Tag Archive: արձակուրդ

Apr 07 2012

Արձակուրդի հաշվարկ

MM.

Բարև Ձեզ: Խնդրում եմ մի հարցի շուրջ ուղղություն ցուցաբերել: Եթե աշխատողն ընդունվել է աշխատանքի 02/02/11թ-ին և վճարվում է արձակուրդային 03/12թ-ին, ետ հաշվարկը կատարելիս կոնկրետ ո՞ր ամիսները պետք է ներառվեն, որովհետև 02/02/11-02/02/12 ժամանակահատվածը ստացվում է 13 ամիս, այսինքն միջին աշխատավարձ հաշվարկելու համար ո՞ր ամիսների ԱՎՈՒՄ-ները ներառեմ: Կանխավ շնորհակալություն:

Apr 05 2012

Արձակուրդի մեկնում 20 օր ուշացումով

Ն.

Հարգելի հաշվապահներ, աշխատակիցը աշխատանքի է ընդունվել 27.01.2011, արձակուրդի է գնում 15.02.2012: Արդյո՞ք խնդիր կառաջանա, որ նա չի գնում հենց 27.01.2012, այլ 20 օր ուշացումով: Եվ արձակուրդայինը հաշվարկելուց պետք է վերցնենք 27.01.2011-27.01.2012 հաշվարկված ԱՎՈՒՄ, ու ըստ դրա հաշվարկենք արձակուրդայինը, թե՞ 01.02.2011-01.02.2012: Շնորհակալություն:

Apr 05 2012

Աշխատողը աշխատել է վնասակար պայմաններում

Մարինե.

Հարգելի կոլեգաներ, խնդրում եմ տալ պարզաբանում հետևյալ հարցում. ՍՊԸ-ի աշխատողը ընդունվել է աշխատանքի 2004թ-ի հուլիսի 1-ից և քանի որ աշխատել է վնասակար պայմաններով, օրենքով հասանելիք արձակուրդային օրերը եղել են 48 օրացուցային օր, որը ներկայումս գործող օրենքով 35 օր է: Աշխատողը 2004-ից մինչև 2012-ի մարտ ամիսը չի օգտագործել իր հասանելիք արձակուրդներից 136 աշխատանքային օր: Չօգտագործված արձակուրդների տեղափոխման համար չի եղել որևէ հրաման: 2012թ-ի ապրիլի 10-ից աշխատանքից ազատվելու դեպքում խնդրում եմ ասել, թե քանի օրվա վերջնահաշվարկ ունի ստանալու, և հնարավորինս ըստ ՀՀ ԱՕ-ի կետերի հիմնավորեք: Արդյո՞ք տեղափոխման հրամանների բացակայությունը կարող է փոխել վերջնահաշվարկի օրերի քանակը: Կանխավ շնորհակալություն:

Mar 30 2012

Ինչպե՞ս կատարել վերջնահաշվարկը

Գայանե.

Հարգելի հաշվապահներ, խնդրում եմ պատասխանել սկսնակիս հետևյալ հարցին: Աշխատողը գործատուի մոտ աշխատանքի է ընդունվել 07/06/2011թ-ին 82000 դրամ ամսական աշխատավարձով, աշխատանքից ազատվում է 01/04/2012թ-ին, նա այդ 10 ամիսների ընդացքում արձակուրդ չի գնացել, և նրա տարվա ընդհանուր եկամուտը կազմում է 905091 դրամ: Կազմակերպությունը աշխատում է հնգորյա շաբաթով: Ինչպե՞ս կատարեմ վերջնահաշվարկը, խնդրում եմ բացատրել մանրամասն: Կանխավ շնորհակալ եմ:

Mar 28 2012

Եթե անձը համատեղում է երկու աշխատանք

Արուս.

Հարգելի հաշվապահներ, խնդրում եմ պատասխանել հետևյալ հարցին. եթե անձը համատեղում է երկու աշխատանք, ապա այս պարագայում ինչպե՞ս է լուծվում ֆիզ. արձակուրդի խնդիրը:

Mar 28 2012

Ինչպե՞ս է կատարվելու վերջնահաշվարկը

Anna.

Աշխատում եմ 01.03.2009թ-ից: 01.02.2011թ-ից գտնվում եմ մինչև երեք տարեկան երեխայի խնամքի արձակուրդում: Բացի անաշխատունակության արձակուրդը այլ արձակուրդ (ամենամյա) չեմ ունեցել: Արձակուրդից հետո ցանկանում եմ ազատվել աշխատանքից: Խնդրում եմ ասեք` ինչպե՞ս է կատարվելու իմ վերջնահաշվարկը: Կանխավ շնորհակալություն:

Mar 27 2012

Աշխատողը արձակուրդ է մեկնել

Liza.

Եթե 5-օրյա աշխատողը արձակուրդի է գնում դեկտեմբերին 20 աշխատանքային օր (օրինակ` դեկտեմբերի 25-ից), ապա ե՞րբ նա աշխատանքի մեջ կհամարվի: Հաշվի առնվու՞մ են ոչ աշխատանքային օրերը արձակուդի մեջ:

Mar 24 2012

Հղի կինը ընդունվել է աշխատանքի

Սոնա.

Բարև Ձեզ: Խնդրում եմ պատասխանեք իմ հետևյալ հարցին: Հղի կինը ընդունվել է աշխատանքի ֆիզ. արձակուրդում գտնվողին փոխարինող: Ֆիզ. արձակուրդից վերադառնալուց հետո հիմնական աշխատողը մեկ ամսով անվճար արձակուրդ է վերցրել իր երեխային խնամելու համար, որից հետո վերադարձել է իր աշխատանքին: Նույն ժամանակահատվածում փոխարինողը ներկայացրել է անաշխատունակության թերթիկ, որի համար նրան վճարվել է անաշխատունակության նպաստ: Արդյո՞ք ճիշտ եմ վարվել, թե՞ պետք է ազատվեր աշխատանքից, հիմնական աշխատողի 140 օր արձակուրդի լրանալուց հետո: Փոխարինողն աշխատել է 120 օր: Կանխավ շնորհակալ եմ:

Mar 23 2012

Ի՞նչպես են հաշվարկվում հարկերը նպաստից

LIlit.

Խնդրում եմ պատասխանեք, թե ինչ հարկեր են ներկայումս պահվում հղիության և ծննդաբերության արձակուրդի նպաստը հաշվարկելիս: Եվ արդյո՞ք այդ հարկերը պահվում են միանգամից, թե՞ ամսե-ամիս:

Mar 19 2012

Նպաստ հաշվարկելու համար

Մարիա.

Բարև ձեզ, հարգելի հաշվապահներ: Խնդրում եմ ինձ օգնել հետևյալ հարցում: Ես ՍՊԸ-ի տնօրեն եմ: Միևնույն ժամանակ այդ նույն կազմակերպությունում քաղաքացիաիրավական պայմանագրով դասավանդող: Հիմա հղիության պատճառով արձակուրդի մեջ եմ: Նպաստը հաշվելու համար արդյո՞ք միայն որպես տնօրենի աշխատավարձն ենք հաշվի առնում, թե՞ քաղաքացիաիրավական պայմանագրով աշխատավարձն էլ: Ինձ ասացին` միայն որպես հիմնական աշխատողինն են հաշվելու, քանի-որ քաղաքացիաիրավական պայմանագրի դեպքում 3 տոկոս սոց. չի վճարվում: Կանխավ շնորհակալություն:

Mar 16 2012

Եթե հաշվարկվում է արձակուրդային

Հելեն.

Հարգելի հաշվապահներ, խնդրում եմ պատասխանել` եթե հաշվարկվում է արձակուրդային, և այն պետք է վճարել աշխատողին արձակուրդ գնալուց 3 օր առաջ, ապա ինչպե՞ս է հաշվարկային տեղեկագրում գրանցվում փաստացի գումարը, որ վճարվել է, և աշխատավարձի հաշվարկում յուրաքանչյուր ամսվա համար հասանելիք գումարը աշխատավարձ + արձակուրդային, ասենք եթե արձակուրդը ընկնում է երկու ամիսների միջև:

Mar 15 2012

Հղիության և ծննդաբերության արձակուրդի իրավունքի վերաբերյալ

Աննա.

Բարև Ձեզ: Ես պայմանագրային աշխատող եմ, յուրաքանյուր տարվա սկզբում հունվարի 1-ի դրությամբ կնքվում է աշխատանքային պայմանագիր և կասեցվում է նույն տարվա դեկտեմբերի 31-ին: Ինձ հետաքրքրում է, թե արդյոք պայմանագրային աշխատողները ունենում են ֆիզիոլոգիական արձակուրդ: Կանխավ հայտնում եմ իմ շնորհակալությունը:

Mar 14 2012

Հղիության և ծննդաբերության արձակուրդ

Էլիզա.

Բարև Ձեզ: Ես պատրաստվում եմ բալիկ ունենալ: Գիտեմ, որ նախածննդյան և հետծննդյան արձակուրդը տրամադրվում է 140 օրվա համար, որից 70-ը նախածննդյան շրջանի համար, իսկ 70-ը` հետծննդյան: Կարո՞ղ եմ արդյոք 140 օրն էլ օգտագործել միայն հետծննդյան շրջանի համար, այսինքն` արձակուրդ գնամ ծննդաբերությունից հետո և արձակուրդում մնամ 140 օր: Կանխավ շնորհակալություն:

Mar 08 2012

Աշխատողը արձակուրդ է գնում

N.

Բարև: Աշխատողը արձակուրդ է գնում մարտ ամսի 15-ից: 3 օր առաջ հաշվարկե՞մ ու վճարեմ արձակուրդ ու աշխատավարձ մարտ ամսվա սկզբի մի քանի օրերի աշխատածի համար, թե՞ սպասեմ գա, նոր մարտի աշխատած օրերը հաշվարկեմ ու նոր վճարեմ:

Mar 04 2012

Որքա՞ն կկազմի նպաստը

Արման.

Կնոջս վերջին 12 ամսվա միջին աշխատավարձը կազմում է 35000 դրամ: Խնդրում եմ ասեք` ֆիզ. արձակուրդի դեպքում ինչքան է կազմելու ստացած գումարը բոլոր ետպահումները հանած, եթե հնարավոր է ավելի մանրամասնած, նախապես շնորհակալություն:

Feb 27 2012

Պակաս հաշվարկված սոց. վճար

Mari.

Աշխատողը մինչև հունվարի 25-ը եղել է արձակուրդում, հունվարին աշխատել է 5 օր, և աշխատավարձը այդ օրերի համար կազմել է 48600 դրամ: Այդ աշխատողի համար սոց. հաշվարկելիս արձակուրդայինի` հունվարին բաժին ընկնող մասը սխալմամբ չի հաշվվել, և հետևաբար սոց. վճարը քիչ է փոխանցվել:

Խնդրում եմ ասել, ես կարո՞ղ եմ այդ տարբերությունը և յուրաքանչյուր ուշացրած օրվա համար ապառքի 0,15 տոկոսը փետրվար ամսվա համար փոխանցվելիք սոց-ի հետ փոխանցել և եռամսյակային հաշվետվությունում ճիշտ լրացնել:
Շնորհակալություն…

Feb 25 2012

Նպաստ ստանալու վերաբերյալ

Հովիկ.

Բարև Ձեզ: Հարցս հետևյալն է` բարեկամուհիս գտնվում է երեխայի խնամքի արձակուրդում և պատրաստվում է նորից մայրանալ: Ցանկանում եմ իմանալ` նա կարո՞ղ է ստանալ նախածննդյան և հետծննդյան արձակուրդի դրամական բավարարում, եթե մինչև ծննդաբերելը չաշխատի: Ո՞ր իրավական ակտով է այս հարցը կարգավորվում: Նշեմ նաև, որ նշված անձը զինծառայող է:
Շնորհակալություն:

Feb 25 2012

Արդյո՞ք նորից կհաշվարկվի նպաստ

Kima.

Հարգելի հաշվապահներ, ինձ շտապ պետք է իմանալ հետևյալ հարցի պատասխանը. ես գտնվում եմ ֆիզ. արձակուրդում ու հիմա պատրաստվում եմ նորից ֆիզ-ից ֆիզ. արձակուրդ գնալ, ասեք խնդրում եմ` ես նորից ստանալու՞ եմ իմ ֆիզ. արձակուրդի գումարը, թե ոչ, և այն նախորդի չափո՞վ է լինելու, թե՞ ավելի քիչ: Շնորհակալություն:

Feb 22 2012

Նախածննդյան և հետծննդյան վճարումների վերաբերյալ

Հրայր.

Հարգելի կոլեգաներ, հարցս վերաբերում է նախածննդյան և հետծննդյան վճարումներին: Այս դեպքում, երբ աշխատող մայրը գտնվում է երեխայի խնամքի արձակուրդում և վճարվում է 18000 դրամ (հայտնի վճարը): Եթե այդ ընթացքում մայրը 2-րդ հղիություն ունի, օգտվու՞մ է արդյոք որպես աշխատող նախածննդյան և հետծննդյան նպաստից:

Feb 15 2012

Նպաստ ստանալու վերաբերյալ

Kima.

Հարգելի հաշվապահներ, ինձ հետաքրքրում է մի հարց. ես գտնվում եմ ֆիզ. արձակուրդում և ստացել եմ ինձ հասանելիք ֆիզ. արձակուրդը, հիմա պատրաստվում եմ նորից ֆիզ.-ից ֆիզ գնալ, և ինձ պետք է իմանալ` ես նորից կստանա՞մ ֆիզ. արձակուրդի գումարը, թե՞ ոչ, և դա նու՞յն չափով կլինի, թե՞ ավելի քիչ:

Feb 14 2012

Աշխատանքից ազատելու հետ կապված

Լիլի.

Բարև Ձեզ: Խնդրում եմ, ինձ շտապ պետք է այս հարցի պատասխանը. աշխատողը գտնվում է ֆիզ. արձակուրդում, ազատման հարց է առաջացել, ինչպե՞ս վարվեմ, նա դեռ ունի ևս 7 ամիս չվճարվող արձակուրդ:

Feb 11 2012

Աշխատավարձի և արձակուրդայինի հաշվարկ

Nara.

Ասացեք խնդրեմ, եթե աշխատողը գնացել է արձակուրդի փետրվար ամսին, իսկ այդ ամսվա աշխատած օրերը 3 օր է կազմում, աշխատավարձն ու հասանելիք արձակուրդայինը միասի՞ն պետք է հաշվեմ, թե՞ առանձին: Ու եթե կարող եք, մանրամասն ասեք: Շնորհակալություն:

Feb 09 2012

Ֆ10 անհատական հաշվետվության լրացում

Anna.

Բարև ձեզ: Եթե սոց. հաշվետվության մեջ ֆիզ. արձակուրդի գումարը և օրը նշել եմ հունիսին 100 օր – 450,000դրամ, ապա Ֆ10 անհատական հաշվետվությունում ես ի՞նչ պետք է նշեմ (հունիս 140 օր – 450,000դրամ), թե՞ այդ օրերը բաժանեմ ըստ ամիսների` հունիս – 30օր, հուլիս – 31 և այլն, իսկ գումարը նշեմ հունիս ամսում ամբողջությամբ 450,000դրամ): Նոր օրենքը հաշվարկում է աշխատանքային օրեր, իսկ ես տարեկանը օրացուցային պետք է հաշվեմ, ես դա չեմ հասկանում, այդ օրերը բաժանե՞մ ամիսներին, թե՞ ոչ: Խնդրում եմ ասեք` տող առ տող ես ինչպես գրեմ: Շնորհակալություն:

Feb 06 2012

Արձակուրդային օրերի վերաբերյալ

Ն.

Բարև: Արդյո՞ք կարելի է դեկտեմբերի 31-հունվարի 9-ը համարել արձակուրդային օրեր:

Feb 02 2012

Ինչպե՞ս հաշվարկել միջին ամսեկան աշխատավարձը

Rubina.

Մեր կազմակերպությունում 2011թ–հոկտեմբերի 24–ին աշխատանքի է ընդունվել նոր աշխատող, որը ուներ 9 ամսեկան բալիկ, և նոր էր լրացել նրա հղիության և ծննդաբերության արձակուրդը։ Նա 2012թ –ի հունվարի 14–ին ներկայացրել է անաշխատունակության թերթիկ հղիության և ծննդաբերության արձակուրդի համար։ Նոր աշխատակիցը մեր կազմակերպությունում ունի 2 լրիվ և մեկ ոչ լրիվ աշխատած ամիս, նա նախորդ 12 ամիսների ընթացքում եղել է հղիության և ծննդաբերության արձակուրդում և այլ գործատուի աշխատանքի։
Հարց` ինչպե՞ս հաշվարկել միջին ամսեկան աշխատավարձը։
Շնորհակալություն պարզաբանման համար
091-23-66-73
Ռուբինա

Feb 01 2012

Արձակուրդայինի հաշվարկ

Անի.

Բարև.
1. 130000 դրամ աշխատավարձ ունեցող աշխատողին դեկտեմբերի 30-ից արձակուրդ ուղարկելուց արձակուրդայինը ինձ մոտ ստացվել է 114700 դրամ, միանգամից վճարում եմ արձակուրդային գումարը աշխատավարձի հետ, ինչպե՞ս հաշվարկեմ եկամտահարկը, 130000-ի համար առանձին, 114000-ի համար առանձին, թե՞ գումարեմ, նոր հաշվարկեմ եկամտահարկն ու սոցը:
2. Արձակուրդը 20 աշխատանքային օր տալուց արձակուրդ հաշվեմ դեկտեմբերի 31 -հունվարի 9-ը հետո, քանի որ այդ օրերը ոչ աշխատանքային են: Արձակուրդի տևողությունը կլինի հունվարի 9-ից փետրվարի 7-ը: Կարո՞ղ եմ արդյոք արձակուրդ հաշվել հունվարի 1-ից:

Jan 30 2012

Նպաստի հաշվարկ

Նարինե.

2 տարի ֆիզ. արձակուրդում էի: 9-10 տարվա աշխատանքային ստաժ ունեմ նույն հիմնարկությունում: Ֆիզ. արձակուրդ գնացել եմ 48000 դրամ աշխատավարձով, այժմ էլ նույնն է: 4 օրվա համար անաշխատունակության թերթիկ ներկայացրի: Չհասկացա` ինչպես են հաշվել: Միայն հասկացա, որ 1 օրը չեն վճարում, 3 օրն էլ գործատուի հայեցողությամբ է` կուզի կվճարի, կուզի չէ: Խնդրում եմ անպայման պատասխանեք, թե որն է ճիշտ, և ինչպես պետք է հաշվել:

Jan 30 2012

Ֆ10 անհատական ընթացիկ հաշվետվության վերաբերյալ

Nara.

Բարև ձեզ: Հղիության և ծննդաբերության արձակուրդը վճարել եմ ամբողջությամբ ապրիլ ամսում 350.000 դրամ, ապա Ֆ10 անհատական ընթացիկ հաշվետվության մեջ սոցվճարի հաշվին կատարված ծախսերը նշեմ 2 ծածկագիրը միայն ապրի՞լ ամսում, թե՞ բաժանեմ ըստ ամիսների (ապրիլ-սեպտեմբեր), բայց նա ստացել է այդ ամբողջ գումարը ապրիլ ամսում, իսկ օրերի սյունակում նշեմ աշխատանքայի՞ն, թե՞ օրացուցային օր: Շնորհակալություն:

Jan 26 2012

Ձև Ֆ10 անհատական հաշվետվություն

Anna.

Բարև Ձեզ: Ես մի հարց ունեմ: 2011թ. դեկրետի ժամանակ և հետո մինչև 3 տարեկան երեխայի խնամքի արձակուրդի դեպքում Ձև Ֆ10 անհատական հաշվետվության մեջ մի տեղ նշում են ծածկագիր, իսկ մյուս տեղ ծածակագիր, իսկ կարո՞ղ եք ինձ օգնել` օրերի թիվը այդ երկու տեղը ես ինչ նշեմ, օրացուցայի՞ն, թե՞ աշխատանքային:

Jan 21 2012

Հղիության և ծննդաբերության արձակուրդ

Գայանե.

Բարև Ձեզ: Ես կազմակերպությունում աշխատում եմ 2008թ.-ի մարտից: Այժմ հղի եմ և պատրաստվում եմ փոքրիկ ունենալ 2012թ.-ի հունիսին: Ստանում եմ 39.000 դրամ ամսական աշխատավարձ: Ուզում եմ իմանալ` մինչև որ ժամկետը պետք է աշխատեմ ֆիզարձակուրդ գնալու համար: Արդյո՞ք աշխատելու ժամկետը որևէ կապ ունի ստացվող ֆիզարձակուրդի գումարի հետ: Եվ որքա՞ն կկազմի իմ ստանալիք գումարը: Ֆիզարձակուրդից օգտվելու համար ի՞նչ ժամկետ է նախատեսված օրենքով: Եթե դժվար չէ, խնդրում եմ նշել նաև օրենքի հղումը: Նախապես շնորհակալություն:

Jan 21 2012

Երեխայի խնամքի նպաստ

Marine.

Բարև ձեզ, խնդրում եմ պարզաբանել իմ հարցն: 2010թ. հոկտեմբերից գտնվում եմ երեխայի խնամքի արձակուրդում, 2011թ օգոստոս-սեպտեմբեր-հոկտեմբեր ամիսներին չեմ ներկայացել ստանալու 18.000-ական գումարները: Նոյեմբերին ներկայացա ստանալու, մերժեցին, ասելով, որ 3 ամիս չստանալու դեպքում գումարը ետ է գնում: Դիմեցի տարածքային սոց. ծառայությանը, պարզաբանեցին, որ չստացած գումարը ետ չի վերադարձվում, սակայն հունվարից կարող եմ նոր թղթեր ներկայացնել շարունակությունը ստանալու համար: Արդյունքում չստացա 5 ամսվա գումարը և չհասկացա` ուր գնաց և ինչպես վերականգնել:

Jan 18 2012

Հղիության և ծննդաբերության արձակուրդի վերաբերյալ

Արթուր.

Արդյո՞ք հաշվի են առնվում տոնական ոչ աշխատանքային օրերը հղիության ու ծննդաբերության ժամանակահատվածում:

Jan 15 2012

Արձակուրդայինի հաշվարկ

Lusine.

Եթե ես աշխատանքի եմ ընդունվել 2011թ. մայիսի 1-ից և աշխատում եմ մինչև հիմա, այսինքն 9 ամիս, միջին աշխատավարձս եղել է 39400 դրամ, ինչպե՞ս հաշվեմ արձակուրդայինս: Կանխավ շնորհակալություն:

Jan 12 2012

Արդյո՞ք պետք կատարել արձակուրդայինի հաշվարկ

Mariell.

Հարգելիներս, խնդրում եմ պատասխանեք հետևյալ հարցին: Ունեմ համատեղությամբ աշխատողներ, որոնք հիմնական աշխատավայրից գնում են արձակուրդ, նույն ժամանակահատվածում ես էլ պիտի տրամադրեմ արձակուրդ: Արդյո՞ք պիտի կատարեմ արձակուրդայինի հաշվարկ, թե՞ հիմնական աշխատավայրից են ստանալու միայն:

Կանխավ շնորհակալություն:

Dec 28 2011

Արձակուրդ ուղարկելու վերաբերյալ

Dina.

Բարև: Աշխատողներից մեկը մեզ մոտ աշխատել է 7, և մյուսը` 5 ամիս: Գիտեմ, որ արձակուրդ հասնում է 6 ամիս աշխատելուց հետո: Դեկտեմբերի 27-ից մինչև 2012 հունվարի 16-ը որոշել ենք չաշխատել: Կարո՞ղ եմ նրանց ուղարկել արձակուրդ, և ինչպիսի՞ ձևակերպումներ պետք է տրվեն: Աշխատանքը հնգօրյա է, և իմ հաշվարկով 7 ամսվա աշխատողը պետք գնա 12 օր արձակուրդ, իսկ 5 ամսվա աշխատողին հասնում է 8 օրվա արձակուրդային: Կուզեմ իմանալ ձեր կարծիքը այս մասին:

Dec 28 2011

Արձակուրդ ուղարկելու հետ կապված

Տաթևիկ.

Կարո՞ղ եք ինձ օգնել: Ինձ անհրաժեշտ է իմանալ, կարող եմ արդյոք արձակուրդ ձևակերպել աշխատողին, եթե իր աշխատանքային 6 ամիսը դեռ չի լրացել: Շնորհակալություն:

Dec 27 2011

Վերջնահաշվարկ

ԱՆԻ.

Բարև բոլորին: Խնդրում եմ պատասխանեք հարցիս: Եթե աշխատողն աշխատում է մի հիմնարկում 01/10/2010-ից և չի գնացել արձակուրդ, իսկ 31/12/2011 ազատվելու է աշխատանքից, ինչպե՞ս հաշվեմ վերջնահաշվարկ: Աշխատավարձը 40000 դրամ է և 6 աշխատանքային օր: Խնդրում եմ մանրամասն գրեք: Նախապես շատ շնորհակալ եմ:

Dec 27 2011

Արձակուրդայինի հաշվարկ

Մարիամ.

Բարև Ձեզ: Աշխատողը վերջին անգամ արձակուրդ գնացել է 01-30.11.10թ.: Այժմ պետք է հաշվարկեմ արձակուրդային 01-23.12.11-ի համար 20 աշխատանքային օր: Աշխատավարձը 70000 դրամ է, 5 օրյա աշխատանքային գրաֆիկ է եղել մինչև 01.12.11թ: Պետք է 20՞ օր լինի արձակուրդը, թե՞ 24: Գրեք մասնրամասն խնդրում եմ արձակուրդայինի հաշվարկը և սոց-ի ու եկամտահարկի պահումները: Կանխավ շնորհակալ եմ:

Dec 25 2011

Աշխատողը մեկնել է հղիության և ծննդաբերության արձակուրդ

Թեհմինա.

Հարգելի հաշվապահներ, խնդրում եմ պատասխանել իմ հարցին: Աշխատանքի եմ ընդունել աշխատողին օրենքով սահմանված կարգով: 3 ամիս անց ուղարկել եմ ֆիզ արձակուրդ, դեկրետային գումարը 100000 դր. է կազմել, վճարել եմ բոլոր հարկերը և պարտադիր վճարները: Խնդրում եմ պատասխանեք, ինչպե՞ս կարող են ապացուցել, որ տվյալ անձը չի աշխատել, եթե կա ընդունման հրաման, տաբել, վճարման ռեեստր, և հարկային պարտավորությունները կատարված են:

Dec 22 2011

Արձակուրդայինի հաշվարկ

Հեղինե.

Կարո՞ղ եք օգնել արձակուրդայինների հաշվարկման հարցում: Եթե 2012թ. հունվարի 09-20 ունենամ արձակուրդ, ինչպե՞ս է հաշվարկվելու հունվար ամսվա իմ աշխատավարձը: Այն հաշվարկվելու է 7՞ աշխատանքային օրվա համար, թե՞ 12 օրվա համար (միջին տարեկան դրույքաչափը 200 հազար դրամ է, և դրան համապատասխան վճարվելու են 09-20.2012 արձակուրդայինները):

Dec 20 2011

Ինչպե՞ս հաշվել վերջնահաշվարկ

ԱՆԻ.

Բարև բոլորին: Խնդրում եմ պատասխանեք հարցիս. եթե աշխատողն աշխատում է մի հիմնարկում 01/10/2010-ից և չի գնացել արձակուրդ, իսկ 31/12/2011 ազատվելու է աշխատանքից, ինչպե՞ս հաշվեմ վերջնահաշվարկ: Աշխատավարձը 40 000 դրամ է և 6 աշխատանքային օր: Խնդրում եմ մանրամասն գրեք: Նախապես շատ շնորհակալ եմ:

Dec 12 2011

Չօգտագործված արձակուրդի փոխհատուցման հարկումը

Արթուր.

Խնդրում եմ պատասխանել և հիմնավորել օրենքի հղումով, եթե հնարավոր է. չօգտագործած ամենամյա արձակուրդի փոխհատուցման գումարները եկամտահարկով հարկվու՞մ են, թե՞ ոչ:

Dec 12 2011

Գործունեության ժամանակավոր դադարեցում

Կարինե.

Հարգելի կոլեգաներ, եթե կազմակերպությունը ունի ավտոտեխսպասարկման տեղամաս (երկու բոքս), այդ բոքսերի աշխատակիցները հունվարին ցանկանում են վերցնել չվճարվող արձակուրդ, այս դեպքում ես հունվարի համար կարո՞ղ եմ արդյոք երկու բոքսերի մասով դադարեցում տալ: Կանխավ շնորհակալ եմ:

Dec 12 2011

Հղիության և ծննդաբերության արձակուրդ

Թերեզա.

Բարև բոլորին: Ես ունեմ աշխատող, որը վերադարձել է երեխայի խնամակալության արձակուրդից, բայց դեռ 5 ամիս է, ինչ աշխատում է, պատրաստվում է կրկին մայրանալ, նա կարո՞ղ է կրկին ֆիզ. ստանալ: Ուզում եմ իմանալ` քանի ամսվա աշխատող պետք է լիլի, որ ֆիզ. արձակուրդ կարողանա ստանա: Եթե կարող եք, ասեք` որտեղ կարող եմ կարդալ այդ օրենքը: Կանխավ շնորհակալություն:

Dec 12 2011

Եթե աշխատանքը վնասակար է

Մարի.

Բարև բոլորին: Հարգելնիերս, խնդրում եմ պատասխանեք հետևլալ հարցիս: Եթե աշխատանքը վնասակար է, ինչպե՞ս է հաշվարկվում վերջնահաշվարկը տվյալ դեպքում: Չօգտագործված արձակուրդային օրերի քանակը ինչպե՞ս է որոշվում:

Dec 08 2011

Վերջնահաշվարկ

Անի.

Բարև: Աշխատողը մեր կազմակերպությունում աշխատում է 2010թ-ից: Հուվար ամսին նա չի աշխատել և փոխարենը ստացել է արձակուրդային 63333, փետրվարից 1-ից անցել է սովորական աշխատանքի մինչև նոյեմբերի 30 70000 դրամ աշխատավարձով: Աշխատանքը 5-օրյա է: Խնդրում եմ օգնեք վերջնահաշվարկի հարցում:

Dec 07 2011

Ինչպե՞ս հաշվարկել նպաստը

Aneta.

Հարգելի հաշվապահներ, խնդրում եմ պատասխանել հետևյալ հարցին: Տվյալ կազմակերպությունում աշխատողը աշխատում է 2011թ. օգոստոսի 1-ից մինչև հոկտեմբերի 30-ը 2011 (3 ամիս), նոյեմբերից պետք է գնա ֆիզարձակուրդ, ամսական աշխատավարձը 45000 դրամ է: Ինչպե՞ս հաշվարկել նրա միջին ամսական աշխատավարձը և ֆիզարձակուրդի գումարը (ըստ ԱՕ վերջին փոփոխությունների), կանխավ շնորհակալություն:

Dec 04 2011

Վիճակագրական հաշվետվության ճշգրտում

Anna.

Բարև ձեզ, ես ունեմ մի քանի հարց.
1. Կազմակերպությունում կա 5 աշխատող, որից մեկը գտնվում է մինչև 3 տարեկան երեխայի խնամքի արձակուրդում, այդ ընթացքում նրան տաբելում նշու՞մ են, թե՞ ոչ: Եվ նաև սոց. և եկամտահարկի հաշվարկի մեջ քանի՞ աշխատող նշեմ:
2. Վիճակագրական հաշվետվության մեջ ավել գումար ցույց տալու դեպքում ես կարո՞ղ եմ դա ուղղել, եթե էլ եկամուտ չեմ ստանալու (որ կարողանայի հանել տարբերությունը), այսինքն նոյեմբեր և դեկտեմբեր ամսում զրոյական է լինելու: Ես կարո՞ղ եմ վերցնել և փոխել հին հաշվետվությունը, այսինքն ճշգրտված ներկայացնել առանց տուգանքի:
Նախապես շնորհակալություն:

Dec 02 2011

Հերթական արձակուրդի տրամադրում

Լիլիթ.

Բարև Ձեզ, ես ունեմ չօգտագործված 10 օր արձակուրդ, որը անցավ և հերթը եկավ հաջորդ 10 օրվանը, ես գնում եմ դեկրետային արձակուրդ, և ինձ ասում են, որ կարող են տալ միայն 10 օրվանը, իսկ նախորդ 10 օրվանը միայն վերջնահաշվարկ անելիս կտրամադրվի գումարը: Ասացեք խնդրեմ, ես կարո՞ղ եմ դեկրետային արձակուրդից առաջ վերցնել ամբողջ 20 օրը, եթե այո, խնդրում եմ խոսեք միայն օրենքի դրույթներով, որպեսզի ես նույնը ասեմ հաշվապահությունում:

Nov 24 2011

Աշխատողը հիվանդացել է արձակուրդի ընթացքում

Լևոն.

Եթե աշխատողը իր հաշվին վերցրած արձակուրդի ընթացքում հիվանդացել է և ներկայացրել է անաշխատունակության թերթիկ, արդյո՞ք այն պետք է վճարվի և ինչպե՞ս:

Older posts «

» Newer posts