Tag: նպաստ

Անաշխատունակության նպաստ

Աստղիկ․

Հարգելի գործընկերներ, մի հարց էլ ես ունեմ՝ կապված աշխատողի երկարատև անաշխատունակության հետ։ 140 և ավելի օր աշխատողը, մնալով անաշխատունակության մեջ, վերադարձել է աշխատանքի՝ փակված անաշխատունակության թերթիկով, սակայն դեռևս ապաքինված չէ։

Հարց1 ․ Անաշխատունակության թերթիկ նորից ներկայացնելու դեպքում ընկերությունը կատարելու՞ է արդյոք վճարում՝ անաշխատունակության թերիթիկի համաձայն, ունի՞ այդ իրավունքը, թե՞ ոչ։

Հարց 2․ Եթե չի վճարում, ապա ինչպե՞ս է վարվում՝ համաձայն օրենքի։

Կանխավ շնորհակալություն։

Նպաստ համատեղությամբ աշխատանքի դեպքում

Աննա․

Հարգելի հաշվապահներ, աշխատակիցը աշխատում է համատեղությամբ, մյուս աշխատավայրից հաշվարկվել և վճարվել է նպաստի գումարը, կասե՞ք՝ մյուս գործատուն taxcervicov ինչ որ հաշվետվություն ունի՞ ներկայացնելու, կանխավ շնորհակալ եմ։

Արձակման նպաստ վճարվու՞մ է

Անահիտ․

Բարև ձեզ, հարգելի գործընկերներ, խնդրում եմ պարզաբանում հետևյալ դեպքում։

Աշխատողի հետ կնքված է եղել որոշակի ժամկետով աշխատանքային պայմանագիր,
դրանից հետո նա գտնվել է անաշխատունակության արձակուրդում։ 120 օրը լրանալուց հետո բժշկական հանձնաժողովը ժամկետը երկարացնելու որոշում է կայացրել, պայմանագիրը երեք ամսով է կնքված եղել, քանի որ անաշխատունակության մեջ է եղել պայմանագիրը չի լուծվել, վերադարձել է աշխատանքի ծանուցում եմ տվել, որ պայմանագիրը տաս օր հետո լուծվելու է, բայց քանի որ ունեցել է չօգտագործված ամենամյա արձակուրդ, տրամադրել եմ արձակուրդը և պայմանագիրը լուծել եմ արձակուրդի ավարտի հաջորդ օրը, կատարել եմ վերջնահաշվարկ, եթե 60 օր հետո չեմ ազատել, արձակման նպաստ վճարվու՞մ է, թե՞ ոչ, և օրենքով ճի՞շտ է կատարվածը։

Նպաստից զրկում

Աննա․

Բարև Ձեզ, Աշխատակիցը նպաստ (փարոս) է ստանում, արդյո՞ք քաղիրավական պայմանագիր կնքելու դեպքում չի զրկվի նպաստ ստանալու իրավունքից։

Նպաստի հաշվարկ

Ալլա․

Բարև բոլորին։ Հարգելի հաշվապահներ, հարցս հետևյալն է․ աշխատողը ֆիզարձակուրդից հետ է եկել հուլիս ամսին և հիմա բյուլետենի է վերցրել 12.12.2022-15.12.2022։ Հուլիսին ստացել է 14 400 դր, օգոստոսից նոյեմբերը ներառյալ 96 000 դր, եթե այս չորս ամիսները հիմք ընդունենք հաշվարկի համար՝ միջին ամսականը նվազագույնի կեսից քիչ է լինում։ Այս դեպքում պե՞տք է վերցնեմ նվազագույնի կեսը, այսինքն 46 644 դր և հաշվարկը կատարեմ 46 644*80%=37 315, 37 315/21=1 777, 1 777*4 օր=7 107

Մայրության նպաստ միկրոյի դեպքում

Մանե․

Բարև Ձեզ։ Անհատ ձեռնարկատերը, ով հղի է, աշխատում է միկրոյով և ունի 1 վարձու աշխատող։ Կստանա՞ արդյոք պետբյուջեից ժամանակավոր անաշխատունակության և մայրության նպաստ։ Ինչպես նաև՝ Ա/Ձ֊ն պե՞տք է դադարեցվի։

Միջին աշխատավարձի հաշվարկ

Անժելա.

Բարև ձեզ։ Ֆիզ. արձակուրդի գումարը հաշվելիս, երբ 12 ամսվա ընդհանուր եկամտի մեջ կա նաև քաղիրավական կազմակերպությունից ստացած աշխատավարձ, դա նույնպես հաշվու՞մ են որպես եկամուտ, թե՞ ոչ։

Նպաստն ավել է եկամտային հարկից

Մարգարիտա.

Բարև Ձեզ։ Մայրության նպաստն ավել է քան տվյալ ամսվա եկամտային հարկը։ Ինչպե՞ս պետք է ստանալ տարբերությունը։

Միկրոձեռնարկատիրության աշխատողի մայրության նպաստ

Տաթև.

Բարև Ձեզ։ Խնդրում եմ պատասխանեք հարցիս։ Ես հղի եմ և շուտով գնալու եմ ֆիզ. արձակուրդ։ Աշխատում եմ միկրոձեռնարկությունում։ Իսկ հաշվապահը 99%-ով ասում է, որ միկրոն ֆիզ. արձակուրդի գումար չի տրամադրում։ Եվ եթե ստանալու եմ, դիմումը ձևը ինչպե՞ս իմանանք, և ո՞վ պետք է դա ճշտի։ Խնդրում եմ մանրամասնել։ Կանխավ շնորհակալ եմ։

Ա/Ձ դեկրետ

Լուսինե.

Բարև ձեզ: Խնդրեմ ինձ հստակ պատասխան կտա՞ք, եթե Ա/Ձ-ն՝ միկրոյի հարկման դաշտում աշխատող, 15.10.2022 գնալու է ֆիզ. արձակուրդ, ե՞րբ պետք է Ա/Ձ դադարեցում տամ։

Անաշխատունակության թերթիկ բարդ ծննդաբերության դեպքում

Անուշ.

Բարև ձեզ։ Հաշվապահներ ջան, բարդ ծննդաբերության դեպքում 15 օրվա համար անաշխ. թերթիկի ներկայացնելը ժամկետային սահմանափակում ունի՞։
Օրենքում ինչքան փնտրեցի չգտա նման կետ։ 140 օրը լրանալուց հետո է վճարվում, թե՞ կարող է երեխայի ծնվելուց մեկ շաբաթ հետո վճարվի։

Ե՞րբ է փախանցվում մայրության նպաստը

Քրիստինե.

Կներեք՝ մի հարց տամ. չաշխատող մայրերի 7 ամսականի գումարը դիմումը տալուց հետո քանի՞ օրվա ընթացքում է փոխանցվում գումարը։

Հաշմանդամության աշխատանքային կենսաթոշակ

Անուշ.

Բարև ձեզ։ Հարգելի մասնագետներ, ի՞նչ տարբերություն հաշմանդամության 3-րդ կարգ ունեցողի նպաստի ու հաշմանդամության աշխատանքային կենսաթոշակի միջև։ Շնորհակալություն

Երեխայի խնամքի նպաստ

Արմինե.

Բարև ձեզ։ Գյուղաբնակ աշխատող մայրը ինչքա՞ն գումար է ստանալու երրորդ երեխայի դեպքում ամեն ամիս։

Փոխարինող աշխատակցի դեկրետ գնալու վերաբերյալ

Լուսինե.

Բարև Ձեզ։ Եթե աշխատողը փոխաինող է մի քանի ամիս ժամանակով, իրավունք ունի՞ գնալու ֆիզ. արձակուրդ:

Դեկրետից դեկրետ

Սուսաննա Վանեսյան.

Բարև ձեզ։ Մենք ունենք ֆիզ. արձակուրդում գտնվող, սակայն նա ֆիզից ֆիզ է գնում, բայց սկզբնական ֆիզի դրույքաչափը 92 618 դրամ է, իսկ հիմա 130 000 դրամ։ Խնդրում եմ պատասխանեք, ո՞ր դրույքաչափով պետք է հաշվարկենք։ Կանխավ շնորհակալություն։

Դեկրետ գնալու վերաբերյալ

Հասմիկ.

Բարև ձեզ, հարգելի հաշվապահներ։ Աշխատողը ֆիզ. արձակուրդ գնում է նախատեսված ժամկետից մեկ շաբաթ ուշ։ Ասեք խնդրում եմ՝ ինչպե՞ս կատարեմ հաշվարկը և արդյո՞ք օրենքի խախտում է սա, թե՞ օրենքն ունի սա կարգավորող դրույթներ։

Մայրություն նպաստի համար փաստաթղթեր

Գոհար.

Բարև ձեզ, հարգելի հաշվապահներ: Ինձ կասեք՝ հղիության և ծննդաբերության նպաստի համար որ փաստաթղթերը որտեղ պետք է ուղարկեմ, նաև գործատուին փոխհատուցման փաստաթղթից բացի կա՞ այլ փաստաթուղթ, որ պիտի ներկայացնեմ սոցապ փոխհատուցման համար (ասեմ նաև, որ այս ամսվա եկամտային հարկը կազմել է 420դրամ):

Մայրության նպաստ

Անուշ.

Բարև ձեզ։ Ֆիզարձակուրդին տրամադրվող գումարի չափը ո՞ր դեպքում են հաշվում նվազագույն աշխատավարձի 15ապատիկի չափով։ Շնորհակալ եմ։

Անաշխատունակության թերթիկ

Յանա.

Բարև Ձեզ։ Խնդրում եմ պատասխանեք․ եթե աշխատողը գտնվում է ամենամյա արձակուրդում և միարժամանակ ստացել է անաշխատունակության թերթիկ նույն ժամանակահատվածում, արդյո՞ք պետք է վճարվի այդ թերթիկի դիմաց նպաստ։ Կանխավ շնորհակալ եմ։

Դեկրետից դեկրետ

Սոնա.

Հարգելի գործընկերներ, ողջույն։ Խնդրում եմ տեղեկացնել, եթե աշխատակիցը գտնվում է մինչև 3 տարեկան երեխայի խնամքի մեջ և կրկին ֆիզարձակուրդ է գնում, այդ պարագայում հարկայինի ծրագրում առաջին երեխայի 2 տարեկանը լրանալուց հետո է անհրաժեշտ մուտքագրել երկրորդ երեխայի խնամքի արձակուրդը, թե՞ միաժամանակ պետք է մուտք անել, թե՞ առաջին երեխայի մինչև 2 տարեկանը չլրացած լինելով հանդերձ նշել ավարտ այն ամսաթիվը, որով սկսվում է 2֊րդ երեխայի խնամքը։ Կանխավ շնորհակալ եմ։

Մայրության նպաստ

Վազգուհի.

Ա/Ձ-ի աշխատակիցը գնում է հղիության և ծննդաբերության արձակուրդ՝ 16․08․2022թ-02․01․2023թ․։ Ա/Ձ-ն մինչև 01․07․2022թ․ աշխատել է միկրոձեռնարկատիրության համակարգում, իսկ հուլիս ամսվանից սկսած՝ շրջանառության համակարգում։ Խնդրում եմ օգնեք՝ ինչպե՞ս հաշվարկեմ ֆիզ․ արձակուրդը, եթե աշխատողի ամսական աշխատավարձը սահմանված է 91 276 դրամ։ Կանխավ շնորհակալություն։

Եկամտային հարկի հաշվարկ

Անի․

Հարգելի հաշվապահներ, եթե արձակուրդի ընթացքում աշխատակիցը ֆիզ․ է գնում և արձակուրդը տեղափոխում ենք ֆիզ․-ից 140օրից անմիջապես հետո։ Արձակուրդը եղել է հուլիսի 8-ից օգոստոսի 25-ը ներառյալ, իսկ ֆիզը օգոստոսի 8-ից է։ Այդ տեղափոխված օրերի համար վճարել եմ և պետք է ցու՞յց տամ օգոստոսի հաշվետվության ժամանակ։

Երեխայի խնամքի նպաստ

Լուսինե.

Ողջույն:
Հարգելի մասնագետներ, ո՞րն է ֆիզ․ արձակուրդի միանվագ նպաստ ստանալու գործընթացն այն դեպքում, երբ հղի աշխատողը գտնվում է Հայաստանից դուրս, աշխատում է օնլայն ՀՀ-ում գրանցված կազմակերպությունում որպես հիմնարար աշխատող։ Ոչ աշխատանքային 140 օրվանից հետո ինչպե՞ս է նպաստը փոխանցվում։

Անաշխատունակության թերթիկ

Աստղիկ.

Հարգելի մասնագետներ, Ձեր օգնության կարիքն ունեմ։ Հղի աշխատողին տրված է անաշխատունակության թերթիկ 140 օր նախածննդյան և հետծննդյան ժամանակաշրջանի համար և ծննդաբերության կանխատեսվող օր է նշանակված 2022 թվականի օգոստոսի 17-ը, սակայն երեխան ծնվել է հուլիսի 31-ին։ Խնդրում եմ հուշեք՝ ժամկետների խախտումներով պայմանավորված ի՞նչ գործողություններ են առաջ գալիս, ի՞նչ պետք է անի գործատում տվյալ դեպքում։ Կանխավ շնորհակալություն։

Անաշխատունակության թերթիկ

Էլլա.

Բարև ձեզ: Հարցս հետևյալն է. ամենամյա արձակուրդի մեջ գտնվող վարձու աշխատողը ներկայացրել է հղիության և ծննդաբերության անաշխատունակության թերթիկ։ Համընկումը 6 օր է կազմում։ Ամենամյա արձակուրդի երնարաձգումը ինչպե՞ս է կատարվում։ Եթե թերթիկը ավարտվում է ասենք դեկտեմբերկ 5-ին, ուրեմն այդ 6 օրերը գումարվում են անաշխատունակության թերթիկի ավարտին հաջորդող օրվան` գումարած 6 արձակուրդային օ՞ր։

Դեկրետից վերադարձի վերաբերյալ

Սիրանուշ.

Բարև ձեզ։ Եթե երեխան 5 ամսական է, վերադարձել եմ աշխատանքի, սակայն ֆիզիկապես հնարավոր չէ համատեղել, արդյո՞ք հնարավոր է հետ վերադառնալ դեկրետ և արդյո՞ք կստանամ մայրության ամենամսյա նպաստը։

Նպաստի փոխհատուցում

Ռուբ.

Հարգելի հաշվապահներ, միկո ընկերության աշխատակցի համար հաշվարկվել է մայրության նպաստ, որը ներառյալ հարկերը կազմել է 198 200 դրամ, ֆիրման պահել է 5 000 դրամը և աշխատակցին վճարել 193 200 դրամ։ Վճարման ամսվա դրությամբ ընկերության ունեցած եկամտային հարկը կազմել է 10 000: Հարկային ներկայացված տեղեկանքում, պետությունից փոխհատուցման ենթակա գումարը լրացվել է 183,000, սակայն հարկայինից ուղղել են 188 000: Այսինքն՝ ես սխա՞լ եմ հասկացել, որ փոխհատուցման ենթակա գումարը հաշվարկվում է հարկերը պահած գումարից։

Մայրության նպաստ

Մանյա.

Բարև ձեզ։ Կասեք՝ միկրոյի դեպքում ֆիզարձակուրդի գումարը ինչպե՞ս են հաշվում ու ե՞րբ են փոխանցում։ Հաշվապահն ասում է երեխայի ծնունդից հետո պետք է փոխանցի։

Ա/Ձ աշխատակցի մայրության նպաստ

Բարև ձեզ, հարգելի հաշվապահներ։ Խնդրում եմ օգնեք. Ա/Ձ-ի աշխատակիցը գնում է ֆիզարձակուրդ, գրանցված է կես դրույքով ու գրանցված աշխատավարձը 50 000 է /հարկերը վճարում է գործատուն/, աշխատում է 12 ամիս, այլ վճարներ չունի։ Խնդրում եմ ասեք՝ ինչպե՞ս հաշվեմ արձակուրդայինը և ի՞նչ թղթեր են անհրաժեշտ ներկայացնել հարկային, որպեսզի պետությունը փոխանցի Ա/Ձ-ին։

Մայրության նպաստ

Դիանա.

Բարև ձեզ: Հարգելի հաշվապահներ, ես սեպտեմբեր21-ից պիտի գնամ ֆիզարձակուրդ, սակայն իմ 12 ամիսը չի լրանում, այստեղ աշխատում եմ հունվարի 1-ից: Բայց մինչ այդ աշխատել եմ ուրիշ տեղ, որտեղից դուս եմ եկել 2022-ի հունվարի 25-ին, սակայն այնտեղ եղել եմ երեխայի խնամքի արձակուրդում: Ինձ կասեք` ես պիտի տեղեկանք բերե՞մ նախկին աշխատանքի վայրից և այդ ամիսներին, որ եղել եմ խնամքի արձակուրդում ի՞նչ աշխատավարձ է հաշվարկվում:

Երեխայի խնամքի նպաստ

Մայա.
Բարև Ձեզ: Ասացեք խնդրեմ՝ միկրոյի դաշտում գործունեություն իրականացնող Ա/Ձ-ի 2022թ-ին մայրացած վարձու աշխատողներին, մինչև երեխայի 2 տարին լրանալը 28 500 դրամ նպաստը տրամադրվու՞մ է, թե՞ ոչ:

Ա/Ձ մայրության նպաստ

Ժաննա.

Բարև Ձեզ։ Անհատ ձեռնարկատերը առևտուր է իրականացնում և աշխատում է միկրոյով, գրանցված աշխատող չունի։ Եթե գնալու է ֆիզ. արձակուրդ՝ դեկրետ, պե՞տք է դադարեցնի Ա/Ձ, որպեսզի ստանա ֆիզ. արձակուրդի գումարը, և կխնդրեի մոտովոր չափը ստանալիք գումարի:

Տալ հաշվապահական ձևակերպումներ

Անահիտ.

Բարև Ձեզ: Պետության կողմից ընկերության հաշվարկային հաշվին փոխանցվել է վճարված մայրության նպաստի տարբերությունը, ինչպե՞ս կարող եմ ձևակերպել այն։

Հղիության և ծննդաբերության արձակուրդ

Սոնա.

Բարև Ձեզ։ Խնդրում եմ օգնեք հաշվարկել հղիության և ծննդաբերության արձակուրդը: Աշխատակիցն աշխատում է վեցօրյա գրաֆիկով և վերջին 12 ամսվա ընթացքում ընդհանուր եկամուտը կազմում է 1 240 640 դր.: Նաև խնդրում եմ ասեք՝ ի՞նչ պահումներ են լինելու (եկամտային, սոց. վճար, դրոշմանիշ): Նշեմ նաև, որ աշխատում է ընդհանուր հարկման դաշտի սուբյեկտ հանդիսացող կազմակերպություն։

Ո՞վ է վճարում մայրության նպաստի գումարը

Գայանե.

Բարև Ձեզ։ Միկրոյում գրանցված մատնահարդարը պետք է ֆիզ. արձակուրդ գնա՝ ո՞վ է վճարում ֆիզի գումարը և ինչպե՞ս։ Օգնեք խնդրում եմ։

Մայրության նպաստի հաշվարկ

Անի.

Բարև Ձեզ: Ես 7 ամսվա աշխատող եմ, ամսական մաքուր աշխատավարձս 68 000դրամ, 7 ամսվա ընթացքում պարգեվավճարի ընդանուր գումարը կազմել է 80 000 դրամ։ Խնդրում եմ հաշվարկել թե որքա՞ն կկազմի ֆիզարձակուրդի գումարը։

Միջին աշխատավարձի հաշվարկ

Անի․

Հարգելի հաշվապահներ, հիմնական աշխատակիցս ֆիզից վերադարձել է 2021 թվականի սեպտեմբերին և կրկին պետք է գնա ֆիզ, միջին ամսեկանի համար 11 ամիս է ձևավորվում։ Հաշվարկը 12 ամսվա միջինով պետք է կատարեմ, նշեմ՝ 2021 մարտ, ապրիլ ամիսներին եղել է արձակուրդ։ Միջինի 12-րդ ամսվա գումարը վերցնեմ արձակուրդի ամիսների՞, թե՞ տարիֆիկացիայի գումարը։

Նպաստի փոխհատուցում

Անի․

Հարգելի հաշվապահներ, մայրության նպաստի գումարը ամբողջովին պետ․ բյուջեյի հաշվի՞ն է վճարվում։ Այսինքն՝ ցանկանում էի իմանալ՝ վճարում է գործատուն, սակայն եկամտային հարկն է պակաս փոխանցու՞մ։

Անաշխատունակության թերթիկ

Աննա.

Բարև ձեզ։ Երբ երեխան ծնվում է, մենք նորի՞ց պետք է բուժհաստատության կողմից տրված հետծննդաբերական անաշխատունակության թերթիկ ներկայացնենք գործատուին։ Եվ դրանից հետո 2 տարի կարո՞ղ ենք գտնվել արձակուրդում։

Միջին աշխատավարձի հաշվարկ

Անի.

Հարգելի հաշվապահներ, հուլիսի մեկին աշխատակիցս բերել է մայրության նպաստի թերթիկ, միջինի հաշվարկի համար հունիս ամիսը մտնու՞մ է: Իսկ վճարումը քանի՞ օրվա մեջ է կատարվում։

Մայրության նպաստ

Անուշ.

Բարև Ձեզ։ Հարգելի հաշվապահներ, աշխատում եմ կազմակերպությունում որպես տնօրեն (նշեմ, որ նաև կազմակերպության հիմնադիրն եմ), որը հանդիսանում է միկրոձեռնարկություն։ Շուտով պետք է ֆիզ․ գնամ։ Եթե հնարավոր է՝ կարո՞ղ եք նշել տվյալ պարագայում ես համարվում եմ վարձու աշխատող, թե՞ ինքնազբաղ անձ։ Ինչպես պետք է հաշվարկվի ֆիզ․-ի գումարը։
Եվ 1-ից ավելի երեխաներ ունենալու պարագայում՝ պե՞տք է միանվագ ստանամ 180 օրվա ֆիզ․-ի գումար, թե՞ նախ ստանում եմ 140 օրվա, իսկ բալիկներիս ծնվելուց հետո ևս 40 օրվա։
Շնորհակալ եմ արձագանքի համար։

Հիվանդության նպաստի հաշվարկ

Հասմիկ.

Բարև Ձեզ։ Հարցս հետևյալն է. հիվանդության նպաստ հաշվարկելիս, եթե տվյալ աշխատակցը աշխատում է հերթափոխով և շաբաթվա ընթացքում ունի 3 աշխատանքային օր ու 4 հանգստյան օր, օրինակ՝ երկուշաբթի, հինգշաբթի, կիրակի աշխատում է, երեքշաբթի, չորեքշաբթի, ուրբաթ, շաբաթ հանգստյան օրեր: Ո՞ր օրերն են տվյալ աշխատակցի համար համարվում հանգստյան օրեր և քանի՞ աշխատանքային օրվա համար է կատարվում հիվանդության նպաստի հաշվարկը։

Մայրության նպաստ

Հայկուհի.

Բարև ձեզ։ Ինձ օգնեք հաշվել խնդրում եմ. ես ամսական ստանում եմ 68 800դրամ աշխատավարձ և աշխատում եմ հերթափոխով՝ 1օր տանն եմ, մի օր աշխատանքի, շաբաթ և կիրակի հանգիստ չկա։ Ես ինչքա՞ն ֆիզարձակուրդի գումար կստանամ։

Մայրության նպաստ

Մերի.

Բարև ձեզ։ Քաղիրավական պայմանագրով աշխատող եմ և ունեմ գյուղի գրանցում, սակայն չեմ բնակվուն այնտեղ։ Ֆիզի դեպքում ի՞նչ որ բան վճարվելու է, թե՞ ոչ։

Գործունեության դադարեցման հետ կապված

Սոֆյա.

Հարգելի հաշվապահներ, եթե ԱՁ-ն որոշել է ժամանակավոր դադարեցնել իր գործունեությունը, սակայն ունի մեկ աշխատող ով գտնվում է երեխայի խնամքի արձակուրդում, կարո՞ղ է արդյոք դեկրետայինի գումար հաշվարկել նրան գործունեության դադար տալուց հետո ներկայացրած երկրորդ երեխայի համար:

Ձևակերպում ՀԾ-ով

Լուսինե․

Բարև Ձեզ, հարգելի հաշվապահներ։
Ինչպե՞ս ՀԾ-ով նույն ամսվա մեջ ձևակերպեմ և՛ աշխատավարձ, և՛ նպաստ, որպեսզի ծրագիրը թույլ տա։

Մայրության նպաստի հաշվարկ

Արփինե․

Բարև Ձեզ։ Խնդրում եմ օգնել՝ ճի՞շտ եմ հաշվել արդյոք մայրության նպաստ միկրոհամակարգում աշխատող վարձու աշխատողի համար։ Բյուլետեն` 13.06.2022- 30.10.2022, գրանցված է ԱՁ – ում 12.01.2022թ.-ից, աշխատավարձը ամսական 78 000 դրամ, այլ գործատուի մոտ գրանցված չի եղել։

78 000 * 5 = 390 000 (միջ. աշխ. հաշվ. համար հիմք հանդիսացող եկամտի չափ)
43 038 (միջ. աշխ. չափ)
43 038 ÷ 30,4 = 1415 (միջ. օրական)
1 415 * 140 = 198 201 (նպաստի չափ)
198 201 – 5 000 (եկամտային հարկ) = 193 201 (վճ. ենթակա նպաստ)

Նպաստի ստացում դադարեցման դեպքում

Վարդուհի․

Բարև ձեզ: Հարգելի հաշվապահներ, այսպիսի հարց ունեմ․ ԱՁ-ն եթե անորոշ ժամկետով կասեցնում կամ լուծարվում է, և այդ ընթացքում 3 տ երեխայի խնամքի արձակուրդում աշխատակից է ունենում, ի՞նչ պետք է անի, ծանուցի աշխատակցին դադարի մասին, եթե վերականգնի գործունեությունը, կարո՞ղ է աշխատակիցը նորից ստանալ խնամքի գումարը։

Մայրության նպաստի վճարման վերաբերյալ

Կիմա․

Բարև ձեզ, հարգելի մասնագետներ։ Ճի՞շտ է, որ համատեղությամբ աշխատողին մայրության նպաստը պետք է վճարի հիմնական աշխատավայրի գործատուն։ Ասեմ, որ հիմնական աշխատավայրում աշխատավարձը 88 000դրամ է, իսկ համատեղությամբ ստանում է 250 000դրամ։ Կարո՞ղ է նպաստը վճարել մյուս գործատուն, որտեղ աշխատավարձի չափը մեծ է։
Եվ ես մեկ հարց․ եթե աշխատակիցը եղել է երեխայի խնամքի արձակուրդում և պետք է վերադառնա աշխատանքի, ունի ամենամյա չօգտագործված արձակուրդային օրեր։ Խնդրում եմ ասեք՝ ինչպե՞ս լրացնեմ 12 ամիսները, ինչպե՞ս հաշվել արձակուրդայինը։ Շնորհակալություն