Tag: արձակուրդ

Արձակուրդի հետ կապված

Մանու.

Բարև Ձեզ: Արձակուրդի գրաֆիկ կազմելու վերջնաժամկետը ե՞րբ է։ Շնորհակալություն։

Ազատման օր

Սոնա.

Հարգելի գործընկերներ, խնդրում եմ պատասխանեք՝ աշխատողը ազատվում է աշխատանքից հուլիսի 7-ին, իսկ ամենամյա արձակուրդ գնում է հուլիսի 4-ից։ Այս դեպքում նրա ազատման օրը համարել արձակուրդի ավարտի հաջորդ օր՞ը։

Չօգտագործված արձակուրդ

Հասմիկ.

Բարև ձեզ, հարգելի մասնագետներ։ Եթե աշխատողը 2020 թվականի հուլիսին օգտագործել է իր հասանելիք արձակուրդը, 2021 թվականինը ոչ, և հրամանով տեղափոխում չի եղել՝ գործատուն կարո՞ղ է 2022 թվականին տրամադրել 2021 թվականի չօգտագործված արձակուրդը։ Խնդրում եմ հստակ պատասխան։

Վերադարձ դեկրետից

Աստղիկ.

07.07.2022թ-ին աշխատողը վերադառնում է ֆիզ. արձակուրդից (երեխայի 3 տարին լրանալուց հետո): Մնում է աշխատանքի մեջ, թե՞ արձակուրդային է ստանալու: Ավելացնեմ, որ 2019թ-ին ստացել է իրեն հասանելիք հերթական արձակուրդը:

Ամենամյա արձակուրդի հաշվարկ

Բարև ձեզ։ Դպրոցի ուսուցչուհին հերթական արձակուրդն է գնում։ Հետհաշվարկում ներառվու՞մ են հղիության և ծննդաբերության ամիսներ՝ 140 օրը։ Դրանք գրել 0, իսկ դրանից առաջ ստացած ամիսների աշխատավարձը հաշվե՞լ։

Արձակուրդայինի հաշվարկ

Արփիկ Գևորգյան.

Բարև ձեզ։ Աշխատակիցը արձակուրդ է գնում 02.06.2022թ., սակայն հաշվարկի մեջ, որը կատարում եմ մայիսի 30-ին, ներառվում է 2021թ. մայիսի աշխատավարձը: Ինչպե՞ս հաշվեմ արձակուրդայինը մայիսի 30-ին և, բացի դա, չունեմ 2022թ. մայիսի աշխատավարձի թիվը:

Արձակուրդի հետ կապված

Լիլիթ.

Բարև ձեզ: Հարգելի հաշվապահներ, այսպիսի հարց ունեմ. եթե ուսուցիչը ազատվել է աշխատանքից իր դիմումի հիման վրա և մրցույթով ընդունվել է մեկ այլ դպրոց, ընդունվել է մարտ ամսին։ Արդյո՞ք հասնում է արձակուրդ և քանի՞ օր։

Ամենամյա արձակուրդ

Հայկ.

Բարև Ձեզ: Եթե աշխատակիցը վերջին անգամ իր ամենամյա արձակուրդից օգտվել է 2021թ. հունվարին, հիմա ունի կուտակած 28 աշխ. օր: Նա կարո՞ղ է արդյոք հիմա դիմում գրել հուլիսի 1-ից 25 աշխատանքային օր արձակուրդ գնալու համար: Աշխատում է հնգօրյա ռեժիմով: Շնորհակալություն։

Արձակուրդի հրաման

Մարինե.

Բարև Ձեզ, հարգելի հաշվապահներ: Եթե երեխայի խնամքի արձակուրդում գտնվող բաժնի պետին փոխարինող գլխավոր մասնագետին ուղարկում են ամենամյա աշխատանքային արձակուրդ: Խնդրում եմ ասեք՝ հրամանը ո՞նց ձևակերպեմ, որ լինի ճիշտ՝ գլխավոր մասնագետին, թե՞ բաժնի պետի պաշտոնակատարին տրամադրել ամենամյա արձակուրդ, քանի որ բաժնի պետի պարտականությունները կատարում է գլխավոր մասնագետը: Կանխավ շնորհակալություն:

Ամենամյա արձակուրդ

Ժասմենա.

Բարև ձեզ։ Խնդրում եմ պատասխանել՝ դպրոցում աշխատող լաբորանտին կարո՞ղ է ամենամյա արձակուրդը տրամադրվել իր նախընտրած ժամանակահատվածում։ Շնորհակալություն։

Մայրության նպաստի վճարման վերաբերյալ

Կիմա․

Բարև ձեզ, հարգելի մասնագետներ։ Ճի՞շտ է, որ համատեղությամբ աշխատողին մայրության նպաստը պետք է վճարի հիմնական աշխատավայրի գործատուն։ Ասեմ, որ հիմնական աշխատավայրում աշխատավարձը 88 000դրամ է, իսկ համատեղությամբ ստանում է 250 000դրամ։ Կարո՞ղ է նպաստը վճարել մյուս գործատուն, որտեղ աշխատավարձի չափը մեծ է։
Եվ ես մեկ հարց․ եթե աշխատակիցը եղել է երեխայի խնամքի արձակուրդում և պետք է վերադառնա աշխատանքի, ունի ամենամյա չօգտագործված արձակուրդային օրեր։ Խնդրում եմ ասեք՝ ինչպե՞ս լրացնեմ 12 ամիսները, ինչպե՞ս հաշվել արձակուրդայինը։ Շնորհակալություն

Նպաստ փոխարինող աշխատակցին

Սոնա․

Հարգելիներս, ունենք մինչև 3 տարեկան երեխայի խնամքի արձակուրդում գտնվող ուսուցիչ, ում փոխարինող ուսուցիչը նույնպես ծննդաբերել է, նրան նույնպես ձևակերպե՞մ երեխայի խնամքի արձակուրդ, թե՞ ազատեմ աշխատանքից:

Երեխայի խնամքի արձակուրդի հետ կապված

Արմիդա․

Բարև ձեզ։ Եթե աշխատողը փետրվարի մեկից դեկրետի մեջ է 140 օրը լրանում է հունիսի 20-ին։ Ի՞նչ պետք է անել՝ ազատել աշխատանքից այդ օրը, թե՞ նշել որ արձակուրդի մեջ է։

Մայրության նպաստի հետ կապված

Գոհար.

Բարև ձեզ, հարգելի հաշվապահներ: Ես առաջին անգամ պետք է ներկայացնեմ ու հաշվարկեմ աշխատողի հղիության և ծննդաբերության արձակուրդի հաշվարկ։ Կխնդրեմ ինձ օգնեք թե ինչպես լրացնեմ հաշվետվությաննների ներկայացման էլեկտրոնային մատյանում։ Աշխատողը աշխատում է 1 տարի, կես դրույք և ստանում է 50 000 աշխատավարձ։ Կխնդրեի նաև ասեիք՝ թե ինչպե՞ս է գործատուն վճարում, իսկ պետությունը երբ և ինչպես է փոխհատուցում։

Արձակուրդի տեղափոխում

Ֆլորա․

Բարև Ձեզ։ Ո՞ր դեպքում է ամենամյա արձակուրդը տեղափոխվում: Աշխատողը 2022թ. պետք է օգտվի ամենամյա արձակուրդից 01.03.2021-01.03.2022թթ. ժամանակահատվածի համար, սակայն չի գնացել: Արդյո՞ք նա պետք է 01.03.2022թ. դիմում գրի արձակուրդը տեղափոխելու համար և արդյո՞ք պետք է ընդհանրապես դիմում գրել, թե՞ դա կատարվում է գործող տարվա վերջում և նման հարց ունեցող աշխատողների արձակուրդը տեղափոխվում է 2023թ.:

Վերջնահաշվարկ

Զարինե․

Ընդունել ենք աշխատանքի 17.09.2019թ.-ին, 16.05.2022թ․ ազատվել է աշխատանքից, վերջին արձակուրդը եղել է01.03.2022թ.։ Վերջնահաշվարկ հասնու՞մ է։

Ամենամյա արձակուրդ

Գայանե.

