Tag: թույլտվություն

Հյուրատնային գործունեություն

Մարգարիտա․

Ողջույն, կարո՞ղ եք տալ տեղեկատվություն հետևյալ հարցերի շուրջ:

1. Հյուրատնային գործունեություն ծավալող կամ քոթեջներ տրամադրող ԱՁ-ն կարո՞ղ է արդյոք համարվել միկրոձեռնարկատիրության սուբյեկտ

2. Առաջին կետին զուգահեռ, եթե հանգստի կազմակերպան մեջ ներառվի նաև նախաճաշ (տեղում պատրաստելու եղանակով կամ սննդի կետերից գնելով և հյուրասիրություն կազմակերպելով), արդյո՞ք տվյալ դեպքում էլ կարող է ԱՁ-ն միկրոձեռնարկատիրության սուբյեկտ հանդիսանալ (Հարկային օրենսգրքի հոդված 267, 5-րդ կետի 2-րդ ենթակետ), թե՞ դա համարվում է հանրային սնունդ, որի համար թույլտվություն է պետք ստանալ

Թարմ քամված հյութերի վաճառք

Կարեն․

Պլանավորում եմ զբաղվել թարմ քամված հյութերի վաճառքով՝ օգտագործելով միայն միրգ։ Վաճառքը լինելու է խանութից կամ առաքման միջոցով 2-5 լիտրանոց շշերով։ Ի՞նչ թույլտվություն/լիցենզիա է անհրաժեշտ լինելու։ Ի՞նչ հարկեր եմ վճարելու։

Գովազդի թույլտվություն ստանալու հայտի ձև

Կարինե․

Հարգարժան ընկերներ, ո՞վ կարող է ինձ օգնել՝ առողջության կենտրոնը բացել է Ֆեյսբուքի էջ, և դա ըստ օրենքի համարվում է գովազդի տարածման միջոց, կարո՞ղ եք ինձ ուղարկել առողջապահության նախարարություն ուղարկելու գովազդի թույլտվություն ստանալու հայտի ձև։ Նախապես շնորհակալություն։

Ավտոլվացման կետ

Յուրա․

Ողջույն Բոլորին։ Ցանկանում եմ դառնալ ԱՁ և բացել “Լվա ինքդ” ավտոլվացման կետ մեր թաղամասում։ Կասե՞ք քայլերի հերթականությունը, պահանջվող թույլտվությունները տարբեր պետական կառույցների կողմից, հարկատեսակը, և ինչպե՞ս եմ այդ ամեն ինչը վճարելու։ Շնորհակալություն։

Աղցան վաճառելու համար

Հովհաննես․

Բարև ձեզ: Ես ուզում եմ աղցան վաճառել սուպերմարկետներում: Կասե՞ք՝ ի՞նչ լիցենզիա կամ թույլտվության պետք է ունենալ, և պե՞տք է արդյոք սնունդը բժշկական հետազոտում անցի։

Միջազգային էլեկտրոնային առևտուր

Սուսաննա․

Բարև Ձեզ։ Ունեմ Ա/Ձ, զբաղվում եմ միջազգային էլեկտրոնային առևտրով։ Ներկա պահին ոչ մի վաճառք չի իրականացվել։ Վճարում եմ տարբեր միջազգային ծրագրերի համար կայքում անխափան տեխնոլոգիական ապահովում իրականացնելու համար։ Եվ այդ բոլոր ծախսերը թղթակցում է իմ բիզնես հաշվի հետ։ Ինձ հետաքրքրում է․

1․ Ի՞նչ թույլտվություն է անհրաժեշտ ՀՀ-ում միջազգային առևտուր իրականացնելու համար։ Եվ ո՞ր գործադիր մարմինը պետք է այն տրամադրի

2․ ԱԱՀ հաշվետվության մեջ այդ ծախսերը, որ ես կատարել եմ միջազգային հարթակներում, չի՞ գրանցվելու իմ կողմից ներկայացվող ամսական հաշվետվությունների մեջ։

Կանխավ շնորհակալություն։

Պահածոների արտադրություն և վաճառք

Տաթև․

Բարև Ձեզ, խնդրում եմ ասեք՝ պահածոներ պատրաստելու և վաճառելու համար (մուրաբաներ) անհրաժե՞շտ է արդյոք լիցենզիա։

Սոսինձ ներմուծելու համար

Հարություն․

Հարգելի մասնագետներ, սոսինձ ներմուծելու համար լիցենզիա կամ հատուկ թույլտվությու՞ն է պահանջվում։

Ծխախոտի վաճառքի թույլտվություն

Մարիաննա․

Բարև ձեզ, հարգելի հաշվապահներ։ Ծխախոտի վաճառքի թույլտվության համար դիմում եմ տվել dimum.yerevan.am կայքում, բայց պահանջվում է կցել Երևան համայնքի հանդեպ պարտավորությունների բացակայության վերաբերյալ տեղեկանք, դա ո՞րն է։

Ավտոյուղերի վաճառքի թույլտվություն

Նաիրա.

Ավտոյուղերի մանրածախ վաճառքի համար թույլտվությունը որտեղի՞ց պետք է ստանալ՝ թաղապետարանից, թե՞ ՀՏ-ից։ Եվ ի՞նչ փաստաթղթեր պետք է ներկայացնել։

Բենափոխադրման միջնորդային գործունեություն

Նարեկ.

Հարգելի հաշվապահներ, հարցս հետևյալն է. կազմակերպությունը բացի հիմնական գործունեությունից, ուզում է զբաղվել նաև միջազգային բեռնափոխադրումների միջնորդային գործունեությամբ։ Բեռնափոխադրվող ապրանքները մի երկրից տեղափոխվելու են այլ երկիր, առանց ՀՀ սահման հատելու, երկաթուղային գծերով։ Խնդրում եմ ուղղորդել՝ անհրաժեշտ է ի՞նչ որ թույլտվություն կամ լիցենզիա նման գործունեությամբ զբաղվելու համար։ Նշեմ նաև, որ տեղափոխվող ապրանքների արժեքը ամբողջությամբ պատվիրատուի կողմը փոխանցելու է միջնորդ կազմակերպությանը, որն էլ իր հերթին փոխանցելու է մատակարար կազմակերպությանը։ Կխնդրեմ մանրամասն մեկնաբանել։

Շարժական սուրճի կետ բացելու համար

Սամ.

Բարև Ձեզ։ Շարժական սուրճի կետ բացելու համար տարածքի հետ կապված թույլտվություն ստանալու համար որտե՞ղ պետք է դիմեմ։

Ա/Ձ պաղպաղակ է վաճառելու

Սոֆա․

Բարև Ձեզ։ Մի հարց․ եթե ԱՁ-ն ֆրեշ և սուրճ է պատրաստելու, և պաղպաղակ է վաճառելու, հանրային սնունդ է այդ դեպքում համարվելու, և հետաքրքիր է՝ սննդի թույլտվություն կամ այլ բան պե՞տք է։ Շնորհակալ եմ նախապես։

Աշխատանքի թույլտվություն

Մարինե.

Եթե աձն ունի 1951թ. Կոնվենցիայի հիմքով ճամփորդական փաստաթուղթ, համարվում է փախստական և ազատվում է աշխատանքի թույլտվություն ստանալու պահանջից, ճի՞շտ եմ հասկանում: Իսկ այս դեպքում կացության կարգավիճակ պետք է, թե՞ ոչ։

Սերտիֆիկատ տրամադրելու հետ կապված

Արուսյակ.

Բարև ձեզ: Հարցս հետևյալն է. կարո՞ղ եմ արդյոք ինձ մոտ ուսուցանվող աշակերտին տալ սերտիֆիկատ, եթե հանդիսանում եմ միկրոձեռնարկատեր: Եթե այո, ապա ինչպե՞ս կարող եմ ստանալ թույլտվություն: Նշեմ, որ գործունեությունս նկարչական դասընթացներ են:

Բեռնասայլակ քշելու թույլտվություն

Անահիտ.

Բեռնասայլակ (автокар) քշելու համար քշողը թույլտվության փաստաթուղթ պետք է ունենա, թե՞ ոչ: Թե՞ կարող է ցանկացած աշխատող (օրինակ՝ բանվոր այն շահագործի):

Օտարերկրացուն աշխատանքի ընդունելիս

Արփի․

Բարև Ձեզ, հարգելի հաշվապահներ։
Գրասենակային աշխատանքի եմ ուզում ընդունել օտարերկրյա քաղաքացու (Վրաստան), եթե քաղաքացին ունենա կացության և սոց․ քարտ, ապա աշխատանքի թույլտվությունը պարտադի՞ր պահանջ է։ Ճի՞շտ եմ հասկանում՝ քաղաքացու համար աշխատանքի թույլտվության փաստաթղթերով զբաղվում է գործատուն, այլ ոչ թե անձամբ ինքը։

Սրճաղացի տաղավարում տաք սուրճ վաճառելու համար

Լուսինե.

Բարև Ձեզ: Սրճաղացում տաք սուրճ վաճառելու համար ի՞նչ որ թույլտվություն է պետք: Կանխավ շնորհակալություն:

Արդյո՞ք անհրաժեշտ է թույլտվություն խմիչքի և ծխախոտի վաճառքի համար

Շավարշ.

Բարև ձեզ: Հարցս հետևյալն է. խմիչք և ծխախոտ վաճառելու համար համայնքապետարանը պե՞տք է թույլտվություն տա, և թույլտվության արժեքը ինչքա՞ն է:

Արդյոք անհրաժե՞շտ է թույլտվություն բեռնափոխադրումներ իրականցնելու համար

Անի.

Հարգելի հաշվապահներ, Ա/Ձ-ն պետք է կատարի բեռնափոխադրումներ Հայաստանից այլ երկրներ և այլ երկրներից Հայաստան։ Արդյո՞ք անհրաժեշտ է ինչ-որ թույլտվություն գործունեության իրականացման համար:

Ի՞նչ է անհրաժեշտ մսի խանութ բացելու համար

Բարև Ձեզ։ Մսի վաճառքի խանութ բացելու համար ի՞նչ նրբություններ ու թույլտվություններ են պետք։

Ո՞ր տարիքից անձը կարող է աշխատել

Աննա.

Բարև ձեզ: Անչափահասը ո՞ր տարիքից կարող է աշխատել, շաբաթական քանի՞ ժամ, և ծնողի թույլտվության որևէ ձև կա՞:

Անձը ցանկանում է զբաղվել աղցանների պատրաստմամբ և մատակարարմամբ

Սամվել.

Բարև ձեզ: Ես ցանկանում եմ զբաղվել սալաթների պատրաստման և մատակարարման աշխատանքով: Ցանկանում եմ բացել ընտանեկան բիզնես՝ տնային պայմաններում: Խնդրում եմ, ինձ ուղղություն տաք, թե ինչ փաստաթղթեր և թույլտվություն է պետք նման գործունեություն ծավալելու համար: Շնորհակալություն:

Անձը ցանկանում է կիսաֆաբրիկատներ պատրաստել

Ռուզաննա.

Բարև ձեզ։ Տանը պատրաստվող կիսաֆաբրիկատների (շերտավոր խմոր, կոտլետներ, պելմեններ) օրինական կազմակերպման համար ի՞նչ թույլտվություններ են հարկավոր: Ունեմ ժամանակավոր դադարեցված ԱՁ՝ միկրոձեռնարկատիրության սուբյեկտ։ Շնորհակալություն:

Ի՞նչ փաստաթղթեր են անհրաժեշտ

Ռազ.

Բարև ձեզ։ Պատրաստվում եմ արտադրել կոմպոտ: Խնդրում եմ, ասեք՝ ի՞նչ փաստաթղթեր ու արտոնագրեր/թույլտվություններ են անհրաժեշտ օրենքով աշխատելու համար։

Անձը ցանկանում է մրգային օղու և մսի խանութ բացել

Անդրանիկ․

Բարև ձեզ։ Պատրաստվում եմ բացել մրգային օղու և մսի խանութ։ Օղին վաճառվելու է միայն տնական գյուղացիներից մթերված մրգողի։ Միսը վաճառվելու է թե՛ հում, թե՛ խորոված։ Խնդրում եմ, ասեք՝ ի՞նչ փաստաթղեր ու արտոնագրեր/թույլտվություններ են անհրաժեշտ օրենքով աշխատելու համար։

Քաղցրավենիք/խմորեղենի արտադրությամբ զբաղվելու համար

Խորեն.

Բարև ձեզ:

Պատրաստվում եմ քաղցրավենիք/խմորեղենի արտադրություն սկսել և վաճառքը կազմակերպել։ Կասե՞ք՝ ինչից/որտեղից պետք է սկսել իրավական մասը կազմակերպելու համար: Ա/Ձ ունեմ արդեն բացված, իսկ հետո՞ (սննդի տեսչության կողմից թույլտվություն, սանիտարահիգիենիկ և այլն):

ԱՁ-ն զբաղվելու է հանրային սննդի գործունեությամբ

Անահիտ Մ.

Բարև ձեզ: Մի հարց ունեմ, կարո՞ղ եք օգնել: ԱՁ-ն զբաղվելու է հանրային սննդի գործունեությամբ, կարո՞ղ եք հուշել` ի՞նչ թույլտվություններ պետք է ստանա, և ի՞նչ հաստատություններում գրանցվի: Շնորհակալ եմ նախօրոք:

Արդյո՞ք անհրաժեշտ է թույլտվություն

Ֆլորա.

Հարգելի հաշվապահներ, ՀՀ լիցենզավորման մասին օրենքով նշված չէ, որ դարբնոցի արտադրություն իրականացնելու համար անհրաժեշտ է լիցենզիա, սակայն եթե դարբնոցում արտադրության համար սպառվում է մեծ քանակությամբ բնական գազ, կարո՞ղ եք մանրամասնել` արդյո՞ք դրա համար անհրաժեշտ է թույլտվություն: