Category Archive: Փոփոխություններ

Aug 07 2017

Կազմակերպությունը զբաղվում է բեռնափոխադրումներով

Արմեն.

Հարգելի գործընկերներ, մեր կազմակերպությունը զբաղվում է բեռնափոխադրումներով: Արդյո՞ք հաստատագրված վճարը դուրս է գալու 2018թ-ից, և այդ դեպքում ինչպե՞ս է հարկվելու բեռնափոխադրման գործունեությունը: Շնորհակալություն:

Aug 01 2017

Արդյո՞ք պետք է հաշվարկել սոցիալական վճար

Արման.

Հարգելի գործընկերներ, արդյո՞ք հուլիս ամսվա համար արդեն պետք է հաշվարկենք սոցիալական վճար բոլոր 1974թ.-ից հետո ծնված աշխատողների համար: Շնորհակալություն:

Jun 23 2017

Որքա՞ն է կազմում ԱԱՀ շեմը

Աննա.

Խնդրում եմ ասեք` որքա՞ն է կազմում ԱԱՀ շեմը` 58.35, թե՞ 115.0 միլիոն:

May 22 2017

Բնապահպանական հարկ բնապահպանական վճարի փոխարեն

Աննա.

Բարև ձեզ: Խնդրում եմ պատասխանել իմ հարցին, եթե կարող եք: Ինչու՞ 2018թ-ից բնապահպանական վճարի փոխարեն կօգտագործվի բնապահպանական հարկ հասկացությունը: Եվ ի՞նչ տարբերություն կա այդ երկու հասկացությունների միջև:

Mar 20 2017

Շահութահարկի կանխավճարների կատարման այլընտրանքային եղանակի հետ կապված

Արման.

Հարգելի կոլեգաներ, կազմակերպությունը մարտի 15-ին կատարել է շահութահարկի կանխավճար նախորդ եռամսյակում կատարվածի չափով, քանի որ շահութահարկի հաշվարկ դեռ չի ներկայացրել: Մարտի 20-ին ներկայացնում է հայտարարություն շահութահարկի կանխավճարների կատարման այլընտրանքային եղանակի ընտրության վերաբերյալ: Հարց. արդյո՞ք պետք է շահութահարկի կանխավճարի վերահաշվարկ կատարել I եռամսյակի համար, քանի որ 2016թ. IV եռամսյակի 2 տոկոսը ավելի մեծ է մարտի 15-ին կատարված կանխավճարի գումարից, իսկ եթե վերահաշվարկի անհրաժեշտություն չկա, արդյո՞ք պետք է վերահաշվարկ կատարել աճողական կարգով II եռամսյակի կանխավճարի կատարման ժամանակ: Շնորհակալություն:

Mar 19 2017

Արդյո՞ք աշխատակցի համար վճարվում է դրոշմանիշային վճար

Արմինե.

Հարգելի հաշվապահներ, արդյո՞ք երեխայի խնամքի արձակուրդում գտնվող աշխատակցի համար վճարվում է դրոշմանիշային վճար: Շնորհակալություն:

Mar 09 2017

Ո՞վ պետք է վճարի դրոշմանիշային վճարը

Սառա.

Ողջույն:
Խնդրում եմ օգնեք հասկանալ` եթե կազմակերպությունում աշխատում եմ 0.5 դրույքով, դրոշմանիշային վճարը իմ փոխարեն պետք է վճարի գործատու՞ն, թե՞ պետք է իմ աշխատավարձից պահվի:

Feb 21 2017

Ե՞րբ պետք է ԱՁ-ն վճարի դրոշմանիշային վճարը

Անի.

Ե՞րբ պետք է ԱՁ-ն վճարի դրոշմանիշային վճարը` հաշվետու ժամանակաշրջանի սկզբու՞մ, թե՞ վերջում, միանվագ 12 000, թե՞ ամեն ամիս 1 000-ական դրամ:

Feb 21 2017

Դրոշմանիշային վճար

Դրոշմանիշային վճարի կամ ավելի հայտնի` 1 000 դրամի օրենքի մասին որտե՞ղ կարող եմ կարդալ օրենքը կամ նախագիծը:

Feb 14 2017

Ինչպե՞ս է հաշվարկվում դրոշմանիշային վճարը

Թագուհի.

Բարև ձեզ:
Սիրելի հաշվապաներ, դրոշմանիշային վճարը (1 000դր) կեղտոտ աշխատավարձից է գանձվում, թե՞ մաքուրից: Այսինքն, եթե աշխատողին հաշվարկվել է 70 000դր, որը պահումներից հետո դառնում է (մաքուրը արդեն) 52 391դր:
Եվ անփոփ հաշվարկ ներկայացնելիս, աշխատավարձ դաշտում ո՞ր գումարը պետք է նշվի, գիտեմ որ 1 000դր-ը չի հարկվում:
Շնորհակալություն:

Feb 14 2017

Դրոշմանիշային վճարները հաշվետվության մեջ արտացոլելու վերաբերյալ

Կարինե.

Հարգելի հաշվապահներ, արդյո՞ք եկամտային հարկի հաշվարկը լրացնելիս արդեն չպետք է երևան դրոշմանիշային վճարները (1 000 դր), չէ՞ որ հունվարի համար արդեն պետք է կատարենք դրանք: Ինձ մոտ հաշվարկը լրացնելիս դրանք չեն հաշվարկվում: Նաև խնդրում եմ գրել դրոշմանիշային վճարը կատարելու հաշվեհամարը: Շնորհակալություն:

Jan 31 2017

Շահութահարկի կանխավճարի հետ կապված

Արմինե.

Հարգելի հաշվապահներ, խնդրում եմ պարզաբանեք.
ՀՀ ՀՕ 135-րդ հոդվածում ասվում է` շահութահարկի կանխավճարը 20 տոկոս է կազմում, իսկ “Շահութահարկի մասին” ՀՀ օրենքի 47-րդ հոդվածում` 18.75 տոկոս:

Jan 30 2017

Արդյո՞ք աշխատանքային գրքույկները դուրս են գալիս շրջանառությունից

Արմեն.

Գործընկերներ, ճի՞շտ է արդյոք, որ աշխատանքային գրքույկները դուրս են գալիս շրջանառությունից, և դրանք պետք է հանձնել Աշխատանքի և սոցիալական հարցերի նախարարություն:

Jan 30 2017

Ո՞ր հաշվեհամարին պետք է վճարել դրոշմանիշային վճարները

Կարինե.

Հարգելի հաշվապահներ, խնդրում եմ պատասխանել` ո՞ր հաշվեհամարին պետք է վճարել դրոշմանիշային վճարները (աշխատավարձից պահվող 1 000 դրամները):

Jan 13 2017

Դրոշմանիշային վճարի հետ կապված

Նինա.

Հարգելի հաշվապահներ, արդյո՞ք գործում է արդեն դրոշմանիշային վճարի մասին օրենքը` աշխատավարձից 1 000 դրամ բանակին հատկացնելու վերաբերյալ:

Jan 09 2017

2017թ. հունվարի 1-ից հետո գործող օրենսդրական փոփոխություններ

Արմեն.

Հարգելի գործընկերներ, նախ շնորհավորում եմ բոլորի Նոր Տարին և Սուրբ Ծնունդը: Խնդրում եմ ծանոթացնել այն գլխավոր փոփոխություններին, որոնք կատարվել են օրենսդրական ակտերում և գործելու են 2017թ. հունվարի 1-ից: Նախապես շնորհակալություն:

Dec 26 2016

Էլեկտրոնային հաշվետվությունների օգտվողների կառավարման նոր համակարգ

Արման.

Հարգելի գործընկերներ, ե՞րբ է էլեկտրոնային հաշվետվությունների օգտվողների կառավարման նոր համակարգում գրանցվելու վերջնաժամկետը: Հնարավո՞ր է արդյոք տվյալ գործողությունը կատարել հունվար ամսին` մինչև հաշվետվություններ ուղարկելը: Շնորհակալություն:

Dec 26 2016

Դրոշմանիշային վճարի հետ կապված

Hasmik.

Հարգելի հաշվապահներ, հայտնեք խնդրում եմ ձեր կարծիքները։
ՀՀ ՊԱՇՏՊԱՆՈՒԹՅԱՆ ԺԱՄԱՆԱԿ ԶԻՆԾԱՌԱՅՈՂՆԵՐԻ ԿՅԱՆՔԻՆ ԿԱՄ ԱՌՈՂՋՈՒԹՅԱՆԸ ՊԱՏՃԱՌՎԱԾ ՎՆԱՍՆԵՐԻ ՀԱՏՈՒՑՄԱՆ ՄԱՍԻՆ օրենքի կիրառման առումով.
Հարց 1․ աշխատանքային պայմանագրով ՀՀ տարածքից դուրս աշխատող ոչ ռեզիդենտից 1 000 դրամ գանձվելու՞ է, թե՞ ոչ,
Հարց 2․ մաքրման ծառայությունների քաղ. իրավական պայմանագրով ( ամսական վճարը 15 000 դրամ է ), ֆիզ անձից գանձվելու՞ է 1 000 դրամ, թե՞ ոչ:
Կանխավ շնորհակալություն։

Dec 19 2016

Արդյո՞ք աշխատողից կպահվի 2 000 դրամ

Michael.

Բարև ձեզ: Հարգելի հաշվապահներ, վերջերս ընդունված “1 000 դրամների” մասին օրենքով, եթե ֆիզիկական անձը աշխատում է երկու տեղ համատեղությամբ, իրենից պահվելու՞ է արդյոք 2 000 դրամ, յուրաքանչյուր գործատուի կողմից 1 000։

Շնորակալություն:

Dec 14 2016

Շահաբաժինների հարկման հետ կապված

Արման.

Հարգելի գործընկերներ, արդյո՞ք ճիշտ է, որ 2017թ-ից շահաբաժինները հարկվելու են, և այդ դեպքում արդյո՞ք դա տարածվում է 2016թ. արդյունքներով հայտարարված շահաբաժինների վրա: Շնորհակալություն:

Nov 21 2016

2017թ-ից կգանձվի ԱԱՀ ներգնա տուրիստական փաթեթներից

Արամ.

Հարգելի գործընկերներ, որքանով տեղյակ եմ, 2017թ-ից կգանձվի ԱԱՀ ներգնա տուրիստական փաթեթներից:

Հարց. արդյո՞ք դա վերբերում է միայն ԱԱՀ-ով աշխատող տնտեսվարող սուբյեկտներին:

Եթե այո, արդյո՞ք չի ստացվի, որ ԱԱՀ-ով աշխատող տնտեսվարողի կողմից ներկայացված նույն տուրիստական փաթեթը ԱԱՀ մասով ավելին կարժենա, քան հաստատագրված հարկ վճարող տնտեսվարողինը:

Խնդրում եմ, պարզաբանեք:

Շնորհակալություն,

Արամ

Nov 21 2016

Դիմացի կազմակերպությունը դուրս է գրել ճշգրտող հաշիվ

265

Ռոզա.

Բարև ձեզ, խնդրում եմ պատասխանել հետևյալ հարցիս.

Երբ դիմացի կազմակերպությունը նոյեմբեր ամսին դուրս է գրում օգոստոս ամսին վերաբերող հարկային հաշվի ճշգրտող հաշիվ, ի՞նչ պետք է անել:
1. Ճշտու՞մ ենք օգոստոս ամսի հաշիվը
2. Եթե ոչ, նոյեմբերին ստացված հաշիվը ի՞նչ ձևակերպում ենք տալիս

Կանխավ շնորհակալ եմ:

Nov 01 2016

2018թ. հունվարի 1-ից ուժի մեջ մտնող Հարկային Օրենսգրքով ԱԱՀ շեմը սահմանվելու է 58,35 միլիոն դրամ

263

Արմեն.

Հարգելի գործընկերներ, 2018թ. հունվարի 1-ից ուժի մեջ մտնող Հարկային Օրենսգրքով ԱԱՀ շեմը սահմանվելու է 58,35 միլիոն դրամ: Արդյո՞ք 2017թ-ին այդ շեմը գերազանցած կազմակերպությունները 2018-ին չեն կարողանա աշխատել շրջանառության հարկով: Շնորհակալություն:

Oct 15 2016

ՀԴՄ կտրոնի վրա ապրանքի/ծառայության անվանման տպելու պահանջի վերաբերյալ

Արման.

Հարգելի գործընկերներ, արդյո՞ք ՀԴՄ կտրոնի վրա ապրանքի/ծառայության անվանման տպելու պահանջը դուրս է եկել փոքր կազմակերպությունների համար: Խնդրում եմ նշել համապատասխան որոշման/հրամանի համարը:

Oct 12 2016

Ինչպե՞ս է հարկվելու բեռնափոխադրումների գործունեությունը

261

Արտակ.

Հարգելի հաշվապահներ, մեր կազմակերպությունը զբաղվում է բեռնափոխադրումներով և վճարում է հաստատագրված վճար այդ գործունեության համար: Ճի՞շտ է արդյոք, որ 2018թ. հունվարի 1-ից ուժի մեջ մտնող հարկային օրենսգրքով հաստատագրված վճարը դուրս է գալիս: Այդ դեպքում ինչպե՞ս է հարկվելու բեռնափոխադրումների գործունեությունը: Նախապես շնորհակալություն:

Oct 07 2016

Հարկային օրենսգրքով նախատեսվող փոփոխությունները հարկային դաշտում

Արմեն.

Հարգելի գործընկերներ, որո՞նք են այն հիմնական փոփոխությունները, որոնք կատարվելու են նոր հարկային օրենսգրքով:

Oct 03 2016

Հարկային օրենսգրքի վերաբերյալ

Հարութ.

Հարգելի հաշվապահներ, ի՞նչ նորություն կա “Հարկային օրենսգրքից”, ո՞ր փուլում է, և որտե՞ղ կարող եմ ծանոթանալ նախագծին: Շնորհակալություն:

Oct 03 2016

ՀԴՄ սպասարկման վճար

Արման.

Հարգելի գործընկերներ, արդյո՞ք ճիշտ է, որ ՀԴՄ սպասարկման վճարը կրճատվել է մինչև 1 000 դրամ:

Sep 29 2016

Ապրանքի անվանման նշումը ՀԴՄ կտրոնի վրա

arpine.

Բարև ձեզ, կասե՞ք խնդրեմ՝ նոր գրանցված ԱՁ-ն աշխատելու է շրջանառության հարկով, նոր սերնդի ՀԴՄ-ում պարտադի՞ր է ապրանքատեսակի լրացումը 2017թ.-ից և ի՞նչ բացվածքով: Կանխավ շնորհակալ եմ:

Aug 30 2016

Ծառայության անվանման տպում ՀԴՄ կտրոնի վրա

Արման.

Հարգելի գործընկերներ, արդյո՞ք ծառայությունների անվանումներն էլ պետք է տպել ՀԴՄ կտրոնի վրա համաձայն դասակարգչի, թե՞ խոսքը վերաբերում է միայն ապրանքներին: Շնորհակալություն:

Jul 06 2016

Ճշգրտող հաշիվների վերաբերյալ

219

Հովիկ.

Հարգելի գործընկերներ, կասե՞ք՝ ի՞նչ է նշանակում ճշգրտող հաշիվ, արդյո՞ք այն վերաբերում է միայն հարկային հաշիվներին, թե՞ նաև հաշիվ-ապրանքագրերին: Ինչպե՞ս է դուրս գրվում ճշգրտող հաշիվը և ո՞ր դեպքերում: Շնորհակալություն:

Jul 04 2016

Որտեղի՞ց տեղեկանալ ոլորտում տեղի ունեցող փոփոխությունների մասին

Նարինե.

Հարգելի կոլեգաներ,
անչափ շնորհակալ կլինեմ, եթե կիսվեք ինձ հետ, թե որ կայքերից կամ այլ աղբյուրներից եք օգտվում, որպեսզի միշտ և ճիշտ ժամանակին տեղեկացված լինեք օրենքների փոփոխություններից, պարզաբանումներից, որևէ հարկատեսակի մասով հաշվարկների-հաշվետվությունների ձևաթղթերում փոփոխություններից և ամեն տեսակ հարկային նորություններից:

Jun 07 2016

Ոչ ռեզիդենտին դուրս գրվող հաշիվ

215

Արա Ա.

Հարգելի գործընկերներ, մինչև վերջերս ոչ ռեզիդենտին դուրս էինք գրում թղթային հաշիվ, քանի որ կար նաև համապատասխան գրություն-պարզաբանում, որ. “…մինչև այլ հաշվարկային փաստաթղթերն էլեկտրոնային եղանակով դուրս գրելու համապատասխան ծրագրային փոփոխությունների ներդրումը “e-invoicing” համակարգում, ոչ ռեզիդենտ կազմակերպություններին մատուցվող ծառայությունների մասով կարող են դուրս գրվել թղթային կրիչի վրա լրացված և հարկ վճարողի կողմից վավերացված (ստորագրված և կնիքի առկայության դեպքում՝ կնքված)՝ այլ ուղեկցող փաստաթղթեր՝ առանց նշելու ստացողի ՀՎՀՀ-ն”:

Հիմա “e-invoicing” համակարգում ավելացվել է առանց ՀՎՀՀ նշելու էլեկտրոնային հաշիվ դուրս գրելու հնարավորությունը: Արդյո՞ք դա այդ “այլ հաշվարկային փաստաթղթերն էլեկտրոնային եղանակով դուրս գրելու համապատասխան ծրագրային փոփոխությունների ներդրումն” է, և արդյո՞ք այսուհետ (և ընդհանրապես՝ երբվանի՞ց) պետք է դուրս գրել 2 հաշիվ, մեկը՝ ոչ ռեզիդենտի մայրենի լեզվով և արտարժույթով, մյուսը՝ էլեկտրոնային, հայերեն, դրամով:

Apr 11 2016

ՀԴՄ կտրոնների վրա ապրանքներն իրենց կոդերով տպելու պահանջ

Արման.

Ժողովուրդ, ի՞նչ նորություն ունեք ՀԴՄ կտրոնների վրա ապրանքներն իրենց կոդերով տպելու պահանջի հետ կապված: Արդյո՞ք մայիսի 1-ից գործելու է օրենքը, թե՞ ոչ:

Feb 18 2016

Ինչպե՞ս է դուրս գրվելու հաշիվ-ապրանքագիրը

Արմինե.

Ասացեք խնդրեմ, կազմակերպությունը իրականացնում է միջպետական բեռնափոխադրումներ և աշխատում է հաստատագրված վճարով: Մինչև հիմա մենք գրել ենք մատուցված ծառայության դիմաց հաշիվ-ապրանքագիր, հիմա ինչպե՞ս ենք անելու, նորի՞ց հաշիվ ապրանքագիր ենք գրելու, թե՞ էլեկրտոնային ենք դուրս գրելու հաշիվը:

Feb 08 2016

Էլեկտրոնային հաշվարկային փաստաթուղթ դուրս գրելու վերաբերյալ

Arsine.

1. Կազմակերպությունը աշխատում է շրջանառության հարկով: 2016թ-ից հաշիվ-ապրանքագրերը պետք է դուրս գրի էլեկտրոնային եղանակով: Կազմակերպության կողմից ստացված հարկային հաշիվները ստորագրվում են: Արդյո՞ք հաշվարկային փաստաթուղթ դուրս գրելու համար պետք է ակտիվացվի ստորագրությունը, թե՞ այն արդեն իսկ ակտիվ է ստորագրում է ստացված հաշիվները:

2. Կազմակերպությունը նաև մատուցում է ծառայություններ, սակայն ծառայությունների դուրս գրման էլեկտրոնային հաշիվ-ապրանքագիր չկա: Ինչպե՞ս պետք է վարվել նման պարագայում:

Feb 05 2016

ԱԱՀ վճարող կազմակերպությունը վարում է նաև կոմիսիոն հիմունքներով մանրածախ առևտուր

208

Nnn71.

ԱԱՀ վճարող կազմակերպությունը վարում է նաև կոմիսիոն հիմունքներով մանրածախ առևտուր և անհատ ձեռներեց չհանդիսացող ֆիզ. անձերից կոմիսիոն պայմանագրի հիման վրա հաշվարկային փաստաթղթով (հաշիվ-ապրանքագիր) ընդունում է մանրածախ ապրանքներ (հուշանվերներ):

2016 թվականի հունվարի 1-ից սկսած` հաշվարկային փաստաթղթերը դուրս են գրվում բացառապես էլեկտրոնային եղանակով:

Խնդրում եմ պատասխանել` ի՞նչ կարգով պետք է դուրս գրի հաշվարկային փաստաթուղթ ԱԱՀ վճարող կոմիսիոները ֆիզ.անձ հանդիսացող կոմիտենտին, և ինչպիսի՞ փաստաթուղթ պետք է ներկայացնի կոմիտենտը:
Կանխավ շնորհակալություն:

Jan 25 2016

Ինչպիսի՞ հաշիվ-ապրանքագիր պետք է տալ Արցախում գրանցված կազմակերպությանը

lida123.

Բարև ձեզ: Իմ կազմակերպությունը աշխատում է շրջանառության հարկով, 2016թ-ից հաշիվ ապրանքագրերը ուղարկում եմ էլեկտրոնային ձևով: Հաշիվ-ապրանքագիր եմ տալիս նաև Արցախին, խնդրում եմ օգնել` ինչպիսի՞ հաշիվ-ապրանքագիր պետք է տալ Արցախում գրանցված կազմակերպությանը: Այն գրանցված չէ էլեկտրոնային համակարգում:

Jan 25 2016

Ի՞նչ փաստաթուղթ պետք է ունենա առաքիչը ապրանքը մատակարարելիս

201

Sasun.

Խնդրում եմ ասել` ի՞նչ փաստաթուղթ պետք է ունենա առաքիչը ապրանքը մատակարարելիս, եթե կազմակերպությունը զբաղվում է արտադրությամբ և աշխատում է շրջանառության հարկով, և դուրս են գրվում հաշվարկային փաստաթղթեր էլէկտրոնային եղանակով:

Jan 11 2016

Արդյո՞ք 2016-ի հունավարի 1-ից էլեկտրոնային հաշիվներ պետք է դուրս գրել

KAREN.

Բարև ձեզ:
Կազմակերպությունը մատուցում է ծառայություններ: Արդյո՞ք 2016-ի հունավարի 1-ից էլեկտրոնային հաշիվներ պետք է դուրս գրել: Իսկ եթե ծառայությունը մատուցված է ֆիզ․ անձա՞նց:

Jan 11 2016

ԱՁ-ն զբաղվում է արտադրությամբ

Astxik.

Բարև ձեզ, հարգելի հաշվապահներ: Շնորհավորում եմ 2016թ, ցանկանում եմ առողջություն, և այս տարում ոչ մի օրենքի փոփոխություն չլինի:
Հարցս այսպիսին է.

ԱՁ-ն զբաղվում է արտադրությամբ, սակայն արտադրության տարրերից մեկը նաև վաճառում ենք, որը հարկվում է առևտրի մասով, սակայն չունենք խանութ, ՀԴՄ, մենք ենք մատակարարում հ/ֆ-ով և գումարը կանխիկ վերցնում ենք, կարո՞ղ ենք այդպես էլ շարունակել, թե՞ …
Կանխավ շնորհակալություն:

Nov 23 2015

ՀԴՄ կտրոնի վրա ապրանքի անվանման նշում

252

Arsine.

Ընկերությունը հիմնադրվել է 2014թ-ին և աշխատում է ԱԱՀ դաշտում: 2016թ-ից հանդիսանալու է ամսական ԱԱՀ վճարող: Իրականացնում է մեծածախ և մանրածախ առևտուր: Ունի ՀԴՄ: Ներկա պահին ՀԴՄ կտրոնի վրա չի արտացոլվում ապրանքի անվանումը, քանակը և գինը: Հարցս հետևյալն է` արդյո՞ք 2016թ-ի հունվարի 1-ից պարտադիր է, որ ՀԴՄ կտրոնի վրա նշվեն ապրանքի անվանումը, քանակը և գինը, ստացված գումարի չափը, տրված մանրը և այլն:

Կանխավ շնորհակալություն:

Nov 11 2015

Արդյո՞ք 2016թ. հունվարի 1-ից պետք է աշխատել նոր սերնդի ՀԴՄ-ներով

Արման.

Ժողովուրդ ջան, հիմա մյուս տարվա հունվարի 1-ից հետո արդեն բոլորը պետք է նոր սերնդի ՀԴՄ-ներով աշխատե՞ն և ՀԴՄ կտրոնի վրա պարտադիր տպե՞ն ապրանքի անվանումը և քանակը:

Oct 23 2015

Ուժի մեջ են մտել ՀՀ աշխատանքային օրսենգրքում կատարված փոփոխությունները

Աղբյուրը` © 168.am

2015թ. հոկտեմբերի 22-ին ուժի մեջ է մտել 2015թ. հունիսի 22-ին ընդունված «Հայաստանի Հանրապետության աշխատանքային օրենսգրքում փոփոխություններ և լրացումներ կատարելու մասին» ՀՀ օրենքը (ՀՕ-96-Ն):

Օրենքով կարգավորվել են իրավակիրառական պրակտիկայում ի հայտ եկած մի շարք խնդիրներ` հետևյալ հիմնական ուղղություններով.

  • ամբողջական ձևակերպմամբ սահմանվել է «հատուկ կամ մասնագիտական աշխատանքային ստաժ» հասկացությունը,
  • հստակեցվել և ամբողջականացվել է աշխատանքային պայմանագրի բովանդակությունը. փորձաշրջանի պայմանները, ամենամյա արձակուրդի տեսակը և դրա տևողությունը ևս պետք է ամրագրվեն աշխատանքային պայմանագրում,
  • սահմանվել է կողմերի էլեկտրոնային ստորագրությամբ աշխատանքային պայմանագիր կնքելու հնարավորությունը,
  • փոխվել և լրացվել են աշխատողի տարիքային կենսաթոշակային տարիքը լրանալու հիմքով աշխատանքային պայմանագրի լուծման կամ այդ հարաբերությունները` որոշակի ժամկետով շարունակելու հիմքերը,
  • համապարփակ կարգավորվել են աշխատանքային պայմանագրի հիմնական պայմանների փոփոխման հետ կապված հարաբերությունները,
  • ամբողջականացվել է աշխատողի հետ վերջնահաշվարկի կատարման կարգը,
  • սահմանվել է ֆիզիկական անձ գործատուի մահվան դեպքում աշխատանքային պայմանագրի լուծման առանձնահատկությունը,
  • սահմանվել է աշխատանքային տարի հասկացությունը,
  • առավել հստակեցվել են գործատուի կողմից կարգապահական տույժ կիրառելու հետ կապված կարգավորումները,
  • կիրառական տեսանկյունից առավել պարզեցվել է միջին ժամային աշխատավարձի հաշվարկման կարգը,
  • միջազգային իրավունքի նորմերին և սկզբունքներին համապատասխան` ամբողջական կարգավորման են ենթարկվել մինչև տասնչորս տարեկան երեխաների մասնակցությամբ աշխատանքային հարաբերությունները,
  • վերացվել է մինչև 18 տարեկան աշխատողների նկատմամբ աշխատաժամանակի գումարային հաշվարկ կիրառելու հնարավորությունը,
  • հղի կանանց և մինչև երեք տարեկան երեխա խնամող աշխատողների համար սահմանվել է պարտադիր բժշկական զննության պահանջ` իրենց համաձայնությամբ գիշերային աշխատանքի ներգրավելու դեպքում,
  • աշխատավարձ վճարելիս հաշվարկային թերթիկ ներկայացնելու` գործատուի պարտավորությունը սահմանվել է միայն աշխատողի պահանջով,
  • կատարվել են նաև խմբագրական և հստակեցման բնույթի, տարընթերցումները բացառող այլ փոփոխություններ:

ՀՀ աշխատանքի և սոցիալական հարցերի նախարարության հասարակայնության հետ կապերի բաժին

Աղբյուրը` © 168.am

Oct 07 2015

Նոր աշխատանքային օրենսդրության փոփոխությունների հետ կապված

Astxik.

Բարև ձեզ, հարգելիներս: Նոր աշխատանքային օրենսդրության փոփոխությունների հետ կապված որքան որ ուսումնասիրեցի, ոչ մի նորություն չգտա, բոլոր հոդվածները հին պայմանագրերում էլ էր գրվում, ճիշտ է հրամանագիրքը պարտադիր չէր, բայց ես վարում էի, ինչպես նաև տաբելը, հիմա նոր հրամանագիրք բացե՞մ: Հին հրամանները գրե՞մ, թե՞ կարելի է հին հրամանագիրքը շարունակել վարել:

Sep 09 2015

Շրջանառության հարկի նվազեցումների վերաբերյալ

Արման.

Հարգելի գործընկերներ, հարցս վերաբերում է “Շրջանառության հարկի” մասին օրենքի փոփոխություններին: Կազմակերպությունը ունի ապրանքի մնացորդ, որը ձեռք է բերել 2015թ. առաջին եռամսյակում, իսկ իրացրել է 2015թ. երրորդ եռամսյակի ընթացքում: Կարո՞ղ է արդյոք դրա 4 տոկոսը նվազեցնել: Հարցը առաջանում է, որովհետև “Շրջանառության հարկի” մասին օրենքում նշվում է.”…շրջանառության հարկի գումարը նվազեցվում է տվյալ հաշվետու ժամանակաշրջանում անմիջական վաճառքի նպատակով ձեռք բերված ապրանքների գծով կատարված ծախսերի 4 տոկոսը կազմող գումարի չափով”:

Jul 30 2015

Ինչպե՞ս հաշվարկել շրջանառության հարկը

Նարինե.

Հարգելի հաշվապահներ, խնդրում եմ օգնել:

ՍՊԸ-ն զբաղվում է սարքավորումների ներկրմամբ: Պահեստավորում է և տարվա ընթացքում մատակարարում կազմակերպություններին: Տվյալ եռամսյակում կազմակերպություններին մատակարարել է ինչպես նախորդ, այնպես էլ տվյալ եռամսյակում ներկրված սարքավորում:

Օրենքի վերջին փոփոխությունների հետ կապված ինչպե՞ս պետք է կատարվի շրջանառության հարկի հաշվարկը` ո՞ր եռամսյակում ներկրված սարքավորումների համար, և ինչպե՞ս պետք է կատարվեն նվազեցումները: Արդյո՞ք նախորդ եռամսյակում ներկրված սարքավորումները ներկա եռամսյակում մատակարարելու ժամանակ պետք է կատարվի նվազեցում, թե՞ ոչ: Եվ ընդանրապես` ինչպե՞ս պետք կատարվի շրջհարկի հաշվարկը:
Կանխավ շնորհակալություն:

Jul 17 2015

Ի՞նչ դրույքաչափով հաշվարկել շրջանառության հարկը

Անի.

Հարգելի հաշվապահ ընկերներ, հարցս “Շրջանառության հարկի մասին” ՀՀ օրենքի փոփոխության մասին է: Ի՞նչ դրույքաչափով պետք է հաշվարկել առևտրական (առք ու վաճառքի) գործունեությունից շրջանառության հարկը երկրորդ եռամսյակի համար:

Jun 01 2015

Շրջանառության հարկի մասին ՀՀ օրենքի փոփոխություններ

Լևոն.

Հարգելի գործընկերներ, ինչ նորություն ունեք “Շրջանառության հարկի մասին” ՀՀ օրենքի փոփոխություններից: Արդյո՞ք արդեն կա համապատասխան իրավական ակտը: Շնորհակալություն:

Apr 13 2015

Կա՞ արդյոք հաշվետվության լրացման հրահանգ

Արսինե.

Հարգելի հաշվապահներ, խնդրում եմ օգնեք:
ԱՁ աշխատում է շրջանառության հարկով: Նախորդ տարի ներկայացրել եմ տարեկան եկամուտների պարզեցված հաշվարկ: Սակայն 2014թ-ի համար նախատեսված հաշվետվաձևում, որը 2-3 օր է ինչ տեղադրվել է կայքում, չկան տողեր, որոնք վերաբերում են ձեռնարկատիրական գործունեությանը: Կա՞ արդյոք հաշվետվության լրացման հրահանգ:

Older posts «