Tag Archive: կես դրույք

Nov 15 2017

Արդյո՞ք անձը կարող է ՀԿ տնօրեն լինել համատեղությամբ

Araksia.

Խնդրում եմ ասեք, եթե ես լրիվ դրույքով աշխատանք ունեմ ԲՈՒՀ-ում, կարո՞ղ եմ մեկ այլ հասարակական կազմակերպության տնօրեն լինել նաև:

Շնորհակալ եմ:

Oct 03 2017

Արդյո՞ք մանկավարժը կարող է աշխատել համատեղությամբ

Վարդուհի.

Բարև ձեզ, խնդրում եմ ինձ պատասխանել` արդյո՞ք մանկավարժը կարող է համատեղությամբ աշխատել 1.5 դրույքով, և ո՞ր օրենքի համաձայն:

Jul 03 2017

Ինչպե՞ս է պետք պայմանագիր կնքել տնօրենի հետ

Հովիկ.

Բարի օր:

Ինչպե՞ս է պետք պայմանագիր կնքել տնօրենի հետ, եթե տնօրենը նաև ՍՊԸ հիմնական սեփականատերն է։ Կարո՞ղ է արդյոք տնօրենը կամավորական սկզբունքով աշխատել իր ՍՊԸ-ում (նա ունի լրիվ դրույք աշխատանք ուրիշ կազմակերպությունում)։ Կարո՞ղ է արդյոք տնօրենը կես դրույք աշխատել։

Կանխավ շնորհակալություն:

Mar 09 2017

Ո՞վ պետք է վճարի դրոշմանիշային վճարը

Սառա.

Ողջույն:
Խնդրում եմ օգնեք հասկանալ` եթե կազմակերպությունում աշխատում եմ 0.5 դրույքով, դրոշմանիշային վճարը իմ փոխարեն պետք է վճարի գործատու՞ն, թե՞ պետք է իմ աշխատավարձից պահվի:

Oct 03 2016

Համատեղությամբ աշխատանք 3 հաստատություններում

Լևոն.

Բարև ձեզ, հարգելի մասնագետներ: Խնդրում եմ ասեք` կարո՞ղ եմ աշխատանքս համատեղել 3 ուսումնական հաստատություններում` գրանցված 0.5, 0.5 և 0.8 մանկավարժական դրույքաչափերով: Եթե այո, ապա կարո՞ղ եմ ունենալ երկրորդ աշխատանքային գրքույկ, իսկ եթե ոչ, կխնդրեմ հնարավորինս աջակցել գտնելու ցանկալի լուծում, քանի որ չեմ ուզում կորցնել առաջարկվող աշխատանքս: Կանխավ շնորհակալ եմ: Հարգանքով` Լևոն:

Aug 31 2016

Նվազագույն աշխատավարձի վերաբերյալ

Սիրանուշ.

Բարև ձեզ, հարգելի հաշվապահներ: Խնդրում եմ ինձ օգնեք.
1) ես ուզում եմ ընդունել աշխատանքի աշխատողին 50 000 դրամ աշխատավարձով: Ինչպես ես պետք է ձևակերպեմ աշխատանքային պայմանագիրը` կրճատ աշխատաժամանակ, թե՞ կես դրույք, թե շաբաթական ինչ որ թիվ պետք է գրեմ:
2) կարո՞ղ է ծառայություն մատուցող ՍՊԸ-ի տնօրենը ստանալ 40 000, թե՞ պետք է ապահովվի մինիմալ աշխատավարձը: Եվ եթե այո, ապա ինչպե՞ս դա ձևակերպել աշխատանքային պայմանագրում:

Խնդրում եմ ինձ օգնեք:
Շնորհակալ եմ:

Mar 11 2016

Արդյո՞ք հնարավոր չէ պահպանել նվազագույն աշխատավարձը

Սյուզի.

Ես աշխատում եմ դպրոցում ու ստանում եմ 60 000 դրամ աշխատավարձ (նվազագույն), սակայն աշակերտ թվի հետ կապված 1 դրույքը դարձրեցին 0.5 դրույք: Հիմա հաշվարկել են, որ պետք է ստանամ 30 000 դրամ: Խնդրում եմ պարզաբանել` արդյո՞ք հնարավոր չէ պահպանել նվազագույն աշխատավարձը:

Apr 05 2015

Նորաբաց կազմակերպությունը իրականացնում է բրոքերային ծառայություններ

Կարեն.

Բարև ձեզ: Խնդրում եմ ասացեք` ՍՊԸ բացելու համար կարող եմ գրանցել մեկ անձ` տնօրեն, կես դրույքով: Ի՞նչ հարկային ռեժիմով է աշխատում բրոքերային կազմակերպությունը, որը զբաղվում է միայն միջնորդությամբ` ներմուծման և արտահանման ոլորտում: Կանխավ շնորհակալ եմ:

Jan 26 2015

Աշխատակիցը փոխարինում է օպերատորին

Արևիկ.

Երևանի դպրոցներից մեկում աշխատում եմ որպես օպերատոր 1 դրույքով, քանի որ մյուս օպերատորը գտնվում է ֆիզարձակուրդում արդեն 2 տարի է, փոխարինում եմ նաև նրան և ունեմ 1,5 դրույք: Չգիտեմ` որ օրենքի համաձայն հունվարի 1-ից ինձնից վերցրել են կես դրույք օպերատորի պարտականություն պատճառաբանելով, որ այլևս թույլ չի տրվում աշխատողին տալ 1 ու կես դրույք: Խնդրում եմ պարզաբանեք` արդյո՞ք կա նման օրենք, որ արգելում է աշխատել 1 ու կես դրույքով, անգամ եթե այդ կես դրույքը գրանցված է միայն փոխարինում: Կանխավ շնորհակալ եմ:

Jan 14 2015

Աշխատողը ընդունվել է աշխատանքի որպես օպերատոր

Կարինե.

Բարև ձեզ: 2008թ. ընդունվել եմ դպրոցում որպես համակարգչային օպերատոր, հետագայում ստացել եմ նաև ֆիզիկայի դասաժամեր, 2012 թ. հոկտեմբերից մեկնել եմ երեխայի խնամքի արձակուրդ: Այդ ընթացքում օպերատորի կես դրույքը դարձել է դրույք ու կես, հիմա ուզում եմ վերադառնալ աշխատանքի, բայց ինձ ասում են, որ ինձ հասնում է օպերատորի միայն կես դրույքը, արդյո՞ք դա ճիշտ է: Նախօրոք շնորհակալություն:

Sep 17 2014

Եթե աշխատողը գրանցված է 1/2 կամ 1/4 դրույքաչափով

Աստղիկ.

Խնդրում եմ ինձ օգնել:

Եթե աշխատողը գրանցված է 1/2 կամ 1/4 դրույքաչափով, ապա այս դեպքում նրա աշխատավարձը պետք է լինի 50 000 (հարկերը հանած համաձայն նվազագույն աշխատավարձի մասին օրենքի), թե՞ կարող է համապատասխանորեն նվազեցվել օրինակ 25 000 կամ 12 500:

Շնորհակալություն:

Sep 11 2014

Հնարավո՞ր է արդյոք աշխատակիցներին գրանցել կես դրույքով

Աննա.

Հնարավո՞ր է արդյոք ՍՊԸ տնօրենին և մենեջերին գրանցել որպես կես դրույքով աշխատող:

Sep 11 2014

Որքա՞ն կկազմի նվազագույն աշխատավարձը

Armen.

1974թ-ից հետո ծնված աշխատողը 0,5 դրույքով վարձատրվում է նվազագույն աշխատավարձով և 1 դրույք 130 000 դրամ աշխատավարձով: Նվազագույն աշխատավարձը պետք է հաշվարկվի 66 138, թե՞ 70 822:

Feb 04 2014

Գործավարի պարտականությունների կատարում օպերատորի կողմից

Սոնա.

Ես աշխատում եմ Երևանի դպրոցներից մեկում` որպես օպերատոր: Դպրոցն ունի 700-ից ավելի աշակերտ: Ես ստանում եմ նվազագույն աշխատավարձ (1 դրույք): Օրերս ֆինանսների նախարարությունից ստացանք գրություն` ոչ ուսուցչական` վարչական, ուսումնաօժանդակ անձնակազմի տիպային հաստիքների և այդ հաստիքների նվազագույն քանակի վերաբերյալ, որտեղ նշված էր, որ 301 և ավելի աշակերտ ունեցող դպրոցի օպերատորի հաստիքի նվազագույն քանակը պետք է կազմի 1.5 դրույք: Սակայն տնօրենն ասում է, որ օպերատորը պետք է կատարի նաև գործավարի աշխատանքը, իսկ քանի որ մենք ունենք գործավար, ուստի ես ստանալու եմ ընդամենը 1 դրույք աշխատավարձ: Բայց ես համոզված եմ, որ գործավարի պարտականությունները դրված չեն օպերատորի վրա: Խնդրում եմ օգնել ինձ` այս հարցը պարզաբանելու համար:

Nov 02 2013

Ինչպե՞ս կհաշվարկվի նպաստը

Աննա.

Խնդրում եմ պատասխանել.
եթե աշխատողը աշխատում է 0.5 դրույքով, ապա անաշխատունակության նպաստը հաշվարկվում է կե՞ս դրույքով, թե՞ նվազագույն աշխատավարձով:

Aug 14 2013

Կես դրույք ձևակերպելու վերաբերյալ

Սուրեն.

Հարգելի հաշվապահներ, հարցս հրատապ է, ո՞վ կարող է ինձ հիմնավոր պատասխան տալ` նվազագույն աշխատավարձի հետ կապված: Ունենք խանութ, որտեղ աշխատում են մայրս և հայրս, մայրս որպես ԱՁ-ի տնօրինող, իսկ հայրս` աշխատող, առևտուրը իրականացվում է երկուսով 13 քառակուսի մետր տարացքում: Կարո՞ղ եմ հայրիկիս աշխատավարձը ձևակերպել կես դրույքով, երբ ամսական շրջանառությունը կազմում է 150.000-ից – 220.000 դրամ, եթե ոչ, ինչու՞:
Կանխավ շնորհակալություն:

Jun 07 2013

Նվազագույն աշխատավարձի փոփոխության վերաբերյալ

Անի.

Հարգելի գործընկերներ, կառավարության ծրագրի քննարկման ժամանակ վարչապետը հայտարարել էր, որ նվազագույն աշխատավարձի չափը հուլիսի 1-ից կլինի 45000 ՀՀ դրամ: Արդյո՞ք դա նաև վերաբերվում է կես դրույք աշխատողներին: Կանխավ շնորհակալություն:

Jan 21 2013

Եկամտահարկի և սոց. վճարների հաշվետվության լրացման վերաբերյալ

Մարինե.

Բարև Ձեզ, խնդրում եմ օգնեք հետևյալ հարցում` մարդը նույն կազմակերպությունում աշխատել է 1 դրույք այլ հաստիքով և կես դրույք այլ հաստիքով, օրենքով դրա իրավունքը նա ունի, բայց եկամտահարկի և սոցապի հաշվետվություններում նույն մարդը պե՞տք է համարվի 2 աշխատող, թե՞ ոչ, որովհետև նրա համար հաշվարկվել է 2 տարբեր աշխատավարձ:

Եվ մեկ ուրիշ հարց` մարդը օրինակ իր մեկ անգամյա ծառայության դիմաց ստացել է հոնորար և այդ հոնորարից հաշվարկվել ու պահվել է եկամտահարկ, նրա համար գործատուի սոցապ չի հաշվարկվել ու վճարվել, դա ճի՞շտ է և պե՞տք է արդյոք ոսցապի հաշվետվության մեջ դա երևա, եկամտահարկի հաշվետվության մեջ կարծում եմ պետք է երևա, խոսքս անցած տարվա մասին է:
Շնորհակալություն:

Nov 12 2012

Աշխատողը ընկերությունում աշխատում է համատեղությամբ

Լուսինե.

Խնդրում եմ ինձ օգնեք հետևյալ հարցում. աշխատողը ընկերությունում աշխատում է համատեղությամբ` կես դրույք և ստանում է 19 250 դրամ աշխատավարձ (հաստիքով 1 դրույքը՝ 38 500/2): Նրա աշխատանքային պայմանագրում ինչպե՞ս ձևակերպել կես դրույքի մասին, որպեսզի օրենքի խախտում չլինի: Եթե կա հղում, խնդրում եմ ասեք` որտե՞ղ կարող եմ այն կարդալ: Շնորհակալություն:

Jun 09 2012

Աշխատանքի վարձատրության վերաբերյալ

manush.

Հարգելի կոլեգաներ, խնդրում եմ պատասխանել հետևյալ հարցիս: Մեր հիմնարկը պետական ոչ առևտրային կազմակերպություն է: Ունենք համատեղությամբ աշխատող բժիշկներ, որոնք բնականաբար աշխատում են ոչ լրիվ աշխատաժամանակով: Կարո՞ղ ենք նրանց վարձատրել 1 դրույքի համար նախատեսված աշխատավարձով, թե՞ պետք է վճարենք աշխատավարձի կես դրույքի չափով:

Sep 26 2011

Ինչպե՞ս է պահվում եկամտահարկը

Arpi.

Խնդրում եմ ինձ ասեք` եթե կես դրույքով աշխատողի աշխատավարձը 30000 դրամ է, ապա ինչպե՞ս է պահվում եկամտահարկը: