Tag: առաքման գիրք

Կազմակերպությունը զբաղվում է գյուղմթերքների մեծածախ վաճառքով

Gorge.

Հարգելի կոլեգաներ, խնդրում եմ պատասխանել մի ասպիսի հարցի: Կազմակերպությունը զբաղվում է գյուղմթերքների մեծածախ վաճառքով: Առավոտյան ՍՊԸ գործակալը պահեստից ստանում է ապրանքը և առաքում (տանում) խանութներին բաժանելու: Ստացված ապրանքը նշվում է (գրանցվում է) առաքման գրքում, սակայն լինում է այնպես, որ ամբողջ տարված ապրանքը չի իրացվում (վաճառվում), և առաքիչը տարած ապրանքի մի մասը հետ է վերադարձնում պահեստ: Քանի որ պահեստ հետ վերադարձված ապրանքը այլևս վաճառքի պիտանի չէ (թարմ չէ), դա մեզ համար վնաս է ստացվում, որը մենք մեր շահույթների հաշվին տեղավորում ենք, սակայն այն պետք է ինչ որ ձևով պակասեցվի առաքման գրքում նախապես նշված թվից, թե չէ կստացվի, որ համ այդ քանակով տուժում ենք, համ էլ պետք է դրա համար դեռ հարկեր մուծենք: Խնդրում եմ օգնել, հուշել, թե ինչ եղանակով կարելի է դա օրենքի սահմաններում ձևակերպել: Շնորհակալություն:

Առաքման գրքում սխալ թույլ տալու դեպքում

Լուսինե.

Հարգելի կոլեգաներ, առաքման գրքում տողերի սխալ եմ թույլ տվել, հին օրենքով տողի վրա գիծ էր քաշվում և ստորագրվում, նորով չգիտեմ, խնդրում եմ օգնել:

Պահեստ ունենալու հետ կապված

Ֆլորա.

Հարգելի հաշվապահներ, փորձում եմ օրինական և գրագետ աշխատել, արդյո՞ք Ա/Ձ-ն պարտավոր է հասույթի և առաքման գրքեր վարել, եթե արտադրության շենքին կից ունենք միայն գրասենյակ, պահեստ չունենք, չնայած պահեստի ստեղծման խնդիր էլ չունենք: Եվ այս դեպքում առաջնայի՞ն է պահեստի ստեղծումը:

Ո՞ր գրքերն են պարտադիր

Մկրտչյան.

Հաշվապահական հաշվառման ո՞ր գրքերն են պարտադիր: Նախապես շնորհակալություն:

Ապրանքի առաքում ԼՂՀ

Լուսինե.

Բարև Ձեզ, հարգելի հաշվապահներ, ասացեք խնդրեմ, կազմակերպությունը մթերային ապրանքներ է արտադրում և առաքում ՀՀ տարածքում, առաքման գիրք վարում ենք, արդյո՞ք կարող ենք նույն կերպ առաքել նաև ԼՂՀ տարածք (ասեմ, որ կազմակերպությունը ԱԱՀ չվճարող է) նույն Հ/Ֆ-ով, թե՞ դրա համար որևէ փոփոխություններ պետք է կատարվեն: Խնդրում եմ, եթե հնարավոր է, թող պատասխանեն փորձառու հաշվապահները, որոնք հնարավոր է առընչվել են այսպիսի դեպքի հետ: Կանխավ շնորհակալություն:

Գյուղմթերքների մեծածախ առևտուր

Gorge.

Բարև Ձեզ: Խնդրում եմ պատասխանել:
Նպատակ ունենք գյուղմթերքների մեծածախ առևտուր սկսել` սկզբնական շրջանում մեծածախ շուկայից, իսկ հետո նաև անմիջապես գյուղացիական տնտեսություններից գնել մթերքը և իրացման նպատակով առաքել խանութներ: Ցանկանում ենք մի քանի հարցեր պարզել` կապված հարկման մեխանիզմների և չափերի հետ: Ձեռք բերման փաստաթուղթ չունենք, քանի որ ապրանքը ձեռք ենք բերում մեծածախ (Մալաթիայի) շուկայից: Ինչպիսի՞ փաստաթղթաբանություն պետք է վարվի այս դեպքում: Արդյո՞ք այդ պարագայում պետք է ՀԴՄ կիրառվի և եթե այո, ապա ի՞նչ եղանակով և ինչպե՞ս: Եթե պետք է ՀԴՄ կիրառվի, արդյո՞ք պետք է նաև առաքման գիրք վարվի և ի՞նչ եղանակով պետք է այն լրացվի: Ինչպե՞ս է հարկվելու տվյալ գործունեությունը: Ընդհանրապես ՀԴՄ վրա տպված գումարի ո՞ր մասն է (քանի տոկոսը) վճարվում որպես հարկ: Կանխավ շնորհակալություն:

Ի պահ տրված ապրանք

Մհեր.

Աշխատել ենք վարձակալած տարածքում, վարձակալության ժամկետը լրանալուց հետո ապրանքը թողել ենք ի պահ տվյալ տարածքի սեփականատիրոջ մոտ մինչև նոր տարածք գտնելը, բայց քանի որ ապրանքը տարածքից դուրս չէր եկել, առաքման գրքում չենք լրացրել ի պահի թողնելը: Արդյո՞ք դա համարվում է խախտում հանրահայտ 314-315 հոդվածներով, եթե ԱԱՀ-ի հաշվետվությունը ներկայացված է:

Առաքման գրքի վերաբերյալ

Արթուր.

Խնդրում եմ շտապ պատասխանել` եթե ՓՄՁ-ն բանկային փոխանցումով ապրանք է վաճառում, առաքման գիրք չունի, պետք է անպայման ունենա՞, որ գրանցի, թե՞ ոչ:

Առաքման գրքում հաշիվների գրանցման վերաբերյալ

Արթուր.

Խնդրում եմ պատասխանել հարցիս: Ես հաշիվներս դուրս եմ գրում բացառապես էլեկտրոնային, բայց ունեմ նաև ազատված շրջանառություն, որի համար դուրս եմ գրում սովորական հաշիվ` առանց ԱԱՀ-ի` համապատասխան օրենքի: Առաքումների գրքում պե՞տք է գրանցեմ բոլորը, թե՞ միայն սովորական հաշիվները:

Արդյո՞ք անհրաժեշտ է առաքման գիրք վարել

Անուշ.

Եթե Ա/Ձ – ն ունի 2 խանութ և խանութների միջև կատարում է ապրանքային տեղափոխություն, առաքման գիրք պե՞տք է վարել, թե՞ ոչ: Ի դեպ, 2 խանութում էլ ունի հդմ:

Առաքման գրքի վարում

Արմինե.

Հարգելի հաշվապահներ,
արդյո՞ք պատրադիր է շինարարական ծառայություններ մատուցող կազմակերպության թղթային եղանակով դուրս գրված հաշիվները գրանցել առաքումների գրքում:
Կանխավ շնորհակալություն:

Արդյո՞ք պետք է վարել առաքման գիրք

Վահան Գրիգորյան.

Կազմակերպությունը ԱԱՀ վճարող չի հանդիսանում: Ունի հացի արտադրություն և մանրածախ առևտրի գործունեություն: Առաքման գիրք վարել պե՞տք է, թե՞ ոչ:

Հարկային հաշիվների` առաքման գրքում գրանցում

Andranik.

Համաձայն ՀՀ կառավարության 30 դեկտեմբեր 2010թ. թիվ 1770-Ն որոշման 1. կետի 2) ա. ենթակետի, այն է` և նույն որոշման 1. կետի 2) բ ենթակետի այն է` էլեկտրոնային հարկային հաշիվները առաքման գրքում չեն գրանցվում:
Հարց` ընկերությունը ունի էլեկտրոնային եղանակով դուրս գրված հարկային հաշիվներով առաքում և միաժամանակ թղթային եղանակով դուրս գրված հարկային հաշիվներով առաքում, արդյո՞ք ընկերությունը էլեկտրոնային եղանակով դուրս գրված հարկային հաշիվներով առաքումը գրանցվում է տեղափոխվող և առաքվող ապրանքների գրանցման գրքում:

Անհրաժեշտություն կա՞ արդյոք առաքման գիրք վարելու

Աննա.

Հարգելի հաշվապահներ, խնդրում եմ պատասխանեք:
ՓՄՁ-ի տնօրենը ունի սեփական ավտոտնակ, որը կիսով չափ ծառայում է որպես այլ հասցեում գտնվող խանութի պահեստ: Անհրաժեշտություն կա՞ արդյոք և ճի՞շտ է վարել առաքման գիրք:

Առաքման գրքի հետ կապված

Ա..

ՍՊԸ-ն զբաղվում է շին. նյութերի մատակարարումով (տենդեր, ոչ թե շին. աշխատանք, ալյ մատակարարում): ԱԱՀ վճարող եմ, ունեմ առաքման գիրք Ք.Երևան M13 հասցեում: Խնդրում եմ ասեք, Ք.Արարատի կամ Ք.Հրազդանից գնված ցեմենտը պե՞տք է ետ բերեմ, M13 հասցե գրքում գրանցեմ ու հետո մատակարարեմ Ք.Կապան ու Ք.Ստեփանավան: Ի վերջո Ք.Իջևանից գնված ավազը Ք.Նոյեմբերյան մատակարարելու համար ե՞տ բերեմ, M13 հասցեի գրքում գրանցեմ ու հետո մատակարարեմ: 28-ով պրոբլեմ կա:

Ի՞նչ տուգանք է նախատեսված

Էդգար.

Հարգելի գործընկերներ,
ի՞ նչ տուգանք է նախատեսված առաքման գիրքը առաքման վայրում չպահելու համար:

Կազմակերպությունը չի համարվում ԱԱՀ վճարող

Hasmik.

Բարև ձեզ, խնդրում եմ ասացեք` կազմակերպությունը չի համարվում ԱԱՀ վճարող, ունի արտադրություն, արտադրանքը առաքվում է միայն իր սեփական խանութը, որտեղից իրականացվում է բացառապես մանրածախ առևտուր, նա արդյոք պետք է վարի առաքման գիրք: Շնորհակալություն:

Կազմակերպությունը զբաղվում է մանրամեծածախ առևտրով

Sofia.

Բարև Ձեզ, հարգելի կոլեգաներ:
Խնդրում եմ օգնել մի հարցում, կազմակերպությունը զբաղվում է մանրամեծածախ առևտրով, վերջերս գրանցել եմ ՀԴՄ, իրականացրել եմ ապրանքների վաճառք, գրել եմ Հ/Ա, գրանցել առաքման գրքում, վճարումը կանխիկ է կատարվել, գրել եմ դրամարկղի մուտքի օրդեր, արդյոք ճիշտ եմ արել պետք է ԴՄՕ գրեի, թե ՀԴՄ-ով խփեի:
Կանխավ Շնորհակալություն:

Կազմակերպությունը պահեստ է վարձակալում

Susanna.

Կազմակերպությունը պահեստ է վարձակալում նույն վարձատուի մոտ, նույն հասցեով – 2 սենյակ` իրար հետ առնչվող: Վարում ենք 1 առաքման գիրք: Արդեն 3 անգամ ՀՏ այցելում է և սպառնում է, որ ակտ կգրի, քանի որ 2 սենյակ է, ուրեմն պետք է լինի 2 առաքման գիրք: Սպառնում է, բայց չի գրում, քանի որ հիմքերը թույլ են, որովհետև, մենք օգտագործում ենք 1 ելքի դուռ` սենյակները հաջորդական են /smejni/: Խնդրում եմ խորհուդ տալ, թե ինչքանով է իրավացի ՀՏ-ն:

Վաճառվել են սարքավորումներ

Arpin.

Բարև ձեզ, հարգելի հաշվապահներ, եթե կարող եք օգնեք:
Ֆիզ անձին վաճառել եմ մոտ 3 մլն.դրամի սարքավորումներ:
Ի՞նչ փաստաթղթեր պետք է լրացվեն, որպեսզի հարկային տեսակետից ֆիզ. անձը խնդիր չունենա: Ինչպես նաև մեր կազմ-նը:
Աշխատում ենք ԱԱՀ-ով, առանց ՀԴՄ-ի: Գրել եմ հ/ա, լրացրել եմ առաքման գրքում:
Կանխավ շնորհակալություն:

314 որոշում

Անի.

Առաքման գիրք ունենալու համար ի՞նչ է պետք անել: Եվ ինչպե՞ս գտնեմ 314 որոշումը:

Առաքման գրքի հետ կապված

Աշխեն.

Բարև ձեզ: Ես մի հարց ունեմ առաքման գրքի լրացման հետ կապված. ես լսել եմ գործող հաշվապահներից, որ առաքման գրքի ամեն նոր էջի հետ պետք է տողերի համարակալումը նորից սկսել: Արդյոք որտեղ է ամրագրված, որ առաքման գրքի յուրաքանչյուր էջում տողերը պետք է համարակալվեն սկսած մեկից: Նախօրոք շնորհակալություն եմ հայտնում:

Ամսագրերի վաճառք

Ադրիանա.

Բարև ձեզ: Կարող եք օգնել, կազմակերպությունը զբաղվելու է ամսագրերի վաճառքով, ինչպես պետք է լինի հաշվապահական հաշվառումը և պետք է արդյոք առաքման գիրք, թե ՀԴՄ: Լույս է տեսնելու ամիսը 1 անգամ և վաճառվելու է կազմակերպություններին:

Ա/Ձ-ն աշխատել է պարզեցված ընթացակարգով

Սուսաննա ք. Աբովյան.

Ողջույն բոլոր հաշվապահներին!
Ունեմ այսպիսի հարց,խնդրում եմ օգնեք , ԱՁ,որը աշխատել է ՓՄՁ -ի պարզեցված ընթացակարգով, այս տարվա հուլիսից, իր դիմումի համաձայն աշխատելու է ԱԱՀ-ով: Ստացել է հասույթի և առաքումների գիրք , հաստատված հարկայինի կողմից:
Ի դեպ ԱՁ-ն իրականացնում է ներմուծում,այս դեպքում, հասույթի գրքում պետք է լրացվի ԱԱՀ-ի ժամանակաշրջանում ստացված ապրանքները, թե նաև նախորդ ժամանակաշրջաններում ստացված ապրանքները: Այստեղ հաշվապահություն չի վարվել, այժմ ես փորձում եմ ետ գնալով , ինչ-որ կերպ ստանամ գոնե ապրանքային մնացորդը, որը չգիտեմ հասույթի գրքում լրացնեմ ,թե ոչ, խնդրում եմ,եթե կարող եք օգնեք:
Նախապես շնորհակալ եմ:

ԱԱՀ վճարող համարվող Ա/Ձ

Meri.

Ողջույն ,բոլորին,
Ունեմ այսպիսի հարց, ԱԱՀ-ով աշխատող Ա/Ձ-ը, որը իրականացնում է ներմուծում , ծավալում է առևտրային գործունեություն, ունի երկու աշխատող, դրամարկային գիրք պարտադիր է, որ ունենա, ավելացնեմ նաև, որ հասույթի և առաքումերի գիրք ունի, հաստատված հարկայինի կողմից:

Քանի՞ առաքման գիրք է հարկավոր

Հասմիկ.

Բարև Ձեզ.Կխնդրեի պատասխանել հետևյալ հարցին.
Ընկերությունը իր կողմից արտադրած արտադրանքը պահեստից իրեն պատկանող 2 ավտոմեքենաներով առաքում է տարբեր խանութներ.տվյալ դեպքում քանի առաքման գիրք պետք է լինի (պահեստի համար առանձին, մեքենաների համար առանձին, թե մեկ առաքման գիրք, քանի որ նույն հասցեից են մեքենաները ապրանքը առաքում):
Կանխավ շնորհակալություն:

Ա/Ձ-ն զբաղվում է երկաթյա իրերի արտադրությամբ

Սիլվա.

Ողջույն հետաքրքիր մարդկանց թիմին: Առաջին անգամ եմ շփվում ձեզ հետ և մեծ բավականություն ստանում բոլորիցդ:Պատասխանեք խնդրեմ իմ այս հարցին: Ա/Ձ-ն զբաղվում է երկաթյա իրերի արտադրությամբ(վանդակաճաղեր,դռներ,բազրիքներ և այլն): Քանի որ վաճառքի սրահ չունի ՏՀՏ-ն ՀԴՄ-ի իրավունք չտվեց: Ունի առաքվող, տեղափոխվող ապրանքների գրանցման գիրք:Ա/Ձ-ն գործարք չի կատարում կազմակերպությունների հետ,նրան գործով դիմում են ֆիզիկական անձինք:Ա/Ձ-ն ստիպված բանկում հաշվեհամար է բացել և ֆիզիկական անձից վերցնելով աշխատանքի դիմաց վճարված գումարը փոխանցում է կատարում իր հաշվե համարին:Ասացեք խնդրեմ ճիշտ է արդյոք նման ձևով աշխատելը և ինչ կարգով պետք է վարել գիրքը եթե ֆիզիկական անձը շատ դեպքերում անձնագիր չի տրամադրում:Կանխավ շնորհակալ եմ:

Ստուգման վերաբերյալ

Արմեն.

Հարգելի գործընկերներ,
ՊԵԿ Օպերատիվ բաժինը` մեր հայտնի օպերները 🙂 հանձնարարական են բացել մեզ քաջ հայտնի 28 կոչված հոդվածով: Առանց արձանագրության առգրավել են առաքումների գիրքը, չեն տվել հանձնարարականի պատճեն, դե խախտել են ստուգումների վերաբերյալ օրենքի 7,8 հոդվածի մի շարք կետեր, հիմա էլ մի շարք այլ փաստաթղթեր են պահանջում, ինչպես այդ խելոքներին ստիպենք մի քիչ օրենքի շրջանակներում գործեն?

Ընկերությունը զբաղվում է արտահանմամբ

Արմեն.

Բարև բոլորին: Ընկերությունը զբաղվում է նաև արտահանմամբ: Արդյոք արտահանված ապրանքի համար առաքման գրքում դիտվում է որպես տեղափոխում և տեղափոխման վայրի հասցեն գրվում է Մաքսատան կամ Մաքսային կետի հասցեն: Ընդ որում տեղափոխման ժամանակ որևէ տրանսպորտային կազմկերպ-ից կամ սեփական տրանս. միջ. չեն օգտվել այդ դեպքում ապրանքն ուղեկցողի սյունակը դատարկ պետք է լինի ինչես ես հասկանում եմ, և ընդհանրապես տեղափոխման վայրը սյունակում հարկ է նշել հասցեն? Եթե առաքումը կատարվել է առձեռն….և ևս մեկ հարց առաքման ժամը պարտադիր է նշել: Նախապես շատ,շատ,շատ շնորհակալ եմ:

Կնիքի վերաբերյալ

Հասմիկ Ոսկանյան.

Բարև Ձեզ: Մի քանի հարց:
1. Ինչով է զիջում շտամպ ասվածը կնիքին: Կարող եմ արդյոք ինձ ներկայացված հ/ապրանքագրի 2-րդ օրինակի վրա ոչ թե կնիք, այլ շտամպ դնել?
2. Պատահաբար պատռվել է առաքման գրքից 2 էջ, այդ էջերը լրացված են: Սոսնձով երևի թե հնարավոր է կպցնել:Հնարավոր է ՍՊԸ – ն ենթարկվի ինչ-որ պատասխանատվության?

Ապրանքների ցուցադրում

Ելենա.

2 կազմակերպություն ուզում են համագործակցել եւ միմյանց խանութներում ապրանքներ ցուցադրեն:
Ինչպե՞ս դա կազմակերպել:
1. Կնքվում է ցուցադրման պայմանագիր: Հանձնողը դուրս է գրում «հանձնման ընդունման ակտ», որը գրանցում է առաքման գրքում:
2.Ընդունողը այդ ապրանքը տեղադրում է ցուցադրման (ոչ վաճառքի) եւ հասույթի գրքում գրանցու՞մ է թե ոչ:
3.Ընդունողի մոտ այդ ապրանքի գնորդ է հայտնվում: Հանձնողը այդ ապրանքերի վաճառք է ձեւակերպու, գրում է հ/ֆ գրքում՞ որը գրանցվում է առաքման գրքում: Իկս ինչպես է ետվերադարձ կատարում այդ ապրանքի, որպեսզի կարողանա վաճառել այն ընդունող խանութին?
4.Այդ Հ/Ֆ Ընդունող խանութը գրանցում է իր հասույթի գրքում եւ վաճառում է:
5.Իսկ եթե գնորդ չի հայտնվել եւ ապրանքը ետ է վերադարձվում Հանձնող խանութին: Նա ինչպե՞ս է դա ետ ընդունում, ի՞նչ հիմնավորող փաստաթղթերով, եւ ինչ-որ տեղ գրանցվու՞մ է դա արդյոք:
Շատ շնորակալ կլինեմ պատասխանի եւ օգնության համար: Ով առնչվել է այդպիսի գործարքների հետ կխնդրեմ հնարավորության դեպքում նշել էլ. փոստը ավելի մանրամասներ ճշտելու համար:

Հիմնական միջոցը ի պահ է տրվել

Հասմիկ.

Խնդրում եմ պատասխանել հետևյալ հարցիս.
Կազմակերպությունը չունի գործունեության հասցե և դեռևս ոչ մի կոնկրետ գործունեություն չի ծավալում: Սակայն ունի հիմնական միջոց որը տրվել է ի պահ. արդյոք պարտադիր է ունենալ առաքվող և տեղափոխվող ապրանքների գիրք և գրանցել այն այդ գրքում:

Խանութի հասցեի փոփոխման հետ կապված

Աննա.

Խնդրում եմ պատասխանել հետևալ հարցիս. խանութի հասցեի փոփոխման հետ կապված գրվում է տեղափոխվող ապրանքների ելքի ապրանքագիր, լրացվում է առաքման գրքում: Նոր հասցեով հասույթի գրքում պե՞ տք է լրացվեն տեղափոխված ապրանքները, թե ոչ:
Նախապես շնորհակալություն:

Ծառայություններ մատուցող նորաբաց ՍՊԸ

Դավիթ.

Հարգելի բարեկամներ, կարող եք ասել, թե ծառայություններ մատուցող նորաբաց ՍՊԸ-ի համար որ փաստաթղթերն ու հաշվետվություններն են պարտադիր: Գիտեմ, որ պարտադիր է դրամարկղի գիրքը, իսկ մյուսների մասին չգիտեմ: Լսել եմ, որ հասույթի և առաքման գրքեր պետք չեն ծառայություն մատուցողին: Իսկ լրացվող մատյանները պարտադիր են, թե դրանք զուտ ներքին օգտագործման համար են:

Արդյո՞ք հասնում է տուգանք

Տաթև.

Արդյոք հասնում է տուգանք, առաքման գրքում, հ/ֆ հաջորդ որը լրացնելու դեպքում:

Տեղափոխման բեռնագիր

Ելենա.

Ողջույն բոլորին…
Հարց ունեմ կապված ռուսերեն ասած «на реализацию» տեղափոխման հետ: Փորձում եմ իմ աշխատանքում կիրառել վաճառքի համար մի շատ մեր կազմակերպության համար կարեւոր ձեւ:
Ունեմ X քանակի ապրանք: Ուզում եմ տեղափոխել Ա խանութ ցուցադրման, հետեւաբար գրում էմ տեղափոխման ամփոփագիր նշելով գրքի համարն ու տողը եւ գրանցում եմ «ԱՌԱՔՄԱՆ»գրքում (ԻՆՉ ԳԻՆ ՊԵՏՔ Է ՆՇԵՄ ԳՐՔՈՒՄ???): Ապրանքից վաճառվեց Y հատ: «Հասույթի» գրքում մուտք եմ Ա խանութից «տեղափոխման բեռնագրով» ետ ընդունած անում X-Y չվաճառվող քանակը, ԻՍԿ ԻՆՉ ԳՆՈՎ ՉԳԻՏԵՄ ԻՆՁ ԵՏ ՊԵՏՔ Է ՎԵՐԱԴԱՐՁՆԵՆ: 2 բեռնագրերով առաջացած տարբերությունով՝ Y հատ ապրանքի համար գրում եմ Հ/Ա ու արդեն չեմ գրանցում գրքում:
Խնդրում եմ օգնեք հասկանալ գործընթացս ճիշտ է այդպես օրենքով: Եվ որտեղ ընդհանրապես կարելի է կարդալ այս ձեւի մասին????
Շնորակալ կլինեմ արձագանքների համա….

Արդյո՞ք հասնում է տուգանք…

NN.

Ի՞նչ չափի եվ արդյոք հասնում է տուգանք առաքվող, տեղափոխվող ապրանքների գրանցմատյանում ջնջում կատարելու համար: Նախօրոք շնորհակալություն:

Կազմակերպությունը զբաղվում է մանրածախ առևտրով…

Արսեն.

Կազմակերպությունը զբաղվում է մանրածախ առևտրով, բայց նաև հաշիվ-ապրանքագիր ենք դուրս գրում, պարտադիր պետք է առաքման գիրք լրացնե՞նք: Շնորհակալ եմ պատասխանի համար:

Առաքման և հասույթի գրքերի վարման հետ կապված.

MisterA.

  1. Եթե պարզեցված ընթացակարգով հարկվող իրավաբանական անձը զբաղվում է մեծածախ առևտրով,ապա առաքման գիրք վարում է, իսկ հասույթի գիրք` ոչ:
  2. Եթե պարզեցված ընթացակարգով հարկվող իրավաբանական անձը զբաղվում է մանրածախ առևտրով (ունի ՀԴՄ), ապա առաքման և հասույթի գրքեր չի վարում:
  3. Եթե պարզեցված ընթացակարգով հարկվող իրավաբանական անձը զբաղվում է և´ մանրածախ, և´ մեծածախ առևտրով (ունի ՀԴՄ), ապա Կարդալ ավելին “Առաքման և հասույթի գրքերի վարման հետ կապված.”