Tag Archive: արձակուրդ

Dec 12 2011

Չօգտագործված արձակուրդի փոխհատուցման հարկումը

Արթուր.

Խնդրում եմ պատասխանել և հիմնավորել օրենքի հղումով, եթե հնարավոր է. չօգտագործած ամենամյա արձակուրդի փոխհատուցման գումարները եկամտահարկով հարկվու՞մ են, թե՞ ոչ:

Dec 12 2011

Գործունեության ժամանակավոր դադարեցում

Կարինե.

Հարգելի կոլեգաներ, եթե կազմակերպությունը ունի ավտոտեխսպասարկման տեղամաս (երկու բոքս), այդ բոքսերի աշխատակիցները հունվարին ցանկանում են վերցնել չվճարվող արձակուրդ, այս դեպքում ես հունվարի համար կարո՞ղ եմ արդյոք երկու բոքսերի մասով դադարեցում տալ: Կանխավ շնորհակալ եմ:

Dec 12 2011

Հղիության և ծննդաբերության արձակուրդ

Թերեզա.

Բարև բոլորին: Ես ունեմ աշխատող, որը վերադարձել է երեխայի խնամակալության արձակուրդից, բայց դեռ 5 ամիս է, ինչ աշխատում է, պատրաստվում է կրկին մայրանալ, նա կարո՞ղ է կրկին ֆիզ. ստանալ: Ուզում եմ իմանալ` քանի ամսվա աշխատող պետք է լիլի, որ ֆիզ. արձակուրդ կարողանա ստանա: Եթե կարող եք, ասեք` որտեղ կարող եմ կարդալ այդ օրենքը: Կանխավ շնորհակալություն:

Dec 12 2011

Եթե աշխատանքը վնասակար է

Մարի.

Բարև բոլորին: Հարգելնիերս, խնդրում եմ պատասխանեք հետևլալ հարցիս: Եթե աշխատանքը վնասակար է, ինչպե՞ս է հաշվարկվում վերջնահաշվարկը տվյալ դեպքում: Չօգտագործված արձակուրդային օրերի քանակը ինչպե՞ս է որոշվում:

Dec 08 2011

Վերջնահաշվարկ

Անի.

Բարև: Աշխատողը մեր կազմակերպությունում աշխատում է 2010թ-ից: Հուվար ամսին նա չի աշխատել և փոխարենը ստացել է արձակուրդային 63333, փետրվարից 1-ից անցել է սովորական աշխատանքի մինչև նոյեմբերի 30 70000 դրամ աշխատավարձով: Աշխատանքը 5-օրյա է: Խնդրում եմ օգնեք վերջնահաշվարկի հարցում:

Dec 07 2011

Ինչպե՞ս հաշվարկել նպաստը

Aneta.

Հարգելի հաշվապահներ, խնդրում եմ պատասխանել հետևյալ հարցին: Տվյալ կազմակերպությունում աշխատողը աշխատում է 2011թ. օգոստոսի 1-ից մինչև հոկտեմբերի 30-ը 2011 (3 ամիս), նոյեմբերից պետք է գնա ֆիզարձակուրդ, ամսական աշխատավարձը 45000 դրամ է: Ինչպե՞ս հաշվարկել նրա միջին ամսական աշխատավարձը և ֆիզարձակուրդի գումարը (ըստ ԱՕ վերջին փոփոխությունների), կանխավ շնորհակալություն:

Dec 04 2011

Վիճակագրական հաշվետվության ճշգրտում

Anna.

Բարև ձեզ, ես ունեմ մի քանի հարց.
1. Կազմակերպությունում կա 5 աշխատող, որից մեկը գտնվում է մինչև 3 տարեկան երեխայի խնամքի արձակուրդում, այդ ընթացքում նրան տաբելում նշու՞մ են, թե՞ ոչ: Եվ նաև սոց. և եկամտահարկի հաշվարկի մեջ քանի՞ աշխատող նշեմ:
2. Վիճակագրական հաշվետվության մեջ ավել գումար ցույց տալու դեպքում ես կարո՞ղ եմ դա ուղղել, եթե էլ եկամուտ չեմ ստանալու (որ կարողանայի հանել տարբերությունը), այսինքն նոյեմբեր և դեկտեմբեր ամսում զրոյական է լինելու: Ես կարո՞ղ եմ վերցնել և փոխել հին հաշվետվությունը, այսինքն ճշգրտված ներկայացնել առանց տուգանքի:
Նախապես շնորհակալություն:

Dec 02 2011

Հերթական արձակուրդի տրամադրում

Լիլիթ.

Բարև Ձեզ, ես ունեմ չօգտագործված 10 օր արձակուրդ, որը անցավ և հերթը եկավ հաջորդ 10 օրվանը, ես գնում եմ դեկրետային արձակուրդ, և ինձ ասում են, որ կարող են տալ միայն 10 օրվանը, իսկ նախորդ 10 օրվանը միայն վերջնահաշվարկ անելիս կտրամադրվի գումարը: Ասացեք խնդրեմ, ես կարո՞ղ եմ դեկրետային արձակուրդից առաջ վերցնել ամբողջ 20 օրը, եթե այո, խնդրում եմ խոսեք միայն օրենքի դրույթներով, որպեսզի ես նույնը ասեմ հաշվապահությունում:

Nov 24 2011

Աշխատողը հիվանդացել է արձակուրդի ընթացքում

Լևոն.

Եթե աշխատողը իր հաշվին վերցրած արձակուրդի ընթացքում հիվանդացել է և ներկայացրել է անաշխատունակության թերթիկ, արդյո՞ք այն պետք է վճարվի և ինչպե՞ս:

Nov 23 2011

Չօգտագործված արձակուրդի վերաբերյալ

Ռուբեն.

Ողջույն: Չօգտագործած արձակուրդը տարվա վերջ ընկերությունը ճանաչում է պարտավորություն աշխատակիցներին։ Կարծես թե տրամաբանական է տվյալ պարտավորության դիմաց ծախսը դիտել որպես աշխատավարձի ծախս և ներառել այն շահութահարկի գծով նվազեցվող ծախսերի ցուցակում։

Խնդրում եմ պարզաբանել` արդյո՞ք այդ մոտեցումը ճիշտ է։ Ողջունելի կլինի տալ նաև հղումներ համապատասխան իրավական ակտերին։

Շնորհակալություն:

Nov 23 2011

Ինչպե՞ս կատարել վերջնահաշվարկը

Սյուզի.

Բարև բոլորին: Խնդրում եմ պատասխանեք հարցիս. եթե աշխատողն աշխատում է մի հիմնարկում 01/10/2010-ից և չի գնացել արձակուրդ, իսկ այժմ ազատվում է աշխատանքից, ինչպե՞ս հաշվեմ վերջնահաշվարկ: Աշխատավարձը եղել է 40 000 և 6 աշխատանքային օր: Խնդրում եմ մանրամասն գրեք: Նախապես շատ շնորհակալ եմ:

Nov 21 2011

Վերջնահաշվարկի վերաբերյալ

Ա.Մ.

Բարև Ձեզ: Ես մի հարցով եմ դիմում Ձեզ. ես օդնավակայանում աշխատել եմ որպես հաշվառող սկսած 05 մարտի 2008 – 07 նոյեմբերի 2011, այսինքն 3 տարի 8 ամիս, և չունեմ ոչ մի տույժ, նույնիսկ ունեմ մեկ չօգտագործված արձակուրդ 10 աշխ. օր, ստացել եմ 99.000 դրամ աշխատավարձ: Ես իմ դիմումի համաձայն այլ աշխատանքի տեղափոխվելու նպատակով դուրս եմ եկել աշխատանքից, և ինձ փոխանցել են ընդամենը 31.000 դրամ վերջնահաշվարկ: Խնդրում եմ օգնեք ինձ, թե իրականում որքան վերջնահաշվարկ պետք է լիներ, կամ եթե ես եմ սխալվում, խնդրում եմ ինձ ասեք` ինչի հիման վրա է այս հաշվարկն արվել: Նաև նշեմ, որ իմ ամուսինը, ով աշխատում էր նույն կազմակերպությունում և նույն պաշտոնին, աշխատանքից դուրս եկավ 2011թ. փետրվարի 2-ին, և այնտեղ աշխատում էր 2008 թ. մարտի 5-ից, և ստացավ 128.000 դրամ վերջնահաշվարկ, դա էլ այն դեպքում, որ ընթացքում օգտագործել էր իրեն հասանելի ողջ արձակուրդը:

Nov 16 2011

Միջին աշխատավարձ ստանալու համար

Hayk.

Բարև Ձեզ, հարգելի հաշվապահներ: Ձեր օգնության կարիքն ունեմ. դպրոցում 7 ամսվա աշխատող մանկավարժը գնացել է ֆիզ. արձակուրդ, ստացել է նախա- և հետծննդյան գումարները, և 140 օրը լրանալուց հետո հաշվարկվել է արձակուրդային` օրենքով 42 աշխ. օր: Խնդիրը նրանում է` միջին աշխատավարձ ստանալու համար ընդ. եկամուտը պետք է բաժանել 12՞, թե՞ 7-ի: Օրենքում շատ անհասկանալի է: Կանխավ շնորհակալություն:

Nov 15 2011

Ամենամյա արձակուրդի իրավունք

ԼԻԼԻԹ.

Խնդրում եմ պատասխանել իմ հետևյալ հարցին. 2012թ. մայիս ամսին լրանում է ֆիզ. արձակուրդի 2 տարին: Կարո՞ղ եմ արդյոք անմիջապես լրանալուց հետո վերցնել ամենամյա արձակուրդս:

Nov 11 2011

Ամենամյա արձակուրդի վերաբերյալ

Վիկտորյա.

Հարգելի գործընկերներ, եթե աշխատողը ժամանակավոր անաշխատունակությունից հետո գնում է մինչև 3 տարեկան երեխայի խնամքի համար արձակուրդի, արդյո՞ք այդ ժամանակահատվածը մտնում է իր ամենամյա արձակուրդի հաշվարկի մեջ: Քանի որ ՀՀ Աշխ. օր.-ի 20-րդ հոդվածում ասվում է`”Աշխատանքային ստաժը այն ժամանակահատվածն է, որի ընթացքում քաղաքացին եղել է սույն օրենսգրքով կարգավորվող աշխատանքային հարաբերությունների մեջ, ինչպես նաև այլ ժամանակահատվածներ, որոնք, նորմատիվ իրավական ակտերին կամ կոլեկտիվ պայմանագրերին համապատասխան, կարող են հաշվարկվել աշխատանքային ստաժում…:”
Իսկ 165 հոդվածի համաձայն` “Աշխատանքային տարում, որի համար տրամադրվում է ամենամյա արձակուրդ, ներառվում են`

2) այն ժամանակահատվածը, որի ընթացքում, օրենսդրությանը համապատասխան, պահպանվում են աշխատողի աշխատատեղը (պաշտոնը) և աշխատավարձը` ամբողջությամբ կամ մասամբ.”

Դեկրետի ժամանակ պահպանվում է աշխատողի աշխատավարձը և պաշտոնը և նույնիսկ այդ ժամանակահատվածում ինքը շարունակում է մնալ կազմակերպության աշխատակից, հետևաբար նա լինում է “սույն օրենսգրքով կարգավորվող աշխատանքային հարաբերությունների մեջ”:

Nov 05 2011

Արձակուրդայինի հաշվարկ

Արևիկ.

Կխնդրեի օգնեք հետևյալ հարցում: Աշխատողը հոկտեմբերի 03-ից 5-օրյա աշխ. շաբաթից անցնում է 6-օրյայի և հոկտեմբերի 14-ից վերցնում է 2010թ.-ի չօգտագործած արձակուրդ 10 աշխ. օր (2010թ.-ին նա աշխատել է 5-օրյա աշխ. շաբաթ): Խնդրում եմ օգնեք ճիշտ կողմնորոշվել: Արդյո՞ք պետք է արձակուրդի ժամանակահատվածում շաբաթ օրերը հաշվել որպես աշխ. օր, (այսինքն` 14.10.11 – 27.10.11), թե՞ հաշվել այնպես, ինչպես 2010թ.-ի համար(14.10.11-28.10.11): Կներեք, եթե հարցս խառն եմ ձևակերպել: Կանխավ շնորհակալ եմ:

Nov 05 2011

Եթե աշխատողը գնում է երեխայի խնամքի համար արձակուրդի

Վիկտորյա.

Հարգելի գործընկերներ, եթե աշխատողը ժամանակավոր անաշխատունակությունից հետո գնում է մինչև 3 տարեկան երեխայի խնամքի համար արձակուրդի, արդյո՞ք այդ ժամանակահատվածը մտնում է իր ամենամյա արձակուրդի հաշվարկի մեջ:

Nov 04 2011

Աշխատողը չի օգտվել իր հերթական արձակուրդից

ԳՈՀԱՐ.

Աշխատողն աշխատել է 2 տարի, 2011թ. չի օգտվել իր հերթական արձակուրդից և որոշել է ազատվել աշխատանքից: Կարո՞ղ եմ նրան տրամադրել իրեն հասանելիք հերթական արձակուրդը, ենթադրենք նոյեմբերի 1-ից, իսկ արձակուրդից հետո ազատել աշխատանքից: Այդ դեպքում վերջնահաշվարկ հաշվու՞մ ենք, թե՞ ոչ, եթե այո, ի՞նչ կտրվածքով:

Nov 02 2011

Աշխատողը ներկայացրել է անաշխատունակության թերթիկ

Լիլու.

1. Եթե աշխատողը ներկայացրել է անաշխատունակության թերթիկ ամբողջ ամսվա, և այն շարունակվում է հաջորդ ամիս, արդյո՞ք 2-րդ բուլետենի հաշվարկի ժամանակ նորից պետք է չվճարել 1 օրը, 3 օրը գործատուն, մնացածը սոցի հաշվին, թե՞ արդեն 1-ինից դրանք արվել է:
2. Բյուլետենի հաշվարկի ժամանակ արձակուրդայինի ամիսը մտնում է հաշվարկի մեջ:

Oct 26 2011

Ինչպե՞ս հաշվարկել աշխատողի միջին աշխատավարձը

Hasmik.

Ինչպե՞ս հաշվարկել աշխատողի միջին աշխատավարձը, եթե նա 2010թ. հոկտեմբեր-նոյեմբեր ամիսներին եղել է արձակուրդի մեջ, դեկտեմբեր ամսին ստացել է պարգևատրում:

Oct 24 2011

Նպաստ ստանալու համար

Լենա.

Քույրս գտնվում է ֆիզ. արձակուրդում արդեն մեկ տարի, երեք ամիս է: Հիմա նա սպասում է իր երրորդ երեխային: Փոքրիկը կծնվի նոյեմբերին: Արդյո՞ք պետք է դիմել ֆիզից ֆիզ. գնալու համար ինչ որ տեղ և ի՞նչ պիտի անի: Կստանա՞ նա նախածննդյան և հետ ծննդյան գումարը: Նախապես շնարհակալություն:

Oct 24 2011

Որքա՞ն նպաստ պետք է ստանա աշխատողը

lusine.

50000 դրամ աշխատավարձով վարսավիրանոցում 6 ամիս գրանցված աշխատող համարվող վարսավիրը գտնալու է դեկրետ: Կստանա՞ արդյոք հղիության նպաստ և որքա՞ն:

Oct 18 2011

Աշխատողը գնում է հղիության ու ծննդաբերության արձակուրդ

Հայկուհի.

Հարգելի հաշվապահներ, խնդրում եմ օգնել: Եթե աշխատողը չորս ամիս ընդունվելուց հետո գնում է հղիության ու ծննդաբերության արձակուրդ, պե՞տք է արդյոք պարտադիր նրան տրամադրել իրեն հասանելիք հերթական արձակուրդն, որի ավարտից հետո նոր-երեխայի խնամքի արձակուրդը: Ո՞ր որոշման մեջ կարող եմ կարդալ այդ մասին: Շնորհակալություն:

Oct 13 2011

Աշխատողը գտնվում է հղիության և ծննդաբերության արձակուրդում

Armine.

Աշխատողը գտնվում է հղիության և ծննդաբերության արձակուրդում: Ունեցել է երեխա: Ցանկանում ենք դրամական խրախուսանք տալ մայրիկին: Իրավունք ունե՞նք արդյոք հղիության և ծննդաբերության արձակուրդի ընթացքում տալ այն:

Oct 11 2011

Արձակուրդայինի հաշվարկ

Inga.

Հաշվարկում եմ մի աշխատակցի արձակուրդային, որը նախորդ 12 ամիսների ընթացքում ստաբիլ ստացել է 95000 դրամ աշխատավարձ, արձակուրդ է գնում սեպտեմբեր ամիսը ամբողջությամբ, այսինք 21 աշխատանքային օր: Եվ ստանում եմ նույն 95000 (94983) դրամը: Սխալ ունե՞մ, թե ուղղակի անհիմն անհագնստանում եմ: Մերսի:

Oct 07 2011

Ինչպե՞ս պետք է հաշվարկվի նպաստը

Լիլիթ.

Բարև Ձեզ: Ես ներկա դրությամբ գտնվում եմ երեխայի խնամքի արձակուրդում և պատրաստվում եմ ունենալ երկրորդ երեխաս: Ասացեք խնդրեմ, եթե ես վերջին մեկ տարվա ընթացքում չեմ աշխատել, այսինքն գտվել եմ ֆիզ. արձակուրդում, ինչպե՞ս պետք է հաշվարկվի իմ հղիության նպաստը: Կանխավ շնորհակալ եմ:

Oct 04 2011

Ինչպե՞ս ենք հաշվում աշխատողի արձակուրդայինը

Astgh.

Ասացեք, խնդրեմ, աշխատողի աշխատավարձը կազմում է 60000 ՀՀ դրամ, նրան ուղարկում ենք հերթական արձակուրդ: Ինչպե՞ս ենք հաշվում նրա արձակուրդայինը, և որքա՞ն պետք է ստանա աշխատողը, եթե, ենթանդրենք, ամսվա կեսից է արձակուրդ գնում:

Sep 29 2011

Վերջնահաշվարկի վերաբերյալ

Քրիստինե.

Բարև Ձեզ, խնդրում եմ օգնեք.
1) եթե աշխատողը հերթական արձակուրդից 1 ամիս հետո ազատվում է աշխատանքից, վերջնահաշվարկ արվու՞մ է այդ 1 ամսվա համար:
2) վերջնահաշվարկի գումարից ինչպե՞ս է պահվում եկամտահարկը: Գումարե՞մ նրա աշխատավարձին, թե՞ առանձին դիտարկեմ:
3) վերջնահաշվարկի գումարը անհատական հաշվետվությունում (Ձև Ֆ10) ներառվու՞մ է,թե՞ ոչ:
Կանխավ շնորհակալություն:

Sep 28 2011

Նպաստի հաշվարկ

Անահիտ.

Բարև Ձեզ: Ես գտնվում եմ ֆիզ. արձակուրդում, երեխաս 2 տարեկան 2 ամսեկան է, և ես պատրաստվում եմ նորից երեխա ունենալ: Խնդրում եմ պատասխանեք, քանի՞ ամիս է պետք աշխատել, որպեսզի ֆիզ. արձակուրդի գումարը հաշվարկեն իմ աշխատավարձի չափով, այլ ոչ թե մինիմալ աշխատավարձով (32 500 դրամով):

Sep 19 2011

Միջին աշխատավարձ հաշվելիս

Աննա.

Բարև ձեզ:
Ես 22.12.2010 – 10.05.2011 եղել եմ հղիության և ծննդաբերության արձակուրդում և դուրս եմ եկել աշխատանքի 11.05.2011, ապա 22.08.2011 – 03.09.2011 վերցրել եմ ինձ հասանելիք ամենամյա հերթական արձակուրդ: Միջին աշխատավարձ հաշվելիս ըստ ՀՀ աշխ. օրենքի 195 հոդվածի միջին աշխատավարձի հաշվարկման համար հաշվի են առնվում աշխատանքի վարձատրության բոլոր տեսակները (լրավճարներ, հավելավճարներ, պարգևատրումներ և այլն), որոնք կիրառվում են տվյալ կազմակերպությունում` անկախ վճարման աղբյուրից: Հաշվու՞մ են արդյոք հղիության և ծննդաբերության արձակուրդի դիմաց վճարած գումարը (ընդհանրապես վերջին 12 ամսում վճարած արձակուրդայինները կամ բյուլետենները):

Sep 16 2011

Հետկանչ արձակուրդից

Արսեն.

Հարգելի հաշվապահներ, խնդրում եմ օգնել ինձ մեկ հարցում: Եթե աշխատողը գտնվում է արձակուրդում, հետ կանչի դեպքում վճարումը ինչպե՞ս է կատարվում:

Sep 08 2011

Չօգտագործված արձակուրդի փոխհատուցում

Արամ.

Հարգելի հաշվապահներ, աշխատողը կազմակերպությունում աշխատել է ընդամենը մեկ ամիս: Արդյո՞ք նրա աշխատանքից ազատվելուց պետք է հաշվարկեմ ու վճարեմ մեկ ամսվա համար հասանելիք արձակուրդային օրերի համար (որը մեր կազմակերպությունում կազմում է 2 օր): Շտապ է: Շատ շնորհակալ եմ:

Sep 08 2011

Համատեղությամբ աշխատանքի հետ կապված

Նունե.

Հարգելի հաշվապահներ, մեր կազմակերպության աշխատակիցներից մեկը այս ուսումնական տարում սկսել է աշխատել նաև որպես դասախոս համալսարանում: Վերջինս դասավանդում է շաբաթը 2 օր առավոտյան ժամերին: Մեր կազմակերպության աշխատանքային ժամերն են 9:00-18:00-ն: Հարցս նրանում է, թե արդյոք դասախոսի աշխատանքը համարվում է մեր տվյալ աշխատակցի համար համատեղությամբ աշխատանք, թե ոչ, չէ՞ որ համատեղությամբ աշխատանքը պետք է լինի հիմնական աշխատանքի ժամերից դուրս: Ի՞նչ հարցեր կարող են առաջանալ աշխատավարձի, արձակուրդի, հիվանդաթերթիկների հետ կապված: Որտեղի՞ց կարող եմ կարդալ այդ մասին:

Sep 06 2011

Աշխատողի ազատման հետ կապված

Աննա.

Բարև ձեզ: Խնդրում եմ օգնեք ինձ և շատ շտապ: Եթե աշխատողը ֆիզ. արձակուրդից վերադարնալուց անմիջապես ազատման դիմում է գրում, ապա ՍՊԸ-ն իրավունք ունի՞ ազատել աշխատանքից, համաձայն աշխատողի դիմումի: Եթե ՍՊԸ-ն իրավունք չունի ազատելու, ապա տաբելում գրանցում են նրա անունը և պետ.բյուջե (գործ. սոց) վճարում կատարու՞մ են, եթե նա գտնվում մինչև մեկ տարեկան երեխայի խնամքի տակ: Շնորհակալություն:

Aug 31 2011

Արձակուրդայինի հաշվարկ

Տաթև.

Ես այս տարվա փետրվարի 1-ից մինչև հունիսի 27 գտնվել եմ ֆիզ. արձակուրդում: Դրանից հետո դուրս եմ եկել աշխատանքի: Հոկտեմբերին ինձ տալիս են այս տարվա իմ հերթական արձակուրդը: Խնդրում եմ, եթե հնարավոր է, օգնեք ինձ այն հաշվարկել:

Aug 28 2011

Եթե աշխատողը օգոստոսի 1-ից գնում է արձակուրդ

վահե.

Բարև ձեզ:
Մի հարց. եթե աշխատողը օգոստոսի 1-ից գնում է արձակուրդ 10 աշխատանքային օրով, և նրան արձակուրդային գումարը վճարվում է հուլիսի 28-ին, իսկ հուլիս ամսվա աշխատավարձը հուլիսի 31-ին, այս դեպքում արձակուրդային գումարը օգոստոս ամսվա աշխատավարձի հետ գրվելու է եկամտահարկի եռամսյակային հաշվետվության օգոստո՞ս ամսվան համապատասխանող սյունակում, թե՞ հուլիս ամսվան համապատասխանող սյունակում:

Aug 28 2011

Չօգտագործված արձակուրդի հատուցումը

Lilit.

Խնդրում եմ օգնեք:
Աշխատողը մի դեպքում աշխատել է 11,07-ից 08,08-ը (համարյա 1ամիս), մյուս դեպքում 11,07-ից 31,07-ը: Իմ կարծիքով երկու դեպքում էլ հարկավոր չէ հաշվարկել չօգտագործված արձակուրդայինի հատուցումը, սակայն կասկածում եմ և ուզում եմ իմանալ Ձեր կարծիքը, քանի որ “Պարտ. սոց. ապ. վճարների հաշվարկման և վճարման կարգի մասին” հրահանգում նշված է մինչև մեկ ամիս աշխատողների համար միջին օրականի հաշվարկի ձևը: Ակամա հարց է առաջանում` ինչի՞ համար է այն:

Aug 28 2011

Աշխատանքից ազատում

Գայանե.

Հարգելի կոլեգաներ, խնդրում եմ պատասխանել: Հարցս հետևյալն է.

Աշխատակցուհին ընդունվել է աշխատանքի 11.11.2002թ-ին: Վերջին անգամ արձակուրդ է գնացել 01.08.2011թ-ին և գրել է դիմում սեպտեմբերի 1-ից աշխատանքից ազատելու վերաբերյալ:
Նրա 1 օրվա միջին աշխատավարձը կազմում է 1716 դրամ: Կազմակերպությունն աշխատում է 5-օրյա աշխատանքային գրաֆիկով: Արդյո՞ք պետք է վճարել վերջնահաշվարկ և եթե այո, ապա որքա՞ն:

Նախապես շնորհակալ եմ:

Aug 28 2011

Արձակուրդից հետկանչ

Արևիկ.

Հարգելի էքսպերտներ, խնդրում եմ ինձ հուշեք արձակուրդից հետկանչ կատարելու ճիշտ տարբերակը: Հատկապես, եթե խոսքը գնում է տնօրենի մասին: Արդյո՞ք հրամանի տակ ինքը` տնօրենը պետք է ստորագրի:
Կանխավ շնորհակալություն:

Aug 28 2011

Հղիության և ծննդաբերության նպաստի հաշվարկ

Աննա Օհ.

Խնդրում եմ հաշվել իմ ֆիզ. արձակուրդի գումարը, աշխատավարձս 106 հազար դրամ է, իսկ ես պետք է ունենամ երկվորյակներ: Նախապես շնորհակալություն:

Aug 23 2011

Հղիության և ծննդաբերության նպաստ

Հասմիկ.

Բարև ձեզ, հարգելի հաշվապահներ: Խնդրում եմ օգնեք հետևյալ հարցում` ինձ օգոստոսի 9-ից տրված է հղիության և ծննդաբերության արձակուրդի թերթիկ, ես հիմա օգոստոս ամսվա աշխատավարձ հաշվարկելիս կամ հաշվետվության մեջ պետք է հաշվեմ իմ աշխատավարձը` պահումներով, կամ հաշվետվությունների ո՞ր մասում պետք է ցույց տամ իմ ֆիզ. արձակուրդի գումարը և պահված եկամտահարկը:

Aug 21 2011

Պե՞տք է արդյոք վերջնահաշվարկ կատարել

Վահե.

Բարև ձեզ,
կխնդրեի պատասխանել, եթե աշխատողը ԱՁ-ի մոտ աշխատել է 4.5 ամիս, այնուհետև գնացել է ֆիզ. արձակուրդ մինչև երեխայի 2 տարին լրանալը, հիմա լրանում է երեխայի 2 տարին, և աշխատողը ցանկանում է ազատվել աշխատանքից, այս դեպքում պե՞տք է արդյոք վերջնահաշվարկ կատարել և աշխատողին վճարել 4,5 ամսվան բաժին ընկնող արձակուրդային օրերի համար:

Aug 18 2011

Վերջնահաշվարկի կատարում

Օֆելյա.

Բարև Ձեզ, խնդրում եմ պատասխանել իմ հարցին:
Եթե աշխատողը անցել է աշխատանքի 2009թ. նոյեմբեր ամսից, աշխատել է մինչև 2011թ. ապրիլ ամիսը ներառյալ, այդ ընթացքում արձակուրդի ոչ մի անգամ չի գնացել, ապրիլին կենտրոնը փակվել է, և նա դուրս է մնացել, սակայն վերջինիս չեն տեղեկացրել այս ամենի մասին:
Հարց`
Ազատվելիս վերջնահաշվարկ կատարվու՞մ է, եթե այո, ապա ինչպե՞ս: Եվ եթե աշխատողին ոչինչ չեն ասել վերջնահաշվարկի մասին, ազատվելուց 4 ամիս անց կարո՞ղ է նա պահանջել իր վերջնահաշվարկը:
Աշխատավարձը`
ամսական 28.000 ՀՀ դրամ, և պարգևավճարներ` 80.000 ՀՀ դրամ, 100.000 ՀՀ դրամ, 230.000 ՀՀ դրամ
Կանխավ շնորհակալություն:

Aug 18 2011

Քանի՞ օր է հասնում ամենամյա արձակուրդ

Աննա.

118 աշխատանքային օր աշխատելուց հետո քանի՞ օր է հասնում ամենամյա արձակուրդ:

Aug 18 2011

Արձակուրդայինի հաշվարկ

Հրանուշ.

Բարև ձեզ, հարգելի հաշվապահներ: Եթե աշխատողը հուլիսի 28-ից մինչև օգոստոսի 16-ը գտնվում է արձակուրդում, աշխատած օրերի քանակը 22 է, նրա համար հաշվարկված անվանական աշխատավարձը կազմում է 187.000 դրամ, վճարվում է 153.653.98 դրամ, ապա ինչպե՞ս հաշվարկել վերջինիս արձակուրդայինը: Նախապես շնորհակալություն:

Aug 11 2011

Աշխատողը ընդունվել է աշխատանքի 01.04.2010թ.-ին

վահե.

Բարև ձեզ, խնդրում եմ օգնել հետևյալ հաշվարկում: Աշխատողը ընդունվել է աշխատանքի 01.04.2010թ.-ին, հոկտեմբեր ամսին առաջին անգամ գնացել է արձակուրդ 20 աշխատանքային օրով, հիմա 31.08.2011-ին ազատվել է աշխատանքից, այս դեպքում չօգտագործված արձակուրդային օրերը կկազմեի՞ն 8.33 օր (այսինքն 01.04.2011-31.08.2011-ի համար), թե՞ 6.66 օր (01.05.2011-31.08.2011-ի համար): Կազմակերպությունը աշխատում է 5 օրյա ռեժիմով: Եվ նաև հետևյալ հարցը. միջին աշխատավարձը հաշվելու համար պետք է վերցնել արձակուրդից հետո՞ հաշվարկած աշխատավարձը, թե՞ 01.04.2011-ից, թե՞ 01.05.2011-ից հետո հաշվարկված աշխատավարձը:

Aug 09 2011

Որքա՞ն կկազմի եկամտահարկը

Հասմիկ.

Բարև Ձեզ, հարգելի հաշվապահներ: Խնդրում եմ օգնեք ինձ հետևյալ հարցում: Ես գնում եմ ֆիզ.արձակուրդ, աշխատել եմ երկու ամիս 32500դ. աշխատավարձով, ֆիզ.արձակուրդի գումարը կազմում է 32500/25*116=150800(116ը 140 օրվա աշխատանքային օրերի թիվն է): 150800 – ից որքա՞ն է կազմում եկամտահարկը և ինչ տեղեկանք կամ հաշվետվություն պետք է ներկայացնեմ հարկային, քանի որ հիմնարկի հաշվապահությունը ես եմ վարում, սկսնակ հաշվապահ եմ: Նախապես ՇՆՈՐՀԱԿԱԼՈՒԹՅՈՒՆ շատ-շատ:

Aug 08 2011

Արդյո՞ք հասնում է լրացուցիչ արձակուրդ

Աննա.

Կարո՞ղ եք ասել, կազմակերպության փականագործին հասնու՞մ է լրացուցիչ արձակուրդ:

Aug 05 2011

Աշխատանքային պայմանագիրը լուծելիս

ՍԵՎԱԿ.

Հարգելի ընկերներ, խնդրում եմ պատասխանել հետևյալ հարցին.
աշխատողի հետ կնքված աշխատանքային պայմանագիրը լուծելիս վերջինիս հետ կատարվել է վերջնահաշվարկ (որում ներառված են աշխատավարձի և չօգտագործված ամենամյա վճարովի արձակուրդի գումարները): Այս դեպքում արդյո՞ք պարտադիր է աշխատանքային գրքույկում փաստացի աշխատած ժամանակահատվածին ավելացնել չօգտագործած ամենամյա վճարովի արձակուրդի օրերը:
s.aghabekyan շնիկ mail.ru

Aug 05 2011

Արձակուրդից հետ կանչում

Մագա.

Բարև Ձեզ, ինձ արձակուրդից հետ են կանչել հենց արձակուրդի առաջին օրվանից, սակայն լրիվ վճարվել եմ: Խնդրում եմ ասեք, իրավունք ունե՞մ իմ հայեցողությամբ օգտագործել ինձ հասանելիք արձակուրդը:

Older posts «

» Newer posts