Արդյո՞ք կարելի է հաշվանցել ԱԱՀ-ն

Արտակ.

Ընկերությունը ձեռք է բերել հիմնական միջոց (նասոս), որը ունի շահագործման ժամկետ, և ձեռեք բերումը ունի հարկային հաշիվ: Արդյո՞ք կարելի է հաշվանցել տվյալ հարկային հաշում առանձնացված ԱԱՀ-ն:

Արդյո՞ք կվճարվի նպաստ

Տաթև.

Ես հղի եմ և չեմ աշխատում: Երեխա ունենալու դեպքում արդյո՞ք ինձ կվճարվի սահմանված 18000 դրամը:

Արդյո՞ք կվճարվի արձակուրդային

Գալյա.

Բարև ձեզ: Խնդրում եմ պատասխանել հետևյալ հարցին: Ուսուցիչը 2012թ. հուլիսի 1-ից օգտվել է իր հերթական ամենամյա արձակուրդից: 2013թ. մարտի 4-ից գտնվում է ֆիզ. արձակուրդի մեջ, որը լրանալուց հետո գտնվելու է փոքր երեխայի խնամքի արձակուրդի մեջ: Ուսուցչի՝ մինչև ֆիզ. արձակուրդ մեկնելը աշխատած 6 ամիսների համար արձակուրդային վճար հաշվարկվելու և վճարվելու՞ է, թե՞ ոչ: Կանխավ շնորհակալություն:

Աշխատանքային պայմանագրի երկարացում

ANI.

Բարև Ձեզ:
Աշխատողի հետ կնքվել է ժամանակավոր աշխատանքային պայմանագիր 2 ամիս ժամկետով: Պայմանագրի գործողության ժամկետը լրանալուց հետո կարելի՞ է այն երկարաձգել ևս 2 ամսով: Եվ արդյո՞ք աշխատողին հասնում է վերջնահաշվարկ այս 2 ամսվա համար:

Ի՞նչ հարկեր պետք է վճարի ԱՁ-ն

Հակոբ.

Բարև ձեզ: Խնդրում եմ պատասխանեք. Ա/Ձ 2013թ. դարձել է շրջ. հարկ վճարող, բացի դրանից ուրիշ ի՞նչ հակատեսակ պետք է վճարի:

Կազմակերպությունը ապրանք է վաճառել ԱԱՀ-ից ազատված կազմակերպությանը

Nare.

Կազմակերպությունը աշխատում է ԱԱՀ-ով, ունի ԱԱՀ-ով ձեռքբերումներ և վաճառքներ: Հիմա մայիսին վաճառել է ապրանք ԱԱՀ-ից ազատված կազմակերպությանը, առանց ԱԱՀ-ի, համապատասխան փաստաթղթի հիման վրա: Ինչպե՞ս կարտացոլվի հաշվետվությունում, և ի՞նչ ճակատագրի կարժանանա ԱԱՀ-ն: Ենթադրենք ունեցել է ԱԱՀ-ով ձեռք բերում 1 200 000, ներառյալ ԱԱՀ, վաճառք ԱԱՀ-ից ազատված 600 000, և վաճառք ԱԱՀ-ով այլ գնորդների 1 800 000 ներառյալ ԱԱՀ: Խնդրում եմ օգնել:

Շահույթի բաշխում

Նարինե.

Խնդրում եմ շտապ պատասխանել:

Հարցս վերաբերվում է շահույթի բաշխմանը: ՍՊԸ-ների մասին օրենքում գրված է, որ շահույթը բաշխվում է տարին մեկ անգամ: Ինձ հետաքրքրում է` շրջանառության հարկի հետ կապված արդյո՞ք կարող ենք շահույթը բաշխել եռամսյակը մեկ անգամ` հարկերը վճարելուց հետո:

Կանխավ շնորհակալ եմ:

Որքա՞ն կկազմի նպաստը նվազագույն աշխատավարձի դեպքում

Սեդա.

Բարև ձեզ: Ես կցանկանայի իմանալ, թե նվազագույն (35 000 դրամ) աշխատավարձի դեպքում ինչպես են հաշվարկում ֆիզ. արձակուրդի համար վճարվող գումարը: Աշխատում եմ տվյալ հիմնարկում 2008 թվականի նոյեմբերի 1-ից, ֆիզ. արձակուրդի մեջ եմ լինելու հունիսի 17-ից: Կխնդրեի ասեիք` ինձ տրվող գումարը մոտավորապես որքա՞ն կկազմի: Ի դեպ նշեմ, որ տոն օրերին աշխատել եմ, աշխատանքային գրաֆիկս վեցօրյա է: Կանխավ շնորհակալություն:

Ի՞նչ հետևանքներ կարող է ունենալ գնման ակտի բացակայությունը

Արամ.

Հարգելի գործընկերներ, կազմակերպությունը հարկվում է շրջանառության հարկով: Համաձայն “Շրջանառության հարկի” մասին օրենքի տվյալ հարկատեսակով աշխատող կազմակերպությունները ազատվում են շուկայից ձեռքբերման դեպքում որպես հարկային գործակալ 11 տոկոս եկամտային հարկ պահելու պարտավորությունից: Հարց. այս դեպքում արդյո՞ք պարտադիր է գնման ակտերի կազմումը: Ի՞նչ կտա գնման ակտի առկայությունը և ի՞նչ հետևանքներ կարող է ունենալ գնման ակտի բացակայությունը: Նախապես շնորհակալություն:

Հաշվապահական ծրագրի հետ կապված

Գագիկ.

Բարև ձեզ: Խնդրում եմ հուշել` արդյո՞ք կարող եմ առանց սերվեր գնելու կապել երեք համակարգիչ: Այսինքն` ստեղծել կապ երեք համակարգիչների միջև: Օրինակ, որպեսզի նույն 1С ծրագրից կարողանան օգտվել բոլոր 3 համակարգիչներով:

Ո՞ր վճարումներն են ենթակա առաջնահերթ կատարման

Թերեզա.

Ֆինանսական ճգնապատճառով սնանկացել է կազմակերպությունը: Ո՞ր վճարումներն են ենթակա առաջնահերթ կատարման: Խնդրում եմ ասեք` որտե՞ղ կարող եմ ծանոթանալ կարգի հետ:

Որակավորման քննության խնդիրներ

Parandzem.

Բարև Ձեզ, հարգելի հաշվապահներ: Եթե կարող եք, խնդրում եմ իմ էլեկտրոնային հասցեին ուղարկեք հաշվապահների որակավորման քննության խնդիրների օրինակներ: Նախապես շնորհակալություն: p.avetisyan շնիկ murad-sar.com

Հարկային օրենսդրության ամբողջական փաթեթ

Vahram.

Բարև Ձեզ:
Կասե՞ք` ինչպես գտնեմ հարկային օրենսդրության` այս պահին գործող ամբողջական փաթեթը:

Արդյո՞ք տրվում է հրաման

Աննա.

Խնդրում եմ, ասեք՝ փորձաշրջանի ժամանակ հրաման տրվու՞մ է, թե՞ ոչ:

Կազմակերպությունը ներմուծելու է կոսմետիկա

Lia.

Կազմակերպությունը ներմուծելու է կոսմետիկա, ինչպես նաև խնամքի միջոցներ: Բայց աշխատանքին սխեման լինելու է ցանցային, օրինակ, ինչպես որ աշխատում է Օրիֆլեյմը, Ֆաբերլիկը: Խանութներում վաճառք չի լինելու, լինելու են կոնսուլտանտներ, ովքեր կատալոգների միջոցով կատարելու են վաճառք: Կոնսուլտանտները հնարավորություն ունեն լավ աշխատանքի շնորհիվ դառնալ տնօրեն: Հարցս հետևյալն է`
ինչպե՞ս է գրանցում լինում, ի՞նչ հարկեր են վճարում, ապրանքի շարժը ինչպե՞ս են ցույց տալիս, քանի որ ՀԴՄ չկա: Շնորհակալություն:

Աշխատանքային պայմանագրի հետ կապված

Նաիրի.

Խանութի աշխատողի աշխատանքային պայմանագիրը պե՞տք է միշտ լինի խանութում, թե՞ կարող է լինել օրինակ հաշվապահի տանը: Ո՞ր իրավական ակտով է կարգավորվում այս հարցը:

Գործատուն չի վճարել աշխատավարձը

Nush.

Բարև ձեզ:
Հարգելի գործընկերներ, ես աշխատել եմ ՍՊԸ-ում (զբաղվում է մանրածախ առևտրով) որպես Օպերատոր-հաշվետար, 8 ամիս, գրանցված աշխատող չէի: Վերջին 2 ամսվա աշխատավարձը չեն վճարել` պատճառաբանելով, որ ՍՊԸ-ի գործերը լավ չի, առևտուր չկա, երբ կլի` կտանք: Ես 5 ամիս է չեմ աշխատում իրենց մոտ:

Հարցս հետևյալն է. եթե ես գրանցված աշխատող չէի, որտե՞ղ դիմեմ, կամ օրենք գոյություն ունի՞, որպեսզի օրենքի սահմաններում ստանամ 2 ամսվա աշխատավարձը:
Կանխավ շնորհակալություն:
Հարգանքներով, Նուշ

Շահութահարկի վճարումը ուշացնելու դեպքում

Մերի.

Բարև ձեզ, շահութահարկի վճարումը ուշացնելու դեպքում յուրաքանչյուր օրվա համար քանի՞ տոկոս տույժ է սահմանված:

Հարկի հաշվանցման դիմումի ներկայացում էլեկտրոնային եղանակով

ՄԱՐԻ.

Հարգելի հաշվապահներ, խնդրում եմ օգնեք ինձ: Անհրաժեշտ է դիմում ներկայացնել հարկային տեսչություն հարկի հաշվանցման համար: Գործատուս ասում է, որ դա արդեն հնարավոր է իրականացնել էլեկտրոնային տարբերակով taxservice.am-ի միջոցով: Եթե տեղյակ եք, թե ինչպես է դա արվում, խնդրում եմ շտապ օգնեք:

ԱԱՀ հաշվանցման հետ կապված

Արտակ.

2011թ-ի հոկտեմբեր ամսում ընկերությունը ունի եկամտային շրջանառություն (կատարողական), որը ազատված է ԱԱՀ-ից: Նույն հաշվետու ժամանակաշրջանում ձեռք բերված հարկային հաշիվներում առանձնացված ԱԱՀ-ն ԱԱՀ-ի մասին 27 հոդվածի համաձայն հաշվանցում չի կատարվել, սակայն այս վերը նշված շրջանառության մեջ օգտագործվել են նյութեր, որոնք ձեռք են բերվել նախորդ հաշվետու ժամանակաշրջանում: Արդյո՞ք ճիշտ է հարկային տեսուչի պնդումը, որ նախորդ հաշվետու ժամանակաշրջանում ձեռք բերված նյութերի ԱԱՀ-ները պետք է առանձնացվեն և չհաշվանցվեն:

Ի՞նչ հարկատեսակով պետք է հարկվի գործունեությունը

Արթուր.

Հարգելի հաշվապահներ, խնդրում եմ, պատասխանեք: Մտադիր եմ բացել կարի սպասարկման սրահ և դասընթացների անցկացման կենտրոն նույն վայրում, նույն ԱՁ-ով: Խնդրում եմ, ասեք` ի՞նչ հարկատեսակով պետք է հարկվի տվյալ գործունեությունը: Կանխավ շնորհակալություն:

Նյութական պատասխանատվության պայմանագիր

Gagik.

Խնդրում եմ ինձ խանութի նյութական պատասխանատուի հետ կնքվող պայմանագրի օրինակելի ձև ուղարկեք: Կանխավ շնորհակալություն:

Վճարվու՞մ է արդյոք անաշխատունակության նպաստ համատեղությամբ աշխատավայրից

Արմինե.

Հարգելի գործընկերներ, պատասխանեք խնդրում եմ. եթե աշխատողը համատեղությամբ աշխատող է և ներկայացնում է անաշխատունակության թերթիկ, վճարվու՞մ է արդյոք անաշխատունակության նպաստ համատեղությամբ աշխատավայրից:

Նպաստի հաշվարկման ժամանակ միջին աշխատավարձը փոքր է նվազագույն աշխատավարձից

Anush.

Եթե անաշխատունակության նպաստի հաշվարկման ժամանակ միջին ամսական աշխատավարձի չափը փոքր է նվազագույն աշխատավարձի չափից, ապա հիմք է ընդունվում 46300 դրամը, թե՞ 43540 / 35000 + 35000 * 24.4 % = 43540 (կառավարության 21.02.2013թ. 144-Ն որոշումը):

Գործատուն չի տրամադրում արձակուրդ 5 օրից ավել

Լինա.

Բարև Ձեզ, խնդրում եմ ինձ օգնել: Ես աշխատում եմ բանկում, օրենսդրությամբ սահմանված ես չեմ կարող 10 օրից պակաս արձակուրդ վերցնել, սակայն գործատուն ինձ 5 օրից ավել արձակուրդ չի տրամադրում` պատճառաբանելով, որ փոխարինող չկա: Ինչպե՞ս վարվել:

Մի հարց էլ` աշխատողի աշխատավարձը կախված է գործատուի եկամուտից, և եթե գործատուն ուղարկում է 160 կմ հեռու սեմինարի, պարտավո՞ր է աշխատողին վճարել: Կանխավ շնորհակալ եմ:

Աշխատողների աշխատավարձից եկամտային հարկը սխալ է հաշվարկվել

Մարինե.

Բարև Ձեզ, խնդրում եմ օգնեք հետևյալ հարցում: Եթե սխալմամբ աշխատողների աշխատավարձից հաշվարկվել և պահվել է եկամտային հարկ, այս դեպքում ինչպե՞ս վարվել: Շնորհակալություն:

Որքա՞ն կկազմի մեքենայի գույքահարկը

Կարեն.

Ունեմ 1998 թվականի արտադրության ԳԱԶ 3110 մակնիշի ավտոմեքենա, շարժիչի հզորությունը 150 ձիաուժ: Մեքենան չի շահագործվել 2007 թ-ից, որի պատճառով նույն թվականից չի վճարվել գույքահարկ: 2010 թ. դեկտեմբերից մեքենայի շահագործումը ժամանակավորապես դադարեցնելու նպատակով պետհամարանիշերը հանձնել եմ համապատասխան մարմիններին: Ներկա պահին ուզում եմ վաճառել նշված մեքենան: Խնդրում եմ Ձեզ օգնել, թե որքան գումար պետք է վճարեմ որպես գույքահարկ, և ի՞նչ կարգով պետք է հաշվարկվի (գույքահարկ և տուգանք): Կանխավ շնորհակալություն:

Աշխատանքից ազատում թոշակի անցնելու տարիքը լրանալու պատճառով

Մարիամ.

Խնդրում եմ Ձեզ օգնել ինձ: Մենք ունենք 66 տարեկան լրացած աշխատող: Ինչպե՞ս կարորղ ենք ազատել աշխատանքից թոշակի տարիքն լրանալու պատճառով:

Արդյո՞ք կարելի է ճշգրտված հաշվարկ ներկայացնել

Vaxinak.

Հարգելի հաշվապահներ, հարկայինում կամերալ ստուգումների-ուսումնասիրության արդյունքում պարզվել է, որ շահութահարկի հաշվարկում կան որոշակ սխալներ: Այդ սխալը կախված է նաև նախորդ տարվա 1-ին եռամսյակի ԱԱՀ հաշվարկից: Կարո՞ղ եմ ժամանակաշրջանի նշված ԱԱՀ հաշվարկում ճշգրտում տալ, թե՞ արդեն ուշ է: Իմ իմանալով` ճշգրտում չենք կարող տալ միայն ստուգումների ժամանակ կամ հետո: Էլի նշեմ, որ դա ընդամենը կամերալ ուսումնասիրություն է:

Ուսուցիչը դիմում է աշխատանքի համար

Նարինե.

Հարգելի կոլեգաներ, եթե ուսուցիչը դիմում է աշխատանքի համար, հաշվապահորեն ինչպե՞ս դա գրագետ ձևակերպել:

Ինչպե՞ս հաշվարկել 2013թ. արձակուրդայինը

Թաթուլ.

Աշխատողի 2012թ. աշխատավարձը կազմել է 60 000 դրամ, 2013թ.` 73 585 դրամ: Աշխատանքային շաբաթը 5 օր է, 2012 թ-ին գնացել է արձակուրդ` մայիսին: Ինչպե՞ս հաշվարկել 2013թ. արձակուրդայինը, եթե նա ցանկանում է հունիսի 1-ին մեկնել արձակուրդ:

Արդյո՞ք առաջանում է եկամտային հարկի պարտավորություն

Լուիզա.

Հարգելի հաշվապահներ, խնդրում եմ շտապ պատասխանել. արդյո՞ք ՀՀ աշխատանքային օրենսգրքի նոր փոփոխություններով կա նման բան, որ եթե ընդունում ես աշխատանքի և մեկ ամսից ազատում ես, ապա հաջորդ ամիս էլ ես վճարում եկամտային հարկ: Կարծում եմ` աբսուրդ է: Շատ շնորհակալություն:

Արդյո՞ք անհրաժեշտ է սոց. վճար վճարել

Agapi.

Բարև Ձեզ:

Ես ցանկանում եմ գրանցվել որպես անհատ ձեռնարկատեր, սակայն գրանցված եմ այլ ձեռնարկությունում, և սկզբնական շրջանում աշխատող չեմ ունենալու: Ես պե՞տք է սոց. վճար վճարեմ, թե՞ ոչ: Կամ ե՞ս միայն գրանցված լինեմ:

Կազմակերպությունը չի ներկայացրել ԱԱՀ վճարող համարվելու դիմում

em.

Նախորդ տարի եղել ենք ԱԱՀ վճարող, այս տարի դիմումը չենք ներկայացրել, բաց ենք թողել էլ. հաշվետվությունների հետ կապված: Սակայն արդեն տվել ենք հաշիվ-ապրանքագիր 1-ին եռ. համար և ԱԱՀ-ի հաշվետվություն, վճարվել է նվազագույն շահութահարկը, կատարվել է ԱԱՀ-ի հաշվանցում: Ինչպե՞ս վերականգնել սխալը:

Որպես ԱՁ գրանցվելու համար

Նաիրի.

Խնդրում եմ պատասխանեք` որպես ԱՁ գրանցվելու համար ի՞նչ փաստաթղթեր են պետք, և ի՞նչ վճարումներ ես պետք է կատարեմ: Կանխավ շնորհակալություն:

Ընկերությունը դադարեցրել է գործունեությունը

Արմինե.

Եթե ընկերությունը 2 տարի գործարք չի արել, շրջանառությունը 0 է, միայն եկամտային հարկի հաշվարկ եմ ներկայացնելու, թե՞ շրջանառության հարկի զրոյական հաշվարկ էլ պետք է ներկայացնեմ:

Տոկոսի հաշվապահական ձևակերպում

Կարինե.

Խնդրում եմ օգնեք, շտապ է: Բանկում կազմակերպությունը ունի որոշակի գումար: Ինչպե՞ս հաշվապահորեն ձևակերպեմ բանկի տոկոսը որպես եկամուտ:

Նպաստի հաշվարկի վերաբերյալ

Ժենյա.

Բարև Ձեզ: Ես 2011թ. վերադարձել եմ ֆիզ. արձակուրդից և 2011թ. սեպտեմբերի 3-ից անցել եմ աշխատանքի, իսկ հիմա նորից սպասում եմ երկրորդ երեխային և ս. թ. ապրիլի 10-ից գտնվում եմ ֆիզ. արձակուրդում: Խնդրում եմ ինձ ասեք, թե ինչքան է կազմում ինձ տրամադրված 140 օրվա նպաստը, եթե փաստացի աշխատավարձս կազմում է 109.000 դրամ: Նախապես շնորհակալություն:

Ա/Ձ-ն ցանկանում է աշխատել ԱԱՀ-ի հարկման դաշտով

Հարութ.

Ա/Ձ-ն ընթացիկ տարվա 2-րդ եռամսյակից ցանկանում է աշխատել ԱԱՀ-ի հարկման դաշտով: Ե՞րբ պետք է դիմի հարկային տեսչություն:

Սուրճ վաճառող սարքերի գործունեություն

Հայկ.

Հարգելի հաշվապահներ, խնդրում եմ Ձեզ օգնել ինձ հետևյալ հարցում. ինչպե՞ս են հարկվում սուրճ վաճառող սարքերը:

Արդյո՞ք ուսման տարիները համարվում են ստաժ

Արծրուն.

Բարև Ձեզ: Ճի՞շտ է, որ եթե ուսոմն ավարտելուն պես չես աշխատում, ուսման տարիները ստաժ չեն համարվում: Կամ ուսման տարիներն առհասարակ հաշվարկվու՞մ են, թե՞ ոչ: Շնորհակալ եմ:

Սպորտային պարագաների ներմուծման մաքսային վճարներ

գայանե.

Բարև Ձեզ: Ցանկանում եմ ճշտել, թե ինչ մաքսային վճարներ են ՀՀ-ում սահմանված սպորտային պարագաների ներմուծման դեպքում: Շտապ է: Կանխավ շնորհակալություն:

Որքա՞ն կկազմի վերջնահաշվարկի գումարը

Հայարփի.

Բարև Ձեզ. Խնդրում եմ ինձ օգնեք: Աշխատանքի անցել եմ 05.03.2011թ-ին: Արձակուրդում եմ եղել 08.09.12-16.09.12, աշխատանքից ազատման դիմում եմ գրելու 15.05.13-ին: Ինչքա՞ն կկազմի վերջնահաշվարկը: Աշխատավարձը 100 000 դրամ է: Եթե հնարավոր է` հասկանալի ձևով ներկայացրեք:

Նախապես շնորհակալություն:

Կազմակերպության հիմնադրի փոխելու գործընթաց

Ռուզան.

Հարգելի կոլեգաներ, ինչպե՞ս կազմակերպել կազմակերպության հիմնադրի փոխելու գործընթացը: Կարո՞ղ է այդ պրոցեսը կազմակերպել հաշվապահը, թե՞ կա իրավաբանի կարիք:

Կազմակերպությունը զբաղվում է հանրային սննդի կազմակերպման գործունեությամբ

Հարություն.

Հարգելի կոլեգաներ, կազմակերպությունը զբաղվում է հանրային սննդի կազմակերպման գործունեությամբ, որի համար վճարում է արտոնագրային վճար օրենքով սահմանված կարգով: Կազմակերպությունը պարբերաբար գնումներ է կատարում շուկայից: Հարցս հետևյալն է. արդյո՞ք “Եկամտային հարկի մասին” օրենքով նախատեսված հարկային գործակալի կողմից պահվող 11 տոկոս եկամտային հարկը հաշվարկվում է շուկայից գյուղատնտեսական մթերք ձեռքբերելու համար: Հարցը առաջանում է, քանի որ “Եկամտային հարկի մասին” օրենքի համաձայն գյուղատնտեսական արտադրանքը ազատված է եկամտային հարկից: Սակայն մյուս կողմից պարզ չէ, թե կազմակերպությունը գյուղմթերքը ձեռք է բերել շուկայից անմիջապես գյուղմթերք արտադրողից, թե՞ առևտրականից: Հետաքրքիր կլիներ ծանոթանալ տվյալ ոլորտում աշխատող մասնագետների կարծիքներին: