աշխատանք

Tag Archive: ՀԴՄ

Jul 22 2014

Նոր սերնդի ՀԴՄ ձեռքբերելու կարգը

Հարութ.

Բարև ձեզ, հարգելի կոլեգաներ: Կազմակերպությունը համաձայն նոր օրենսդրական փոփոխությունների պետք է տեղադրի նոր սերնդի ՀԴՄ սույն թվականի օգոստոսի 1-ից: Խնդրում եմ ներկայացնել ՀԴՄ ձեռքբերման կարգը: Կանխավ շնորհակալություն:

Jun 27 2014

Նոր մանրամասներ նոր ՀԴՄ-ների վերաբերյալ

Այսուհետ բոլոր խանութները պետք է հսկիչ դրամարկղերի կտրոնների վրա տպագրեն ոչ միայն գնումների արժեքը, այլ նաև բոլոր ապրանքների անունները: Նման որոշում ընդունեց այսօր ՀՀ կառավարությունը: Այդ առիթով վարչապետ Հովիկ Աբրահամյանը շեշտեց, որ խոշոր խանութներն այս հարցը լուծել են և գնումներ կատարելուց առանձին թերթիկի վրա ապրանքների անունները գրվում են, սակայն դա պետք է տեղափոխել նաև հսկիչ դրամարկղային սարքի հիշողություն:
«Նոր սերնդի ՀԴՄ-ներ. նշանակում է, որ ապրանքի անունն էլ է տպվելու, ոչ թե գումարը միայն, սա շատ կարևոր է մեզ համար»,-ասաց Հովիկ Աբրահամյանը:

Իսկ ժամանակային առումով օրենքը գործելու է հետևյալ սկզբունքով` 2013 թվականի արդյունքներով 500.0 մլն դրամ (ներառյալ ավելացված արժեքի հարկը) և ավելի իրացումից հասույթ ունեցող հարկ վճարողները ՀԴՄ կտրոնի վրա պետք է ապահովեն ապրանքի անվան առկայությունը մինչև 2014 թվականի նոյեմբերի 1-ը, մինչև 2015 թվականի ապրիլի 1-ը՝ 2013 թվականի արդյունքներով 58.35 մլն դրամից մինչև 500.0 մլն դրամ (ներառյալ ավելացված արժեքի հարկը) իրացումից հասույթ ունեցող հարկ վճարողները, իսկ մինչև 2016 թվականի հունվարի 1-ը՝ ավելի պակաս հարկ վճարողները:

Աղբյուր`Ebank.am

Jun 23 2014

Արդյո՞ք ՓՄՁ-ների համար նոր սերնդի ՀԴՄ-ների կիրառումը ուժի մեջ է մտնում 2014 թ. հուլիսի 1-ից

226

Satik.

Հարգելի հաշվապահներ, խնդրում եմ պատասխանել. ՓՄՁ-ների համար նոր սերնդի ՀԴՄ – ների կիրառումը 2014 թ. հուլիսի 1-ից ուժի մեջ է մտնում, թե՞ ոչ: Եթե այո, ապա ինչպե՞ս ձեռք բերել և ի՞նչ գնով:

Jun 16 2014

Արդյո՞ք կազմակերպությունը պետք է ՀԴՄ ունենա

Աննա.

ԱԱՀ-ով աշխատող ընկերությունը վարձակալությամբ տրված տարածքների դիմաց վճարը մուտքագրում է դրամարկղ, արդյո՞ք այս դեպքում ՀԴՄ-ի կարիք կա:

May 27 2014

Հանրային սննդի գործունեություն 600 քմ – ից ավել տարածքում

219

Աննա.

Բարև Ձեզ: Մեր կազմակերպությունը աշխատում է ԱԱՀ-ով, զբաղվում է առևտրով, հիմա ավելացել է նաև ռեստորան, որի մակերեսը 600 քմ-ից ավել է: Այս դեպքում մենք պե՞տք է այդ գործունեության մասով, այսինքն` հարային սննդի մասով, նույնպես աշխատենք ԱԱՀ-ով, տեղադրենք ՀԴՄ: Իսկ հարկային գնալ, դիմում գրել անհրաժե՞շտ է, թե միայն էլեկտրոնային հայտը բավական է:

Apr 16 2014

Արդյո՞ք ընկերությունը պետք է ներկայացնի շահութահարկի հաշվարկ

Gohar.

Բարև Ձեզ: Խնդրում եմ օգնել.
1. արդյո՞ք շրջանառության հարկ վճարող ՍՊ ընկերությունը պետք է ներկայացնի ամսական ՀԴՄ տեղեկություն, թե՞ վերջինիս եռամսյակի թիվը արտացոլվում է շրջանառության հարկի հաշվետվության մեջ
2. միայն արտոնագրային վճար վճարող ՍՊ ընկերությունը արդյո՞ք պետք է ներկայացնի շահութահարկի հաշվարկ
Կանխավ շնորհակալություն:

Apr 15 2014

ՀԴՄ-ների ամորտիզացիոն ժամկետ

Gohar.

Բարև ձեզ: Խնդրում եմ ասել` արդյո՞ք ՀԴՄ-ների համար սահմանված ամորտիզացիոն ժամկետ 1 տարին է: Կանխավ շնորհակալություն:

Apr 10 2014

Ո՞ր հաշվետվություններն են հանձնվում բացառապես էլեկտրոնային եղանակով

Լիլիթ.

Բարև, հարգելի հաշվապահներ:
Այս ամիս եմ գրանցվել որպես արտոնագրային վճարող Ա/Ձ և արդեն ձեռք եմ բերել ՀԴՄ: Սակայն դեռ ID քարտ (էլեկտրոնային ստորագրություն) չունեմ: Հարցս հետևյալն է` ՀԴՄ-ով իրականացված դրամական հաշվարկների հանրագումարի վերաբերյալ տեղեկությունը պետք է պարտադիր ուղարկվի էլեկտրոնային, և ուրիշ ի՞նչ հաշվետվություն պետք է ուղարկեմ էլեկտրոնային տարբերակով: Կանխավ շնորհակալություն:

Apr 09 2014

Արդյո՞ք պետք է ՀԴՄ կտրոն տրամադրել կանխավճար վճարելու ժամանակ

203

Իգոր.

Հարգելի գործընկերներ, խնդրում եմ պատասխանեք` երբ մանրածախ առևտրի ժամանակ կանխիկ գումար են թողնում որպես կանխավճար (բեհ), պե՞տք է արդյոք ՀԴՄ կտրոն տրամադրվի այդ գումարի չափով, եթե այո, ապա ի՞նչ փաստաթուղթ պետք է տրվի ապրանքը տանելու ժամանակ:

Apr 03 2014

ԱՁ դադարեցրել է գործունեությունը

Arevik.

Բարև Ձեզ: Եթե ԱՁ-ն դադարեցրել է իր գործունեությունը ու ՀԴՄ-ն գրանցումից հանել է, բայց այդ ՀԴՄ-ի կասեցման թուղթը կորցրել եմ, կարո՞ղ եմ նորից դիմել ՀՏ ու նոր թուղթ վերցնել: Շնորհակալություն:

Mar 19 2014

Ընկերությունը արտոնագրային վճար վճարող է

Կարեն.

Բարև ձեզ: Խնդրում եմ ինձ օգնել հետևյալ հարցում: Արտոնագրային վճար վճարող ՍՊ ընկերությունը պե՞տք է ներկայացնի ամսեկան ՀԴՄ տեղեկություն և տարեկան շահութահարկի հաշվետվություն, թե՞ շրջանառության հարկի հաշվարկ: Ինչու՞: Շնորհակալություն:

Feb 26 2014

ՓՈՍ տերմինալով գործարքի դեպքում

Emily.

Խնդրում եմ օգնեք: ՓՈՍ տերմինալով գործարքի դեպքում ՀԴՄ-ում երևում է, որ գործարքի մի մասը անկանխիկ է: Հարցս հետևյալն է` եթե ՀԴՄ-ի Z հաշվետվության մեջ 50 000 է երևում, որից 20 000 տերմինալով գործարք է, ապա ինչպե՞ս կազմեմ ԴՄՕ-ն` 50 000, թե՞ 30 000, իմ կարծիքով` 30000-2511, քանի որ փաստացի այդքան է կանխիկը, 20 000 դե բնականաբար ձևակերպելու եմ բանկով` 25211:

Feb 24 2014

ԱՁ զբաղվելու է մաքրման ծառայությունների մատուցմամբ

Վահե.

Բարև ձեզ:
Ցանկանում եմ բացել ԱՁ, որը զբաղվելու է մաքրման ծառայությունների մատուցմամբ: Կխնդրեմ ասել, թե որ հարկատեսակով ավելի արդյունավետ կլինի գործունեություն իրականացնել, ինչպիսի՞ պարտադիր վճարումներ պետք է կատարել, և պարտադի՞ր է լինելու արդյոք ՀԴՄ-ի կիրառումը:
Շնորհակալություն:

Feb 24 2014

ԱՁ-ն կարո՞ղ է աշխատել մեկ ՀԴՄ-ով

226

Գայանե.

Բարև Ձեզ: Ա/Ձ-ն իր գործող գրախանութին կից առանձին բաժնով բացում է վարսավիրանոց: ԱՁ-ն կարո՞ղ է աշխատել մեկ ՀԴՄ-ով, բայց երկու բաժիններով` բաժին 1 և բաժին 2: Շնորհակալություն:

Feb 14 2014

Հիմնական միջոցի արժեքի փոփոխություն

219
Լուսինե.

Հարգելի հաշվապահներ, մեր կազմակերպությունը ձեռք է բերել նոր սերնդի ՀԴՄ` վճարելով 369 600 դրամ: Մեկ ամիս անց կառավարության որոշման համաձայն այդ գումարից 89 600 դրամ հետ է վերադարձվել մեր բանկային հաշվին: Փաստացի տեղի է ունեցել հիմնական միջոցի արժեքի փոփոխություն: Օգնեք խնդրեմ` ինչպե՞ս պետք է ձևակերպել գումարի հետ վերադարձը, որպեսզի ՀԴՄ արժեքը նույնպես ճշգրտվի: Նախապես շնորհակալություն:

Feb 12 2014

Նոր սերնդի ՀԴՄ-ների ձեռքբերման ձևակերպում

Արտակ.

Կազմակերպությունը ձեռք է բերել նոր սերնդի ՀԴՄ-ներ, խնդրում եմ պատասխանել` ինչպե՞ս ձևակերպել ձեռք բերումը:

Jan 20 2014

Զբոսաշրջային գործունեություն

209
Emily.

Բարև Ձեզ, հարգելի հաշվապահներ: Կխնդրեի, որ պատասխանեին զբոսաշրջության ոլորտում աշխատող հաշվապահները: Ա/Ձ սկսել է զբաղվել արտասահմանյան երկրների զբոսաշրջային կազմակերպությունների հետ զբոսաշրջային գործունեությամբ և հյուրանոցներում, հանգստյան տներում տեղեր ամրագրելով: Հարցերս հետևյալն են`

1. Արդյո՞ք պետք է Ա/Ձ-արտասահմանյան երկրներ ուղարկվող պայմանագրերի և հաշիվ-ֆակտուրաների համար համար ձեռք բերի կնիք կամ հակառակ դեպքում պե՞տք է արդյոք գլխավոր պայմանագրերը նոտարով հաստատված լինեն:

2. Արդյո՞ք պետք է պայմանագրերը և հաշիվ-ֆակտուրաները լինեն նաև հայերեն տարբերակով, բացի տվյալ երկրի լեզվով գրվածից:

3.Արդյո՞ք Ա/Ձ չի կարող աշխատել միայն բանկային հաշիվներով և պետք է ունենա ՀԴՄ և բացի ՀԴՄ կտրոնից հաճախորդին տրամադրի հաշիվ-ֆակտուրա ռուսերեն կամ անգլերեն, կամ այն երկրի լեզվով, ուր որ գնում է հաճախորդը: Ա/Ձ դեռ շրջանառության հարկ վճարող է:

Եվ վերջում շատ կխնդրեի, որ այս ոլորտում աշխատող հաշվահապներից մեկը իր հեռախոսի համար գրեր, որ հարցերի դեպքում դիմեի, իհարկե եթե կարելի է :)

Jan 12 2014

Օտարերկրյա կազմակերպությունը իր ներկայացուցչությունն է բացել ՀՀ-ում

Armen.

Եթե օտարերկրյա կազմակերպությունը իր ներկայացուցչությունն է բացել ՀՀ-ում և այդ ընթացքում ՀԴՄ-ով գործարք չի կատարել, այլ միայն ֆինանսավորել է կրթական ծրագրեր և անհատույց գույք է գնել այլ ոչ առևտրային կազմակերպությունների համար, այս դեպքում ինքը ԱԱՀ-ով հարկվող համարվու՞մ է, թե՞ ոչ (ԱԱՀ-ի մասին 3-րդ հոդվածը կարդացել եմ, հստակ չեմ պատկերացնում):

Dec 25 2013

Ինչպե՞ս կհաշվարկվի շրջանառության հարկը

astxik.

Բարև ձեզ, հարգելի հաշվապահներ:
Շնորհավոր բոլորիդ գալիք Նոր Տարին:
Աշխատում ենք շրջանառության հարկով, ունենք կոշիկի արտադրամաս և մանրածախ խանութ տարբեր հասցեներում, հաշիվ-ապրանքագրով կամ բեռնագրով ապրանքը հասցվում է խանութ: Հարցս վերաբերվում է հարկմանը, շրջանառության հարկի հաշվետվության մեջ խանութ տեղափոխված ապրանքի ամբո՞ղջ խմբաքանակից է հարկվում, թե՞ ֆիսկալի հանրագումարից, քանի որ հնարավոր է 1 եռամսյակում հարկվի 100 զույգի համար, հաջորդ եռամսյակում ապրանք չբերվի, սակայն ՀԴՄ ֆիսկալով ցույց տրվի վաճառք և անհամապատասխանություն առաջանա:

Խնդրում եմ մանրամասն նկարագրեք այս գործընթացը, մեր արտադրանքը բացառապես վաճառվում է մեր խանութում, նախապես շնորհակալություն եմ հայտնում:

Dec 19 2013

ՀԴՄ-ով իրականացված հաշվարկների արտացոլում հաշվետվության մեջ

Ալբերտ.

Հարգելի գործընկերներ,
կազմակերպությունը աշխատում է արտոնագրային վճարով, ինչպես նաև շրջանառության հարկով: ՀԴՄ-ով տպվում են 2 տարբեր կտրոններ` բաժին 1-ով արտոնագրային վճարով գործունեության համար, իսկ բաժին 2-ով` շրջանառության հարկով գործունեության համար: Յուրաքանչյուր ամիս ներկայացվում են տեղեկություններ, որտեղ արտացոլվում է ՀԴՄ-ով տպված կտրոնների հանրագումարը: Ւսկ շրջանառության հարկի հաշվարկում նու՞յնպես ամբողջ հանրագումարն է արտացոլվելու, թե՞ միայն շրջ. հարկով հարկվող մասը: Կանխավ շնորհակալություն:

Older posts «