Tag Archive: արտոնագրային վճար

May 16 2016

Արդյո՞ք արտոնագրային վճար վճարողը կարող է վարձու աշխատող ունենալ

Vika.

Բարև ձեզ, ես հանդիսանալով արտոնագրային վճարող՝ կարո՞ղ եմ ընդունել վարձու աշխատող, թե՞ ոչ, և վիճ. հաշվետվություն ներկայացնում եմ, թե՞ ոչ:

Mar 11 2016

Գեղեցկության սրահի հաշվապահություն

Բարև ձեզ, ունեմ նորաբաց գեղեցկության սրահ Աբովյան քաղաքում, ուզում եմ իմանալ` բացի արտոնագրային վճարներից ի՞նչ վճարումներ պետք է անեմ, ի՞նչ ձևով, որտե՞ղ, ի՞նչ հաշվետվություն պետք է ներկայացնեմ և ի՞նչ ձևով:
Կանխավ շնորհակալություն:

Feb 29 2016

Արդյո՞ք ԱՁ վճարում է եկամտային հարկի կանխավճար

Սուսաննա.

Խնդրում եմ պատասխանել՝ եթե անհատ ձեռնարկատերը ընդհանուր հարկման դաշտում է և միաժամանակ իրականցնում է արտոնագրային վճարով հարկվող գործունեություն, վճարու՞մ է արդյոք եկամտային հարկի կանխավճար և արտոնագրային վճարով հարկվող գործունեության համար ամսական 5 000 դրամ: Շնորհակալություն:

Feb 03 2016

Արտոնագրային վճարը չի վճարվել

tigran2016.

Բարև ձեզ, խնդրում եմ պատասխանեք իմ հարցին: Արտոնագրային վճարը պետք է վճարեի հունվարի 20 – 25 – ի ընթացքում ամսեկան 6 500 դր, վճարումը չեմ կատարել: Տուգանք պե՞տք է վճարեմ, թե՞ մեկ ամիս պետք է չաշխատեմ: Շնորհակալություն:

Jun 12 2015

Ա/Ձ – ն իրականացնում է ռադիոապրանքների առևտուր

Հովիկ.

Հարգելի հաշվապահներ, խնդրում եմ օգնեք: Ա/Ձ – ն իրականացնում է ռադիոապրանքների առևտուր, չունի աշխատող, հարկվում է շրջանառության հարկով: Հիմա ցանկանում է կատարել նաև պատճենահանում և տպագրություն: Կարո՞ղ է արդյոք հարկվել շրջ. հարկով, և օգտագործել նույն ՀԴՄ-ն: Մեկ հարց ևս` հնարավո՞ր է ֆիզ. անձով կատարել պատճենահանման ծառայություն, առանց Ա/Ձ -ի արտոնագրային վճարով:

May 26 2015

Հանրային սննդի օբյեկտում հաց է թխվում

Արման.

Հարգելի գործընկերներ, հանրային սննդի օբյեկտում հաց է թխվում ինչպես հաճախորդների համար, այնպես էլ “դրսից” գնորդների համար: Արդյո՞ք կարիք կա առանձնացնել հաշվառումը` հաճախորդների համար թխվածի համար վճարել արտոնագրային վճար, իսկ “դրսից” գնորդների համար` շրջանառության հարկ:

Apr 29 2015

ԱՁ ցանկանում է վարսավիրանոց բացել

Tatev.

Բարև ձեզ:

Ցանկանում եմ բացել վարսավիրանոց, ունեմ մի քանի հարց:
1. Արտոնագրային վճարը, որ օրենքում գրված է 45 000 դրամ եռամսյակային կտրվածքով, դա 1 վարսավիրի համար է, այսինքն եթե ես ունեմ 3 աշխատող, պետք է վճարեմ 3 * 45.000
2. Եթե վարսավիրանոցս գտնվում է Երևան քաղաքի կենտրոնում, արտոնագրային վճարը մնու՞մ է 45 000 դրամ
3. Սոց. վճար ես պետք է կատարեմ ամեն ամիս 5 000 դրամ և վե՞րջ: Վարսավիրներիս սոց. վճարը ո՞նց պետք է կատարվի
4. Կա՞ ինչ-որ դեպք, որ ես պետք է եկամտային հարկ վճարեմ
5. Եթե ես ԱՁ-ի տերն եմ ու նաև աշխատում եմ իմ վարսավիրանոցում, ինձ է՞լ է պետք գրանցել որպես աշխատող ու վճարել 45 000 դրամ

Apr 16 2015

Շահութահարկի հաշվարկի լրացման հետ կապված

Դավիթ.

Հարգելի հաշվապահներ, խնդրում եմ պատասխանել հետևյալ հարցին.
Եթե կազմակերպությունը զբաղվում է նաև արտոնագրային վճարով հարկվող գործունեությամբ, արդյո՞ք շահութահարկի հաշվարկի լրացման ձևի 39 կետի 3-րդ ենթակետում պետք է լրացվի շահութահարկին բաժին ընկնող մասը այն դեպքում, երբ արտոնագրային վճարով գործունեությունը շարունակական է:

Apr 10 2015

Արդյո՞ք պետք է ներկայացնել շահութահարկի հաշվարկ

239

Angela.

2014թ. կազմակերպությունը հանդիսացել է շրջանառության հարկ վճարող: 3 ամիս ունեցել է նաև արտոնագրային գործունեություն: 2014թ.-ի համար Շահութահարկի հաշվարկ պե՞տք է ներկայացնել, թե՞ ոչ:

Apr 10 2015

Ի՞նչ տարեկան հաշվետվություն պետք է ներկայացնի ավտոտեխսպասարկման կենտրոնը

Armine.

Հարգելի հաշվապահներ, խնդրում եմ ասեք, արտոնագրային վճար վճարող ավտոտեխսպասարկման կենտրոնը ինչպիսի՞ տարեկան հաշվետվության ձև պետք է ուղարկի մինչ ապրիլի 15-ը: Կանխավ շնորհակալ եմ:

Feb 10 2015

Ատամնաբուժարանի գործունեություն

GOHAR.

Հարգելի կոլեգաներ, խնդրում եմ, եթե հնարավոր է, օգնեք ինձ. ատամնաբուժական կլինիկայում մեկ բազկաթոռ արտոնագրով ես կարո՞ղ եմ աշխատանքի ընդունել 2 բժիշկ եվ 2 բուժքույր: Եթե այո, աշխատանքային պայմանագիրն ինչպե՞ս կապեմ, որ և մինիմում աշխատավարձ պահպանեմ, և աշխատաժանամակի շաբաթական պարտադիր 33 ժամը պահպանեմ: Կանխավ շնորհակալ եմ:

Jan 16 2015

Եթե արտոնագիր ստանալու համար դիմում-հայտարարությունը ուշ է ներկայացվել

Հարություն.

Հարգելի գործընկերներ, եթե արտոնագիր ստանալու համար դիմում-հայտարարությունը ուշ է ներկայացվել, կազմակերպությունը աշխատել է, ՀԴՄ կտրոններ է տրամադրել, ապա այս դեպքում արդյո՞ք միայն վարչական տուգանք է հասնում, և ի՞նչ է նշանակում “գանձվում է տուգանք` առանց արտոնագրի գործունեությունը փաստացի իրականացնելու ժամանակահատվածի (բայց ոչ պակաս երեք ամսվա) համար սույն օրենքի N 8 հավելվածով սահմանված կարգով հաշվարկված` վճարման ենթակա արտոնագրային վճարի կրկնակի չափով”, այսինքն` եթե մեկ շաբաթ առանց արտոնագիր ենք աշխատել, ուրեմն պետք է երեք ամսվա արտոնագրային վճարի կրկնակիի չափ տուգանք վճարենք, թե՞ երեք ամսից պակաս առանց արտոնագրի աշխատելու դեպքում տուգանք չի հասնում: Նապապես շնորհակալություն:

Dec 01 2014

Գործարքային աշխատավարձ ստացողին արձակուրդային հասնու՞մ է

astxik.

Բարև ձեզ, հարգելի հաշվապահներ, խնդրում եմ պատասխանեք.
1. Գործարքային աշխատավարձ ստացողին արձակուրդային հասնու՞մ է
2. Արտոնագրով հանրային սնունդը, եթե տարածքը 28 քմ է, ինչպե՞ս է հաշվարկվում` օրենքում մինչև 50 քմ համար է գրված, իսկ փոքր տարածքի համար տարբերություն կա՞, թե՞ ոչ:
Շնորհակալություն:

Oct 28 2014

Բացառապես արտոնագրային վճար վճարող ՍՊԸ-ն պե՞տք է արդյոք հանձնի շահութահարկի հաշվարկ

Հելեն.

Հարգելի հաշվապահներ,
բացառապես արտոնագրային վճար վճարող հանդիսացող ՍՊԸ-ն պե՞տք է արդյոք հանձնի շահութահարկի հաշվարկ, և եթե այո, ապա այդ դեպքում ո՞նց է լրացնելու այդ հաշվարկը, որ լրացուցիչ վճարման ենթակա շահութահարկ չառաջանա: Չէ՞ որ արտոնագրային վճարը փոխարինում է շահութահարկին:

Oct 14 2014

ԱՁ զբաղվում է հանրային սննդի գործունեությամբ

Armen.

Բարև ձեզ: Խնդրում եմ պատասխանեք. ես ԱՁ եմ, նոր եմ սկսել գործունեությունս, գրանցվել եմ պետ. ռեգիստրում և հարկայինում որպես հանրային սննդի կետ, բայց հարկվելու եմ շրջանառության հարկով: Արդյո՞ք տեղեկություն տալու եմ հարկային տեսչությանը, որ ես հարկվելու եմ շրջ. հարկով: Կանխավ շնորհակալություն:

Sep 26 2014

Արագ սննդի կետում մսի վաճառքի կազմակերպում

Արմեն.

Բարև ձեզ, սիրելի հաշվապաներ, խնդրում եմ օգնել: Եթե ես ունեմ արագ սննդի կետ առանց նստելատեղերի և միաժամանակ զբաղվում եմ մսավաճառությամբ, արդյո՞ք դա համարվում է հանրային սննդի կետ և ի՞նչ հարկով է հարկվում: Նախապես շնորհակալություն:

Aug 21 2014

Ներկայացված ելակետային տվյալները նվազել են

Angela.

Կազմակերպությունը, որը արտոնագրային վճար վճարող է 01.08.2014թ.-ից, ելակետային տվյալ է ներկայացրել 3 աշխատատեղ: Սեպտեմբերին ելակետային տվյալը իրավունք ունի նվազեցնելու 3-ից 2 աշխատատեղ: Արտոնագրային վճարի մասին ՀՀ օրենքի 8 հավելված 8 կետով ասվում է. “Որևէ ժամանակահատվածի համար տվյալ գործունեության իրականացման վայրի մասով ելակետային տվյալը չի կարող նվազեցվել”: Այսինքն, արդեն ներկայացված տվյալներին է վերաբերում այս կետը, թե՞ ընդհանրապես սկզբի ներկայացված տվյալը նվազեցման ենթակա չէ:
Նախապես շնորհակալություն:

Aug 06 2014

ԱՁ զբաղվում է ավտոտեխսպասարկման ծառայություններով

229

Արմեն.

Հարգելի հաշվապահներ, ԱՁ զբաղվում է ավտոտեխսպասարկման ծառայություններով: Արդյո՞ք տեխսպասարկման ընթացքում մեքենայի փոխված դետալները չեն հարկվում այլ հարկով, թե՞ դա մտնում է արտոնագրային վճարի մեջ: Շնորհակալություն:

May 27 2014

Հանրային սննդի գործունեություն 600 քմ – ից ավել տարածքում

219

Աննա.

Բարև Ձեզ: Մեր կազմակերպությունը աշխատում է ԱԱՀ-ով, զբաղվում է առևտրով, հիմա ավելացել է նաև ռեստորան, որի մակերեսը 600 քմ-ից ավել է: Այս դեպքում մենք պե՞տք է այդ գործունեության մասով, այսինքն` հարային սննդի մասով, նույնպես աշխատենք ԱԱՀ-ով, տեղադրենք ՀԴՄ: Իսկ հարկային գնալ, դիմում գրել անհրաժե՞շտ է, թե միայն էլեկտրոնային հայտը բավական է:

May 21 2014

Արդյո՞ք ԱՁ պետք է վճարի 5 000 դրամ եկամտային հարկ

ANNA.

Կարո՞ղ եք ասել` Ա/Ձ -ն, որի գործունեությունն է ավտոտեխսպասարկումը, ամսեկան 5 000 դրամ եկամտային հարկ վճարու՞մ է պարտադիր կերպով, թե՞ վճարում է միայն արտոնագրային վճար: Կանխավ շնորհակալություն:

May 08 2014

ԱՁ աշխատում է հանրային սննդի ոլորտում

Gor.

3. Արտոնագրային վճար վճարողներ չեն կարող համարվել այն ֆիզիկական անձինք`
1) որոնք իրենց գործունեության իրականացման համար օգտագործում են անհատ ձեռնարկատեր չհանդիսացող այլ ֆիզիկական անձանց աշխատանքը: Այսինքն, եթե ԱՁ-եմ և արագ սննդի կետում վարձու աշխատող եմ պահում, ուրեմն չեմ համարվում արտոնագրային վճար վճարող: Ուրեմն ի՞նչ հարկ պետք է վճարեմ այդ դեպքում: Նախապես շնորհակալություն:

Apr 21 2014

Արդյո՞ք կազմակերպությունը կարող է դուրս գրել հարկային հաշիվ

Գևորգ.

Հարգելի կոլեգաներ, եթե ՍՊԸ-ն աշխատում է շրջանառության հարկով և արտոնագրային վճարով, ապա մենք կարո՞ղ ենք հարկային հաշիվ կազմել, թե՞ ոչ:

Apr 16 2014

Վարսավիրական ծառայությունների մատուցում

208

Սևակ.

Բարև ձեզ, ցանկանում եմ գրանցել ԱՁ կամ ՍՊԸ և մատուցել վարսավիրական ծառայություններ, կցանկանայի կոնկրետ իմանալ` ինչքա՞ն արտոնագրային վճար պետք է վճարեմ, եթե ունեմ մեկ ախատող, բացի արտոնագրային վճարից ուրիշ ի՞նչ հարկեր պետք է վճարեմ և ի՞նչ չափով, վարսահարդարի հետ աշխատանքային պայմանագիր պե՞տք է կնքել, թե՞ ոչ: Կանխավ շնորհակալություն:

Apr 16 2014

Արդյո՞ք ընկերությունը պետք է ներկայացնի շահութահարկի հաշվարկ

Gohar.

Բարև Ձեզ: Խնդրում եմ օգնել.
1. արդյո՞ք շրջանառության հարկ վճարող ՍՊ ընկերությունը պետք է ներկայացնի ամսական ՀԴՄ տեղեկություն, թե՞ վերջինիս եռամսյակի թիվը արտացոլվում է շրջանառության հարկի հաշվետվության մեջ
2. միայն արտոնագրային վճար վճարող ՍՊ ընկերությունը արդյո՞ք պետք է ներկայացնի շահութահարկի հաշվարկ
Կանխավ շնորհակալություն:

Apr 09 2014

Արդյո՞ք ԱՁ վճարելու է եկամտային հարկ

Անուշ.

Հարգելի հաշվապահներ, Ա/Ձ-ն, որը աշխատում է արտոնագրային վճարով, բացի տարեկան 60 000 եկամտային հարկից, վճարու՞մ է նաև 24.4% կամ 26% եկամտային հարկ:

Համաձայն ԱՐՏՈՆԱԳՐԱՅԻՆ ՎՃԱՐՆԵՐԻ ՄԱՍԻՆ ՀՀ ՕՐԵՆՔԻ Հոդված 2-ի`
“Արտոնագրային վճարը սույն օրենքով սահմանված չափերով և ժամկետներում սույն օրենքով նախատեսված գործունեություն իրականացնող ֆիզիկական անձի (այդ թվում` անհատ ձեռնարկատիրոջ) համար ավելացված արժեքի հարկին, իսկ իրավաբանական անձի համար շահութահարկին և (կամ) ավելացված արժեքի հարկին (այսուհետ` ԱԱՀ) փոխարինող պետական բյուջե մուծվող պարտադիր և անհատույց վճար է:”

Այստեղ հստակ նշվում է, որ իրավաբանական անձի համար շահութահարկին և ԱԱՀ-ին փոխարինող վճար է, իսկ Ա/Ձ-ի մասով նշվում է, որ փոխարինում է ԱԱՀ-ին:

Mar 19 2014

Ընկերությունը արտոնագրային վճար վճարող է

Կարեն.

Բարև ձեզ: Խնդրում եմ ինձ օգնել հետևյալ հարցում: Արտոնագրային վճար վճարող ՍՊ ընկերությունը պե՞տք է ներկայացնի ամսեկան ՀԴՄ տեղեկություն և տարեկան շահութահարկի հաշվետվություն, թե՞ շրջանառության հարկի հաշվարկ: Ինչու՞: Շնորհակալություն:

Mar 16 2014

ԱՁ զբաղվում է ավտոտեխսպասարկմամբ

229

Արմեն.

Հարգելի գործընկերներ, ԱՁ զբաղվում է ավտոտեխսպասարկմամբ: Եթե ավտոմեքենայի ինչ որ մաս է փոխարինվում, կամ յուղ, կամ պահեստամաս, որը ըստ էության ԱՁ – ն վաճառում է հաճախորդին, արդյո՞ք դա կհարկվի այլ հարկով, թե՞ դա մտնում է արտոնագրային վճարի մեջ:

Mar 11 2014

Ի՞նչ տարեկան հաշվետվություն են տալիս արտոնագրային վճարով աշխատող Ա/Ձ-ները

ANNA.

Հարգելի հաշվապահներ, կարո՞ղ եք ասել` ինչ տարեկան հաշվետվություն են տալիս արտոնագրային վճարով աշխատող Ա/Ձ-ները: Կանխավ շնորհակալություն:

Dec 19 2013

ՀԴՄ-ով իրականացված հաշվարկների արտացոլում հաշվետվության մեջ

Ալբերտ.

Հարգելի գործընկերներ,
կազմակերպությունը աշխատում է արտոնագրային վճարով, ինչպես նաև շրջանառության հարկով: ՀԴՄ-ով տպվում են 2 տարբեր կտրոններ` բաժին 1-ով արտոնագրային վճարով գործունեության համար, իսկ բաժին 2-ով` շրջանառության հարկով գործունեության համար: Յուրաքանչյուր ամիս ներկայացվում են տեղեկություններ, որտեղ արտացոլվում է ՀԴՄ-ով տպված կտրոնների հանրագումարը: Ւսկ շրջանառության հարկի հաշվարկում նու՞յնպես ամբողջ հանրագումարն է արտացոլվելու, թե՞ միայն շրջ. հարկով հարկվող մասը: Կանխավ շնորհակալություն:

Dec 15 2013

ԱՁ հունվարին դադարեցնելու է գործունեությունը

Սիրանուշ.

Բարև Ձեզ: ԱՁ-ն աշխատում է արտոնագրային վճարով, հունվար ամսին այն գործունեություն չի ծավալելու, ի՞նչ կարող եմ անել, որ հունվար ամսվա արտոնագրային վճարն ու եկամտային հարկը չհաշվարկեմ:

Nov 27 2013

Երևան քաղաքի բաշխումը` ըստ տարածքային գոտիների

Gohar.

Հարգելի հաշվապահներ, խնդրում եմ հուշեք` որտեղ կարող եմ գտնել ՀՀ կառավարության սահմանած Երևան քաղաքի բաշխումը` ըստ տարածքային գոտիների, որպեսզի կարողանամ հասկանալ` որքան արտոնագրային վճար պետք է վճարվի:
Կանխավ շնորհակալություն:

Oct 21 2013

ՍՊԸ-ն արտադրում է քաղցրավենիք մեծածախ վաճառքի համար

Մերի.

Խնդրում եմ օգնել հետևյալ հարցում.
ՍՊԸ-ն արտադրում է քաղցրավենիք մեծածախ վաճառքի համար, չունի ՀԴՄ, դուրս է գրում հաշիվ-ապրանքագիր: Ասացեք խնդրում եմ` ի՞նչ հարկով է հարկվելու` շրջանառության հարկով, թե արտոնագրային վճարով: Նախապես շնորհակալ եմ:

Oct 15 2013

Կազմակերպությունը աշխատում է հանրային սննդի ոլորտում

Արմեն.

Հարգելի հաշվապահներ, կազմակերպությունը աշխատում է հանրային սննդի ոլորտում: Բացի պատրաստի խոհարարական արտադրանքը ունի նաև խմիչքների (ալկոհոլային և ոչ ալկոհոլային), քացրավենիքի (գնված այլ խանութից) վաճառք: Արդյո՞ք անհրաժեշտություն կա վարելու առանձին հաշվառում և հարկելու խմիչքն ու քացրավենիքը շրջանառության հարկով, թե՞ բոլորի համար վճարվում է արտոնագրային վճար:

Oct 13 2013

Արդյո՞ք առաջանում է 11 % եկամտային հարկի պարտավորություն

Արսինե.

Հարգելի հաշվապահներ, խնդրում եմ օգնեք.
եթե կազմակերպությունը աշխատում է շրջանառության հարկով և ունի նաև արտոնագրային վճարով գործող հանրային սննդի օբյեկտ, ապա հանրային սննդի օբյեկտի համար փաստաթղթերով չհիմնավորված ձեռք բերված ապրանքի կամ հումքի համար 11 % եկամտային հարկ վճարու՞մ է արդյոք կազմակերպությունը: Խնդրում եմ նաև նշել օրենքն ու համապատասխան հոդվածը: Կանխավ շնորհակալություն:

Jun 26 2013

Արդյո՞ք պետք է հաշվարկվի և վճարվի 11% եկամտային հարկ

Արսինե.

Հարգելի հաշվապահներ, խնդրում եմ օգնեք.
կազմակերպությունը ՓԲԸ է, զբաղվում է արտադրությամբ և աշխատում է շրջանառության հարկով: Բայց ՓԲԸ-ն ունի նաև արտոնագրային վճարով գործող հանրային սննդի օբյեկտ: Գիտեմ, որ շրջանառության հարկ վճարողները ազատված են 11% եկամտային հարկ պահելու պարտավորությունից, սակայն հարցս հետևյալն է. արտոնագրային վճարող համարվող հանրային սննդի օբյեկտի համար փաստաթղթերով չհիմնավորված ձեռքբերումների մասով արդյո՞ք պետք է հաշվարկվի և վճարվի 11% եկամտային հարկ, թե՞ ոչ: Կանխավ շնորհակալություն:

Jun 25 2013

Ինչպե՞ս է հարկվում գարեջրատունը

Սարգիս.

Ողջույն: Հարգելի գործընկերներ, “Արտոնագրային վճարների մասին” ՀՀ օրենքի հավելված 7-ում նշվում է, որ “սույն հավելվածի իմաստով հանրային սննդի ոլորտում իրականացվող գործունեություն է համարվում խոհարարական արտադրանքի սպառման կազմակերպումը…”: Խնդրում եմ պատասխանեք` այդ դեպքում ինչպե՞ս է հարկվում գարեջրատունը ոգելից խմիչքների և առհասարակ պատրաստի արտադրանքի վաճառքի դեպքում:

Jun 12 2013

Արտոնագրային վճար վճարողը շահութահարկի կանխավճար պե՞տք է վճարի

Anka.

Հարգելի հաշվապահներ, արտոնագրային վճար վճարողը շահութահարկի կանխավճար պե՞տք է վճարի, թե՞ ոչ: Հարկայինի թեժ գծով ասել են, որ պետք է վճարի:

May 12 2013

Կազմակերպությունը զբաղվում է հանրային սննդի կազմակերպման գործունեությամբ

Հարություն.

Հարգելի կոլեգաներ, կազմակերպությունը զբաղվում է հանրային սննդի կազմակերպման գործունեությամբ, որի համար վճարում է արտոնագրային վճար օրենքով սահմանված կարգով: Կազմակերպությունը պարբերաբար գնումներ է կատարում շուկայից: Հարցս հետևյալն է. արդյո՞ք “Եկամտային հարկի մասին” օրենքով նախատեսված հարկային գործակալի կողմից պահվող 11 տոկոս եկամտային հարկը հաշվարկվում է շուկայից գյուղատնտեսական մթերք ձեռքբերելու համար: Հարցը առաջանում է, քանի որ “Եկամտային հարկի մասին” օրենքի համաձայն գյուղատնտեսական արտադրանքը ազատված է եկամտային հարկից: Սակայն մյուս կողմից պարզ չէ, թե կազմակերպությունը գյուղմթերքը ձեռք է բերել շուկայից անմիջապես գյուղմթերք արտադրողից, թե՞ առևտրականից: Հետաքրքիր կլիներ ծանոթանալ տվյալ ոլորտում աշխատող մասնագետների կարծիքներին:

May 07 2013

Կազմակերպությունը աշխատում է հանրային սննդի ոլորտում

Եվա.

Հարգելիներս, կխնդրեի ասել` ինչպիսի՞ ամսական կամ եռամսյակային հաշվետվություն պետք է հանձնի արտոնագրային վճար վճարող, հանրային սննդի գործունեությամբ զբաղվող ՍՊԸ-ն: Կարդալով “Արտոնագրային վճարների մասին” օրենքը` չկարողացա գտնել հարցիս պատասխանը:

Apr 29 2013

Սպառողների սահմանափակ քանակակազմ

Հարություն.

Հարգելի գործընկերներ, “Արտոնագրային վճարների մասին” օրենքում օգտագործվում է “սպառողների սահմանափակ քանակակազմ” հասկացությունը: Խնդրում եմ պարզաբանել` ի՞նչ է այն նշանակում:

Apr 26 2013

Արտոնագրային վճար վարսավիրական գործունեության համար

Ani.

Բարև Ձեզ, հարգելի հաշվապահներ: Ես Ձեր օգնությանն եմ դիմում հետևյալ հարցով: Վարսավիրանոցի համար ինչպե՞ս է հաշվարկվում արտոնագրային վճարը եռամսյակի համար: Կանխավ շնորհակալ եմ:

Apr 24 2013

ԱՁ զբաղվում է ատամնաբուժական ծառայություններով

Սարգիս.

Բարև Ձեզ:

Ես նոր գրանցված Ա/Ձ եմ, հանդիսանում են արտոնագրային վճար վճարող, քանի որ ունեմ ստոմատոլոգիա: Աշխատում են սկսած ապրիլ ամսից, և առայժմ չունեմ աշխատող: Խնդրում եմ ուղղորդեք` այս մեկ ամսվա համար ես բացի արտոնագրային վճարից, որն արդեն վճարել եմ, էլ ի՞նչ հարկատեսակներ պետք է վճարեմ և ի՞նչ էլեկտրոնային հաշվետվություն եմ ներկայացնելու: Կանխավ շնորհակալություն:

Apr 17 2013

Կառավարությունում քննարկել են ՓՄՁ զարգացման խնդիրները

Աղբյուր` PanARMENIAN.Net

Վարչապետի պաշտոնակատար Տիգրան Սարգսյանի գլխավորությամբ կառավարությունում տեղի է ունեցել Փոքր և միջին ձեռնարկատիրության զարգացման խորհրդի հերթական նիստը, հայտնում է կառավարության մամլո ծառայությունը: Անցնելով օրակարգային հարցերին՝ խորհուրդը նաև քննարկել է 2012 թվականի աշխատանքների վերաբերյալ հաշվետվությունը: Զեկուցվել է, որ նախորդ տարվա ընթացքում բարձրացված 14 հարցերից լուծում են ստացել 12-ը: Կարդալ ավելին … »

Apr 17 2013

Ի՞նչ հարկեր են առաջանում

astxik.

Հարգելի հաշվապահներ, խնդրում եմ արձագանքեք, եթե առնչություն ունեք այս հարցին.

ԱԱՀ-ի դաշտում աշխատող կազմակերպությունը ունի նաև արտոնագիր ավտոտեխսպասարկմամբ զբաղվելու համար: Օրինակ, մեքենան մտնում է բոքս վերանորոգման համար, զննման ընթացքում հայտնաբերվում է, որ տվյալ մեքենայի մասերից մի քանիսը պետք է փոխարինվեն նոր մասերով: Այս դեպքում ի՞նչ հարկեր են առաջանում: Ես հետաքրքրվել եմ տարբեր հարկային և այլ աշխատողներից, ստացել եմ տարբեր պատասխաններ: Խնդրում եմ դուք էլ փորձեք պատասխանել, և եթե կարելի է` հիմնավորեք փաստերով կամ թողեք ձեր կարծիքը: Շնորհակալություն:

Apr 14 2013

Ա/Ձ-ն նոր բազված է և զբաղվում է ավտոլվացմամբ

Միլի.

Բարև Ձեզ, հարգելի հաշվապահներ: Խնդրում եմ օգնել ինձ մի հարևցում. Ա/Ձ-ն նոր բազված է և զբաղվում է ավտոլվացմամբ, և հանդիսացել է արտոնագրային հարկ վճարող: Աշխատացրել է 1 բոքս և վճարել է 15750 դրամ: Հիմա ավելացրել է ևս 3 բոքս (ավտովերանորոգողներ): Ինչպե՞ս ներկայացնել վերջին տաղավարների ավելացումը և կատարել վճարումներ: Եվ արդյո՞ք գործունեությունների տարբեր լինելը կազդի արտոնագրային հարկ վճարող համարվելու վրա: Կանխավ շնորհակալ եմ:

Apr 10 2013

ԱՁ-ն զբաղվում է հագուստի մանրածախ և մեծածախ վաճառքով

Ռոբերտ.

Բարև Ձեզ, հարգելի հաշվապահներ:

Ես նոր գրանցված ԱՁ եմ, զբաղվում եմ հագուստի մանրածախ և մեծածախ վաճառքով: Վաճառքը կազմակերպում եմ տանից, 1 սենյակ տրամադրել եմ որպես վաճառասրահ: Ինձ հարկային մարմիններում տեղեկացրին, որ դրամարկղային մեքենա չի հասնում ինձ, քանի որ տարածքս գտնվում է 2 հարկում և “խանութի” սահմանված պահանջներին չի համապատասխանում: Աշխատում եմ մենակ, ուրիշ աշխատող չունեմ: Հարցերս հետևյալն են.

1) Ինչպե՞ս ես ցույց տամ իմ շրջանառությունը
2) Արդյո՞ք պետք է ներկայացնեմ ձեռք բերման որևէ թուղթ
3) Եվ հնարավո՞ր է ինձ հաստատագրված հարկ նշանակեն

իմ էլեկ. հասցեն է rob0408 շնիկ mail.ru.

Կանխավ շնորհակալություն պատասխանների համար:

Apr 03 2013

ԱՁ զբաղվում է վարսավիրական գործունեությամբ

Ժաննա.

Սիրելի հաշվապահներ, խնդրում եմ օգնեք ինձ մի հարցում: Ա/Ձ ցանկանում է բացել վարսավիրանոց: Գիտեմ, որ հարկվելու է արտոնագրային վճարով: Ավելի մանրամասն կասե՞ք` ամսեկան կամ եռամսյակային ի՞նչ հաշվետվություններ պետք է ներկայացնի Ա/Ձ-ն: Նախապես շատ շնորհակալ եմ:

Mar 12 2013

Կարո՞ղ է ԱՁ-ն աշխատել շրջանառության հարկով

Hamest.

Եթե ԱՁ-ն ունի արտոնագրային վճար, զբաղվում է մանրածախ առևտրով և մատուցում է ինտերնետային ծառայություն, ապա կարո՞ղ է աշխատել շրջանառության հարկով:

Feb 17 2013

Շրջանառության հարկի վերաբերյալ

Razmik.

Բարև ձեզ, հարգելի հաշվապահներ: Խնդրում եմ մի քիչ պարզաբանեք շրջանառության հարկի մասին: Ո՞ր դեպքերում է հնարավոր, երբ տնտեսական գործունեություն իրականացնող ֆիզիկական կամ իրավաբանական անձը չի վճարում շրջանառության հարկ, այլ հարկվում է մեկ այլ հարկտեսակով, ու երբ նրա նախորդ տարվա շրջանառությունը չի գերազանցում 58.35 մլ. դր.:

Հարց 2. եթե չի գերազանցում վերը նշված շեմը, հարկ վճարողը ո՞ր դեպքերում է դառնում պարտադիր շրջանառության հարկ վճարող, և արդյո՞ք իրավունք ունի ընտրել այլ հարկատեսակով հարկվելու հնառավորություն, օրինակ` արտոնագրային վճարով

Հարց 3. Ա/Ձ-ն առաջ վճարում էր եկամտահարկ, 5000 դր ամսեկան սոց. վճար և իր ամսեկան շրջանաոության 1 տոկոսը ՀԴՄ-ի տպված չեկերով, իսկ հիմա եթե համարվում է շրջանառության հարկ վճարող, ի՞նչ տեսակի վճարումներ պիտի կատարի:

Շատ եմ խնդրում` օգնեք ինձ հասկանալ` պատասխանելով հարցերիս: Սկսնակ հաշվապահ եմ և ձեր օգնության կարիքը շատ ունեմ, հարգելի հաշվապահներ: Նախապես անչափ շնորհակալ եմ:

Feb 10 2013

Արդյո՞ք ԱՁ-ն վճարելու է ամսեկան 5000 դրամ

Arus.

Ըստ “Եկամտային հարկի մասին” ՀՀ օրենքի անհատ ձեռնարկատերը 2013թ.-ից վճարելու՞ է ամսական 5000 դրամ սոց. գումար, եթե հաստատագրված կամ արտոնագրված վճարով աշխատող չէ:

Older posts «