Tag: անդամավճար

Համատիրության գործունեություն

Արթուր․

Հարգելի գործընկերներ, այսպիսի մի հարց ունեմ․ մենք ունենք համատիրություն: Ֆիզիկական և իրավաբանական անձանցից ստանում ենք փայավճարներ, որոնք հիմնված են անդամության վրա ըստ Համատիրությունների մասին օրենքի, և դա ֆիքսված է մեր կանոնադրությունում: Խնդրում եմ պարզաբանել՝ այս վճարները արդյո՞ք համարվում են անդամավճարներ, եթե այո, ապա 108 հոդվածի 11 մասով նվազեցվող եկամուտներ կլինեն, իսկ հոդված 410-ով քանի որ ձեռնարկատիրական չէ, հաշվարկային փաստաթղթի կարիք չկա: Արդյո՞ք այս մասով պետք է դուրս գրվեն հաշվարկային փաստաթղթեր, և կառաջանա՞ արդյոք վճարման ենթակա շահութահարկ: Եթե հնարավոր է՝ խնդրում եմ նշել օրենքի հղումներ:

Կազմակերպությունը ՀԿ-ին անդամավճար է վճարել

Մարի․

Բարև Ձեզ, հարգելի հաշվապահներ։ ԱԱՀ-ով աշխատող կազմակերպությունը վճարել է ՀԿ-ին անդամավճար, 5 աշխատակցի համար։ Խնդրում եմ ասել՝ ինչպիսի՞ հաշվապահական ձևակերպումներ տալ, և ՀԿ -ն պե՞տք է հաշիվ վավերագիր դուրս գրի, թե՞ ոչ։

ՀԿ գործունեության վերաբերյալ

Սոնա․

Հասարակական կազմակերպությունների վերաբերյալ.
1. անդամավճարների համար կարո՞ղ է կիրառվել ՀԴՄ։
1. Ձեռնարկատիրական գործունեություն իրականացնելու դեպքում լրացուցիչ հաշվետվություններ ներկայացնելու պարտավորություն առաջանում է, թե՞ ոչ։
3. Շահութահարկի հաշվարկ ներկայացնու՞մ է, եթե հարկման օբյեկտ և բազա չունի։

Տալ հաշվապահական ձևակերպումներ

Նարինե.

Շենքի մի քանի բնակիչներ վերանորոգել են շենքի իրենց հարկերը և համատիրությանը խնդրում են, որ վերանորոգման վրա ծախսված գումարի չափով անդամավճարներից ազատվեն։ Խնդրում եմ պատասխանել` թե ո՞նց ձևակերպումը ճիշտ տալ։

ՍՊԸ-ն աշխատում է շրջհարկով և զբաղվում է երգարվեստով

Գայանե.

Բարև Ձեզ, հարգելի հաշվապահներ: ՍՊԸ-ն աշխատում է շրջհարկով և զբաղվում է երգարվեստով: Վերջերս միջոցառում է կազմակերպել և մասնակիցները 10 000 դրամ անդամավճար են մուծել: 10 հոգի են մասնակցել, այսինքն` ես պետք է 5 տոկոս շրջանառության հարկ վճարեմ այդ 100 000-ից։ Գրանցված են 2 աշխատող:
Գրանցված են 2 աշխատող։ Հիմա ուզում եմ հասկանալ՝ ինչպե՞ս ճիշտ վարվեմ այդ գումարի հետ: 5 տոկոսը, այսինքն՝ 5 000 դրամը հանե՞մ, իսկ այդ 95 000 – ը 2 աշխատողների միջև բաժանե՞մ՝ իր համապատասխան հարկերով։

Կազմակերպությունը մրցույթ-փառատոն է իրականացրել

Գայանե.

Բարև ձեզ։ ՍՊԸ-ն, որը գործունեություն է ծավալում ստեղծագործական ոլորտում, մրցույթ-փառատոն է իրականացրել։ Երեխաները մասնակցության գումար են վճարել։ Ճի՞շտ գիտեմ, որ այդ գումարից պետք է 10 % եկամտային հարկ վճարվի։ Իսկ կա՞ն արդյոք նվազեցումներ և որո՞նք են, և խնդրում եմ, ասեք հաշվետվության համարը։ Կանխավ շնորհակալ եմ:

Հասարակական կազմակերպության կողմից անդամավճարների ձևակերպում

Մերի.

Բարև ձեզ: Հարցս վերաբերում է հասարակական կազմակերպության կողմից անդամավճարների ձևակերպմանը։ ՀԿ-ն չունի առևտրային գործունեություն։ Ունի մուտքեր միայն անդամավճարներից։ Արդյո՞ք սա ֆինանսական հաշվառման տեսանկյունից պետք հասույթ ճանաչվի, ծախսերն էլ՝ ծախս, և արդյունքում ձևակերպվի կուտակված շահույթ։

Ի՞նչ ձևակերպումներ պետք է տալ

Gayane.

Հարգելի կոլեգաներ, ասացեք խնդրեմ` հասարակական կազմակերպությունը ի՞նչ ձևակերպում պետք է տա.

– համակարգիչների մաշվածքի համար
– անդամավճարների համար

Նախապես շնորհակալ եմ:

Անդամավճարի նվազեցում եկամտահարկը հաշվարկելիս

Շահեն.

Կազմակերպությունը 15 հոգուց է կազմված: Կամավոր անդամակցում են արհկոմին, և աշխատավարձից փոխանցվում է անդամավճար աշխատավարձի 1 տոկոսի չափով: Կարո՞ղ եմ աշխատավարձը և եկամտահարկը հաշվարկելիս այդ չափով յուրաքանչյուրին նվազեցնել, թե՞ ոչ: Ի՞նչ օրենք կա այդ մասով: Այդ կազմակերպությունը գործում է այս տարվա փետրվար ամսից: Շնորհակալություն:

Արդյո՞ք անհրաժեշտ է արձանագրություն կազմել

Մերի.

Խնդրում եմ ինձ օգնել հետևյալ հարցերում. հասարակական կազմակերպության խորհրդի ընտրությունը, անդամավճարի և մուտքավճարի չափի որոշումը անհրաժե՞շտ է ֆիքսել արձանագրությամբ: