Ինչպիսի՞ հարկային պարտավորություններ են առաջանում

Վարդան.

Խնդրում եմ պարզաբանել, եթե ես որպես անհատ ձեռներեց ուզում եմ զբաղվել պատվերով ապրանքների առաքման ծառայությամբ և միաժամանակ ապրանքների վաճառքով, ապա ինչպիսի՞ հարկային պարտավորություններ են առաջանում:

Աշխատողի պայմանագրի ժամկետը լրացել է

Անի.

Աշխատողի պայմանագրի և 2 ամսի երկարացման ծանուցագրի ու համաձայնագրի ժամկետը լրացել է, և այլևս նա չի աշխատում մեզ մոտ, պարտադի՞ր է նրա հեռացման համար տնօրենի հրաման:

Ինչպե՞ս պետք է հաշվել օրապահիկը

Ելենա.

Եթե աշխատողը մեկնում է գործուղման Ռուսաստանի դաշնություն, ապա ինչպե՞ս պետք է հաշվել նրա օրապահիկը: Ես տեղյակ եմ, որ սահմանված է 1 օրվա համար 25000 ՀՀ դրամ: Դա այդպե՞ս է, թե՞ ոչ:

Կազմակերպությունը չի ստացել հարկային հաշիվ

Ն.

Հարգելիներս, Սփյուռից ստացել եմ 22.02.2011 և 14.04.2011 վճարման հաշիվ և հավելված, որոնց մեջ նշված է գումար ներառյալ ԱԱՀ: Տնօրենն իր անունով կանխիկ փոխանցել է 17.08.2011: Սփյուռը մեզ չի տվել հարկային հաշիվ: Կարո՞ղ եմ այդ գումարը որպես վարչական ծախս համարել, առանձնացնել 226 հաշիվը և ԱԱՀ հաշվարկում ներկայացնել այս եռամսյակում այդ գնումը, քանի որ վերոնշյալ վճարման հաշիվներն ու հավելվածը ինձ մոտ հայտնվել են հենց վերջերս:

ՀԴՄ կտրոնի վերաբերյալ

Arman.

Ինչպես հայտնի է, ՀԴՄ կտրոնի վրայի տպվածը ժամանակի ընթացքում դանդաղ վերանում է: Խնդրում եմ պատասխանել` ինչ անել տվյալ դեպքում:

Ինչպե՞ս հաշվել մեկ լիտր կոնյակի ինքնարժեքը

Հրանուշ.

Հարգելի հաշվապահներ, ինչպե՞ս հաշվել մեկ լիտր կոնյակի ինքնարժեքը:

Կազմակերպությունը ձեռք է բերել տեխնիկա

Rip.

Հարգելի հաշվապահներ, խնդրում եմ պատասխանել հետևյալ հարցիս. կազմակերպությունը ձեռք է բերել տեխնիկա, առուվաճառքի պայմանագրում գինը նշելով 10 810 000 ՀՀ դրամ, այդ գումարի նկատմամբ հաշվել է 1 201 100 դրամ եկամտահարկ և վճարել է բյուջե: Իրավունք ունե՞ր կազմակերպությունը եկամտահարկի նշված գումարը որպես ծախս ծախսագրեր, թե՞ ոչ:

Աշխատողը գտնվում է հղիության և ծննդաբերության արձակուրդում

Armine.

Աշխատողը գտնվում է հղիության և ծննդաբերության արձակուրդում: Ունեցել է երեխա: Ցանկանում ենք դրամական խրախուսանք տալ մայրիկին: Իրավունք ունե՞նք արդյոք հղիության և ծննդաբերության արձակուրդի ընթացքում տալ այն:

Արձակուրդայինի հաշվարկ

Inga.

Հաշվարկում եմ մի աշխատակցի արձակուրդային, որը նախորդ 12 ամիսների ընթացքում ստաբիլ ստացել է 95000 դրամ աշխատավարձ, արձակուրդ է գնում սեպտեմբեր ամիսը ամբողջությամբ, այսինք 21 աշխատանքային օր: Եվ ստանում եմ նույն 95000 (94983) դրամը: Սխալ ունե՞մ, թե ուղղակի անհիմն անհագնստանում եմ: Մերսի:

Ի՞նչ հաշվետվություններ պետք է ներկայացնի ԱՁ-ն

Նունե.