Բարև Ձեզ։ Կասեք՝ եթե աշխատակիցը աշխատում է շաբաթական 4ժամ, տվյալ աշխատակցին ամենամյա արձակուրդ հասնու՞մ է, թե՞ ոչ։

Մայրության նպաստ քաղիրավական պայմանագրի դեպքում

Հերմինե․

Բարև Ձեզ։ Աշխատում եմ 2 բուժհիմնարկում: Որոնցից մեկը հիմնական, մյուսը` քաղիրավական պայմանագրով: Կասեք՝ ֆիզարձակուրդ գնալիս քաղիրավական աշխատատեղից 1 տարվա աշխատավարձի քաղվածքը ներկայացնեմ հիմնական աշխատավայր, թե՞ միայն հիմանական աշխատավայրի աշխատավարձի հիմնան վրա եմ ֆիզարձակուրդի գումար ստանալու։

Չվճարվող արձակուրդ

Մարինե․

Հարգելի հաշվապահներ, աշխատողն իրավունք ունի՞ մինչև ամենամյա արձակուրդ մեկնելը գնա իր հաշվին՝ մեկ ամսյա ժամկետով, նպատակային, չվճարվող արձակուրդ: Կանխավ շնորհակալություն:

Նպաստի վճարում որոշակի ժամկետով պայմանագրի դեպքում

Արփի․

Բարև Ձեզ։
Խնդրում եմ նշել՝ եթե կնքված է որոշակի ժամկետով պայմանագիր և աշխատակիցը դեռևս գտնվում է հղիության և ծննդաբերության արձակուրդում, ապա հղիության արձակուրդի վճարումը իրականացվում է պայմանագրի ավարտի ամսաթվով, թե՞ վճարվում է ամբողջական հաշվարկ 140 օրվա համար։ Կխնդրեմ նաև նշել օրեսնդրական հիմքերը։ Շնորհակալ եմ։

Ամենամյա արձակուրդ

Լամարա.

Բարև ձեզ, սիրելի հաշվապահեր: ՀԱՐՑ. աշխատողն ընդունվել է աշխատանքի ծննդաբերության արձակուրդում գտնվողի տեղը և աշխատել 3 լիարժեք ամիս: Դպրոցի ուսուցիչների արձակուրդի օրերի քանակը 35 է: Փետրվար, մարտ, ապրիլ: Մարտի մեջ մեկ շաբաթյա արձակուրդ է գնացել /գարնանային դպրոցներին տրամադրվող/: Ապրիլի մեկ շաբաթով արձակուրդ է գնացել որպես նորածին երեխայի հայր: Իրեն հասանելիք արձակուրդի օրերից այդ 10 օրը հանե՞մ։ 35-ի դեպքում ստացա 13 արձակուրդի օր, հանե՞մ 10, վճարեմ 3 օրվա չօգտագործված արձակուրդ։

Բյուլետենի և արձակուրդի ներառում նպաստի հաշվարկում

Բարև ձեզ։

Մեկ հարց ունեմ. մայրության 140 օրվա նպաստի հաշվարկման համար հիմք հանդիսացող 12 ամիսների ընթացքում եթե եղել են բյուլետենի ամիս և արձակուրդի ամիս, հաշվարկվելու՞ է նպաստի մեջ: Կասե՞ք կարգը։ Նախապես շնորհակալ եմ։

Վերջնահաշվարկ

Հայկ.

Բարև Ձեզ: Աշխատողն ընդունվել է աշխատանքի 01.11.2021թ., աշխատել է մինչև մայիսի 19-ը, մայիսի 20-ից գնացել է արձակուրդ 20 աշխ. օր: Հիմա դիմում է գրել արձակուրդից անմիջապես հետո ազատվելու համար, որը լրանում է հունիսի 15-ին: Հիմա նա վերջնահաշվարկ ունի՞ ստանալու, երբ ստացել է ամբողջ արձակուրդային գումարը: Նախապես շնորհակալություն։

Աշխատանքային ստաժ

Բարև Զեզ։ Եթե աշխատակիցը գտնվում է ֆիզարձակուրդում, 2 տարին նպաստ է ստանում, երրորդ տարին նույնպես գտնվում է մայրական խնամքի արձակուրդում, այդ վերջին 1 տարին աշխատանքային ստաժ համարվու՞մ է, թե՞ չի համարվում։

Ամենամյա արձակուրդի հետ կախված

Աստղիկ.

Բարև Ձեզ։ Հարգելի մասնագետներ, խնդրում եմ հուշեք՝ 04․12․2021-04․06․2022թթ աշխատանքի համար հասանելիք 12 աշխատանքային օր արձակուրդը կարելի՞ է արդյոք ձևակերպել 2022 թվականի մայիսի 26-ից։ Շնորհակալություն կանխավ։

Արձակուրդայինի հետ կապված

Անահիտ․

Բարև Ձեզ: Աշխատակիցը հերթափոխով աշխատող է, վերջին հերթապահությունը եղել է ապրիլի 28-ին, մայիսի 2-ից գտնվել է ամենամյա արձակուրդում, մայիսի 30-ին արձակուրդն ավարտվել է, մայիսի 31-ին գրաֆիկով սահմանված է եղել, որ հերթապահի այլ աշխատակից: Արդյո՞ք պետք է վճարել մայիսի 31-ի համար արձակուրդից վերադարձած աշխատակցին, քանի որ 21 աշխատանքային օրից միայն 20 օրն է վճարվել արձակուրդային:

Մայրության նպաստ

Ռուբ․

Բարև ձեզ։ Աշխատակիցը 22.04.2022-ին ներկայացրել է անաշխատունակության թերթիկ մայրության նպաստի ստացման համար։ Ապրիլ ամսա համար աշխատավարձը և նպաստի գումարը վճարվել է 23.04.2022-ին։ Այստեղ կարո՞ղ է վճարման ժամկետների հետ խնդիր առաջանալ, քանի որ գործատուն միշտ մինչև հաջորդ ամսվա 15-ն է կատարել աշխատավարձի վճարում։ Եվ ո՞ր տողում պետք է լրացնեմ նպաստի գումարը՝ 1.10 գործատուի հաշվին վճարվող, թե՞ 1.11 բյուջեի հաշվին վճարվող։ Շնորհակալություն։

Պարգևավճար դեկրետում գտնվող աշխատակցին

Իրինա.

Հարգելի հաշվապահներ, ֆիզարձակուրդում գտնվող աշխատակցին մարտի 8-ի կապակցությամբ պարգևավճար հատկացվու՞մ է, թե՝ ոչ: Նախապես շնորհակալություն։

Դեկրետի հետ կապված

Լուսինե.

Բարև Ձեզ։ Խնդրում եմ ասել՝ եթե աշխատողը գտնվում է ֆիզ․ արձակուրդում և 2 տարին լրանում է, քանի՞ աշխատանքային/օրացույցային օր առաջ/հետո կարող է տեղյակ պահել տնօրենին վերդառնալու, ևս 1 տարի անվճար արձակուրդ վերցնելու կամ աշխատանքից դուրս գալու մասին։

Դեկրետից վերադարձ

Էլեն.

Բարև Ձեզ, հարգելի հաշվապահներ։ Աշխատողը գտնվել է մինչև երեք տարեկան երեխայի խնամքի արձակուրդում, աշխատողը վերադարձել է արձակուրդից, taxservice-ում ավարտի ամսաթիվը նախապես նշված է եղել։ Ուզում եմ հասկանալ՝ հարկայինի կայքում որևէ՞ փոփոխություն արվում է, թե՞ ավարտի ամսաթիվը հիմք է հանդիսանում։

Աշխատանքային ստաժ

Ամալի.

Հարգելի մասնագետներ,

Խնդրում եմ, պատասխանեք հետևյալ հարցերին.
1. Կրտսեր երեխայիս երկուսը լրանալուց հետո մինչև երեք տարեկան ժամանակահատվածը արձակուրդում գտնվելը ստաժ համարվու՞մ է, թե՞ ոչ։ Կրտսեր երեխայիս հետծննդյան արձակուրդից հետո վերադարձել եմ հիմնական աշխատանքիս, 1 տարի աշխատելուց հետո, երբ դեռ երկու տարեկանը չէր լրացել, նորից արձակուրդ եմ վերցրել մինչև երեխայիս 3 տարին լրանալը։ Տվյալ հաստատությունում հիմնական աշխատող եմ եղել 10+ տարվա ստաժով։
2. Ասպիրանտուրայում սովորելու տարիները ստաժ համարվո՞ւմ են, եթե տվյալ ժամանակահատվածում որևէ տեղ գրանցված աշխատող չէ տվյալ անձը։

Շնորհակալություն։

Դեկրետից վերադարձ

Մարինե.

Բարև Ձեզ, հարգելի գործընկերներ։ Մի հարց. եթե հիմանական աշխատողը ֆիզից վերադարձել է, իր տեղը ընդունված ժամանակավոր աշխատողը նույնպես ֆիզ է գնացել, հիմա նա նույնպես վերադառնում է, ինչպե՞ս պիտի վարվենք երկրորդի դեպքում։

Դեկրետից դեկրետ

Արևիկ.

Բարև Ձեզ, հարգելի հաշվապահներ։ Խնդրում եմ օգնել. Ա/Ձ աշխատում է որպես միկրոձեռնարկատեր, ունի մեկ աշխատող, որի աշխատավարձը կազմում է 91 500դրամ: Աշխատողը 2020թ դեկտեմբերի 1-ից գնացել է ֆիզ. արձակուրդ: Նրան տրվել է երեխայի խնամքի արձակուրդ՝ 04.02.2021թ.-04.02.2023թ: Սակայն այս տարվա մայիս ամսին աշխատողը պատրաստվում է երկրորդ երեխայի ծնունդին: Խնդրում եմ պատասխանել՝ աշխատողին դեկրետրց դեկրետ գնալու դեպքում տրվում է ֆիզ. արձակուրդի գումար և ինչպե՞ս է դա հաշվարկվում:

Ամենամյա արձակուրդ

Լուսի.

Արդյո՞ք միևնույն գործատուի մոտ երկու տարբեր աշխատանքային պայմանագրերով աշխատող անձը կարող է օգտվել արձակուրդի իր իրավունքից, երկու տարբեր աշխատանքային պայմանագրերով հասանելիք արձակուրդային օրերի գումարային հաշվարկի մեթոդով, թե՞ միաժամանակ պահպանելով երկու աշխատանքային պայմանագրերով հասանելիք արձակուրդի բոլոր օրերի համար վճարվելու իրավունքը։

Միջին օրական աշխատավարձ

Սոնա.

Բարև Ձեզ: Խնդրում եմ ասեք՝ ինչպե՞ս հաշվել չօգտագործած արձակուրդայինի գծով միջին օրականը, ինչպե՞ս հաշվեմ 2020 և 2021 թվականների համար։

Դեկրետ գնալու վերաբերյալ

Անի.

Հարգելի հաշվապահներ, մի խորհրդի կարիք ունեմ. եթե աշխատակիցս ուսուցչուհի է և հուլիս օգոստոս ամիսներին բոլորին տալիս ենք 35 օր արձակուրդ, և նա օգոստոսի կեսին պետք է գնա ֆիզ։ Այս դեպքում՝ ինչպե՞ս անեմ։

Ա/Ձ մայրության նպաստ

Լարիսա Սարգսյան.

Բարև ձեզ։ Մի հարց. ես հունվար ամսին գրանցվել եմ Ա/Ձ ու հիմա հղի եմ, միկրոձեռնարկատեր եմ, չեմ վերցրել ՀԴՄ սարք։ Ինչպե՞ս են հաշվարկելու ֆիզ արձակուրդս, ինչպե՞ս իմանամ։

Արձակուրդի հրամանի ձև

Հրանուշ.

Բարև, հարգելի գործընկեր։ Խնդրում եմ ինձ ուղարկել ամենամյա արձակուրդի հրամանի ձև։ Նախապես շնորհակալ եմ։

Մայրության նպաստ

Գոհար.

Բարև ձեզ, հարգելի հաշվապահներ։ Ես մայիսի 2-ից աշխատելու եմ մանկապարտեզում, որպես դաստիրակի օգնական և 4 ամսից գնալու եմ ֆիզարձակուրտ։ Դրանից առաջ մարտի կեսից մինչև ապրիլի վերջ (1,5) աշխատել եմ դեղատանը։ Ուզում եմ իմանալ՝ 4 ամիս աշխատելու դեպքում ֆիզարձակուրդային կստանա՞մ և երեխայի ծնվելուց հետո մայրության նպաստ ինձ կտրամադրվի, թե՞ ոչ։ Նշեմ, որ գյուղաբնակ եմ։

Մայրության նպաստ

Հասմիկ.

Բարև Ձեզ: Եթե ես գրանցված եմ ՍՊԸ-ում, որի սեփականատերը ամուսնուս մայրը և եղբայրն են, ինձ մայրության նպաստ կվճարվի՞: Եթե այո, կասե՞ք՝ ինչպես է վճարվելու՝ գործատուն վճարելու է ինձ, այնուհետև պետությունը փոխանցելու է գործատուի՞ն։ Նշեմ, որ միկրոբիզնես է, և մաքուր աշխատավարձս կազմում է 160 000 դրամ։ Կխնդրեմ նշել նաև՝ ինչքան կկազմի նպաստի չափը:

Ծանուցում փոխարինող աշխատակցին

Աննա.

Բարև Ձեզ։ Հարցս հետևյալն է. կազմակերպության վարորդին ուղարկում ենք հերթական արձակուրդ, նրա պարտականությունները պետք է դնենք նույն կազմակերպության այլ վարորդի վրա: Արդյո՞ք պետք է փոխարինող վարորդին ծանուցել այդ մասին և կազմել համաձայնագիր: Կանխավ շնորհակալություն:

Մայրության նպաստի հաշվարկ

Աննա.

Բարև ձեզ: Խնդրում եմ կասեք՝ ինչպե՞ս հաշվեմ ֆիզը։ Եթե աշխատել է ամիս ու կես, իր աշխատավարձը կազմում է 67 200, 5 օրյա աշխատող ենք։

Գրանցման հայտի փոփոխություն

Արմինե.

Հարգելիներս, խնդրում եմ ուղղորդել. աշխատակիցը երեխայի խնանքի արձակուրդից վերադարձել է աշխատանքի, հանգամանքների բերումով նորից արձակուրդը շարունակելու է (նույն երեխայի)։ Այժմ ցանկանում է կրկին վերադառնալ աշխատանքի՝ այլ հաստիքով (իրեն հին հաստիքով փոխարինող կա այժմ)։ Ինչպե՞ս պետք է լրացվի հարկայինի ծրագրում՝ հին պաշտոնի ավարտ տրվի և նոր պաշտոնի ավելացու՞մ, իսկ փոխարինողը գրանցվի որպես հիմնական։
(Նշեմ, որ ծրագրում խնամքի արձակուրդը արդեն նշվել է մինչև 3տ լրանալու ամսաթիվը՝ դեկտեմբեր ամսին, վերադառնալու դեպքում նախապես լրացված ամսաթիվը չի՞ խոչընդոտի նոր պաշտոնի համար։)

Դեկրետից դեկրետ

Անի.

Աշխատակիցը գտնվում է ֆիզ. արձակուրդի մեջ: Ֆիզ. արձակուրդը վճարելու ժամանակ, միջին աշխատավարձի հաշվարկման համար հիմք ենք վերցրել նրա երկրորդ աշխատավայրի աշխատավարձը, որտեղ ձևակերպված է մինչ օրս: Այժմ աշխատողը գնում է ֆիզ. արձակուրդից ֆիզ. արձակուրդ: Ինչպե՞ս է վճարվում նրա երկրորդ ֆիզ. արձակուրդը և ու՞մ կողմից է վճարվում։

Գործունեության դադարեցում

Հայկ.

Հարգելի կոլեգաներ, բարև ձեզ։ Հարցս հետևյալն է. ՍՊԸ-ն մեկ ամսից անորոշ ժամկետով դադարեցնում է իր գործունեությունը, բոլոր աշխատկիցներին, այդ թվում և տնօրենին պատրաստվում ենք ազատել աշխատանքից։ Ինչպե՞ս վարվենք մեր մեկ աշխատակցի դեպքում, եթե նա գտնվում է երեխայի խնամքի մասնակի վճարովի արձակուրդում, պատրաստվում է մայրանալ երկրորդ անգամ՝ ներկայացնելով 2022թ. նոյեմբերին նոր անաշխատունակության թերթիկ: Շնորհակալ կլինել կարդալ ձեր խորհուրդները կամ օրեսդրական կետեր, եթե այդպիսիք կան…. Կանխավ շնորհակալ եմ։
Հարգանքներով՝ Հայկ

Վարչական տուգանք

Մարինե.

Բարև Ձեզ։ Աշխատանքի տեսչությունից վաղը ստուգում ունենք, մենք արձակուրդայինների հետ խնդիր ունենք, վարչական տուգանքի չափը կասե՞ք։

Ամենամյա արձակուրդից դեկրետ

Անի.

Հարգելի հաշվապահներ, եթե աշխատակիցս գնացել է հերթական ամենամյա արձակուրդ և արձակուրդի ընթացքում ներկայացրել է ֆիզբյուլետեն, այդ ժամանակ ինչպե՞ս եմ վարվում։

Արձակուրդի կուտակում

Էլինա.

Բարև Ձեզ։ Եթե չեմ սխալվում չվճարվող արձակուրդի ժամանակ աշխատողը վճարովի արձակուրդ չի կուտակում։ Իսկ եթե մարդը ամսվա ընթացքում վերցրել է 1 կամ 2 օր չվճարվող արձայուրդ, այդ դեպքում ինչպե՞ս է կուտակվում վճարողի արձակուրդը։

Արձակուրդ ուսման նպատակով

Նելլի․

Բարև Ձեզ։ Խնդրում եմ պատասխանել՝ եթե 2 ամսվա աշխատողը ուսանող է և ուսումնական արձակուրդ է խնդրում՝ ուսումնական հաստատության տված տեղեկանքի հիման վրա: Ի՞նչ կարգով է տրամադրվում արձակուրդը։

Երեխայի խնամքի արձակուրդ

Անի․

Բարև Ձեզ։ Ես ֆիզարձակուրդից վերադարձել եմ աշխատանքի, երբ երեխաս 2.5 տարեկան է։ Բայց երեխան չի մնում խնամակալի մոտ։ Կարո՞ղ եմ արդյոք նորից ֆիզս երկարացնել միչև երեխայիս 3 տարեկան լրանալը։ Շնորհակալություն։