Tag Archive: սոցապ

Mar 22 2013

Սոցապ. անհատական հաշվետվություն

Հեղինե.

Հարգելի հաշվապահներ, խնդրում եմ օգնեք.
Եթե աշխատողը 05.06-22.10.2012թ.-ը գտնվում էր հղիության և ծննդաբերության արձակուրդում, և 06.06.2012թ.-ին ստացել է նպաստի չափը կազմակերպության կողմից, ապա տարեկան անհատական հաշվետվության մեջ ինչպե՞ս է նշվում`
1. հունիս ամսվա դիմաց նշվում է ամբո՞ղջ նպաստի չափը
2. Թե՞ հունիս-հոկտեմբեր յուրաքանչյուր ամսվա դիմաց համապատասխան գումարի չափերը

Կանխավ շնորհակալություն:

Mar 12 2013

Անհատական հաշվետվության ներկայացման վերջնաժամկետ

Նարինե.

Հարգելի հաշվապահներ, ես սկսնակ եմ և խնդրում եմ ինձ օգնեք: Ես ուզում եմ իմանալ անհատական հաշվետվության ներկայացման վերջնաժամկետը, նախապես շնորհակալություն:

Feb 28 2013

Ա/Ձ սոցապ տարեկան հաշվետվության

helen.

Բարև հարգելիներս, խնդրում եմ արագ արձագանքել.
Ա/Ձ -ի սոցապի տարեկան հաշվետվության մեջ գրված է սոցի նվազագույն գումար, որը չպետք է պակաս լինի 60.000 դրամից, սակայն եթե Ա/Ձ-ն աշխատել է 3 ամիս, այնուհետ դադարեցրել է գործունեությունը, ինչպե՞ս պետք է լրացնել հայտարարգրի 27-րդ տողը, և այն հանձնում եմ թղթային տարբերակով, չէ՞: Եվ ևս մի հարց` անհատական հաշվետվության դեպքում մյուս ամիսները, որ չի աշխատել, ինչպե՞ս եմ լրացնում մյուս աշխատողների համար:

Feb 17 2013

Վարձու աշխատողների գրանցման հայտերի վերաբերյալ

Հարություն.

Հարգելի կոլեգաներ, հարցս կապված է վարձու աշխատողների գրանցման հայտերի ներկայացման հետ: Արդյո՞ք այսուհետ` այսինքն 2013թ. հունվարի 1-ից սոց. ապ. հայտեր չենք ներկայացնելու նոր աշխատողների համար: Որքանով հասկացա` ոչ, սակայն բազմաթիվ ուղեցույցների և իրազեկումների մեջ չեմ հանդիպել նշում դրա մասին: Ինչպես նաև, նախկինում ներկայացնում էինք ձև 5 աշխատողի ստաժի վերաբերյալ: Արդյո՞ք դրա ներկայացումը ուժի մեջ է:

Jan 23 2013

Աշխատողը իր հաշվին արձակուրդ է վերցրել

Աննա.

Գրեք խնդրեմ` ինչպե՞ս լրացնել իր հաշվին արձակուրդի ժամանակահատվածը կենսաթոշակային տեղեկանքում: Շնորհակալություն:

Jan 22 2013

Կազմակերպությունը աշխատող է ընդունել

Տիգրան.

Բարև Ձեզ, խնդրում եմ օգնեք:
ՍՊԸ-ն սույն թվականի հունվարի 8-ին աշխատող է ընդունել աշխատանքային պայմանագրով: Ի՞նչ պետք է անել` էլեկտրոնային եղանակով գրանցել, թե՞ անհատական տիտղոսաթերթ ներկայացնել սոց. ապ:

Jan 21 2013

Անհատական հաշիվ բացելու կարգ

Լյուդմիլա.

Բարև ձեզ, հարգելի հաշվապահներ:

Հարցս վերաբերում է 2013թ. հունվարի 1-ից գործող Անհատական հաշիվ բացելու կարգին և պարտադիր կուտակային կենսաթոշակի հաշվարկին, եթե հնարավոր է, օրինակ ուղարկեք excel ֆայլով կամ համապատասխան հղում արեք հետևյալ էլ. հասցեին lyudmila.margaryan շնիկ gmail.com

Jan 14 2013

Անհատական հաշիվ բացելու կարգ

Աննա.

Հարցս վերաբերում է 2013թ. հունվարի 1-ից գործող Անհատական հաշիվ բացելու կարգին: Նոր ընդունվող աշխատողների մասով ամեն ինչ պարզ է: Ինչպե՞ս վարվել նախկին աշխատողների հետ:

Dec 08 2012

Ձև Ֆ1-ի լրացման վերաբերյալ

Անի.

Սոց. հիմնադրամին աշխատող ընդունելու մասին նոյեմբերին Ձև Ֆ1 լրացնելուց հրամանի համարը պատահմամբ սխալ եմ ներկայացրել` 32-ի փոխարեն 22: 22 համարի հրամանի տակ սեպտեմբերով ընդունված այլ աշխատող էլ ունեինք: Ամսաթիվը ճիշտ է: Ի՞նչ խնդիրներ կառաջանան: Եվ ինչպե՞ս լուծել հարցը:

Nov 15 2012

Աշխատանքային գրքույկի լրացման վերաբերյալ

Վաչագան.

Կխնդրեմ ինձ օգնեք մի այսպիսի հարցում: Ես ընդունվել եմ աշխատանքի: Աշխատանքային պայմանագրի մեջ նշվում է, որ վճարման կարգը հետևյալն է` ընդունել են “պայմանական միավոր” հասկացությունը, և ըստ իմ կողմից ամսվա վերջում տրված հաշվետվության կատարվելու է աշխատավարձի վճարում: Հիմարկը, որը ընդունեց ինձ, հայտնեց, որ իմ աշխատանքային գրքույկը (իմ առաջին աշխատանքն է) պետք է լրացնի սոցը` կապված հենց այդ “աշխատանքի դիմաց վճարումների” հետ: Արդյո՞ք դա այդպես պետք է լինի:

Nov 13 2012

2012թ. հունիսի 26-ի N 196-Ն հրաման

Լիլիթ.

Խնդրում եմ օգնեք հասկանալ` “Անհատական հաշիվ բացելու կարգը և տվյալներ ներկայացնողին անճշտությունների մասին տեղեկացնելու կարգը հաստատելու մասին” 2012 թ. հունիսի 26-ի N 196-Ն հրամանը ի՞նչ է իրենից ներկայացնում և ի՞նչ նպատակ ունի:

Oct 29 2012

Արդյո՞ք պետք է հաշիվ բացելու հայտ ներկայացնել սոցապ հիմնադրամ

Syuzi.

Ա/Ձ-ն հաշվառվել է 1997թ-ին: Մեկ տարի գործունեություն անելուց հետո դադարեցվել է: 2012թ-ին նորից վերահաշվառվել է: Արդյո՞ք պետք է անհատական հավիվ բացելու և ստաժի վերաբերյալ տեղեկություն ուղարկել սոցին: Եվ մեկ հարց էլ` եթե ֆիզ. անձը կատարում է կազմակերպության համար թարգմանություն մոտ մեկ ամիս ու կես տևողությամբ, քաղ. իրավական պայմանագիր է պե՞տք կազմել այդ անձի հետ: Այդ դեպքում դարձյա՞լ պետք է հայտ ներկայացվի սոցապին: Չէ՞ որ դա կազմակերպության աշխատողը չի: Աշխատավարձ չէ, այլ աշխատանքի դիմաց վարձատրություն: Ենթադրենք` 100 000: Գործատուի սոց. վճար և եկամտահարկ է փոխանցվել: Եվ արդյո՞ք անհրաժեշտ է այդ ամսվա համար եկամտահարկի եռամսյակային հաշվետվություն ներկայացվի, եթե Ա/Ձ է: Խնդրում եմ, եթե հնարավոր է, բոլոր հարցերին պատասխանեք: Կանխավ շնորհակալ եմ:

Oct 06 2012

Պրակտիկանտների համար հայտի ներկայացում

ՍԵՎԱԿ.

Հարգելի գործընկերներ, խնդրում եմ պատասխանել հետևյալ հարցին.

Զբաղվածության ծառայությունը կազմակերպություն է ուղարկել անձանց պրակտիկա անցնելու նպատակով, պրակտիկայի համար ծառայությունը յուրաքանչյուր ամիս գումար է փոխանցել կազմակերպությանը վերջիններիս աշխատավարձ վճարելու համար: Պրակտիկայի ավարտից հետո վերը նշված անձանցից մեկին կազմակերպությունն ընդունել է աշխատանքի: Տվյալ աշխատողի անհատական հաշիվ բացելու մասին հայտը սոց. ապ. կազմակերպությու՞նն է պարտավոր ներկայացնել, թե՞ զբաղվածության ծառայությունը (ի դեպ, խոսքն այն ամիսների մասին է, որոնց ընթացքում աշխատողը պրակտիկա է անցել տվյալ կազմակերպությունում):

Հարկավ շնորհակալություն:

Aug 27 2012

Սոցապ տարվող փաստաթղթերում սխալ հայտնաբերելու դեպքում

Աստղիկ.

Բարև Ձեզ, ունեմ այսպիսի հարց.

Սոցապ տարվող փաստաթղթերում սխալ հայտնաբերելու դեպքում 15 օրվա ընթացքում կարող ենք տանել ճշգրտում առանց վարչական տուգանքների: Ինձ հետաքրքրում է` 15 օրը հաշվարկվում է փաստաթղթի ներկայացմա՞ն օրվանից, թե՞ ներկայացված փաստաթղթում սխալ հայտնաբերելու օրվանից: Շնորհակալություն:

Jul 17 2012

Պառնաս ծրագրի վերաբերյալ

Արման.

Բարև ձեզ: Կարո՞ղ եք ինձ ասել` եթե մեր կազմակերպությունը անցնի Պառնաս ծրագրի, ապա այս դեպքում այլևս անհրաժեշտություն չի՞ լինի ներկայանալ Սոցապ անհատական հաշվետվություն հանձնելու համար: Շնորհակալություն:

Jul 13 2012

Անհատական հաշիվ բացելու մասին հայտ

Անահիտ.

Անհատական հաշիվ բացելու մասին հայտի իսկությունը ինչպե՞ս կարող է ստուգել սոց. մարմինը:

Jul 10 2012

Կորել է աշխատողի աշխատանքային գրքույկը

Narek.

Գործատուն կորցրել է աշխատանքային գրքույկս: Ինչպե՞ս սոցապում վերականգնեմ գրքույկս և ո՞ր սոցապում:

Jul 03 2012

Ի՞նչ փաստաթղթեր պետք է ներկայացվի սոցապ

Սոֆի.

Բարև Ձեզ: Եթե նոր աշխատող ենք ընդունում, ի՞նչ փաստաթղթեր պետք է ներկայացվի սոցապ:

Jun 25 2012

Աշխատանքային ստաժի վերաբերյալ ձևաթղթի հանձնում

Armine.

Հարգելի հաշվապահներ, ինձ կհուշե՞ք, թե որտեղ (այսինքն որ սոց-ում) պետք է հանձնել աշխատողի ստաժի հաշվետվությունը, եթե կազմակերպությունը գրանցված է Նոր-Նորքի ՀՏ-ում: Նախապես շնորհակալություն:

Jun 16 2012

Սոցապ ներկայացվող հաշվետվություն ԱՁ կողմից

Հասմիկ.

Ներկայացնու՞մ է արդյոք ԱՁ-ն որպես տնօրեն իր մասին հաշվետվություն կամ տիտղոսաթերթ, ստաժի մասին հաշվետվություն: Ունի նաև մեկ աշխատող: Խնդրում եմ պատասխանեք` ինչպես է արվում դա:

Jun 12 2012

Նպաստի գումարը գերազանցում է վճարվելիք սոց. վճարի գումարը

Ամալյա.

Բարև ձեզ, սիրելի կոլեգաներ: Խնդրում եմ ինձ օգնել:
2012 թվականի մայիսի 2-ից մեր աշխատակիցը գնացել է հղիության և ծննդաբերության արձակուրդի: Վերջինիս նպաստը կազմել է 1 180 000 դրամ, որը գերազանցում է մեր կազմակերպության կողմից մայիս ամվա համար վճարվելիք սոց. վճարի պարտավորությունը 400 000 դրամով: Կարո՞ղ եք ինձ հուշել` ինչ փաստաթղթեր պետք է ներկայացվի հարկային գումարը մնացած մասը ետ ստանալու համար, և նաև եթե դժվար չի` բացատրել, թե որ սյունակում ինչ է պետք գրել:
Կանխավ շնորհակալություն:

Jun 06 2012

Աշխատողն ունի 2 աշխատանքային պայմանագիր

Վիկտորյա.

Հարգելի գործընկեր, եթե աշխատողը նույն կազմակերպությունում աշխատում է համատեղությամբ 2 պայմանագրով և որոշում է լուծել 1 պայմանագիրը, այսինքն ազատվել 1 պաշտոնից և շարունակել աշխատանքը մյուս պաշտոնով, արդյո՞ք պետք է կատարել վերջնահաշվարկ և ներկայացնել սոց. հայտ-հաշվետվություն այդ աշխատողի մասով:

Jun 05 2012

Կազմակերպությունը փոխել է իրավաբանական հասցեն

Նարինե.

Եթե կազմակերպությունը գրանցված է Մաշտոցի հարկայինում, սակայն փոխել է իրավաբանական հասցեն, որն այժմ Կենտրոն համայնքում է, հնարավո՞ր է արդյոք սոցապ ներկայացվող անհատական հաշվի մասին հայտը ներկայացնել օրինակ Կենտրոն սոցիալական ապահովվածության տարածքային գրասենյակ:

May 25 2012

Ի՞նչ փաստաթղթեր պետք է ուղարկվի ՀՏ

Արթուր.

Ֆիզ. արձակուրդի վճարման արդյունքում առաջացել է կեսաթոշակային ֆոնդի կողմից փոխհատուցման հարց, վճարումը կատարվել է ապրիլ ամսում: Ի՞նչ փաստաթղթեր պետք է ուղարկվի ՀՏ և պետք է ուղարկվի եռամսյակի ավարտից հետո՞, այսինքն հաշվետվությունը հանձնելուց հետո՞:

May 12 2012

ԱՁ գրանցում սոց. ապ. հիմնադրամում

Վարդան.

Բարև Ձեզ: Ես այսպիսի մի հարց ունեմ. 2011 դեկտեմբերի 12-ին գրանցել եմ ԱՁ ու ամեն ամիս մուծել եմ սոց. վճար հանդիսացող 5000 դրամը: Գործնեությունը սկսել եմ իրականացնել ս.թ. հունվարի 1-ից: Ասեմ, որ ԱՁ իրականացնում է վարսավիրական գործնեություն և աշխատում է հաստատագրված վճարով: Գնացել եմ թաղապետարանի համապատասխան բաժին (ինչպես իրենք են ասում 101 սենյակ), որպեսզի գրանցեմ աշխատողներին` մայիս ամսից: Ինձ ասել են, որ ես պետք է ինձ գրանցեի որպես աշխատող, որը չեմ արել (ԱՁ ես եմ), ուստի պետք է դրա համար վճարեմ տուգանք գրանցման օրվանից ինձ չգրանցելու և իմ սոց. վճարը չմուծելու համար: Խնդրում եմ ինձ ուղղություն տալ այս հարցում: Արդյո՞ք ես պետք է ինձ գրանցեի որպես աշխատող, եթե այո, ապա 5000 սոց. վճարը ինչի՞ համար էի մուծում, և եթե ես իրոք խախտում եմ կատարել, ապա ինչպե՞ս է հաշվարկվում այդ սոց. վճարը և տուգանքի չափը: Կանխավ շնորհակալություն:

May 06 2012

Սոցապ հաշվետվությունների հանձնում

Սուսաննա.

Կարելի՞ է արդյոք նույն թղթապանակում դնել 2 տեսակի անհատական հաշվետվություն` ընթացիկ ու ազատում: Շնորհակալություն բոլոր պատասխանների համար:

May 03 2012

Ոչ ռեզիդենտի աշխատանքի ընդունում

Մարտին.

Հարգելի կոլեգաներ, ի՞նչ առանձնահատկություններ կան ոչ ռեզիդենտին աշխատանքի ընդունելու դեպքում: Նա ունի սոց. քարտ, սակայն չունի ՀՀ անձնագիր: Արդյո՞ք պետք է անհատական հաշիվ բացելու համար հայտ ներկայացնել սոցիալական ապահովագրության պետական հիմնադրամ: Եվ ինչպե՞ս է հարկվում ոչ ռեզիդենտի ստացած աշխատավարձը:

Apr 23 2012

Ստաժի հաշվարկման ձևաթղթի վերաբերյալ

Liana.

Կազմակերպությունը ամեն նոր աշխատող ընդունելիս սոցապ բաժնի (մարզային) պահանջով ներկայացնում է ստաժի տեղեկանք, սակայն Երևանում նման բան վաղուց էլ չեն պահանջում: Խնդրում եմ ասել հրամանի համար և տարեթիվ, ըստ որի այլևս անհրաժեշտություն չկա ներկայացնել ստաժի տեղեկանք: Կանխավ շնորհակալ եմ:

Apr 23 2012

Ինչպե՞ս հաշվել նպաստը

Լյուդմիլա.

Հարգելի հաշվապահներ, օգնեք ինձ հետևյալ հարցում: Աշխատողը ապրիլի 16-ից մինչև ապրիլի 28-ը աշխատանքի չի եկել և հիվանդության տեղեկանք է բերել բուժ. հաստատությունից: Ինչպե՞ս պետք է հաշվեմ բյուլետենը, և տեղեկանքը պե՞տք է արդյոք սոց. բաժին ներկայացնեմ: Խնդրում եմ մանրամասն նկարագրեք` ինչ պետք է անեմ: Ես առաջին անգամ եմ անաշխատունակության նպաստ հաշվարկելու:
Նախապես շնորհակալ եմ:

Apr 05 2012

Կնքվել է քաղաքացիաիրավական պայմանագիր

izabela.

Հարգելի հաշվապահներ, կնքվել է քաղաքացիաիրավական պայմանագիր 1 տարի ժամկետով, և ըստ պայմանագրի վճարվել է կանխավճար, որից կատարվել է սոց. հատկացում և պահվել է եկամտահարկ: Պայմանագրային ընդհանուր արժեքը հայտնի կդառնա աշխատանքների կատարման ավարտին: Խնդրում եմ պատասխանել, թե մնացած 10 ամիսների ընթացքում պե՞տք է արդյոք հաշվարկել սոց. հատկացում, եթե ԱՎՈՒՄ չկա, և եթե այո, ապա ինչպե՞ս այն ցույց տալ սոցապի հաշվետվության մեջ:

Mar 28 2012

Ընկերությունը գործունեություն չի ծավալել

hayk.

Հարգելի հաշվապահներ, եթե ընկերությունը մի քանի ամիս է` գրանցված է, բայց գործունեություն չի ծավալել, աշխատողներ չկան, կա միայն գրանցված տնօրեն (նաև հիմնադիր), որի հետ աշխատանքային պայմանագիր չկա, արդյո՞ք պարտադիր է, որ.
1. Տնօրենը աշխատավարձ ստանա
2. Սոցապին ձև Ֆ10 ներկայացնել` տնօրենի համար
3. Դրամարկղային գիրք պահել

Mar 26 2012

Արդյո՞ք փոխվել են եռամսյակային հաշվետվությունների բլանկները

Մարինե.

Հարգելի գործընկերներ, ասացեք խնդրում եմ` գործատուների պարտադիր սոցիալական ապահովության վճարների եռամսյակային հաշվետվության և կազմակերպության կողմից ֆիզ. անձանց վճարված եկամուտների, պահված եկամտահարկի եռամսյակային հաշվարկի բլանկները փոխվե՞լ են, և ե՞րբ կհրատարակվի կայքում:

Mar 16 2012

Նոր գրանցված անհատ ձեռնարկատեր

Աննա.

Բարև ձեզ: Խնդրում եմ ինձ ասեք` ես գրանցվել եմ որպես ԱՁ, պետ. ռեգիստրից թուղթը վերցրել եմ, հաջորդ քայլը պետք է տանեմ սոց. բաժին և վիճ. վարչություն, և եթե կարող եք, գրեք ինձ կայքը, որ ես ինտերնետի միջոցով ուղարկեմ: Խնդրում եմ իմ հարցին շուտ պատասխանեք: Շնորհակալություն:

Mar 13 2012

ԱՁ չի ունեցել վարձու աշխատող

Հայկ.

Ա/Ձ-ն, որը 2011թ. չի ունեցել աշխատող և չի վճարել աշխատավարձ, արդյո՞ք անհատական սոցի հաշվետվություն և տարեկան եկամուտների մասին տեղեկություն հանձնում է: Շնորհակալություն:

Mar 12 2012

Գործատուի կողմից կատարվող սոցիալական ապահովության վճար

Անի.

Հարգելի հաշվապահներ, խնդրում եմ ինձ օգնել մի հարցում: Պետական կազմակերպությունները 01.01.2012թ-ից գործատուի սոց. վճար տալու՞ են, թե՞ ոչ: Նախապես շնորհակալություն:

Mar 07 2012

Արդյո՞ք պետք է հաշվետվություն ներկայացնել

hayk.

Հարգելի կոլեգաներ, եթե ՍՊԸ-ն բացվել է 2011-ի հոկտեմբերին և գործունեություն չի ծավալել, աշխատողներ չկան, գրանցված է միայն տնօրենը, արդյո՞ք պետք է սոց. վճար վճարի և սոց. հաշվետվություն ներկայացնի: Եթե կարող եք, օրենքի հղում արեք:

Mar 05 2012

ԱՁ կողմից սոցապ ներկայացվող հաշվետվություն

Անդրանիկ.

Ա/Ձ-ն սոցապին տարեկան միայն մե՞կ հաշվետվություն է ներկայացնելու:

Mar 04 2012

Ձև Ֆ10 անհատական հաշվետվություն

Anna.

Խնդրում եմ ինձ օգնեք: Ձև Ֆ10 Անհատական հաշվետվությունում 3-րդ սյունակում Սոց. վճարը կազմել է ընդամենը 70.000, այդ գումարը փոխանցել եմ բյուջե, իսկ 6-րդ սյունակում դեկրետի գումարը 430.000 դրամ, ապա կարո՞ղ եք գրել` այդ ներքևում երկու տողերում ես ինչ գրեմ:
1. Փաստացի վճարած սոցվճարը … դրամ
2. Հիմնադրամի նկատմամբ սոց. վճարի պարտքի մնացորդը հաշվետու ժամանակաշրջանի վերջում … դրամ
3. Ձև 9 սոց. վճար ես նշեմ 70.000 դրամ, թե՞ …
Շնորհակալություն: Դա շատ շտապ է:

Mar 03 2012

Սոցիալական ապահովագրության վճարի տարեկան եկամուտների մասին հայտարարագիր

Գարիկ.

Բարև Ձեզ: Համաձայն սոց. վճարների մասին նոր օրենքի նշված է, որ սոց վճարների հայտարագիրը պետք է ներկայացվի մինչև ապրիլի 15-ը: Արդյո՞ք դա տարածվում է 2011թ-ի համար:

Feb 28 2012

Ստաժի մասին տեղեկություն տրամադրելը

Անգելինա.

Բարև Ձեզ: Խնդրում եմ ինձ ասեք` նոր աշխատողներ ընդունելուց ստաժի մասին տեղեկություն սոցապին տրամադրելը պարտադի՞ր է, թե՞ ոչ: Կանխավ շնորհակալություն:

Feb 26 2012

Ընդունման և ազատման հայտերը չեն ներկայացվել

Վահե.

Հարգելի հաշվապահներ, խնդրում եմ ինձ օգնեք: Ես նոր հաշվապահ եմ, կանգնել եմ փաստացի խնդրի առջև. սոցում անհատական հաշվետվությունները (Ձև Ֆ10) ներկայացման ժամանակ պարզվել է, որ նախկին հաշվապահը աշխատակիցների ընդունման և ազատման հայտերը չի ներկայացրել: Ասացեք խնդրեմ` ի՞նչ տույժ և տուգանք է հասնում, և հիմա ի՞նչ պետք է անեմ: Նշեմ նաև, որ 2010թ. Ձև Ֆ10 տարեկան հաշվետվության համար վարչական տուգանք է եկել կազմակերպության վրա:
Կանխավ շնորհակալություն:

Feb 25 2012

Ձև Ֆ10 լրացման վերաբերյալ

Anahit.

Խնդրում եմ ասեք, ձև Ֆ10-ում սոց. վճարի մեջ մտնու՞մ է արդյոք 3 տոկոսը:

Feb 22 2012

Ձև Ֆ10 Անհատական հաշվետվություն

Arman.

Խնդրում եմ ինձ օգնեք, եթե կարող եք, շատ շտապ է: Ձև Ֆ10 Անհատական հաշվետվությունում 3-րդ սյունակում Սոց. վճարը ընդամենը 70.000 (այդ գումարը փոխանցել եմ բյուջե), իսկ 6-րդ սյունակում դեկրետի գումարը 430.000դրամ, ապա կարո՞ղ եք գրել` այդ ներքևում երկու տողերում ես ինչ գումար գրեմ:
1.Հաշվետու ժամանակաշրջանում փաստացի վճարված սոցվճարը … դրամ
2.Հիմնադրամի նկատմամբ սոցվճարի պարտքի մնացորդը հաշվետու ժամանակաշրջանի վերջում … դրամ
Շնորհակալություն:

Feb 11 2012

Սոցապ անհատական հաշվետվության վերաբերյալ

Anna.

Եթե դեկտեմբերի 23-ին ներկա է դրվել տաբելում, և նույն օրը հաշվարկվել և վճարվել է աշխատավարձ+վերջնահաշվարկ, իսկ հրամանի տեքստում գրված է ազատել դեկտեմբերի 26-ից (24-շաբաթ, 25-կիրակի), այսինքն դեկտեմբերի 26-ին էլ չի աշխատելու: Իսկ անհատական հաշվետվությունում գրվում է հաշվետու ժամանակաշրջանի սկիզբ 01.01.2011թ, ավարտը 26.12.2011թ: Ես ճի՞շտ եմ գրանցել թե պետք է նշեմ ավարտը 23.12.2011թ.Եթե կարող եք օգնեք, դա շատ շտապ է: Շնորհակալություն:

Feb 11 2012

Ֆիզ. անձը բեռնափոխադրում է իրականացնում կազմակերպության համար

Աստղիկ.

Բարև Ձեզ:
Խնդրում եմ պատասխանեք մի հարցի, միայն թե ինչքան հնարավոր է սեղմ ժամկետում:

Մեր կազմակերպությունը մի անձի հետ պայմանավորվել է, և նա պետք է բեռ տեղափոխի Երևանից-Գյումրի` այն էլ մի անգամ և դրա համար պետք է ստանա 30000 դրամ: Խնդրում եմ ասեք` ինչպիսի պահումներ պետք է կատարվի նրա ստացած 30000-ից, ինչպիսի պայմանագիր պետք է կնքվի նրա հետ (քաղաքացիաիրավակա՞ն, թե՞ ծառայությունների մատուցման): Արդյո՞ք նրա համար պետք է տրվի հրաման և նրա համար պետք է ներկայացվի անհատական հաշվի բացման հայտ: Եթե կան էլի մանրամասներ, խնդրում եմ գրեք:
Կանխավ շնորհակալություն:

Feb 09 2012

Ֆ10 անհատական հաշվետվության լրացում

Anna.

Բարև ձեզ: Եթե սոց. հաշվետվության մեջ ֆիզ. արձակուրդի գումարը և օրը նշել եմ հունիսին 100 օր – 450,000դրամ, ապա Ֆ10 անհատական հաշվետվությունում ես ի՞նչ պետք է նշեմ (հունիս 140 օր – 450,000դրամ), թե՞ այդ օրերը բաժանեմ ըստ ամիսների` հունիս – 30օր, հուլիս – 31 և այլն, իսկ գումարը նշեմ հունիս ամսում ամբողջությամբ 450,000դրամ): Նոր օրենքը հաշվարկում է աշխատանքային օրեր, իսկ ես տարեկանը օրացուցային պետք է հաշվեմ, ես դա չեմ հասկանում, այդ օրերը բաժանե՞մ ամիսներին, թե՞ ոչ: Խնդրում եմ ասեք` տող առ տող ես ինչպես գրեմ: Շնորհակալություն:

Feb 06 2012

Աշխատակիցների` աշխատանքից ազատման վերաբերյալ տեղեկություններ

Հասմիկ.

Հարգելի գործընկերներ, աշխատակիցների` աշխատանքից ազատման վերաբերյալ տեղեկությունները ո՞ր պետական մարմիններին են ներկայացվում: Այդ տվյալները ուշացումով ներկայացնելու դեպքում ինչպիսի՞ տույժեր են նախատեսված:

Feb 06 2012

Ֆ10 անհատական ընթացիկ հաշվետվության վերաբերյալ

Aram.

Բարև ձեզ:
1) Ես ֆիզի գումարը միանվագ վճարել եմ մի օրում մարտի 15-ին, ապա Ֆ10 անհատական ընթացիկ հաշվետվության մեջ սոց. վճարի հաշվին կատարված ծախսերը ո՞ր ծածկագիրը նշեմ, իսկ գումարը և օրերը բաժանե՞մ ըստ ամիսների, թե՞ մարտ ամսում գրեմ 100 օր և 400.000 դրամ
2) մինչև 3 տարեկան երեխայի խնամքի դեպքում չաշխատած օրերը ո՞ր ծածկագիրը նշեմ, և օրերը նշեմ աշխատանքայի՞ն, թե՞ օրացուցային:
Դա շատ շտապ է, խնդրում եմ օգնեք:

Feb 04 2012

Ֆ10 անհատական ընթացիկ հաշվետվություն

Anna.

Բարև ձեզ: Ես Ֆ10 անհատական ընթացիկ հաշվետվության մեջ սոց. վճարի հաշվին կատարված ծախսերը ծածկագիրը նշեցի 2 (վճարել եմ ամբողջությամբ ապրիլ ամսում 350.000 դրամ), իսկ օրերի սյունակում չգիտեմ` ինչ նշեմ, աշխատանքայի՞ն, թե՞ օրացուցային, իսկ չաշխատած օրերը նշեցի ծածկագիր 6, բայց օրերի սյունակում նույնպես չգիտեմ` նշեմ աշխատանքային, թե օրացուցային: Եթե կարող եք, շտապ գրեք` ես ի՞նչ նշեմ: Շնորհակալություն:

Jan 30 2012

Ֆ10 անհատական ընթացիկ հաշվետվության վերաբերյալ

Nara.

Բարև ձեզ: Հղիության և ծննդաբերության արձակուրդը վճարել եմ ամբողջությամբ ապրիլ ամսում 350.000 դրամ, ապա Ֆ10 անհատական ընթացիկ հաշվետվության մեջ սոցվճարի հաշվին կատարված ծախսերը նշեմ 2 ծածկագիրը միայն ապրի՞լ ամսում, թե՞ բաժանեմ ըստ ամիսների (ապրիլ-սեպտեմբեր), բայց նա ստացել է այդ ամբողջ գումարը ապրիլ ամսում, իսկ օրերի սյունակում նշեմ աշխատանքայի՞ն, թե՞ օրացուցային օր: Շնորհակալություն:

Older posts «