարկվել շրջանառության հարկով (2012 թ-ին շրջանառությունը 30 մլն-ը չի գերազանցել):

Dec 12 2012

Շահութահարկի կանխավճարների վերաբերյալ

Արման.

Բարև ձեզ: Խնդրում եմ ինձ օգնեք: Ըստ 2011 թվականի շահութահարկի հաշվարկի ես կատարել եմ կանխավճարներ` եռամսյակային գումարը 400.000դրամ (արդեն վճարել եմ 1.200.000դրամ), հաշվետու տարում 2012 թվականին հաշվարկված նվազագույն շահութահարկի գումարը կազմել է 204.000դրամ, հարկվող շահույթը = 0:

1. 2013թ. այդ 1.200.000 դրամը երևալու է որպես գերավճա՞ր, որովհետև 2012թ.շահույթ չունեմ
2. 2013թ. համար կանխավճարի գումարը ինչքա՞ն է կազմում 0 դրամ շահույթի դեպքում

Շնորհակալություն:

Dec 10 2012

Կազմակերպության հաշվին տնօրենը տոմս է գնել

Արման.

Բարև ձեզ: Խնդրում եմ շտապ պատասխանեք. կազմակերպության հաշվին տնօրենը տոմս է գնել արտասահման մեկնելու համար, որի համար ներկայացրել է հաշիվ-ապրաքագիր առանց ԱԱՀ:

1. Ես այդ գումարից ի՞նչ պահումներ անեմ և դա ի՞նչ ծախսատեսակով գրանցեմ
2. Շահութահարկի հաշվարկի մեջ ես այդ գումարը իրավունք ունե՞մ համախառն եկամտից նվազեցնել, այսինքն` ներառեմ ծախսերի մեջ:

Շնորհակալություն:

Dec 10 2012

Եկամտահարկի կանխավճար ո՞ր հաշվեհամարին պետք է փոխանցել

Լուսինե.

Հարգելի հաշվապահներ, խնդրում եմ ինձ օգնել հետևյալ հարցում:ԱՁ-ն զբաղվում է արտադրությամբ:

1. Եկամտահարկի կանխավճար ո՞ր հաշվեհամարին պետք է փոխանցել` 900005061115, թե՞ 900005006029-ին:
2. Եթե Վիճ. վարչություն հաշվետվություն ներկայացվել է եռամսյակային, ամեն անգամ պետք է ներկայացնել եռամսյակայի՞ն:

Կանխավ շնորհակալ եմ:

Dec 08 2012

Ձև Ֆ1-ի լրացման վերաբերյալ

Անի.

Սոց. հիմնադրամին աշխատող ընդունելու մասին նոյեմբերին Ձև Ֆ1 լրացնելուց հրամանի համարը պատահմամբ սխալ եմ ներկայացրել` 32-ի փոխարեն 22: 22 համարի հրամանի տակ սեպտեմբերով ընդունված այլ աշխատող էլ ունեինք: Ամսաթիվը ճիշտ է: Ի՞նչ խնդիրներ կառաջանան: Եվ ինչպե՞ս լուծել հարցը:

Dec 06 2012

Աշխատողին փոխարինելու համար վարձատրություն

Էդգար.

Բարև Ձեզ: Այսպիսի մի հարց է ինձ հետաքրքրում` արձակուրդ գնացող աշխատողի աշխ. պարտականություները ստանձնած անձը վճարվու՞մ է և ի՞նչ կարգով, ի՞նչ չափով է վարձատրվում: Շնորհակալություն:

Dec 06 2012

Ի՞նչ սկզբունքով են հարկվում սրճարանները

Տիգրան Սարգսյան.

Խնդրում եմ պարզաբանել` հարկային բարեփոխումներից հետո ի՞նչ սկզբունքով են հարկվում սրճարանները: Կա՞ արդյոք գյուղական վայրերում գործող սրճարաններին որևէ արտոնություն: Կանխավ շնորհակալություն:

Dec 06 2012

Տնօրենի բջջային հեռախոսի ծախսի վերաբերյալ

Gayane.

Հարցս հետևյալն է` հասարակական կազմակերպության ծախսերի մեջ կարո՞ղ ենք ներառել տնօրենի բջջային հեռախոսի ամսվա ծախսը, քանի որ առանց դրան հնարավոր չէ լուծել կազմակերպության գործունեության հետ կապված որևէ հարց: Շնորհակալ եմ:

Dec 06 2012

Տերմինի թարգմանություն

Նաիրա.

Ինչպե՞ս թարգմանել ռուսերեն “ծախսագրում” տերմինը:

Dec 05 2012

Ո՞ր դեպքում ՀԿ-ն կարող է զբաղվել ձեռնարկատիրական գործունեությամբ

Gayaneя

Հարցս հետևյալն է` ո՞ր գործունեությունն է համարվում ձեռնարկատիրական, և ո՞ր դեպքում հասարակական կազմակերպությունը կարող է զբաղվել ձեռնարկատիրական գործունեությամբ: Շնորհակալ եմ:

Dec 05 2012

Ի՞նչ ձևակերպումներ պետք է տալ

Gayane.

Հարգելի կոլեգաներ, ասացեք խնդրեմ` հասարակական կազմակերպությունը ի՞նչ ձևակերպում պետք է տա.

– համակարգիչների մաշվածքի համար
– անդամավճարների համար

Նախապես շնորհակալ եմ:

Dec 05 2012

Պահումներ նվազագույն աշխատավարձից

monart.

Բարև Ձեզ: Ինձ հետաքրքրում է` արդյո՞ք պահումներ կատարվում են մինիմալ աշխատավարձից:

Dec 05 2012

Կազմակերպությունների կազմակերպաիրավական ձևերի վերաբերյալ

Գուրգեն.

Բարև ձեզ: Ներքևի հարցերի պատասխանները ինքնուրույն չեմ կարողացել գտնել` հիմնականում հաշվապահությունից հեռու մասնագիտության պատճառով: Եթե որևէ սպառիչ գիրք կամ գրքեր կամ օրենքների բազմություն տրամադրեք, հղումները կամ թեկուզ վերնագիրը, անչափ շնորհակալ կլինեմ:

Ինձ տանջում են հետևյալ հարցերը․
1․ Կազմակերպության քանի՞ տեսակներ կարելի է հիմնել, նույնիսկ ներառյալ ԱՁ-ն:
2․ Եթե հիմնադիրները մի քանի հոգի են, ինչպե՞ս խորհուրդ կտաք շարժվել, ի՞նչ տիպի կազմակերպություն գրանցել:
3. Մի քանի հիմնադիրների դեպքում ինչպե՞ս են բաշխվում եկամուտները: Բնականաբար, հիմնադիրներն իրենք են որոշում, հարցս այն է, թե պե՞տք է արդյոք պաշտոնապես հայտնել պետական մարմիններին բաշխումների մասին:
4. Արտասահմանյան ֆիրմաներում շատ եմ հանդիպել CEO, CTO, CFO և նմանատիպ կոչումների (պաշտոնների), ինչպիսի՞ք են դրանց համապատասխանությունները հայկական կազմակերպություններում, կամ կա՞ն արդյոք այդպիսիններ, ու ո՞րն է տարբերությունը։
5. Ի՞նչ տեսակի հարկեր են մուծում կազմակերպութունները, ի՞նչ հաճախականությամբ:

Կանխավ շնորհակալ եմ:

Dec 05 2012

Ի՞նչ տուգանք է նախատեսված

Էմմա.

Հարգելիներս, խնդրում եմ օգնեք: Ես սկսնակ եմ: Դրամարկղային գիրքը լրացնելիս մի քանի ամսվա դրամարկղի ելքերը և մուտքերը լրացրել եմ մեկ էջի վրա: Դա սխա՞լ է: Ի՞նչ տուգանք է նախատեսված: Կանխավ շնորհակալ եմ:

Dec 04 2012

Ֆիզիկական անձին սուրհանդակային ծառայությամբ եկած ապրանքի մաքսազերծում

Արսեն.

Ֆիզիկական անձի անունով 180 օրվա մեջ երկրորդ անգամ եկել է ծանրոց, որն էլ ենթակա է մաքսազերծման: Մարմնի կրեմները գնված են օնլայն խանութից, և հաշիվ ֆակտուրայում արժեքը նշված է 35 դոլար, ուղարկվել է Հայաստան ԱՄՆ-ից: Մաքսատանը մաքսազերծման համար պահանջվում է 41000 դրամ կամ ավելի (ինչպես նշվեց բրոկերի կողմից): Ծանրոցի քաշը 3,3 կգ է, ապրանքի զուտ քաշը` 2կգ: Հարգելի հաշվապահներ, ինչպե՞ս է ձևավորվում և հաշվարկվում մաքսային արժեք, որ 15000 դրամ արժողությամբ ապրանքի համար պետք է վճարվի եռապատիկի չափով մաքսավճար: Արդյո՞ք բեռնափոխադրման արժեքը ներառվում է մաքսավճարի մեջ: Բայց չէ՞ որ այդ գումարը վճարվել է սուրհանդակային ծառայությանը ուղարկող երկրում:

Dec 03 2012

Արդյո՞ք անհրաժեշտ է յուրաքանչյուր ամիս կազմել ակտ

Hasmik.

Հարգելի կոլեգաներ, ընկերությունը վարձակալել է տարածք, կազմվել է հանձնման-ընդունման ակտ: Արդյո՞ք անհրաժեշտ է յուրաքանչյուր ամիս կազմել ակտ: Կանխավ շնորհակալություն:

Dec 03 2012

Ինչպե՞ս դադարեցնել ՍՊԸ գործունեությունը

Gayane.

Բարև ձեզ: Ինչպե՞ս դադարեցնել ՍՊԸ գործունեությունը: Վիճակագրական ծառայությանը ի՞նչ պետք է ներկայացնել:

Dec 03 2012

Ֆիզ. անձը ցանկանում է իրականացնել ձեռնարկատիրական գործունեություն

Lusin.

Հարգելի փորձառու հաշվապահներ, ֆիզ. անձը ցանկանում է իրականացնել ձեռնարկատիրական գործունեություն, մասնավորապես` մետաղական արձանիկների պատրաստում և վաճառք, հնարավոր է նաև արտահանում ՌԴ: Բնականաբար օրենքի սահմաններում գործելու համար ցանկանում է պետական գրանցում ստանալ, հաշվառվել ՀՏ-ում և կատարել օրենքով պահանջվող բոլոր հարկային վճարումները: Սակայն առաջացել է մի խնդիր. գրանցվել որպես ՍՊԸ, Ա/Ձ, թե՞ Ընկերակցություն, ի՞նչ հարկատեսակներով է նա հարկվելու և այլն: Նշեմ նաև, որ այս գործունեությամբ զբաղվելու են 3 ընկերներով: Առաջացած իրավիճակում կողմնորոշվելու համար խնդրում եմ ձեր մասնագիտական խորհուրդը: Ինչպե՞ս վարվել: Խնդրում եմ հնարավորության դեպքում շտապ արձագանքել:

Dec 03 2012

Գնումների որակավորման քննություններ

Արամ.

Ժողովուրդ, ի՞նչ են իրենցից ներկայացնում գնումների որակավորման քննությունները, և իրակա՞ն է արդյոք դրանք հանձնելը:

Dec 03 2012

Ծրագրի ուսուցողական տարբերակ

Մարինե.

Բարև Ձեզ: Անչափ շնորհակալ կլինեմ, եթե ինձ ուղարկեք 1C ծրագրի ուսուցողական տարբերակը:

Dec 03 2012

Ծախսի հիմնավորում

Գայանե.

Բարև ձեզ, հարգելի հաշվապահներ, խնդրում եմ ինձ օգնեք այս հարցում. ՀԴՄ կտրոններով ձեռք բերված ապրանքները կարո՞ղ են հիմնավորված ծախս հանդիսանալ ԱՁ-ի համար:

Nov 30 2012

Հիմնական միջոցի վերանորոգման ձևակերպում

Վլադիմիր.

Բարև Ձեզ: Ինչպե՞ս ձևակերպել շահագործման մեջ գտնվող հիմնական միջոցի վերանորոգում: Արդյո՞ք այն պետք է հանել շահագործումից: Ձեռնարկությունը կատարել է պերֆորատորի վերնորոգում: Դրա համար գնվել է համալրող սարք, որը փոխարինում է շարքից դուրս եկածին, և վճարել է այդ աշխատանքները կատարելու համար: Արդյո՞ք ճիշտ է այդ սարքի արժեքը 118-ից միանգամից տեղափոխել 111: Եվ ի՞նչ անել վերանորոգման համար վճարած գումարը: Շնորհակալություն:

Nov 30 2012

Բանակի ծառայությունը հանդիսանու՞մ է ստաժ

Սմբատ.

Ուզում եմ համայնքապետարանում աշխատել որպես համայնքային ծառայող և այդ աշխատանքի համար աշխատանքային ստաժը պարտադիր է: Այս պարագայում բանակի ծառայությունը հանդիսանու՞մ է ստաժ:

Nov 30 2012

Աշխատանքային գրքույկի լրացման վերաբերյալ

Էդմոնդ.

Կարո՞ղ է անհատ ձեռնարկատերը ինքը իր համար լրացնել աշխատանքային գրքույկը:

Nov 30 2012

Հաշվարկային թերթիկի օրինակելի ձև

Գոհար.

Որտեղի՞ց կարող եմ բեռնել հաշվարկային թերթիկի օրինակելի ձև:

Nov 29 2012

Ավիատոմսերի վաճառք

Մարինե.

Հարգելի հաշվապահներ, ինչպե՞ս ձևակերպել ավիատոմսերի վաճառքի գործակալության հաշվապահական գործառույթները ըստ հաշվային պլանի: Շնորհակալություն:

Nov 28 2012

ՀԿ հիմնադրելու համար

Նանա.

Բարև Ձեզ: Խնդրում եմ ինձ հուշեք` ՀԿ հիմնադրելու համար որտեղի՞ց պետք է սկսել, ի՞նչ փաստաթղթեր են անհրաժեշտ, և ու՞ր պետք է դիմել ընթացք տալու համար: Շնորհակալություն:

Nov 28 2012

Արդյո՞ք առաջանում են հարկային պարտավորություններ

Ռիտա.

Ես բնակվում եմ արտերկրում, սակայն ունեմ տնամերձ հողամաս Հայաստանում: Որպեսզի անտերության չմատնվի` բարեկամներց մեկը օգտագործում է, զբաղվում է ծառերի, ծաղիկների աճեցմամբ: Հարցս այն է` արդյո՞ք դրա համար ես պարտավոր եմ հարկ մուծել, կամ եթե ինչ որ մեկին վարձում ես տանը քեզ օգնելու համար, պարտավո՞ր ես արդյոք տեղեկացնել հարկայինին: Ինչպե՞ս կարող եմ այդ հարցը լուծել: Նախապես շնորհակալություն:

Nov 28 2012

Անձնական նվազեցման կիրառման վերաբերյալ

Գայանե.

Հարգելի կոլեգաներ,
ասացեք խնդրեմ` 2013թ-ից աշխատավարձի հաշվարկման ժամանակ կազմակերպությունը կիրառելու՞ է արդյոք 35000 դրամ անձնական նվազեցումը: Նախապես շնորհակալ եմ:

Nov 27 2012

Ակցիայի կազմակերպում

Հասմիկ.

Բարև Ձեզ, հարգելի կոլեգաներ:

Եթե հնարավոր է` կխնդրեի ուղղորդել ինձ հետևյալ հարցում: Մեր կազմակերպությունը ներկայացուցչություն է (չի հանդիսանում ԱԱՀ վճարող): Կոնկրետ արտադրատեսակի վաճառքի խթանման նպատակով պարբերաբար իրականացվում են ակցիաներ, որի ժամանակ տրամադրվում են նվերներ գնորդներին: Ակցիան կազմակերպելու համար մեր կազմակերպությունը պայմանագիր է կնքել մեկ այլ կազմակերպության հետ, որը պետք է կազմակերպի այդ ակցիայի անցացումը, և նվերները տրվում են այդ կազմակերպությանը ակցիայի մասնակիցներին բաժանելու նպատակով:

Հարցս հետևյալ է. արդյո՞ք առաջանում է եկամտահարկի հարց: Հնարավո՞ր է արդյոք, որ հարկայինը դա դիտարկի որպես միջնորդավորված ձևով ֆիզիկական անձանց եկամտի տրամադրում:

Nov 27 2012

Անհրաժե՞շտ է արդյոք էլեկտրոնային ստորագրություն

Նանե.

Բարև ձեզ:
Ես հանդիսանում եմ հասարակական կազմակերպության հիմնադիր: Մեր ՀԿ-ում չկան վարձատրվող աշխատողներ, կազմակերպությունը բարեգործական է, և երիտասարդները գործում են կամավորության սկզբունքով, հետևաբար և գրանցված աշխատողներ չկան:

2013 հունվարի 1-ից եկամտային հարկի նոր օրենքով պետք է հաշվետվությունները ներկայացվեն էլեկտրոնային եղանակով, սակայն եթե առայժմ չկան գրանցված աշխատողներ, հետևաբար հաշվետվություններ չեն ներկայացվելու, անհրաժե՞շտ է արդյոք էլեկտրոնային ստորագրություն: Շնորհակալություն:

Nov 27 2012

Նոր գրանցված ԱՁ

Հակոբ.

Նոր գրանցված անհատ ձեռներեց եմ, զբաղվելու եմ շին. գործիքների մանրածախ կամ մեծածախ վաճառքով: Ընդհանրապես չեմ պատկերացնում` ինչ կերպով պետք է կազմակերպեմ իմ հարկային պարտավորությունները, ունենալու եմ մեկ աշխատող (վաճառող): Խնդրում եմ հնարավորինս նկարագրեք, թե ինչ և ինչպիսի հարկային ծախսեր եմ ունենալու: Գործունեություն եմ ծավալելու վարձակալած տարածքում:

Nov 27 2012

Առաքման գրքի վերաբերյալ

Arevik.

Բարև Ձեզ, խնդրում եմ օգնեք: Փոքր կազմակերպության հաշվապահություն եմ վարում, առաքման գիրք են վարում, սխալմամբ նույն տողը 2 տարբեր հաշիվներում է օգտագործվել: Ի՞նչ կարելի է անել:

Nov 27 2012

Անհատույց ապրանքների տրամադրում հաճախորդներին

Արթուր.

Խնդրում եմ պատասխանել` կազմակերպությունը ձեռք է բերել ապրանքներ և այդ ապրանքները ակցիայի շրջանակներում նվիրելու է իր հաճախորդներին, ովքեր գնումներ են կատարելու: Անհատույց տրված ապրանքների համար գրե՞լ հարկային հաշիվ` գրելով “անհատույց տրամադրված”: Խնդրում եմ գրեք, ով գիտի անհատույց տրամադրված ապրանքների մասին, ինչպե՞ս հաշվառել, եթե հնարավոր է` օրինակով:

Nov 27 2012

Աշխատանքային պայմանագրերի կնքման հետ կապված

Nara.

Կազմակերպությունն իրավունք ունի՞ բոլոր աշխատողների հետ կնքելու որոշակի ժամկետով աշխատանքային պայմանագրեր 1 տարի ժամկետով և հետագայում երկարացնել նույն ժամանակահատվածով:

Nov 27 2012

Պարգևատրումների հաշվարկ

Susanna Serobyan.

Խնդրում եմ ասել, թե ինչպես են հաշվարկում միջին աշխատավարձը տարեվերջյան պարգևատրումները հաշվարկելիս: Շնորհակալություն:

Nov 26 2012

Կազմակերպությունը ձեռք է բերել ավտոմեքենա

Անդրանիկ.

Ողջույն:
Դիցուք ՍՊԸ-ն առուվաճառքի պայմանագրով ֆիզանձից ավտոմեքենա (1115) գնելու դեպքում պետք է որպես հարկային գործակալ ֆիզանձի փոխարեն վճարի 10 տոկոս եկամտահարկ: Իսկ եթե մեքենան ոչ օգտագործվում է ՍՊԸ-ի գործունեության համար, ոչ էլ ծախս է պետք գրանցել, համ էլ հարկեր իզուր չգոյացնել… Այսինքն, եթե Պետավտոտեսչությունում փաստացի գնումը իրականացվի, ՍՊԸ-ի անունով տեխանձնագիր տան, ու հաշվապահը չմուտքագրի հիմնական միջոցը բալանս, չներառի դա ընդհանրապես… Ի՞նչ կլինի որ:

Nov 26 2012

Էլեկտրոնային ստորագրություն օտարերկրացու համար

Աշոտ.

Բարև Ձեզ, հարգելի կոլեգաներ: Հարցս հետևյալն է` օտարեկրացին հիմնադրամ է հիմնել այստեղ, աշխատել և 2011թ ժամանակավորապես դադարեցրել գործունեությունը: Այժմ, երբ բոլորը պետք է էլեկտրոնային ստորագրության և հաշվետվությունների անցնեն, ի՞նչ պետք է անի հիմնադրամի հիմնադիրը, որը ՀՀ քաղաքացի չէ և բացի այդ` հիմնադրամը ոչ մի հաշվետվություն չի տալիս: Եթե ստորագրությունը պարտադիր է, ապա օտարերկրացին ո՞ր անձնագրային բաժին պետք է գնա, կամ միգուցե նրանց համար այլ կարգ է սահմանված: Ակնկալում եմ Ձեր պատասխանին, հարգանքով` Աշոտ:

Nov 26 2012

Հացաբուլկեղենի արտադրամաս

Իրինա.

Բարև Ձեզ, հարգելի կոլեգաններ: Եթե կարող եք, խնդրում եմ շտապ պատասխանեք: Ես վարելու եմ հացաբուկեղենի արտադրության հաշվապահությունը, որը հանդիսանում է Ա/Ձ: Պատասխանեք խնդրում եմ` որո՞նք են լինելու հարկային պարտականությունները, ի՞նչ հաշվետվություններ են ներկայացվելու: Առաքիչներին տրվելու է հաշիվ-ապրանքագիր ապրանքը առաքելու համար: Եթե Ա/Ձ-ն հարկվելու է արտոնագրային վճարով, ըստ օրենքի ԱԱՀ-ի և շահութահարկի հաշվետվություն չի՞ ներկայացնելու: Ներկայացնելու է սոցի հաշվետվություն ըստ գրանցված աշխատողների, եկամտահարկի եռամսյակային հաշվետվություն, սոցապին անհատական հաշվետվություն: Ա/Ձ-ն, որքանով գիտեմ, հարկային հաշիվ չի կարող գրել: Շատ եմ խնդրում, հարգելի կոլեգաներ, ինձ օգնեք: Շնորհակալություն:

Nov 26 2012

Մասնակիցներից մեկը վաճառում է իր բաժնեմասը

Լիլի.

ՍՊԸ-ի մասնակիցներից մեկը, ով ունի 60% բաժնեմաս, վաճառում է իր բաժնեմասը մյուս մասնակից իրավաբանական անձին: Խնդրում եմ ինձ ասել` հնարավո՞ր է արդյոք բաժնեմասը վաճառել ցանկացած գնով` կնքելով առուվաճառքի պայմանագիր: Տվյալ դեպքում իրավաբանական և հարկային ի՞նչ խնդիրներ կարող են առաջանալ: Հնարավո՞ր է արդյոք նվիրատվության պայմանագրով բաժնեմասը տալ մյուս մասնակցին:
Շնորհակալություն:

Nov 26 2012

Գրառում աշխատանքային գրքույկում

Սաթենիկ.

Հարգելի մասնագետներ, խնդրում եմ ինձ բացատրեք. եթե ես աշխատանքի եմ ընդունվել, և գործատուն ինձ հետ աշխատանքային պայմանագրի փոխարեն կնքել է ծառայությունների մատուցման պայմանագիր, ապա ես կարո՞ղ եմ պահանջել, որ աշխատանքային գրքույկումս կատարվի գրառում կատարվող աշխատանքի մասին, և արդյո՞ք այդ ժամանակահատվածը հաշվարկվելու է իմ աշխատանքային ստաժում:

Կանխավ շնորհակալություն:

Nov 26 2012

Կազմակերպությունը ձեռք է բերել սարքավորում

lusine.

Խնդրում եմ օգնել լուծել հետևյալ խնդիրը.

Կազմակերպությունը ձեռք է բերել սարքավորում, որը ենթակա է տեղակայման, գնման գինը 1 200 000 դր, կատարվել են տեղակայման հետևյալ ծախսումները`
նյութեր – 120 000
արագամաշ առարկաներ – 15 000
դրամարկղ – 100 000
աշխատավարձ – 100 000
սոց. վճար – 19 000

Տալ բոլոր հաշվապահական ձևակերպումները և սարքավորումները հանձնել շահագործման:

Nov 26 2012

Եկամտահարկի հաշվետվության ներկայացում

Նունե.

Խնդրում եմ պատասխանել` արհեստակցական կազմակերպությունը, որը չունի աշխատողներ, հարկային մարմնին եկամտահարկի հաշվետվությունը թղթայի՞ն է ներկայացնելու, թե՞ էլեկտրոնային: Ընդ որում, եկամտահարկի հաշվետվության ներկայացման պահանջ առաջացել է ֆիզիկական անձից ապրանք գնելու արդյունքում 10 տոկոս եկամտահարկ փոխանցելուց:

Nov 26 2012

Ինչպե՞ս ձեռք բերել էլեկտրոնային ստորագրություն

Tatev.

Բարև Ձեզ, սիրելի հաշվապահներ: Կասե՞ք ինձ` ինչպես ձեռք բերել էլեկտրոնային ստորագրություն: Գիտեմ, որ պետք է սկսեմ նույնականացման քարտ վերցնելուց: Ասեմ, որ բիզնեսը գրանցված է շրջանում:

Nov 22 2012

ՀՀ Քրեական օրենսգրքի հոդված 205

Արա Ա.

Հարգելի կոլեգաներ, արդյո՞ք ծանոթ եք ՀՀ Քրեական օրենսգրքի հոդված 205-ին.

Հարկերը, տուրքերը կամ պարտադիր այլ վճարումները վճարելուց չարամտորեն խուսափելը

1. Հարկերը, տուրքերը կամ պարտադիր այլ վճարումները վճարելուց չարամտորեն խուսափելը օրենսդրությամբ նախատեսված հաշվետվություններ, հաշվարկներ կամ հարկման հիմք հանդիսացող պարտադիր այլ փաստաթղթեր չներկայացնելու կամ նշված փաստաթղթերի մեջ ակնհայտ խեղաթյուրված տվյալներ մտցնելու միջոցով, որը կատարվել է խոշոր չափերով՝ Կարդալ ավելին … »

Older posts «

» Newer posts