աշխատանք
հաշվապահական ծրագիր

Tag Archive: գործուղում

Nov 17 2014

Օրապահիկի և գիշերավարձի ծախսերի հաշվարկ ՀՀ-ում գործուղման ժամանակ

Աննա.

Հարգելի գործընկերներ,
Համաձայն 27 նոյեմբերի 1998 թվականի N 753 որոշման՝
թ) Հայաստանի Հանրապետության տարածքում գործուղման օրապահիկի ծախսերը` գործուղվողի գործուղման մեջ գտնվելու յուրաքանչյուր օրացուցային օրվա համար 8 հազ. դրամը չգերազանցող գումարի չափով, ընդ որում` շինարարություն իրականացնող հարկ վճարողների համար Հայաստանի Հանրապետության տարածքում օրապահիկի ծախսերի ամսական գումարը չի կարող գերազանցել տվյալ շինարարությունում ընդգրկված յուրաքանչյուր վարձու աշխատողի հաշվով հաշվարկված տվյալ ամսվա աշխատանքի վարձատրությանն ուղղված միջոցների և դրանց հավասարեցված եկամուտների գումարից:

Տվյալ դեպքում, եթե կազմակերպության աշխատողները գործուղման մեջ են եղել այնքան ժամանակ (նույնիսկ ամբողջ ամիս), որի արդյունքում օրական 8 000 դրամ հաշվարկելով՝ վճարման ենթակա գործուղման օրապահիկի գումարը ավել է ամսեկան աշխատավարձից, ապա այդ տարբերությունը ուղղակի շահութահարկով ծախս չի ճանաչվում, թե՞ բացի այդ էլ պետք է միացվի աշխատողի աշխատավարձին ու հարկվի:

Ինչպես նաև չկա որևէ փաստաթուղթ գիշերավարձի հետ կապված: Պե՞տք է արդյոք վճարեմ գիշերավարձի գումար, և եթե այո, ապա ինչքան:

Oct 18 2014

Աշխատակիցը ներկայացրել է գիշերավարձի փաստաթղթեր

Hayk.

Հարգելի հաշվապահներ, աշխատակիցը, որը մեկնել էր արտերկիր գործուղման, վերադարձել է և ներկայացրել գիշերավարձի փաստաթղթեր: Հարցս հետևյալն է. արդյո՞ք փաստաթղթերով հիմնավորված ամբողջ գումարը (անկախ գումարի չափից) շահութահարկի առումով ենթակա է նվազեցման:

Oct 14 2014

Գործուղում տեղի ունենալը

Hayk.

Բարև ձեզ:

Հարցս. ՀՀ տարածքում գործուղման ժամանակ կազմվում է գործուղման վկայականը, գործուղման վայր ժամանելու և այնտեղից մեկնելու վավերացմամբ: Արդյո՞ք բավարար է արտասահմանյան (Վրաստան) գործուղումների համար ունենալ գործուղվող աշխատակցի անձնագրի պատճեն, որում նշված կլինի, թե երբ է նա հատել սահմանը գնալուց և Հայաստան վերադառնալուց, որպեսզի հաշվարկել գործուղման ծախսերը (օրապահիկ և 70% գիշերավարձ) այլ փաստաթղթեր չլինելու դեպքում (չկա ճանապարհածախսը, գիշերավարձը հիմնավորող և ընդհանրապես արտերկրում գտնվելու որևէ փաստաթուղթ):

Կանխավ շնորհակալ եմ:

Oct 14 2014

Գործուղման գիշերավարձի հատուցում

Hayk.

Բարև ձեզ:

Այսպիսի իրավիճակ՝ պետական հիմնարկի աշխատակիցը գործուղվել է Մոսկվա, որի համար գիշերավարձի առավելագույն չափը ըստ 2335-Ն որոշման սահմանված է 304$ (մեկ գիշեր):

Աշխատակիցը բերել է ծախսը հիմնավորող փաստաթուղթ՝ մեկ գիշերը -600 $:

Արդյո՞ք այդ հիմնավորող փաստաթղթով կազմակերպությունը կարող է հատուցել 304$-ը – 600$-ից, և ի՞նչ ձևակերպում տալ մնացած 296$-ի համար:

Շնորհակալություն:

Oct 02 2014

Գործուղման ծախսերի փոխհատուցման վերաբերյալ

Գայանե.

Հարգելի հաշվապահներ, ասացեք խնդրեմ` հասարակական կազմակերպությունը իրավունք ունի՞ արդյոք կազմակերպության խորհրդի նախագահին վճարելու արտասահման մեկնելու գործուղման ծախսերը: Նախապես շնորհակալ եմ:

Oct 21 2013

Խորհրդի անդամի գործուղում արտերկիր

Լիլիթ.

Հարգելի կոլեգաներ, խնդրում եմ պատասխանել հետևյալ հարցին:
Արդյո՞ք կազմակերպությունն իրավունք ունի իր խորհրդի անդամին (որը չի հանդիսանում աշխատակից) գործուղել արտերկիր և նրան վճարել օրապահիկ: Եթե այո, վերջինիս վճարված օրապահիկը արդյո՞ք համարվում է հարկվող եկամուտ, իսկ գործուղման ծախսերը շահութահարկով նվազեցվո՞ղ են:

Sep 06 2013

Եթե աշխատողին գործուղում ենք հուլիսի 1-ից հուլիսի 31-ը

Գևորգ.

Հարգելի գործընկերներ, կխդրեի պատասխանել մի այսպիսի հարցի. եթե աշխատողին գործուղում ենք հուլիսի 1-ից հուլիսի 31-ը, ինչպե՞ս պետք է հաշվել, թե քանի օր և քանի գիշեր է կազմել աշխատակցի գործուղումը, եթե աշխատում ենք 6-օրյա աշխատանքային շաբաթով: Կանխավ շնորհակալություն:

Jun 23 2013

Գիշերավարձի հատուցում

Հայկ Սարգսյան.

Հարգելի գործընկերներ, օգնեք հասկանալ.

Եթե աշխատակիցը չի բերում ՀՀ տարածք գործուղվելիս գիշերավարձի ծախսերը հիմնավորող փաստաթղթեր և գործուղման հրամանով տվյալ գործուղման փաստացի կատարված ծախսերի հատուցման պահանջ չի սահմանվում, ապա գիշերավարձը հատուցվու՞մ է յուրաքանչուր գիշերվա համար նվազագույն 5000 դրամի չափով, թե՞ ընդհանրապես չի հատուցվում:

Շնորհակալություն:

Apr 03 2013

Օրապահիկի և գիշերեվարձի ծախսեր

Gayane.

Ասացեք խնդրեմ` որտեղի՞ց կարող եմ օգտվել Մոսկվա և Թբիլիսի գործուղման օրապահիկի և գիշերեվարձի ծախսերը հաշվարկելու համար: Taxinfo-ում դրանք չկան: Շնորհակալ եմ:

Feb 26 2013

Կազմակերպությունը մասնագետ է հրավիրել Հռոմից

Anahit Simonyan.

Ինչպե՞ս պետք է հաշվարկել ու համապատասխանաբար` վճարել, օտար երկրից, մասնավորապես` Իտալիա-Հռոմից, հրավիրված մասնագետի գործուղման ծախսերը ՀՀ տարածքում:

Feb 21 2013

Արդյո՞ք պահվում է եկամտահարկ

Աստղիկ.

Գործուղման օրապահիկից եկամտահարկ պահվու՞մ է:

Feb 07 2013

Գիշերավարձի նվազագույն և առավելագույն չափեր

Sona Hayrapetyan.

Խնդրում եմ անհապաղ պատասխանեք: Առանց հիմնավորող փաստաթղթի գիշերավարձի նվազագույն և առավելագույն չափն ինչքա՞ն է: Այսինքն` որքա՞նը կարելի է ծախս ճանաչել շահութահարկի հաշվարկի ժամանակ: Կանխավ շնորհակալություն:

Dec 27 2012

Գործուղման ծախսի հետ ապրանքի ձեռք բերում

Nare.

Բարև Ձեզ, հարգելի հաշվապահներ: Մի բան եմ ուզում հարցնել ու խնդրում եմ հանրավորինս շուտ օգնեք ինձ: Հնարավո՞ր է արդյոք գործուղման ծախսի հետ դուրս գրել նաև գումար ինչ որ ապրանք (ՀՄ) ձեռք բերելու համար: Դա այն դեպքում, երբ որ ապրանքը գնված է նույն վայրից, որտեղ որ գործուղված է աշխատակիցը: Նշեմ նաև, որ գործուղման նպատակը լրիվ այլ է:

Oct 27 2012

Գործուղում ձևակերպելու համար

Narine.

Բարև ձեզ, հարգելի կոլեգաներ: Խնդրում եմ պատասխանեք հարցիս հնարավորինս շուտ: Գործուղում ձևակերպելու համար հրամանագրքում հրաման տալը պարտադի՞ր է, թե՞ ոչ, քանի որ գործուղման վկայականի վրա պահանջվում է հրամանի համար: Ես ուզում եմ գործուղումների համար առանձին հրամանագիրք վարել, քանի որ դրանք բավականին շատ են լինելու: Կարո՞ղ եմ այդպես վարվել, թե՞ ոչ: Եվ ևս մեկ հարց. ժամանումը կարո՞ղ եմ նշել ոչ աշխատանքային ժամ: Ասենք ժամանել է 19.30, դրա համար արտաժամյա պե՞տք է հաշվեմ, թե՞ ոչ: Կանխավ շնորհակալություն:

Oct 13 2012

Կազմակերպության աշխատակիցները գործուղվել են ՌԴ

Saten.

Կարո՞ղ եք օգնել. ապրանքի գնման համար երկու աշխատակից մեկնել են ՌԴ: Տոմսի արժեքը և գործուղման ու օրապահիկի գումարը ներառվու՞մ են ապրանքի ինքնարժեքի մեջ:

Aug 26 2012

Գործուղման ծախսերի փոխանցում

Աստղիկ.

Բարև Ձեզ: Գործուղման ծախսերի, օրապահիկի համար փոխանցվող գումարի վճարման հանձնարարագիրը պետք է լրացնել գործուղման օրվանից առնվազն 3 օր առաջ, թե՞ գործուղման օրը:

Շնորհակալություն:

Aug 26 2012

Գործուղման առաջին օրը համընկնում է կիրակի օրվա հետ

Մարինե.

Հարգելի հաշվապահներ, խնդրում եմ պատասխանել հետևյալ հարցիս: Եթե գործուղման առաջին օրը համընկնում է կիրակի օրվա հետ (օրինակ` տրվում է գործուղում 2012 թ-ի օգոստոսի 5-ից 6 օր տևողությամբ), արդյո՞ք անհրաժեշտ է կիրառել ՀՀ ԱՕ 185 հոդվածի առաջին կետը: Հարգանքներով` Մարինե:

Apr 29 2012

Գործուղում ձևակերպելու դեպքում

Արմինե.

Հարգելի կադրերի բաժնի աշխատողներ, խնդրում եմ մանրամասն բացատրել, թե ինչպիսի փաստաթղթեր է պետք պատրաստել գործուղում ձևակերպելու դեպքում և ինչ հերթականությամբ, այն ինչ վերաբերում է կադրերի բաժնին, ոչ հաշվապահորեն: Եվս մեկ հարց` արդյո՞ք մինչև վեց ամիսը չլրացած աշխատողին ազատելու դեպքում (օրինակ եթե երեք ամիս է աշխատել ու ազատվում է) վերջնահաշվարկ չի հասնում: Նախապես շնորհակալություն:

Apr 25 2012

Գիշերավարձի ծախսերի վերաբերյալ

Գոռ.

Բարև բոլորին: Հարցս վերաբերվում է գործուղումներին: Աշխատակիցը գործուղվել է արտասահման, բերել է բոլոր անհրաժեշտ փաստաթղթերը (տոմսեր երկու երկրներից, գործուղման թերթիկներ կնքված), սակայն չունի գիշերավարձի հիմքերը: Իրավունք ունի՞ արդյոք ՍՊԸ-ն վճարել նրան գիշերավարձի համար 70% չափով: Եթե առնչվել եք այսպիսի պահի հետ, խնդրում եմ արձագանքեք:
Հարգանքով

Apr 05 2012

Օրապահիկի և գիշերավարձի ծախսերի վճարում

hayk.

Հարգելի հաշվապահներ, խնդրում եմ պատասխանեք: Կարո՞ղ եմ արդյոք արտերկիր գործուղված աշխատակցին ավելի պակաս վճարել, քան կառավարության սահմանված օրապահիկի ու գիշերավարձի ծախսերի չափն է: Եթե ոչ, ինչու՞:

Older posts «