Tag Archive: եկամտային հարկ

Jul 03 2017

Հարկերի վճարման պարտավորություններ

Liana.

Կազմակերպությունը(1) մեկ այլ Կազմակերպության(2) հետ տարածքի վարձակալության պայմանագիր է կնքում, այս պարագայում ո՞վ է ստանձնում հարկ վճարելու պարտավորությունը: Եվ, եթե պայմանագրով համաձայնեցվում է, որ 2-րդ կազմակերպությունն է ստանձնում վճարելու պարտավորությունը, արդյո՞ք 1 կազմակերպությունը պե՞տք է հաշվարկը ներկայացնի եկամտային հարկի հաշվարկում:

Jun 23 2017

Ոչ ռեզիդենտի մատուցած ծառայություն

Բարև ձեզ, խնդրում եմ օգնեք:
Եթե ՀՀ կազմակերպությանը ՌԴ ԱՁ-ն մատուցել է բեռնափոխադրման ծառայություն, ապա ի՞նչ հարկ է առաջանում այդ դեպքում` ոչ ռեզիդենտի եկամտային հարկ, թե՞ ոչ ռեզիդենտի շահութահարկ:

Jun 13 2017

Արդյո՞ք առաջանում է եկամտային հարկի պարտավորություն

Սամվել.

Հարգելի հաշվապահներ, կազմակերպությունը վարձակալել է բեռնատար ավտոմեքենա ոչ ռեզիդենտից: Արդյո՞ք առաջանում է եկամտային հարկի պարտավորություն: Նախապես շնորհակալություն:

Jun 12 2017

Արդյո՞ք առաջանում է եկամտային հարկի պարտավորություն

Հասմիկ.

Բարև ձեզ: Եթե իրավաբանական անձը գնում է գյուղացուց անասուն նվիրաբերելու նպատակով, պե՞տք է արդյոք վճարի եկամտային հարկ:

May 24 2017

Ի՞նչ հարկային պարտավորություն է առաջանում

Garnik.

Հարգելի գործըկերներ, խնդրում եմ օգնել: Եթե ՌԴ քաղաքացին (ֆիզ. անձ) տարածք ունի և լիազորել է ՀՀ քաղաքացուն (ֆիզ. անձ) նշված տարածքը վարձակալությամբ տալ իրավաբանական անձի, էս դեպքում ի՞նչ հարկ է հարկ առաջանում` ոչ ռեզիդենտի շահութահարկ, թե՞ ֆիզ. անձի եկամտային հարկ:

May 22 2017

Ինչպե՞ս խուսափել վարչական տուգանքից

Aram Harutyunyan.

Բարև ձեզ: ԱՁ-ն 2017-ի հունվար ամսից ժամանակավորապես չի գործում, իսկ 2017-ի ապրիլի 20-ին ես տվել եմ 2016-ի եկամտային հարկի պարզեցված հաշվետվություն՝ այսինքն 5 օր ուշացրել եմ, քանի որ ԵԿԵՆԳ-ի ծանրաբեռնվածության պատճառով էլ. ստորագրությունս ակտիվ չէր, դրանով խախտել եմ եկամտային հարկի մասին օրենքի 22 հոդվածի 1 կետը, և առաջացել է վարչական իրավախաղտման համար տուգանք։

Խնդրում եմ պատասխանեք` կա՞ արդյոք վճռաբեկ դատարանի նախադեպ, որով կմեղմանա հանգամանքը, որ ստորագրությունս ակտիվ չի եղել, կամ ուրիշ ի՞նչ կերպով կարող եմ խուսափել տուգանքից։ Կանխավ` շնորհակալություն։

Apr 27 2017

Եկամտային հարկի հաշվարկը սխալ է լրացվել

Logiko.

Բարև ձեզ, մարտ ամսվա եկամտային հարկի և սոց. վճարի իմ ուղարկած հաշվետվության մեջ սխալ եմ գտել, տարբերությունը ընդամենը 3 500 դրամ է: Հիմա ժամկետը անցել է, կասե՞ք` ինչ պետք է անեմ: Ի՞նչ տույժեր կան:

Apr 18 2017

Արդյո՞ք առաջանում է ԱԱՀ պարտավորություն

Hasmik.

Կազմակերպության աշխատակիցը Գլոբբինգով ապրանք է ձեռք բերել կազմակերպության համար: Հարկայինից ասացին, որ կազմակերպության բալանսում հաշվառելու համար պետք է օտարում ձևակերպվի: Հարցս հետևյալն է` այդ դեպքում կազմակերպությունը վճարում է 10 % եկամտային հարկ, թե՞ ԱԱՀ պարտավորություն էլ է առաջանում: Շնորհակալություն նախապես:

Apr 18 2017

Արդյո՞ք առաջանում է եկամտային հարկի պարտավորություն

lkarafelyan.

Բարև ձեզ։ Ես աշխատում եմ Հնդկաստանում գործող գրասենյակի համար որպես սրբագրիչ։ Աշխատում եմ տնից, օնլայն տարբերակով։ Արդյո՞ք պարտավոր եմ եկամտային հարկ վճարել։

Apr 18 2017

Եթե եկամտային հարկը ուղղվում է նորարակառույց բնակարան ձեռք բերելու համար

Բարև ձեզ,

Կարո՞ղ եք հուշել` եթե իմ եկամտային հարկը ուղղվում է նորարակառույց բնակարան ձեռք բերելու համար, այս դեպքում արդյո՞ք հետագայում ես կստանամ ֆիզ արձակուրդի գումար (մայրության նպաստ) կամ հիվանդության նպաստ:

Mar 28 2017

ՊՈԱԿ-ը ստացել է դասախոսություններ կազմակերպելու ծրագիր

Սամ.

Ունենք ՊՈԱԿ, որը ծրագիր է ստացել դասախոսություններ կազմակերպելու և ստացել է 12 մլն դրամ, որից 4 մլնը աշխատավարձ, 1 մլնը ձեռք է բերել գրքեր, 7 մլնը ուսումնական կենտրոնի ծախսեր: Մենք պետք է հարկենք այդ գումարները, ճի՞շտ է: 4 մլն աշխատավարձը` եկամտային հարկով, մյուս երկուսը հարկու՞մ ենք, թե՞ ոչ, եթե այո, ապա ԱԱՀ-ո՞վ, թե՞ այլ հարկով:

Mar 22 2017

Տարեկան եկամուտների մասին պարզեցված հաշվարկի լրացման հետ կապված

Arsine.

ԱՁ հանդիսացող ֆիզիկական անձը մեկ այլ կազմակերպությունում աշխատում է որպես վարձու աշխատող, իսկ ԱՁ-ն աշխատում է շրջանառության հարկով: Հարցս հետևյալն է.

Տարեկան եկամուտների մասին պարզեցված հաշվարկի Բաժին III.I-ում արդյո՞ք ներկայացվում է այլ կազմակերպությունից ստացված աշխատավարձը` ըստ ամիսների և դրանից հաշվարկված և պահված եկամտային հարկը:
Կանխավ շնորհակալություն:

Mar 15 2017

Արդյո՞ք պետք է ներկայացնել տարեկան զրոյական հաշվետվություն

Սիլվա.

Ա/Ձ-ն 2008թ-ից չի գործում, ներկայացրել է դադարեցման դիմում: 03․03․2017-ին Ա/Ձ-ն լուծարվել է, արդյո՞ք այս դեպքում պետք է մեկ ամսվա ընթացքում ներկայացվի տարեկան զրոյական հաշվետվություն: Իրավաբանական բաժնում ասում են տարեկան հաշվետվություն ներկայացրեք, ՀՏ-ն ասում է` պետք չէ, քանի որ այդ տարիների համար դադարեցման դիմում եք ներկայացրել, խնդրում եմ ասեք` ինչպե՞ս վարվել այս դեպքում: Եթե կա օրենքի հղում` խնդրում եմ գրեք: Կանխավ շնորհակալ եմ:

Feb 14 2017

Տարեկան եկամուտների մասին պարզեցված հաշվարկի լրացման հետ կապված

Arsine.

ԱՁ հանդիսացող ֆիզիկական անձը մեկ այլ կազմակերպությունում աշխատում է որպես վարձու աշխատող, իսկ ԱՁ-ն աշխատում է շրջանառության հարկով: Հարցս հետևյալն է.

Տարեկան եկամուտների մասին պարզեցված հաշվարկի Բաժին III.I-ում արդյո՞ք ներկայացվում է այլ կազմակերպությունից ստացված աշխատավարձը` ըստ ամիսների և դրանից հաշվարկված և պահված եկամտային հարկը:

Կանխավ շնորհակալություն:

Feb 14 2017

Դրոշմանիշային վճարները հաշվետվության մեջ արտացոլելու վերաբերյալ

Կարինե.

Հարգելի հաշվապահներ, արդյո՞ք եկամտային հարկի հաշվարկը լրացնելիս արդեն չպետք է երևան դրոշմանիշային վճարները (1 000 դր), չէ՞ որ հունվարի համար արդեն պետք է կատարենք դրանք: Ինձ մոտ հաշվարկը լրացնելիս դրանք չեն հաշվարկվում: Նաև խնդրում եմ գրել դրոշմանիշային վճարը կատարելու հաշվեհամարը: Շնորհակալություն:

Feb 14 2017

Արդյո՞ք պետք է ներկայացնել եկամտային հարկի զրոյական հաշվարկ

Արմեն.

Հարգելի գործընկերներ, հասարակական կազմակերպությունը կնքել է ծառայությունների մատուցման քաղաքացիաիրավական պայմանագրեր քաղաքացիների հետ: Հունվար ամսվա ընթացքում վճարումներ այդ անձանց չեն եղել: Արդյո՞ք պետք է ներկայացնել եկամտային հարկի զրոյական հաշվարկ: Շնորհակալություն:

Feb 14 2017

Ինչպիսի՞ ձևակերպումներ պետք է տալ

Saten.

Հարգելի հաշվապահներ, խնդրում եմ պատասխանեք.
Ի՞նչ ձևակերպում են տալիս մայրության նպաստի գումարի հաշվարկման ժամանակ: Հաշվարկել եմ 273 065 գումար, որից 69 076 հարկ, իսկ տվյալ ամսվա եկամտային հարկը կազմել է 108 306, կանխիկ վճարել եմ 203 989, փոխհատուցվել է 164 705:

Jan 19 2017

Երեխայի խնամքի արձակուրդում գտնվելու վերաբերյալ նշում

Inna.

Բարև ձեզ, կարո՞ղ եք հուշել` որտեղ պետք է նշվի աշխատակցի “Երեխայի խնամքի արձակուրդ” – ում գտնվելու մասին տեղեկությունը` Եկամտային հարկի հաշվետվության մեջ: Կանխավ շնորհակալ եմ:

Հ.Գ. Նպաստների ցանկում նշված են մայն`
1.հիվանդության նպաստ
2.պրոթեզավորման նպաստ
3.առողջարանային բուժման նպաստ
4.հղիության և ծննդաբերության նպաստ
5.ընտանիքի հիվանդ անդամի խնամքի նպաստ

Nov 01 2016

Արվեստի գործերի վաճառքի հարկումը

Հարգելի՛ հաշվապահներ, խնդրում եմ օգնել մի հարցով: Ես շուտով սկսելու եմ զբաղվել արվեստի գործերի վաճառքով, ցանկանում եմ գրանցվել որպես անհատ ձեռնարկատեր, քանի որ կնքելու եմ պայմանագրեր կազմակերպությունների հետ և ամեն ինչ օրինական կարգով եմ ցանկանում կատարել: Հարցս հետևյալն է. ինչպե՞ս կարելի է ԱՁ գրանցել, որպեսզի հարկերը հնարավորինս քիչ լինեն, քանի որ արվեստի ոլորտում եմ: Կա՞ն որոշ արտոնություններ: Իսկ եթե ոչ, ի՞նչ կարգով կարելի է գրանցվել, որպեսզի հստակ եկամտային հարկ վճարեմ: Շնորհակալություն:

Sep 26 2016

Ի՞նչ վարչական տույժեր են կիրառվում

Սոնա.

Բարև ձեզ, հարգելի գործընկերներ:
Կասե՞ք ինձ՝ եկամտային հարկի հաշվետվության ուշացման դեպքում (ձև 109) ի՞նչ վարչական տույժեր են կիրառվում:

Sep 09 2016

Վարձավճարը կանխավճար կատարելու դեպքում

228

Սամվել.

Հարգելի գործընկերներ, եթե կազմակերպությունը ֆիզ. անձի հետ կնքել է տարածքի վարձակալության պայմանագիր և ցանկանում է վեց ամսվա վարձավճարը կանխավճարի տեսքով վճարել, ապա այս դեպքում եկամտային հարկի պարտավորությունը առաջանում է կանխավճարի վճարման պահին, թե՞ յուրաքանչյուր ամսվա վերջում: Շնորհակալություն:

Aug 25 2016

ԱՁ ցանկանում է դրոշմապիտակների համար վճարված գումարը հաշվանցել եկամտային հարկի դիմաց

225

rudik.ganjalyan.

Ես ունեմ Ա/Ձ, ցանկանում եմ դրոշմապիտակների ձեռք բերման գումարը հաշվանցել եկամտային հարկի դիմաց: Ես ձեռք եմ բերել 5 000 հատ դրոշմապիտակ, որի համար սխալմամբ վճարել եմ 22 080 դրամ 17 740 ի փոխարեն: Ես այն ձեռք եմ բերել 26/06 -ին, օգտագործել եմ մինչև 20/07-ը: Ես դիմում-հայտ եմ ուղարկել հաշվանցելու համար, սակայն մերժվել եմ, խնդրում եմ ասեք` երկրորդ անգամ նույն դրոշմապիտակների համար կարո՞ղ եմ դիմում ուղարկել հոկտեմբեր ամսին, սեպտեմբերի եկամտային հարկը հաշվանցելու համար, և արդյո՞ք կարող եմ հաշվանցել իմ ավել վճարած գումարը` 4 340 դրամը: Շնորհակալություն:

Aug 23 2016

Արդյո՞ք ԱՁ պետք է վճարի եկամտային հարկի կանխավճար

Լարիսա.

Բարև ձեզ, 2015 թվականին բացված ԱՁ-ն շրջանառության հարկ վճարող համարվելու համար դիմում չի ներկայացրել 2015 և 2016թթ-ին, ուստի աշխատում է ԱԱՀ-ով: 2015 թվականին չունի իրացում:
Հարցս հետևյալն է`
1. ԱՁ-ն պե՞տք է վճարի եկամտային հարկի կանխավճար
2. ԱՁ-ի դեպքում կա՞ արդյոք եկամտային հարկի նվազագույն կանխավճար

Aug 09 2016

Եկամտային հարկի վերաբերյալ

Albert.

Բարև ձեզ: Հաշվապահական գործի հարգելի մասնագետներ, ծանոթանալով Եկամտային հարկի մասին ՀՀ օրենքի դրույթներին, առաջացավ հարցեր, որոնքել, ըստ էության, ներկայացնում եմ ստորև:

Եկամտային հարկի մասին ՀՀ օրենքի 10-րդ հոդվածի 1-ին մասով սահմանվում է եկամտային հարկի դրույքաչափերը, համաձայն որի, հարկային գործակալը եկամտային հարկը հաշվարկում է, մինչև 1 200 000 դրամ ամսեկան եկամտի դեպքում, որպես հարկվող եկամտի 24,4 տոկոսը:

Եկամտային հարկի մասին ՀՀ օրենքի 10-րդ հոդվածի 7-րդ մասի համաձայն՝ Եկամտային հարկի մասին ՀՀ օրենքի 12-րդ հոդվածի 2-րդ մասի 1-ին կետով նախատեսված ձևով գրավոր պայմանագիր չկնքելու կամ ֆիզիկական անձի հետ քաղաքացիաիրավական գրավոր պայմանագիրը (անձնագրի տվյալների և ՀՀ բնակության (հաշվառման) հասցեի պառտադիր նշումով) չկնքելու դեպքում հարկային գործակալը հարկ վճարողին եկամուտներ վճարելիս եկամտային հարկը հաշվարկում և պահում է 11 տոկոս դրույքաչափով՝ վճարված եկամուտների նկատմամբ՝ առանց հաշվի առնելու սույն օրենքով սահմանված նվազեցումները, բացառությամբ այն դեպքերի, երբ վճարումները հիմնավորվել են ՀԴՄ կտրոններով կամ կրճատ հաշիվ-ապրանքագրերով:

Հարց 1-ին՝ գործում է արդյո՞ք վերը նշված դրույթները ներկայումս, և եթե այո, ապա.

Հարց 2-րդ՝ ճիշտ են արդյո՞ք հետևյալ դատողություները, որ աշխատողին աշխատավարձ վճարելիս, գործատուն եկամտային հարկը հաշվարկում և վճարում է 11 տոկոս դրույքաչափով՝ վճարված եկամուտների նկատմամբ՝ առանց հաշվի առնելու Եկամտային հարկի մասին ՀՀ օրենքով սահմանված նվազեցումները, եթե չկա աշխատողի հետ գրավոր կնքված համապատասխան պայմանագիր: Իսկ աշխատողի հետ գրավոր կնքված, քաղ. իրավական պայմանագրի առկայության դեպքում, գործատուն եկամտային հարկը հաշվարկում է, մինչև 1 200 000 դրամ ամսեկան եկամուտ վճարելու դեպքում, որպես հարկվող եկամտի 24,4 տոկոսը, հաշվի առնելով, Եկամտային հարկի մասին ՀՀ օրենքով սահմանված նվազեցումները:

Jul 28 2016

ԱՁ-ն 10 ամիս չի ներկայացրել եկամտային հարկի հաշվարկ

Sona Avagyan.

Բարև ձեզ:
ԱՁ-ն 10 ամիս չի ներկայացրել պասիվ եկամտային հաշվետվություններ: 10 ամիս հետո նոր եկել է ծանուցում: Վճարվել է վարչական տուգանք: Բացի այդ առանց ծանուցման պարզել եմ, որ տույժ տուգանքներ են եկել 10 ամիս շարունակ, որոնք հաշվանցվել են իմ վճարումներից, փաստորեն բացի հաշվետվուտյան 0,5% տուգանքներից իմ վճարումներն էլ բաց են մնացել, և դրանց համար ևս տուգանքներ են եկել: Ի դեպ` տուգանքների չափը 0,5-ի փոխարեն ամեն ամիս մոտ 80 տոկոս են կազմում: Դիմում եմ ներկայացրել պետական եկամուտների կոմիտե վերահաշվարկի համար: Ի՞նչ այլ քայլ կարող եմ անել:

Jun 16 2016

Եկամտային հարկի պարտավորության մարում շրջանառության հարկի գերավճարի հաշվին

Գայանե.

Բարև:
Խնդրում եմ օգնել շրջանառության հարկի գերավճարը փոխանցել եկամտային հարկի պարտավորության մարման, եթե դա հնարավոր է:

Jun 16 2016

Կամավորական աշխատանք

David.

Բարև ձեզ.
1. Առևտրային կազմակերպությունը (ԱՁ, դեղատուն) կարո՞ղ է ԿԱՄԱՎՈՐԱԿԱՆ աշխատանք կատարելու նպատակով աշխատող ընունել, որպես վաճառող` վեց ամիս ժամկետով:
2. Կամավորական աշխատանք կատարողի որևէ սահմանափակում դրվու՞մ է (ԱՁ – հետ փոխկապակցված անձ՝ ԱՁ տնօրենի կին, տղա, աղջիկ, եղբայր և այլն)
3. Կամավորական նման աշխատանքի դեպքում ԱՁ ի՞նչ հարկային վճարումներ պետք է կատարի (Կամավորի եկամտային հարկ վճարվում է, թե ոչ, և ինչպիսի՞ վճարումներ կան):
Խնդրում եմ համապատասխան օրենքի հղումով և հոդվածով, եթե հնարավոր է:

Հարգանքով,
Դավիթ

Jun 01 2016

Դեղատան հաշվապահական հաշվառում

PIRARSEN.

Դեղատան հաշվապահական հաշվառում տանելու համար բացի շրջանառության հարկի ու եկամտային հարկի հաշվետվություններից կա՞ արդյոք ուրիշ թղթաբանություն: Շնորհակալություն:

May 25 2016

Եկամտային հարկի հաշվարկները սխալ են ներկայացվել

Lala.

Բարև ձեզ, խնդրում եմ ինձ օգնեք: 2014թ.-ի և 2015թ.-ի համար ներկայացրել եմ Ա/Ձ-ի հաշվետվությունը: Սոց. վճարող եմ: Հաշվետվության մեջ նշել եմ միայն եկամտային հարկի համար վճարված 60 000-ը: Չեմ լրացրել 5.4 կետը: Այսօր 24.05.2016թ. ինձ զանգահարել են ՀՏ-ից և տեղեկացնում են, որ 2014 և 2015թթ.-ի համար ուղարկված հաշվետվությունները սխալ են և տույժ ու տուգանքներ են ավելացել: Իմ այն հարցին, թե ինչու՞ են հիմա (մեկ տարի անց) ինձ տեղյակ պահում, պատասխանեցին, որ նոր են տեսել:
Հիմա ի՞նչ պետք է անեմ, ո՞րն է լինելու իմ հաջորդ քայլը և արդյո՞ք հնարավոր է գոնե տույժն ու տուգանքը չվճարել:

May 03 2016

Արդյո՞ք պետք է վճարել եկամտային հարկը

mayis38.

ԱՁ-ն գրանցվել է 2016թ. մարտի 31-ին ժամը 16:30, արդյո՞ք պետք է վճարի մարտ ամսվա չարաբաստիկ 5 000 դր. եկամտային հարկը:

Apr 29 2016

Արդյո՞ք առաջանում է շահութահարկի պարտավորություն

Samvel.

Խնդրում եմ պատասխանել հետևյալ 2 հարցին.
1. 2015թ. կազմակերպությունը աշխատել է շրջանառության հարկով, բացի շրջանառության հարկից էլ ի՞նչ հարկատեսակի հաշվետվություն ներկայացնել և վճարում կատարել, չհաշված եկամտային հարկը

2. 2015թ. կազմակերպությունը ժամանակին ներկայացրել է շրջ. հարկի հաշվետվությունները և ժամանակին կատարել մուծումները (4-րդ եռամսյակի մուծումը կատարվել է մինչև 2016թ հունվարի 15-ը): 2016թ հայտը ժամանակին չներկայացնելու պատճառով ավտոմատ անցել ենք ԱԱՀ-ի դաշտ: Խնդրում եմ պատասխանել՝ ՀՏ իրավուք ունի՞ գանձել 2015թ. համար շահութահարկ՝ ամբողջ 2015թ շրջ. հարկի 40%-ի 20%-ը:

Apr 25 2016

Արդյո՞ք առաջանում է եկամտային հարկի պարտավորություն

Հայարփի.

Հարգելի գործընկերներ, խնդրում եմ ինձ ուղարկեք պայմանագրի ձև այն մասին, երբ ՊՈԱԿ (ՀՈԱԿ)-ը գնումներ է կատարում ֆիզիկական անձից: Այս դեպքում կապված վճարի չափից պետք է գնումներ կատարող կազմակերպությունը վճարի նաև 10 կամ 11 տոկոս եկամտային հարկ, չէ՞:

Apr 25 2016

Արդյո՞ք ԱՁ պետք է վճարի եկամտային հարկ

mayis38.

Նորաբաց ԱՁ-ն հաշվետւ եռամսյակում չի աշխատել, ունի զրո շրջանառություն, արդյո՞ք պետք է վճարի եկամտային հարկ:

Mar 30 2016

Նվազագույն աշխատավարձի վերաբերյալ

Տիգրան.

Բարև ձեզ:
Հարցս վերաբերում է աշխատավարձից գանձվող եկամտային հարկին և նվազագույն աշխատավարձին։

ՀՀ եկամտային հարկի մասին օրենքում նշվում է` մինչև 120.000 ՀՀ դրամ աշխատավարձը հարկվում է 24%-ով։
Եթե աշխատողի աշխատավարձը կազմում է 60.000 ՀՀ դրամ, ապա որքա՞ն պետք է հարկվի նշված աշխատավարձից։ Եթե 60․000×24%=45.600 ՀՀ դրամ, այդ դեպքում հատում է ՀՀ Նվազագույն աշխատավարձի մասին օրենքի 55․000 ՀՀ դրամ սահմանված շեմը, սակայն Եկամտային հարկի մասին օրենքով էլ նույն 55.000 ՀՀ դրամ նվազագույն աշխատավարձի շեմը չի նվազեցվում։
Ինչպե՞ս է կարգավորվում հետևյալ հարցը։
Շնորհակալություն:

Mar 09 2016

Սոց. վճարի գերավճարի հաշվանցման վերաբերյալ

Arsine.

ԱՁ-ն բացվել է 2015թ-ի մարտին (ընդ որում ֆիզ. անձը ծնվել է 1983թ.): 2015թ-ի ընթացքում կատարվել են սոցիալական վճարներ ամսական 5 000 դրամի չափով: 2015թ-ի տարեկան հաշվետվությունը ուղարկելիս ծրագրով արտացոլվում է, որ սոց. վճար կատարող չէ: Հարկային մարմնից ասում են, որ հավանաբար իր անունից դիմում ունի ներկայացված: Ինչևէ, կատարված սոց. վճարները ներկայումս որպես գերավճար են, հետևաբար կարո՞ղ եմ արդյոք դիմում ներկայացնել նշված գերավճարը որպես եկամտային հարկ հաշվանցելու համար:

Feb 29 2016

Արդյո՞ք ԱՁ վճարում է եկամտային հարկի կանխավճար

Սուսաննա.

Խնդրում եմ պատասխանել՝ եթե անհատ ձեռնարկատերը ընդհանուր հարկման դաշտում է և միաժամանակ իրականցնում է արտոնագրային վճարով հարկվող գործունեություն, վճարու՞մ է արդյոք եկամտային հարկի կանխավճար և արտոնագրային վճարով հարկվող գործունեության համար ամսական 5 000 դրամ: Շնորհակալություն:

Feb 08 2016

Վարձակալության պայմանագրից ծագող հարկային պարտավորություններ

Հարգելի հաշվապահներ, խնդրում եմ պատասխանել հետևյալ հարցիս.

Ես որպես ֆիզիկական անձ ինձ սեփականության իրավունքով պատկանող տարածքը 200 000 ՀՀ դրամով (առանց օրենդրությամբ սահմանված հարկերի) վարձակալության եմ հանձնել ՍՊԸ-ին: Կարո՞ղ է արդյոք Վարձակալը ինձ վճարել 220 000 ՀՀ դրամ, որից 20.000 ՀՀ դրամն ես այնուհետ վճարեմ որպես սահմանված եկամտային հարկ (10% չափով), թե՞ դա անպայման պիտի կատարի Վարձակալը իր անունից:
Կանխավ շնորհակալ եմ:

Feb 02 2016

Եկամտահարկի և եկամտային հարկի տարբերություններ

Արման.

Բարև ձեզ: Հիմա հեռուստացույցով հաճախ լսում ենք եկամտահարկ տերմինը: Արդյո՞ք սխալ է դա հիմա օգտագործելը: Կասեք` ե՞րբ և ինչու՞ եկամտահարկը փոխվեց եկամտային հարկի, ու ինչով են տարբերվում, նաև օրենքում փոփոխությունների մասին:

Շնորհակալ եմ:

Feb 02 2016

Որքա՞ն է կազմում եկամտային հարկը

Ashot Beglaryan.

Արդյո՞ք մայրության նպաստը համարվում է նվազեցվող եկամուտ: Եթե ոչ, ինչքա՞ն է եկամտային հարկի տոկոսը:

Dec 28 2015

Վարձավճարի կանխավճար վճարելու դեպքում

254

Հարութ.

Հարգելի հաշվապահներ, երբ վարձավճարի կանխավճար է վճարվում, արդյո՞ք եկամտային հարկը պահվում է վճարված ամբողջ գումարից, թե՞ կատարվում է ամսեկան հաշվարկ: Շնորհակալություն:

Dec 21 2015

Գրանցվել է ՍՊԸ, բայց ոչ մի գործունեություն չի ծավալել

Հարգելի հաշվապաներ,

Խնդրում եմ հետևյալ հարցում օգնել:
Սեպտեմբեր ամսին գրանցել եմ ՍՊԸ, որի հիմնադիրն ու տնօրենը հանդիսանում եմ ես: Բայց դեռևս ոչ մի գործունեություն չեմ ծավալել, եկամուտ չեմ ստացել: ՍՊԸ-մ գործում է շրջանառության հարկի դաշտում: Ասեք խնդրում եմ` ի՞նչ տեսակի վճարներ պիտի անեմ (սոցիալական վճար, եկամտային հարկ), եթե ոչ մի շահույթ չեմ ստացել, կամ գործունեություն չեմ ծավալել:

Կանխավ շնորհակալ եմ:

Dec 10 2015

Որքա՞ն հարկային պարտավորություն կառաջանա

Alik.

Կարո՞ղ եք պատասխանել` ինչպե՞ս է հարկվում իրեն սեփականությամբ պատկանող կոմերցիոն տարածքի սեփականատերը, եթե նա այդ տարածքը երկու մասով վարձակալության է տալիս երկու առանձին անհատ ձեռներեցների, այսինքն ամեն մեկի հետ պայմանագիր է կնքում տարածքի մի մասի մասով: Օրինակ, եթե ամեն մեկի համար վարձը կազմում է 500 դոլար, երկուսը միասին 1 000 դոլար, որքա՞ն է կազմում պետությանը վճարվելիք հարկի չափը:

Nov 30 2015

Պարզեցված հաշվարկի փոխարեն ներկայացվել է եկամտային հարկի հաշվարկ

Անի.

Հարգելիներս, շատ շտապ է, խնդրում եմ օգնեք: Արդյո՞ք տեղյակ եք` եթե տարեկան եկամտային հարկի հաշվարկ է ներկայացվել եկամտային հարկի պարզեցված հաշվարկի փոխարեն, ու այսօր նոր տեղեկացնում են դրա մասին, ի՞նչ է մեզ սպասվում: Վճարումները բոլորը ճիշտ արված են: Խնդրում եմ օգնեք:

Nov 23 2015

Արդյո՞ք ապահովագրավճարը ենթակա է նվազեցման շահութահարկի հաշվարկի ժամանակ

Lyudmila.

Ողջույն բոլորին:
Կազմակերպությունը ապահովագրել է Պողոսին, որը չի աշխատում տվյալ կազմակերպությունում, օրինակ` 10 000 ապահովագրավճար է փոխանցել և դրանից 11% եկամտային հարկ է փոխանցել: 10 000 × 11% = 11 000 :
Հիմա հարցս հետևյալն է` 10 000-ը շահութահարկի հաշվարկում ծախս համարվու՞մ է:
Եթե համապատասխան հղում անեք, շնորհակալ կլինեմ:

Nov 16 2015

Արդյո՞ք առաջանում է եկամտային հարկի պարտավորություն

Ani.

Հարցս վերաբերում է եկամտային հարկին.

Կազմակերպությունը հաճախակի միջոցառումներ է կազմակերպում, որոնց ընթացքում լինում է հյուրասիրություն, և մասնակիցներին բաժանվում են գրիչներ, նոթատետրեր, փոքր արժեք ունեցող նվերներ:

Խնդրում եմ պատասխանել, թե ինչպես պետք է կատարվի եկամատային հարկի հաշվարկը (սանդղակով, թե 11%), և ընդհարապես տարբեր տեսակի միջոցառումների ժամանակ հյուրասիրությունը հարկման ենթակա՞ է եկամտային հարկով, թե՞ ոչ:

Շնորհակալություն:

Nov 11 2015

Ա/Ձ-ի վճարների հետ կապված

2015 թ. սեպտեմբերին գրանցված շրջանառության հարկով հարկվող Ա/Ձ-ն մինչ օրս փաստացի գործունեություն չի իրականացնում և դեռևս եկամուտներ չունի: 3-րդ եռամսյակի համար ներկայացրել է 0-ով շրջանառության հարկի հաշվետվություն: Հարց՝

1) Արդյո՞ք տվյալ Ա/Ձ պետք է կատարի ամսական եկատային հարկի և սոց. վճարի 5 000-ական դրամների վճարումը, եթե եկամուտ չունի:

2) Արդյո՞ք անհրաժեշտ է դիմում ներկայացնել տարածքային կենսաթոշակային ֆոնդ սոց. վճարող համարվելու համար, եթե ծնվել եմ 1974 թ. հունվարի 1-ից հետո:

Շնորհակալ կլինեմ պատասխանների համար:

Oct 30 2015

Արդյո՞ք ԱՁ կարող է տարեկան հաշվետվություն չներկայացնել

Yervand Varosyan.

Հարգելի հաշվապահներ.
1. Եթե Ա/Ձ ն հարկվում է եկամտային և շրջանառության հարկերով, կարո՞ղ է տարեկան հաշվետվություն չներկայացնել:
2. Ա/Ձ ի տարեկան հաշվետվության ուշացման համար վարչական տուգանքը ինչքա՞ն է կազմում այս պահի դրությամբ:

Կանխավ շնորհակալություն:

Oct 14 2015

Էլեկտրոնային հաշվետվությունների կայք

Alyona.

Ո՞ր կայքէջից պետք է օգտվել եկամտային հարկի հաշվետվությունը էլեկտրոնային տարբերակով ուղարկելու համար:

Sep 28 2015

ԱՁ վաճառել է ավտոմեքենա

Մանե.

Ֆիզիկական անձից գնել եմ ավտոմեքենա, վաճառել եմ պետական կառույցին: Անհատ ձեռներեց եմ, աշխատում եմ շրջանառության հարկով: Որքա՞ն է կազմելու հարկի դրույքաչափը, և արդյո՞ք վճարելու եմ եկամտային հարկ ֆիզ. անձի փոխարեն: Կանխավ շնորհակալ եմ:

Sep 05 2015

Արդյո՞ք միակողմանի գնման ակտից պահվում է եկամտային հարկ

Տաթև.

Խնդրում եմ ինձ ասել` միակողմանի գննման ակտից եկամտային հարկ պահվու՞մ է: ԱՁ-ն զբաղվում է ծաղկի վաճառքով:

Older posts «