Tag Archive: փոխառություն

Jul 26 2017

ՍՊԸ բանկային հաշիվների վրա արգելանք է դրված

Զարուհի.

Բարև ձեզ: Կարո՞ղ է տնօրենը կամ հիմնադիրը իր ՍՊԸ-ին առհաշիվ գումար տրամադրել` հոգալու ընթացիկ ծախսերը, վճարելու աշխատավարձները, քանի որ ՍՊԸ-ի բանկային հաշիվների վրա արգելանք է դրված:

Jul 19 2017

Արդյո՞ք գործարքը ենթակա է ԱԱՀ-ով հարկման

Սամվել.

Հարգելի կոլեգաներ, խնդրում եմ օգնել կողմնորոշվելու հետևյալ հարցում.
ՊՈԱԿ-ը փոխառության պայմանագրով ձեռք է բերել վառելիք 5 ամսվա ընթացքում նույնքան վառելիք վերադաձնելու պայմանով: ՊՈԱԿ-ը համարվում է ԱԱՀ վճարող:

Համաձայն ՀՀ քաղաքացիական օրենսգրքի “Փոխառության պայմանագրով մեկ կողմը (փոխատուն) մյուս կողմի (փոխառուի) սեփականությանն է հանձնում դրամ կամ տեսակային հատկանիշով որոշվող այլ գույք, իսկ փոխառուն պարտավորվում է փոխատուին վերադարձնել միևնույն գումարի դրամ (փոխառության գումարը) կամ փոխատուից ստացված գույքին հավասար քանակի և նույն տեսակի ու որակի գույք”:

Համաձայն Ավելացված արժեքի հարկի մասին օրենքի “ԱԱՀ-ով հարկվող գործարքներ (գործառնություններ) են համարվում`
1) ապրանքների մատակարարումը՝ գործարք, որն իրականացվում է ապրանքների (այդ թվում՝ արտադրանքի և անշարժ գույքի) սեփականության իրավունքը որևէ ձևով կատարվող հատուցման դիմաց այլ անձի փոխանցելու միջոցով”:

Խնդրում եմ պատասխանել` գործարքը ԱԱՀ-ով հարկման ենթակա է, թե՞ ոչ, և հարկային հաշիվ դուրս գրելու կարիք կա՞ արդյոք:

Jun 23 2017

Կազմակերպությունը ստացել է երկարաժամկետ վարկ

Lilit.

Բարև ձեզ: Խնդրում եմ օգնեք գրել այս խնդիրը:
Ստորև բերված տվյալների հիման վրա ձևակերպել երկարաժամկետ վարկի ստացման, մարման և տոկոսային ծախսերի հաշվառման գործառնությունները: Որոշել փոխառության ծախսումների կապիտալացման դրույքը և կապիտալացման ենթակա գումարը:

Տվյալներ. Վարչական նոր մասնաշենքի կառուցման համար 01.02.200x թ. կազմակերպությունը ստացել է առևտրային բանկից երկարաժամկետ վարկ` 8.000.000 դրամ գումարով, 4 տարի մարման ժամկետով 20% տոկոսադրույքով: Վարկի գումարը մուտքագրվել է հաշվարկային հաշվում: Վարկի և տոկոսների մարումը կատարվում է անուիտետով, ըստ կազմված ժամանակացույցի, յուրաքանչյուր տարվա վերջում: 2 ամիս անց ստացված գումարից 4.000.000 դրամը 10 ամիս ժամկետով տրամադրվել է այլ կազմակերպությանը որպես փոխառություն, տարեկան 10% տոկոսադրույքով: Վերը նշվածվարկի գումարից բացի շենքի շինարարության համար օգտագործվել է 1.000.000 դրամ ընդհանուր նպատակներով ներգրավված փոխառությունից: Փոխառությունը ներգրավվել է 200x թ. մարտի 1-ին պարտատոմսերի թողարկման և տեղաբաշխման ճանապարհոց` 3.000.000 դրամ գումարով, 2 տարի ժամկետով, տարեկան 16% տոկոսադրույքով, յուրաքանչյուր տարվա վերջում վճարումներ կատարելու պայմանով: Շենքի կառուցումը ավարտվել է 2-րդ տարվա վերջում, որից հետո վարկի տոկոսների կապիտալացումը դադարեցվել է:

Oct 18 2016

ՓԲԸ-ն կարո՞ղ է ֆիզիկական անձից ստանալ կարճաժամկետ փոխառություն

Բարև Ձեզ: Խնդրում եմ ասել` ո՞ր օրենքով է կարգավորվում փոխառությունների տրամադրման ու ստացման կարգն ու սահմանափակումները: ՓԲԸ-ն կարո՞ղ է ֆիզիկական անձից ստանալ կարճաժամկետ փոխառություն: Կանխավ շնորհակալություն:

Aug 09 2016

Կարո՞ղ է տնօրենը փոխառություն վերցնել ՍՊԸ-ից

margarit.

Բարև, հարգելի հաշվապահներ, խնդրում եմ պատասխնել` կարո՞ղ է հիմնադիր տնօրենը փոխառություն վերցնել ՍՊԸ-ից, եթե այո, ո՞ր օրենքով է հիմնավորված:

Apr 25 2016

Ին՞չ հաշվապահական ձևակերպումներ պետք է տալ

Գևորգ.

Ողջույն, հարգելի գործընկերներ: Խնդրում եմ օգնեք ինձ տալու հետևյալ գործառնության հաշվապահական ձևակերպումները.

փետրվարի 1-ին կազմակերպությունը բանկից ստացել է կարճաժամկետ վարկ` 10․000 USD (դոլլար) և երկարաժամկետ վարկ 20.000.000 AMD (դրամ): Ին՞չ հաշվապահական ձևակերպումներ պետք է տալ: Կանխավ շնորհակալություն:

Apr 09 2016

Արդյո՞ք տնօրենը իրավունք ունի փոխառություն վերցնել հաշվարկային հաշվից

Արմինե.

Բարև ձեզ: Խնդրում եմ պատասխանել. կազմակերպության (ՓԲԸ) տնօրենը իրավունք ունի՞ փոխառություն վերցնել կազմակերպության հաշվարկային հաշվից: Եթե այո, ապա փոխառության պայմանագրում ո՞վ է ստորագրելու որպես տնօրեն: Խնդրում եմ հնարավորինս շուտ պատասխանել:

Dec 28 2015

Փոխառության մարում

253

Արմեն.

Հարգելի գործընկերներ, արդյո՞ք կարելի է ֆիզ. անձից ստացված արտարժույթով փոխառությունը մարել ՀՀ դրամով:

Jul 23 2015

Փոխառության վերադարձ

Մարգարիտա.

Բարև ձեզ, կասե՞ք` եթե հիմնադիրը կազմակերպությանը փոխառություն է տվել պայմանագրով, հիմա պետք է հետ վերադարձնենք, պե՞տք է փոխառության հետ վերադարձի պայմանագիր կնքենք: Եթե ոչ, ապա ինչպե՞ս է արվում:

Mar 11 2015

Արդյո՞ք պարտադիր է պայմանագրի կնքումը

Լևոն.

Հարգելի հաշվապահներ,
եթե կազմակերպության տնօրենը իր անձնական միջոցներից (ՍՊԸ) կազմակերպության դրամարկղ մուտքագրում է գումար, ապա պարտադի՞ր է կազմակերպության և տնօրենի միջև փոխառությանը պայմանագրի կնքումը:

Mar 03 2015

Կազմակերպության հիմնադիրը հաշվարկային հաշվին գումար է մուտքագրել

Arsine.

Հարգելի հաշվապահներ, խնդրում եմ օգնեք.

ՍՊԸ-ի հիմնադիրը, որը գրանցված չէ կազմակերպությունում որպես աշխատող, ՍՊԸ -ի բանկում ունեցած հ/հ-ին գումար է մուտքագրել:

Հարցս հետևյալն է.
1. Այդ գումարը որպես ներդրում ձևակերպե՞մ, թե՞ կարող եմ որպես երկարաժամկետ փոխառություն ձևակերպել:
2. Կարո՞ղ եմ արդյոք այդ գումարը դրամարկղից կանխիկ վերադարձնել հիմնադրին:

Feb 01 2015

Երկարաժամկետ անտոկոս փոխառության ձևակերպում

222

Սյուզաննա.

Բարև ձեզ:
Հարգելի կոլեգաներ, մի կազմակերպության հաշվապահություն եմ ընդունում, որտեղ 2006թ-ից 4 000 000 ներդրում է եղել դրամարկղով և մինչև օրս չի վերադարձվել: Կարո՞ղ եմ երկարաժամկետ անտոկոս փոխառություն ձևակերպեմ 15 տարով, որ կարողանամ ետ վերադարձ անեմ: Կանխավ շնորհակալություն:

Dec 08 2014

Տնօրենը ՍՊԸ-ին անտոկոս կարճաժամկետ փոխառություն է տվել

Հեղինե.

ՍՊԸ-ի տնօրենը ՍՊԸ-ին անտոկոս կարճաժամկետ փոխառություն է տվել: Ի՞նչ թղթակցող հաշիվներով ներկայացնել մուտքը դրամարկղ և ելքը դրամարկղից` վերադարձնելու ժամանակ: Նախապես շնորհակալություն:

Nov 20 2014

Փոխառության հաշվապահական ձևակերպումներ

Արամ Ռաֆիկի Հայրապետյան.

Հարգելի հաշվապահներ,
Եթե կազմակերպությունը հաշվարկային հաշվից գումար է ելքագրում տնօրենին փոխառություն տրամադրելու նպատակով, խնդրեմ հաշվապահական ձևակերպումը կասեք` ինչ հաշվով եմ տնօրենին գումար տրամադրելու:

Nov 03 2014

Կազմակերպության հիմնադիրը փոխառություն է տվել կազմակերպությանը

Մարգարիտա.

Հարգելի կոլեգաներ, խնդրում եմ օգնել և պատասխանել հարցիս: Կազմակերպության հիմնադիրը փոխառություն է տվել կազմակերպությանը 1 տարի ժամկետով, սակայն կրկին ուզում ենք փոխառություն վերցնել: Արդյո՞ք կարող է կազմակերպությունը նույն անձի հետ կնքել նոր փոխառության պայմանագիր, եթե առաջին պայմանագիրը դեռ գործում է: Եվ կխնդրեի ինձ ուղարկել փոխառության ետ վերադարձի պայմանագրի օրինակ: Կանխավ շնորհակալություն:

Oct 28 2014

Արդյո՞ք պետք է գումարը դրամարկղ մուտքագրել

Goga.

Հարգելի հաշվապահներ,
Եթե կազմակերպությունը հաշվարկային հաշվից գումար է ելքագրում տնօրենին փոխառություն տրամադրելու նպատակով, արդյո՞ք պետք է այդ գումարը դրամարկղ մուտքագրել:

Aug 25 2014

Անտոկոս փոխառության ստացում հիմնադրից

Արսինե.

Հարգելի հաշվապահներ, խնդևում եմ օգնեք:
Եթե կազմակերպությունը ՓԲԸ է, կարո՞ղ է հիմնադրի կողմից տրամադրվել երկարաժամկետ փոխառություն, օրինակ` 5 մլն դրամի չափով, առանց տոկոսի:

Jan 08 2014

Երկարաժամկետ փոխառությունների տրամադրում

Բագրատ.

Երկարաժամկետ փոխառությունների տրամադրում` ինչպե՞ս ձևակերպեմ թղթակցությունը: Կանխավ շնորհակալ եմ:

Nov 11 2013

Փոխտնօրենը գումար է կանխիկացրել դոլարային հաշվից

Gohar.

Հարգելի հաշվապահներ, խնդրում եմ օգնեք: ՍՊԸ-ի փոխտնօրենը կազմակերպության դոլլարային հաշվից իրականացրել է կանխիկացում, սակայն կազմակերպությունը արտարժույթի համար դրամարկղային գիրք չունի, չի վարում: Եթե ձևակերպվի, որ կանխիկացումը իրականացվել է հիմնադրի կողմից նախկինում տրված փոխառությունը վերադարձնելու համար, ամեն դեպքում դրամարկղի մուտք ու ելք պետք է կատարվի, այնպես չէ՞: Այդ դեպքում ինչպե՞ս կարելի է լուծել այս խնդիրը: Նախապես շնորհակալություն:

Sep 15 2013

Գումարի կանխիկացում

Էմմա.

Բարև ձեզ, հարգելի հաշվապահներ, ես ունեմ մի հարց` կանխիկացրել եմ գումար չեկային գրքույկով գործատուին փոխառության հետ վերադարձի համար: Արդյո՞ք գումարը անհրաժեշտ է մուտք անել դրամարկղ մուտքի օրդերով, այնուհետև ելքի օրդեր կազմել վճարելու ժամանակ: Նախապես շնորհակալություն:

Jul 11 2013

Փոխառության տրամադրում կազմակերպության հիմնադրին

Armen.

Բարև Ձեզ:
Հարգելի գործընկերներ, կազմակերպությունը հիմնադրին անտոկոս փոխառության պայմանագրով ցանկանում է գումար տրամադրել: Ինձ մի բան է հետաքրքրում. անցյալ տարի 1 անգամ տվել ենք, սակայն այդ գումարը դեռ չի վերադարձվել, մարման ժամկետը մինչև 2016 թվականն է, հիմա ես կարո՞ղ եմ նույն մարդուն կրկին նոր անտոկոս փոխառության պայմանագրի հիման վրա գումար տրամադրեմ: Եթե այո, ապա խնդրում եմ գրել թղթակցող հաշիվը: Շնորհակալություն:

Jun 26 2013

Փոխառությունը ժամանակին չի վերադարձվել

Կարեն.

Հիմնադրից պայմանագրով 1 տարով ստացվել է փոխառության, սակայն անցել է 3 տարուց ավելի և գումարը չի վերադարձվել: Ի՞նչ խնդիրներ կարող են առաջանալ հարկային առումով:

Jun 07 2013

Կարո՞ղ է արդյոք կազմակերպությունը փոխառություն տրամադրել իր աշխատակիցներին

Արտաշ.

Բարև Ձեզ:
Իմ հարցը հետևյալն է. կարո՞ղ է արդյոք ընկերությունը փոխառություն տրամադրել իր աշխատակիցներին տոկոսով, ինչպես տրամադրում են օրինակ բանկերը: Թե՞ օրենքով ինչ-որ տեղ ֆիքսված է, որ դու պետք է բանկ կամ վարկային կազմակերպություն լինես նման գործունեությամբ զբաղվելու համար, կամ նման գործունեությունը լիցենզավորման ենթակա է:

Շնորհակալություն:

Feb 17 2013

Հիմնադիրը փոխառություն է տրամադրել ընկերությանը

Թամարա.

Հարգելի հաշվապահներ, եթե ես հանդիսանում եմ ՍՊԸ հիմնադիր և տնօրեն (որպես տնօրեն պայամանագիր չկա կնքված և աշխատավարձ սահմանված չէ), վճարելու՞ եմ եկամտային հարկ: Եթե ընկերությանը ես որպես տնօրեն տալիս եմ փոխառություն, պե՞տք է արդյոք ձևակերպել ինչ որ փաստաթուղթ, փոխառության պայմանագիր:

Շնորհակալություն`
Թամարա

Feb 17 2013

Կազմակերպությունը մեքենա է գնել ավտոսրահից

Լյուդմիլա.

Հարգելի հաշվապահներ, ՍՊԸ-ն մեքենա է գնել ավտոսրահից: Ի՞նչ ձևակերպումներ և ի՞նչ հարկեր ու հաշվետվություններ կարող են ավելանալ, մեքենայի ԱԱՀ-ն հաշվանցման կամ զրոյականի դեպքում ետ վերադարձման ենթակա՞ են: Տարվա ընթացքում ամորտիզացիա դուրս գրվու՞մ է մեքենայի համար: Մեկ հարց ևս` հիմնադիրը կարո՞ղ է փոխառություն տալ ՍՊԸ-ին այդ մեքենան ձեռք բերելու համար: Նախապես շնորհակալություն:

Jan 16 2013

Հիմնադիրը փոխառություն է տրամադրել կազմակերպությանը

Hayk.

Հարգելի հաշվապահներ, խնդրում եմ օգնեք. հիմնադիրը, որը հանդիսանում է նաև կազմակերպության տնօրեն, փոխառություն է տրամադրում կազմակերպությանը: Կարո՞ղ է արդյոք գլխավոր հաշվապահը հիմնադրի անունից այդ գումարը մուտքագրել կազմակերպության բանկային հաշվին` առանց դրամարկղ մուտքագրելու: Նախապես շնորհակալ եմ:

Oct 13 2012

Փոխառության տրամադրում հիմնադրի կողմից

Էդգար.

Բարև Ձեզ: խնդրում եմ օգնել մի հարցում. կազմակերպության հիմնադիր-տնօրենը կարո՞ղ է 1.000.000 դրամ փոխառությունը միանգամից մուտք անել դրամարկղ: Շնորհակալություն:

Sep 04 2012

Առաքման գրքի լրացման հետ կապված

Մարիամ.

Հարգելի հաշվապահներ, խնդրում եմ օգնեք: Կազմակերպությունը փոխառություն է վերցրել հիմնադիրից բենզինի տեսքով և պետք է վերադարձնի նույն տեսքով: Պայմանագրի ժամկետն շուտով լրանում է: Արդյո՞ք հետ վերադարձը պետք է գրանցվի առաքման գրքում:

Sep 04 2012

Տոկոսային եկամուտը հարկվու՞մ է ԱԱՀ-ով

inna.

Հարգելի հաշվապահներ, կազմակերպությունը աշխատում է ԱԱՀ-ով և ֆիզ. անձին տրամադրել է փոխառություն տոկոսով: Հարցս հետևյալն է` տոկոսային եկամուտը հարկվու՞մ է ԱԱՀ-ով:

Aug 07 2012

Պարտավորությունների մարման նախապատվություններ

Arman.

Բարև ձեզ: Խնդրում եմ շտապ պատասխանեք` ամենաառաջնայինը պետք է վճարել փոխառությա՞ն, թե՞ հիմնադիրների շահաբաժինների գումարը: Շնորհակալություն:

Aug 01 2012

Փոխառության ստացում արտարժույթով

Հայկ.

Հարգելի գործընկերներ, արդյո՞ք կազմակերպությունը կարող է փոխառություն ստանալ արտարժույթով: Գումարը մուտք է լինելու կազմակերպության արտարժութային հաշիվ անմիջապես փոխառություն տրամադրողից: Նախապես շնորհակալություն պատասխանի համար:

Jul 14 2012

ՍՊԸ-ն վերցրել է փոխառություն և հիմնադիրից

Արման.

Բարև ձեզ: Կարո՞ղ եք ինձ օգնել երկու հարցում.

1)ՍՊԸ-ն վերցրել է փոխառություն տնօրենից 4 մլն.դրամ – 0%, և հիմնադիրից 12մլն դրամ – 0%: Խնդրում եմ պատասխանեք` գումարային պահով սահմանապակում կա՞: Այսինքն, ես իրավունք ունե՞մ վերցնել 16 մլն դրամ փոխառություն 0 տոկոսադրույքով

2) ժամկետի տեսակետից ես կարո՞ղ եմ կնքել 1 տարով կամ 2 տարով 0 %-դրույքով: Խնդրում եմ, եթե կարող եք, շտապ պատասխանեք: Շնորհակալություն:

Jul 14 2012

Անտոկոս ու անժամկետ փոխառությունը կարո՞ղ է ծախս համարվել

Նարինե.

Անտոկոս ու անժամկետ փոխառությունը կարո՞ղ է ծախս համարվել, թե՞ ծախս է համարվում միայն տոկոսների պահով, եթե նրանք կան: Օրինակ, ենթադրենք, հիմանդիրը մի քանի տարվա թնթացքում 100 մլն դրամի փոխառություն է տրամդրում, և կազմակերպությունը ամեն տարի 20 մլն-ի չափով մարում է պարտքը, արդյո՞ք 20 մլն -ը շահութահարկից նվազեցվող ծախս կհամարվի:

Jul 11 2012

Հիմնադիրը փոխառության պայմանագրով գումար է տրամադրել կազմակերպությանը

Քրիստինե.

Եթե ՍՊԸ-ի հիմնադիրը նախկինում փոխառության պայմանագրով 10 000 000 դրամ է տրամադրել ՍՊԸ-ին, որով տրվել է աշխատավարձ, վճարվել են հարկեր և ձեռք են բերվել տրանսպորտային միջոցներ, իսկ այժմ 100 % բաժնեմասով ՍՊԸ-ն նվիրատվություն է արել մեկ ուրիշի` հրաժարվելով փոխառության գումարներից, այդ գումարը ինչպե՞ս ձևակերպեմ, որ ճիշտ լինի:

Jul 09 2012

Հիմնադիրը փոխառություն է տրամադրել կազմակերպությանը

Hayk.

Հարգելի հաշվապահներ, կազմակերպության հիմնադիրն ու տնօրենը միևնույն անձն է ու նա որպես հիմնադիր կազմակերպությանը փոխառություն է տրամադրում: Գումարը նրա անունից գլխավոր հաշվապահը մուտքագրում է բանկային հաշվին: Արդյո՞ք պետք է գումարը մուտքագրվեր դրամարկղ, թե՞ խնդիր չկա:

Jun 29 2012

Փոխառության վերադարձ հիմնադրին

Anna.

Հարգելի հաշվապահներ, հարցս հետրյալն է: Եթե հաշվարկայից հաշվից գումար է ելքագրվում և վերադարձվում հիմնադրին որպես անտոկոս փոխառության վերադարձ, ես այդ գումարը 252 հաշվից պե՞տք է ձևակերպեմ դրամարկղ 251 հաշվին, նոր ձևակերպեմ անտոկոս փախառության վերադարձ, թե՞ կարող եմ միանգամից 252 կրեդիտ 513 դեբետ: Եվ ո՞ր օրենքով է դա կարգավորվում: Հարցս շտապ է: Շնորհակալ կլինեմ բոլոր պատասխանների համար:

May 06 2012

Փոխառության ստացում արտարժույթով

hayk.

Հարգելի հաշվապահներ, եթե կազմակերպությունը արտարժույթի դրամարկղ չունի, բայց բանկում հաշիվ ունի, կարո՞ղ է արդյոք հիմնադրից արտարժույթով ներգրավել փոխառություն, և այդ գումարը հիմնադիրը մուտքագրի բանկային հաշվին: Նախապես շնորհակալ եմ:

Apr 23 2012

Ինչպե՞ս տալ ձևակերպում ծրագրում

Nara.

Բարև ձեզ, հարցս վերաբերում է փոխառությանը: Աշխատում եմ ՀԾ ծրագրով: “Ա” ՍՊԸ-ից վերցրել եմ փոխառության գումար, ինչպե՞ս տալ ձևակերպում ծրագրում: Շատ շտապ է, խնդրում եմ օգնեք:

Apr 19 2012

Կազմակերպությունը աշխատել է վնասով

Նանա.

Հարգելի փորձառու հաշվապահներ, խնդրում եմ արձագանքեք: Տարվա վերջի դրությամբ ընկերության պահուստային կապիտալը կազմել է 10 000 000 դրամ, ընկերությունը նաև ունեցել է հիմնադրից վերցրած փոխառության գումար` 10 000 000 դրամ, հաշվետու տարվա վնասը 16 000 000, 9 600 000 վնասը փակել եմ պահուստային կապիտալի հաշվին, մնացած 6 400 000 դրամը փոխառության գումարի հաշվին: Արդյո՞ք ճիշտ եմ վարվել: Եվ ի՞նչ հարկային հետևանք կարող է դա ունենալ: Լրացուցիչ հարկային պարտավորություններ կառաջանա՞ն, թե՞ ոչ: Առհասարակ նման դեպքերում ինչպես են վարվում: Կանխավ շնորհակալ եմ:

Mar 19 2012

Փոխառության ստացում արտարժույթով

Արման.

Հարգելի հաշվապահներ, ոչ ռեզիդենտ հիմնադիրը իրավունք ունի՞ փոխառություն տրամադրել արտարժույթով` այլ երկրից փոխանցելով ընկերության հաշվին: Այսինքն ես կարո՞ղ եմ արտերկրից փոխանցած գումարը հիմանդրի կողմից ձևակերպել փոխառություն: Կանխավ շնորհակալություն:

Jan 30 2012

Արդյո՞ք կա խախտում

Արման.

Կազմակերպությունը ստացել է 350000 դրամ կանխիկով փոխառություն, որը մուտք է արվել դրամարկղ, հետո 350000 ելք է արվել և բանկում մուծվել է գազի վճար: Արդյո՞ք կա խախտում:

Dec 28 2011

Շահութահարկի հաշվարկի լրացման վերաբերյալ

Anna.

Բարև Ձեզ: Ես մի հարց ունեմ: Շահութահարկի հաշվարկը լրացնելիս 6-րդ աղյուսակում Պարտավորությանների բաժնում 21-րդ տողում` “Ստացված վարկեր և փոխառություններ” – այդ տողում ես պե՞տք է նշեմ տնօրենից ստացված անտոկոս փոխառության գումարը: Շնորհակալություն:

Dec 07 2011

Փոխառության վերադարձի ակտի Ձև

Tatev.

Հարգելի հաշվապահներ, եթե ունեք փոխառության վերադարձի ակտի Ձև, խնդրում եմ ուղարկեք Tatevsargsyan շնիկ yahoo.com հասցեին: Շնորհակալ եմ:

Nov 09 2011

Կազմակերպությունը փոխառություն է ստացել

Գուրգեն.

Բարև Ձեզ:
Կազմակերպությունը որպես փոխառություն ֆիզ. անձից ստացել է 2 մլն դրամ: Ասացեք խնդրեմ, կա՞ արդյոք իրավունք այդ չափի գումարը մուտքագրել դրամարկղ և որոշակի ժամանակ անց նույն չափի գումարը դրամարկղից վերադարձնել ֆիզ. անձին (մուտքի և ելքի օրդերներ): Եթե ոչ, ապա ինչպիսի՞ սահմանափակումներ են սահմանված օրենքով: Շնորհակալություն:

Nov 02 2011

Հիմնադիրը փոխառություն է տվել կազմակերպությանը

Գայանե.

Հարգելի կոլեգաներ, խնդրում եմ օգնել և պատասխանել հարցիս: Կազմակերպության հիմնադիրը փոխառություն է տվել կազմակերպությանը և միանգամից $ 40000 մուտքագրել է դոլարային հաշվին և կատարել հաջորդ օրը փոխանցում մատակարարին: Խնդրում եմ օգնել դուրս գալ այս իրավիճակից և տալ թղթակցությունները: Եվ ինչպե՞ս վարվել, որպեսզի օրենքի խախտում չլինի:
Կանխավ շնորհակալություն:

Jul 26 2011

ՍՊԸ-ն բանկից վարկ է վերցնում

EvA.

Հարգելի հաշվապահներ, խնդրում եմ օգնել:
ՍՊԸ-ն բանկից վարկ է վերցնում, բայց գումարն անհրաժեշտ է տնօրենին` անձնական նպատակներով օգտագործման: Ինչպե՞ս վարվել, գումարը ինչպե՞ս ելք անել: Ասեմ, որ տնօրենի անունով փոխառություններ կան, բնականաբար դա կարող ենք ետ վերադարձնել և որոշակի գնումներ կատարել` օրինակ շուկայից` 11% -ով` գրասենյակային ծախսեր ձևակերպելու համար: Էլ ի՞նչ կարելի է անել: Ի՞նչ հաշվապահական ձևակերպումներ պետք է տալ գումարը բանկային հ/հ-ին մուտք լինելու դեպքում, ՍՊԸ-ի համար դա ներդրու՞մ է համարվում, փոխառությու՞ն, թե՞… Ի՞նչ ձևակերպումներ տալ գումարը ելք անելու ժամանակ, վարկը մարելու ժամանակ:
Սպասում եմ պատասխանների: Շնորհակալություն:

Jul 18 2011

Փոխառության պայմանագիր

Ֆլորա.

Հարգելի հաշվապահներ, խնդրում եմ օգնեք հետևյալ հարցում.
տնօրենից որպես ֆիզ. անձ փոխառություն է վերցրել կազմակերպությունը 6 ամիս ժամկետով, և կրկին ուզում ենք փոխառություն վերցնել: Արդյո՞ք կարող է կազմակերպությունը նույն անձի հետ կնքել նոր փոխառության պայմանագիր, եթե առաջին պայմանագիրը դեռ գործում է:
Կանխավ շնորհակալություն:

Jul 12 2011

Կնքվել են փոխառության պայմանագրեր

Արթուր Կաղզվանցյան.

Կխնդրեի խորհրդատվություն հետևյալ հարցի վերաբարյալ` կնքվել են երկու փոխառության պայմանագրեր դրամ տրամադրելու վերաբերյալ, որոնցից առաջին պայմանագրի վաղեմության ժամկետը լրացել է: Փոխառուն հրաժարվում է վերադարձնել նոտարով կնքված երկու պայմանագրերով նախատեսված գումարները: Վեճի լուծումը հանձնվել է դատարանի քննությանը: Հարցս հետևյալն է` եթե դատարանի որոշմամբ կիրառվի վաղեմության ժամկետը, և առաջին պայմանագիրը համարվի անվավեր, այսինքն փոխառուն ազատվի առաջին պայմանագրով նախատեսված գումարը վճարելու պարտավորությունից, ապա ի՞նչ հնարավոր միջոցների է կարելի դիմել: Արդյո՞ք հնարավոր է փոխառուին ենթարկել քրեական պատասխանատվության խարդախության համար, համաձայն ՀՀ քրեական օրենսգրքի 178/179 հոդվածների: Հուսով ենք, որ հայցը երկրորդ պայմանագրի մասով դատարանի կողմից կբավարարվի, քանի որ չունի վաղեմության ժամկետի խնդիր:

Կանխավ շնորհակալություն:

Jul 08 2011

Արդյո՞ք պարտադիր է կազմել փոխառության պայմանգիր

Nara.

Խնդրում եմ պատասխանեք, արդյո՞ք պարտադիր է կազմել փոխառության պայմանգիր, տնօրենի անունից բանկ տարվող գումարի դեպքում, որը հանդիսանում է ՍՊԸ-ի հիմնադիր: Բանկ 2 անգամ մուտք եմ արել 2 000 000 դր. 06.07.2011 և 1 000 000 դր. 07.07.2011, բայց փոխառության պայմանագիր չեմ կազմել, այս դեպքում ես ի՞նչ կարողեմ անել: Եթե դուք ունեք Փոխառության Պայմանագիր տնօրենի և կազմակերպության միչև լրացրած օրինակ, ապա եթե կարող եք, օգնեք ինձ և ուղարկեք Sabina1981 շնիկ bk.ru

Feb 27 2011

Վարկերի և փոխառությունների վերաբերյալ

Կարինե.

Վարկերի և փոխառությունների վերաբերյալ ի՞նչ բլանկներ և փաստաթղթեր կան:

Older posts «