Tag Archive: արձակուրդ

May 29 2013

Արդյո՞ք կվճարվի արձակուրդային

galya.

Բարև Ձեզ: Խնդրում եմ պատասխանել հետևյալ հարցին. ուսուցիչը 2012թ. հուլիսի 01-ից օգտվել է իր հերթական ամենամյա արձակուրդից: 2013թ մարտի 04-ից գտնվում է ֆիզ. արզակուրդի մեջ, որը լրանալուց հետո գտնվելու է փոքր երեխայի խնամքի արձակուրդի մեջ: Ոսուցչի մինչև ֆիզ. արձակուրդ մեկնելը աշխատած 6 ամիսների համար արձակուրդային վճար հաշվարկվելու-վճարվելու՞ է, թե՞ ոչ: Կանխավ շնորհակալություն:

May 21 2013

Գործատուն չի տրամադրում արձակուրդ 5 օրից ավել

Լինա.

Բարև Ձեզ, խնդրում եմ ինձ օգնել: Ես աշխատում եմ բանկում, օրենսդրությամբ սահմանված ես չեմ կարող 10 օրից պակաս արձակուրդ վերցնել, սակայն գործատուն ինձ 5 օրից ավել արձակուրդ չի տրամադրում` պատճառաբանելով, որ փոխարինող չկա: Ինչպե՞ս վարվել:

Մի հարց էլ` աշխատողի աշխատավարձը կախված է գործատուի եկամուտից, և եթե գործատուն ուղարկում է 160 կմ հեռու սեմինարի, պարտավո՞ր է աշխատողին վճարել: Կանխավ շնորհակալ եմ:

May 20 2013

Ինչպե՞ս հաշվարկել 2013թ. արձակուրդայինը

Թաթուլ.

Աշխատողի 2012թ. աշխատավարձը կազմել է 60 000 դրամ, 2013թ.` 73 585 դրամ: Աշխատանքային շաբաթը 5 օր է, 2012 թ-ին գնացել է արձակուրդ` մայիսին: Ինչպե՞ս հաշվարկել 2013թ. արձակուրդայինը, եթե նա ցանկանում է հունիսի 1-ին մեկնել արձակուրդ:

May 13 2013

Նպաստի հաշվարկ

Ժենյա.

Բարև Ձեզ: Ես 2011թ. վերադարձել եմ ֆիզ. արձակուրդից և 2011թ. սեպտեմբերի 3-ից անցել եմ աշխատանքի, իսկ հիմա նորից սպասում եմ երկրորդ երեխային և ս. թ. ապրիլի 10-ից գտնվում եմ ֆիզ. արձակուրդում: Խնդրում եմ ինձ ասեք, թե ինչքան է կազմում ինձ տրամադրված 140 օրվա նպաստը, եթե փաստացի աշխատավարձս կազմում է 109.000 դրամ: Նախապես շնորհակալություն:

May 12 2013

Որքա՞ն կկազմի վերջնահաշվարկի գումարը

Հայարփի.

Բարև Ձեզ. Խնդրում եմ ինձ օգնեք: Աշխատանքի անցել եմ 05.03.2011թ-ին: Արձակուրդում եմ եղել 08.09.12-16.09.12, աշխատանքից ազատման դիմում եմ գրելու 15.05.13-ին: Ինչքա՞ն կկազմի վերջնահաշվարկը: Աշխատավարձը 100 000 դրամ է: Եթե հնարավոր է` հասկանալի ձևով ներկայացրեք:

Նախապես շնորհակալություն:

May 07 2013

Հնարավո՞ր է արդյոք, որ հղին չստանա նպաստի գումարը

Անի.

Հնարավո՞ր է արդյոք, որ հղին չստանա ֆիզի գումարը, եթե նա մինչև սահմանված օրը աշխատել է, իսկ իր արձակուրդի անցնելուց հետո հաստիքը կրճատվել է, նա ներկայացրել է անհրաժեշտ փաստաթուղթը բուժհաստատությունից:

May 02 2013

Ինչպե՞ս է կատարվում արձակուրդայինի հաշվարկը

Գոհար Վարդանյան.

Հարգելի գործընկերներ,
խնդրում եմ ինձ օգնել արձակուրդայինի հաշվարկի հարցում:
Աշխատողի ամսական աշխատավարձը կազմում է 126 000 դրամ: Նա օգտվում է իր հերթական 2013 թվականի արձակուրդից, 01.04.2013 թվականից, 20 աշխատանքային և 4 լրացուցիչ օր տևողությամբ: Ինչպե՞ս է կատարվում արձակուրդայինի հաշվարկը հնգօրյա աշխատանքային շաբաթվա դեպքում:

Նախապես շնորհակալություն:
Արմավիրի մարզի Նոր Արտագերսի գյուղապետարանի գլխավոր մասնագետ
Գոհար Վարդանյան

Apr 24 2013

2013թ. հունվարի 11-ի թիվ 1 պարզաբանում

astxik.

Բարև ձեզ, հարգելի կադրերի աշխատակիցներ և հաշվապահներ: Հաշվետվություններում ինչպե՞ս ենք ներկայացնում արձակուրդային հաշվարկները:

Ինձ թյուրիմացության մեջ է գցել պ-ն Գ.Խաչատրյանի 2013թ. հունվարի 11-ի թիվ 1 պարզաբանումը.

2012թ. արձակուրդայինը ներկայացնել 2012թ. 4 եռ. հաշվետվությամբ, իսկ 2013 այս տարվա հաշվետվությամբ: Ի՞նչ եք կարծում` սա ինչպե՞ս կարելի է բացատրել (աշխատողին ապրիլին տալիս եմ արձակուրդ 2012-2013թթ համար):

Apr 17 2013

Միջին աշխատավարձի հաշվարկ

astxik.

Հարգելի հաշվապահներ, ինձ հուզում է այսպիսի մի հարց` խոսքս միջին աշխատավարձի մասին է: Աշխատողին արձակուրդ եմ տրամադրում 2012-2013թթ համար ապրիլի 8-ից 15 աշխատանքային օրվա հաշվարկով, տվյալ աշխատողը աշխատանքի է ընդունվել 2012թ. հուլիսի 13-ին, ամսական ԱՎՈՒՄ-ը 2012-ին եղել է 60 000, իսկ 2013թ-ի հունվարից` 75 000: Խնդրում եմ հաշվարկել, կանխավ շնորհակալություն:

Apr 11 2013

Հերթական արձակուրդ տրամադրելու վերաբերյալ

Գայանե.

Հարգելի գործընկերներ, արդյո՞ք ճիշտ է, որ եթե նոր աշխատող է ընդունվում, ապա 6 ամիս անց պարտադիր պետք է գնա հերթական արձակուրդ, թե՞ պարզապես 6 ամիս հետո նոր միայն կարող է հերթական արձակուրդից օգտվել, թեկուզ աշխատանքային 9-րդ ամսում:

Apr 06 2013

Արդյո՞ք հասնում է հերթական արձակուրդ

Ֆիրա.

Հարգելի հաշվապահներ, ես աշխատում եմ որպես ուսուցչուհի դպրոցում 2006 թվականից: 19.11.2012 գնացել եմ ֆիզ արձակուրդ, որն ավարտվում է 08.04.2013: Տնօրենն ինձ համոզում է, որ ինձ չի հասնում իմ հերթական 2012-2013 ուս. տարվա արձակուրդը: Ես ուզում եմ իմանալ` հասնու՞մ է արդյոք ինձ իմ հերթական արձակուրդը, եթե այո, ապա քանի՞ օր, եթե ոչ, ապա կպահպանվի՞ այն արդյոք աշխատանքի դուրս գալուց հետո: Դպրոցի հիմնական աշխատողն եմ: Կանխավ շնորհակալություն:

Apr 03 2013

Աշխատողը գնացել է հղիության և ծննդաբերության արձակուրդ

Galya.

Աշխատողը 04.03.2013թ-ին գնացել է հղիության և ծննդաբերության արձակուրդ: Հունվար և փետրվար ամիսների համար փոխանցվել է սոց. փաթեթի գումար 22000 դրամ: Մարտ ամսվանից սոց. փաթեթի գումարի փոխանցումը պե՞տք է դադարեցվի:

Mar 30 2013

Եկամտային հարկի հաշվարկի լրացման վերաբերյալ

Մարինե.

Բարև ձեզ: Հարցս վերաբերում է եկամտային հարկի հաշվետվությանը: Ես աշխատում եմ համայնքին ենթակա հաստատություններից մեկում: Աշխատողներից մեկը դեկտեմբեր ամսից երեխայի ֆիզի բյուլետենի մեջ է մինչև մայիսի 5-ը: Եկամտային հաշվետվության մեջ ես իրեն ներկայացրել եմ որպես չվճարվող աշխատավարձ հունվար և փետրվար ամիսներին: Խնդրում եմ ասեք ինձ` արդյո՞ք ճիշտ եմ արել, եթե ոչ, ապա ինչպե՞ս պետք էր ձևակերպել իրեն:

Mar 29 2013

Որքա՞ն կկազմի աշխատողի վերջնահաշվարկը

Նարինե.

Բարև Ձեզ: Մի հարց ունեմ, ու կխնդրեի պատասխանել դրան: Աշխատողը, որն ընդունվել է աշխատանքի 01.07.2012թ., 5-օրյա աշխատանքային շաբաթով, իր աշխատանքի 8-րդ ամսում` 18.02.2013թ., գնում է ամենամյա արձակուրդի ամբողջությամբ` 20 օր տևողությամբ մինչև 19.03.2013թ.-ը: Նրան վճարվել է մաքուր 35.511 դրամ արձակուրդային (կեղտոտով 46.972 դրամ): Այնուհետև 20.03.2013-ից գալիս է աշխատանքի ու աշխատելով 4 օր` 26.03.13թ.-ին ազատվում է աշխատանքից: Մարտ ամսվա նրա կեղտոտ միայն աշխատավարձը կազմում է 10.200 դրամ: Նրա միջին ամսական աշխատավարձը կազմում է 49.321 դրամ: Ուզում եմ իմանալ, թե որքան կլինի նրա վերջնահաշվարկը ու որքան պետք է նրանից հետգանձում կատարել: Կանխավ շնորհակալություն:
Հարգանքներով` Նարինե:

Mar 29 2013

Նպաստի հաշվարկ բարձր լեռնային գոտիներում աշխատանքի պայմաններում

Մարինե.

Բարև Ձեզ, սիրելի հաշվապահներ: Ես սկսնակ հաշվապահ եմ, և ինձ մոտ առաջացել են հետևյալ խնդիրները: Խնդրում եմ օգնեք ինձ:

Ես Գեղարքունիքի մարզի գրադարանի հաշվապահ եմ, և այստեղ որոշակի շրջանների համար բացի աշխատավարձից աշխատողներին վճարում ենք նաև բարձր լեռնային` աշխատավարձի 20%, եթե աշխատավարձը 40000 ցածր է, իսկ բարձրի դեպքում ավելանում է 8000 դրամ:

Հարցերս հետևյալն են.` Կարդալ ավելին … »

Mar 22 2013

Սոցապ. անհատական հաշվետվություն

Հեղինե.

Հարգելի հաշվապահներ, խնդրում եմ օգնեք.
Եթե աշխատողը 05.06-22.10.2012թ.-ը գտնվում էր հղիության և ծննդաբերության արձակուրդում, և 06.06.2012թ.-ին ստացել է նպաստի չափը կազմակերպության կողմից, ապա տարեկան անհատական հաշվետվության մեջ ինչպե՞ս է նշվում`
1. հունիս ամսվա դիմաց նշվում է ամբո՞ղջ նպաստի չափը
2. Թե՞ հունիս-հոկտեմբեր յուրաքանչյուր ամսվա դիմաց համապատասխան գումարի չափերը

Կանխավ շնորհակալություն:

Mar 20 2013

Արդյո՞ք կհաշվարկվի և կվճարվի նպաստ

Լիանա.

Բարև ձեզ, մի հարց ունեմ: Ես աշխատել եմ, մեկ տարի հետո գնացել եմ դեկրետ, հիմա նորից հղի եմ, բայց աշխատանքի չեմ վերադարձել: Դեկրետից դեկրետ գնալիս նպաստ ստանու՞մ են, թե՞ ոչ: Նախապես շնորհակալություն:

Mar 19 2013

Վերջնահաշվարկ

ՀԱՍՄԻԿ.

Խնդրում եմ շատ շտապ օգնեք: Աշխատողը ազատվել է աշխատանքից 2013թ-ի մարտի 15-ից: Նա ընդունվել էր աշխատանքի 2011թ-ի նոյեմբերի 1-ից և չի օգտվել արձակուրդից: 2011 և 2012թ-ին աշխատավարձը եղել է ամսեկան 60 000դր, իսկ 2013թ-ից 73585 դր, ինչպես հաշվարկեմ վերջնահաշվարկը, չէ՞ որ 24,4% եկամտային հարկ պահելուց նա կտուժի: Խնդրում եմ արձագանքեք շտապ:

Mar 11 2013

Արձակուրդի տևողության վերաբերյալ

ANNA.

Բարև ձեզ: Խնդրում եմ շտապ պատասխանեք. ես կարո՞ղ եմ տրամադրել աշխատողներին հասանելիք արձակուրդը 23 օր (աշխատած 14 ամսվա համար) կամ 30 օր (աշխատած 18 ամսվա համար), թե՞ օրենք եմ խախտում և պետք է տրամադրեմ 20 օրից ոչ շատ: Շնորհակալություն:

Mar 08 2013

Աշխատողը 3 տարվա ընթացքում չի գնացել արձակուրդ

ANNA.

Բարև ձեզ: Շատ շտապ է, խնդրում եմ օգնեք. աշխատողը 3 տարվա ընթացքում չի գնացել վճարովի ամենամյա արձակուրդ, ես կարո՞ղ եմ տրամադրել 01 փետրվար 2013թ.-ից միանգամից 3 տարվա չօգտագործված արձակուրդ, այսինքն 60 աշխատանքային օր վճարովի արձակուրդ, թե՞ դա օրենքի խախտում է: Շնորհակալություն:

Mar 01 2013

Ե՞րբ պետք է վճարել արձակուրդայինը

Արթուր.

Բարև ձեզ: Աշխատողին տրամադրել եմ արձակուրդ (20 օր) 01/02/2013-28/02/2013: Կարո՞ղ եք օգնել` ես այդ գումարը ամսի քանիսի՞ն վճարեմ, և այդ գումարը եկամտային հարկի հաշվետվությունում փետրվար ամսում ցույց տա՞մ: Հաշվարկի համար պետք է վերցնել 01/02/2012-31/01/2013 ժամանակահատվա՞ծը: Եվ ես կարո՞ղ եմ տրամադրել ոչ թե 20 օր, այլ 22օր: Շնորհակալություն:

Feb 26 2013

ԱՁ հղիության և ծննդաբերության նպաստ

Զարա.

Բարև ձեզ: Ես Ա/Ձ եմ, 2008թ-ից. օգոստոսից գնացել եմ ֆիզ արձակուրդ, աղջիկս արդեն 4 ամսական է, բայց ես մինչև հիմա չեմ ստացել նպաստի գումարը: Խնդրում եմ ասացեք` որքա՞ն ժամանակում պետք է վճարում կատարվի:

Feb 17 2013

Հղիության և ծննդաբերության արձակուրդ

Անի.

Աշխատողը կազմակերպությունում աշխատել է 2012թ. նոյեմբերի 1-ից և հղիության և ծննդաբերության արձակուրդի ըստ բյուլետենի գնում է հունվարի 31-ից: Ո՞ր ամսվա հաշվետվությունում պետք է ներկայացնեմ նրա նպաստը: Արդյո՞ք խնդիր չի առաջանա, որ չի աշխատել լրիվ 3 ամիս: Եվ այդ արձակուրդի ընթացքում եկամտային հարկ հաշվարկվու՞մ է, թե՞ ոչ: Մի հարց էլ` բյուլետեն բերել է 140 օրվա, բայց նա ունենալու է զույգ երեխաներ, այսինքն պետք է հասներ 180 օր: Ինչպե՞ս վարվեմ: Սկզբում հիմա նշե՞մ ու հաշվարկե՞մ ըստ 140 օրերի, հետո երբ բերեց, մնացած 40 օրվա բյուլետենը վճարեմ տարբերությունը:

Feb 14 2013

Արձակուրդայինի հաշվարկ նոր փոփոխությունների դեպքում

Narine.

Խնդրում եմ օգնեք` ինչպե՞ս է պետք հաշվարկել արձակուրդային գումարը, եթե արձակուրդը ընկնում է դեկտեմբերի կեսից մինչև հունվարի կեսը ընկած ժամանակահատվածում եկամտային հարկի նոր օրենքի գործածման պայմաններում:

Feb 13 2013

Գործատուն չի վճարել վերջնահաշվարկը

Շողեր.

Հարգելի գործընկերներ, խնդրում եմ օգնեք: Ենթադրենք աշխատողը ազատվել է աշխատանքից 2012 թվականի սեպտեմբեր ամսին, և նա ունի 2 տարվա չօգտագործած արձակուրդ: Վերջնահաշվարկ է կատարվել, և գումարը կազմել է ենթադրենք 250.000 դրամ: Վերջնահաշվարկը չի վճարվել մինչև այսօր` գործատուի կամայական վերաբերմունքի պատճառով (չեմ ուզում, չեմ տալիս): Խնդրում եմ ասել` օրեկան քանի՞ տոկոս տույժ է հաշվարկվում: Խնդրում եմ ներկայացնել օրենսգրքի համապատասխան հոդվածը:

Feb 07 2013

Աշխատանքից ազատում` գործատուի նախաձեռնությամբ

Գործատու.

Ես գործատու եմ: Իմ աշխատողի հետ կնքել եմ 3 ամսյա աշխատանքային պայմանագիրը, որից հետո տեղեկացել եմ, որ նա հղի է: Իրականում նրա ծառայությունների կարիքը չունեի, այլ միայն օգնելու համար 3 ամսով ընդունել էի աշխատանքի, թեև նախկինում ինձ մոտ աշխատել է, հետո աշխատանքային պայմանագիրը դադարեցվել է: Ընթացքում մի երեխա էլ էր ունեցել, օրենքով ամեն ինչ վճարել էի, մինչև 3 տարեկանների խնամքի համար ամեն ինչ տրամադրել էի, հետո օրենքով ազատել էի: Երկար շամանակ չէր աշխատում, խնդրեց, որ 3 ամսով ընդունեմ: Ընդունեցի, հետո 2 ամիս անց ներկայացրել է ֆիզ. արձակուրդ գնալու դիմում, և գնացել է ֆիզարձակուրդ: Արդեն երեխան մեկ տարեկանից ավելի է, ու նա շարունակ ինձանից տեղեկանքներ է ուզում, որ աշխատում է ինձ մոտ, բայց գտնվում է ֆիզարձակուրդում` սոց. ապ. ներկայացնելու, տարբեր ծառայություններից օգտվելու և այլնի համար, արձակուրդ է ուզում և այլն: Իրականում ես նրա ծառայությունների կարիքը չունեմ, խնդրել է ընդունել աշխատանքի 3 ամսով, հետո իմացել եմ, որ հղի է, չեմ առարկել, բայց շարունակ խանգարում է տեղեկանքներ պահանջելով և հետո էլ հավանաբար աշխատատեղը վերականգնելու համար: Հավանաբար` օրենքին լավ տեղյակ չեմ, ու բարությունս շարունակվում է չարաշահվել:

Խնդրում եմ, խորհուրդ տվեք, ինչպե՞ս կարող եմ նրան ազատել աշխատանքից այս պահին կամ հետագայում, որպեսզի խնդիրներ չունենամ:

Շնորհակալություն:

Jan 29 2013

Ինչպե՞ս հաշվարկել արձակուրդայինը

Arman.

Բարև ձեզ: Խնդրում եմ ինձ օգնեք արձակուրդ ձևակերպել: Ես աշխատողին արձակուրդ եմ ուղարկում 01.02.2013թ., վերջի անգամ գնացել էր արձակուրդ 31.12.2011թ: 2012թ. Հունվարից-Հունիս աշխատավարձը 50.000դր., հունիսից-դեկտեմբեր 100000, հունվարին 120.000., աշխատում է 5-օրյա: Արձակուրդի գումարը ինչպե՞ս հաշվարկեմ, ե՞րբ վճարեմ և եկամտային հարկում ո՞ր ամսում ցույց տամ: Խնդրում եմ շտապ օգնեք: Շնորհակալություն:

Jan 23 2013

Աշխատողը իր հաշվին արձակուրդ է վերցրել

Աննա.

Գրեք խնդրեմ` ինչպե՞ս լրացնել իր հաշվին արձակուրդի ժամանակահատվածը կենսաթոշակային տեղեկանքում: Շնորհակալություն:

Jan 21 2013

Աշխատողը 8 տարի չի օգտվել արձակուրդի իրավունքից

Վարյա.

Բարև ձեզ: Եթե աշխատողը 8 տարի չի օգտվել ամենամյա արձակուրդից, վերջնահաշվարկի ժամանակ քանի՞ տարվան եմ վճարելու: Շնորհակալություն:

Jan 16 2013

Ուսուցչուհին արձակուրդի կեսից ներկայացրել է բյուլետեն

Լիաննա.

Հարգելի կոլեգաներ,
դպրոցի ուսուցչուհին արձակուրդի կեսից ներկայացրել է բյուլետեն` հուլիսի կեսից մինչև օգոստոսի կեսը (արձակուրդը վճարվել է ամբողջը): Նրա արձակուրդը այդքան օրերով ավելացել է մինչև սեպտեմբերի վերջը: Հոկտեմբեր, նոյեմբեր, դեկտեմբեր ամիսներին նորից ներկայացրել է բուլետեն և վճարվել է: 2013թ հունվարը աշխատանքի է գալու և նոր ազատվի աշխատանքից: Հիմա ես նրան պետք է վճարեմ վերջնահաշվարկ միայն հունվա՞րի համար, թե՞ բյուլետենի ամիսները նույնպես մտնում են հաշվարկի մեջ: Կանխավ շնորհակալություն:

Dec 22 2012

Հերթական արձակուրդի վերաբերյալ

Hayk.

Հարգելի հաշվապահներ, խնդրում եմ օգնեք. եթե աշխատակիցը աշխատանքի է ընդունվել 01.06.2012-ին և ասենք 02.2013-ին գնում է արձակուրդ 20 օրով, ապա սա վերաբերվում է 2012-ին, հետո նա նորից վերցնում է արձակուրդ ասենք 05.2013-ին արդեն 2013-ի համար, և ինչպե՞ս է սա օրենքով կարգավորվում: Այսինքն, դեռ մեկ տարի չաշխատած` նա ստացավ մոտ 2 ամսվա միջին աշխատավարձ: Կանխավ շնորհակալ եմ:

Dec 14 2012

Որքա՞ն են տևելու ամանորյա արձակուրդները

Լիլիթ.

Կարո՞ղ եք ինձ ներկայացնել պետական որոշում ամանորյա արձակուրդների տևողության մասին:

Շնորհակալություն:

Dec 06 2012

Աշխատողին փոխարինելու համար վարձատրություն

Էդգար.

Բարև Ձեզ: Այսպիսի մի հարց է ինձ հետաքրքրում` արձակուրդ գնացող աշխատողի աշխ. պարտականություները ստանձնած անձը վճարվու՞մ է և ի՞նչ կարգով, ի՞նչ չափով է վարձատրվում: Շնորհակալություն:

Nov 18 2012

ՀՀ ԱՕ հոդված 167

Հարություն.

Հարգելի կոլեգաներ, համաձայն ՀՀ ԱՕ հոդված 167 “Տեղափոխված ամենամյա արձակուրդը, որպես կանոն, տրամադրվում է նույն աշխատանքային տարում, բայց ոչ ուշ, քան 18 ամսվա ընթացքում` սկսած այն աշխատանքային տարվա վերջից, որի համար աշխատողին չի հատկացվել կամ մասնակի է հատկացվել ամենամյա արձակուրդը:” Իսկ ի՞նչ պատասխանատվություն է սահմանված այդ ժամկետը լրանալուց հետո աշխատողներին արձակուրդ չտրամադրելու դեպքում:

Nov 17 2012

Աշխատողի արձակուրդայինները չեն վճարվել

Artyom.

Ես 2002 թվականից մինչև 2004 թվականը աշխատել եմ կազմակերպությունում ձուլման արտադրամասում գիշերային ռեժիմով, ու մինչ օրս էլ աշխատած տարիներիս արձակուրդայիններս չեն վճարվել: Խնդրում եմ պատասխանեք, թե ինչպես կարող եմ ստանալ:

Nov 11 2012

Հղիության և ծննդաբերության արձակուրդ

Աննա.

Բարև Ձեզ, հարգելի հաշվապահներ: Ինձ մի հարց է հետաքրքրում: Եթե ուսուցիչը դպրոցում աշխատել է ընդամենը 2 ամիս և հղիացել, նա իրավունք ունի՞ օգտվելու ֆիզարձակուրդից: Նա մինչև դպրոց մտնելը աշխատել է ինչ-որ այլ կազմակերպությունում: Որքա՞ն է ֆիզից օգտվելու անհրաժեշտ ստաժը տվյալ հիմնարկում: Նախապես շնորհակալ եմ:

Nov 11 2012

Աշխատողը ցանկանում է օգտվել արձակուրդի իրավունքից

Բաբկեն.

Ողջույն:
Խնդրում եմ օգնեք ինձ հասկանալ` եթե աշխատողը աշխատանքից ազատման դիմումի հետ գրում է նաև արձակուրդի դիմում, այդ դեպքում գործատուն իրավունք ունի՞ մերժել արձակուրդը: Կանխավ շնորհակալ եմ:

Nov 01 2012

Վերջնահաշվարկ

Համլետ.

Բարև Ձեզ, հարգելի ընկերներ: Խնդրում եմ ինձ օգնեք մի հարցում: Հարցը հետևյալն է: Աշխատակիցը երեք տարի աշխատել է, որի ընթացքում վերցրել է արձակուրդ միայն 15 օր: Նա ազատվել է իր դիմումի համաձայն: Վերջնահաշվարկը պիտի կատարվի միայն վերջի՞ն տարվա համար, թե՞ կուտակած 2,5 տարիների համար: Որպես լրացում ասեմ, որ աշխատանքի ընդունվել է 2009-ի մայիսին, 2012-ի հուլիսի 30-ին իր դիմումի համաձայն ազատվել է: Արձակուրդ գնացել է 2010-ի օգոստոսին 15 օր: Նախօրոք շնորհակալություն:

Oct 25 2012

Հղիության և ծննդաբերության նպաստ

Mari.

Ես 5 տարի է աշխատանքային պայմանագրով աշխատել եմ բանկային համակարգում: Այժմ դիմել եմ հղիության և ծննդաբերության արձակուրդ ստանալու համար: Արձակուրդիս հրամանը կազմվել է, 2 շաբաթ է` ես արձակուրդի մեջ եմ, սակայն արձակուրդիս վճարը դեռ չեն փոխանցել: Պատճառաբանվում է, որ ես ժամկետային աշխատող եմ, և ինձ պետք է վճարեն 40 օրվա համար, այսինքն` մինչև աշխատանքային պայմանագրի լրանալը: Կցանկանայի իմանալ` արդյո՞ք գործատուն գործում է ՀՀ օրենսդրության սահմաններում, և որոնք են իմ իրավունքները:

Oct 23 2012

Ինչպե՞ս է կատարվում վերջնահաշվարկը

Լիլիա.

Մարզիչը հոկտեմբերի 25-ից ազատվել է աշխատանքից համաձայն իր դիմումի: 2012 թվականի արձակուրդը նա արդեն գնացել է: Հարց` վերջնահաշվարկի մեջ ի՞նչ գումարներ են մտնում: Ու այս դեպքում 1 դրույք վճարվու՞մ է:

Oct 18 2012

Արձակուրդի տրամադրում աշխատողին դասընթացների մասնակցելու համար

Անի.

Ողջույն, խնդրում եմ ասացեք` համայնքային ծառայող, հեռակա սովորող ուսանողին բուհական մեկամսյա դասընթացներին մասնակցելու նպատակով ինչպիսի՞ արձակուրդ պետք է տրամադրվի, եթե նա արդեն օգտագործել է իր ամենամյա արձակուրդը: Նախապես շնորհակալություն:

Oct 10 2012

Արձակուրդի տրամադրման հետ կապված

G.K.

Խնդրում եմ օգնեք հետևյալ հարցում. կարելի՞ է արդյոք աշխատակցին փոխադարձ համաձայնությամբ արձակուրդ տալ մինչև 6 ամիս լրանալը: Շնորհակալություն:

Oct 10 2012

2010թ.-ին ինչպե՞ս էր հաշվարկվում արձակուրդային

Վարդ.

Հարգելի հաշվապահներ, կարո՞ղ եք ասել` 2010թ.-ին ինչպես էր հաշվարկվում արձակուրդային վեցօրյա աշխատանքային շաբաթվա դեպքում: Շնորհակալություն:

Oct 06 2012

Դրամական հատուցում չօգտագործված արձակուրդի համար

Աշոտ.

1996թ. նոյեմբերից աշխատել եմ համայնքի ղեկավար, այդ ընթացքում արձակուրդից օգտվել եմ 2 անգամ` 2003 թվականին և 12 օր 2011 թվականին: Նոյեմբերին կատարվելու է վերջնահաշվարկ: Ուզում եմ իմանալ` կարո՞ղ եմ ստանալ չօգտագօրծված ամենամյա արձակուրդի համար դրամական հատուցում բոլոր տարիների համար, այսինքն` 14 ու կես տարվա համար:

Oct 03 2012

Երեխայի խնամքի նպաստի վերաբերյալ

Գայանե.

Բարև ձեզ: Ես լրագրող եմ, այժմ գտնվում եմ երեխայի խնամքի արձակուրդում և ստանում եմ ամսական 18.000 դրամ: Ուզում եմ իմանալ` այս ընթացքում մինչև երեխայիս երկու տարին լրանալը կարո՞ղ եմ ես թղթակցել և ստանալ հոնորար` միաժամանակ պահպանելով 18.000 դրամը ստանալու իրավունքը: Ինչպե՞ս է սա կարգավորվում օրենքով: Եթե կարող եք, խնդրում եմ նշել նաև օրենքի հղումը, քանի որ չեմ կարողանում համապատասախան բան գտնել օրենքում: Նախապես շնորհակալություն:

Oct 03 2012

Գործատուն հրաժարվում է վճարել նպաստը

Աստղիկ.

Բարև Ձեզ, հարգելի հաշվապահներ: Դուք շատ հարցերում եք ինձ օգնել, խնդրում եմ օգնել նաև այս հարցիս պատասխանը գտնել: Ես գտնվում եմ նպատակային արձակուրդում (մինչև 3 տարեկան երեխայի խնամք) և աշխատանքի եմ 2014 թվականի հունվարի 27-ին` այսինքն երեխայիս 3 տարին լրանալու հաջորդ օրը: Նորից եմ բալիկի սպասում, սակայն գործատուն հրաժարվում է վճարել իմ 140 օր հղիության և ծննդաբերության նպաստը, ինչպե՞ս վարվեմ ես և հետո 140 օրից հետո արդյո՞ք ինձ կհասնի նպատակային արձակուրդ մինչև 2-րդ երեխայիս 3 տարեկան դառնալը, այսինքն այդ երեք տարին կհաշվվի 2014թ-ից հետո, թե՞ 2013թ.-ից հետո (2-րդ երեխայիս ծնվելուց հետո): Կանխավ շնորհակալություն: Ակնկալում եմ շտապ պատասխան:

Sep 25 2012

Արձակուրդ տրամադրելու վերաբերյալ

Շուշան.

Բարև Ձեզ: Ես այսպիսի հարց ունեմ` եթե աշխատողն ընդունվել է աշխատանքի ասենք 2012թ. օգոստոսի 1-ից, վեց ամիս հետո` 2013թ. փետրվար ամսին աշխատողն իրավունք ունի արձակուրդ գնալու: Չնայած որ տարին փոխվում է, բայց ես պետք է նրան տամ 2012թ. հասանելիք արձակուրդը, թե՞ արդեն 2013թ: Այսինքն հրամանում ինչպե՞ս ձևակերպեմ` տրամադրել 2012թ, թե՞ 2013թ. հասանելիք արձակուրդը: Կանխավ շնորհակալություն:

Sep 14 2012

Չվճարվող արձակուրդի տրամադրում

Nune.

Աշխատողին կարո՞ղ ենք տրամադրել չվճարվող արձակուրդ երկու տարի ժամկետով:

Sep 14 2012

Նպաստ ստանալու համար

Արտուր.

18000 ստանալու համար մենք ներկայացնում եք երեխայի ծննդականը և տեղեկանք այն մասին, որ գտնվում է երեխայի խնամքի արձակուրդում, բյուլետենի մասին խոսք չկա: Բայց գործատուն ի՞նչ հիմք ընդունի, ինչի՞ վրա տա տեղեկանքը, եթե բուլետեն չի բերել:

Sep 08 2012

Չօգտագործված արձակուրդի տրամադրում աշխատանքից ազատվելու ժամանակ

Mari.

Հարգելի գործընկերներ, հարցս հետևյալն է. եթե աշխատողը 30 օր առաջ դիմում է գրել աշխատանքից ազատվելու մասին և ունի չօգտագործված արձակուրդային օրեր, կարո՞ղ է արդյոք նա պահանջել այդ արձակուրդային օրերի ստացումը վերոնշյալ 30 օրյա ժամանակահատվածում: Խնդրում եմ հնարավոր սեղմ ժամկետներում պատասխանել հարցիս: Նախօրոք շնորհակալություն:

Older posts «

» Newer posts