Հարութ․

Խնդիր. Հիմնական միջոցների լուծարող հանձնաժողովը լուծարման ակտով լուծարել է հաստոց 985 000 դրամ սկզբնական արժեքով, 820 000 դրամ կուտակված մաշվածքով։ Հաստոցի ապատեղակայման համար հաշվարկվել են 20 000 դրամաշխատավարձ և 5 000 դրամ սոցապ հատկացումներ։ Հաստոցի լուծարքից ստացվել է 35 000 դրամի ջարդոն, որը մուտքագրվել է օժանդակ նյութերի պահեստ։ Տալ հաշվապահական ձևակերպումները։

Այլ հաշվապահական խնդիրներ

Բարև բոլորին: x կազմակերպությունը y-կազմակերպությանը պարբերաբեր պետք է գումարներ փոխանցի, ի կատարումն ապագա պարտավորությունների յուրաքանչյուր եռամսյակ ավել է վճարում, որի արդյունքում y կազմակերպության մոտ առաջանում է ավել գումար։ Այժմ x կազմակերպությունը լուծարվել է։ Ի՞նչ պետք է անի y կազմակերպությունը ավել վճարված գումարների հետ, ինչպե՞ս պետք է դուրս գրի այդ գումարը։

Գայանե․

Բարև Ձեզ։ Եթե կազմակերպությունը լուծարված է, կարո՞ղ է իր կրեդիտորական պարտքը փակել երրորդ կամակերպության դեբիտորական պարտքի հաշվին (պարտքի փոխանցման եռակողմ համաձայնագիր կազմելու միջոցով)։

Դիանա․

Բարի երեկո։ Եթե անձը ֆիզ. արձակուրդում է, կազմակերպությունը լուծարվում է.

1) Երեխայի խնամքի նպաստը դադարեցնու՞մ են փոխանցել

2) Եվ եթե մյուս աշխատակցի վճարվող արձակուրդն ավարտվել է (2 տարին), 1 տարի հետո պետք է վերադառնար աշխատանքի, վերջնահաշվարկ ունի՞ ստանալու

Շնորհակալ եմ։

Էդգար․

Բարև ձեզ։ Ունեմ ԱՁ՝ բացված 2021թ-ից, բայց գործունեություն ծավալված չէ, ուզում եմ փակել։ Ինչպե՞ս է դա տեղի ունենում, որտե՞ղ պետք է մոտենամ, և միայն ID քարտով հնարավո՞ր է, թե՞ ոչ։
Շնորհակալություն։

Եթե ԱՁ ունի հիմնական միջոցներ, և ցանկանում է փակել ԱՁ, այդ ՀՄ հետ ինչպե՞ս է վարվում։

Եվա․

Բարև ձեզ, խնդրում եմ կնշեք՝ ո՞վ է լուծարման գործընթացում Ազդարարում հայտարարություն տվել։ Ծանո՞թ եք հայտարարության գործընթացին։

Նառա․

Բարև Ձեզ, հարգելի հաշվապահներ։ Խնդրում եմ ինձ օգնել։ ՀՈԱԿ-ը լուծարվում է, ունի երկու ֆիզ․ արձակուրդում գտնվող աշխատողներ, ինչպե՞ս հաշվարկել արձակման նպաստ։

Քնարիկ․

Բարև ձեզ, հարգելի գործընկերներ, մի հատ խնդրի առաջ եմ կանգնել, օգնեք լուծել․ կազմակերպությունը (շրջհարկով աշխատող) տնօրենին տվել է փոխառություն 36 մլն., հիմա հնարավոր է կազմակերպությունը փակվի, ինչպե՞ս էդ գումարը տնօրենը հետ տա։

Շուշան․

Բարև Ձեզ, հարգելի հաշվապահներ! Խնդրում եմ պարզաբանել ԱՁ-ի (շրջանառության հարկ վճարող, հանրային սննդի ոլորտ) լուծարման հետ կապված ո՞ր պետական մարմիններին և ի՞նչ տեղեկատվություն է անհրաժեշտ ներկայացնել։

Լիանա․

Բարև ձեզ։ Սեպտեմբերի վերջին սկսվում է դեկրետային արձակուրդս, սակայն մինչ այդ կազմակերպությունը լուծարվում է։ Ես պետք է աշխատանքից հեռացման ու նոր ընդունման դիմումներ լրացնեմ։ Ինչպե՞ս է այդ դեպքում հաշվարկվելու մայրության նպաստ և կլինի՞ այն, եթե փաստացի նոր աշխատավայր է դառնում։

Արամ Առաքելյան․

ՍՊԸ-ն ունի անշարժ գույք 280 մլն ՀՀ դրամ կադաստրայի արժեքով: Խնդրում եմ ասեք՝ ինչպիսի՞ հարկային պարտավորություններ ունեն հիմնադիրները ՍՊԸ-ի լուծարման արդյունքում ԱԱՀ-ի և շահութահարկի առումներով: Շնորհակալություն:

Անի․

Բարև ձեզ, հարգելի հաշվապահներ, խնդրում եմ օգնել.

ԱՁ-ն գրանցվել է պետ. ռեգիստրում և հարկայինում չի գրանցվել որպես լիազոր կամ օգտվող և, հետևաբար, բաց է թողել շրջ. հարկ վճարող համարվելու վերաբերյալ հայտարարության ներկայացման 20-օրյա ժամկետը:

Հարցը. կարո՞ղ է արդյոք ԱՁ-ն պետ ռեգիստրում փակման դիմում ներկայացնել և նոր ԱՁ բացել նույն ֆիզ. անձի անունով:

Շնորհակալ եմ նախապես։

Նիկա․

Բարև բոլորին։ Հարգելի գործընկերներ, խնդրում եմ հուշեք՝ ՍՊԸ-ի լուծարման ժամանակ ինչպե՞ս հաշվառել ապրանքային մնացորդը և անհրաժեշտության դեպքում այն փոխանցել մեկ այլ հիմնարկությանը, խնդրում եմ նշեք իրավական հիմքը: Կանխավ շնորհակալ եմ։

Լիան.

Հարգելի հաշվապահներ, խնդրում եմ օգնեք հասկանալ տվյալ իրավիճակի բացասական կողմերը։ Աշխատակիցը սեպտեմբեր ամսից անցել է այլ կազմակերպությունում աշխատանքի, բայց նախկին գործատուն կարծես չի դադարեցրել աշխատանքային պայմանագիրը։ Խնդրում եմ ասել՝ աշխատակցի վրա ի՞նչ բացասական ազդեցություն դա կարող է ունենալ։

Կարեն․

Բարև Ձեզ։ ՍՊԸ-ն հաշվառումից հանելու համար ի՞նչ ընթացակարգ կա։ Ի՞նչ փաստաթղթեր պետք է ներկայացնենք։ Ո՞ր օրենքից կարող եմ օգտվել։

Սոնա.

Բարև Ձեզ։ Խնդրում եմ տեղեկացնել՝ ինչպե՞ս կարող է դադարեցվել ԱՁ-ի և Ընկերության միջև կնքված պայմանագիրը ժամկետից շուտ։ Շնորհակալություն։

Հեղինե․

Բարև ձեզ։ Հարգելի հաշվապահներ, խնդրում եմ օգնեք։ Ֆիրման 2022թ գրանցվել է և աշխատել ԱԱՀ դաշտում։ Տարվա վերջին դիմել է լուծարման համար։ Լուծարման պրոցեսը դեռ չավարտված, տնօրենը գրանցել է ԱՁ, շրջհարկի դաշտում։ Հարցս հետևյալն է. տնօրենն իրավունք չունի՞ աշխատելու շրջհարկով, քանի դեռ ֆիրման լուծարման փուլում է։ Կանխավ շնորհակալ եմ։

Բելլա․

Բարև Ձեզ: ՍՊԸ-ն ցանկանում ենք լուծարել, ընկերությանը կից կա 2 անշարժ գույք 66,000,000 կադաստրային արժեքով: Խնդրում եմ նշել լուծարման գործընթացի ժամանակ, երբ գույքերը անցնեն հիմնադրին, ի՞նչ հարկեր կառաջանան։ Շնորհակալություն։

Մարիամ․

Բարև ձեզ, ԱՁ-ն հաշվառումից հանելուց հետո անհրաժե՞շտ են արդյոք որևէ այլ գործողություններ՝ հաշվի առնելով, որ չեմ պլանավորում երբևիցե վերսկսել:

Արինա․

Բարև ձեզ։ Խնդրում եմ օգնեք տալ ձևակերպումները։ Կազմակերպությունը 01.08. 2011թ. ձեռք է բերել տեղակայում պահանջող հաստոց 4 600 000 դրամով, օգտակար ծառայության ժամկետը 5 տարի, մնացորդային արժեքը` 200 000 դրամ: Տեղակայման համար ծախսվել է նյութեր 400 000, աշխատավարձ 200 000 դրամի։

01.11.2013թ հիմնական միջոցների լուծարող հանձնաժողովը դուրսգրման ակտով լուծարել է հաստոցը։ Հաստոցի ապատեղակայման համար բանվորին հաշվարկվել է աշխատավարձ 50 000 դրամ։ Հաստոցի լուծարքից ստացված 200 000 դրամ ջարդոնը մուտքագրվել է պահեստ։

Նախապես շնորհակալություն։

Դիտել այլ հաշվապահական խնդիրներ

Ռուզաննա.

Բարև ձեզ։ Կազմակերպության լուծարման կապակցությամբ աշխատակազմին տրվել է ծանուցագիր, այն մասին, որ նրանք 2022թ-ի հոկտեմբեր 7-ից ազատվում են աշխատանքից: Խնդրում եմ ասեք՝ աշխատանքային պայմանագրերի լուծման հրամանը ի՞նչ հիմքով և հոդվածով պետք է գրել: Կանխավ շնորհակալություն։

Շողեր.

Բարև ձեզ: Խնդրում եմ պատասխանել այս հարցին. գրեթե 5 ամիս աշխատելուց հետո գնացել եմ ֆիզ. արձակուրդ ու հիմա, երբ դեռ երեխայի խնամքի արձակուրդում եմ, կազմակերպությունը լուծարվում է: Վճարվու՞մ է արդյոք արձակման նպաստ, ի՞նչ չափով: Ու եթե ես սպասեմ մինչև երեխայի 1 տարեկանը լրանալը, ապա կողմերի համաձայնությամբ լուծենք պայմանագիրը, այդ դեպքում նույնպե՞ս կվճարվի արձակման նպաստ և կկատարվի վերջնահաշվարկ: Նախապես շնորհակալ եմ:

Վարդուհի․

Բարև ձեզ: Հարգելի հաշվապահներ, այսպիսի հարց ունեմ․ ԱՁ-ն եթե անորոշ ժամկետով կասեցնում կամ լուծարվում է, և այդ ընթացքում 3 տ երեխայի խնամքի արձակուրդում աշխատակից է ունենում, ի՞նչ պետք է անի, ծանուցի աշխատակցին դադարի մասին, եթե վերականգնի գործունեությունը, կարո՞ղ է աշխատակիցը նորից ստանալ խնամքի գումարը։

Նոնա․

Բարև բոլորին։ Ինչպե՞ս կարող ենք ստուգել՝ տվյալ կազմակերպությունը գործունեության դադարի հայտարարությունը ուղարկել է, թե՞ ոչ։

Աննա․

Կազմակերպությունը լուծարել է հոսքային գիծը, որը այլևս պիտանի չէ հետագա օգտագործման համար։ Հոսքային գծի սկզբնական արժեքը 2 800 000դրամ է, իսկ կուտակված մաշվածությունը 2 500 000դրամ։ Հոսքային գծի ապատեղակայումը կատարվել է այլ կազմակերպության կողմից, որից կատարած աշխատանքի համար ստացվել է հաշիվ 150 000 դրամ գումարով, ներառյալ՝ ԱԱՀ։ Լուծարքից ստացվել են պահեստամասեր 160 000դրամ արժեքով։ Պահանջվում է ձևակերպել հիմնական միջոցների լուծարման հետ կապված գործառնությունները և որոշել լուծարքից շահույթը կամ վնասը։

Աննա.

Բարև ձեզ։ Խնդրում եմ տալ հետևյալ հաշվապահական ձևակերպումները․ 1. Լուծարվել է պահեստի շենքը, որի սկզբնական արժեքը 2 500 000դրամ է, իսկ կուտակված մաշվածությունը 1 800 000դրամ։ Շենքը քանդելու համար հաշվարկվել է աշխատավարձ բանվորներին՝ 90 000դրամ, օգտագործվել են նյութեր՝ 8 000դրամ։ Շենքի լուծարքից ստացված պիտանի շինանյութերը գնահատվել են 70 000դրամ և հանձնվել են պահեստ։ Պահանջվում է ձևակերպել շենքի լուծարքի հետ կապված գործառնությունները և որոշել լուծարքից շահույթ կամ վնաս։

Գագիկ․

Կազմակերպությունը ձեռք է բերել հաստոց 250.000 դրամի չափով (առանց ԱԱՀ): Ձեռք բերված հաստոցը տեղակայելու համար պահեստից բաց են թողվել 20.000դրամի չափով նյութեր: Հաստոցը հանձնվել է շահագործման: Շահագործումից 6 ամիս անց հաստոցը շարքից դուրս է եկել և լուծարվել է: Հաստոցի տարեկան մաշվածությունը 80.000 դրամ է: Պահանջվում է լուծարել հաստոցը հաշվեկշռային արժեքով և տալ բոլոր ձևակերպումները:

Լուսի․

Բարև Ձեզ։ ԱՁ-ն լուծարվել է, աշխատում էր միկրոյով, 2022թ. իրացման շրջանառություն պետք է հանձնեմ, թե՞ ոչ և եթե պետք է տամ, ապա քանի՞ օրվա ընթացքում:

Ազատման նպաստը լուծարման դեպքում ինչպե՞ս հաշվել՝ միջինը 12 ամիսների ընդհանուր գումարի մեջ արձակուրդի, բյուլետենի, խրախուսում, պարգևատրվումները հաշվու՞մ են, և 12 ամիսներ գումարը գումարում են, բաժանում 12 ու իմանում միջին կեղտոտ թիվը։ Կօգնե՞ք։

Էմիլի․

Մեր հիմնարկին փետրվար ամսին ծանուցում են տվել, որ պետք է ապրիլի 10-ին լուծարվի, հիմա ես կարո՞ղ եմ սեզոնային աշխատակից ընդունել այսօրվանից մինչև ապրիլի 10-ը այգում աշխատանքներ կատարելու համար։

Լիաննա․

Բարև ձեզ, խնդրում եմ օգնեք հասկանալ: Ես գտնվում եմ երեխայի խնամքի արձակուրդում: Համայնքապետարանը լուծարվել է, փետրվարի 28-ից ես ազատված եմ աշխատանքից: Հիմա հարց․ ինձ արձակման նպաստ, վերջնահաշվարկ հասնու՞մ է։ Մի հարց էլ․ աշխատող մայրերին տրամադրվող ամսական նպաստ էլ չի՞ վճարվելու ինձ։ Շնորհակալ եմ նախօրոք։

Մերի.

Բարև Ձեզ: Նախորդ տարի 5 ամիս աշխատելուց հետո գտնվում եմ ֆիզարձակուրդում, այնուհետև մինչև 2 տարեկան երեխայի խնամքի արձակուրդում։ Արձակուրդս դեռ չի ավարտվել, բայց կազմակերպությունը լուծարվել է։ Խնդրում եմ ասեք` ինձ արձակման նպաստ հասնու՞մ է։

Հասմիկ.

Բարև Ձեզ: Խնդրում եմ պատասխանեք իմ հարցին. կազմակերպության լուծարման դեպքում, երբ տեղի է ունենում նաև հաստիքների կրճատում, բոլոր աշխատողները ստանու՞մ են արձակման նպաստ, թե՞ միայն նրանք, ովքեր կրճատվում են: Կանխավ շնորհակալություն:

Հայկ.

Հարգելի հայրենակիցներ, ձեզ մի հարց ունեմ. ընկերս իմ անունով ՍՊԸ է գրանցել ժամանակին: Հիմա դա ինձ խանգարում է նպաստ ստանալու համար, իսկ ընկերս չի ցանկանում այդ ՍՊԸ-ն վերցնել, քանի որ չի գործել երբևէ, և բացի դա նա ևս նպաստառու է: Հիմա ես այդ ՍՊԸ-ն ի՞նչ անեմ, ինձ մի քանիսը խորհուրդ տվեցին սնանկ ճանաչել կամ լուծարել, բայց դա ժամանակատար գործընթաց է: Ի՞նչ հեշտ տարբերակներ կան:
Նախապես շնորհակալություն:

Մարիա.

Բարև Ձեզ: Ասացեք խնդրեմ` կազմակերպության լուծարման դեպքում աշխատողի վերջնահաշվարկը ինչպե՞ս է հաշվարկվում:

Անի․

Բարև Ձեզ: Ունեմ մի հարց. ԱՁ միկրոձեռնարկատիրության հայտը ներկայացրել է ճիշտ ժամանակին, սակայն հետո հաշվառումից հանվել է, նույն տարում, երբ բացվել է ԱՁ, նորից միկրոձեռնարկատիրության հայտը չենք տվել, ու հիմա համարվում է ԱԱՀ վճարող: Չիմանալով հանդերձ, որ ԱԱՀ դաշտում ենք, հաշիվներ ենք դուրս գրել ու հիմա, մոտ 16 միլիոն գումարի հաշիվ կա դուրս գրված: Հնարավո՞ր է այդ հաշիվները ծախս ցույց տալ, կամ բողոքարկենք, որ տեղյակ չենք եղել օրենքի նման կետին։ Անելանելի վիճակում ենք:

Նարինե.

Բարև ձեզ: 2017 թվականի հունիս ամսից ես գտնվում եմ ֆիզարձակուրդում մինչև օրս, այդ ընթացքում աշխատանքի չեմ վերադարձել, ֆիզից ֆիզ եմ գնացել ու 2017 թվականից ամենամյա արձակուրդիցել չեմ օգտվել: Hիմա հիմնարկի լուծարումից ինձ հասնու՞մ է արձակուրդ, և ինչպե՞ս է հաշվարկվում:

Նարինե.

Բարև ձեզ: Ես 2020 թ. հունիսից գտնվում եմ ֆիզարձակուրդում, մաքուր աշխատավարձս եղել է 113 000 դրամ, նաև ամենամյա արձակուրդ չեմ գնացել տվյալ տարում: Եթե հիմնարկը լուծարվում է, ինձ ինչքա՞ն վերջնահաշվարկ է հասնում, կամ եթե ես եմ դիմում գրում ու դուրս գալիս:

Էմիլի.

Բարև ձեզ: Եթե կազմակերպությունը՝ ՀՈԱԿ-ը, լուծարվում է համայնքի խոշորացման պատճառով, կասե՞ք՝ ինչպ՞ես է կատարվում և լուծարման գումար ստանում են աշխատակիցները:

Գայանե.

Բարև ձեզ: Եթե հիմնարկը լուծարվում է՝ ի՞նչ հոդվածով ենք ազատում աշխատակիցներին: Եվ հիմնարկի լուծարման դեպքում ես կարո՞ղ եմ միանգամից 50 հոգու ազատել:

Դիաննա․

Բարև Ձեզ, խնդրում եմ օգնեք հետևյալ հարցում՝ ժամանակավոր աշխատողը, ով մինչև հիմնական աշխատողի վերադառնալը գնացել է երեխայի խնամքի արձակուրդ, այդ ընթացքում լուծարվել է ստորաբաժանումը և հաստիքը, իսկ հիմնական աշխատողը վերադարձել է, կատարվել են համապատասխան նշանակումները, իսկ նրան փոխարինողը ներկայացրել է 2-րդ անաշխատունակության թերթիկը (140 օր) մինչև առաջին երեխայի խնամքի արձակուրդի ավարտը։ Այս դեպքում ժամանակավոր աշխատողին ազատե՞լ աշխատանքից, թե՞ ձևակերպել երեխայի խնամքի արձակուրդ մինչև երեխայի 3 տարին լրանալը, ապա ազատել աշխատանքից։

Աննա․

Հարգելի կոլեգաներ, կազմակերպությունը լուծարվում է: Կարո՞ղ եք ասել հերթական քայլերը։

Սյուզաննա.

Բարև Ձեզ: Խմդրում եմ օգնել։ ԱՁ-ն բացվել է 21.07.2020թ.-ին և հաշվառումից հանվել է 21.08.2020թ.-ին։ Խնդրում եմ ասեք՝ արդյո՞ք կարիք կար որևէ հաշվետվություն հանձնելու, թե եթե որևէ գործունեություն չի ծավալել կարիք չկար։ Եվ երկրորդ հարցս, հիմա ԱՁ-ն ցանկանում է նորից սկսել իր գործունեությունը, ինչպե՞ս ճիշտ կլինի՝ լուծարած ԱՁ-ն վերաբացել, թե՞ նորը բացել, քանի որ ԱՁ-ն ցանկանում է աշխատել շրջանառության հարկով։ Կնախավ շնորհակալություն։

Յան.

Կարո՞ղ է արդյոք պայմանագրի լուծարումից հետո արգելք դրվել մրցակիցների մոտ աշխատանքի անցնելու վրա։ Աշխատանքային պայմանագրում նման կետ կա, բայց օրենսգրքից տպավորություն է, որ այդպիսի կետը չի կարող վավեր լինել՝ աշխատանքային պայմանագիրը ուժը կորցնում է լուծելու պահից։

Կուզեի պրոֆեսիոնալ կարծիք լսել։ Կանխավ շնորհակալ եմ:

Kristine.

Բարև Ձեզ։ Ունեմ երեք հարց։
1.Պետ. ռեգիստրում գրանցված, բայց ոչ մի գործունեություն չսկսած Ա/Ձ-ն ինչպե՞ս լուծարել։
2.Պետ. ռեգիստրում գրանցված, բայց ոչ մի գործունեություն չսկսած ՍՊԸ-ն ինչպե՞ս լուծարել։
3.Պետ. ռեգիստրում գրանցված, որոշ ժամանակ գործունեություն ծավալած, և հիմա դադարեցում տված ՍՊԸ-ն ինչպե՞ս լուծարել։

Մարինե.

Բարև Ձեզ: Մի էսպիսի հարց. աշխատողը գտնվում է դեկրետում և կազմակերպության լուծարման պատճառով աշխատակիցը ծանուցվում ու դուրս է գալիս աշխատանքից: Հիմա հարց. եթե մինչ դեկրետ գնալը աշխատողը ունեցել է չօգտագործված արձակուրդային օրեր, ի՞նչ կերպով է հաշվարկվում վերջնահաշվարկը: Էլի վերջին 12 ամսո՞վ է հաշվարկվելու միջին օրականը, այսինքն՝ դեկրետում գտնվելու ժամանակ չստացսծ աշխատավարձը իջեցնելու՞ է միջին օրական գումարը:

Բարև Ձեզ:
Ես գրանցված աշխատող եմ, բայց չունեմ աշխատանքային պայմանագիր:
Եթե ընկերությունը լուծարվում է, քանի՞ ամիս առաջ աշխատողը պետք է ծանուցվի դրա մասին, և ի՞նչ կոմպենսացիա է տրվում:

Ani.

Հարգելի հաշվապահներ, մթերային խանութը, որը գործում է Ա/Ձ-ով ցանկանում է լուծարել Ա/Ձ-ն և բացել ՍՊԸ: Ինչպե՞ս կարելի է ապրանքային մնացորդը ձևակերպել ՍՊԸ-ի վրա:

Գոռ.

Բարև Ձեզ, հարգելի հաշվապահներ:

Ես ունեմ 2015 թվականին գրանցված ՍՊԸ, որը գրանցման պահից մինչ օրս ոչ մի տեսակի գործունեություն չի իրականացրել: Հանգամանքների բերումով տվյալ ՍՊԸ-ի աշխատանքի անհրաժեշտությունը վերացել է գրանցման հաջորդ օրից: Ներկա պահին ցանկանում եմ տվյալ ՍՊԸ-ի գործունեությունը ժամանակավոր դադարեցնել, իսկ հետագայում ընդհանրապես լուծարել:
Հարկ վճարողների համակարգում այս պահին ՍՊԸ-ի կարգավիճակը ներկայացված է որպես “Նոր գրանցված”:
Հարկային տեսչության գրասենյակում ինձ ասացին, որ գործունեության դադարեցման համար նախ պետք է պատրաստել և էլեկտրոնային տարբերակով ուղարկել գրանցման օրից մինչ այս պահը բոլոր այսպես կոչված “զրոյական” հաշվետվությունները, 15-ից մինչ 18 թվականը եռամսյակային և 18-ից մինչ օրս ամենամսյա կտրվածքով, հետո պետք է տնօրենին ազատել պաշտոնից և դրանից հետո ուղարկել դիմում՝ գործունեության դադարեցման վերաբերյալ /եթե չեմ սխալվում Ձև 207/:

Հարցս հետևյալն է՝ ո՞վ կարող է ինձ օգնել այս հարցում, իհարկե համապատասխան վարձատրության դիմաց, և մոտավոր ինչքա՞ն ժամանակ կտևի այդ գործընթացը:

Կանխավ շնորհակալ եմ: