Tag: չեղյալ

Հարկային հաշվում սխալ է հայտնաբերվել

Անի․

Բարև ձեզ, հարգելի մասնագետներ։ Խնդրում եմ օգնել. դեկտեմբեր ամսին հարկային հաշիվ ենք գրել ապրանքի մատակարարման, այսօր պարզվել է, որ չափման միավորը սխալ է գրվել, պետք է լիներ լիտր, ոչ թե՝ հատ: Հարց. կարո՞ղ ենք արդյոք ճշգրտել հաշիվը՝ մատակարարման օրը թողնելով դեկտեմբեր ամսին դուրս գրման օրը: Նախապես շնորհակալ եմ։

Հաշվի չեղարկում

Էվա․

Ողջույն, հարցս հետևյալն է․ դեկտեմբեր ամսվա մատուցած ծառայության հաշիվը դուրս է գրվել հունվար ամսին, հակառակ կողմի ամփոփը ուղարկելու օրը: Կարո՞ղ եմ արդյոք այն չեղարկել և դուրս գրել դեկտեմբերի 31-ով, իրենց պահանջն է: Ասեմ, որ արդեն 4-րդ եռամսյակի հաշվետվությունները ուղարկել եմ: Եթե հնարավոր է, խնդրում եմ ասել՝ ի՞նչ տարբերակով: Կախավ շնորհակալ եմ:

Հաշվի չեղարկում , հաշվի ճշգրտում

Լիլիթ․

Բարև Ձեզ։ Հնարավո՞ր է արդյոք էլեկտրոնային հաշիվը, որում հայտնաբերվել է սխալ, մեկ շաբաթ անց ետ կանչել՝ չեղարկել, կամ կատարել փոփոխություն։

Ապրանքի ետ վերադարձ

Տաթևիկ․

Բարև Ձեզ։ Ապրանքի առաքման հաշիվ վավերագիր է դուրս գրվել, ցանկանում ենք ապրանքի ետ վերադարձ կատարել և ապրանքը մատակարարել ավել ցածր գնով, քանի որ չի վաճառվում։ Խնդրում եմ հուշեք գործողությունների հերթականությունը։

Հրամանի չեղարկում

Մերի․

Բարև Ձեզ, խնդրում եմ օգնեք, հարցս հետևյալն է. Ինչպե՞ս կարող եմ չեղարկել հրամանը և ԱՕ-ի ո՞ր հոդվածը կարող եմ դնել հրամանի մեջ որպես հիմք:

Նվիրատվության չեղարկում

Գոհար․

Բարև Ձեզ։ Նվիրաբերություն ստացողը ցանկանում է գումարը ետ վերադարձնել և Նվիրաբերության պայմանագիրը չեղարկել։ Ինչպիսի՞ ճիշտ թղթաբանություն պետք է վարել՝ համաձայնագրով չեղարկել, թե՞ կողմերը պայմանագրի վրա գրեն “չեղարկել” ու ստորագրեն։

Հաշիվը չեղյալ համարելու սահմանափակումներ

Հռիփսիմե․

Բարև ձեզ։ Հարգելի հաշվապահներ, հարցս կայանում է նրանում, թե արդյո՞ք հաշիվը չեղյալ համարելը ունի քանակական սահմանափակում կամ ժամկետը նշանակություն ունի, թե երբ է գրվել։

Հաշվի չեղարկում

Արմին․

Ողջույն։ Եթե հաշիվ դուրս գրելուց սխալ է նշվել մատակարարման ամսաթիվը, ո՞ր կետը պետք է նշել հաշիվը չեղյալ անելու ժամանակ։ Եվ արդյո՞ք դա խնդիր կարող է առաջացնել հետագայում։

Դրոշմանիշային վճարի վերաբերյալ

Մերի․

Ողջույն, հարգելիներս։ Միկրոձեռնարկատիրական գործունեության իրացման շրջանառությունը հանձնելուց հետո կողմերը չեղարկել են դուրս գրված հաշիվը, ծառայությունները մատուցված չհամարելու հետևանքով նաև ճշտվել է հաշվետվությունը։ Նշեմ, որ դա եղել է կազմակերպության միակ գործարքը, հաշվետվությունը ներկայացնելուց հետո առաջացած դրոշմանիշային վճարը նստել է անհատական հաշվին։ Հարգելիներս, առաջացած դրոշմանիշային վճարի պարտավորությունը ճշտումից հետո ելքագրվու՞մ է, թե՞ ոչ։ Կանխավ շնորհակալ եմ։

Հաշիվների չեղարկում

Մելինե․

Բարև ձեզ։ Եթե այս ամիս 3 ամսվա նախորդ երեք ամիսների հաշիվներ եմ չեղյալ արել (դիմացի կողմի խնդրանքով), և մեկ նոր հաշիվ եմ դուրս գրել (այդ երեք ամիսների+պլյուս հունվար համար)՝ մատակարման ամսաթիվն նշելով 31.01.2022։ Ես հիմա ԱԱՀ-ի հաշվարկներում ճշտելու բան ունե՞մ։ Նշեմ, որ այդ հաշիվների վճարումները ստացած են եղել։ Շնորհակալություն։

Անցում ընդհանուր հարկման դաշտ

Մելինե․

Բարև ձեզ։ Շրջհարկի դաշտից անցել ենք ԱԱՀ հոկտեմբերի 6-ից, հիմա հոկտեմբերի համար ԱԱՀ հաշվարկ ներկայացնելիս արդյո՞ք պետք է համամասնություն կիրառվի հարկման բազայի, հաշվանցման ենթակա ԱԱՀ-ի համար (վերցվի 15 օրվանը)։ Եթե ունեցել ենք ընդամենը 3 հաշիվ վավերագիր դուրս գրած (երբ կարծել ենք, որ շրջհարկով ենք աշխատում ), ու 3 ի դիմացի կողմն էլ ազատված են ԱԱՀ-ից, կարի՞ք կա հաշիվները չեղյալ համարելու և ԱԱՀ-ով նոր հաշիվ գրելու։ Եվ վերջին հարցս՝ այդ ազատված գործարքների մասով գումարը ավտոմատ լրացվում է հաշվարկի մեջ 13Ա-ում, հիմա ես 9Ա-ն այդքանով պակաս պե՞տք է լրացնեմ, այո՞։ Շնորհակալ կլինեմ, եթե արձագանքեք։

Ստացված հաշվի չեղարկում

Կարեն․

Հարգելի հաշվապահներ, եթե հոկտեմբեր ամսվա մեջ ԱԱՀ-ով հաշիվ եմ ստացել մեկ այլ ընկերությունից, որից հետո ներկայացրել եմ հեկտեմբերի համար ԱԱՀ հաշվետվություն, սակայն նոյեմբերի մեջ ծառայություն մատուցողը չեղարկել է իր դուրս գրած հաշիվը և նույն հոկտեմբերի մատակարարման ամսաթվով հաշիվը գրել է արդեն առանց ԱԱՀ-ի՝ հաշվարկային փաստաթուղթ։ Այս դեպքում ԱԱՀ հաշվետվության մեջ փոփոխությունը ինչպե՞ս եմ արտացոլում և ԱԱՀ հաշվարկի 20-րդ կետում ո՞ր հոդվածի համաձայն եմ նշում։

Սխալմամբ ստորագրված հաշիվ վավերագիր

Անահիտ.

Բարև Ձեզ: Մատակարարի կողմից դուրս է գրվել սխալ հաշիվ վավերագիր, շփոթված ստորագրել եմ, ինչպե՞ս կարող եմ չեղարկել իմ ստորագրությունը։

Բժշկական ապրանքը ԱԱՀ-ից ազատված չէր

Անահիտ․

Բարև ձեզ, ԱԱՀ-ով աշխատող ընկերությունը բժշկական կենտրոնին հաշվարկային հաշիվ է դուրս գրել մի քանի անգամ նախորդ տարվանից, բայց այդ բժշկական ապրանքը ԱԱՀ-ից ազատված չէր, ի՞նչ կարելի է անել, եթե մինչ այժմ էլ հարկայինից ծանուցում չի ստացվել, չեղյալ անել, նորից գրել չենք կարող։

Շրջանառության հարկի շեմի գերազանցում

Գեղամ.

2022թ.-ի հունիսի 14-ից 115մլն շեմը գերազանվել է 8մլն դրամով, 14-ից գրվել է դիմում՝ ԱԱՀ վճարող դառնալու համար, սակայն նույն 14.06.22-ին գերազանցված 8մլն դրամի համար գրվել է առանց ԱԱՀ-ի հաշվարային փաստաթուղթ։ Խնդրում եմ ասեք՝ կարո՞ղ եմ ճշտել, չեղյալ անել 8մլն և գրել հարկային հաշիվ կամ ի՞նչ պետք է արվի։

Ինչպե՞ս հրամանը չեղյալ համարել

Սուսաննա․

Բարև ձեզ։ Ինչպե՞ս կարելի է տնօրենի նախկինում տրված աշխատանքից ազատման հրամանը չեղյալ համարել:

Սխալ դուրսգրված հարկային հաշիվ

Քրիստինե․

Խնդրում եմ ասեք՝ ի՞նչ պետք է անել, երբ շրջ.հարկով աշխատող ԱՁ-ն սխալմամբ ԱԱՀ-ով հարկային հաշիվ է ուղարկել: Կարելի՞ է չեղարկել և հետո հաշվարկային հաշվով ուղարկելուց գրել չեղարկված հաշվի փոխարեն։

Ինչպե՞ս հաստատել չեղարկված հաշիվը

Նունե.

E-invoicing-ում հարկային հաշիվը ստորագրելուց առաջ բերում է՝ դուք հարկային մարմնում հաշվառված չեք որպես ԱԱՀ վճարող։ Տվյալ Ա/Ձ-ն աշխատում է շրջհարկով, պետք է այո-ն սեղմե՞մ, թե՞ ոչ-ը։
Եվս մեկ հարց․ ինչպե՞ս հաստատել չեղարկված հաշիվները։
Կանխավ շնորհակալություն։

Ջնջված հաշիվ

Անի․

Հարգելի գործընկերներ, եթե դիմացի կողմը հաշիվ է դուրս գրել սխալ գումարով և հրաժարվում է փոխել գումարը, մենք ջնջել ենք այդ հաշիվը էլեկտրոնային հաշիվների e-invoicing ծրագրում, էլի ինչ-որ անելիքներ ունե՞նք այս կապակցությամբ, թե՞ ոչ։ Շնորհակալություն նաԽապես։

Հաշվի չեղարկում

Հասմիկ.

Ողջույն։ Հաշիվ վավերագրում լրացուցիչ պայմաններ բաժնում սխալմամբ նախորդ հաշիվ վավերագրի մատուցման տվյալններն են մնացել։ Կարիք կա՞ չեղյալ հայտարարվի տվյալ հաշիվն ու նորը դուրս գրվի։

Ստորագրված հաշիվների չեղյալ հայտարարում

Անի․

Հարգելի հաշվապահներ, եթե դուրս գրված հաշիվներն ստորագրել են ստացողները, ես կարո՞ղ եմ չեղյալ հայտարարել, և դա կարող է հետո խնդիրներ առաջացնել: Խոսքս վերաբերվում է մայիսից-հոկտեմբեր ամիսներին:

Հաշվի չեղարկում

Ռուբ.

Բարև ձեզ: Եթե կազմակերպությունը միևնույն ամսվա մեջ երկու հաշիվ է չեղարկում՝ սխալ լրացրած թվի պատճառով, և նորը գրում, դա ինչի՞ կարող է հանգեցնել:

Հաշվի չեղարկում

Ռուբ.

Բարև ձեզ, հարգելի հաշվապահներ։ ԱԱՀ վճարող կազմակերպությունը 02.08.2021-ին սխալմամբ ապրանքների մատակարարման հաշիվ դուրս գրելու փոխարեն դուրս է գրել ծառայությունների մատուցման հաշիվ։ Եթե հաշիվը չեղարկվի և կողմերի միջև արձանագրություն և ակտ կազմվի, ճի՞շտ կլինի, թե՞ որոշակի պատասխանատվություն կառաջանա։ Շնորհակալություն:

Չեղյալ հայտարարել, թե՞ ճշգրտող հաշիվներ դուրս գրել

Հասմիկ.

Հարգելի կոլեգաներ, բարի օր:
Շատ շնորհակալ կլիմեմ, եթե արձագանքեք:
Երկու իրավաբանական անձեր ունեն կնքած տարածքի վարձակալության պայմանագիր, որը ունի նոտարական վավերացում և պետական գրանցում: Ամեն ամիս դուրս է գրվում հարկային հաշիվ: Փոխադարձ համաձայնությամբ պայմանագրի արժեքը պակասեցվում է: Նոտարական պայմանագիրը կնքվում է 23.11.2020թ., բայց հարաբերությունները փոխված են 01.01.2020թ. դրությամբ:
Հիմա հարցս.
Բոլոր 10 ամիսների համար պե՞տք է հաշիները փոխվի:
Պե՞տք է հաշիվները չեղյալ հայտարարել և գրել նոր հաշիվներ, թե՞ պետք է գրվի ճշգրտող հաշիվներ: Հարկային օրենսգրքի 56 հոդվածի 10 մասի 5 կետով ես հակված եմ չեղյալ հայտարարել և գրել նոր հաշիվներ: Հիմքը՝ գին փոփոխությունը և ի հայտ գալուց 15 օրվա ընթացքում գրել նոր հաշիվներ: Ձեր կարծիքով, ո՞ր տարբերակն է ճիշտ՝ չեղյալ հայտարարել և գրել նոր հաշիվ, թե՞ ճշգրտել հաշիվը:
Կանխավ շնորհակալություն:

Հրամանագիրքը սխալ է լրացվել

Արմինե.

Ողջույն: Ես հրամանագրքում սխալ բովանդակությամբ հրաման եմ գրել, ինչպե՞ս այն անվավեր համարեմ։

Ինչպե՞ս ճշգրտել հաշիվները

Աննա․

Բարև ձեզ: Ես ունեմ միկրոձեռնարկություն զբոսաշրջության ոլորտում, սակայն հաշիվ դուրս գրելուց նշվել է զբոսավարի ծառայություն էքսկուրսիաների կազմակերպման փոխարեն, ինչպե՞ս կարող եմ այդ հաշիվները ճշգրտել։

Էլեկտրոնային հաշիվները էլեկտրոնային ստորագրությամբ վավերացնելու վերաբերյալ

Արմինե․

Բարև ձեզ: Մի հարց՝ եթե կազմակերպությունը չի ստորագրել ստացված հաշվարկային փաստաթուղթը 3 ամիս, դիմացի կողմը իրավունք ունի՞ այն չեղարկելու, չնայած նրան, որ գործարքը կատարվել է, և վճարումն էլ բանկային փոխանցմամբ արվել է իրենց: Եվ ի՞նչ պատասխանատվություն կա դրա համար՝ չստորագրելու կամ անհիմն չեղարկելու համար: Շնորհակալություն:

Արդյո՞ք հաշիվների չեղարկումը բացասական է ազդում կազմակերպության ռիսկայնության վրա

Արմինե․

Հաշվապահայություն ջան, էս հաշիվների չեղյալ անել-չանելու հարցը ո՞նց լուծենք։ Հաշիվ ես գրում, մի հատ ստից բանից կպնում են, ասում են՝ չեղյալ արեք, նորը գրեք։ Բայց չէ՞ որ հաշիվների չեղարկումը բացասական է ազդում կազմակերպության «ռիսկայնության» վրա։

Հաշիվը չեղյալ անելու վերաբերյալ

Կարինե.

Հարգելի հաշվապահներ, շատ հաճախ եմ հանդիպում հետևյալ երևույթին – դուրս գրված հարկային հաշիվները / հաշվարկային փաստաթղթերը “արխային” չեղյալ անելը: Բայց չէ՞ որ չեղյալ անելու համար հիմքեր են պետք: Արդյո՞ք ձեզ էլ են հանդիպում նման դեպքեր, ձեզանից էլ են երբեմն պահանջում հաշիվը չեղյալ անել` առանց իրավական հիմքի առկայության:

Արդյո՞ք կարելի է փաստաթուղթը չեղյալ համարել

Սոնա Թ.

Բարև ձեզ, մի բան հարցնեմ:
Եթե Ա/Ձ մայիս ամսին դուրս է գրել ծառայությունների հաշվարկային փաստաթուղթ, սակայն պետք է դուրս գրեր առաքման հաշվարկային փաստաթուղթ, կարո՞ղ եմ չեղյալ ճանաչել և փոփոխել հաշիվը այն դեպքում, երբ այն ստորագրված է մյուս կազմակերպության կողմից, և եթե կարող եմ` ի՞նչ հիմքով կամ օրենքի ո՞ր կետով:

Հաշիվը չեղյալ ճանաչելու դեպքում

Սամվել.

Հարգելի կոլեգաներ, հաշիվը չեղյալ ճանաչելու դեպքում արդյո՞ք այլևս պարտադիր չէ ակտ կամ այլ փաստաթուղթ կազմելը դիմացի կողմի հետ:

Արդյո՞ք պետք է հաշիվը չեղյալ ճանաչել

220

Arsine.

Հարկային հաշվում ապրանքի անվանումը սխալ է գրվել: Արդյո՞ք պետք է հաշիվը չեղյալ ճանաչել: Եթե այո, ապա տվյալ դեպքը ՀՀ կառավարության 2010 թվականի նոյեմբերի 11-ի N 1504-Ն որոշման հավելված 4-ի` հարկային հաշիվների չեղյալ ճանաչման կարգի ո՞ր կետին է համապատասխանում:

Կանխավ շնորհակալություն:

Ընկերության կողմից դուրս է գրվել հարկային հաշիվ

204

Arsine.

Հարգելի հաշվապահներ,
ՍՊԸ-ն զբաղվում է մեծածախ առևտրով և աշխատում է ԱԱՀ-ով: Ընկերության կողմից դուրս է գրվել հարկային հաշիվ մի ԱՁ-ի (խանութ) անվամբ, որն այլևս չի գործում, և տվյալ խանութը գործում է մեկ այլ ԱՁ-ի անվան տակ: Նշեմ, որ դուրս գրված հարկային հաշվի հիմքով կատարվել է վճարում ընկերության բանկային հաշվին տվյալ ԱՁ-ի անունից:

Եթե անվավեր ճանաչեմ դուրս գրված հարկային հաշիվը և դուրս գրեմ ներկայումս գործող ԱՁ անվամբ, ապա կատարված վճարումը կմնա չփակված: Ինչպե՞ս վարվեմ նման պարագայում:

Միևնույն հաշիվ ապրանքագիրը չեղյալ համարելու համար

Tereza.

Բարև ձեզ: Կարո՞ղ եք ասել` որևէ քանակական սահմանափակում կա՞ միևնույն հաշիվ-ապրանքագիրը չեղյալ համարելու համար: Շնորհակալություն: