Աշխատավարձի ուշացում

Հարգելի Էդիկ, նախ մեջբերում ՀՀ ԱՕ-ից.

Հոդված 192.
Աշխատավարձի վճարման ժամկետները և կարգը
1. Աշխատավարձը յուրաքանչյուր ամիս հաշվարկվում և աշխատանքային օրերին վճարվում է աշխատողին ամսական առնվազն մեկ անգամ` մինչև հաջորդ ամսվա 15-ը:

Հոդված 194.
Աշխատանքի վարձատրության նոր պայմանների մասին ծանուցումը
Սույն օրենսգրքի 105-րդ հոդվածի 3-րդ մասով նախատեսված դեպքում աշխատանքի վարձատրության նոր պայմաններ սահմանելիս գործատուն այդ մասին գրավոր ձևով պետք է ծանուցի աշխատողին ոչ ուշ, քան մեկ ամիս առաջ` մինչև նոր պայմանների ուժի մեջ մտնելը:

Հոդված 105.
Աշխատանքի էական պայմանները փոփոխելը
3. Առանց աշխատողի գրավոր համաձայնության աշխատանքի վարձատրության պայմանները գործատուն կարող է փոփոխել միայն oրենքով կամ կոլեկտիվ պայմանագրով աշխատանքի վարձատրության պայմանների փոփոխության դեպքում:

Հոդված 198.
Աշխատավարձի և աշխատանքային հարաբերությունների հետ կապված այլ վճարումների ժամկետանց վճարումը
1. Եթե գործատուի մեղքով աշխատավարձի վճարումը կատարվում է սույն օրենսգրքով, կոլեկտիվ պայմանագրով կամ կողմերի համաձայնությամբ սահմանված ժամկետների խախտումով, ապա գործատուն աշխատավարձի վճարման կետանցված յուրաքանչյուր օրվա համար աշխատողին վճարում է տուժանք` վճարման ենթակա աշխատավարձի 0,15 տոկոսի չափով, բայց ոչ ավելի, քան վճարման ենթակա գումարի չափը:

Ընդհանրացնելով այս ամենը, ես գալիս եմ այն եզրակացության,որ եթե գործատուն նախապես գիտի որ վճարում կատարվելու է օրենքում նշված ժամկետներից ուշ, ապա առնվազն մեկ ամիս առաջ պետք է տեղեկացնի՝ծանուցի, աշխատողին գրավոր ձևով: Ավելին պետք է կնքվի լրացուցիչ համաձայնագիր՝ վճարման նոր ժամկետների վերաբերյալ/էական պայմանների փոփոխություն/:
Իսկ եթե արդեն արձանագրվել է վճարման ուշացում, ապա պետք է հաշվարկվի տույժ /Համաձայն ՀՀ ԱՕ Հոդված 198 կետ1/: Իսկ եթե չեն պահպանվել վերոնշյալ հոդվածները, ապա վարչական Իրավախախտումների Վերաբերյալ ՀՀ Օրենսգրքի 41 Հոդվածի համաձայն համապատասխան լիազորված մարմնի կողմից նշանակվում է տուգանք՝ նվազագույն աշխատավրձի հիսունապատիկի չափով:
Եթե սխալ եմ դատողություններիս մեջ, խնդրում եմ ուղղեք: Ինձ նույնպես հետաքրքիր է մասնագետների կարծիքները:

Կասեք, եթե պայմանագիր կնքված չկա, և գործատուն ուշացնում կամ չի ցանկանում վճարել, ի՞նչ պատժամիջոցներ կամ տուգանքներ կան:

Իսկ եթե միշտ ուշացումներով է վճարել, բայց երկու տարվա աշխատավարձն էլ դեռևս չի վճարել, ի՞նչ միջոցի պետք է դիմեմ։ Մեկ ամիս է արդեն ազատվել եմ աշխատանքից ։