Նարե․

ԱԱՀ վճարող կազմակերպությունը 2021թ.-ի նոյեմբերին ՀՀ-ում ներմուծում է վարչական նպատակով օգտագործման համար նախատեսված հաստոց 1 500 դոլարով: Գնման օրը ՀՀ Կենտրոնական Բանկում սահմանված 1 դոլարի փոխարժեքը՝ 425 դրամ է:

Մաքսազերծման համար վճարվել է մաքսատուրք 60 000։ Այդ ընթացքում կազմակերպության տարածքում կատարվում էր վերանորոգում, և նոր հաստոցը 1 ամիս պահվել է այլ տեղում, որի համար վճարվել է 30,000 դրամ: Այնուհետև նոր հաստոցը տեղափոխվել է կազմակերպություն և տեղակայվել է 2021 թ.-ի դեկտեմբերի 31-ին, իսկ շահագործումը սկսվել է 2022 թ.-ի մայիսի 4-ին։ Տեղակայման համար ծախսվել է 82,000:

Պահանջվում է տալ համապատասխան ձևակերպումները և հաշվարկել, թե ինչ արժեքով պետք է արտցոլվի հաստոցը 2022 թ. ֆինանսական հաշվետվություններում:

Կարեն․

Բարև Ձեզ։ ԱԱՀ-ով աշխատող ԱՁ-ն եթե հաշվառում չի վարում, որքա՞ն տուգանք է առաջանում։

Եվա․

Բարև Ձեզ, խնդրում եմ կասե՞ք՝ ինչպե՞ս գտնել հաշվապահի լիցենզավորման համար քննությունների հարցերը։

Ալլա․

Բարև ձեզ, խնդրում եմ օգնել լուծել հետևյալ խնդիրը․

Պահանջվում է որոշել ձեռք բերված սարքավորման սկզբնական արժեքը և ձևակերպել գործառնությունները։

Տվյալներ. կազմակերպությունը ձեռք է բերել սարքավորում, որի դիմաց հաշվարկային հաշվից վճարել է 489 600 դրամ, ներառյալ ԱԱՀ-ն: Սարքավորումը տեղափոխել է տրանսպորտային կազմակերպությունը։ Տեղափոխման արժեքն է 48 000 դրամ, ներառյալ՝ ԱԱՀ-ն: Տեղափոխման վճարումն իրականացվել է հաշվարկային հաշվից։ Սարքավորման տեղակայման համար օգտագործվել են նյութեր՝ 12 500, բանվորներին հաշվարկվել է աշխատավարձ 58 000 դրամի չափով։ Տեղակայված սարքավորումը հանձնվել է շահագործման։

Դիտել այլ հաշվապահական խնդիրներ

Նարեկ․

Հարգելի հաշվապահներ, խնդրում եմ օգնել տալ հաշվապահական ձևակերպումները ոչ ռեզիդենտից ստացված ծառայությունների մասով, օրինակ՝ 01․09․2023-ին ստացվել է ծառայություն ոչ ռեզիդենտ կազմակերպությունից՝ 100 դոլար արժեքով, վճարվել է քարտով 01․09․2023-ին 100 դոլար, ինքնահաշիվ դուրս է գրվել 07․09․2023-ին, խնդրում եմ տալ հաշվապահական ձևակերպումները և պատասխանել հարցին՝ ո՞ր փոխարժեքով արժեքը հիմք վերցնել ծառայությունը ծախս ճանաչելու համար՝ ինքնահաշվի փոխարժեքը, թե՞ վճարման օրվա փոխարժեքը։

Աննա․

Բարև Ձեզ, խնդրում եմ օգնել տալ հաշվապահական ձևակերպումներ ՀԾ-ում հետևյալ գործարքների համար․ ՍՊԸ-ն ստացել է վարկ, այնուհետև այդ վարկը տոկոսով փոխառություն է տվել ֆիզ. անձի, ինչպես նաև հետագա վարկի տոկոսի ծախսի և փոխառության տոկոսի եկամուտի ձևակերպումները: Կանխավ շնորհակալություն:

Մարիաննա․

Խնդրում եմ ինձ ուղարկել հանրային հատվածի հաշվապահի որակավորման քննության թեստային հարցաշարը:

Մարիաննա․

Խնդրում եմ ասել, թե հանրային հատվածում դեբիտորական պարտքերը հաշվառելիս տրված զեղչը հանու՞մ ենք, թե՞ ոչ։

Աստղ․

Բարև Ձեզ։ Խնդրում եմ հուշեք՝ կա՞ այնպիսի հղում կամ փաստաթուղթ, որտեղ կարելի է ուսումնասիրել օտարերկրյա կազմակերպությունների՝ ՀՀ–ում բացված մասնաճյուղերի հաշվապահական հաշվառման առանձնահատկությունները։

Էլեն․

Բարև Ձեզ, հարցս հաշվապահական ձևակերպման հետ է կապված։ Կազմակերպության մասնակիցը (կազմակերպություն է) անվանական արժեքով իր մասնակցությունը վաճառել է ֆիզ․անձի։ Ի՞նչ ձևակերպում պետք է տալ տվյալ կազմակերպությունում և ի՞նչ ձևակերպում այն կազմակերպությունում, որը վաճառել է իր մասնաբաժինը։

Քրիստինա․

Շահութահարկ վճարողի համար 725-ը ծախս չէ և 625-ը եկամուտ չէ, ու հաշվարկի մեջ համախառն եկամուտ չի մտնում և չի նվազեցվում, ուստի դրանց մնացորդները ծրագրում ո՞նց ձևակերպեմ։

Անի.

Բարի օր: Հարգելի՛ հաշվապահներ, կազմակերպության հաշվեհամարից հարկադիր կատարման ծառայությունը բռնագանձել է գումար հարկային պարտավորությունների մարման համար, հետո նորից 2 օր անց հետ վերադարձրել հաշվին՝ արդեն իսկ հարկադիր ծառայության գումարը պահված: Կազմակերպությունը մինչ այդ ամենը վճարել է պարտավորությունները: Հարցս հետևյալն է՝ ի՞նչ ձևակերպումներ տալ, ի՞նչ հաշվով ձևակերպել և՛ ելքը, և՛ մուտքը, և՛ պահված գումարը:

Շնորհակալ եմ։

Աննա․

Բարև ձեզ, ներմուծում է իրականացվել ԵՏՄ-ից, հաշվապահական ձևակերպումներ են տրվել ՀԾ-ում՝

դտ 2111 կտ 52112
դտ 52112կտ 2241
դտ 999 կտ 9521
դտ 2612 կտ 5243

Նախավերջին թղթակցությունն իրենից ենթադրում է հետևյալը՝ ՀՀ տարածք ներմուծված ապրանքների մաքսային արժեք և ԱՐՏԱՀԱՇՎԵԿՇՌԱՅԻՆ ՀԱՇԻՎՆԵՐԻ ՀԵՏ ԹՂԹԱԿՑՄԱՆ ՀԱՄԱՐ: Դա գործընկերով պահվող է, հարցս հետևյալն է՝ այդ հաշիվների մնացորդը պե՞տք է փակել, թե՞ այդպես պետք է մնա:

Հայկուհի․

Բարև Ձեզ։ Խնդրում եմ պատասխանել հետևյալ հարցին․ Կազմակերպությունը ունի մաշված հիմնական միջոցներ, որոնք ենթակա չեն օգտագործման: Ինչպե՞ս վարվել՝ անհրաժեշտ է անպայման վաճառք ձևակերպել, թե՞ ուղղակի դուրսգրման ակտով շահագործումից հանել։

Նարեկ․

Բարև Ձեզ: Խնդրում եմ օգնեք հետևյալ հարցում, հարցը վերաբերվում է հանրային հատվածի հաշվապահական ձևակերպմանը: ՊՈԱԿ-ը ձեռք է բերել հետևյալ ապրանքները ՝
1․ Մարմնամարզական ներքնակ 4 հատ 15 000 = 60 000
2․ Ֆուտբոլի գնդակ 4 հատ 6 000 = 24 000
3․ Վոլեյբոլի գնդակ 4 հատ 5 000 = 20 000
4․ Բասկետբոլի գնդակ 4 հատ 7 000 = 28 000
5․ Մարմնամարզական օղակների կոմպլեկտ 1 հատ 25 000 = 25000
6․ Մարմնամարզական այծիկ 1 հատ 20 000 = 20 000
7․ Մարզական պարկեր 4 հատ 5500 = 22 000
Ընդամենը 199 000:

Ցանկանում եմ տեղեկանալ՝ արդյո՞ք ճիշտ է սրանք ճանաչել արագամաշ առարկա, եթե այո, խնդրում եմ գրեք նաև հաշվապահական ձևակերպումը, քանի որ վճարման հանձնարարագրի մեջ առկա հաշիվների թղթակցությունը համակարգը սխալ է ճանաչում, հավանաբար որևիցե սխալ եմ թույլ տալիս: Նախապես շնորհակալություն:

Անահիտ․

Բարև ձեզ։ Ես լսել եմ, որ հոկտեմբեր ամսից բոլոր Ա/Ձ-ները անկախ հարկատեսակից պետք է անալիտիկ հաշվառում կատարեն և դրամարկղի գիրք լրացնեն։ Դա որքանո՞վ է ճիշտ։

Կարեն․

Բարև Ձեզ։ ԱԱՀ-ով աշխատող կազմակերպությունը ձեռք է բերել շուկայից ապրանքներ, գիտեմ, որ պետք է վճարի 20 տոկոս եկամտային հարկ։ Կասե՞ք՝ ինչպիսի հաշվապահական թղթակցություններ պետք է տամ։

Քրիստինե․

Բարև Ձեզ: Մեր ՍՊԸ լիզինգով մեքենա է ձեռք բերել, ի՞նչ հաշվապահական ձևակերպումներ է անհրաժեշտ կատարել: Քանի որ մեքենայի սեփականության իրավունքը լիզինգ տրամադրող ընկերությանն է, ես չեմ կարող չէ՞ այն որպես հիմնական միջոց դիտել: Լիզինգի մարելու համար ամսական արված վճարումները, ապահովագրական վճարները, գույքահարկը ծախսերի մեջ կարո՞ղ եմ ներառել: Նշեմ, որ մեր ընկերությունը ԱԱՀ վճարող է: Շնորհակալություն:

Գարիկ․

Բարև Ձեզ: Եթե կազմակերպությունը մինչև հունիսի 30-ը պետք է հրապարակի իր տարեկան ֆինանսական հաշվետվությունները, պարտադի՞ր է, որ հաշվապահը ունենա որակավորման վկայական:

Աշոտ․

Բարև Ձեզ, եթե ԱԱՀ գումարը հաշվանցման ենթակա չէ (ՀԴՄ կտրոնով ձեռք է բերվել 30 000 դրամ արժեքով գործիք, որի 5 000-ը ԱԱՀ է), ի՞նչ ձևակերպում տալ, շնորհակալություն։

Ալլա․

Բարև Ձեզ։ Եթե Ընկերության հաշվապահական հաշվառման քաղաքականության համաձայն անհուսալի դեբիտորական պարտքերի պահուստը պետք է կազմի պարտքերի 3%, իսկ տարվա վերջով դեբիտորական պարտքերը կազմել են 90,000 դրամ և պահուստը՝ 2,400 դրամ, ապա ինչպե՞ս դա կարտացոլվի շահույթ կամ վնասի և այլ ֆինանսական արդյունքների մասին հաշվետվությունում։

Ա․ 300 դրամով կաճի անհուսալի դեբիտորական պարտքերի գծով պահուստը
Բ․ 300 դրամով կնվազի անհուսալի դեբիտորական պարտքերի գծով պահուստը
Գ․ 300 դրամ ծախս դուրս գրված անհուսալի դեբիտորական պարտքերի գծով
Դ․ 2,700 դրամով կաճի անհուսալի դեբիտորական պարտքերի գծով պահուստը

Կարինե.

Ձևակերպել հիմնական միջոցների՝ որպես վաճառքի համար պահվող դասակարգումը, իրական արժեքով վերաչափումը և դրանց վաճառքի հետ կապված գործառնությունները։ Որոշել և ձևակերպել վաճառքից շահույթը կամ վնասը։

Տվյալներ․

Հաստոցների սկզբնական արժեքը 600․000 դրամ, օգտակար ծառայությունը սահմանվել է 5 տարի, մնացորդային արժեքը 0, մաշվածությունը հաշվարվել է գծային մեթոդով։ Ձեռքբերումից երկու տարի անց հաստոցները վերադասակարգվել են որպես վաճառքի համար պահվող։ 6 ամիս հետո կատարվել է դրանց վերաչափումն իրական արժեքով՝ հանած վաճառքի ծախսումները, որոնք սահմանվել է 380․000 դրամ։ Տարվա վերջում հաստոցները վաճառվել են 420.000 դրամով՝ գումարած ԱԱՀ։ Վաճառքից գումարը ստացվելու է առաջիկա ամսվա ընթացքում: Դրամարկղից վճարվել է միջնորդավճար հաստոցների վաճառքի համար՝ 9600 դրամ, ներառյալ՝ ԱԱՀ-ն։

Սուսաննա․

Ի՞նչ է հաշվապահական հաշվառման քաղաքականությունը։

Ո՞վ կարող է աշխատել գլխավոր հաշվապահ։

Կարեն․

Բարև Ձեզ։ Լիզինգով ստացել եմ հիմնական միջոց, լիզինգային կազմակերպությունը հանձնման ընդունման հաշիվ է գրել, որը ձևակերպել եմ դ․տ 119 կ․տ 413- 15 000 000։ Անցած ամիս լիզինգային կազմակերպությունը հաշիվ է գրել, որի մեջ ներառված է վարձավճար 90 000 ՀՀ դրամ, տոկոսագումար 85 400 ՀՀ դրամ, և լրացուցիչ վարձավճար՝ 120 000 ՀՀ դրամ։ Խնդրում եմ կասե՞ք՝ այդ գրված հաշվի հաշվապահական ձևակերպումները ինչպես տամ։

Սիրանուշ․

Բարև ձեզ։

Սննդի ոլորտում աշխատող կազմակերպությունը վաճառել է օգտագործած ձեթ։ Ինչպե՞ս դա ձևակերպել։

Անի․

Բարև ձեզ։ Հասարակական կազմակերպությունն աշխատակիցների համար ձեռք է բերել բժշկական ապահովագրություն: Մեկ անձին բաժինը ընկնող գումարը ամսվա կտրվածքով 18 300 դրամ է։ Ըստ օրենքի՝ 10 000 դրամը նվազեցվում է, իսկ գերազանցող մասը հարկվում։ Հաշվապահական ի՞նչ ձևակերպումներ են տրվում այս դեպքում։ Կանխավ շնորհակալություն։

Կարինա․

Կազմակերպությունը լուծարել է հոսքային գիծը, որն այլևս պիտանի չէ հետագա օգտագործման համար։ Սկզ․ արժեքը 5 800 000 դրամ է, օգտակար ծառայութունը սահմանել է 10 տարի, մնց․ արժեքը 300 000 դրամ, մաշվածության համար կիրառվում է գծային եղանակը։ Հոսքային գիծը լուծարվել է 8 տարի շահագործելուց հետո, հոսք գծի ապատեղակայման համար հաշվարկվել է աշխատավարձ բանվորներներին՝ 52 000, լուծարքից ստացվել են պահեստամասեր 50 000 դրամ արժեքով։

1) դտ 714 Կտ 111 – 1400000
2)8*5800000-300000/10=4400000
3)դտ 112 Կտ 111 – 4400000
4)դտ 714 Կտ 527 – 52000
5)դտ 211 Կտ 611 – 50000
6)կտ 331Դտ 714
7) դտ 614 Կտ 331 – 50000
Խնդրում եմ օգնեք վերջացնեմ խնդիրը։

Կարեն․

Բարև Ձեզ։ Հարկային օրենսգրքի 15-րդ հոդվածի 9-րդ մասի համաձայն անհատ ձեռնարկատերերը պարտավոր են վարել ակտիվների և պարտավորությունների հաշվառում` Կառավարության սահմանած կարգով, իսկ 10-րդ մասի համաձայն հարկ վճարողները պարտավոր են վարել անալիտիկ հաշվառում:

Հարց 1․ Կնշե՞ք Կառավարության սահմանած կարգը։

Հարց 2․ Գոյություն ունի փոքր խանութ, որի ամսական շրջանառությունը մոտ 1 մլն դրամ է։ Օրեկան ստանում է մոտ 100 տեսակի ապրանք, մոտ այդքան վաճառք է անում մանրածախ։ Այս օրենքի համաձայն, եթե ճիշտ եմ հասկացել, պետք է ամեն ստացված ապրանքը օրական մուտք անել հաշվապահական ծրագիր և վաճառքը ցույց տալ։ Այս դեպքում հաշվապահի աշխատանքի ծավալը մեծանում է և պետք է ծառայության դիմաց համարժեք գումար ուզել։ Արդյո՞ք կա տարբերակ այլ ձևով հաշվառումը անել, ավելի քիչ աշխատանք կատարել, որպեսզի այդ փոքրիկ խանութից շատ գումար չուզենք, բայց օրենքի խախտում էլ չլինի։

Եվա․

Հարգելի գործընկերներ, երբ ՍՊԸ մեկ մասնակիցն իր բաժնեմասը նվիրատվության կարգով փոխանցում է մյուս մասնակցին, ի՞նչ հաշվապահական ձևակերպում է տրվում այդ դեպքում։

Անի․

Բարև Ձեզ, ինձ կուղարկե՞ք Հաշվապահի որակավորման քննական հարցաշարի վերջին տարբերակը sachani84@mail.ru

Կարեն․

Բարև Ձեզ։ ԱԱՀ-ով աշխատող Կազմակերպությունը լիզինգով ստացել է հիմնական միջոց, որի դիմաց լիզինգատուն գրել է լիզինգի հանձնման ընդունման ակտի հաշիվ։ Կապիտալ գումարը (առանց ԱԱՀ) 70 000 000 է, որը ձևակերպել եմ դ․տ 119 կտ 413։ Ամեն ամիս լիզինգատուն հաշիվ է գրում, որի մեջ ներաված է վարձավճարը, որի ընդհանուր գումարը ես արդեն ձևակերպել եմ, ինչպես նաև տոկոսագումարը։ Օրինակ, առաջին ամսվա համար գրվել է՝ 845 000 ՀՀ դրամ ԱԱՀ-ով վարձավճար և տոկոսագումար առանց ԱԱՀ 984 600 ՀՀ դրամ։ Հարց։ Այդ հաշիվները ո՞նց ճիշտ մուտքագրեմ և ի՞նչ գործառնություններ տամ։

Անի․

Հարգելի՛ հաշվապահներ, կազմակերպության մեքենայի համար ԱՊՊԱ կազմակերպությունից պատահարի համար ստացվել է փոխհատուցում: Այդ ստացված գումարն ինչպե՞ս ձևակերպել, ի՞նչ ձևակերպումներ տալ, որ գործընկերների մնացորդների մեջ չարտացոլվի: Շնորհակալություն։

Ալլա․

Բարև ձեզ, հարգելի հաշվապահներ։ Ստացված միջնոդական ծառայության (զուտ միջնորդություն է գտնելու կոնկրետ ուղղվածություն ունեցող ապրանքների մատակարարներ, ոչ մարքեթինգային, ոչ խորհրդատվական) գծով ծախսը ինքնարժեքի մեջ է մտնում, թե՞ համարվում է վարչական ծախս: Կանխավ շնորհակալություն։

Նանա․

Բարև ձեզ։ Կխնդրեմ ինձ ասեք՝ բանվորական կոշիկները և բանվորական համազգեստը արագամա՞շ առարկաներ են։

Արեգա․

Բարև Ձեզ։ Ունեմ այսպիսի հարց․ Հիմնադիրը 25.12.2022թ․ հաշվարկային հաշվին կատարել է 2 մլն դրամ մուտքագրում կանոնադրական կապիտալի ավելացման նպատակով: 2022թ․ և մինչև այս պահը պետ․ ռեգիստրով կանոնադրական կապիտալի ավելացում չի կատարվել: ՀԱՐՑ․ Ի՞նչ հաշվապապահական ձևակերպում տալ: Կանխավ շնորհակալություն պատասխանի համար:

Մելինե․

Բարև ձեզ, կհուշե՞ք խնդրում եմ․

1. Եթե կազմակերպությունը ծառայություն է մատուցում կամ ստանում, և գումարը փոխանցվում (ստացվում) է մինչև հաշիվ դուրս գրելը կամ ստանալը, դա պետք է որպես ստացված կամ տրված կանխավճար ձևակերպել, և հետո նո՞ր միայն ծախսագրել կամ եկամուտներում ճամաչել, թե՞ կարելի է միանգամից։

2․ Եթե մեր դուրս գրված հաշիվները դիմացի կողմը չի ստորագրել արդեն 2 ամիս է, ԱԱՀ-ի հաշվարկում ներառվելու՞ է հարկման բազայում, թե՞ ոչ։ Շնորհակալություն։

Արտեմ.

Բարև Ձեզ: ՍՊԸ-ն խոհարարական ծառայությունների դիմաց հաշիվ է ստացել արտարժույթով, դուրս է գրվել ինքնահաշիվ: Խնդրում եմ կասեք՝ ինչպիսի՞ ձևակերպում պետք է տալ ծրագրով։

Բարև Ձեզ: ՍՊԸ-ն հաշիվ է ստացել դրսից խոհարարական ծառայությունների դիմաց՝ արտարժույթով: Ինքնահաշիվ է դուրս գրվել: Ինչպե՞ս կարող եմ ձևակերպել ծրագրում այս ծառայությունը:

Անահիտ.

Խնդրում եմ օգնել ՀՀ առևտրային բանկից ձեռքբերված պարտատոմսերի հաշվապահական ձևակերպման հարցում՝ ԴՏ – ՞, ԿՏ 2521։

Գոհար․

Բարև Ձեզ։ ԵՏՄ-ից ներմուծվել են հիմնական միջոցներ, որոնց տեղափոխումը իրականացրել է բեռնափոխադրող ընկերությունը: Ներկայացված ներմուծման հարկային հայտարարագրի համաձայն կատարվել է ԱԱՀ-ի վճարում: Ի՞նչ հաշվապահական ձևակերպումներ են տրվելու հիմնական միջոցների ձեռք բերման, ԱԱՀ-ի հաշվարկման և վճարման, բեռնափոխադման ծառայության դիմաց վճարման համար: ՍՊԸ-ն ԱԱՀ վճարող է:

Կարեն․

Բարև Ձեզ։ ԱԱՀ-ով աշխատող ԱՁ-ն լիզինգով ստացել է հիմնական միջոց։ Գույքի ձեռքբերման գինը՝ 57 600 000, կանխավճարի չափը՝ 5 760 000, պայմանագրի գումարը՝ 51 840 000։ Լիզինգային ընկերությունից ստացել ենք հարկային հաշիվ՝ վարձավճար 594 900 ներառյալ ԱԱՀ և տոկոսագումար 677 000 առանց ԱԱՀ։ Որ խնդրեմ՝ կասե՞ք, թե հաշվապահական ի՞նչ ձևակերպումներ պետք է տրվի։

Արման․

Բարև Ձեզ, ինձ անհրաժեշտ են նյութեր հիմնական միջոցների ինքնարժեքի ձևավորման, ռեգիստրի, մաշվածության մասին, կամ հենց բուն հիմնական միջոցների մասին։ Շատ շնորհակալ կլինեմ, կից կուղարկեմ էլ․ փոստի հասցե՝ enokyanarman@mail.ru

Մելինե․

Բարև բոլորին։ Հարգելի մասնագետներ, երկու հարց ունեմ։ Եթե կազմակերպությունը նախորդ տարվա հունիսին երկարաժամկետ վարկ է ստացել, առանձնացնելու՞ եմ կարճաժամկետ մասը առաջին տարվա, վարկի համար դա հունիսից մինչև մյուս տարվա հունիսն է այո՞, իսկ տոկոսագումարմերը շահութահարկի հաշվարկում հունիսից մինչև դեկտեմբե՞ր եմ առանձնացնելու։

Կարինե․

ՍՊԸ-ն ՌԴ-ից սարքավորումներ գնելու նպատակով 26.09.2022թ. ՌԴ մատակարարի ներկայացրած հաշիվ-ապրանքագրի համաձայն նրան է վճարել 1.462.000 ռուբլի: 13.10.2022թ. ներմուծվել են սարքավորումները, և ՍՊԸ-ի կողմից ներկայացվել է ներմուծման հարկային հայտարարագիր 9.298.320 դրամ հարկման բազայով , ԱԱՀ-ն՝ 1.859.664 դրամ: 25.20.2022թ. վճարվել է ԱԱՀ-ն: Սարքավորումները տեղափոխելու համար բեռնափոխադրողին 25.10.2022թ. վճարվել է 690.200 դրամ: 12.12.2022թ. ՊԵԿ-ի կողմից վերադարձվել է միասնական հաշվում եղած գերավճարի գումարը՝ 1.844.900 դրամ: Խնդրում եմ օգնել հաշվապահական ձևակերպումների հարցում: Կանխավ՝ շնորհակալություն:

Արթուր․

Բարև Ձեզ։ Դիպլոմայինի աշխատանքիս թեման “Անուղղակի արտադրական ծախսումների վերլուծությունն”-է, որ խնդրեմ կնշե՞ք՝ արդյո՞ք 2003թ․ գրքից վերցված այս մեկնաբանությունները հիմա արդիական են տվյալ թեմայի համար։

Ելնելով կատարված ծախսումների նպատակից հաշվեգրվում են համապատասխան անուղղակի ծախսումներ հաշվառող հաշիվները։

Դտ 813 «Անուղղակի արտադրական ծախսումներ»

Կտ 527 «Պարտքեր աշխատավարձի և աշխատակիցների այլ կարճաժամկետ հատուցումների գծով»

Կտ 112 «Հիմնական միջոցների մաշվածություն»

Կտ 211 «Նյութեր»

Կտ 252 «հաշվարկային հաշիվ»

Այնուհետև հաշվետու ժամանակաշրջանի վերջում 813 «Անուղղակի արտադրական ծախսումներ» հաշվի դեբետում կուտակված ծախսումները պետք է բաշխվեն ըստ կալկուլյացիայի կամ հաշվառման օբյեկտների և ներառվեն դրանց ինքնարժեքում։

Կարեն․

Բարև Ձեզ: Ի՞նչ հաշվապահական խնդիրների համար նախատեսված գրքեր կառաջարկեք։

Նարե․

Բարև Ձեզ։ Հարգելի հաշվապահներ, շրջ․ հարկով աշխատող կազմակերպությունը լիզինգով ձեռք է բերել հիմնական միջոց։ Գումարը 15 500 000դրամ է, որից 3 100 000դրամը տրվել է որպես կանխավճար և ձևակերպվել դտ-152 կտ-252։ Բոլոր տարիների տոկոսագումարը կազմում է 4 119 412 դրամ։ Վարկային կազմակերպությունը դուրս գրել հաշիվ-վավերագիր, որտեղ որպես նյութ․ արժեք ներառված են՝ վարձավճար 181 559,20դր, տոկոս 93 764,40դր, մեկնարկային վարձավճար (կանխավճար) 3 100 000դր։ Դեռ ոչ մի ձևակերպում չենք տվել, բացի կանխավճարի ձևակերպումից։ Խնդրում եմ օգնել մյուս ձևակերպումների հարցում։

Գրիգոր․

Անշարժ գույքի շուկայական արժեքին մոտարկված կադաստրային արժեքը 100 մլն ՀՀ դրամ է, որի 80% -ը կազմում է 80 մլն ՀՀ դրամ: Անշարժ գույքը վաճառվել է ֆիզիկական անձին 60 մլն ՀՀ դրամով: Համաձայն ՀՕ 109 հոդվածի ՝ անշարժ գույքի օտարման դեպքում եկամուտ համարվում է անշարժ գույքի շուկայական արժեքին մոտարկված կադաստրային արժեքի 80%-ը: Հաշվապահական հաշիվների թղթակցությունները հետևյալն է՝ ԴՏ 2521ԿՏ 2215- 60 մլն ՀՀ դրամ, ԴՏ 2215 ԿՏ 621-80 մլն ՀՀ դրամ: Հարց՝ ի՞նչ թղթակցություն տալ 80 մլն-60մլն =20 մլն-ի համար: Շնորհակալություն:

Լիլիթ․

Հարգելի հաշվապահներ, 6-դասի հաշիվը կարո՞ղ է արտահայտվել արտարժույթով և այդպես տեղափոխվել 331 հաշիվ։

Անի․

Բարի օր: Հարգելի հաշվապահներ, հանրային սննդի ոլորտ է: Մեր կազմակերպությունից գալիս են և օգտագործած ձեթը գնում են (սանիտարական նորմերից ելնելով): Հաշիվ ենք դուրս գրում դրա համար: Հարցս հետևյալն է. ծրագրի մեջ ի՞նչ ձևակերպումներ պետք է տալ։ Շնորհակալություն։