Tag: էլեկտրոնային

Տարեկան հայտարարագրի ներկայացում

Նաիրա․

Հարգելի գործընկեր, իրական շահառուն ունի ID քարտ և էլեկտրոնային ստորագրություն: Տարեկան հայտարարագիրը ներկայացնելիս ի՞նչ օգտվողի անուն և ի՞նչ գաղտնաբառ պետք է գրի: Փորձում ենք էլեկտրոնային ստորագրության գաղտնաբառը, գրում է՝ սխալ է, խնդրում ենք օգնել։

Նույնականացման քարտը բլոկավորվել է

Ջուլիա․

Բարև Ձեզ: PIN կոդը բլոկավորվել է, բայց ստորագրությունը mID բջջային օպերատորների միջոցով է արվում, հնարավո՞ր է առանց նույնականացման քարտի PUK կոդի վերականգնել PIN կոդը։

Ֆիզ. անձի հայտարարագրի համար մուտքանուն/գաղտնաբառ

Եվա․

Կասե՞ք՝ այս հասցեով – https://self-portal.taxservice.am/sign-in/ մուտք գործելու մուտքանուն գաղտնաբառ ինչպե՞ս կարող ենք վերցնել, դիմում-լիազորագրո՞վ ՊԵԿ-ից։

Ֆիզ. անձի եկամուտների հայտարարագիր

Լուսինե․

Բարև Ձեզ։ Ֆիզ․ անձանց հայտարարագրերի հետ կապված է հարցս։ Այսինքն, որևէ կազմակերպության իրական շահառու հանդիսացող ֆիզ․ անձը պետք է մոտենա ՊԵԿ սպասարկման գրասենյակ և ստանա ՀՎՀՀ։ Հետո այս հասցեով – https://self-portal.taxservice.am/sign-in/ մուտք գործի և հանձնի հայտարարագիրը։ Իսկ ինչպե՞ս է հանձնելու, եթե նույնականացման քարտ չունի։

Շնորհակալություն։

ՊԵԿ-ը գործարկել է ֆիզիկական անձանց էլեկտրոնային ծառայությունների միասնական համակարգը

💻Պետական եկամուտների կոմիտեն գործարկել է ֆիզիկական անձանց էլեկտրոնային ծառայությունների միասնական համակարգը՝ https://self-portal.taxservice.am/, որը հասանելի է վեբ տարբերակով։ Համակարգով քաղաքացիները կարող են ներկայացնել եկամուտների համընդհանուր հայտարարագիր։

«Ես եմ» ազգային նույնականացման հարթակում ֆիզիկական անձինք հնարավորություն ունեն պարզեցված կարգով հաշվառվել հարկային մարմնում և ստանալ հարկ վճարողի հաշվառման համար (ՀՎՀՀ), տեսնել իրենց եկամուտները և կատարած սոցիալական ծախսերը, ներկայացնել «Եկամտային հարկի և սոցիալական վճարի հաշվարկ (հայտարարագիրը)» և ստանալ ծախսերի փոխհատուցում։

ՊԵԿ-ը հայտարարագիր ներկայացնող քաղաքացիներին ևս մեկ անգամ հիշեցնում է, որ հայտարարագիր ներկայացնելու համար նախօրոք պետք է իրականացնել անձի նույնականացման գործընթաց և ձեռք բերել էլեկտրոնային ստորագրություն:

«Ես եմ» hարթակում անձի նույնականացման համար գործում է երկու տարբերակ՝ բջջային հեռախոսի միջոցով կամ էլեկտրոնային կրիչ պարունակող նույնականացման քարտով։

Ավելին՝ https://src.am/am/getNews/431

Ճշգրտող հաշիվ

Արաքսյա․

Բարև ձեզ։ ՍՊԸ-ն իրականացնում է ապրանքի, մասնավորապես հողաթափերի մեծածախ վաճառք, ունի 2023թ-ին դուրս գրված հակային հաշիվներ, որոնց մասով պետք է վերադարձ լինի։ Հարցս էսպիսին է՝ արդյո՞ք տնտեսական ապրանքի մասով կարելի է ճշգրտող հաշիվ ուղարկել, եթե չունի ժամկետ:

Ամսվա փակում էլեկտրոնային դրամարկղային գրքում

Արմինե․

Բարև Ձեզ։ Ես փետրվար ամիսը փակել չեմ տվել՝ մտածելով, որ էլի ավտոմատ կփակվի, բայց չի փակվել: Մարտ ամսով փաստաթուղթ չի թողնում ստեղծել: Խնդրում եմ եթե կարող եք օգնեք:

Ամսվա փակում դրամարկղային գրքում

Վահան․

Ողջույն, հարգելիներս։ Երեկ դրամարկղի գիրքը չեմ փակել, այսօր արդեն չկա փակել ամիսը հրահանգը: Կարո՞ղ եք ասել՝ ի՞նչ պետք է անեմ, կամ անեի, որ չեմ արել, կանխավ շնորհակալություն։

Գործունեություն Wildberries հարթակում

Տիգրան․

Հարգելի հաշվապահներ, եթե ունեք փորձ վարելու Wildberries վաճառքներ իրականացնող անձի հաշվառումը, խնդրում եմ տրամադրեք տեղեկատվություն՝ ու՞մ պետք է դուրս գրվեն ապրանքների մատակարարման հաշվարկային փաստաթղթերը։ Wildberries օֆերտան սահմանում է, որ վաճառողը պետք է փոխանցի սեփականության իրավունքը Wildberries – ին։ Արդյո՞ք հաշվարակային փաստաթուղթը պետք է դուրս գրվի ՀՀ ում գրանցված Վայլդբերիզ ՍՊԸ-ին։ Խնդրում եմ նաև տրամադրել տեղեկատվություն, ստանու՞մ եք արդյոք Վայլդբերիզից հաշիվներ իրենց կողմից մատուցած ծառայությունների համար, թե՞ Ձեր կողմից դուրս գրվող հաշվարկային փաստաթղթերը դուրս եք գրում Վայլդբերիզի գանձած կամիսիայով պակաս թվով։

Շրջանառության հարկի դիմում

Մարիամ․

Ողջույն, խնդրում եմ ասել՝ ինչպե՞ս և որտե՞ղ նոր բացված ԱՁ-ն տա շրջանառության հարկի դիմումը։ Թաքսսերվիսի կայքում չի թողնում ֆայլը ներբեռնել, բոլոր տվյալները ճիշտ են լրացված։ ՊԵԿ պե՞տք է գնալ և դիմում գրել։

Գնորդը ջնջել է հաշիվը

Գայանե․

Բարև Ձեզ, հարգելի հաշվապահներ, այսպիսի իրավիճակում եմ հայտնվել: Հաշվարկային հաշիվ եմ գրել ապրիլ ամսին և մայիս ամսից անցել եմ ԱԱՀ դաշտ, դիմացի կողմը ամիսներ անց ասեց, որ համաձայն չի և հաշիվը չի ստորագրի, ես շրջանառության հարկի 2-րդ եռ. հաշվետվությունը արդեն ուղարկել էի և մի քանի ամիս ԱԱՀ հաշվետվություններն էլ էի ուղարկել: Հիմա նայում եմ՝ այդ հաշվի դիմաց գրված է ջնջված, ի՞նչ անել այս դեպքում:

Ի՞նչ դասակարգիչ ընտրել

Մարինե․

Բարև ձեզ։ Ա/Ձ-ն հանրային սննդի ոլորտում գործունեությունը իրականացնում է Արագածոտնի մարզում, 2022թ․ 240 ձև հաշվետվությունում դասակարգիչը եղել է I56101, հիմա չի թողնում՝ «Եկամուտները` ըստ գործունեության տեսակների» աղյուսակ, տող 1 – Ձեր կողմից նշված դասակարգիչը գոյություն չունի։ Ի՞նչ դասակարգիչ պետք է դնեմ։
Կանխավ շնորհակալություն։

Ֆրիլանս ծառայություններ

Արթուր․

Բարև ձեզ։ Կարո՞ղ եք ասել՝ ֆրիլանս (web) ծառայությունների մատուցման համար ո՞ր հարկման ռեժիմն է ավելի հարմար, և ի՞նչ հարկեր են գոյանում։ Ծառայությունները պետք է մատուցվեն նախօրոք կնքված պայմանագրով, որի հիման վրա պետք է դուրս գրվի հաշիվ ԵԱՏՄ երկրներ՝ Կազախստան, Բելառուս, Ռուսաստան։ Ինչպե՞ս պետք է դուրս գրել հաշիվները։ Եվ ԱՁ գրանցելուց գործունեության ո՞ր կետը պետք է նշվի։ Նախապես շնորհակալություն։

Էլեկտրոնային դրամարկղային գրքում ամսվա փակում

Ալլա․

Ողջույն, հարգելիներս։ Երեկ դրամարկղի գիրքը չեմ փակել, այսօր արդեն չկա փակել ամիսը հրահանգը: Կարո՞ղ եք ասել՝ ի՞նչ պետք է անեմ, կամ անեի որ չեմ արել, կանխավ շնորհակալություն։

Ֆիզ. անձանց եկամուտների հայտարարագրում

Եվա․

Բարև Ձեզ։ Կասե՞ք՝ ֆիզ․ անձանց եկամտի հայտարարագրման մասով ի՞նչ հաշվետվություն պետք է ուղարկել։ Ի՞նչ ժամկետում։ Եվ չներկայացնելը ի՞նչ հետևանքներ կունենա։ Եվ ֆիզ․ անձանց ՀՎՀՀ ինչպե՞ս կարող ենք վերցնել, եթե ֆիզ անձը ՀՀ-ում չէ։

Հիշեցում միկրոձեռնարկատիրության սուբյեկտների համար

Հարգելի գործընկերներ, 2024թ. փետրվարի 1-ը միկրոձեռնարկատիրության սուբյեկտի՝ 2023թ․ իրացման շրջանառության վերաբերյալ հաշվետվության ներկայացման վերջնաժամկետն է։ Պետք է հանձնել ձև N 256. “Հաշվետվություն միկրոձեռնարկատիրության սուբյեկտի իրացման շրջանառության վերաբերյալ”:

ՀՀ Հարկային օրենսգիրք, Հոդված 270. Միկրոձեռնարկատիրության սուբյեկտների կողմից հարկային հաշվարկներ ներկայացնելը․

Միկրոձեռնարկատիրության սուբյեկտ համարվող ռեզիդենտ առևտրային կազմակերպությունները և անհատ ձեռնարկատերերը (բացառությամբ բացառապես Օրենսգրքի բաղկացուցիչ մասը կազմող հավելված 3-ով սահմանված գործունեության տեսակների մասով միկրոձեռնարկատիրության սուբյեկտ համարվող անհատ ձեռնարկատերերի) մինչև հարկային տարվան հաջորդող հարկային տարվա փետրվարի 1-ը ներառյալ Օրենսգրքի 53-րդ հոդվածով սահմանված կարգով հարկային մարմին են ներկայացնում հաշվետվություն` նախորդ հարկային տարվա ընթացքում գործունեության բոլոր տեսակների մասով իրացման շրջանառության վերաբերյալ:

Վարձակալությունից ստացված եկամուտ

Աշոտ․

Բարեվ ձեզ։ Կասե՞ք, թե ինչպե՞ս վճարել վարձակալությունից ստացված եկամտից առաջացող եկամտային հարկը (10%)՝ ապրելով արտասահմանում։ Ունեմ ՀՀՎՀ, ասում են՝ ինչ որ Էլեկտրոնային համակարգի միջոցով է արվում, սակայն չեն մանրամասնում, թե ինչպես։ Շնորհակալ եմ։

Հյուրատան գործունեություն

Լուսինե․

Բարև Ձեզ։ Խնդրում եմ օգնել հասկանալ հետևյալ նրբությունը։ Դեռևս 2020 թվականից գրանցված եմ որպես ֆիզ անձ, միկրոձեռնարկատեր։ Բնակարանը որպես հյուրատուն եմ շահագործում։ Ամեն տարի հանձնել եմ հաշվետվություն ԱՁ չհանդիսանալու վերաբերյալ, նշելով 13-րդ կետը՝ զբոսաշրջային տների միջոցով հյուրանոցային ծառայությունների մատուցում։ Արդյո՞ք հիմա պետք է այլ հաշվետվություն հանձնեմ, և ի՞նչ նրբություններ և փոփոխություններ կան։ Կանխավ շնորհակալություն։

Ձև 163 – ի փոխարեն

Դիանա․

Բարև Ձեզ, հարգելի հաշվապահներ, խնդրում եմ պատասխանեք՝ Ձև 163 – ի փոխարեն ո՞ր ձևն ենք ներկայացնելու ՊԵԿ: Շնորհակալություն։

Էլեկտրոնային դրամարկղային գրքում սխալմամբ ամիս է փակվել

Հայկ․

Բարև Ձեզ, հարգելի մասնագետներ: Երեկ էլեկտրոնային դրամարկղային գիրքը պետք է փակեի դեկտեմբեր ամիսը, բայց սխալմամբ փակել եմ 2024թ հունվարը: Ու հիմա դրամարկղի ելքը չեմ կարող լրացնել, ու կարծես հունվար ամսին այլևս ոչ մի գործարք չեմ կարող լրացնել: Արդյո՞ք կարելի է դրամարկղի ելքը առհաշիվի միջոցով տեղափոխել փետրվար ամսին: Օրինակ՝ դտ 252- կտ 228 (հունվար), դտ 228 – կտ 251 (փետրվար): Նախապես շնորհակալություն։

Էլեկտրոնային դրամարկղային գրքի սկզբնական մնացորդ

Անահիտ․

Բարև Ձեզ, խնդրում եմ օգնեք։ Եթե ՍՊԸ-ն, որը աշխատում է շրջանառության հարկով, նախորդ տարում չի ունեցել դրամարկղի գիրք (որն իմ իմանալով պարտադիր է բոլոր ՍՊԸ-ների համար), նաև ունեցել է կանխիկ գործարքներ (ֆիրմայի հաշվից գումար է փոխանցվել ֆիրմայի քարտային հաշվեհամարին, քարտից արվել է կանխիկացում, սակայն քաղվածքի մեջ արտացոլվում է փոխանցում հաշվին), որը հետևաբար չի գրանցվել գրքում, հիմա էլեկտրոնային գիրք լրացնելուց ինչպե՞ս ճիշտ լրացնել սկզբնական մնացորդը։ Նշեմ նաև, որ 2024 թվականին ևս ունեցել է հաշվեհամարից քարտին փոխանցում, սակայն էլեկտրոնային գիրք դեռ գրանցված չի եղել։ Ի՞նչ տուգանք է հասնում ֆիրմային։ Ինչպե՞ս կարելի է խելամիտ լուծում տալ տվյալ խնդրին։

Հաշվի չեղարկում

Էվա․

Ողջույն, հարցս հետևյալն է․ դեկտեմբեր ամսվա մատուցած ծառայության հաշիվը դուրս է գրվել հունվար ամսին, հակառակ կողմի ամփոփը ուղարկելու օրը: Կարո՞ղ եմ արդյոք այն չեղարկել և դուրս գրել դեկտեմբերի 31-ով, իրենց պահանջն է: Ասեմ, որ արդեն 4-րդ եռամսյակի հաշվետվությունները ուղարկել եմ: Եթե հնարավոր է, խնդրում եմ ասել՝ ի՞նչ տարբերակով: Կախավ շնորհակալ եմ:

Օրդերի համար էլեկտրոնային դրամարկղային գրքում

Արտյոմ․

Բարև Ձեզ։ Ո՞վ կասի՝ էլեկտրոնային դրամարկղային գրքի մեջ ամենավերևի աջ կողմում «Օրդերի համար» տողը ինչի՞ համար է նախատեսված։ Այդտեղ ինչ-որ բան գրվելու՞ է։ Շնորհակալ եմ։

Կանխիկ գնում

Ալմաստ․

Բարև ձեզ։ Նոր բացված ՍՊԸ-ն խանութ է կարո՞ղ է ապրանք գնելիս վճարել կանխիկով, և էլեկտրոնային դրամարկղի գրքում ելքի օրդեր պետք է ձևակերպել։

Տույժի արտացոլում էլեկտրոնային համակարգում

Արթուր․

Բարև ձեզ։ Յուրաքանչյուր անգամ եռամսյակային հաշվետվությունը ներակայացնլուց հետո, ՊԵԿ հաշվետվությունների ներկայացման էլեկտրոնային համակարգի «Հարկային պարտավորություններ» բաժնի «ԱՀՔ դիտում» ենթաբաժնի «ՀԱՇՎԱՐԿՎԱԾ ՏՈՒՅԺ» սյունակում ձևավորվում է տույժ։ Ամեն անգամ տարբեր թվային արտահայտմամբ։ Նման փորձառություն ունեցե՞լ եք, ի՞նչն է պատճառը։ Շնորհակալ եմ։

Էլեկտրոնային դրամարկղային գիրք

Սոֆյա․

Հարգելի հաշվապահներ, էլ․ դրամարկղային գրքի համար հայտը 24թ-ի համար չկարողացա դիմել դեկտեմբերին, հետևաբար դիմեցի 29.12.23թ-ի ամսաթվով։ Ասացեք խնդրեմ՝ պե՞տք է արդյոք դեկտեմբերի համար էլ դրամարկղը լրացնել։

Էլեկտրոնային դրամարկղային գիրք

Աննա․

Բարև ձեզ, հարգելի հաշվապահներ։ ՍՊԸ աշխատում է շրջանառության հարկով։ Պե՞տք է անցնի օնլայն դրամարկղի վարմանը, թե՞ միայն ԱԱՀ վճարող համարվողներին է վերաբերվում:

Էլեկտրոնային դրամարկղային գրքի հայտի վերջնաժամկետ

Լուսինե․

Հաշվապահներ ջան, էլեկտրոնային դրամարկղային գրքի հայտը մինչև ե՞րբ կարող ենք հանձնել։ Հունվարի սկզբին կանխիկ գործարքներ նախատեսված չեն, կարո՞ղ ենք հանձնել ավելի ուշ։ Շնորհակալություն։

Էլեկտրոնային դրամարկղային գիրք մանկապարտեզի համար

Լուսինե․

Բարև Ձեզ։ Մանկապարտեզներին վերաբերվու՞մ է էլեկտրոնային դրամարկղային գիրք վարելը։ Վարձավճարները վճարում եմ Հայփոստի բաժանմունքում։

Էլեկտրոնային դրամարկղային գրքի գրանցումներ

Լուսինե․

Հարգելի գործընկերներ, կազմակերպությունը ամեն օր ունենում է կանխիկ գործարքներ ՀԴՄ – ով։ 2024թ․ հունվարի 1-ից արդյո՞ք անհրաժեշտ է ամեն օր գրանցել դրանք էլեկտրոնային դրամարկղային գրքում, թե՞ հնարավոր է խմբավորել գործարքները որևէ կերպ։ Շնորհակալություն։

Էլեկտրոնային դրամարկղային գրքի մնացորդ

Մելինե․

Հարգելի հաշվապահներ, էլեկտրոնային դրամարկղային գրքին անցնելու ժամանակ թղթային գրքի մնացորդը տեղափոխվելու է, թե՞ պետք է եղած գումարը հաշվին փոխանցել, ու 0-ով սկսել էլեկտրոնայինը:

Հաշվի չեղարկում , հաշվի ճշգրտում

Լիլիթ․

Բարև Ձեզ։ Հնարավո՞ր է արդյոք էլեկտրոնային հաշիվը, որում հայտնաբերվել է սխալ, մեկ շաբաթ անց ետ կանչել՝ չեղարկել, կամ կատարել փոփոխություն։

Էլեկտրոնային դրամարկղային գրքի հայտ

Թամարա․

Բարև Ձեզ, հարգելի հաշվապահներ։ Ասացեք խնդրեմ՝ եթե ես ՍՊԸ եմ ներկայացնում, ունեմ դրամարկղի գիրք, բայց չեմ վարում կանխիկ գործարքներ չունենալու պատճառով, 2024թ․ հուվարի 1-ից հայտ պե՞տք է ներկայացնեմ էլեկտրոնային գիրք հաստատելու համար, թե՞ ոչ, և հայտի ներկայացման ժամկետն ասեք, խնդրում եմ: Շնորհակալություն։

Էլեկտրոնային աշխատանքային գրքույկ

Անի Մելիքսեթյան․

Ողջույն, ինչպե՞ս կարող եմ տեսնել իմ էլեկտրոնային աշխատանքային գրքույկը:

Էլեկտրոնային դրամարկղային գրքի վարման կարգ

Հասմիկ Դավթյան․

2024 թվականի հունվարի 1-ից ո՞ր տնտեսվարողների համար է պարտադիր էլեկտրոնային դրամարկղային գրքի վարումը։ Որտե՞ղ կարելի է ծանոթանալ էլեկտրոնային դրամարկղային գրքի վարման կարգին։ Շնորհակալություն։

Էլեկտրոնային ստորագրություն yesem.am կայքի միջոցով

Կարինե․

Բարի երեկո։ Ինչպե՞ս ստորագրված PDF փաստաթուղթը yesem.am կայքից ներբերնել ինվոյսի՞նգ։

Էլեկտրոնային դրամարկղային գրքի լրացման կարգ

Կարեն․

Բարև Ձեզ։ 2024 թվականի հունվարի 1-ից դրամարկղային գիրքը դառնալու է էլեկտրոնային։ Կարո՞ղ եմ օրինակ 2024 թվականին հունվարի մուտքի և ելքի օրդերները գրանցեմ մի քանի ամիս հետո, թե՞ ամեն ամսվա վերջով պետք է տվյալ ամսվա գործարքների մուտքի և ելքի օրդերները գրանցեմ։

Հաշվի տեսակը մատակարարի անունից

Արեն․

Բարև ձեզ, հարգելի հաշվապահներ:

Ա կազմակերպությունը հանդիսանում է ոչ ռեզիդենտ և Բ կազմակերպությանը ՀՀ տարածքում ծառայություն է մատուցում։ Պետք է դուրս գրեմ մատակարարի անունից հարկային հաշիվ: Ծառայություն մատուցող դաշտում և ստացող դաշտում ավոտոմատ նշվում է Բ կազմակերպության ՀՎՀՀ-ն, երբ նշվում է հարկային հաշվի տեսակը մատակարարի անունից: Ստացող դաշտում կազմակերպության անվանումն ու հասցեն բացակայում է: Հարց՝ ստացող դաշտում պետք է գրել Ա կազմակերպությա՞ն, թե՞ Բ կազմակերպության տվյալները։

Էլեկտրոնային դրամարկղային գիրքը պարտադի՞ր է

Դավիթ․

Բարև ձեզ։ Եթե կազմակերպությունը բոլոր գործառույթները իրականացնում է անկանխիկ եղանակով, արդյո՞ք պարտադիր է վարել էլեկտրոնային դրամարկղային գիրքը։ Շնորհակալություն։

Էլեկտրոնային ՀԴՄ վեբ ծառայության ինտեգրում

Հովհաննես․

Բարև Ձեզ։ Էլեկտրոնային ՀԴՄ վեբ ծառայության ինտեգրումից հետո, մի քանի թեստային վիրտուալ կտրոն հաջողությամբ “տպելուց” հետո, այն հայտնվեց Ֆիսկալ Հասույթ բաժնում է օր անց, բայց կտրոնը ստուգելու ժամանակ ստանում եմ “ՀԴՄ գրանցման համարը սխալ է”: Ստացվում է, եթե հաճախորդը ուզենա ստուգել՝ վավեր է արդյոք կտրոնը, կստացվի, որ ոչ։ Կա՞ ինչ որ լուծում։

ՀԴՄ ներկայացվող պահանջներ

Վահագն․

2024թ.-ին ՀԴՄ կտրոնի վրա անվանացանկի առկայությունը, դեռևս պարտադիր է միայն 24 000 000 շրջանառությունը գերազանցելու դեպքու՞մ։ Եվ այդ ի՞նչ պահանջ կա ՀԴՄ-ով էլեկտրոնային հաշվետվության արտահանման հետ կապված։

Դրամարկղային գիրք հաստատելու լիազորագիր

Բարև ձեզ։ Դրամարկղային գրքի հաստատման համար հարկային մարմնում ներկայանալու համար լիազորագրի օրինակի ձև կուղարկե՞ք, որ խնդրեմ։

Գրանցվել որպես լիազոր

Օլյա․

Բարև ձեզ։ Ես պիտի սկսեմ աշխատել ԱՁ ձեռնարկատիրոջ մոտ որպես հաշվապահ, բայց քանի որ վերջին թարմացումներին ծանոթ չեմ ու նախկինում ԱՁ հաշվապահություն չեմ վարել, չգիտեմ՝ ինչպես գրանցվել լիազորի գրասենյակում, կհուշե՞ք քայլերը։

Էլեկտրոնային դրամարկղային գիրք

Արա․

Հարգելի հաշվապահներ, արդյո՞ք ճիշտ է, որ 2024թ․ հունվարի 1-ից պետք է դրամարկղային գրքերը լինեն բացառապես էլեկտրոնային, ո՞ր օրենքի ո՞ր կետով է այն պարտադիր 2024թ․ հունվարի 1-ից։

Զրոյական հաշվետվություններ

Անի․

ԱՁ-ն ընդհանուր հարկման դաշտում է, եկամուտ և ծախս չի ունեցել, սակայն չի դադարեցրել գործունեությունն ու հանձնել է զրոյական ԱԱՀ հաշվետվություններ: ԱԱՀ զրոյական հաշվետվություն ճիշտ լինելու համար բավարա՞ր է արդյոք հետևյալն․

– ԱՁ տվյալներն ու ամսաթիվ
– պարտադիր դաշտերն համակարգի կողմից ավտոմատ զրոներով լրացված
– գործունեության դասակարգիչ

Կարո՞ղ եմ նույն մոտեցումով հանձնել նաև շահութահարկի և սոց. վճարի հաշվետվություններն:

Հարկադիր էլեկտրոնային աճուրդ

Ջուլիա․

Բարև ձեզ, հարգելի հաշվապահներ։ Խնդրում եմ պարզաբանել հետևյալ հարցը․ հարկադիր էլեկտրոնային աճուրդում հաղթող ճանաչված մասնակիցը կրում է անշարժ գույքի առուվաճառքի պայմանագիր կնքելու ժամանակ տվյալ անշարժ գույքի սահմանափակումների վերաբերյալ միասնական տեղեկանք ներկայացնելու պարտականությունը: Հարկային գործակալ հանդիսանալու դեպքում աճուրդում հաղթած մասնակիցը պարտավոր է աճուրդն անցկացնելու օրվանից երեք աշխատանքային օրվա ընթացքում ծառայության դեպոզիտ հաշվին կամ դրամարկղ մուծել լոտի գնման գինը՝ հաշվանցելով նախավճարը և որպես հարկային գործակալ վճարած եկամտային հարկը՝ ծառայություն ներկայացնելով վճարման փաստը հավաստող փաստաթուղթ: Գույքը պահանջատիրոջը հանձնվում է վերջինիս կողմից կատարողական գործողությունների կատարման ծախսերը, ինչպես նաև հարկեր վճարելու պարտականություն առաջանալու դեպքում նաև դրա վճարումը հավաստող փաստաթուղթ ներկայացնելուց հետո:

Բեռնափոխադրման արժեքը ապրանքների մատակարարման հարկային հաշվում

Արամ․

Բարև Ձեզ։ Արդյո՞ք կարելի է նույն ապրանքների մատակարարման հարկային հաշվում առանձին տողով գրել նաև այդ ապրանքների համար բեռնափոխադրման ծառայության արժեքը։

Էլեկտրոնային դրամարկղային գիրք

Կարեն․

Բարև Ձեզ։ Դրամարկղային գիրքը 2024 թվականի հունվարի 1-ից դառնում է պարտադիր էլեկտրոնային։ Կասե՞ք՝ դրա լրացման կարգը ո՞նց է, ամեն օր պե՞տք է լրացնենք։