Ամենամյա հերթական արձակուրդ

Gayane.

Հարգելի կոլեգաներ, խնդրում եմ պատասխանեք, ամենամյա հերթական արձակուրդի փոփոխման վերաբերյալ ի՞նչ նորություններ գիտեք,որը ուժի մեջ է մտնելու 09.08.10թ-ից:

Կիսվել՝

Facebook մեկնաբանություններ

Հետևել այս նյութին
Ստանալ նամակ
guest
7 Մեկնաբանություն
Հները
Նորերը Most Voted
Inline Feedbacks
Դիտել բոլոր մեկնաբանությունները
Շուշանիկ

Հոդված 159. Ամենամյա նվազագույն արձակուրդը
1. Ամենամյա նվազագույն արձակուրդի տևողությունը հնգօրյա աշխատանքային շաբաթվա դեպքում 20 աշխատանքային օր է, իսկ վեցօրյա աշխատանքային շաբաթվա դեպքում` 24 աշխատանքային օր:
2. Ոչ լրիվ աշխատաժամանակի պայմաններով աշխատողների ամենամյա արձակուրդը չի կրճատվում:
3. Կոլեկտիվ կամ աշխատանքային պայմանագրով կամ գործատուի իրավական ակտով կարող են սահմանվել ավելի երկար տևողությամբ արձակուրդներ, բացառությամբ պետական և համայնքային բյուջեից ֆինանսավորվող կազմակերպությունների, Հայաստանի Հանրապետության կենտրոնական բանկի:
Հոդված 160. Ամենամյա երկարացված արձակուրդը
Երկարացված` 25 աշխատանքային օր տևողությամբ` հնգօրյա աշխատանքային շաբաթվա դեպքում, և 30 աշխատանքային օր` վեցօրյա աշխատանքային շաբաթվա դեպքում, (բացառիկ դեպքերում` 35 աշխատանքային օր` հնգօրյա աշխատանքային շաբաթվա դեպքում, և 42 աշխատանքային օր` վեցօրյա աշխատանքային շաբաթվա դեպքում) ամենամյա արձակուրդ տրամադրվում է աշխատանքի հատուկ պայմաններում աշխատող առանձին կատեգորիայի աշխատողների, որոնց աշխատանքը կապված է մտավոր և հուզական գերլարվածության կամ մասնագիտական ռիսկի հետ: Նման արձակուրդի իրավունք ունեցող առանձին կատեգորիայի աշխատողների ցանկը սահմանում է Հայաստանի Հանրապետության կառավարությունը:
Հոդված 163. Ամենամյա արձակուրդը մասերով տալը
Կողմերի համաձայնությամբ ամենամյա արձակուրդը կարող է տրամադրվել մասերով: Ամենամյա արձակուրդը մասերով տրամադրելու դեպքում ամենամյա արձակուրդի մասերից մեկը պետք է կազմի առնվազն 10 աշխատանքային օր` հնգօրյա աշխատանքային շաբաթի դեպքում, և առնվազն 12 աշխատանքային օր` վեցօրյա աշխատանքային շաբաթի դեպքում:
Հոդված 165. Ամենամյա արձակուրդի համար անհրաժեշտ աշխատանքային ստաժը
Աշխատանքային տարում, որի համար տրամադրվում է ամենամյա արձակուրդ, ներառվում են`
1) փաստացի աշխատած ժամանակահատվածը.
2) այն ժամանակահատվածը, որի ընթացքում, օրենսդրությանը համապատասխան, պահպանվում են աշխատողի աշխատատեղը (պաշտոնը) և աշխատավարձը` ամբողջությամբ կամ մասամբ.
3) աշխատողի ժամանակավոր անաշխատունակության ժամանակահատվածը.
4) վճարովի ամենամյա արձակուրդի ժամանակահատվածը.
5) հարկադիր պարապուրդում աշխատողի գտնվելու ժամանակահատվածը` նախկին աշխատանքին վերադառնալու դեպքում.
6) օրինական գործադուլի ժամանակահատվածը.
7) օրենսդրությամբ սահմանված այլ ժամանակահատվածներ:
——————————————————————————————–
Հոդված 70. Օրենսգրքի 167-րդ հոդվածում`
1) 1-ին մասի 3-րդ կետը ուժը կորցրած ճանաչել.
2) 2-րդ մասի երկրորդ նախադասությունից հանել «, կամ գործատուի ու աշխատողի համաձայնությամբ ամենամյա արձակուրդի չoգտագործված մասը տեղափոխվում է այլ ժամանակ» բառերը.
3) 3-րդ մասը «աշխատանքային տարում» բառերից հետո լրացնել «, բայց ոչ ուշ, քան 18 ամսվա ընթացքում` սկսած այն աշխատանքային տարվա վերջից, որի համար աշխատողին չի հատկացվել կամ մասնակի է հատկացվել ամենամյա արձակուրդը» բառերով:
Հոդված 71. Օրենսգրքի 168-րդ հոդվածում «6-րդ և 7-րդ կետերով» բառերը փոխարինել «5-րդ և 6-րդ կետերով» բառերով, «123-րդ հոդվածի 1-ին մասի 1-ին և 2-րդ» բառերը` «109-րդ հոդվածի 6-րդ, 7-րդ, 12-րդ, 13-րդ» բառերով, իսկ նույն հոդվածը «արձակուրդը» բառից հետո լրացնել «այդ իրավունքը ձեռք բերած» բառերով:
Հոդված 72. Օրենսգրքի 169-րդ հոդվածում`
1) 1-ին մասը լրացնել հետևյալ բովանդակությամբ նոր պարբերությունով.
«Կոլեկտիվ կամ աշխատանքային պայմանագրով կամ գործատուի իրավական ակտով ամենամյա արձակուրդի համար կարող են սահմանվել ավելի մեծ վճարումներ, քան սահմանված է սույն օրենսգրքով, բացառությամբ պետական և համայնքային բյուջեից ֆինանսավորվող կազմակերպությունների, Հայաստանի Հանրապետության կենտրոնական բանկի:».
2) լրացնել հետևյալ բովանդակությամբ 3-րդ մասով.
«3. Սույն օրենսգրքի 166-րդ հոդվածի համաձայն` աշխատանքի ներգրավված աշխատողին վճարվում է աշխատավարձ` անկախ ամենամյա արձակուրդի համար վճարումը կատարած լինելու հանգամանքից: Վճարված, սակայն չօգտագործված ամենամյա արձակուրդի օրերը հետագայում օգտագործելու դեպքում այս օրերի համար գործատուն վճարում է սույն օրենսգրքով սահմանված կարգով միջին աշխատավարձ:»:
Հոդված 73. Օրենսգրքի 170-րդ հոդվածում`
1) 1-ին մասից հանել «նվազագույն» բառը.
2) 1-ին մասը «հետևանքով» բառից հետո լրացնել «ամենամյա արձակուրդի իրավունք ձեռք բերած» բառերով.
3) 2-րդ մասից հանել «` անկախ դրա գործողության ժամկետից» բառերը:

Աննա Հարոյան

Հարգելի Գայանե, ճիշտ կլինի դուք կարդաք ԱՕ փոփոխությունները, հետո կոնկրետ Ձեզ հետաքրքրող հարցով դիմեք, քանի որ շատ են հենց արձակուրդներին վերաբերվող փոփոխությունները:

Աննա

Բարև Ձեզ Գայանե,փոփոխությունը հետևյալն է.
Ամենամյա նվազագույն արձակուրդի տեւողությունը հնգօրյա աշխատանքային շաբաթվա դեպքում 20 աշխատանքային օր է, իսկ վեցօրյա աշխատանքային շաբաթվա դեպքում` 24 աշխատանքային օր:».
Օրենսգրքի 160-րդ հոդվածում «մինչեւ 35 օր տեւողությամբ» բառերը փոխարինել «25 աշխատանքային օր տեւողությամբ` հնգօրյա աշխատանքային շաբաթվա դեպքում, եւ 30 աշխատանքային օր` վեցօրյա աշխատանքային շաբաթվա դեպքում,» բառերով, իսկ «մինչեւ 48 օր տեւողությամբ» բառերը փոխարինել «35 աշխատանքային օր` հնգօրյա աշխատանքային շաբաթվա դեպքում, եւ 42 աշխատանքային օր` վեցօրյա աշխատանքային շաբաթվա դեպքում» բառերով:
«Կոլեկտիվ կամ աշխատանքային պայմանագրերով կամ կողմերի համաձայնությամբ նախատեսված դեպքերում աշխատողին կարող է տրամադրվել չվճարվող արձակուրդ` մեկ տարվա ընթացքում ոչ ավելի, քան 60 օր տեւողությամբ:»:

Գնել Խաչատրյան

Մի քանի փոփոխությունները հետևյալն են, սակայն այս մասով խորհուրդ կտամ կարդալ ողջ փոփոխությունները;
– արձակուրդի տևողությունը -20 աշխատանքային օր հնգօրյա աշխատանքային շաբաթվա դեպքում, և 24 աշխատանքային օր վեցօրյա դեպքում:
– Միջին աշխատավարձի հաշվարկման ընդհանուր կարգ -հոդված 195; օրական միջին աշխատավարձը հաշվարկելու համար ամսվա գումարը բաժանվում է 21-ի հնգօրյա աշխատանքային շաբաթվա դեպքում, և 25-ի վեցօրյա դեպքում:

Մուշեղ

Իսկ ինչ է ասում օրենսգիրքը հերթափոխային աշխատողների համար, 35 օրացույցային օրվա փոխարեն քանի օր է ամենամյա արձակուրդը:

նարինե

Իսկ, եթե աշխատողն աշխատել է յոթ ամիս, որի ընթացքում երկու ամգամ պարգևատրություն է ստացել, գնում է արձակուրդ վեց աշխատանքային օր տևողությամբ /հնգօրյա աշխատանքային շաբաթ/: Յուրաքանչյու ամսվա համար սահմանված է 70000 դրամ աշխատավարձ, պարգևատրությունը կազմել է 60000 դրամ, առաջին ամսվա ավումը 35000 դրամ/ամսվա կեսից է ընդունվել աշխատանքի/: Ինչպես կհաշվեք արձակուրդային գումարը?

Ռուզաննա

Բարև ձեզ, մասերով տրվող արձակուրդի վճարումն ինչպե՞ս է կատարվում, հնարավո՞ր է մասերով օգտվի աշխատողը, բայց վճարվի միանվագ: