Tag Archive: ազատում

Dec 11 2017

Աշխատանքային գրքույկի գրառման հետ կապված

Լուսինե.

Հարգելի գործընկերներ,
արդյո՞ք աշխատանքային գրքույկում գրվում է “հեռացվել է աշխատանքից” և հիմքը, և արդյո՞ք որևէ ազդեցություն կունենա հետագա աշխատանքի ընդունվելիս։ Հեռացման պատճառը երեք օրվա բացակայությունն է հիվանդության պատճառով։
Կանխավ շնորհակալություն։

Dec 06 2017

Ինչպե՞ս ձևակերպել ազատման հրամանը

Աստղիկ.

Բարև ձեզ:
Խնդրում եմ ասել` կա՞ արդյոք տարբերություն “լուծել պայմանագիրը”, “ազատել աշխատանքից” և “ազատել զբաղեցրած պաշտոնից” արտահայտությունների մեջ, և հրամանի մեջ ո՞րն է նախընտրելի գրել: Կանխավ շնորհակալություն:

Nov 15 2017

Արդյո՞ք կվճարվի մայրության նպաստը

Արմինե.

Բարև ձեզ, խնդրում եմ պատասխանել իմ հարցին, ես 21 շաբաթական հղի եմ, հաստատության լուծարման պատճառով երեկ ազատվել եմ աշխատանքից, հիմա ընդունվել եմ նոր աշխատանքի հոինվար ամսին նոր ֆիզարձակուրդ եմ գնալու, հիմա ուզում եմ իմանալ` ինձ կտրվի նպաստը, եթե այո` ի՞նչ կարգով: Շնորհակալություն նախապես:

Nov 15 2017

Արդյո՞ք անձն տվյալ դեպքում ստանում է վերջնահաշվարկ

Larisa.

Բարև ձեզ: Անձն աշխատել է մի տարի և 3 ամիս, որից 7 ամիսը` 80 000 դր, իսկ 8 ամիսը` 100 000 դր. աշխատավարձով: Ազատվել է իր դիմումի համաձայն, և վերջին մի տարվա ընթացքում ստացել/գնացել է ամենամյա արձակուրդը: Արդյո՞ք անձն այս դեպքում ստանում է վերջնահաշվարկ (ԱՕ 130 հոդված), և ի՞նչ բանաձևով է այն հաշվվում: Խնդրում եմ նշել կոնկրետ ձևով հաշվարկվող հասանելիք գումարը: Շատ շնորհակալություն:

Oct 28 2017

Քանի՞ ամսեկան հղիությունից հետո այլևս իրավունք չունեն ընդունել աշխատանքի

Լիլիթ.

Բարև ձեզ, կարո՞ղ եք ինձ օգնել:
Ես ընդունվել եմ աշխատանքի 3 ամսեկան հղի կարգավիճակով, երեք ամիս փորձաշրջանից հետո (համոզված եմ` դեկրետային չվճարելու պատճառով) ուզում են ազատել աշխատանքից` պատճառաբանելով, որ 6 ամսեկան հղիությամբ չեն կարող ընդունել աշխատանքի:
Քանի՞ ամսեկան հղիությունից հետո այլևս իրավունք չունեն ընդունել աշխատանքի:

Oct 03 2017

Մայրության նպաստի վերաբերյալ

Մարիամ.

Բարև ձեզ, ես սեպտեմբերի 1-ից ընդունվել եմ պետական աշխատանքի: Բայց ունեմ 15 տարվա աշխատանքային ստաժ: Նոյեմբերին պետք է ֆիզ արձակուրդ գնամ: Արդյո՞ք կարող եմ հրաժարվել ֆիզ արձակուրդից: Այսինքն` ֆիզ արձակուրդ չգնալ, փոխարենը երբ գա ծննդաբերության ժամանակը` վերցնեմ բյուլետեն: Հիվանդանոցում հաշվառված եմ որպես չաշխատող: Ապրում եմ Արցախում, բալիկի լույս աշխարհ գալու առթիվ, եթե ֆիզ չգնամ, չե՞մ կարող արդյոք օգտվել երեխայի միանվագ ծննդյան գումարից: Եվ արդյո՞ք այս դեպքում օրենքի խախտում արած չեմ լինի: Եվ վերջապես` ինձ հասնու՞մ է ֆիզ արձակուրդային գումար, եթե հունիսի 1-ից ազատված եմ եղել աշխատանքից: Կանխավ շնորհակալություն:

Sep 29 2017

Հնարավո՞ր է անորոշ ժամկետով կնքված պայմանագիրը լուծել արձակուրդից հետո

Մարիամ.

Բարև ձեզ:
Ամենամյա արձակուրդից ունեմ 15 չօգտագործված օր, որը ուզում եմ օգտագործել 2017թ. հոկտեմբերի 1-ից: 63 տարեկանս լրանում է 2017 թ հոկտեմբերի 7-ին: Հնարավո՞ր է անորոշ ժամկետով կնքված պայմանագիրը լուծել արձակուրդից հետո: Կանխավ շնորհակալություն:

Sep 11 2017

Վերջնահաշվարկի ժամանակ հավելավճարները պե՞տք է հաշվել, թե՞ ոչ

Մի հարց ունեմ, կարո՞ղ եք օգնել: Աշխատողներից մեկն ազատվել է և պահանջում է վերջնահաշվարկ: Այնտեղ կան հավելավճարներ, որոնք հաստատված չեն ղեկավարի կողմից, վերջնահաշվարկի ժամանակ հավելավճարները պե՞տք է հաշվել, թե՞ ոչ: Նախապես շնորհակալություն:

Aug 24 2017

Արդյո՞ք աշխատողին հասնում է վերջնահաշվարկ

Karina.

Բարև ձեզ: Ես գտնվում եմ ֆիզ. արձակուրդում և տվել եմ ազատման դիմում: Ինձ հասնու՞մ է վերջնահաշվարկ, թե՞ ոչ:

Aug 03 2017

Վերջնահաշվարկի հետ կապված

Անահիտ.

Բարև ձեզ, հարգելի հաշվապահներ, խնդրում եմ օգնել մի հարցում: Հարցս հետևյալն է՝ 1994-2017 թվականը աշխատել եմ համայնքապետարանում: 2017 թվականի հունվարից ազատվել եմ աշխատանքից: Աշխատանքային պայմանագիր գործատուի հետ կնքվել է 2006 թվականին: 1994 -2006 թվականները ամենամյա արձակուրդ չեմ գնացել և վերջնահաշվարկի ժամանակ տվել են վերջին 3 տարվա արձակուրդայինս, այժմ անցել է 6 ամիս, և ես ցանկանում եմ բողոքարկել մնացած արձակուրդայինիս համար: Խնդրում եմ ասել` իրավունք ունե՞մ բողոքարկելու և եթե այո` օրենքի ո՞ր կետով:Նշեմ նաև, որ ունեմ գործատուի հետ համաձայնագիր վերջնահաշիվս ստանալու պահին:

Aug 03 2017

Հարց աշխատանքային օրեսգրքից

Եթե աշխատողը մեկ անգամ ծանուցվելուց, բայց աշխատանքից չազատվելուց հետո համարվում է անորոշ ժամկետով պայմանագրով աշխատող, ո՞ր դեպքում գործատուն իրավունք ունի նրան ազատել աշխատանքից:

Jul 19 2017

Գործատուն իրավունք ունի՞ աշխատանքից հեռացնի առանց ծանուցում ուղարկելու

Lusine.

Բարև ձեզ:
Մի բան հարցնեմ` գործատուն իրավունք ունի՞ աշխատանքից հեռացնի առանց ծանուցում ուղարկելու:

Jun 23 2017

Արդյո՞ք կարգապահական խախտումը հիմք է աշխատանքից ազատման համար

Արմինե.

Արդյո՞ք կարգապահական խախտումը հիմք է աշխատանքից ազատման համար:

Jun 20 2017

Կարող է արդյոք պահանջել կատարելու վերջնահաշվարկ

Հարգելի հաշվապահներ.

Խնդրում եմ պատասխանել: Աշխատողը 3 տարի առաջ ներկայացրել է  աշխատանքից ազատվելու դիմում և ազատվել աշխատանքից, սակայն նախկին գործատուի կողմից աշխատավարձի վերջնահաշվարկ չի կատարվել: Կարող է հիմա պահանջ ներկայացնել վերջնահաշվարկ կատարելու: Աշխ. օր. 130 հոդվածի 1-ին մասի համաձայն՝

1. Աշխատանքային պայմանագիրը լուծվելու դեպքում գործատուն պարտավոր է աշխատողի հետ կատարել լրիվ վերջնահաշվարկ աշխատանքային պայմանագրի լուծման օրը, եթե սույն օրենսգրքով, օրենքով կամ գործատուի և աշխատողի համաձայնությամբ վերջնահաշվարկի այլ կարգ նախատեսված չէ:

2-րդ մասն ասում է.

2. Գործատուն վերջնահաշվարկի օրը պարտավոր է աշխատողին վճարել աշխատավարձը և դրան հավասարեցված այլ վճարումներ, իսկ եթե այդ պարտավորությունը գործատուից անկախ պատճառներով հնարավոր չէ կատարել, ապա աշխատողի աշխատավարձը և դրան հավասարեցված վճարումները կատարվում են աշխատողի կողմից նման պահանջ ներկայացնելուց հետո՝ հինգ աշխատանքային օրվա ընթացքում:

Շնորհակալություն:

Apr 18 2017

Ազատված աշխատողին չեն հանձնում իր աշխատանքային գրքույկը

Լիլու.

Բարև ձեզ: Ես ունեմ մի այսպիսի խնդիր: Ես ազատվել եմ աշխատանքից ինքնակամ և ուզում եմ իմ գրքույկը հետ վերցնեմ, սակայն չեն տալիս, մեղադրում են նրանում, ինչն ես չեմ արել, շանտաժի են ենթարկում ու չեն տալիս, մինչև չկատարեմ իրենց պահանջները: Խնդրում եմ օգնեք ինձ` ինչպե՞ս կարող եմ վերցնել ես իմ գրքույկը:

Mar 18 2017

Եթե աշխատողը աշխատանքից ազատվել է 2017թ.-ի հունվարի 1-ից հետո

Nara.

Հարգելի գործընկերներ,
եթե աշխատողը աշխատանքից ազատվել է 2017թ.-ի հունվարի 1-ից հետո, ապա նրա աշխատանքային գրքույկը լրացվու՞մ է նախկինում եղած պայմաններով (տարին, ամիսը, ամսաթիվը, ինչպես նաև աշխատողի պահանջով` աշխատանքային պայմանագրի լուծման հիմքը):

Feb 01 2017

Հրամանի օրինակ

Գրիշա Ս.

Բարև ձեզ: Խնդրում եմ, եթե հնարավոր է, ուղարկեք աշխատողին ՀՀ ԱՕ 112 հոդվածի համաձայն աշխատանքից ազատելու հրամանի օրինակը:

Jan 31 2017

Վերջնահաշվարկ

Գառնիկ Մ.

Բարև ձեզ, ես էսպիսի հարց ունեմ` կապված արձակուրդայինի հաշվարկի հետ, կոնկրետ իմ դեպքում` վերջնահաշվարկ: Եթե ենթադրենք իմ աշխատավարձը կազմում է 80 000 դրամ, + ամեն ամիս ստանում եմ KPI բոնուս 20 000-ի չափով, ունեմ արձակուրդային 60 օր, ինձ ինչքա՞ն գումար կվճարեն աշխատանքից դուրս գալու դեպքում, և ի՞նչ բանաձևով է հաշվարկվում դա: Շնորհակալություն:

Jan 30 2017

Ինչպե՞ս կատարել աշխատողի վերջնահաշվարկը

Սասուն.

Բարև ձեզ, խնդրում եմ օգնեք. ինչպե՞ս պետք է կատարեմ աշխատողի վերջնահաշվարկը, եթե 20 տարի արձակուրդ չի գնացել և ազատվել է աշխատանքից դիմումի հիման վրա, նա աշխատել է համայնքի ղեկավար: Ինձ իրավաբանը ասեց` պետք է հաշվարկը անեմ 2005 թվականից սկսած, քանի որ նոր աշխատանքային օրենսդրությունը ուժի մեջ է մտել 2005 թվականի հոկտեմբերի 22-ին:

Dec 30 2016

Ի՞նչ պետք է անի տնօրենը, եթե հիմնադիրները չեն ազատում աշխատանքից

Բարեվ ձեզ: Խնդրում եմ հուշել` ի՞նչ պետք է անի տնօրենը, եթե ՍՊԸ-ի մասնակիցներն իրեն չեն ազատում աշխատանքից իր դիմումի համաձայն: ՍՊԸ-ն ունի երկու մասնակից, տնօրենը նախկինում եղել է երրորդ մասնակիցը, ով իր մասնաբաժինը փոխանցել է ներկայից մասնակիցներից մեկին: Կանխավ շնորհակալ եմ:

Dec 21 2016

Կարո՞ղ է արդյոք աշխատակիցը ազատման դիմում ներկայացնել

Արշավիր.

Կարո՞ղ է արդյոք աշխատակիցը, գտնվելով հղիության արձակուրդում, ազատման դիմում ներկայացնել:
Շնորհակալություն:

Dec 09 2016

Աշխատանքային Օրենսգրքի 13 բաժնի, 1 կետի, 11 ենթակետի վերաբերյալ

Պողոսյան Թամարա.

Խնդրում եմ պատասխանեք` Աշխատանքային Օրենսգրքի 13 բաժնի, 1 կետի, 11 ենթակետի հիման վրա կարելի՞ է աշխատանքից ազատել կենսաթոշակային տարիքի պատրվագով:

Dec 05 2016

Վերջնահաշվարկը քիչ է հաշվարկվել

Ani.

Բարև ձեզ, հարգելի մասնագետներ, խնդրում եմ օգնեք, շտապ է պետք.
Հիմնարկի լուծարման արդյունքում կատարվել է վերջնահաշվարկ, բայց գումարը ըստ իս քիչ է հաշվարկված: Ի՞նչ տվյալներ տրամադրեմ, որ լիարժեք հաշվարկ արվի: Ասեմ, որ 16.07.2001 թվականին ընդունվել եմ աշխատանքի, այս նոյեմբեր ամսին եղել եմ արձակուրդում:

Nov 30 2016

Որքա՞ն ժամանակում կարելի է դիմել դատարան

Քնարիկ.

Բարև ձեզ, հարգելի մասնագետներ: Ես այսպիսի մի հարց ունեմ` աշխատողը սեփական դիմումի հիման վրա ազատվել է աշխատանքից, նրան մի քանի ամսվա աշխատավարձ չեն վճարել, ինչպես նաև վերջնահաշվարկ չեն կատարել: Խոսք են տվել, որ որոշակի ժամկետում կանեն, պատճառաբանել են, որ այդ պահին գումար չունեն: Հիմա հարցս հետևյալն է` աշխատանքային պայմանագիրը լուծվելուց հետո ու աշխատողի ազատման դիմումը ստորագրելուց հետո որքա՞ն ժամանակում կարող ենք դիմել դատարան:

Nov 21 2016

Վերջնահաշվարկ

Vergi.

Բարև ձեզ։ Խնդրում եմ օգնել վերջնահաշվարկ հաշվարկել։ Աշխատողը ընդունվել է աշխատանքի 01․03․2016թ․, մայիսի 16-31 եղել է իր հաշվին արձակուրդում, նոյեմբեր ամսին վերցրել է արաձակուրդ իր հաշվին և դեկտեմբերի 1-ից ցանկանում է դուրս գալ աշխատանքից։ Աշխատավարձը 250 000դր․ է, 5-օրյա աշխատանքային շաբաթ։ Կանխավ շնորհակալություն։

Oct 25 2016

Արդյո՞ք կարող են աշխատողին ազատել աշխատանքից

Satenik.

Բարև ձեզ: Մեկ հարց.
կարո՞ղ են ֆիզ. արձակուրդի կամ մինչև 2 տարեկան երեխայի խնամքի արձակուրդի մեջ գտնվող աշխատողին ազատել աշխատանքից:

Oct 15 2016

Արդյո՞ք տնօրենին անհրաժեշտ է ազատել աշխատանքից գործունեության դադարեցման ժամանակ

Արմեն.

Հաշվապահներ ջան, եթե կազմակերպությունը դադարեցնում է գործունեությունը անորոշ ժամկետով, արդյո՞ք տնօրենին անհրաժեշտ է ազատել աշխատանքից: Շնորհակալություն:

Oct 12 2016

Արդյո՞ք աշխատողին հասնում է արձակման նպաստ և վերջնահաշվարկ

Արմեն.

Բարև ձեզ: Խնդրում եմ օգնել:

Աշխատողն ընդունվել է աշխատանքի 2015 թ-ի մայիսի 6-ին և ազատվել է աշխատանքից 2016 թ-ի հոկտեմբերի 10-ին:
2016թ-ի օգոստոսի 1-ից մինչև 2016-թ-ի սեպտեմբերի 1-ը գտնվել է արձակուրդում 24 աշխատանքային օր, քանի որ աշխատողը համայնքային ծառայող է: 2016թ-ի ամսական հաշվարկային աշխատավարձը կազմել է 150 000 դրամ, իսկ 2005թ-ի ամսական հաշվարկային աշխատավարձը` 130 000 դրամ:

Աշխատողն ազատվել է աշխատանքից գործատուի նախաձեռնությամբ:

Ասացեք խնդրեմ` հասնու՞մ է արդյոք արձակման նպաստ և վերջնահաշվարկ, և եթե հասնում է` գրեք խնդրում եմ արձակման նպաստի հաշվարկը և վերջնահաշվարկը:

Կանխավ շնորհակալ եմ:

Oct 10 2016

Ինչպե՞ս է հաշվարկվելու միջին աշխատավարձը

ԱՆԻ.

Բարև ձեզ, սիրելի հաշվապահներ:
Խնդրում եմ պատասխանել իմ հարցին, կանխավ շնորհակալ եմ:
Եթե աշխատակիցին նույն աշխատավայրում տեղափոխում է այլ պաշտոնի, սակայն աշխատակիցը 2 ամիս աշխատելուց հետո, սեփական դիմումի հիման վրա դուրս է գալիս աշխատանքից, ապա վերջնահաշվարկը ինչպե՞ս է կատարվում, միջին աշխատավարձը ո՞ր ժամանակահատվածով է կատարվում:

Sep 30 2016

Վերջնահաշվարկի վճարման կարգ

Ruzanna.

Բարև ձեզ, կարո՞ղ եք ինձ ներկայացնել վերջնահաշվարկի վճարման կարգը: Աշխատողն ընդունվել է աշխատանքի 01.10.2010-ից և ազատվել 01.09.2016 ից:

Sep 14 2016

Համատեղությամբ աշխատավայրի գործատուն կարո՞ղ է աշխատողին տրամադրել տեղեկանք

Naira.

Համատեղությամբ աշխատավայրի գործատուն կարո՞ղ է աշխատողին տրամադրել տեղեկանք մինչև երկու տարեկան երեխայի խնամքի նպաստ ստանալու համար, եթե դեռևս վեց ամիս առաջ հիմնական աշխատավայրի գործատուն հղիության և ծննդաբերության արձակուրդի ավարտից հետո աշխատողին ազատել է աշխատանքից համաձայն ՀՀ ԱՕ 111 հոդվածի:
Եթե այո, ապա կա՞ անհրաժեշտություն մինչև տեղեկանքի տրամադրելը ընդունելու իրավական ակտ աշխատողի կարգավիճակը համատեղությունից` հիմնականի փոխելու համար:

Sep 07 2016

Աշխատողին վերջնահաշվարկ չեն վճարել

Լիլիթ.

Բարև ձեզ:
Սիրելի հաշվապահներ, խնդրում եմ պատասխանել իմ հարցին: Քաղաքացին 38 տարի աշխատել է և կենսաթաշակային տարքը լրանալու կապակցությամբ նրա հետ կնքված անժամկետ աշխատանքային պայմանագիրը լուծվել է: Ամսեկան մաքուր աշխատավարձը կազմել է 73 000 ՀՀ դրամ: Իր հետ վերջնահաշվարկ չեն կատարել, արձակման նպաստ չեն տրամադրել՝ պատճառաբանելով, որ 6 տարի առաջ ինքը օրենքով սահմանված ժամկետից ավել է գտնվել արձակուրդում: Արդյո՞ք ճիշտ են պատասխանե՞լ:

Sep 06 2016

Աշխատողը ազատվում է հիմնական գործատուի մոտից

Armen.

Բարև ձեզ, խնդրում եմ ասեք՝ հիմնական գործատուից ազատվելու դեպքում պե՞տք է ներկայացնեմ տեղեկանք, որպեսզի նշվի համատեղությամբ աշխատանքը, և դա ինչ որ առավելություն ունի՞ ստաժի համար:

Եվ 2013-ից և աշխատել և սովորել եմ առկա համակարգում, գործատուն, ինչպե՞ս պետք է նշի աշխատանքային գրքույկիս մեջ:

Aug 31 2016

Արդյո՞ք կարելի է աշխատողին ազատել աշխատանքից

Սիրանուշ.

Բարև ձեզ, հարգելի հաշվապահներ: Խնդրում եմ պատասխանեք. եթե աշխատողը աշխատում է ինձ մոտ համատեղությամբ և 01.08.2016թ գնացել է ֆիզ. արձակուրդ, կարո՞ղ եմ ես իրեն ազատել աշխատանքից համաձայն իր դիմումի:
Կանխավ շնորհակալություն:

Aug 25 2016

Ինչպե՞ս կատարել վերջնահաշվարկը

Ani.

Խնդրում եմ օգնեք վերջնահաշվարկի հարցում:
Աշխատողը աշխատանքի է ընդունվել 01.07.2015թ-ից, ազատման հրամանը տրվելու է 01.09.2016թ.-ին, աշխատավարձը կազմում է 77 751 դրամ, 6-օրյա աշխատանքային շաբաթ: Արձակուրդը չի օգտագործել: Ինչպե՞ս կատարեմ վերջնահաշվարկը:

Aug 15 2016

Արդյո՞ք աշխատակցին հասնում է վերջնահաշվարկ

Հերմինե.

Աշխատակիցն ընդունվել է աշխատանքի 1989թ-ի օգոստոսի 31-ին: Յուրաքանչուր տարի օգտվել է հասանելիք արձակուրդից: Այս տարի նույնպես արձակուրդի է գնացել հուլիս ամսվան: Չունի հուլիսի աշխատած օրեր: Օգոստոսի 1-ից իր դիմումի համաձայն ազատվել է աշխատանքից:

Հարց. Արդյո՞ք աշխատակցին հասնում է վերջնահաշվարկ: Երկար տարիներ աշխատանքային ստաժի համար ևս հասնու՞մ է արդյոք լրացուցիչ գումար:

Aug 15 2016

Արդյո՞ք աշխատողը ունի չօգտագործված արձակուրդի օրեր

liana.

Խնդրում եմ պարզաբանել` ես 2013թ. սեպտեմբերի 2-ից աշխատում եմ դպրոցում ուսուցչուհի, 5 օրյա աշխատանքային ռեժիմով: Տարվա համար հասնում է 35 օր: Ազատվում եմ աշխատանքից 19.08.2016թ: Օգտագործել եմ այդ տարիների արձակուրդը 2013-2014 ուս. տարվա համար՝ 35օր, 2014-2015՝ 35օր և 2015-2016՝ 35օր: Արդյո՞ք ունեմ արձակուրդի օրեր:

Aug 09 2016

Աշխատանքից ազատման հրամանի օրինակ

Խնդրում եմ ինձ ուղարկել աշխատանքից ազատման հրամանի օրինակ:

Aug 02 2016

Գործատուի հրամանով աշխատողին ազատել են աշխատանքից

Լաերտ.

Գործատուի հրամանով աշխատողին ազատել են աշխատանքից, դա ինքնաբերաբար հանգեցնու՞մ է արդյոք պայմանագիրը լուծելուն:

Jul 12 2016

Աշխատանքային պայմանագրի լուծման վերաբերյալ ծանուցագիր

Հերմինե.

Խնդրում եմ ուղարկել աշխատողին աշխատանքային պայմանագրի լուծման վերաբերյալ ծանուցագրի ձև:

Jul 06 2016

Աշխատակիցը չի ներկայանում աշխատանքի

Լենա.

Խնդրում եմ ինձ օգնել հետևյալ հարցում, նախապես շնորհակալություն: Կազմակերպությունը ընդունել է վարորդ, մեկ տարի աշխատելուց հետո մեքենա չլինելու պատճառով երեք ամիս է չի ներկայանում աշխատանքի: Ո՞ր հոդվածով իրավունք ունենք ազատել աշխատանքից:

Jun 20 2016

Համատեղությամբ աշխատողին արդյո՞ք հասնում է ամենամյա արձակուրդ

Հարգելիներս օգնեք խնդրում եմ

Ես աշխատում եմ երկու ՊՈԱԿ-ներում համատեղությամբ: Պարտադի՞ր է արդյոք ամենամյա արձակուրդի ժամանակ ոչ հիմնական աշխատավայրից ինձ վերջնահաշվարկով հեռացնել, սեպտեմբերին կրկին ընդունել: Արդյո՞ք ինձ չի հասնում արձակուրդ:

Կանխավ շնորհակալություն:

May 20 2016

Վերջնահաշվարկ

Անահիտ.

Բարև ձեզ, օգնեք հաշվել վերջնահաշվակը, եթե աշխատակիցը ընդունվել է աշխատանքի 01.12.2015թ, ազատվել է աշխատանքից 01.04.2016թ, յուրաքանչյուր ամիս ստացել է 90 000 դր: Աշխատանքային շաբաթը 5 օրյա է:

May 16 2016

Տարիքային կենսաթոշակի իրավունք ունեցող աշխատողների՝ աշխատանքից ազատում

Մանե.

Բարև ձեզ, խնդրում եմ հնարավորինս շուտ պատասխանել հետևյալ հարցին.
Մեր ընկերությունում կան տարիքային կենսաթոշակի իրավունք ունեցող աշխատողներ, որոնց հետ կնքվել են աշխատանքային պայմանագրեր անորոշ ժամկետով: Հարցս հետյալն է. ՀՀ ԱՕ 113հ. 1-ին մասի 11-րդ կետն է. “11) տարիքային կենսաթոշակի իրավունք ունեցող աշխատողի վաթսուներեք տարին, իսկ տարիքային կենսաթոշակի իրավունք չունեցող աշխատողի վաթսունհինգ տարին լրանալու դեպքում, եթե համապատասխան հիմքը նախատեսված է աշխատանքային պայմանագրով: ( փոփոխված է 22.06.2015թ.)”
Ի՞նչ է նշանակում. “… եթե համապատասխան հիմքը նախատեսված է աշխատանքային պայմանագրով”: Եթե նշված չէ, ինչպե՞ս կարող ենք ազատել աշխատանքից տարիքային կենսաթոշակի իրավունք ունեցող աշխատողների:
Կանխավ շնորհակալ եմ:

May 06 2016

Արդյո՞ք կվճարվի վերջնահաշվարկ

Elena.

Բարև ձեզ: Հարցս այսպիսին է: Ես գնացել եմ կրկնակի դեկրետ և փաստացի 4 տարի տանն եմ եղել: Ինձ երկրորդ դեկրետի գումարն էլ է վճարվել: Արդյո՞ք ես ազատման դիմում գրելուց հետո կունենամ վերջնահաշվարկի գումար: Շնորհակալություն:

Apr 29 2016

Արդյո՞ք կատարվելու է վերջնահաշվարկ

Mariana.

Բարև ձեզ: Եթե աշխատողը ընդունվել է աշխատանքի և 1 օրից ազատվել է, նրա հետ վերջնահաշվարկ կատարելու՞ ենք, թե՞ ոչ, և եթե այո՝ ինչպե՞ս: Կանխավ շնորհակալություն:

Apr 11 2016

Որքա՞ն կկազմի վերջնահաշվարկը

Խնդրում եմ օգնել ինձ հաշվել իմ վերջնահաշվարկը: Աշխատանքի եմ ընդունվել 2015 թվականի հունիսի 23-ին, ազատվել 2016 թվականի մարտի 30-ին, այդ պահին ունեի օրենքով արձակուրդ 30 աշխատանքային օր, դրույքաչափը 187 000 է, 5-օրյա աշխատանքային շաբաթ: Արձակուրդ չեմ ցնացել այդ ընթացքում: Որքա՞ն վերջնահաշվարկ պետք է ստանամ:

Apr 09 2016

Ֆիզ. արձակուրդից աշխատանքի վերադառնալու կարգը

Լիկա.

Բարև ձեզ, խնդրում եմ օգնեք, գտնվում եմ ֆիզ. արձակուրդում, բալիկս 2 տարեկան է, ուզում եմ վերադառնալ աշխատանքի, բայց գործատուն մերժում է հետ ընդունել և ասում է, որ լավության կարգով քեզ կտեղավորենք մեր լիազորությունների շրջանակներում այլ աշխատանքի: Աշխատանքս պետ. հիմնարկում է, հիմա խնդրում եմ ասեք, իրավունք ունե՞ն ինձ տեղափոխել այլ աշխատանքի: Իսկ եթե այո, ես իրավունք ունե՞մ չհամաձայնվելու: Աշխատավարձի չափը պարտավո՞ր են պահպանել նոր աշխատավայրում: Եվ վերջին հարցս` եթե իրավունքներս պաշտպանելով վերադառնամ իմ աշխատանքին, իրավունք ունե՞ն մինչև երեխայիս 3 տարեկանը լրանալը ինչ-որ պատճառով ինձ հեռացնեն աշխատանքից: Նախապես շնորհակալ եմ, ինձ շատ կօգնեք, եթե հարցերս իրենց պատասխանը կգնեն:

Feb 03 2016

Կազմակերպության գործունեությունը ժամանակավոր դադարեցնելու ժամանակ

Քնարիկ.

Հարգելի հաշվապահներ, խնդրում եմ օգնեք. կազմակերպության գործունեությունը ժամանակավոր դադարեցնելու ժամանակ տնօրենին ազատու՞մ են:

Dec 14 2015

Արդյո՞ք կատարվելու է վերջնահաշվարկ

gayane.

Բարև ձեզ: Խնդրում եմ պատասխանել հետևյալ հարցին:
Աշխատողը իր հերթական ամենամյա արձակուրդից օտվելուց հետո, աշատելով 15 օր, գնացել է իր հաշվին արձակուրդ 60 օր ժամկետով, ապա ազատվել աշխատանքից` դիմումի համաձայն: Այդ դեպքում աշխատողին վերջնահաշվարկ հասնու՞մ է, թե՞ ոչ: Շնորհալալություն:

Older posts «