Tag: Ա/Ձ

Ներմուծում Չինաստանից

Վահե․

Բարև ձեզ։ Ես ցանկանում եմ ներմուծել Չինաստանից մանր էլէկտրատեխնիկա և զբաղվել դրանց վերավաճառքով ՀՀ-ում։ Կասե՞ք՝ ո՞ր տարբերակն է ինձ ավելի շահավետ՝ ԱՁ, թե՞ ՍՊԸ, և ի՞նչ հարկեր, տուրքեր պետք է վճարել, հատկապես ՍՊԸ-ով կամ ԱՁ-ով մաքսազերծման ժամանակ։ Ի՞նչ է անհրաժեշտ ՍՊԸ բացելու համար։ Նախապես շնորհակալ եմ։

ԱՁ-ն ստացել է վարկ

Վահագն․

ԱՁ-ն ստացել է վարկ իր բանկային հաշվին, որի մի մասը փոխանցվել է իր անձնական ֆիզ. անձի հաշվին, որպես ԱՁ-կողմից տրամադրված անտոկոս փոխառություն ֆիզ անձին (իրեն)։ Այդ փոխառությունը վերադարձվում է մաս-մաս ԱՁ-ի հաշվեհամարին։

Հարց․ թույլատրելի՞ է օրենքի տեսանկյունից։ Այդ փոխառության վերաբերյալ պե՞տք է ինչ որ հաշվետվություն ներկայացնել։ Փոխառությունը չի գերազանցում 20 000 000 դրամը)։ ԱՁ-ն աշխատում է շրջ. հարկի դաշտում։

Продажа товаров на Ozon

Лианна.

Здравствуйте! Если я являюсь гражданином Армении и хочу открыть ИП для того чтобы продавать товары на маркетплейсе Озон из Армении, какая система налогообложения мне подойдёт? Второй вопрос – если я уже открыла ИП, но в течение нескольких месяцев или года не продаю ничего, то обязана выплачивать какую-то сумму государству или нет? Заранее благодарю!

ԱՁ գումարի տնօրինում

Արամ․

Բարև ձեզ: Ես ԱՁ եմ բացել, գործունեություն եմ ծավալում լուսանկարչության ոլորտում, չունեմ աշխատողներ: Ծառայություն եմ մատուցել այլ ՍՊԸ-ի ու գումարը ստացել եմ իմ բիզնես հաշվին: Կարո՞ղ եմ գումարն այդ հաշվից փոխանցել իմ կամ մեկ ուրիշի ֆիզիկական հաշվին:

ԱՁ եկամտի հարկում

Վահագն․

Բարև Ձեզ։ Անհատ Ձեռնարկատերը, որն աշխատում է շրջանառության հարկի դաշտում, տարվա վերջին հաշվարկից հետո ստացված իր մաքուր եկամուտը ԱՁ-ի հաշվից կամ դրամարկղից վերցնելու դեպքում այդ եկամուտը ենթակա՞ է հարկման որպես ֆիզ․ անձի ստացած եկամուտ, թե՞ ԱՁ-ի վճարած շրջանառության հարկը, եկամտային հարկը և սոց վճարը համարվում է վերջնական հարկում։

ԱՁ դադարեցում / ԱՁ լուծարում

Էդգար․

Բարև ձեզ։ Ունեմ ԱՁ՝ բացված 2021թ-ից, բայց գործունեություն ծավալված չէ, ուզում եմ փակել։ Ինչպե՞ս է դա տեղի ունենում, որտե՞ղ պետք է մոտենամ, և միայն ID քարտով հնարավո՞ր է, թե՞ ոչ։
Շնորհակալություն։

Համակարգչի ձեռքբերում ԱՁ կողմից

Դավիթ.

Բարև Ձեզ։ ԱՁ-ն աշխատանքի համար պետք է պատվիրի էժան համակարգիչ, մոտ 450$ արժեքով, ԱՁ-ի քարտով: Աշխատում է շրջ. հարկով: Հաշվի առնելով, որ մաքսային պարտավորվածություն չի առաջանում, խնդիր չի՞ առաջանա Հայաստան առաքող ընկերության ծառայությունից անձնական accountով օգտվելու դեպքում: Թե՞ պետք է ամեն դեպքում ներմուծումն որևէ կերպ ձևակերպել կամ ԱՁ-ի անունն արտացոլել: Արդյո՞ք հնարավոր է գնումն որպես ծախս ձևակերպել:

Կանխիկ գումարի ելքագրում

Վահագն․

Բարև Ձեզ։ Ինձ հետաքրքիր է Ձեր կարծիքը։ Անհատ Ձեռնարկատերը, որն աշխատում է շրջանառության հարկի դաշտում, ԱՁ-ի հետ չկապված իր անձնական ծախսերի համար իրավունք ունի՞ խանութի կանխիկ գումարից գումար վերցնել կանխիկ, թե՞ դա էլ կդիտվի անկանխիկ գործառությունների մասին օրենքի խախտում։

Գործունեություն ՏՏ ոլորտում

Անի․

Ողջույն։ Ես ուզում եմ որպես ԱՁ գրանցվել՝ օտարերկրյա կազմակերպությունում ՏՏ ոլորտում ծառայություն տրամադրելու համար։ Ինչպիսի՞ն են հաջորդական քայլերը, և ի՞նչ հարկային ձևակերպում խորհուրդ կտաք կատարել հարկային արտոնություններից օգտվելու համար։

ԱՁ փոխանցում անձնական հաշվին

Վազգեն․

Բարև Ձեզ։ ԱՁ զբաղվում է ՏՏ ծառայությունների մատուցմամբ, աշխատող չունի։ Ծառայությունների համար վճարվում է ԱՄՆ դոլարով։ Փոխանցումը ստանալուց և հարկերը վճարելուց հետո կարո՞ղ եմ ԱՁ հաշվին մնացած «մաքուր» գումարը փոխանցել իմ անձնական հաշվին հետագա ծախսելու համար։ Եվ հարց համար երկու՝ կարո՞ղ եմ փոխանցել կնոջս անձնական հաշվին։ Շնորհակալություն։

Զարդերի վաճառք ԱՄՆ-ում

Սյուզաննա․

Ողջույն։ Պատրաստվում եմ Հայաստանում համագործակցել ոսկերիչների հետ և զարդերը վաճառել ԱՄՆ-ում: Ինքս չեմ ունենալու արտադրամաս: Ես և՛ ԱՄՆ-ի, և՛ Հայաստանի քաղաքացի եմ: Տարվա մի մասը ապրում եմ ԱՄՆ-ում, մյուս մասը Երևանում։ Ուզում եմ հասկանալ՝ ԱՁ, թե՞ ՍՊԸ պետք է գրանցեմ: Կամ ընդհանրապես կարիք կա՞ ինչ որ բան գրանցելու: Շատ շնորհակալ կլինեմ օգնության համար:

Ա/Ձ-ն զբաղվելու է հացի արտադրությամբ

Հարգելի հաշվապահներ, ես Արցախի հաշվապահ եմ, մի քանի հարց ունեմ, շատ շնորհակալ կլինեմ, եթե օգնեք։ Ա/Ձ-ն զբաղվելու է հացի արտադրությամբ.

  1. Հացի արտադրամասը ի՞նչ հարկով է հարկվում (միկրո՞յի` եթե տարեկան չի գերազանցի 24 մլն և եթե գերազանցի՝ շրջանառության հա՞րկ)
  2. ի՞նչ հաշվետվություններ պետք է ներկայացնի (ամսական, եռամսյակային,տարեկան)
  3. և ի՞նչ հավելյալ գործողություններ պիտի արվի, օրինակ՝ պե՞տք է գրանցվի սննդի անվտանգության ծառայությունում)

ԱՁ դրոշմանիշային վճար

Արմինե․

Ողջույն։ Դրոշմանիշային վճարը հաշվարկվում է տարեկա՞ն շրջանառության հիման վրա։ Ինչպե՞ս կարող եմ իմանալ Ա/Ձ ի դրոշմանիշայինի բալանսը, հնարավոր է գերավճար ունեմ։

Եթե հեղինակը գիրք է տպագրում

Շուշան․

Բարև ձեզ։ Եթե ես հեղինակ եմ և գիրք եմ տպագրում, կարո՞ղ եմ գրքերս ֆիզ․ անձով վաճառել։ Թե՞ Ա/Ձ-ն պարտադիր է։

ԱՁ ունի հիմնական միջոցներ

Եթե ԱՁ ունի հիմնական միջոցներ, և ցանկանում է փակել ԱՁ, այդ ՀՄ հետ ինչպե՞ս է վարվում։

ԱՁ դրոշմանիշային վճար

Հայկ․

Բարև Ձեզ: ԱՁ-ն, որը 2023թ. աշխատել է միայն մեկ ամիս և դադարեցրել է գործունեությունը, աշխատող չունի: Ի՞նչ հետևանքներ կառաջանան, եթե դրոշմանիշային 18 000-ը չվճարի: Օրենքով կա՞ սահմանված պատասխանատվություն: Շնորհակալություն։

Անշարժ գույքի վարձակալություն

Նելլի․

Բարև Ձեզ։ Ես ունեմ անշարժ գույք, որը պետք է տրվի վարձակալության։ Ուզում եմ գրանցվել որպես ԱՁ։ Ինձ լիարժեք ինֆորմացիա է հարկավոր ԱՁ-ի գրանցման, գործունեության, իրավունքների և պարտականությունների վերաբերյալ։

Գրագետ և լիարժեք տեղեկություն ԱՁ-ի վերաբերյալ՝ A-Z։

Մոտոցիկլի վարձույթ

Խաչատուր․

Բարև ձեզ։ Մոտոցիկլ եմ ուզում վարձույթով տամ, որքա՞ն հարկեր եմ վճարելու, ու ինչ է պետք անել ընդհանրապես որպես ԱՁ գրանցվելու համար և այլն, կմանրամասնե՞ք, եթե դժվար չէ։ Ամեն մոտոցիկլը 5 000 դրամով վարձով եմ տալու, ու ի՞նչ պետք է անեմ այդ դեպքում։ Շնորհակալություն։

ԱՁ տարեկան դրոշմանիշային վճար

Քրիստինա․

Բարև Ձեզ, ես անհատ ձեռնարկատեր եմ, ունեմ վճարելու 24 000 դրոշմանիշային վճար, սկսել եմ գործունեությունը 2023թ. ապրիլի 1-ից։ Ե՞րբ պետք է վճարել դրոշմանիշային վճարը, ո՞ր հաշվեհամարին։ Օրենքի հղում կուղարկե՞ք:

Նախապես շնորհակալություն:

Ժելեների վաճառք

Բարև ձեզ, մի հարց ունեմ․ ցանկանում եմ գրանցվել որպես Ա/Ձ ու ժելեների վաճառքով զբաղվել, որոնք պետք է խանութ առաքել։ Հարցերս հետևյալն են՝ ինչպե՞ս ապրանքի կոդ ձեռք բերեմ, ինչպե՞ս ապրանքի բաղադրությունը գրեմ, ու հաշիվ ինչպե՞ս ներկայացնեմ գնորդին։

ԱՁ ցանկանում է հիփոթեքային վարկ վերցնել

Սամսոն․

Բարև Ձեզ, Ա/Ձ-ն հանդիսանում է շրջանառության հարկ վճարող (5% շրջանառությունից +120 000 շահութահարկ և սոց․ տարեկան) և մատուցում է ՏՏ ոլորտի ծառայություններ արտերկրի կազմակերպությանը։ Այլ աշխատողներ չկան, մենակ է աշխատում։ Ա/Ձ-ն պատրաստվում է բանկից հիպոթեքային վարկ վերցնել։

Հարց 1. Ի՞նչ հարկատեսակի պետք է նա անցնի, որպեսզի կարողանա դիմել ՊԵԿ եկամտային հարկի հետ վերադարձի համար

Հարց 2. Եթե կա այդպիսի հնարավորություն, ի՞նչ դրույքաչափով հարկեր պետք է նա սկսի վճարել նոր հարկման համակարգում

Հարց 3. Երբ հիպոթեքի ժամկետը լրանա, կարո՞ղ է նա նորից հետ վերադարձ կատարել շրջանառության հարկի համակարգին

Ներքին հարդարման ծառայություններ

Վարդան․

Բարև Ձեզ, սիրելի հաշվապահներ։ Բնակարանների ներքին հարդարման ոլորտում վերանորոգման ծառայություններ եմ ուզում մատուցել (սալիկապատւմ, ջրագծերի անցկացում, պատերի և առաստաղի նրոգում և այլն)։ ԱՁ պետք է բացեմ։ Տվյալ գործունեության ոլորտը արդյո՞ք համարվում է միկրոձեռնարկատիրություն։ Ի՞նչ հարկ պետք է վճարեմ, ու արդյո՞ք լիցենզիա անհրաժեշտ է, թե՞ ոչ։

Հարկատեսակի դիմումներ դադարեցման դեպքում

Գոհար․

Բարև Ձեզ։ Մի քանի հարց ունեմ, խնդրում եմ օգնեք․

  1. Եթե ԱՁ կամ ՍՊԸ-ն դադարեցված է եղել, այս տարվա համար պե՞տք է հարկատեսակի համար հայտեր ներկայացնել և փակել 2023-ի տարեկան հաշվետվություններն
  2. ԱԱՀ-ով աշխատող ԱՁ-ի շրջանառությունն 0 է եղել։ Տարեկան ի՞նչ հաշվետվություն և հարկային պարտավորություն ունի

ԱՁ-ն ցանկանում է ՍՊԸ բացել

Աշոտ․

Բարև ձեզ։ Եթե ԱՁ-ն ուզում է ՍՊԸ բացել, որտեղ կլինի միակ բաժնետերը և տնօրենը, և աշխատելու է ԱԱՀ-ով, ԱՁ-ն նույնպե՞ս դառնում է ԱԱՀ վճարող, թե՞ ոչ։

Դադարեցված ԱՁ հաշվետվություններ

Հայկ․

Բարև ձեզ: Շրջհարկով աշխատող ԱՁ-ն 2023թ. հունվարի 19-ին ներկայացրել է գործունեությունը դադարեցնելու հայտը: Հանձնվել է միայն 2023թ. 1-ին եռ. շրջհարկի հաշվարկը: Արդյո՞ք 2024թ. պետք է հանձնել 240 և 244 ձևերը: Եվ արդյո՞ք առաջանում է դրոշմանիշային վճար: Շնորհակալություն։

ԱՁ եկամուտների տնօրինում

Հապետ․

Հարգելի հաշվապահներ, անհատ ձեռնարկատերը 2023թ-ին գործունեություն է իրականացրել ընդհանուր հարկման ռեժիմում: Ինչպե՞ս կարող է տնօրինել ձեռնարկատիրական գործունեությունից ստացված եկամուտը (շահույթը): Խոսքը դրամարկղում առկա գումարներին է վերաբերվում։

Երեխայի խնամքի նպաստ որպես ԱՁ գրանցվելու դեպքում

Մարիամ․

Բարև ձեզ։ Քաղաքաբնակ եմ, աշխատանքից անցել եմ դեկրետի։ Ուզում եմ սկսել նոր գործունեություն և բացել ԱՁ, արդյո՞ք կզրկվեմ միչև երկու տարեկան երեխայի խնամքի նպաստից։ Շնորհակալություն։

Ծառայության մատուցում ԱՁ կողմից

Մարի․

Բարև Ձեզ, խնդրում եմ ասել՝ արդյո՞ք կազմակերպության (ՍՊԸ) տնօրենը կարող է նաև իրեն պատկանող ԱՁ-ով ծառայություն մատուցել ՍՊԸ-ին։ Տնօրենը չի հանդիսանում հիմնադիր։

ԱՁ դրոշմանիշային վճար

Գուրգեն․

Բարև ձեզ։ Որքա՞ն և ե՞րբ պետք է ԱԱՀ դաշտում աշխատող ԱՁ-ն վճարի դրոշմանիշային վճարը: ԱՁ-ն անցյալ ամիս է գրանցվել, որևէ եկամուտ դեռ չի ունեցել:

ԱՁ դրոշմանիշային վճար

Ջուլիա․

Բարև Ձեզ։ ԱՁ-ն 2023թ․ մինչև մայիս ամիսը աշխատել է միկրոյի դաշտում, շրջանառությունը՝ 5 միլիոն դրամ, որից հետո անցել է շրջանառության հարկի դաշտ։ Հիմա միկրոձեռնարկատիրության ժամանակահատվածում պետք է վճարի 24 000 դրամ դրոշմանիշ, իսկ շրջանառության հարկի դաշտում աշխատելու համար տարեկան 40 000 շահութահարկ, 40 000 սոցիալական վճար +120 000 էլի՞ դրոշմանիշ։

ՀՈԱԿ – ի տնօրենը որպես ԱՁ

Գոհար․

ՀՈԱԿ-ում աշխատող տնօրենը իրավունք ունի՞ բացել ՍՊԸ կամ գրանցվել որպես ԱՁ և աշխատել որպես տնօրեն։ Շնորհակալություն։

Պետական համակարգում աշխատողը որպես ԱՁ

Մարի․

Բարև Ձեզ։ Կասե՞ք՝ անհատ ձեռներեցը կարո՞ղ է աշխատել պետական համակարգում, թե՞ ոչ։ Կամ անձը, ով արդեն իսկ աշխատում է պետական որևէ կառույցում, կարո՞ղ է գրանցվել որպես Ա/Ձ։ Նախապես շնորհակալություն, այս հարցի վերաբերյալ օրենք չգտա։

Փոխանցում այլ անձի

Հարութ․

Հարգելի հաշվապահներ, հարցս հետևյալն է․ ԱՁ-ն կարո՞ղ է իր բանկային հաշվին եղած դրամը կամ արտարժույթը փոխանցել այլ անձի բանկային հաշվին կամ տալ արտարժույթով փոխառություն՝ փոխանցելով օտարերկրյա բանկային հաշվին այդ անձի և հետ ստանալ այդ գումարը կանխիկ մաս մաս։

ԱՁ դադարեցում

Նամի․

Բարև ձեզ, ես ԱՁ եմ բացել մի քանի ամիս առաջ, բայց ընդհանրապես ոչ մի շրջանառություն չեմ ունեցել, հաշվետվություն էլ չեմ ներկայացրել։ Կարո՞ղ եմ սառեցնել, և ունե՞մ արդյոք որևէ տույժ հաշվետվություն չներկայացնելու համար։

Сдача квартиры в аренду

Здравствуйте, я хочу сдавать квартиру посуточно в Армении, у меня возникли такие вопросы:

1) Как и какой вариант подходит для регистрации в налоговой для уплаты налога посуточной аренды?
а) самозанятый b) индивидуальный предприниматель

2) Какие налоги надо платить в каждом случае (a & b)?

Так же мне известно что налог за аренду жилья 10%, но это не подходит для суточной аренды через букинг или айрбнб, так как хозяин сам оплачивает все коммунальные услуги (электроэнергия, вода, газ, интернет) так же с этой суммы у него идут затраты за обслуживание клиента (шампуни, гели, тапочки, полотенца, постельное бельё и т.д.) а так же стирка и уборка квартиры после каждого клиента.

P.S. Например, в России самозанятый плотит налог 4% и ему не нужен бухгалтер чтобы рассчитать доход и расход чтоб оплатить налоги.

Спасибо!

Առևտրի խանութ մարզում

Գարիկ․

Բարև ձեզ, հարգելիներս։ Ունեմ տարածք մարզում, և ցանկություն կա հիմնել առևտրի կետ՝ շինանյութ, միրգ-բանջարեղեն, խմորեղեն վաճառելու համար։ Անհրաժեշտ է հիմնել ԱՁ, թե՞ ՍՊԸ, և ին՞չ հարկատեսակով է անհրաժեշտ աշխատել։ Նախապես շնորհակալություն։

Միկրոձեռնարկատիրություն 2024

Գոհար․

Բարև ձեզ: Խնդրում եմ օգնեք հասկանալ՝ ԱՁ-ն աշխատում է միկրոյի դաշտում, չունի գրանցված աշխատող և ՀԴՄ, հաշիվ է դուրս գրում։ Խնդրում եմ ասեք՝ ի՞նչ փոփոխություններ են սպասվում այս դաշտում 2024թ-ին։

ԱՁ հավաստագիր

Լյուդմիլա․

Ես նոր եմ Ա/Ձ գրանցել, ցանկանում էի իմանալ՝ հավաստագիրը ԱՁ-ի պետք է վերցնել այնտեղի ռեգիստրից, որտեղ որ գրանցվա՞ծ է։ Եվ խնդրում եմ ասեք՝ ի՞նչ փաստաթղթեր պետք է տանեմ հետս։

ԱՁ անալիտիկ հաշվառում

Կարեն․

Բարև Ձեզ։ ԱԱՀ-ով աշխատող ԱՁ-ն անալիտիկ հաշվառում չվարելու համար ի՞նչ պատասխանատվության է ենթարկվում։

ԱՁ-ը կազմակերպում է համերգ

Հասմիկ․

ԱՁ-ը կազմակերպում է համերգ, կարո՞ղ է աշխատել շրջանառության հարկով, և քանի՞ տոկոսով է հարկվելու՝ 10, թե՞ 5։

Կահույքի արտադրություն

Նանա․

Բարև ձեզ։ Անհատը զբաղվում է կահույքի արտադրությամբ: Կհուշե՞ք ԱՁ բացելու հաջորդական քայլերը, հարկման դաշտը:

Մեղրի արտադրություն ու վաճառք

Սերգեյ․

ԱՁ-ն իրականացնելու է մեղրի արտադրություն ու վաճառք: Կարո՞ղ է գործել միկրոձեռնարկատիրության ռեժիմում: Նախապես շնորհակալ եմ:

ԱՁ գործելու է ՏՏ ոլորտում

Գուրգեն․

Բարև ձեզ։ Ցանկանում եմ բացել ԱՁ, մատուցելու եմ ՏՏ ծառայություններ արտերկրում գտնվող ֆիզանձանց և ընկերությունների համար: Դիմելու եմ ՏՏ հավաստագիր ստանալու համար, և հաստատվելու դեպքում կազատվեմ շահութահարկից, և քանի որ միայն արտերկրի համար եմ աշխատելու, ԱԱՀ-ն 0% կլինի:

Գործելու է կայք, որի միջոցով պատվիրելու են ծառայությունը և վճարելու են քարտով՝ ԱՄՆ դոլար արժույթով, որը նստելու է ԱՁ-ի դոլարային հաշվին և ավտոմատ փոխարկվի դրամի՝ բանկի տվյալ պահի փոխարժեքով և փոխանցվի դրամային հաշվին:

Մի քանի հարց ունեմ.

1. Ի՞նչ հաշվետվություններ և ի՞նչ պարբերականությամբ պետք է ներկայացնեմ ՊԵԿ
2. Արդյո՞ք պետք է հաշիվ դուրս գրեմ ամեն պատվերի համար: Եթե այո, ապա հաճախորդի ի՞նչ տվյալներ են հարկավոր դրա համար
3. Հաշվետվություններում ո՞ր փոխարժեքը պետք է հաշվի առնեմ՝ բանկի՞, թե՞ ԿԲ-ի
4. Կարո՞ղ եմ գումարը ստանալուց հետո միանգամից փոխանցել իմ անձնական հաշվին

Տեղեկանք ԱՁ վերաբերյալ

Արշակ․

Բարև Ձեզ։ Ինչպե՞ս ստանալ արխիվից տեղեկանք, որ ես գրանցված եմ եղել որպես անհատ ձեռնարկատեր։ Շնորհակալություն։

Արդյո՞ք ԱՁ-ները ներկայացնելու են Իրական շահառուների հայտարարագիր

Նարե․

Բարև Ձեզ։ Խնդրում եմ պատասխանել արդյոք բոլո՞ր ա/ձ-ներն են ներկայացնելու իրական շահառուի հայտարարագիր անկախ՝ գործունեության ոլորտի, վարձու աշխատող ունենալ-չունենալու փաստի, շրջանառության գումարի, հարկման դաշտի։ 2022թ-ից դադարեցման մեջ գտնվող ա/ձ-ները արդյոք ներկայացնելու՞ են հայտարարագիր։ Բոլոր հարկատուները՝ անկախ իրավական տեսակի “ԻՐԱԿԱՆ ՇԱՀԱՌՈՒՆԵՐԻ ՎԵՐԱԲԵՐՅԱԼ ՀԱՅՏԱՐԱՐԱԳՐԻ” նու՞յն ձևն եններկայացնելու (Արդարադատության նախարարի 2021 թվականի օգոստոսի 30-ի N 416-Ն հրամանի Հավելված N 1)։

Փոխանցում ԱՁ հաշվեհամարին

Տիգրան.

Աշխատանքի առաջարկ եմ ստացել ՌԴ-ից։ Ցանկանում եմ ԱՁ բացել, բայց փոխանցումը ՌԴ-ից իմ ԱՁ հաշվեհամարին խնդիր է։ Գործը ՏՏ ոլորտում է։ Ո՞վ փորձ ունի, կարո՞ղ եմ արդյոք քարտիս (անհատական) փոխանցված գումարը ներկայացնել հաշվետության մեջ։ Շնորհակալություն։

ԱՁ հաշվի քարտով գնումների կատարում

Անի․

Ողջույն։ Արդյո՞ք ԱՁ-ի հաշվի քարտով գնումներ կատարելիս, հետագայում որպես ծախս ձևակերպելու հնարավորություն ունենալու համար, պարտադիր է նշել, որ ԱՁ-ի համար է կամ օնլայն քարտի անունն լրացնելիս նշել ԱՁ:

Իմ հասկանալով՝ պարտադիր չէ: ԱՁ-ն համարվում է Ֆիզ. անձ և իր գույքով է պատասխանատու: Բացի այդ, բիզնես հաշիվ ունենալն օրենքով պարտադիր չէ, զուտ ցանկալի է հարկային գործերն հեշտացնելու համար: Այս տրամաբանությամբ, ստացվում է՝ նույնիսկ անձնական հաշվից բիզնեսի ծախս անելն ընդունելի պետք է լինի: Իսկ բիզնես հաշվից ծախսն, նույնիսկ առանց ԱՁ նշելու, ինքնին ենթադրում է բիզնեսի ծախս: