Tag: հաշվանցում

ԱԱՀ հաշվանցման հետ կապված

Ա.Մ..

Խնդրում եմ պատասխանեք հետևյալ հարցին.

Եթե կազմակերպությունը 2010թ-ին եղել է ԱԱՀ չվճարող, այդ ԱԱՀ վճարող չհամարվելու ժամանակահատվածում ունեցել է ձեռք բերումներ, 2012թ-ից արդեն համարվում է ԱԱՀ վճարող, արդյո՞ք ես կարող եմ այդ 2010թ-ի ձեռք բերված ԱԱՀ-ները հաշվանցեմ 2012 թ-ին:

ՍՊԸ ձեռք է բերել տրանսպորտային միջոց

Lara.

Բարև Ձեզ: ՍՊԸ-ն ՓՄՁ է և 2011 թ-ի մարտին ձեռք է բերել 2011 թ. տրասնպորտային միջոց, որը գնել է 5 700 000 դրամով (ԱԱՀ վճարող չէ և չի հաշվանցել) : Հարցերս հտևյալն են`
1. Ին՞չ մինիմալ գնով իրավունք ունի դա վաճառել
2. Վաճառքի գումարը համարվելու՞ է որպես հասույթ և հարկվելու՞ դա է արդյոք:

Շատ եմ խնդրում` պատասխանը գրեք ձեր բառերով, ոչ թե օրենքից մեջբերումով:

ԱԱՀ հաշվանցում լիզինգի դեպքում

Anonimus.

Բարև ձեզ:
Ինչ-որ մեկը կարո՞ղ է ինձ օգնել հասկանալու, թե լիզինգով ձեռք բերված ավտոմեքենայի համար ինչպես է ԱԱՀ-ն հաշվանցվում (դա ի՞նչ է իրենից ներկայացնում), և ինչու՞ ՀՀ-ում ֆինանսական լիզինգի դեպքում հնարավոր չէ դա անել:

ԱԱՀ հաշվանցման վերաբերյալ

Արսեն.

Հարգելի հաշվապահներ, մի այսպիսի հարց ունեմ. կազմակերպությունը ձեռք է բերել 500 հզ. դրամի ապրանք + ԱԱՀ 100 հզ, որից 300 հզ.-ը (ԱԱՀ-ն 60 հզ) օգտագործել է իր կողմից կատարված շինարարական աշխատանքներում: Կազմակերպությունը 60 հզ. ԱԱՀ-ն կարող է հաշվանցել, իսկ մյուս 40 հզ. ԱԱՀ-ն կհաշվանցի այն ժամանակ, երբ մյուս մնացած մասը ծախս ցույց կտա, թե՞ որոշ ժամանակ հետո 40 հզ ԱԱՀ-ն կարող է ամբողջությամբ ծախս ցույց տալ: Նախապես շնորհակալություն:

Փոխանակման գործարքի ժամանակ դուրս են գրվել հարկային հաշիվներ

Ռոբերտ.

Հարգելի գործընկերներ, փոխանակման գործարքի ժամանակ դուրս են գրվել հարկային հաշիվներ երկու կողմերի կողմից էլ` առանձնացված ԱԱՀ գումարով: Սակայն, քանի որ սա փոխանակման գործարք է, և առկա չէ վճարում հաշվի դիմաց, հաշվում առանձնացված ԱԱՀ-ն ենթակա չէ հաշվանցման: Արդյո՞ք այդ գումարը միացվում է ձեռքբերված ապրանքի ինքնարժեքին:

ԱԱՀ-ի վերադարձի կամ հաշվանցման դիմում

Սամվել.

Արտահանել ենք սեփական ատադրության արտադրանք և միաժամանակ` ժամանակին ներմուծված ապրանք, տվել են մի քանի հայտարարագիր: Արտադրանքի համար առանձին, ապրանքի համար առանձին: Հարցս հետևյալն է` երբ ներկայացվի զրոյական դրույքաչափով գործարքի ԱԱՀ-ի վերադարձի կամ հաշվանցման դիմում, պետք է նշել միայն սեփակա՞ն արտադրանքի մաքսային արժեքի 20 տոկոսը վերդարձման կամ հաշվանցման համար, թե՞ նաև այն ապրանքների (խողովակ ու մի քանի այլ սարքավորում), որոնք նունյպես արտահանվել են, բայց Հայաստանի արտադրանք չեն, և դա ես գնել եմ ֆիզ. անձից գնման ակտով, առանց ԱԱՀ-ի:

Խնդրում եմ, եթե հնարավոր է, տալ նաև օրենքին հղում, թե չէ յուրաքնաչյուր տեղյակ կարծիք հետաքրքիր է:

Կազմակերպությունը ձեռք է բերել անվադողեր

astxik.

Հարգելի հաշվապահներ, մեր կազմակերպությունը ձեռք է բերել անվադողեր ֆիրմային պատկանող մեքենայի համար: Կարո՞ղ եմ ձեռք բերման ԱԱՀ-ը հաշվանցել, իսկ գումարը որպես հիմնական միջոց դիտել: Շնորհակալություն:

ԱԱՀ հաշվանցման վերաբերյալ

Ani.

Ա Կազմակերպությունը Բ կազմակերպությանը գործառնական վարձակալությամբ տվել է իր հիմնական միջոցը: Բ կազմակերպությունը վարձակալության դիմաց տալիս է հումք Ա կազմակերպությանը: Եվ Ա կազմակերպությունը, և Բ-ն աշխատում են ԱԱՀ-ով, ու նրանցից մեկը որևէ դրամական վճարում մյուսին չի արել: Այսպիսով փակվում է պարտք ու պահանջը: Արդյո՞ք ԱԱՀ հաշվանցման խնդիր չի առաջանա: Եթե կլինի, խնդրում եմ տալ որևէ հղում:

ԱԱՀ հաշվանցման վերաբերյալ

Dina.

Ա կազմակերպությունը Բ կազմակերպությանը գործառնական վարձակալության հիմունքներով հիմնական միջոց է տվել 120000 դրամով ներառյալ ԱԱՀ: Բ կազմակերպությունը Ա-ին փոխարենը տալիս է ապրանք, և դրանով լուծվում են պարտքի ու պահանջի հարցերը: 2 կազմակերպություններն էլ աշխատում են ԱԱՀ-ով, մի կողմից գնում ենք ԱԱՀ-ով ապրանք առանց վճարելու, մյուս կողմից վաճառում` չստանալով որևէ գումար: Արդյո՞ք ԱԱՀ հաշվանցելու հարցում որևէ խնդիր կառաջանա:

Ինչպե՞ս է ձևակերպվում գործարքը

Նանա.

Բարև Ձեզ, հարգելի հաշվապահներ:
Խնդրում եմ ասեք, ինչպե՞ս է ձևակերպվում ԱԱՀ-ը գնորդ ֆիրմայի մոտ, եթե գնված ապրանքի գումարը չի վճարում և ԱԱՀ-ի հաշվանցումը հետաձգվում է, և վճարելուց հետո հաշվանցելու դեպքում ի՞նչ ձևակերպում է տրվում:
Կանխավ շնորհակալ եմ:

Արտադրական նպատակով ավտոմեքենայի ձեռքբերում

Իզաբելա.

Հարգելի հաշվապահներ, արտադրական նպատակով ավտոմեքենա ձեռք բերելիս ԱԱՀ-ն չի հաշվանցվում, այդ դեպքում ի՞նչ հաշվապահական ձևակեպում տալ, այն միացնե՞լ ավտոմեքենայի արժեքին և ԱԱՀ-ի հաշվետվության մեջ ցույց չտա՞լ: Կանխավ շնորհակալ եմ:

Արդյո՞ք վճարումը կհամարվի կանխիկ

Rip.

ԱԱՀ վճարող “Ա” կազմակերպությունը “Բ” կազմակերպությունից ձեռք է բերել ապրանք, որի դիմաց վճարումը կատարվել է անմիջապես “Բ” կազմակերպության բանկային հաշվին գումարը մուտք անելու (ոչ թե փոխանցելու) միջոցով: Նման ձևով վճարում կատարվել է մի քանի անգամ տարբեր օրերի: Բանկի կանխիկ մուտքի անդորրագրերի վրա որպես մուծող նշված է “Ա” կազմակերպության տնօրենը, նպատակը` մուտք հաշվին “Ա” կազմակերպության կողմից, անդորրագրերից մեկի վրա որպես մուծող նշված է այլ անձի` “Բ” կազմակերպության հաշվապահի անունը, նպատակը` մուտք հաշվին “Ա” կազմակերպության կողմից: Յուր. վճարման գումարը գերազանցում է 300 000 դրամը:
Հարց.
Արդյո՞ք այս վճարումը կհամարվի կանխիկ, և կազմակերպությունը իրավունք կունենա՞ հաշվանցելու դրա ԱԱՀ-ն: Ինչպե՞ս կազմակերպությունից ելք անել այն գումարը, որի բանկի կանխիկ մուտքի անդորրագրի վրա նշված է “Բ” կազմակերպության աշխատակցի անունը (ելքի անդորրագրում գրե՞մ “Ա” կազմակերպության տնօրենի անունը, այլ տեղեկություններում էլ նշեմ` “Բ” կազմակերպության աշխատակցի միջոցով, թե՞ միանգամից “Բ” կազմակերպության աշխատակցի անունով էլ ելք անեմ նշված գումարը:
Կանխավ շնորհակալ եմ պատասխանների համար:

Ավելացվել են փաստաթղթեր

“Փաստաթղթեր” բաժնում ավելացվել են հետևյալ փաստաթղթերը.

  • ԱԱՀ-ի հաշվարկ (01.01.2011թ.-ից հետո ընկած հաշվետու ժամանակաշրջանների համար)
  • Դիմում ԱԱՀ զրոյական դրույքաչափով հարկվող գործարքների մասով գումարների հաշվանցման և (կամ) վերադարձի

ԱԱՀ մասին օրենքի 26 հոդվածի 3-րդ կետ

hayk.

Բարև, հարգելի կոլեգաներ: Խնդրում եմ պարզաբանեք ԱԱՀ մասին օրենքի 26 հոդվածի 3-րդ կետը, որ հաշվանցման ենթակա չեն`…
3)ոչ արտադրական (ոչ առևտրային) նպատակներով ձեռք բերված և (կամ) օգտագործված ապրանքների և ծառայությունների գծով, բացառությամբ ապրանքների ու ծառայությունների անհատույց (մասնակի հատուցմամբ) հատկացման դեպքերի: Ի՞նչ է նշանակում ոչ արտադրական (առևտրային) նպատակներով: Օրինակ, ես զբաղվում եմ ներմուծմամբ և մեծածախ ու մանրածախ առևտրով: Հիմա, տնօրենի ավտոմեքենայի համար գնված անվադողի ԱԱՀ-ն հաշվանցվու՞մ է, թե՞ ոչ: Եվ խնդրում եմ բերեք հակառակ օրինակը ու պարզաբանեք, թե ինչու՞ բացառությամբ հատուցման դեպքերի: Սա ո՞ր դեպքն է: Կանխավ շնորհակալ եմ:

Ընկերությունը խորհրդատվական ծառայություն է մատուցում

Գայանե.

Հարգելի հաշվապահներ, խնդրում եմ օգնեք ինձ հետևյալ հարցում:

Ընկերությունը խորհրդատվական ծառայություն է մատուցում արտասահմանյան ընկերության: Պետ. ռեգիստրից վերցրել ենք տեղեկանք առ այն, որ այդ ընկերությունը հայաստանյան որևիցե ներկայացուցչություն կամ մասնաճյուղ չունի: Այսինքն ԱԱՀ-ն կհաշվարկի 0%: ԱԱՀ հաշվարկում ես դա ներկայացնում եմ 9 կետում, որպես ԱԱՀ-ի 0-ական դրույքաչափով հարկվող գործարքներ, իսկ այն դիմումը ավելացված արժեքի հարկի զրոյական դրույքաչափով հարկվող գործարքների մասով գումարների հաշվանցման և (կամ) վերադարձի չի վերաբերվում չէ՞ այս գործարքին: Նախապես շնորհակալություն:

Անհուսալի ճանաչված դեբիտորական պարտքերի վերաբերյալ

Ամալյա.

Բարև ձեզ: Չէի՞ք կարող ասել` արդյոք անհուսալի ճանաչված դեբիտորական պարտքերի մասով նախկինում վճարված ԱԱՀ-ն ենթակա է նվազեցման, թե ոչ:

ԱԱՀ դեբետային մնացորդի վերաբերյալ

Аnna.

Հարգելի հաշվապահներ, խնդրում եմ օգնել ինձ հետևյալ հարցում. կազմակերպությունը ստեղծման օրվանից սկսած զբաղվել է միայն սեփական շենքի շինարարությամբ` կուտակելով մեծ գումարի ԱԱՀ-ի դեբետային մնացորդ: Ներկայումս կազմակերպությունը դադարեցրել է աշխատանքները և չի իրականացնում որևէ այլ գործունեություն: Հնարավո՞ր է արդյոք հետ ստանալ ԱԱՀ-ի կուտակված դեբետային մնացորդը, և ի՞նչ տեղի կունենա, եթե օրինակ կազմակերպությունը լուծարվի: Կանխավ շնորհակալություն:

Կազմակերպությունը 2011թ. ԱԱՀ վճարող համարվելու համար դիմում չի գրել

Արթուր.

Խնդրում եմ շտապ պատասխանել: Կազմակերպությունը 2010թ. ԱԱՀ-ով է աշխատել իր դիմումի համաձայն, սակայն 2011թ-ի համար չի գրել դիմում և աշխատել է ԱԱՀ-ով` ունենալով ներմուծում և իրացում, և կատարել է հաշվանցում: Ի՞նչ հետևանքներ կարող են առաջանալ:

ԱԱՀ հաշվանցում

Անի.

Բարև Ձեզ,սիրելի հաշվապահներ: Ընկերությունը համարվում է ԱԱՀ չվճարող, սակայն հաճախ Վրաստանից ապրանքներ է ներմուծում: Կցանկանայի իմանալ, թե այդ դեպքում ինչպես է կատարվում ԱԱՀ-ի հաշվանցումը:

Ապրանքի արտահանում

Nazeli.

Հարգելի հաշվապահներ, ես սկսնակ հաշվապահ եմ և դժվարանում եմ այս հարցում: Ուզում ենք արտահանում կատարել Ռուսաստանի Դաշնություն: Խնդրում եմ պարզաբանել, արտահանման ժամանակ, երբ ԱԱՀ-ով չենք ուղարկում և դուրս ենք գրում սովորական հաշիվ, ի՞նչ հիմքի վրա ենք պահանջում պետությունից ԱԱՀ և ի՞նչ կարգով է այն կատարվում, ինչպե՞ս է արտացոլվում ԱԱՀ հաշվետվության մեջ: Շնորհակալություն:

ԱԱՀ հաշվարկի վերաբերյալ

A.M.

Հարցս հետևյալն է: ԱԱՀ հաշվարկում նախորդ ժամանակաշրջանում առաջացած ԱԱՀ դեբետային մնացորդ նշվում է 16.2 կետի Ա վանդակում, որի համար որպես հիմք նշվում է 25-րդ հոդվածը: Արդյո՞ք ճիշտ եմ:

Ֆիզ. անձը անհատույց վարձակալության է տվել իր տարածքը

E.

Ֆիզ. անձը, որը միաժամանակ հանդիսանում է ՍՊԸ-ի տնօրեն, անհատույց վարձակալության է տվել իր տարածքը արտադրությամբ զբաղվող իր ընկերությանը: Հետո բանկից վարկ է վերցրել և կատարել ծախսեր այդ անհատույց վարձակալած տարածքի համար` ձեռք բերելով շինանյութ և այլ նյութեր: Այդյո՞ք այդ ձեռքբերումների գծով հ/ֆ-ներում առկա ԱԱՀ-ն հաշվանցման ենթակա է և այդ կատարված ծախսերը` ծախսագրման ենթակա:

Կազմակերպությունը ազատված է ԱԱՀ-ից

Վահե.

Հարգելի կոլեգաներ, եթե մեր ընկերությունը ազատված է ԱԱՀ-ից, գնում կատարելուց մեզ տվել են հաշիվ ֆակտուրա: Ֆակտուրայում տվյալ ապրանքի գումարի 20%-ի չափով նշված է ԱԱՀ-ի գումարը: Ես ո՞նց պետք է ձևակերպեմ այդ գումարը, եթե ԱԱՀ վճարող չեմ: Կամ, եթե այդ գումարը տվյալ ապրանքի գումարի հետ միասին վճարվի մատակարար կազմակերպությանը, հետագայում հնարավոր կլինի՞ ինչ որ ձև այդ գումարները հետ ստանալ հարկային տեսչությունից:

ԱԱՀ հաշվանցման հետ կապված

Ashot.

ԱԱՀ վճարող ՍՊԸ-ի համար ի՞նչ ռեալ տարբերակներ կան ԱԱՀ-ի վերադարձի կամ հաշվանցման համար:

Նախորդ տարիներում վճարված, բայց շահութահարկից չհաշվանցված գումարներ

Միհրան.

Հարկային մարմնում նախորդ տարիներում վճարված, բայց շահութահարկից չհաշվանցված գումարների մեծությունը (բացի շահութահարկի հաշվարկից) երևու՞մ է, թե՞ ոչ, եթե ոչ, ապա ինչպե՞ս է այն հաշվառվում: Խոսքս նվազագույն շահութահարկին է վերաբերվում:

Փոխանակման գործարքի դեպքում

MERIKO.

Հարգելի կոլեգաներ, պատասխանեք խնդրում եմ հետևյալ հարցին: Փոխանակման գործարքի դեպքում ԱԱՀ հաշվանցում ինչպե՞ս է կատարվում:

ՀԴՄ կտրոնով առևտուր անելու դեպքում

Գևորգ.

Հարգելի հաշվապահներ, խնդրում եմ ձեզ հնարավորության դեպքում պատասխանել: Ինչ-որ մի առևտրային կետից ՀԴՄ կտրոնով առևտուր անելու դեպքում եթե կտրոնի վրա առանձնացված չէ ԱԱՀ-ի գումարը, արդյո՞ք կարող եմ ես այն առանձնացնել ցանկացած դեպքում` անկախ նրանից, թե ՀԴՄ տրամադրող կազմակերպությունը աշխատում է ԱԱՀ-ով, թե չէ: Կանխավ շնորհակալություն:

ԱԱՀ հաշվանցում

ԱՆՆԱ Ա.

Հարգելի հաշվապահներ, խնդրում եմ պատասխանեք, եթե շինարարական կազմակերպությունը ներմուծել է էքսկավատորներ իր գործունեության համար, որոնց համար հաշվարկված ԱԱՀ-ի վճարումը ԱԱՀ-ի օրենքի 6.1 հոդվածով հետաձգվել է մեկ տարով` մինչև 2011թ. մարտ ամիսը: ԱԱՀ-ի գումարը պետք է միացնե՞նք էքսկավատորի արժեքին և դրանից հաշվարկենք ամորտիզացիա, թե՞ 2011թ. ԱԱՀ-ի վճարումից հետո այդ գումարը կարող ենք հաշվանցել:
Կանխավ շնորհակալ եմ:

Կազմակերպությունը իրականացնում է ԱԱՀ-ով հարկվող և չհարկվող գործարքներ

Christina.

Հարգելի հաշվապահներ, խնդրում եմ ասեք, թե ինչ թղթակցություններ ենք տալիս չհաշվանցվող ԱԱՀ-ի մասով /օրենքին համաձայն ԱԱՀ վճարող անձինք, որոնք միաժամանակ իրականացնում են ԱԱՀ-ով հարկվող և ԱԱՀ-ով չհարկվող գործարքներ (ներառյալ` ԱԱՀ-ից ազատված, հարկման օբյեկտ չհամարվող, հաստատագրված վճարներով, պարզեցված հարկով հարկվող գործարքներ, ինչպես նաև այնպիսի գործարքներ, որոնց վրա չի տարածվում սույն օրենքի գործողությունը), կարող են հաշվանցել (պակասեցնել պետական բյուջե վճարման ենթակա ԱԱՀ-ի գումարից) միայն հարկվող գործարքների (գործառնությունների) իրականացման համար ձեռք բերված ապրանքներին և ծառայություններին վերաբերող (այդ թվում` մաքսային մարմինների կողմից գանձված) ԱԱՀ-ի գումարները/իսկ մեր կազմակերպությունը իրականացնում է ԱԱՀ-ով հարկվող և չհարկվող գործարքներ:
Կանխավ շնորհակալություն:

Ավտոմեքենաների ներմուծման հետ կապված

Արսեն.

Բարև Ձեզ:
Ինձ մի հարց է հուզում ավտոմեքենաների ներմուծման հետ կապված:
Բազմիցս լսել եմ այն պնդումը, որ եթե մեքենան ներմուծվում է անձնական օգտագործման համար, ապա ԱԱՀ չպետք է գանձվի: Կխնդրեի պարզաբանեք, օրինակի համար 2000թ. արտադրության, այսինքն 10-15 տարվա արտադրության, ավտոմեքենայի ներմուծման համար նախատեսված 42 տոկոս վճարվող գումարը ԱԱՀ ներառու՞մ է, թե՞ ոչ, և եթե ոչ, նույն ավտոմեքենան հիմնարկի, ՍՊԸ-ի անունով ներկրվելուց ի՞նչ տոկոս կկազմեն վճարները:
Կանխավ շնորհակալություն:

ԱԱՀ հաշվանցման վերաբերյալ

Իզաբելա.

Հարգելի հաշվապահներ, խնդրում եմ պատասխանել իմ հարցին: Մարտի 15-ին ստացել եմ հարկային հաշիվ մատուցված ծառայությունների մասին, որը վերաբերում է 2011-2012 թթ. մատուցվելիք ծառայություններին: Ինչպե՞ս հաշվանցել ԱԱՀ-ն: Կանխավ շնորհակալ եմ:

Ինչպե՞ս են փոխկապակցված հաշիվները

Christina.

Բարև Ձեզ, հարգելի հաշվապահներ: Ես սկսնակ հաշվապահ եմ, խնդրում եմ պատասխանեք հետևյալ հարցիս` ինչպե՞ս են փոխկապակցված հետևյալ հաշիվները 5243, 226, 261, 2252 (որ հաշիվը որ դեպքում է որի հետ թղթակցում), և ե՞րբ և ինչպե՞ս են հաշվանցվում:
Կանխավ շնորհակալություն:

Արդյոք կարելի՞ է հաշվանցել ԱԱՀ-ն

Nara.

Բարև ձեզ: Նշված գումարից կարելի՞ է հաշվանցել ԱԱՀ-ն անկախ այն բանից, որ ծառայության դիմաց ստացած հաշիվ-ֆակտուրայում ԱԱՀ առանձին չի նշվում և գրված է միայն հաստատագրված վճար:

Կազմակերպությունը կատարում է միաժամանակ ԱԱՀ-ից ազատված և հարկվող գործունեություն

Իննա.

Կազմակերպությունը կատարում է միաժամանակ ԱԱՀ-ից ազատված և հարկվող գործունեություն ծառայության ոլորտում: Համաձայն Հ 27 ԱԱՀ-ը հաշվանցում է` ելնելով տեսակարար կշռից: Հարցս հետևյալն է՝ արդյո՞ք ճիշտ է չհաշվանցվող ԱԱՀ նվազեցնել շահութահարկ հաշվարկելիս որպես չփոխհատուցվող հարկեր ԱԱՀ-ի գծով, թե՞ կա այսպիսի կետ ՝ միացնել ԱԱՀ-ն ապրանքի գներին կամ վերագրել արտադրության կամ շրջանառության ծախսերին: Նշեմ, որ կազմակերպությունը ապրանք ձեռք չի բերում:
Նախապես, հարգելի կոլեգաներ, շնորհակալություն:

Ընկերությանը մատուցվել է ծառայություն

Արամ.

Հարգելի հաշվապահներ, խնդրում եմ օգնել հետևյալ հարցում:
Ընկերությանը մատուցվել է ծառայություն 2011թ. հունվար ամսին, հարկային հաշվում մատակարարման ամսաթիվը նշված է 03.02.11թ, դուրս գրման ամսաթիվը նշված է 04.02.11թ և ծառայության համար հունվար ամսին վճարվել է կանխավճար:
Հարց.
1. Ո՞ր ամսվա ԱԱՀ-ի հաշվարկում պետք է ներկայացնել այս ծառայության գումարը:
2. Ո՞ր ամսում պետք է հաշվանցվի ԱԱՀ-ի գումարը:
3. Ո՞ր ամսվա “Դուրս գրված և /կամ/ մատակարարներից ստացված հարկային հաշիվների վերաբերյալ” տեղեկանքում պետք է ներկայացվի:
4. Ո՞ր ամսվա ծախսերի մեջ պետք է ներառվի ծառայության գումարը:

Արդյո՞ք կարելի է հաշվանցել ԱԱՀ-ն

Աննա.

Բարև ձեզ: Բենզինի գնման ֆակտուրայում նշված գումարից կարելի՞ է հաշվանցել ԱԱՀ-ն անկախ այն բանից, որ բենզինի ֆակտուրաներում ԱԱՀ-ն առանձին չի նշվում: Շնորհակալություն:

ԱԱՀ-ի հաշվանցում

Գոհար.

Գերմանիայի հաշիվ ֆակտուրայում ունենք նշված ԱԱՀ իրենց օրենսդրության համաձայն 19%, այդ ծառայության դիմաց վճարումը կատարվել է փոխանցումով: Սակայն տվյալ կազմակերպությունը չունի միջպետական պայմանագիր ՀՀ հետ: Արդյո՞ք ես կարող եմ հաշվանցել այդ ԱԱՀ-ն:

ԱԱՀ հաշվարկի ժամանակ

Ella.

Բարև Ձեզ: Խնդրում եմ ինձ ասել, 01/01/11թ. ԱԱՀ հաշվարկի ժամանակ վառելիքի հաշվանցում չի արվում: Հարցս հետևյալն է. բենզինը նույնպե՞ս ազատված է ԱԱՀ-ից, թ՞ե հաշվանցում են: Շնորհակալություն:

Կազմակերպությունը ձեռք է բերել նյութեր

Լևոն.

Բարև Ձեզ, կխնդրեի պատասխանել մեկ հարցի` կազմակերպությունը ձեռք է բերել նյութեր, որոնք ամբողջությամբ ծախսվել են շենքի կապիտալ նորոգման համար: Արդյո՞ք այդ նյութերի ԱԱՀ-ն հաշվանցվում է, թե՞ ոչ:
Շնորհակալություն:

Եթե կազմակերպությունը ԱԱՀ վճարող է

Ella.

Եթե կազմակերպությունը ԱԱՀ վճարող է, սակայն գնում է հումք նյութեր առանց ԱԱՀ և օգտագործում է շինարարության մեջ, ԱԱՀ հաշվարկի մեջ այդ գումարից հաշվանցու՞մ են 16.67%, թե՞ ոչ:
Կանխավ շնորհակալություն:

Մարդատար ավտոմեքենայի ձեռք բերում

Աստղիկ.

Հարգելի հաշվապահներ, հայցում եմ Ձեր օգնությունը: Մեր ընկերությունը գնել է ավտոմեքենա` ներմուծող ընկերությունից: Ավտոմեքենան մարդատար է և օգտագործվելու է որպես ծառայողական: Նրանց կողմից տրված հաշիվ-ապրանքագրում նշված է ԱԱՀ, որը մուծվել է մեր ընկերության կողմից: Խնդրում եմ պարզաբանեք, նշված ԱԱՀ-ի գումարը հաշվանցման ենթակա է, թե ոչ: Կանխավ շնորհակալություն:

ԱԱՀ-ի հաշվանցում

Lia.

Հարգելի կոլեգաներ, կարո՞ղ եք ինձ հուշել, թե ինչպես կարող է վարվել կազմակերպությունը, որը հանդիսանում է ԱԱՀ չվճարող, բայց ունի ԱԱՀ-ի գերավճար: Ինչպե՞ս կարել է այդ գումարը հաշվանցել: Շնորհակալություն:

Ի՞նչ փաստաթուղթ է պետք կցել

Աննա.

Հարգելի հաշվապահներ, խնդրում եմ պատասխանել:
2011թ. հունվարի 1-ից հետո ԱԱՀ-ով աշխատող հիմնարկներից մինչև 100 հազար դրամ արժեքով ՀԴՄ-ի կտրոնով գնված ապրանքի արժեքի մեջ կարելի՞ է ԱԱՀ-ի չափը հաշվանցել: Եթե այո, ապա ի՞նչ փաստաթուղթ կցենք հետը, որ լինի ճիշտ (եթե հիմնարկը բացի ՀԴՄ-ի կտրոնից հարկային հաշիվ չի տրամադրում ):

Ապրանքի ձեռքբերում և վաճառք

Դավիթ.

Բարև Ձեզ,
Մի հարց ունեմ, խնդրում եմ օգնեք.
Ենթադրենք կազմակերպությունը, որը աշխատում է ԱԱՀ-ով, մեկ այլ կազմակերպությունից, որը նույնպես աշխատում է ԱԱՀ-ով, ձեռք է բերել ապրանք հաշիվ ապրանքագրով: Այնուհետև այդ ապրանքը օտարում է վարձակալական վճարների դիմաց` այսինքն բնեղեն տեսքով:
Հարցս հետևյալն է`
1. կազմակերպությունը իրավունք ունի արդյոք հաշվանցել ԱԱՀ-ն,
2. ինչպե՞ս պետք է հաշվարկվի վարձակալական վճարից պահված եկամտահարկը:
3. և այս ամենը արդյոք կարող է որևէ բարդություն առաջացնել հարկային ստուգումների ժամանակ: Նշեմ նաև, որ ձեռք բերված ապրանքը կազմակերպության գործունեության հետ կապ չունի` կազմակերպությունը զբաղվում է շինարարությամբ, իսկ տվյալ ապրանքը` ալյուր է:

Կազմակերպությունը ձեռք է բերել ապրանք

Դավիթ.

Բարև Ձեզ,
Մի հարց ունեմ, խնդրում եմ օգնեք.
Ենթադրենք կազմակերպությունը, որը աշխատում է ԱԱՀ-ով, մեկ այլ կազմակերպությունից, որը նույնպես աշխատում է ԱԱՀ-ով, ձեռք է բերել ապրանք հաշիվ ապրանքագրով: Այնուհետև այդ ապրանքը օտարում է վարձակալական վճարների դիմաց` այսինքն բնեղեն տեսքով:
Հարցս հետևյալն է`
1. կազմակերպությունը իրավունք ունի արդյոք հաշվանցել ԱԱՀ-ն,
2. ինչպե՞ս պետք է հաշվարկվի վարձակալական վճարից պահված եկամտահարկը:
3. և այս ամենը արդյոք կարող է որևէ բարդություն առաջացնել հարկային ստուգումների ժամանակ: Նշեմ նաև, որ ձեռք բերված ապրանքը կազմակերպության գործունեության հետ կապ չունի` կազմակերպությունը զբաղվում է շինարարությամբ, իսկ տվյալ ապրանքը` ալյուր է:

ԱԱՀ-ի հաշվանցում

Անահիտ.

Հարգելի կոլեգաներ,
եթե էլ. էներգիայի հաշվի վճարումը կատարվել է հաջորդ ամսում, ԱԱՀ-ի հաշվանցումը վճարման ամսաթվո՞վ պետք է կատարվի:

Նախապես շնորհակալություն:

Կազմակերպությունը ձեռք է բերել դիզ. վառելիք

Hripsime.

Բարև հարգելի կոլեգաներ:
Խնդրում եմ պատասխանեք հետևյալ հարցիս. ԱԱՀ-ով հարկվող կազմակերպությունը ձեռք է բերել դիզ. վառելիք 1.000.000 դրամ արժողությամբ: Գիտեմ, որ այդ գումարի 16.67%-ը մատակարար կազմակերպությանը վճարում կատարելուց հետո կարող եմ հաշվանցել, սակայն ԱԱՀ-ի հաշվարկում ո՞ր տողում և ո՞ր գումարը պետք է գրեմ, արդյոք պետք է 16Ա տողում գրեմ 833.300, իսկ 16Բ տողում ` 166.700: Եվ վճարումը կատարելուց հետո ԱԱՀ-ի հաջորդ հաշվարկում նշե՞մ, որ գումարը հաշվանցվում է ԱԱՀ օրենքի 27 հոդվածի համաձայն:

Հաշվանցման վերաբերյալ

Gohar.

Եթե 2008 թ կանխիկով գումարով ձեռքէ բերվել ԱԱՀ հաշիվ ֆակտուրա, որի գումարը կազմում է 250000 հազար դրամ իրավունք ունեմ այստեղից ԱԱՀ գումարը հաշվանցում անելու թե ոչ:Այսինքն սահմանփակում կա թե ոչ այդ թվականին