Հարկային դաշտի ընտրություն
Անի.
Բարև Ձեզ։ Խնդրում եմ կասեք՝ ի՞նչ հարկատեսակով կարող է հարկվել ՍՊԸ-ն մարզերում դասընթացներ կազմակերպելու համար։ Նշեմ նաև, որ դասավանդողները դրսից են և իրենց ծառայությունը պետք է մատուցեն ՍՊԸ-ին։
Բյուլետենի հաշվարկ
Տիգրան.
Բարև ձեզ։ Տարվա կեսը աշխատել եմ 58 000 դրամ աշխատավարձով, մյուս կեսը՝ 180 000 դրամով։ Հիվանդաթերթիկը 7 օրով է, 5 օրյա աշխատանքային շաբաթ։ Գործատուն փոխանցել է մոտ 17 000 դրամ, հիմնավորելով, որ 6 ամիս եմ աշխատել։ Ինչքանո՞վ է ճիշտ հաշվարկվել։ Եթե սխալ է կատարվել հաշվարկը, կասե՞ք՝ ճիշտ հաշվարկի ձևը։ Կանխավ շնորհակալություն։
Աշխատավարձի փոփոխություն
Կարինե.
Բարև ձեզ։ Հարցս հետևյալն է․ եթե աշխատավարձի փոփոխություն է արվում, հնարավո՞ր է օրինակ՝ հրամանը գրվի օգոստոսի 25-ին, հրամանի մեջ նշվի, որ փոփոխությունը արվում է օգոստոսի 1-ից։
Աշխատանքային ստաժի վերաբերյալ
Նազիկ.
Բարև Ձեզ։ Արվեստի դպրոցի ուսուցչի ստաժը համարվու՞մ է արդյոք մանկավարժական ստաժ։
Հարկային վճարումների հետ կապված
Անի.
Բարև Ձեզ: Մի հարցով ուղղություն ցույց կտա՞ք. կատարվել է հարկային վճարումները, սակայն չի երևում մուծումը՝ սոց. վճարը և դրոշմանիշային վճարը պարտք է ցույց տալիս, ի՞նչ քայլ անել։
Աուդիտ չիրականացնելու հետ կապված
Մանե.
Բարև Ձեզ։ Կարող եք օգնել այս հարցում. որտե՞ղ կարող եմ գտնել՝ աուդիտ չիրականացվելու դեպքում տույժ, տուգանք առաջանու՞մ է, թե՞ ոչ։
Ներմուծում Չինաստանից
Միլենա.
Հիդրոպոնիկ կերակրման մեքենա 10 000, Չինաստանից Հայաստան ներկրելու դեպքում մաքսազերծումը ինչքա՞ն կարժենա։
Հարկային դաշտի ընտրություն
Ալլա.
Բարև ձեզ, սիրելի հաշվապահներ։ Խնդրում եմ ասեք՝ ավիատոմսերի վաճառք, քսերոքս/xerox/, պրինտ, թարգմանչության ծառայություն Երևանում միկրոյով կարո՞ղ է աշխատել։
Աշխատողը ստացել է հաշմանդամության կարգ
Անուշ.
Բարև Ձեզ։ Խնդրում եմ պատասխանեք․ եթե աշխատողը (ՎԳ) վիրահատությունից հետո անաշխատունակության մեջ է, ստանալով հաշմանդամության 3-րդ կարգ, իրավունք ունի շարունակել աշխատել բժշկական կենտրոնում, կամ ի՞նչ հիմքով կարող են ազատել աշխատանքից։ Նախապես շնորհակալություն։
Շահութահարկի հաշվարկ
Գրիգոր.
Բարև Ձեզ: Կառուցապատող կազմակերպությունը վաճառում է բնակարաններ կադաստրային արժեքի 80%-ից պակաս գնով, հարկային հաշիվը այդ գնով էլ դուրս է գրում: ԱԱՀ-ն՝ համաձայն օրենքի, վճարում ենք կադաստրային արժեքի 80%-ից և ԱԱՀ-ի հաշվետվությունում հարկման բազան ցույց ենք տալիս կադաստրային արժեքի 80%-ը: Հարցս հետևյալն է՝ շահութահարկի հաշվարկի մեջ եկամուտը ո՞ր թիվն եք ցույց տալիս՝ վաճառքի գինը, թե՞ կադաստրային արժեքի 80%-ը: Շնորհակալություն:
Վերջնահաշվարկի հետ կապված
Անի.
1. Եթե աշխատակիցը ազատվում է և բերում է բանկից պարտավորության մասին տեղեկանք, սոց. փաթեթը կազմակերպությունը պե՞տք է փոխանցի մինչև տարեվերջ հաշված չափո՞վ։
2. Աշխատակիցս ուսուցչուհի է և ընդունվել է աշխատանքի 2020թ. նոյեմբերի 13-ին, հուլիսին իրեն տվել եմ 42 օր արձակուրդից 26 օր 7,5 ամսվա համար, օգոստոսին աշխատանքի է եղել։ Այդ ժամանակ 6 օրյա ենք աշխատել։ 2021 սեպտեմբերից 5 օրյա ենք աշատում և այս տարի 35 օր եմ տվել։ Այժմ ազատվում է, նրան վերջնահաշվարկ հասնու՞մ է։
Եվս մեկ հարց. արձակուրդի ժամանակ արձակուրդի օր կուտակու՞մ է աշխատողը։
Tax free ներառում ԱԱՀ հաշվարկում
Կարինե.
Խնդրում եմ մանրամասնել. դուրս գրած ԱԱՀ-ի վերադարձ՝ «TAX FREE»-ն, ԱԱՀ-ի հաշվարկում որևէ տողում ներառու՞մ ենք, թե՞ ոչ: Շնորհակալություն։
Կանխիկի սահմանափակումներ
Լիլի.
Բարև Ձեզ։ Եթե Ա/Ձ-ն գրանցված է մարզում, բայց ծառայություն է մատուցում /աշխատանքը կատարում է/ Երևանոււմ։ Աշխատավարձ պետք է անկանխի՞կ տա։
Վճարումը կատարվել է տերմինալով
Ալլա.
Բարև Ձեզ, հարգելի հաշվապահեր։ Խնդրում եմ պատասխանել հետևյալ հարցին. բժշկական ծառայության դիմաց վճարումը կատարվել է տերմինալի միջոցով։ Արդյո՞ք անհրաժեշտ է ՀԴՄ–ով այդ գումարը ներկայացնել որպես անկանխիկ։
Երեխայի խնամքի արձակուրդ
Աննա.
Բարև Ձեզ։ Այսպիսի հարց ունեմ. աշխատակիցը գնում է մինչև 2 տարեկան երեխայի խնամքի արձակուրդ։ Այսինքն՝ սկիզբը դրվում է գնալու օ՞րը, իսկ ավարտը երեխայի 2 տարին լրանա՞լը։
Ա/Ձ գործունեության դադարեցում
Սերյոժա.
Հարգելի մասնագետներ,
Ա/Ձ-ն բացվել է մի քանի օր առաջ (դեռ 20-օրյա ժամկետի մեջ է), ոչ մի դիմում կամ գործարք իրականացված չկա։ Հիմա ուզում եմ ժամանակավոր դադարեցնել գործունեությունը։
1․ Որևէ հաշվետվություն պե՞տք է ներկայացնել։
2․ Հետագայում նորից գործունեությունը սկսելու համար որևէ խնդիր կունենա՞մ։
Ի՞նչ հաշվետվություններ պետք է հանձնել
Լաուրա.
Բարև ձեզ։ Նորաբաց ՍՊԸ-ն, եթե գործունեություն դեռ չի իրականացնելու ինչ-որ ժամանակ, հարկային ի՞նչ պարտավորություններ են առաջանում և ի՞նչ հաշվետվություններ է պետք հանձնել։
Հանգստյան օրը աշխատելու դեպքում
Արմեն.
Հերթափոխով աշխատանքի դեպքում, աշատողի հանգստյան օրը աշխատանքի հրավիրելու դեպքում, արդյո՞ք պետք է հավելյալ վճարում կատարվի։ Եթե այո, ապա քանի՞ տոկոս ավել՝ 48 ժամը շաբաթական չի գերազանցվում։
Մայրության նպաստ
Անուշ.
Բարև ձեզ։ Ֆիզարձակուրդին տրամադրվող գումարի չափը ո՞ր դեպքում են հաշվում նվազագույն աշխատավարձի 15ապատիկի չափով։ Շնորհակալ եմ։
Միկրոձեռնարկատիրության սուբյեկտ
Մարի.
Բարև Ձեզ։ Գեղարքունիքի մարզում փոքր բուֆետ է, որտեղ վաճառվելու են արդեն պատրաստի թխվածքաբլիթներ, հյութեր և այլն։ Արդյո՞ք կարող է աշխատել միկրոյով:
Ուսուցչի աշխատավարձի հաշվարկ
Նելլի.
Բարև Ձեզ։ Հարցս վերաբերվում է դպրոցներում երկարօրյա վճարովի ուսուցմանը. ինչպե՞ս պետք է վճարվի ուսուցչուհին։ Նախապես շնորհակալ եմ։
Բյուլետենի հաշվարկ
Աննա.
Բարև Ձեզ։ Կներեք՝ կարո՞ղ եք օգնել։ Բյուլետենը բացվել է հուլիսի 25-ից մինչև օգոստոսի 5-ը, աշխատավարձս՝ 90 000: Ինչքա՞ն պետք է գումար ստանամ։ 😋
Արդյո՞ք առաջանում է ԱԱՀ
Ժաննա.
Հարգելի մասնագետներ,
կա մի Ա բարեգործական կազմակերպություն (ով միաժամանակ հանդիսանում է ԱԱՀ վճարող կազմակերպություն, քանի որ բացի բարեգործական գործունեությունից ծավալում է նաև ձեռնարկատիրական գործունեություն, որի միջոցները էլի ուղղվում են բարեգործությանը), որը կառուցում է տներ և դրանց հարակից հողատարածքներով անհատույց օգտագործման է տալիս տուն չունեցող ֆիզիկական անձանց: Արդյո՞ք այս դեպքում առաջանում է ԱԱՀ-ով հարկման բազա և պե՞տք է ուղղորդվեմ ՀՕ 62-րդ հոդվածի 9-րդ կետով: Կանխավ շնորհակալություն:
ՍՊԸ բացելու հետ կապված
Անի.
Բարի լույս ձեզ։ Ինձ կասեք՝ ես ճի՞շտ եմ հասկանում. ՀՕ 254 և 255 հոդվածները, շրջհարկով աշխատող մի ՍՊԸ-ի հիմնադիրը կարո՞ղ է ուրիշ ՍՊԸ բացել և աշխատել նորից շրջհարկով, եթե շեմը չի անցնում՝ 115մլն դրամը։
Գործունեության դասակարգիչ
Մերի.
Ողջույն, հարգելի հաշվապահներ։ Կազմակերպությունը արտերկրյա աշխատանքի տեղավորման պրոցես է իրականացնելու, մասնավորապես՝ միջնորդելու է աշխատանք փնտրողի, գործատուի և դեսպանատան միջև փաստաթղթաշրջանառության գոծընթացի կազմակերպմանը։ Սա ի՞նչ ԱՏԳԴ-ով կարելի է գրանցել։ Կանխավ շնորհակալ եմ։
Ռեզիդենտության տեղեկանք
Լանա.
Բարև Ձեզ։ Եթե ոչ ռեզիդենտը ռեզիդենտության տեղեկանք է ներկայացնում, արդյո՞ք կազմակերպությունն ազատվում է հարկային գործակալի պարտականություններից՝ ոչ ռեզիդենտի շահութահարկի վճարումից: Եթե դժվար չէ՝ խնդրում եմ նաև հիմքերը նշել:
Շահաբաժնի վճարում
Ռուբ.
Բարև ձեզ, հարգելի հաշվապահներ։ Ընկերությունը հիմնադրվել է 2020-ին և մինչև այժմ շահաբաժին չի վճարել ընկերության հիմնադրին։ Կարո՞ղ է արդյոք հիմնադիրների որոշման հիման վրա 2020 և 2021 թվականների շահույթից հայտարարվել շահաբաժին, թե՞ ոչ։ Նշեմ նաև, որ 2020-ին ընկերությունը գործել է միկրո դաշտում, իսկ 2021-ից մինչև այժմ գործում է շրջ․ հարկի դաշտում։ Եթե հնարավոր է հայտարարել շահաբաժին, ապա երկու տարիների համար էլ պետք է հաշվարկվի 5%-ը, թե՞ ոչ։ Շնորհակալություն։
Տալ հաշվապահական ձևակերպումներ
Լիա.
Բարև ձեզ։ Եթե կազմակերպությունը ձեռք է բերել ապրանք Չինաստանից և միանգամից այն վաճառել է Վրաստան՝ առանց Հայաստան բերելու։ Ի՞նչ ձևակերպումներ պետք է տալ, և ի՞նչ փաստաթղթավորում է անհրաժեշտ։
Ներմուծման հետ կապված
Խաչատուր.
Խնդրում եմ օգնել ճշտելու մաքսազերծման ի՞նչ կարգ է գործում ՍՊԸ-ի կողմից թեթև մարդատար ա/մ ներկրման դեպքում: Ի՞նչ վճարումներ պետք է անի ՍՊԸ-ն թեթև մարդատար ա/մ ներմուծելու դեպքում։
Շահաբաժնի վճարման վերաբերյալ
Լիլիթ.
Սպը-ն աշխատում է շրջ․ հարկի դաշտում, նախագծերի վաճառաքից ստացված եկամուտը կարո՞ղ ենք հարկերը հանել մնացած մասը աշխատավարձ տալ, թե՞ կարող ենք որոշ մասը թողնել հետո որպես շահաբաժին վճարել։ Հարցս հենց շահաբաժնին է վերաբերվում՝ արդյո՞ք շրջհարկով աշխատելու դեպքում կարող ենք հիմնադրին շահաբաժին վճարել։ Նախապես շնորհակալ եմ։