Խնդրում եմ պատասխանել, թե երբ է առաջին հաշվետվություն ներկայացնում ԱՁ-ն, ինչ հաճախականությամբ, ինչ հաշվետվություններ և ինչ կառույցների: Կանխավ շնորհակալություն:

Արտարժութային հաշվարկային հաշիվ և հաշիվ-ապրանքագիր

Անի.

Բարև:
1. ՀԾ-ում ինչպե՞ս ներկայացնեմ 10000 ԱՄՆ դոլար, որը գտնվում է իմ արտարժութային հաշվում, դրամո՞վ արտահայտված:
2 Ապրանքն արտահանելիս, երբ հաշիվը դոլարով է, ձևակերպումները տալիս ենք արտահանմա՞ն օրվա կուրսի դրությամբ:
Շնորհակալություն:

Աշխատանք համատեղությամբ

Anahit.

Հարցս հետևյալն է. ունենք աշխատակից, որը մեզ մոտ աշխատում է համատեղության կարգով: Կարո՞ղ եք ասել` ինչպես լրացնեմ տեղեկագրում նրա հաճախելիությունը: Մեր բոլոր աշխատակիցների համար լրացնում եմ 8 ժամ, իրեն ինչպե՞ս պետք է լրացնեմ: Նախապես շնորհակալություն:

ԱՁ-ն փոխել է իր անձնագիրը

Աշխեն.

Հարգելի հաշվապահներ, ԱՁ-ն փոխել է իր անձնագիրը: Այս դեպքում անհրաժե՞շտ է արդյոք հարկային տեսչությունում տեղյակ պահել այդ մասին, և արդյո՞ք ժամկետ կա սահմանված տեղյակ պահելու վերաբերյալ, քանի որ 2 ամիս է, ինչ փոխել է անձնագիրը: Կանխավ շնորհակալություն:

Գործուղում Հունգարիա

Գայանե.

Հարգելի կոլեգաներ, խնդրում եմ պատասխանել.
կազմակերպության աշխատակիցը 2 օրով մեկնում է գործուղման Հունգարիա:
Հրավիրող կողմն հոգում է ճանապարհածախսն և գիշերավարձը: Այդ օրերի համար կա նաև սուրճի ընդմիջում և ճաշ: Մեր կազմակերպությունը վճարելու՞ է արդյոք 2 օրվա օրապահիկ` 2*95-190 դոլար, և գործուղվողը ներկայացնելու՞ է արդյոք օրապահիկի համար հիմնավորող փաստաթուղթ: Ըստ ինձ մենք պետք է վճարենք օրապահիկ, և հիմնավորող փաստաթուղթ անհրաժեշտ չէ: Նախապես շնորհակալ եմ:

Հումքի քանակի մուտք

Ն.

Բարև ձեզ, հարգելի հաշվապահներ: Չե՞ք ասի` “ՀԾ-հաշվապահ”-ում հումքի քանակի մուտքը ինչպես է արվում: Գումարայինը ինձ համար պարզ է, քանակային մնացորդի մուքագրումը ինձ մոտ չի ստացվում: Նախապես շնորհակալություն:

Արդյո՞ք պետք է ներառել գումարները հաշվետվության մեջ

Անի.

Աշխատողին ազատելուց Ձ9 և Ձև 10 ում վերջնահաշվարկի գումարները ներառվու՞մ են, թե՞ ոչ, քանի որ մենք գիտենք` վերջնահաշվարկից սոց. չի պահվում և սոց. հաշվետվության մեջ չի ներառվում:

Ինչպե՞ս պետք է հաշվարկվի նպաստը

Լիլիթ.

Բարև Ձեզ: Ես ներկա դրությամբ գտնվում եմ երեխայի խնամքի արձակուրդում և պատրաստվում եմ ունենալ երկրորդ երեխաս: Ասացեք խնդրեմ, եթե ես վերջին մեկ տարվա ընթացքում չեմ աշխատել, այսինքն գտվել եմ ֆիզ. արձակուրդում, ինչպե՞ս պետք է հաշվարկվի իմ հղիության նպաստը: Կանխավ շնորհակալ եմ:

Տնօրենի պայմանագրի ձև

Սրբուհի.

Հարգելի հաշվապահներ, ինձ կասե՞ք` ԱՁ տնօրենի համար սոցապ հայտ տանելու համար պայմանագիր և հրաման պե՞տք է կազմեմ: Եթե այո, ինձ ԱՁ տնօրենի պայմանագրի ձև կուղարկեք Srbuhy շնիկ mail.ru

ՍՊԸ լիզինգով մեքենա է ձեռք բերել

Ժաննա.

Բարև Ձեզ: Մեր ՍՊԸ լիզինգով մեքենա է ձեռք բերել, ի՞նչ հաշվապահական ձևակերպումներ է անհրաժեշտ կատարել: Քանի որ մեքենայի սեփականության իրավունքը լիզինգ տրամադրող ընկերությանն է, ես չեմ կարող չէ՞ այն որպես հիմնական միջոց դիտել: Լիզինգի մարելու համար ամսական արված վճարումները, ապահովագրական վճարները, գույքահարկը ծախսերի մեջ կարո՞ղ եմ ներառել: Նշեմ, որ մեր ընկերությունը ԱԱՀ վճարող չի: Շնորհակալություն:

Արդյո՞ք անհրաժեշտ է լիցենզիա

ANUSH.

Բարև ձեզ, հարգելի հաշվապահներ, խնդրում եմ ինձ օգնեք: Քիմիական նյութերի արտադրության համար լիցենզիա պե՞տք է: Եթե այո, խնդրում եմ հուշեք` որտեղ պետք է դիմեմ այդ լիցենզիան ստանալու համար: Նախապես շնորհակալ եմ:

Ինչպե՞ս ենք հաշվում աշխատողի արձակուրդայինը

Astgh.

Ասացեք, խնդրեմ, աշխատողի աշխատավարձը կազմում է 60000 ՀՀ դրամ, նրան ուղարկում ենք հերթական արձակուրդ: Ինչպե՞ս ենք հաշվում նրա արձակուրդայինը, և որքա՞ն պետք է ստանա աշխատողը, եթե, ենթանդրենք, ամսվա կեսից է արձակուրդ գնում:

ԱՁ-ն աշխատող գրանցելու համար հայտ է ներկայացրել սոցապ

Սրբուհի.

Բարև ձեզ, հարգելի հաշվապահներ: ԱՁ-ն աշխատող գրանցելու համար հայտ է ներկայացրել սոցապ, այնտեղ պարզվել է, որ ԱՁ իր համար հայտ չի ներկայացրել: Ասացին, որ ԱՁ-ի հայտը տուգանքով ներկայացնենք, բայց ԱՁ-ն բոլոր իր վճարումները կատարել է, խոսքը ԱՁ ամսական 5000 դրամ սոց.վճարների մասին է: Ինչքա՞ն տուգանք է հասնում ԱՁ-ին հայտը չներկայացնելու համար: ԱՁ-ն գործում է 1 տարի 4 ամիս և կարո՞ղ է որևէ կերպ խուսափել այդ տուգանքից: Ես լսել եմ, որ հիմա հայտի համար տուգանք չի հասնում, խնդրում եմ գրեք օրենքը, որտեղ կարող եմ կարդալ այս մասին, շատ շնոորհակալ եմ:

Արդյո՞ք պետք է ներկայացնել ԱԱՀ տեղեկանք

Դավիթ Աատրյան.

Եթե ընկերությունը հանդիսանում է ԱԱՀ վճարող և հարկային հաշիվներ է դուրս գրում միայն էլեկտրոնային եղանակով, ապա ԱԱՀ-ի տեղեկանք պե՞տք է արդյոք ներկայացնի, եթե մատակարարից ստացել է թղթային հարկային հաշիվ:

Հաստիքացուցակի վերաբերյալ

Մարինե.

Բարև Ձեզ: Ինձ շտապ անհրաժեշտ է Ձեր օգնությունը: Խնդրում եմ ասել, թե որ օրենքն է կարգավորում հաստիքացուցակը: Կանխավ շնորհակալություն:

Մասնակցե´ք նոր հարցմանը

Մասնակցե´ք Accountant.am – ի նոր հարցմանը:

Ավարտված հարցումների արդյունքները կարող եք տեսնել այստեղ…

Տնօրենի ընդունում ՀԿ

Jana.

Բարև Ձեզ, հարգելի հաշվապահներ: Հասարակական կազմակերպությունում պարտադի՞ր է տնօրեն ընդունել նոր այլ աշխատակից: Քաղ.իրավական պայմանագրով աշխատակցին իրավունք ունե՞նք գործուղման ուղարկել:

Համակարգչի մաքսազերծում

Մովսես.

Բարև ձեզ, ես Մովսեսն եմ: Ես ունեմ հարց` կապված մաքսային վճարման հետ: Ինձ ԱՄՆ-ից պետք է ուղարկեն համակարգչի մասեր, որոնք իրար հետ հավաքելու դեպքում կկազմի մեկ ամբողջական համակարգիչ (առանց մոնիտոր):
Մասերի քանակը` 11:
Ընդհանուր քաշը` 25կգ:
Մասերի ընդհանուր արժեքը` 1700$:
Ես կցանկանի իմանալ` որքան գումար պետք է վճարեմ մաքսատանը նման ծանրոցի համար:

Ֆինանսական և գործառնական վարձակալության տարբերությունը

Գայանե Ա.

Հարգելի հաշվապահներ, խնդրում եմ ասեք ֆինանսական և գործառնական վարձակալության տարբերությունը: Շնորհակալություն:

Ինչքա՞ն վերջնահաշվարկ է հասնում

Գոհար.

Բարև:
Աշխատողը աշխատանքի է ընդունվել 01 մարտի 2011 թ: Ազատվել է 30.09.2011 թ-ին:
Ինչքա՞ն վերջնահաշվարկ է հասնում: Աշխատանքը հնգօրյա է: Շնորհակալություն:

Ինչքա՞ն կկազմի աշխատողին վճարվելիք գումարը

Ն.

Բարև ձեզ: Աշխատողն ինձ մոտ աշխատել է ապրիլի 1-ից հուլիսի 30, և հաշվարկվել է ամսական 65 000 դրամ աշխատավարձ, առձեռն 59 995 դրամ: Ասացեք խնդրեմ, ինչքա՞ն կկազմի աշխատողին վճարվելիք գումարը, որում ներառված կլինի վերջնահաշվարկը, և ինչքա՞ն կկազմի սոց. վճարն ու եկամտահարկը: Պե՞տք է տեղեկացնել այլ տեսչություններին ազատվելու մասին: Խնդրում եմ բացատրել քայլերով: Վերջում նշեմ` կազմակերպությունն աշխատում է շաբաթական 5 օր:

Նախապես շնորհակալություն:

Ավտոտեխսպասարկման կետի հաշվապահական հաշվառում

Ժաննա Գ..

Շատ շնորհակալ կլինեմ, եթե պատասխանեք: Ես վարում եմ 2 Ա/Ձ հաշվապահություն, բայց հիմա առաջարկում են ավտոլվացման կետի հաշվապահություն վարեմ, որին կից կա նաև բոքս: Եթե խնդրեմ` կասե՞ք, թե ինչ հաշվետվություններ պետք է տամ: Նախապես շնորհակալություն:

Քանի՞ առաքման գիրք պետք է պահի ԱՁ-ն

maro.

ԱՁ զբաղվում է արտադրությամբ և ապրանքը առաքում է մի քանի կազմակերպությունների: Քանի՞ առաքման գիրք պետք է պահի:

Վերջնահաշվարկի վերաբերյալ

Քրիստինե.

Բարև Ձեզ, խնդրում եմ օգնեք.
1) եթե աշխատողը հերթական արձակուրդից 1 ամիս հետո ազատվում է աշխատանքից, վերջնահաշվարկ արվու՞մ է այդ 1 ամսվա համար:
2) վերջնահաշվարկի գումարից ինչպե՞ս է պահվում եկամտահարկը: Գումարե՞մ նրա աշխատավարձին, թե՞ առանձին դիտարկեմ:
3) վերջնահաշվարկի գումարը անհատական հաշվետվությունում (Ձև Ֆ10) ներառվու՞մ է,թե՞ ոչ:
Կանխավ շնորհակալություն:

Սոցիալական վճարների վերաբերյալ

Անի.

Հարգելի հաշվապահներ, գործատուի սոց. վճարը մտնու՞մ է արդյոք ինքնարժեքի մեջ, և ինչպե՞ս է ձևակերպումը` աշխատողի սոցի և գործատուի սոց-ի: Եվ մյուս հարցը` ո՞ր աշխատողի սոց.-ն է համարվում վարչական ծախս:

Շահաբաժինների հայտարարում և վճարում

Անժելա.

Հարգելի հաշվապահներ, խնդրում եմ պատասխանեք` տարվա վերջում առաջացած շահույթն ամբողջովին ենթակա՞ է վճարման որպես շահաբաժին: Ի՞նչ կարգով է կատարվում շահաբաժինների վճարումը, ե՞րբ չի թույլատրվում վճարել շահաբաժինները և ի՞նչ իրավական և հարկային հետևանքներ կարող են լինել հետևյալ 3 դեպքերում.
1. ՍՊԸ-ն ունի հիմնադիրների որոշում նախորդ տարվա շահաբաժինը բաշխելու վերաբերյալ, սակայն այդ շահաբաժինները չեն վճարվել:
2. ՍՊԸ-ն չունի հիմնադիրների որոշում նախորդ տարվա շահաբաժինը բաշխելու վերաբերյալ, սակայն շահաբաժիններ են վճարվել:
3. ՍՊԸ-ն չունի հիմնադիրների որոշում նախորդ տարվա շահաբաժինը բաշխելու վերաբերյալ, շահաբաժիններ չեն վճարվել:
Կանխավ շնորհակալություն:

Սոցապ անհատական ընթացիկ հաշվետվություն

Նարինե.

Հարգելի կոլեգաներ, արդյո՞ք հղիության և ծննդաբերության ապահովագրական նպաստի գումարը ներառվում է սոցապի տարեկան անհատական հաշվետվության մեջ և ինչպե՞ս: Կանխավ շնորհակալություն:

Ստաժի ձևաթղթի լրացման և հանձնման հետ կապված

Կարեն.

Հարգելի կոլեգաներ, հարցս վերաբերում է մինչև պարտադիր կենսաթոշակային ապահովագրության համակարգում հաշվառվելը աշխատողների ձեռք բերած ստաժի ձևաթղթի լրացմանը և հանձնմանը սոց. բաժին: Ո՞ր ամսաթվից հետո է, որ աշխատանքի ընդունված լինելու դեպքում այդ ձևաթուղթը պետք է ներկայացներ այդ կազմակերպությունը, այլ ոչ թե տվյալ` մեր կազմակերպությունը:

Նպաստի հաշվարկ

Անահիտ.

Բարև Ձեզ: Ես գտնվում եմ ֆիզ. արձակուրդում, երեխաս 2 տարեկան 2 ամսական է, և ես պատրաստվում եմ նորից երեխա ունենալ: Խնդրում եմ պատասխանեք, քանի՞ ամիս է պետք աշխատել, որպեսզի ֆիզ. արձակուրդի գումարը հաշվարկեն իմ աշխատավարձի չափով, այլ ոչ թե մինիմալ աշխատավարձով (32 500 դրամով):

Աշխատաժամանակի տեղեկագրի լրացման հետ կապված

Անուշ.

Հարգելի կոլեգաներ,
ՍՊԸ-ի աշխատակիցը գտնվել է գործուղման մեջ, սակայն տաբելում գործուղման օրերը նշվել են որպես սովորական աշխատանքային օրեր, այլ ոչ թե գործուղման: Կարծում եմ, սա խախտում է: Խնդրում եմ խորհուրդ տաք, թե ինչպես վարվեմ հետագա խնդիրներից խուսափելու համար:
Կանխավ շնորհակալություն:

Ինչպիսի՞ հաշվետվություններ պետք է ներկայացնել

Սոնա.

Հարգելի կոլեգաներ, կարո՞ղ եք պատասխանել իմ հարցին: Հասարակական կազմակերպությունը դրամաշնորհ է ստացել: Այդ միջոցներով աշխատողներ է ընդունել: ՀԿ-ն ազատված է ԱԱՀ-ից: Ինչպիսի՞ հաշվետվություններ պետք է ներկայացնել Հ/Տ բացի սոց. վճարների և եկամտահարկի հաշվետվություններից:

Ու՞մ անունով տալ հրամանը

Ն.Ա.

Հարգելի հաշվապահներ, հարցս հրատապ է: ՍՊԸ-ի հիմնադիրը գործող տնօրենին, որի պայմանագրի ժամկետը չի լրացել, նշանակել է արտադրության պետ, իսկ գլխավոր հաշվապահին` տնօրեն: Խնդրում եմ ասեք, թե ինչպես և ում անունով հրամանը տալ, և ինչպե՞ս այդ փաստն արձանագրել 2-ի աշխատանքային գրքույկում: Եվ հետագա քայլերը ինչպե՞ս է կատարվում: Տեղեկացվու՞մ է պետ. ռեգիստրին, հարկային մարմիններին և բանկին: Կա՞ն ուրիշ այլ քայլեր, բացի վերոնշյալից:

ԱԱՀ վճարող համարվելու համար

Inga.

Կազմակերպությունը ԱԱՀ վճարող է համաձայն դիմումի, որը պետք է ներկայացնել յուրաքանչյուր եռամսյակ, բայց արդեն 2 եռամսյակ է, չի ներկայացնում տվյալ դիմումը, սակայն աշխատում է էլ. հաշիվների ծրագրով, դրան համապատասխան ԱԱՀ-ով հաշիվներ ենք դուրս գրում: Մի խոսքով իսկական ԱԱՀ վճարողի պես ենք մեզ պահում և հարկեր վճարում: Հիմա կարո՞ղ է հանկարծ տուգանք ստանանք: Շնորհակալություն:

Անհրաժեշտ է կատարել վերջնահաշվարկ

koko.

Հարգելի հաշվապահներ, անհրաժեշտ է կատարել վերջնահաշվարկ, եթե հնարավոր է` շտապ: Աշխատողը աշխատել է 9 ամիս: Առաջին 7 ամիսներին ստացել է 90000 դրամ, 8-րդ ամսում` 40000, 9-րդ ամսում աշխատել է մինչև 20.09.11թ: Հնարավորության դեպքում մանրամասնեք:

Գնման ակտի լրացման հետ կապված

Նազելի.

Բարև, հարգելի հաշվապահներ: 2-րդ եռամսյակում ես ֆիզ. անձից` հիմնադրից, գնել եմ 120000 դրամ արժողությամբ ապրանք և հաշվարկել եմ 10 % եկամտահարկ, պահել եմ և նրան վճարել 108000 դրամ, քանի որ ունեմ նրա անձնագրային տվյալները: 12000 դրամը ներկայացրել եմ Եկամտահարկի հաշվետվությունում: Որպես հիմք ծառայում է Փաստաթղթեր բաժնի Գնման ակտը: Սակայն լրացման ձևում թերանում եմ: Կարծում եմ, ճիշտ է գնման գին սյունակում գրել գինն առանց հարկի, վաճառքի գին սյունակում` արդեն հաշվարկված-պահված հարկով, իսկ գնորդ նշեմ առհաշիվ գումար ստացողի անունը կամ տնօրենի:

Արդյո՞ք պարտադիր է հրամանագիրք ունենալ

Մարիամ.

Հարգելի հաշվապահներ, խնդրում եմ պատասխանեք հնարավորինս արագ իմ հարցին: Հրամանագիրքը, որտեղ նշվում է աշխատողի ընդունման և ազատման հրամաններ, պարտադի՞ր է ունենալ:

Ինչպե՞ս է պահվում եկամտահարկը

Arpi.

Խնդրում եմ ինձ ասեք` եթե կես դրույքով աշխատողի աշխատավարձը 30000 դրամ է, ապա ինչպե՞ս է պահվում եկամտահարկը:

Ինչպե՞ս հաշվարկել արտաժամերը

Արմեն.

Բարև ձեզ: Կասե՞ք ինձ` ինչպես հաշվարկել արտաժամերը:

Շնորհների հաշվառում

Մարիամ.

Բարև Ձեզ, հարգելի կոլեգաներ: Խնդրում եմ պատասխանեք իմ հետևյալ հարցին. երբ անհատույց ստացվում են ապրանքներ, տրվում է հետևյալ ձևակերպումը`
ԴՏ 216
ԿՏ 541(Եկամուտներին վերաբերող շնորհներ):
Իսկ երբ հիմնական միջոցներ են անհատույց ստացվում, 541-ի փոխարեն օգտագործվում է 421 (Ակտիվներին վերաբերող շնորհներ): Հարցս հետևյալն է` ինչու՞ ապրանքներ կամ նյութեր անհատույց ստանալու դեպքում օգտագործվում 541 հաշիվը, իսկ մնացած դեպքերում` 421 հաշիվը: