Tag Archive: ազատում

Aug 26 2015

Ինչպե՞ս կատարել վերջնահաշվարկ

Arsine.

Հարգելի հաշվապահներ, խնդրում եմ օգնեք:
Աշխատողը աշխատանքի է ընդունվել 01.11.2010թ-ին: 05.06.2012թ-ից գնացել է ֆիզ. արձակուրդ և մինչև 12.06.2015թ-ը գտնվել է մինչև 3 տարեկան երեխայի խնամքի արձակուրդում: 13.06.2015թ-ից ներկայացել է աշխատանքի և ցանկանում է 31.08.2015թ-ին ազատվել աշխատանքից:

Աշխատողը երբևիցե չի օգտվել իր ամենամյա արձակուրդի իրավունքից:
Հարցս հետևյալն է.
Ինչպե՞ս կատարեմ վերջնահաշվարկ: Ո՞ր ամիսների աշխատավարձը հիմք ընդունեմ միջին աշխատավարձի հաշվարկման համար:

Կանխավ շնորհակալություն:

Jul 23 2015

Վերադարձ աշխատանքի հղիության և ծննդաբերության արձակուրդից հետո

Աննա.

Հարգելի մասնագետներ,
Աշխատում եմ ուսումնական հաստատությունում: Գտնվում եմ հղիության և ծննդաբերության արձակուրդում, և պայմանագիրս երկարացված է: Ունեմ 5+ տարվա ստաժ տվյալ հաստատությունում: Նոր ուսումնական տարում իմ դասավանդած առարկան ուս պլանում չի նախատեսվում գործատուի ցանկությամբ: Ես պատրաստվում եմ վերադառնալ աշխատանքի երկրորդ կիսամյակից:

Հարց. Ինչպե՞ս է իմ գործատուն ապահովելու իմ զբաղվածության հարցը կամ իրավունք ունի՞ արդյոք ինձ անմիջապես ազատելու աշխատանքից աշխատանք չունենալու պատճառաբանությամբ: Խնդրում եմ օգնեք օրենքի համապատասխան կետերին ծանոթանալ:
Շնորհակալություն:

Jul 07 2015

Գրանցման հայտը ուշացվել է

Anna.

Աշխատակիցը ազատվել է աշխատանքից մայիս ամսին, գրանցման հայտի փոփոխությունը ուղարկվել է հուլիսի 1-ին: Արդյո՞ք սահմանվելու է տույժ:

Jun 24 2015

Աշխատանքից ազատելու ծանուցման ձև

Կարինե.

Բարև ձեզ, խնդրում եմ ինձ ուղարկել աշխատողին աշխատանքից ազատելու ծանուցման ձև najaryan88 շնիկ mail.ru

May 29 2015

Արդյո՞ք իրավունք ունեն հինգ ամսեկան հղի աշխատողին ազատել աշխատանքից

ՎԱԼՅԱ.

Բարև ձեզ, ինձ մի հարց է հետաքրքրում, խնդրում եմ պատասխանել.
ես աշխատել եմ դպրոցում, որպես ֆիզկուլտուրայի ժամանակավոր ուսուցչուհի, ընդունվել եմ աշխատանքի 2013թ սեպտեմբերից, դասավանդել եմ 5-12-րդ դասարաններին: Այդ ընթացքում հայտարարված էր մրցույթ ֆիզկուլտուրայի ուսուցչի թափուր աշխատատեղի համար: 2013թ հոկտեմբերի 1-ից ընդունվել է նոր աշխատող, և ես դասավանդել եմ տարական դասարաններին: 2014թ մայիսի 31-ից ազատել են աշխատանքից՝ պատճառաբանելով, որ փոխարինող աշխատողին արձակուրդներին չեն վարձատրում: 2014թ սեպտեմբերին կրկին ընդունվել եմ աշխատանքի, արդեն փոխարինելու ֆիզ. արձակուրդում գտնվող աշխատողին և դասավանդել եմ 5-10-րդ դասարաններին: 2015թ մայիսի 22-ին ես գնացել եմ աշխատանքի, աշխատանքս ավարտել եմ, և տնօրենը ինձ ազատել է աշխատանքից առանց նախապես զգուշացնելու, քանի որ պիտի գա հիմնական աշխատողը: Ավարտել եմ Արթիկի պետական քոլեջի ֆիզկուլտուրա բաժինը՝ կարմիր դիպլոմով: Հիմա ես հղի եմ, ուզում եմ իմանալ` իրավունք ունե՞ն հինգ ամսեկան հղի աշխատողին ազատել աշխատանքից: Նաև ուզում եմ իմանալ` ես կարո՞ղ եմ գնալ ֆիզ. արձակուրդ ժամանակից շուտ, քանի որ ունեմ հղիության հետ կապված խնդիրներ: Խնդրում եմ ձեզ որքան հնարավոր է շուտ պատասխանել իմ հարցերին: Նախապես շնորհակալություն:

May 07 2015

Արդյո՞ք աշխատողը իրավունք ունի չօգտագործված արձակուրդի փոխհատուցում ստանալու

Gayane.

Բարև ձեզ:
Ես ուսուցչուհի եմ դպրոցում, սակայն մտադիր եմ աշխատանքից հեռանալ սեպտեմբեր կամ հոկտեմբեր ամսին: Կուզենայի իմանալ` ես իրավունք ունե՞մ հուլիս ամսվա արձակուրդայինը ստանալու: Շնորհակալություն:

May 07 2015

Ո՞վ է վճարում նպաստը

Ռուզաննա.

Բարև ձեզ: Ինձ հուզում է հետևյալ հարցը. ես աշխատում եմ ՍՊԸ-ում, ֆիզարձակուրդ մեկնելիս ո՞վ է վճարելու ֆիզարձակուրդի համար նախատեսված գումարը` տվյալ ՍՊԸ-ն` գործատուն, թե՞ պետությունը: Եվ ևս մեկ հարց` արդյո՞ք գործատուն իրավունք ունի աշխատողին աշխատանքից ազաատելու, որպեսզի չվճարի ֆիզ. արձակուրդի համար նախատեսված գումարը:

May 05 2015

Ո՞րն է գործատուին ծանուցելու մաքսիմալ ժամկետը

Sona.

Բարև ձեզ:

Օրենքը նախատեսում է, որ աշխատանքից ազատվելուց 14 օր առաջ պիտի տեղեկացնենք գործատուին, եթե պայմանագրով այլ ժամկետ նախատեսված չէ: Իսկ որքա՞ն է մաքսիմալ ժամկետը, որը պայմանագրով կարող է նախատեսված լինել:

Շնորհակալ եմ նախապես:

Apr 10 2015

Արդյո՞ք հնարավոր է հրաժարվել սոց. վճարից

Gayane.

Աշխատում եմ բանկում, և բնականաբար աշխատավարձիցս պահվում է կենսաթոշակային ֆոնդի գումար: Հիմա պատրաստվում եմ ազատվել այդտեղից և անցնել մակ այլ տեղ աշխատանքի: Ասացեք խնդրեմ` հիմա կարո՞ղ եմ բանկում հրաժարվել և դիմում ներկայացնել այդ գումարները ետ ստանալու համար: Չնայած գիտեմ, որ դա պետք է արվեր մինչև նախորդ տարվա դեկտեմբերի 25-ը:

Mar 11 2015

Ծանուցման ձև

Garik.

Խնդրում եմ շտապ ԱՕ 113 հոդվածի 1-ին մասի 3-րդ կետով աշխատանքից ազատման ծանուցման ձև ուղարկել: Կանխավ շնորհակալ եմ:

Mar 05 2015

Արդյո՞ք պետք է կատարել վերջնահաշվարկ աշխատողի հետ այլ աշխատանքի տեղափոխման դեպքում

Գագիկ.

Բարև ձեզ:
Ես աշխատել եմ համալսարանում` որպես վարչական կազմ: Հիմա ազատվել եմ զբաղեցրած պաշտոնից սեփական դիմումի համաձայն` աշխատանքային օրենսգրքի 112-րդ հոդվածի 1-ին մասով: Բայց ներկայումս շարունակում եմ աշխատել նույն համալսարանում ժամավճարային սկզբունքով: Նշեմ, որ աշխատանքային գրքույկս ազատման հետ միաժամանակ վերցրել եմ և հիմնական աշխատող այլևս չեմ հանդիսանում: Վերջնահաշվարկի կարգում կա այսպիսի կետ – “1.1. Եթե աշխատողը նույն գործատուի մոտ փոխադրվում (տեղափոխվում) է այլ աշխատանքի, գործատուն աշխատողի հետ վերջնահաշվարկ չի կատարում”: Խնդրում եմ ինձ ասեք` տարածվու՞մ է դա իմ վրա, թե՞ ոչ: Եվ ըստ այդմ կարո՞ղ եմ պահանջել վերջնահաշվարկ այս պարագայում:

Feb 22 2015

Ինչպե՞ս ազատել աշխատողին

GOHAR.

Խնդրում եմ շտապ պատասխանեք:
Աշխատողը մահացել է հունվարի վերջում, հիմա պետք է անձնական գրասենյակի աշխատողներ պատւհանից ազատել աշխատանքից, բայց իր անունը չեմ տեսնում աշխատողների ցուցակում, սակայն երբ ուզում եմ լրացնել եկամտայինի հաշվետվությունը, անունը կա աշխատողների ցուցակում (ես աշխատավարձ և վերջնահաշվարկ պետք է ցույց տամ): Ինչպե՞ս վարվեմ, որևէ մեկիդ մոտ այդպիսի իրավիճակ եղե՞լ է: Կանխավ շնորհակալություն:

Feb 19 2015

Արդյո՞ք գործատուն իրավունք ունի ազատել աշխատանքից աշխատակցին

Հերմինե.

Հարգելի հաշվապահներ, 18 շաբաթական հղի եմ, գործատուիս ասել եմ բանավոր, բայց գրավոր տեղեկություն կամ հղիության մասին տեղեկանք չեմ ներկայացրել, արդյո՞ք նա իրավունք ունի մինչև իմ ֆիզ. արձակուրդը ինձ հեռացնել աշխատանքից: Նախապես շնորհակալ եմ:

Feb 09 2015

Ո՞ր հոդվածով է ազատվում աշխատողը

Tereza.

Հարգելի մասնագետներ, խնդրում եմ պատասխանել.
ո՞ր հոդվածով է ազատվում ժամանակավոր աշխատողը, եթե աշխատել է հիմնական աշխատողի փոխարեն և պայմանագիրը կնքվել է անորոշ ժամկետով: Հրամանում նշվում է, որ պայմանագիրը կլուծվի x աշխատողի վերադարձի օրը, ծանուցում տրվու՞մ է, թե՞ ոչ: Կանխավ շնորհակալություն:

Dec 25 2014

Ո՞վ է վճարելու նպաստը

NM.

Բարև ձեզ, խնդրում եմ օգնեք, եթե հնարավոր է:
Ես գտնվում եմ երեխայի խնամքի արձակուրդում և գումարած դրան գտնվում եմ հղիության վեցերորդ ամսում, մեր ֆիրման դադարեցնում է իր գործունեությունը դեկտեմբերի վերջին, բայց ես ֆիզ. բյուլետենը պետք է ստանայի հունվար ամսին: Այդ դեպքում ինչպե՞ս պետք է ստանամ ինձ հասանելիք ֆիզ. բյուլետենի գումարը, չէ՞ որ ֆիրման ինձ ազատում է աշխատանքից, ումի՞ց պահանջեմ այդ գումարը, ես այդ ֆիրմայում ունեմ 3 տարվա փորձ և բոլոր հարկերը, վճարումները կատարվել են:

Dec 17 2014

Ինչպե՞ս է կատարվելու վերջնահաշվարկը

Ani.

Հարգելի հաշվապահներ, ես աշխատում եմ մի ընկերությունում 6 տարի, տարբեր պաշտոններում և տարբեր աշխատավարձերով: Մի քանի օր առաջ կազմակերպության այդ մասնաճյուղը փակվեց, այսինքն ես մնացի առանց աշխատանք: Կասե՞ք` գործատուն ինձ պետք է վճարի՞ փոխատուցում (օրինակ, 2 ամսվա աշխատավարձ), և մի հարց` ինչպե՞ս են անելու վերջնահաշվարկը, քանի որ տարբեր տարիների ստացել եմ տարբեր աշխատավարձներ, ամեն տարվա համար առանձի՞ն են հաշվելու, թե՞ այլ կերպ, և արդյո՞ք ինձ պետք է վճարեն 6 տարվա չգնացած արձակուրդներիս համար, թե՞ ավելի քիչ ժամկետ են հաշվում: Խնդրում եմ հնարավորինս շուտ պատասխանեք, նախապես շնորհակալություն:

Dec 08 2014

Համակարգը չի ընդունում գրանցման հայտը

Տարոն.

Աշխատողն ազատվել է օգոստոս ամսին, ազատման մասին աշխատողի գրանցման հայտում նշվել է աշխատանքային հարաբերության ավարտը, նույն աշխատողին նոյեմբերից կրկին ընդունել ենք աշխատանքի, սակայն հաշվետվություն ուղարկելիս համակարգը չի ընդունում: Խնդրում ենք օգնել:

Sep 24 2014

Աշխատանքից ազատում ՀՀ աշխատանքային օրենսգրքի 113-րդ հոդվածի 1-ին մասի 11-րդ կետի համաձայն

NArek.

Խնդրում եմ պարզաբանեք` արդյո՞ք ՀՀ աշխատանքային օրենսգրքի 113-րդ հոդվածի 1-ին մասի 11-րդ կետի համաձայն` աշխատողին կենսաթոշակային տարիք լրանալու հիմքով աշխատանքային պայմանագիրը լուծելու Գործատուի իրավունքը առկա է միայն վերջինիս կենսաթոշակային տարիքին հասնելու պահին, թե՞ նաև դրանից հետո: Այսինքն, եթե գործատուն Աշխատողին չի ծանուցում աշխատանքային պայմանագրի լուծման մասին վերջինիս կենսաթոշակային տարիքը լրանալիս, ապա դրանից հետո, ենթադրենք 3-4 տարի անց կարո՞ղ է ծանուցել և ազատել այդ հիմքով աշխատանքից:
Արդյո՞ք կենսաթոշակային տարիքի հասնելու հիմքը գործատուի համար չի գործում միայն այդ տարիքին հասնելու ժամանակ և արդյո՞ք դրանից հետո աշխատողին այդ հիմքով ազատելը չի դիտվի խնդրահարույց:

Sep 11 2014

Արդյո՞ք տնօրենին պետք է ազատել աշխատանքից կազմակերպության գործունեության դադարեցման ժամանակ

Mari.

Բարև ձեզ: ՍՊԸ-ն ժամանակավոր դադարեցրել է գործունեությունը: Տնօրենին պե՞տք է ազատել աշխատանքից, թե՞ ոչ: Նախապես շնորհակալություն:

Aug 12 2014

Արդյո՞ք հուլիս ամսվա համար կհաշվարկվի աշխատավարձ

Nelly.

Խնդրում եմ ասեք, եթե աշխատողը ազատվել է աշխատանքից 01.07.14, այդ դեպքում հուլիսի 1-ի համար հաշվարկվու՞մ է աշխատավարձ, թե՞ ոչ:

Older posts «