Tag Archive: հարկային հաշիվ

Aug 28 2017

Հաշվարկային փաստաթուղթը դուրս է գրվել սխալ

Բարև ձեզ, եթե պատահաբար հաշվարկային փաստաթուղթը դուրս է գրվել սխալ` 10 000 դրամի փոխարեն 100 000դրամ, ճշգրտված փաստաթղթի մեջ ի՞նչ գումար ենք մուտք անում 10 000, թե՞ 90 000:

Aug 11 2017

Առաջինը հաշիվ-ապրանքագիրն է, թե՞ կատարողական ակտը

Վահե.

Հարցս հետևյալն է` առաջինը հաշիվ-ապրանքագիրն է, թե՞ կատարողական ակտը, և ինչու՞ :

Aug 07 2017

Անձը կանխավճար է կատարել հյուրանոցային ծառայության դիմաց

Կարեն.

Հարգելի գործընկերներ, ֆիզ. անձը կանխավճար է կատարել հյուրանոցային ծառայության դիմաց, իսկ մնացած գումարը վճարելու է փոխանցումով ծառայությունը ամբողջությամբ մատուցվելուց հետո: Կանխավճարի համար տրամադրվել է ՀԴՄ կտրոն: Հարց. ծառայությունը ամբողջությամբ մատուցվելուց հետո հաշիվը գրվելու է ամբողջ գումարի, թե՞ տարբերության մասով: Շնորհակալություն:

Aug 03 2017

ԱԱՀ հաշվանցման հետ կապված

Բարև ձեզ, հարգելի հաշվապահներ, խնդրում եմ օգնել մի հարցում: Զրոյական դրույքաչափով հարկվող գործարքների իրականացման դեպքում ԱԱՀ վճարողների կողմից առանձնացված ԱԱՀ-ի գումարները ենթակա են հաշվանցման և (կամ) վերադարձման օրենքով սահմանված կարգով, չափերով և ժամկետներում: Իսկ այդ առանձնացված ԱԱՀ-ի գումարները վերաբերվում են բոլո՞ր հարկային հաշիվներին, թե՞ միայն այն հարկային հաշիվներին, որտեղ կոնկրետ նշված է այն հասցեն, որտեղ գտնվում է տվյալ առևտրի կենտրոնը: Հաշվանցման ենթակա՞ են այն հարկային հաշիվներից կուտակված ԱԱՀ-ի գումարներն, որոնք դուրս են գրվել այլ հասցեով, որտեղ աշխատում են նույն կազմակերպության վարչակազմի աշխատողները:

Jul 26 2017

ՀԴՄ կտրոն

Հարգելի հաշապահներ, եթե կազմակերպությունը ապակի է գնել կազմակերպությունից, վճարումը կատարել է կանխիկ, պե՞տք է հաշիվ դուրս գրվի և դրամարկղի մուտքի օրդերը պարտադի՞ր է, թե՞ ոչ։

Մի հարց էլ կարելի է` եթե հաշիվ չեն ուղարկում և մուտքի օրդեր չեն տվել, ի՞նչ կարող եմ անել, իմ մոտ միայն ՀԴՄ կտրոնն է իրեց կողմից տրամադրած։ Կարո՞ղ եմ կտրոնը որպես ձեռքբերում պահեմ և հաշվետվությունների մեջ ներառեմ։ Նախապես շնորհակալություն։

Jul 19 2017

Արդյո՞ք գործարքը ենթակա է ԱԱՀ-ով հարկման

Սամվել.

Հարգելի կոլեգաներ, խնդրում եմ օգնել կողմնորոշվելու հետևյալ հարցում.
ՊՈԱԿ-ը փոխառության պայմանագրով ձեռք է բերել վառելիք 5 ամսվա ընթացքում նույնքան վառելիք վերադաձնելու պայմանով: ՊՈԱԿ-ը համարվում է ԱԱՀ վճարող:

Համաձայն ՀՀ քաղաքացիական օրենսգրքի “Փոխառության պայմանագրով մեկ կողմը (փոխատուն) մյուս կողմի (փոխառուի) սեփականությանն է հանձնում դրամ կամ տեսակային հատկանիշով որոշվող այլ գույք, իսկ փոխառուն պարտավորվում է փոխատուին վերադարձնել միևնույն գումարի դրամ (փոխառության գումարը) կամ փոխատուից ստացված գույքին հավասար քանակի և նույն տեսակի ու որակի գույք”:

Համաձայն Ավելացված արժեքի հարկի մասին օրենքի “ԱԱՀ-ով հարկվող գործարքներ (գործառնություններ) են համարվում`
1) ապրանքների մատակարարումը՝ գործարք, որն իրականացվում է ապրանքների (այդ թվում՝ արտադրանքի և անշարժ գույքի) սեփականության իրավունքը որևէ ձևով կատարվող հատուցման դիմաց այլ անձի փոխանցելու միջոցով”:

Խնդրում եմ պատասխանել` գործարքը ԱԱՀ-ով հարկման ենթակա է, թե՞ ոչ, և հարկային հաշիվ դուրս գրելու կարիք կա՞ արդյոք:

Jun 26 2017

ԱՁ-ն իրեն պատկանող բեռնատար մեքենայով ապրանքներ է առաքում

Արմեն.

ԱՁ-ն իրեն պատկանող բեռնատար մեքենայով ապրանքներ է առաքում տարբեր խանութների: Ինչպե՞ս ճիշտ կազմակերպել ուղեկցող փաստաթղթի հարցը: Գրե՞լ տեղափոխման փաստաթուղթ, հետո որ խանութը ինչ ապրանք որ ցանկանում է, այդ մասով դուրս գրել հաշիվ, թե՞ գրել հաշիվներ, հետո ճշգրտող հաշիվներով ձևակերպել վերադարձը: Նախապես շնորհակալություն:

Jun 23 2017

Արտադրանքը միևնույն պատվիրատուին ամեն օր առաքվում է մաս-մաս

Լիանա.

Եթե արտադրանքը միևնույն պատվիրատուին ամեն օր առաքվում է մաս-մաս, արտադրանքի առաքման հաշիվ-ապրանքագիրը կարո՞ղ եմ վերջում ամբողջական թվով դուրս գրել, թե՞ պարտադիր յուրաքանչյուր առաքման համար առանձին-առանձին:

May 22 2017

ԱՁ անցնում է ԱԱՀ-ով հարկման դաշտ

Աննա.

Հարգելի հաշվապահներ, խնդրում եմ պատասխանեք հետևյալ հարցերին.
1. Եթե շրջանառության հարկ վճարող Ա/Ձ-ն ներմուծում անելու նպատակով անցնում է ԱԱՀ դաշտ, ի՞նչ քայլեր պետք է անի ԱԱՀ վճարող դառնալու մասին հայտարարություն ուղարկելուց հետո
2. ԱԱՀ վճարող դառնալու մասին հայտարարություն ուղարկելուց որքա՞ն ժամանակ հետո կարող է հարկային հաշիվ դուրս գրել
3. Եթե եռամսյակային հաշվետվությունը դեռ չի ուղարկվել, իսկ Ա/Ձ -ն անցնում է ԱԱՀ-ի դաշտ, ինչպե՞ս է պետք հաշվարկել հարկերը։

Նախապես շնորհակալություն։

Mar 28 2017

Հարկային հաշվի և հաշվարկային փաստաթղթի տարբերությունը

Acc.

Խնդրում եմ նշել հարկային հաշվի և հաշվարկային փաստաթղթի տարբերությունը, ո՞ր դեպքերում ո՞ր ձևով է հաշիվ դուրսգրվում:
Նախապես շնորհակալություն:

Feb 21 2017

Արդյո՞ք պետք է դուրս գրել հաշվարկային փաստաթուղթ ֆիզիկական անձի անունով

Մհեր.

Բարև ձեզ, խնդրում եմ ինձ օգնել հետևյալ հարցում: Կազմակերպությունը զբաղվում է զբոսաշրջային գործունեությամբ և ստանում է ծառայությունների մատուցման հաշվարկային փաստաթղթեր հյուրանոցներից: Արդյո՞ք ես պետք է դուրս գրեմ հաշվարկային փաստաթուղթ ֆիզիկական անձին, թե՞ միայն ֆիզիկական անձի պահանջի դեպքում:

Jan 23 2017

Անհատին դուրս է գրվել հարկային հաշիվ

Անհատին դուրս եմ գրել հաշիվ, պատվիրել է ապրանք, վճարել է կանխիկ, դուրս գրած ապրանքների մատակարարման հարկային հաշվում գրել եմ կանխիկ (մոտավոր 610 000, ԱԱՀ – հանած), կարո՞ղ է սխալ եմ կատարել, խնդրում եմ պատասխանել:

Jan 11 2017

ԱՁ ստացել է ճշգրտող հաշիվ

Arsine.

ԱՁ-ն աշխատում է շրջանառության հարկով: Ստացել է ապրանքների ձեռքբերման հաշիվ օր.՝ 1 000 000 դրամի չափով, իսկ ճշգրտող՝ 100 000 դրամի չափով:
1. Շրջանառության հարկի հաշվետվության “Հաշվետու եռամսյակում ապրանքների ձեռքբերման ծախսերի գումար” դաշտում լրացվում է 1 000 000, թե՞ 1 000 000 – 100 000 = 900 000 դրամ:
2. Եթե ԱՁ-ն մինչև փետրվարի 20-ը դիմում է ներկայացրել շրջանառության հարկով հարկվելու վերաբերյալ, կարո՞ղ է արդյոք տարվա ընթացքում դիմում ներկայացնել ԱԱՀ-ով հարկվելու մասին:

Dec 30 2016

Հաշիվ-ապրանքագրերի պահպանման հետ կապված

Արման.

Պարտադի՞ր է արդյոք հարկային հաշիվների / հաշիվ-ապրանքագրերի թղթային պահպանումը, և կարո՞ղ ենք պահպանել միայն էլեկտրոնային:

Dec 26 2016

Արդյո՞ք ՀԿ պետք է դուրս գրի հաշիվ

channa.

Արդյո՞ք հասարակական կազմակերպությունը անդամավճար ընդունելու համար պետք է էլեկտրոնային հաշիվ դուրս գրի:

Nov 21 2016

Դիմացի կազմակերպությունը դուրս է գրել ճշգրտող հաշիվ

265

Ռոզա.

Բարև ձեզ, խնդրում եմ պատասխանել հետևյալ հարցիս.

Երբ դիմացի կազմակերպությունը նոյեմբեր ամսին դուրս է գրում օգոստոս ամսին վերաբերող հարկային հաշվի ճշգրտող հաշիվ, ի՞նչ պետք է անել:
1. Ճշտու՞մ ենք օգոստոս ամսի հաշիվը
2. Եթե ոչ, նոյեմբերին ստացված հաշիվը ի՞նչ ձևակերպում ենք տալիս

Կանխավ շնորհակալ եմ:

Oct 31 2016

Կազմակերպությունը Ռուսաստանից ներմուծում է կատարել

Արթուր.

Բարև ձեզ: Կարո՞ղ եք պատասխանել. ՍՊԸ չունի պահեստ, Ռուսաստանից ներմուծում է կատարել գործունեության հասցե և այնտեղից վաճառել` դուրս գրելով հարկային հաշիվ: Ես կարո՞ղ եմ այդպես ձևակերպել մինչև պահեստ ունենալը: Եթե գիտեք ուրիշ տարբերակ, խնդրում եմ գրեք: Շնորհակալություն:

Oct 31 2016

Արդյո՞ք դուրս են գրվում էլեկտրոնային փաստաթղթեր ներմուծման և արտահանման ժամանակ

Աննա.

Բարև ձեզ: Կարո՞ղ եք ինձ շտապ օգնել և պատասխանել`

1) ԵՏՄ երկիր արտահանման ժամանակ – Հաշվարկային փասթաթղթեր բաժնից Էլեկտրոնային Ապրանքների տեղափոխման փաստաթուղթ դու՞րս են գրում
2)Ներմուծման ժամանակ – Հաշվարկային փասթաթղթեր բաժնից Էլեկտրոնային Ապրանքների տեղափոխման փաստաթուղթ դու՞րս են գրում

Եթե այո, այսինքն դուրս է գրվում, ապա վայրը, որտեղից ապրանքը տեղափոխվում է, ի՞նչ պետք է նշվի և եթե չեմ ներկայացրել, ի՞նչ կարող եմ անել` կարո՞ղ եմ ուշ ներկայացնել:
Շնորհակալություն:

Oct 25 2016

Հատուկ հարկային հաշվի դիմումի ձև

Արմինե Բասմաչյան.

Բարև ձեզ: Որ խնդրեի` ինձ հատուկ հարկային հաշվի դիմումի ձև չէի՞ք ուղարկի:

Oct 18 2016

Կազմակերպությունը ապրանք է արտահանելու ՌԴ

Աննա.

Բարև ձեզ: Խնդրում պատասխանեք. ՍՊԸ աշխատում է ԱԱՀ դաշտում, ձեռք է բերվել ՀՀ տարածքում ապրանք առանց ԱԱՀ, Ռուսաստան արտահանման դեպքում այդ ապրանքից կստանա՞մ ԱԱՀ գերավճար իմ հաշվին, թե՞ ոչ:
2) Արտահանման դեպքում e-Invoicing ծրագրում լրացվում է Հարկային հաշիվ, թե՞ Հաշվարկային փաստաթուղթ
3) Հաշվարկային փաստաթղթեր բաժնում` Ապրանքի տեղափոխման փաստաթուղթ լրացվում է միայն Հաշիվ ապրանքագիր գրելու դեպքում, թե՞ նաև Հարկային հաշիվ դուրս գրման դեպքում:
4) Ռուսաստան Արտահանման դեպքում Ապրանքի տեղափոխման փաստաթուղթ լրացվու՞մ է
Շնորհակալություն:

Oct 10 2016

Եթե պատրաստի ապրանքը մատակարարվում է ֆիզիկական անձի

Հարգելի հաշվապահներ, եթե պատրաստի ապրանքը մատակարարվում է ֆիզիկական անձի, որը չունի էլ. ստորագրության հնարավորություն, ինչպե՞ս դուս գրել e-Invoicing-ով ապրանքների մատակարարման հարկային հաշիվ: Տպե՞լ 2 օրինակից, տալ անհատին` ստորագրի և այդ փաստաթուղթը պահել: Նախապես շնորհակալություն:

Sep 29 2016

Արդյո՞ք անհրաժեշտ է ներկայացնել ճշգրտված հաշվետվություն

Arsine.

Հարգելի հաշվապահներ, շտապ է:
Կազմակերպությունը աշխատում է ԱԱՀ-ով: Հունիս ամսին դուրս է գրվել 2 հարկային հաշիվ` ընդհանուր մոտ 70 000 դրամի, որոնցում մատակարարման ամսաթիվը 20.06.2016թ-ի սխալմամբ նշվել է 20.05.2016: Մայիս ամսվա ԱԱՀ հաշվետվությունը ուղարկվել է առանց այդ երկու հաշիվների, որոնք ներառվել են հունիս ամսվա հաշվետվության մեջ:

Հարկայինից ստացվել է ծանուցում կամերալ ստուգման արդյունքների մասին, որով արձանագրվել է, որ մայիս ամսվա շրջանառությունը 70 000 դրամով պակաս է ներկայացված:

Նշեմ, որ ՀՏ-ն միայն արձանագրել է մայիս ամսվա պակաս շրջանառությունը, սակայն չի արձանագրել, որ հունիսին 70 000-ով ավել է ներկայացվել:

Ի՞նչ խորհուրդ կտաք: Արժե՞ արդյոք ներկայացնել ԱԱՀ ճշտված հաշվետվություն: Տվյալ դեպքում պետք է ներկայացվի մայիս և հունիս ամիսների ճշտում: Թե՞ ուղղակի կարելի է բացատրություն ներկայացնել, որ ամսաթվերը պատահաբար սխալ են գրվել և դրանք ներառված են հունիս ամսվա հաշվետվության մեջ:

Կանխավ շնորհակալություն:

Sep 15 2016

Արդյո՞ք կազմակերպությունը կարող է հաշվանցել ԱԱՀ

Arsine.

ՍՊԸ-ն աշխատում է ԱԱՀ-ով:
Կանխիկ (հիմք` ՀԴՄ կտրոն) ձեռք է բերել ապրանքներ, որոնք վաճառել է հարկային հաշվով: Եթե, օրինակ, ձեռք բերված ապրանքի ՀԴՄ կտրոնը 300 000 դրամի է, ապա իրավունք ունի՞ արդյոք հաշվանցել դրանում առանձնացված ԱԱՀ-ն:

Կանխավ շնորհակալություն:

Sep 05 2016

Մատակարարման հասցեի հետ կապված

Աննա.

Բարև ձեզ: Դա շատ շտապ է, խնդրում եմ օգնեք: “X ” ՍՊԸ-ն ապրանք է վաճառել “Y”ՍՊԸ-ին: Հարկային հաշվում մատակարարվող հասցեն նշել են նոր գնորդի հասցեն, այսինքն “Z” ՍՊԸ: Ապա այդ դեպքում “Y” ՍՊԸ “Z” ՍՊԸ-ին հարկային հաշիվ է դուրս գրման ժամանակ մատակարարման ո՞ր հասցեներն են նշում (այսինքն որտեղի՞ց որտեղ, եթե ապրանքը տեղափոխվել է միանգամից նոր գնորդին):

Aug 09 2016

Ինչպե՞ս վարվել սխալ դուրս գրված հաշիվների հետ

Nata.

Բարև ձեզ, նախորդ երկու ամիսներին ես ակցիզային հարկով հարկվող ապրանքների հարկային հաշիվների փոխարեն դուրս եմ գրել ապրանքների մատակարարման հաշիվների, բայց ակցիզային հարկի հաշվետվությունը ներկայացրել եմ, ինչպե՞ս վարվեմ դուրս գրված հաշիվների հետ, և ինչպիսի՞ պարտավորութուն կառաջանա սխալ դուրս գրված հաշիվների համար: Կանխավ շնորհակալություն:

Jul 28 2016

Արդյո՞ք պետք է հաշիվը չեղյալ ճանաչել

220

Arsine.

Հարկային հաշվում ապրանքի անվանումը սխալ է գրվել: Արդյո՞ք պետք է հաշիվը չեղյալ ճանաչել: Եթե այո, ապա տվյալ դեպքը ՀՀ կառավարության 2010 թվականի նոյեմբերի 11-ի N 1504-Ն որոշման հավելված 4-ի` հարկային հաշիվների չեղյալ ճանաչման կարգի ո՞ր կետին է համապատասխանում:

Կանխավ շնորհակալություն:

Jul 06 2016

Ճշգրտող հաշիվների վերաբերյալ

219

Հովիկ.

Հարգելի գործընկերներ, կասե՞ք՝ ի՞նչ է նշանակում ճշգրտող հաշիվ, արդյո՞ք այն վերաբերում է միայն հարկային հաշիվներին, թե՞ նաև հաշիվ-ապրանքագրերին: Ինչպե՞ս է դուրս գրվում ճշգրտող հաշիվը և ո՞ր դեպքերում: Շնորհակալություն:

Jun 07 2016

Ոչ ռեզիդենտին դուրս գրվող հաշիվ

215

Արա Ա.

Հարգելի գործընկերներ, մինչև վերջերս ոչ ռեզիդենտին դուրս էինք գրում թղթային հաշիվ, քանի որ կար նաև համապատասխան գրություն-պարզաբանում, որ. “…մինչև այլ հաշվարկային փաստաթղթերն էլեկտրոնային եղանակով դուրս գրելու համապատասխան ծրագրային փոփոխությունների ներդրումը “e-invoicing” համակարգում, ոչ ռեզիդենտ կազմակերպություններին մատուցվող ծառայությունների մասով կարող են դուրս գրվել թղթային կրիչի վրա լրացված և հարկ վճարողի կողմից վավերացված (ստորագրված և կնիքի առկայության դեպքում՝ կնքված)՝ այլ ուղեկցող փաստաթղթեր՝ առանց նշելու ստացողի ՀՎՀՀ-ն”:

Հիմա “e-invoicing” համակարգում ավելացվել է առանց ՀՎՀՀ նշելու էլեկտրոնային հաշիվ դուրս գրելու հնարավորությունը: Արդյո՞ք դա այդ “այլ հաշվարկային փաստաթղթերն էլեկտրոնային եղանակով դուրս գրելու համապատասխան ծրագրային փոփոխությունների ներդրումն” է, և արդյո՞ք այսուհետ (և ընդհանրապես՝ երբվանի՞ց) պետք է դուրս գրել 2 հաշիվ, մեկը՝ ոչ ռեզիդենտի մայրենի լեզվով և արտարժույթով, մյուսը՝ էլեկտրոնային, հայերեն, դրամով:

Apr 26 2016

Ո՞ր ամսվա ԱԱՀ հաշվարկում ներառել հաշիվը

Արմեն.

Գործընկերներ, ո՞ր ամսվա ԱԱՀ հաշվարկում ներառել, օրինակ, ապրիլի 19-ին ստացված հաշիվը, եթե մատակարարման ամսաթիվը նշված է 31.03.2016թ: Նախապես շնորհակալություն պատասխանի համար:

Feb 23 2016

Անձը ծառայության համար և՛ ՀԴՄ կտրոն է ուզում, և՛ հաշիվ-ապրանքագիր

Nune.

Հարգելի կոլեգաներ, ՍՊԸ-ն հարկվում է շրջանառության հարկով: Ֆիզ. անձը ծառայության համար ինձանից և՛ ՀԴՄ կտրոն է ուզում, և՛ հաշիվ ապրանքագիր: Արդյո՞ք ես դրա համար կրկնակի շրջանառություն չեմ տալու: Խնդրում եմ պատասխանեք հնարավորիս շուտ, նախապես շնորհակալություն:

Feb 23 2016

Վճարումը համարվում է կանխի՞կ, թե՞ անկանխիկ

214

Arsine.

ՍՊԸ-ն ձեռք է բերել 400 000 (ներառյալ ԱԱՀ) ապրանք, որի դիմաց դուրս է գրվել հարկային հաշիվ: Եթե դրա դիմաց վճարումը կատարվի ոչ թե ՍՊԸ-ի հաշվարկային հաշվից, այլ մեկ այլ բանկից, որում չունի հաշիվ, ապա տվյալ դեպքում նման վճարումը համարվում է կանխի՞կ, թե՞ անկանխիկ: Խնդրում եմ նաև տալ ձևակերպումները և եթե հնարավոր է` նաև հղում կատարել օրենքի համապատասխան հոդվածին:

Կանխավ շնորհակալություն:

Feb 18 2016

Ինչպե՞ս է դուրս գրվելու հաշիվ-ապրանքագիրը

Արմինե.

Ասացեք խնդրեմ, կազմակերպությունը իրականացնում է միջպետական բեռնափոխադրումներ և աշխատում է հաստատագրված վճարով: Մինչև հիմա մենք գրել ենք մատուցված ծառայության դիմաց հաշիվ-ապրանքագիր, հիմա ինչպե՞ս ենք անելու, նորի՞ց հաշիվ ապրանքագիր ենք գրելու, թե՞ էլեկրտոնային ենք դուրս գրելու հաշիվը:

Feb 18 2016

Վերադարձի հաշվի մեջ ապրանքի անվանումը փոխված է

209

Arsine.

Կազմակերպությունը աշխատում է ԱԱՀ դաշտում և զբաղվում է մեծածախ առևտրով:
Կազմակերպության կողմից X խանութին դուրս գրված հարկային հաշիվներում որպես ապրանք դուրս է գրվել օրինակ “Պաղպաղակ բրիկետ”: Հետագայում X խանութից վերադարձ է կատարվել և դուրս է գրվել հարկային հաշիվ: Վերջինիս մեջ “Պաղպաղակ բրիկետ”-ի փոխարեն գրվել է օրինակ “Պաղպաղակ բրիկետ վանիլային”: Խանութի հետ կապնվել եմ և պատասխանում է, որ իրենց ծրագրային տարբերակում մուտքագրվում է ըստ առանձին համերի, և հետագայում ծրագրից որպես հարկային հաշիվ արտահանել են առանձին համերով և խնդրել են հաշիվները ընդունել:

Հարցս հետևյալն է.
Եթե խանութի կողմից դուրս գրված հարկային հաշիվը վերոնշյալ “Պաղպաղակ բրիկետ վանիլային” ապրանքով ընդունեմ, արդյո՞ք Կազմակերպությունը հետագայում կարող է խնդիր ունենալ: Ըստ հաշիվների փաստորեն ստացվում է, որ Կազմակերպությունը “Պաղպաղակ բրիկետ վանիլային” ապրանքից չի մատակարարել, սակայն հետ է վերադարձվել:

Feb 18 2016

Կազմակերպությունը ծավալում է միջնորդային գործունեություն զբոսաշրջության ոլորտում

Նարինե.

Բարև ձեզ, խնդրում եմ ինձ օգնել հետևյալ հարցում:
Եթե կազմակերպությունը (ՓՄՁ) միջնորդ է (ավիտոմսերի վաճառք, տուրիստական գործնեություն), հաճախորդը ցանկանում է և պահանջում, որ հաշիվ դուրս գրեմ ու փոխանցումով, այդ դեպքում ի՞նչ պետք է անեմ, չէ՞ որ կազմակերպությունը հարկվում է միջնորդավճարից, և երկրորդ հաշիվ դուրս գրեմ ավիտոմսերի համար, կանցնեմ ԱԱՀ-ի դաշտ: Կանխավ շնորհակալություն:

Feb 17 2016

Գնորդը չի ստորագրել հարկային հաշիվը

Սերգեյ.

Հարգելի հաշվապահներ, խնդրում եմ ինձ օգնեք.
Իմ ֆիրմայի կողմից դուրս է գրվել ապրանքների մատակարարման հարկային հաշիվ, սակայն գնորդ ընկերությունը հրաժարվում է այն ստորագրել ինձ համար անհայտ պատճառով, ավելի ճիշտ չեմ կարողանում կապ հաստատել: Արդյո՞ք հարկային հաշիվը անվավեր է ճանաչվում, թե՞ ինչ որ ժամանակ անց համարվում է ստորագրված, և գնորդի վրա ընկնում է վճարելու պարտականություն: Կանխավ շնորհակալ եմ:

Feb 05 2016

Ո՞ր եռամսյակի հաշվետվության մեջ ներառել հաշիվը

Arsine.

Կազմակերպությունը աշխատում է ԱԱՀ դաշտում: 2015թ.-ի 4-րդ եռամսյակի հաշվատվությունը, ինչպես գիտենք, ներկայացվում է մինչև 2016թ. հունվարի 20-ը: Սակայն 22.01.2016թ.ին մատակարարի կողմից դուրս է գրվել ծառայությունների մատուցման հարկային հաշիվ` որպես մատակարարման օր նշելով 31.12.2015թ.-ը:
Ինչպե՞ս վարվեմ, կարո՞ղ եմ արդյոք 2016թ.-ի 1-ին եռամսյակի հաշվետվության մեջ որպես ավելացում նշել: Խնդրում եմ ասեք նաև` օրենքի որ կետով է դա կարգավորվում:

Nov 30 2015

Արդյո՞ք էլեկտրոնային հաշիվները պետք է պարտադիր ստորագրել

235

Lyudmila.

ԱԱՀ-ով եմ աշխատում, հարցս հետևյալն է. 2015-ին ստացված հարկային հաշիվները պարտադիր էլեկտրոնային պե՞տք է ստորագրել, թե՞ ոչ, եթե գիտեք` շտապ արձագանքեք և համապատասխան օրենքին կամ որոշումանը հղում արեք:

Sep 05 2015

Ընկերության կողմից դուրս է գրվել հարկային հաշիվ

204

Arsine.

Հարգելի հաշվապահներ,
ՍՊԸ-ն զբաղվում է մեծածախ առևտրով և աշխատում է ԱԱՀ-ով: Ընկերության կողմից դուրս է գրվել հարկային հաշիվ մի ԱՁ-ի (խանութ) անվամբ, որն այլևս չի գործում, և տվյալ խանութը գործում է մեկ այլ ԱՁ-ի անվան տակ: Նշեմ, որ դուրս գրված հարկային հաշվի հիմքով կատարվել է վճարում ընկերության բանկային հաշվին տվյալ ԱՁ-ի անունից:

Եթե անվավեր ճանաչեմ դուրս գրված հարկային հաշիվը և դուրս գրեմ ներկայումս գործող ԱՁ անվամբ, ապա կատարված վճարումը կմնա չփակված: Ինչպե՞ս վարվեմ նման պարագայում:

Aug 15 2015

Միևնույն հաշիվ ապրանքագիրը չեղյալ համարելու համար

Tereza.

Բարև ձեզ: Կարո՞ղ եք ասել` որևէ քանակական սահմանափակում կա՞ միևնույն հաշիվ-ապրանքագիրը չեղյալ համարելու համար: Շնորհակալություն:

Aug 09 2015

Մատակարարվող ապրանքի նշանակման վայրի նշումը հաշվի մեջ

228

Nshan4.

Կարո՞ղ է որևէ մի ընկերությանը մատակարարվող ապրանքի նշանակման վայրը նշվել այնպիսի հասցե, որի հետ ապրանքը ստացող ընկերությունը իրավական կապ չունի, և հաջորդ հարցս` եթե ամեն դեպքում վերը նկարագրված գործողությունը տեղի է ունեցել, ապա ի՞նչ խնդիրներ կարող են ի հայտ գալ հետագայում:

Jul 09 2015

Արդյո՞ք ԱԱՀ ենթակա է հաշվանցման

Arsine.

Հարգելի հաշվապահներ,
կազմակերպությունը աշխատում է ԱԱՀ դաշտում: 30.06.2015-ին ստացվել են հարկային հաշիվներ, որոնց էլեկտրոնային վավերացումը կատարվել է 02.07-ին: Կարո՞ղ եմ արդյոք տվյալ հարկային հաշիվներում առանձնացված ԱԱՀ-ը հաշվանցել 2-րդ եռամսյակի հաշվետության մեջ:

Jun 30 2015

Արդյո՞ք կարելի է հաշվանցել ԱԱՀ-ն

Aram.

Բարև ձեզ: Խնդրում եմ ինձ օգնել մի հարցով: Ես աշխատում եմ ԱԱՀ-ով աշխատող արտադրական կազմակերպություն: Գնում ենք հարկային հաշիվներով ապրանքներ և օգտագործում սեփական արտադրանքը պատրաստելու մեջ: Այդ ապրանքները ներառված են արտադրանքի ինքնարժեքի մեջ: Հաշվետու ժամանակաշրջանի համար մենք կատարում ենք տվյալ գնված ապրանքների վճարումը և հավաստում ենք էլեկտրոնային ստորագրությամբ ու կատարում ենք հաշվանցում: Բայց այդ ապրանքները, որոնք օգտագործել ենք արտադրանքի պատրաստման համար, դեռևս չենք իրացրել, և այն գտնվում է պահեստում: Խնդրում եմ պատասխանել` ես իրավունք ունեի՞ այն հաշվանցելու:

Jun 24 2015

Արդյո՞ք պարտադիր է հարկային հաշիվների էլեկտրոնային վավերացումը

Լյուդմիլա.

Հարգելի հաշվապահներ, խնդրում եմ օգնեք հետևյալ հարցում, շտապ է: Աշխատում եմ ԱԱՀ-ի 0 ական դրույքաչափով, հարկային հաշիվները ստանում եմ էլէկտրոնային, բայց երբեք էլէկտրոնային չեմ վավերացրել հարկային հաշիվները, հիմա 2015 հունվարից օրենքը փոխվել է, ու պարտադիր պետք է էլէկտրոնային վավերացնել ԱԱՀ-ն հաշվանցելու համար, ես հաշվանցում չեմ անում, բայց դիմում եմ գրում հետ վերադաձնելու համար:
ՀԱՐՑ. արդյո՞ք պարտադիր է հարկային հաշիվների էլեկտրոնային վավերացումը:

Jun 01 2015

Կազմակերպությունը ցանկանում է աշխատել ԱԱՀ դաշտում

245

Karen.

Բարև ձեզ:
Կազմակերպությունը հիմնադրվել է 2014թ. և էլեկտրոնային դիմում ներկայացրել ԱԱՀ վճարող համարվելու վերաբերյալ (զբաղվում է առևտրային գործունեությամբ): 2015թ.-ից հարկային հաշիվների դուրսգրման ժամանակ հաղորդագրություն է դուրս գալիս, որում նշված է, որ “Դուք ԱԱՀ վճարող չեք և ԱԱՀ-ով հաշիվ դուրս գրել չեք կարող”: Ինչքան գիտեմ, մենք պետք է ծանուցագիր ստանայինք շրջանառության հարկով աշխատելու համար, սակայն չենք ստացել, ավտոմատ կերպով մենք չե՞նք դառնում ԱԱՀ վճարող (մենք ցանկանում ենք աշխատել ԱԱՀ-ով): Խնդրում եմ պատասխանել:

May 19 2015

Արդյո՞ք կազմակերպությունը իրավունք ունի հարկային հաշիվ դուրս գրելու

Arsine.

Հարգելի հաշվապահներ,
Կազմակերպությունը աշխատում է ԱԱՀ դաշտում: Արդյո՞ք կազմակերպությունը իրավունք ունի Քրեակատարողական հիմնարկին (բանտ) ապրանք մատկարարել և դուրս գրել հարկային հաշիվ:

Կանխավ շնորհակալություն:

May 05 2015

Արդյո՞ք պետք է ԱԱՀ-ի հաշվետվության հետ զրոյական տեղեկանք ներկայացնել

204

Նաթելլա.

Կազմակերպությունը հարկային հաշիվներ ստանում և դուրս է գրում էլեկտրոնային եղանակով: Խնդրում եմ պատասխանել` արդյո՞ք պետք է ԱԱՀ-ի հաշվետվության հետ զրոյական տեղեկանք ներկայացնել: Շնորհակալություն:

Apr 10 2015

Ա/Ձ գրանցված է Շուշիում

Մելքոնյան.

Բարև ձեզ, խնդրում եմ պատասխանել իմ հարցին, եթե Ա/Ձ գրանցված է Շուշիում, իսկ գործունեության հասցեն` Երևանում, ապա պե՞տք է գրվի միմիայն հատուկ հաշիվ:

Mar 24 2015

Ի՞նչ է հարկային հաշիվը

Վրույր.

Բարև ձեզ, ես սկսնակ հաշվապահ եմ, և ինձ հետաքրքրում է, թե ինչ է հարկային հաշիվը: Նախապես շնորհակալություն:

Jan 23 2015

Կազմակերպությունը հարկային հաշիվ է դուրս գրել գործունեությունը դադարեցրած ԱՁ-ի անունով

Arsine.

ՍՊԸ զբաղվում է մեծածախ առևտրով և աշխատում է ԱԱՀ դաշտում: Հունվարին X խանութին տվել է ապրանք և դուրս է գրվել հարկային հաշիվ: Սակայն օրեր անց պարզվել է, որ այդ խանութը հունվարից գործում է այլ ԱՁ-ի անվամբ, իսկ նախկին ԱՁ-ն գործունեությունը դադարեցրել է, որի մասին խանութը նախապես չէր տեղեկացրել: Նշեմ նաև, որ արդեն իսկ դուրս գրված հարկային հաշվի հիմքով կատարվել է վճարում: Ինչպե՞ս կարող եմ վարվել նման պարագայում: Եթե դուրս գրված հաշիվը անվավեր ճանաչեմ, ապա ի՞նչ կլինի կատարված վճարման հետ:

Կանխավ շնորհակալություն:

Nov 24 2014

Ինչպե՞ս ձևակերպել լիզինգը և ԱԱՀ հաշվանցումները

209

Siranush.

Հարգելի հաշվապահներ, խնդրում եմ արձագանքեք, ձեր օգնության կարիքն ունեմ: Կազմակերպությունը լիզինգով ձեռք է բերել մեքենաներ, որի համար բանկից ստացել է հարկային հաշիվ: Պայմանականորեն ասեմ, որ մեքենան արժե 100 000 Եվրո, որից 20 000-ը կազմակերպությունը նախապես վճարել է, որպես կանխավճար: Պայմանագիրը և մարումների գրաֆիկը արտարժույթով են, բանկը բնականաբար հարկային հաշիվը դուրս է գրել դրամով: Խնդրում եմ ասեք` ինչպե՞ս պետք է ձևակերպեմ լիզինգը և ԱԱՀ հաշվանցումները: Նախապես շնորհակալություն:

Older posts «