Tag Archive: Ա/Ձ

Oct 09 2018

ԱՁ-ի ռեկվիզիտները հայերենից ռուսերեն թարգմանելիս

Մանվել.

ԱՁ-ի ռեկվիզիտները հայերենից ռուսերեն թարգմանելիս գևորգյան ազգանունի մեջ երկրորդ “գ” տառը գրվում է “կ” տառով, ինչպե՞ս վարվել:

Aug 31 2018

Օրավարձով տրամադրվող առանձնատան համար

Yerevan Hotel.

Բարև ձեզ, օրավարձով տրամադրվող առանձնատան համար կարո՞ղ եմ գրանցվել ԱՁ և որպես ընտանեկան ձենարկատիրություն լինել: Ի՞նչ հարկեր եմ վճարելու:

Aug 30 2018

Ա/Ձ-ով տուրիստական գործունեություն ծավալելիս

Գոհար.

Հարգելի մասնագետներ, խնդրում եմ հուշել` Ա/Ձ-ով տուրիստական գործունեություն ծավալելիս օտարեկրյա տուր օպերատորների հետ պայմանագրեր կնքելիս որպես պայմանագիր կնքող կողմ նշում եմ ընտրված տուրիստական գործակալության անունը, թե՞ Ա/Ձ ի անունը: Շնորհակալ եմ:

Aug 21 2018

Արդյոք կարող է ՍՊԸ տնօրենը գրանցվել որպես ԱՁ

Անի.

Խնդրում եմ ուղղորդել ինձ հետևյալ հարցում` ես ՍՊԸ-ի տնօրեն եմ, կարո՞ղ եմ արդյոք գրանցվել նաև որպես ԱՁ:

Aug 20 2018

Ինչպե՞ս է հարկվելու լեզուների կենտրոնը

Անի Գ.

Բարև ձեզ, հարգելի հաշվապահներ: Խնդրում եմ օգնել ինձ հետևյալ հարցում: Ունեմ ԱՁ, ցանկանում եմ բացել լեզուների կենտրոն: Ինչպե՞ս է հարկվելու կենտրոնը և ինչպե՞ս է ցույց տալու իր եկամուտը, պե՞տք է ինձ արդյոք ՀԴՄ: Կանխավ շնորհակալ եմ:

Aug 15 2018

Արդյո՞ք պետք է գրանցվել որպես ԱՁ

Նարե Ա.

Բարև ձեզ, խնդրեմ մի հարցում կօգնեք ինձ: Եթե ես շատ քիչ ծավալով չիր եմ պատրաստում և վաճառում, արդյո՞ք դրա համար պետք է Ա/Ձ բացեմ:

Aug 08 2018

Լեզուների կենտրոն բացելու համար

Անի Գ.

Բարև ձեզ, հարգելի հաշվապահներ: Խնդրում եմ օգնել ինձ հետևյալ հարցում: Ունեմ ԱՁ, ցանկանում եմ բացել լեզուների կենտրոն: Ինչպե՞ս է հարկվելու կենտրոնը և ինչպե՞ս է ցույց տալու իր եկամուտը, պե՞տք է ինձ արդյոք ՀԴՄ: Կանխավ շնորհակալ եմ:

Aug 01 2018

Արդյո՞ք անձը կարող է մասնակցել շինարարական մրցույթներում որպես ԱՁ

Արա.

Բարև ձեզ, ես Արան եմ, խնդրում եմ պատասխանեք` կարո՞ղ եմ ԱՁ-ով մասնակցել պետական շինարարական մրցույթներում (դպրոց, բուժկետ, և այլ մանր օբեկտների):

Jul 31 2018

Անհատ ձեռնարկատերը ցանկանում է լուծարվել

Նանե.

Բարև ձեզ, անհատ ձեռնարկատերը ցանկանում է լուծարվել, սակայն ունի փաստաթղթերով ձեռք բերած ապրանքներ, այդ դեպքում կարո՞ղ է լուծարվել, թե՞ պետք է ամբողջը վաճառի, նոր: Եվ արդյո՞ք լուծարման դեպքում հարկային մարմինները պարտադիր ստուգումներ են իրականացնում ԱՁ մոտ, թե՞ ոչ: Նախապես շնորհակալություն:

Jul 31 2018

ԱՁ-ն շարունակու՞մ է աշխատել շրջանառության հարկով

Նաիրա Չ.

ԱՁ-ն աշխատում է շրջհարկով, և կատարում իր հարկային պարտավորությունները, մայիս ամսին նոր համատեղ գործունեության պայմանագրով կնքել է պայմանագիր, որը չի գերազանցում 10 000 000 դրամը: ԱՁ-ն շարունակու՞մ է աշխատել շրջհարկով, եթե ոչ, ի՞նչ պետք է անել:

Jul 26 2018

Ո՞ր հարկատեսակով է հարկվում գործունեությունը

Մարիամ.

Հարգելի կոլեգաներ, խնդրում եմ ուղղորդել: ԱՁ-ն ավտոապակիների մգեցման գործունեություն է իրականացնելու, ո՞ր հարկատեսակով է հարկվում այս գործունեությունը:

Jul 24 2018

ԱՁ-ն զբաղվելու է հանրային սննդի գործունեությամբ

Անահիտ Մ.

Բարև ձեզ: Մի հարց ունեմ, կարո՞ղ եք օգնել: ԱՁ-ն զբաղվելու է հանրային սննդի գործունեությամբ, կարո՞ղ եք հուշել` ի՞նչ թույլտվություններ պետք է ստանա, և ի՞նչ հաստատություններում գրանցվի: Շնորհակալ եմ նախօրոք:

Jul 23 2018

ԱՁ չի ներկայացրել շրջանառության հարկ վճարող համարվելու դիմում

emi.

Խնդրում եմ պատասխանել. ԱՁ-ն հունիսին տեղեկացել է, որ չի ներկայացրել շրջանառության հարկով աշխատելու դիմում, և համարվել ենք ԱԱՀ վճարող, գործարքներ դեռ չկան: Ի՞նչ ուղղումներ պետք է տրվի հաշվետվությունների և վճարումների, տարեկան և ամսեկան, ի՞նչ տուգանքներ կան:

Jul 23 2018

ԱՁ կնքել է վարձակալության պայմանագիր

Gayane.

Ողջույն, ես ունեմ ԱՁ, որը զբաղվում է ընտանեկան ձեռնարկատիրությամբ` խմորեղենի արտադրությամբ։ Մինչև այժմ ներկայացրել եմ միայն տարեկան հաշվետվություններ, հարկ չեմ վճարել։ Գրանցված աշխատողներ չունեմ։

Այժմ վարձակալում եմ տարածք, որի վարձակալության գնի 10%-ը պետք է վճարեմ որպես եկամտահարկ։

Հարց 1․ ավելանու՞մ են արդյոք ամսական հաշվետվություններ տարածքի հետ կապված։ Եթե այո, էլեկտրոնային հաշվետվությունների ո՞ր բաժնում պետք է դա լրացվի։

Հարց 2․ Ո՞ր հաշվին եմ վճարում վարձակալության եկամտային հարկը։

Շնորհակալ եմ։

Jul 17 2018

Հնարավո՞ր է կատարել ԱՁ անվանափոխություն

Հովսեփ.

Բարև ձեզ: Հնարավո՞ր է կատարել ԱՁ անվանափոխություն, և եթե այո, ի՞նչ է հարկավոր դրա համար:

Jul 16 2018

Ինչպե՞ս պետք է գրանցվել որպես ԱՁ

Արտակ Փ.

Բարև ձեզ: Ցանկանում եմ գրանցվել որպես ԱՁ: Ինչպե՞ս պետք է դա իրականացնել:

Jul 16 2018

Օրենքի փոփոխությունից հետո պարտադիր կենսաթոշակային ֆոնդ ինչքա՞ն գումար պետք է վճարել

Ալինա Ռ.

Բարև ձեզ: 4 տարի առաջ, եթե հիշողությունս չի դավաճանում, դիմում եմ գրել պարտադիր կուտակայինից հրաժարվելու համար: Այժմ ունեմ ԱՁ, բացի ինձանից այլ աշխատող չունեմ և վճարում եմ կենսաթոշակային 5 000 դրամ: Ցանկանում եմ իմանալ` այժմ օրենքի փոփոխությունից հետո պարտադիր կենսաթոշակային ֆոնդ ինչքա՞ն գումար պետք է վճարեմ: Նախապես շնորհակալ եմ հարցին պատասխանելու համար:

Jul 11 2018

Ի՞նչ է անհրաժեշտ ԱՁ բացելու համար

Տիգրանուհի.

Հարգելի հաշվապահներ, խնդրում եմ ինձ հուշել` ի՞նչ է անհրաժեշտ ԱՁ բացելու համար: Եվ սկզբնական շրջանում ինչի՞ վրա է պետք մեծ ուշադրությունը դարձնել` խնդիրներից խուսափելու համար:

Jul 02 2018

Ի՞նչ հարկային պարտավորություններ են առաջանում

Անմոռուկ.

Բարև ձեզ: Ա/Ձ-ն, որը շրջանառության հարկ վճարող է, իրականացնում է գործունեության տարբեր տեսակներ: 2018թ-ի երկրորդ եռամսյակում դուրս է գրել ապրանքների և արտադրանքների մատակարարման հաշվարկային փաստաթուղթ` ծառերի, թփերի, տնկիների: Ո՞վ կարող է ինձ հուշել` այդ հաշվարկային փաստաթղթի մասով ինչպիսի՞ հարկ պետք է հաշվարկեմ` 0% որպես գյուղատնետասական արտադրանք, 3.5% որպես արտադրություն, թե՞ 5% որպես ապրանքի վաճառք` առանց ձեռքբերման նվազեցման: Հստակ հիմնավորված` օրենքի հղումներով տեղեկություններ տրամադրելու համար շատ շնորհակալ կլինեմ:

Jun 30 2018

ԱՁ բացելու համար որքա՞ն գումար է հարկավոր

Սարգիս Դ.

Բարև ձեզ, կասե՞ք խնդրեմ` ԱՁ բացելու համար որքա՞ն գումար է հարկավոր:

Jun 25 2018

Գեղեցկության սրահ բացելու համար

Լուսինե.

Բարև ձեզ: Մի հարց ունեմ. ուզում եմ ԱՁ բացեմ և գեղեցկության սրահ բացեմ: Հարկը ինչպե՞ս պետք է վճարեմ` տարածքի քառ. մետրով, թե՞ ՀԴՄ հսկիչ սարք են տալիս եկամտի տոկոսով:

Jun 23 2018

Անձը անշարժ գույքի գործակալ է

DA VO.

Բարև ձեզ: Ես անշարժ գույքի անհատ գործակալ եմ, արդյոք պետք է հարկեր վճարեմ և գրանցվեմ որպես ԱՁ:

Jun 21 2018

Անձը մշակում է սեփական ֆերմայի կաթը

Արամ.

Խնդրում եմ նշեք, եթե կան, ԱՁ-ի հարկային պարտավորությունները, եթե մշակում եմ իմ ֆերմայի կաթը:

Jun 19 2018

Արդյո՞ք ԱՁ պետք է վճարի եկամտային հարկի կանխավճար

Ա.

Բարև ձեզ:
ԱՁ-ն 2018թ-ի հունվարին ներկայացրել էր հարկային դադարեցման դիմում, իսկ հունիսին վերականգնման դիմում: Արդյո՞ք ԱՁ-ն պիտի վճարի երկրորդ եռամսյակի եկամտային հարկի կանխավճար ամբողջ եռամսյակի համար, որի ընթացքում նա չի աշխատել, թե՞ մենակ հունիս ամսվա կտրվածքով հաշվարկված: Շնորհակալություն:

Jun 16 2018

Ի՞նչ հարկային արտոնություններ կան հաշմանդամների համար

Հասմիկ.

Բարև ձեզ:
Խնդրում եմ ասեք` հաշմանդամություն ունեցող և հաշմանդամ երեխա ունեցող ա/ձ-ը հարկային ի՞նչ արտոնություններ կարող է ունենալ:

Jun 10 2018

Անձը ցանկանում է զբաղվել առցանց առևտրով

Գայանե.

Բարև ձեզ,
Ես 4 օր առաջ գրանցվել եմ որպես Ա/Ձ, և արդեն գրանցվել եմ taxservice.am-ում, ունեմ password/login: Սակայն ես դեռ չեմ կողմնորոշվում, թե ինչ հարկային հայտարարություն պետք է ներկայացնեմ: Պատրաստում եմ բնական կոսմետիկ քսուքներ և օճառներ, մոտ օրերս կունենամ փորձաքննության արդյունքները: Նախնական շրջանում իմ արտադրանքի վաճառքը ես մտադիր եմ իրականցնել առցանց խանութի և 1-2 գեղեցկության սրահ հանձնելու եղանակով, քանզի դեռ սեփականի մասին մտածելու համար բավարար ֆին. միջոցներ չունեմ: Խնդրում եմ ինձ օգնեք հասկանալու, որ եղանակն է ինձ համար ամենից օպտիմալը, որ ՀԴՄ չպահանջվի: Արդյո՞ք ընտանեկան ձեռնարկատիրության դաշտ մտնելը ինձ չի արգելի օնլայն վաճառք ունենալ, գեղեցկության սրահներ կամ խանութ հանձնելուց ես ՀԴՄ պե՞տք է տամ, թե՞ ոչ:

Jun 08 2018

Սնունդ առաքելու համար

Անահիտ Ս.

Բարև ձեզ: Չ՞եք ասի` սնունդ առաքելու համար ինչպե՞ս պետք է ԱՁ բացեմ և ի՞նչ հարկեր պետք է մուծեմ:

Jun 01 2018

ԱՁ ցանկանում է նաև այլ ծառայություններ մատուցել

Գորիկ Ա.

Բարև ձեզ: Ես որպես ԱՁ եմ գրանցվել անշարժ գույքի վարձակալություն իրականացնելու նպատակով: Հիմա ուզում եմ նաև ծառայություն մատուցել, որպես ԱՁ, կարո՞ղ եմ ավելացնել գործունեության ոլորտի մեջ ծառայության մատուցումը ու քանի՞ տոկոս հարկ պետք է վճարեմ:

May 29 2018

Ա/Ձ -ն 2017 թ-ին աշխատել է շրջանառության և արտոնագրային հարկով

Kara.

Բարև ձեզ, հաշվապահներ։ Խնդրում եմ պատասխանեք` եթե Ա/Ձ -ն 2017 թ-ին աշխատել է շրջանառության և արտոնագրային հարկով, 2017-թ համար պարզեցված հաշվարկ տարեկան եկամուտների մասին պե՞տք է ներկայացներ, թե՞ ոչ։ Եթե այո, ապա խնդրում եմ ասեք հաշվետվությունների ձևերի տողը 118՞-ն է։ Այն գրված է, որ ուժի մեջ է մինչև 2017թ․դեկտեմբերի 31-ը։ Ճիշտ կլինի՞, եթե հիմա ներկայացնեմ։
Կանխավ շնորհակալ եմ։

May 24 2018

Արձակուրդում գտնվող անձը ցանկանում է գրանցվել որպես ԱՁ

Կարինե Հ.

Բարև ձեզ: Ես գտնվում եմ ֆիզ. արձակուրդում: Եթե գրանցվեմ որպես ԱՁ, արդյո՞ք արձակուրդս կընդհատվի:

Apr 29 2018

ԱՁ եկամտային հարկի վերաբերյալ

Գագիկ.

Բարև ձեզ, հարգելի հաշվապահներ: Ես ցանկանում եմ մի շատ կարևոր հարցի մասին հարցնել, որը եկող տարվա սկզբին լուրջ խնդիր է առաջացնելու: Բանն այն է, որ հիմա չկա 5 000 դրամ Ա/Ձ վճարումները, և Ա/Ձ ները եկամտային հարկը վճարելու են տարեկան եկամտային հաշվարկը ներկայացնելուց հետո, իսկ դուք մտածե՞լ եք հաշվել, արտոնագրով կամ շրջ. հարկով աշխատող Ա/Ձ ները, աշխատող չունեն կամ քիչ աշխատողներ ունեն, ինչպե՞ս են նվազեցումներ անելու: Դուրս է գալիս, որ նախկին 60 000 դրամի փոխարեն վճարելու ենք մի քանի անգամ շատ: Ես խնդրում եմ ձեզ ուշադիր ուսումնասիրել այս հարցը և խորհուրդներ տալ: Նախապես շնորհակալություն:

Feb 15 2018

ԱՁ վաճառում է զեղչի կտրոններ

Karen.

Հարգելի հաշվապահներ, խնդրում եմ ասեք` որպես ԱՁ, զեղչի կտրոնների վաճառքի դեպքում (առաքում կամ էլեկտրոնային), ի՞նչ ձևով է իրականացվելու հարկերի մուծումը` առաքման գրքով, շրջանառության հարկով, թե այլ ձևով:

Feb 08 2018

Ի՞նչ հարկատեսակներ են նախատեսված

Ռիմա.

Բարև ձեզ, ես պատրաստում եմ տարոսիկներ և հարսանեկան այլ պարագաներ, ցանկանում եմ հիմնել ԱՁ, նաև վարձու աշխատող եմ, կհուշեք` սկսնակ բիզնեսի համար նման գործունեության համար ի՞նչ հարկատեսակներ են նախատեսված: Եվ արդյոք ԱՁ ունենալը կազդի վարձու աշխատող լինելու առավելությունների վրա:

Jan 18 2018

Կոմիսիայի պայմանագրի վերաբերյալ

Varduhi.

Կարո՞ղ եք ասել` արդյո՞ք շրջանառության հարկով աշխատող Ա/Ձ-ն կարող է առք ու վաճառքով զբաղվել կոմիսիայի պայմանագրով` ԱԱՀ-ով աշխատող ՍՊԸ-ի հետ: Նախապես շնորհակալություն:

Jan 16 2018

Ապրանքների ներմուծում ինտերնետ-խանութի միջոցով

amalia.

Բարև ձեզ, խնդրում եմ օգնել ինձ:
Ցանկանում եմ Հայաստան ներմուծել որոշ ապրանքներ ԱԼԻԲԱԲԱ կայքից: Ունեմ մի քանի հարց.

1. Մեծաքանակ պատվերներ տալու և դրանք հետո վերավաճառելու համառ համար անհրաժե՞շտ է բացել ԱՁ
2. Ինչպե՞ս հաշվարկեմ, թե որքան մաքս պետք է վճարեմ ապրանքի համար
3. Եվ կա՞ մարդ, որը տեղյակ է կայքից և կայքի ապահովությունից
Նախապես շնորհակալություն:

Jan 15 2018

ԱՁ-ն ստացել է անշարժ գույք անհատույց օգտագործման իրավունքով

Davit Navasardyan.

Հարգելի հաշվապահներ,
Ա/Ձ-ն, որն աշխատել է ԱԱՀ-ով, 2017 թվականի նոյեմբերին ԱՆՀԱՏՈՒՅՑ ՕԳՏԱԳՈՐԾՄԱՆ ԻՐԱՎՈՒՆՔՈՎ ստացել է անշարժ գույք (նպատակային նշանակությունը` բնակավայր, հողատեսքը` հասարակական կաուցապատման) և գրասենյակային պարագաներ: 2018 թվականից աշխատելու է շրջանառության հարկով:
1. Արդյո՞ք պետք է և ինչպե՞ս պետք է հարկվեմ
2. Խնդրում եմ նշել համապատասխան օրենքները

Jan 15 2018

Կարո՞ղ է անհատ ձեռներեց փաստաբանը նաև վարձու աշխատող լինել

emi.

Կարո՞ղ է անհատ ձեռներեց փաստաբանը նաև վարձու աշխատող լինել, այդ դեպքում ի՞նչ հարկեր է վճարում, ամսական, տարեկան` հաշվի առնելով նաև, որ նա վճարում է նաև կուտակային 5% – ը:

Շնորհակալություն:

Jan 08 2018

ԱՁ դիմումն ուշ ներկայացնելու պատճառով համարվել է ԱԱՀ վճարող

Հասմիկ.

ԱՁ-ն գործունեության դադարեցման դիմում է ներկայացրել 2017թ. մարտի 30-ից: Մինչ այդ այն աշխատել է շրջանառության հարկով, սակայն դիմումն ուշ ներկայացնելու պատճառով ավտոմատ կերպով դարձել է ԱԱՀ վճարող: Հարցս հետևյալն է` ի՞նչ տարեկան հաշվետվություն պետք է ներկայացրել:

Jan 08 2018

Լուծարվող ԱՁ-ն պետք է ներկայացնի տարեկան հաշվետվություն

Pash.

Բարև ձեզ: Այս տարվա դեկտեմբերին ԱՁ-ն լուծարվել է: Հարկային տեսչությունում լուծարումից անմիջապես հետո ասացին, որպեսզի մինչև հունվարի 1-ը տարեկան հաշվետվություն ուղարկվի, որպեսզի խնդիրներ չառաջանան: Բայց հաշվետվությունների համակարգը թույլ չի տալիս այն ուղարկել, որովհետև ժամանակը դեռ չի ավարտվել, ոչ եռամսյակայինը և ոչ էլ տարեկանը: Ի՞նչ գործողություն ես պետք է կատարեմ, որպեսզի խուսափեմ խնդիրներից և տուգանքներից: ԱՁ-ն հարկվում էր շրջանառության հարկով:

Կանխավ շնորհակալություն:

Nov 20 2017

Արդյո՞ք ԱՁ-ները հաշվարկելու են շահութահարկ

Արմեն.

Հարգելի գործընկերներ, Հարկային Օրենսգիրքը ուսումնասիրելուց հարց առաջացավ` արդյո՞ք ԱՁ-ները այլևս տարեկան եկամտային հարկ չեն հաշվարկելու, այլ հաշվարկելու են շահութահարկ:

Nov 20 2017

Արդյո՞ք ԱՁ-ն չի օգտվում մայրության նպաստից

Armine.

Եթե անհատ ձեռներեցը սոց. վճար կատարող չէ, ապա չի՞ օգտվում մայրության նպաստից:

Oct 28 2017

Ա/Ձ ցանկանում է աշխատել ՏՏ ոլորտում

Հարութ.

Ա/Ձ պետք է գրանցվի, որը պետք է աշխատի IT ոլորտում: Կասե՞ք` ի՞նչ հարկեր է տալու, և անհրաժե՞շտ է արդյոք նրան ՀԴՄ: Կանխավ շնորհակալություն:

Oct 24 2017

Առցանց առևտուր իրականացնելու համար

Արթուր.

Բարև ձեզ:
Ես կցանկանայի իմանալ` օնլայն մանրածախ առևուր իրականցնելիս Ա/Ձ-ով ՀԴՄ պե՞տք է ունենալ, և ի՞նչ հարկատեսակով եմ հարկվելու:

Շնորհակալություն:

Oct 17 2017

ԱՁ-ն իր գործունեությունն իրականացնում է հանրային սննդի ոլորտում

Անժելա.

Հարգելի մասնագետներ,

ԱՁ-ն իր գործունեությունն իրականացնում է հանրային սննդի ոլորտում: Սննդի առաքմամբ չի զբաղվում: Իրացումը կազմակերպվում է տեղում (ինքնասպասարկում): Միաժամանակ ջուր, սառը ըմպելիք արտադրող ընկերություններից ստացված ջրեղենի և սոկեղենի վաճառքը (որն ըստ էության նույնպես տեղում է իրացվում) դիտարկվում է որպես մանրածախ առևտուր և հարկվում է շրջանառության հարկով:
Հարց 1. Արդյո՞ք ճիշտ է ջրեղենի վաճառքը համարել շրջ. հարկով հարկվող գործարք (կարծիք կա, որ դա նույնպես պետք է դիտարկվեր որպես արտոնագրային վճարով գործունեություն):
Հարց 2. Շուկայից ձեռք բերումները, որոնք հիմանվորված չեն փաստաթղթերով, այս դեպքում պե՞տք է 11% եկամտային հարկով հարկվեն:

Sep 21 2017

Եթե Ա/Ձ-ն իր հաշվեհամարից գումար կանխիկացնի

Արայիկ.

Եթե Ա/Ձ-ն իր հաշվեհամարից գումար կանխիկացնի, արդյո՞ք դա կարող է պատասխանատվություն առաջացնել:

Sep 21 2017

Ի՞նչ հարկային պարտավորություններ են առաջանում ընտանեկան ձեռնարկատիրության դեպքում

araycho.

Բարև ձեզ, ունեմ Ա/Ձ` գրանցված որպես ընտանեկան ձեռնարկություն: Ի՞նչ պարտադիր հարկեր կամ վճարներ պետք է անեմ, եթե չեմ գերազանցում տարեկան 18 միլիոն դրամ շրջանառությունը:

Sep 21 2017

Ի՞նչ արտոնություններ կան դերձակների, ժամագործների, կրկնուսույցների համար

Արամ.

Ես ցանկանում եմ բացել Ա/Ձ, ես դերձակ եմ, կարո՞ղ եք ասել` ինչպիսի հարկեր պետք է մուծեմ: Քանի որ լսել եմ` կա օրենք այս տարվանից դերձակներին, ժամագործներին, կրկնուսույցներին չհարկելու մասին տարեկան մինչև 9 միլիոն եկամտի դեպքում: Նախապես շնորհակալ եմ:

Sep 11 2017

Մայրության նպաստի ստացում ԱՁ-ի կողմից

Հրաչյա.

Բարև ձեզ, մի հարց. կնոջս անունով ԱՁ ունենք, և ինքը հղի է, խնդրում եմ ասեք` հնարավո՞ր է արդյոք դեկրետային գումար ստանանք, եթե այո` ասեք ինչպես:

Aug 17 2017

Անձը իր այգում մոշ է աճեցնում

Arman.

Բարև ձեզ, ես իմ այգում (300 քառ․ մ․) մոշ եմ աճեցնում, մյուս տարի արդեն բերք կհավաքեմ: Բերքը վաճառելու համար պե՞տք է գրանցվեմ որպես Ա/Ձ և ի՞նչ հարկ պետք է մուծեմ:

Aug 14 2017

Ա/Ձ-ն նաև գրանցված աշխատող է

Zara Sargsyan.

Բարև ձեզ:

Եթե Ա/Ձ-ն նաև գրանցված աշխատող է, արդյո՞ք նա կստանա ծննդաբերության նպաստ թե՛ որպես Ա/Ձ և թե՛ աշխատավայրից։

Շնորհակալություն:

Older posts «

Loading...