Tag: ապահովագրություն

Ատամնաբուժարանի գործունեություն

Նելլի․

Բարև Ձեզ։ Ա/Ձ բացել է ստոմատոլոգիական կլինիկա, աշխատում է շրջանառության հարկի դաշտում։ Ինչպե՞ս պետք է վարել հաշվապահությունը, եթե ապահովագրական ընկերությունների հետ է աշխատելու։ Եվ կարո՞ղ եք օրենքի հղում տալ՝ առանձնահատկություններին ծանոթանալլու համար։ Կանխավ շնորհակալ եմ։

Լիզինգի ձևակերպումներ

Քրիստինե․

Բարև Ձեզ: Մեր ՍՊԸ լիզինգով մեքենա է ձեռք բերել, ի՞նչ հաշվապահական ձևակերպումներ է անհրաժեշտ կատարել: Քանի որ մեքենայի սեփականության իրավունքը լիզինգ տրամադրող ընկերությանն է, ես չեմ կարող չէ՞ այն որպես հիմնական միջոց դիտել: Լիզինգի մարելու համար ամսական արված վճարումները, ապահովագրական վճարները, գույքահարկը ծախսերի մեջ կարո՞ղ եմ ներառել: Նշեմ, որ մեր ընկերությունը ԱԱՀ վճարող է: Շնորհակալություն:

Բժշկական ապահովագրության ձևակերպումներ

Անի․

Բարև ձեզ։ Հասարակական կազմակերպությունն աշխատակիցների համար ձեռք է բերել բժշկական ապահովագրություն: Մեկ անձին բաժինը ընկնող գումարը ամսվա կտրվածքով 18 300 դրամ է։ Ըստ օրենքի՝ 10 000 դրամը նվազեցվում է, իսկ գերազանցող մասը հարկվում։ Հաշվապահական ի՞նչ ձևակերպումներ են տրվում այս դեպքում։ Կանխավ շնորհակալություն։

ԱՊՊԱ փոխհատուցում

Անի․

Հարգելի՛ հաշվապահներ, կազմակերպության մեքենայի համար ԱՊՊԱ կազմակերպությունից պատահարի համար ստացվել է փոխհատուցում: Այդ ստացված գումարն ինչպե՞ս ձևակերպել, ի՞նչ ձևակերպումներ տալ, որ գործընկերների մնացորդների մեջ չարտացոլվի: Շնորհակալություն։

Գումարի վերադարձ ապահովագրական ընկերությունից

Հայկ․

Բարև Ձեզ: 2022թ. ընթացքում ընդհատված ԱՊՊԱ պայմանագրի համար ապահովագրական ընկերությունը վերահաշվարկ է կատարել և մեզ հետ է փոխանցել որոշակի գումար: Այդ գումարը ճանաչել եմ եկամուտ: Շահութահարկի տարեկան հաշվարկում արդյո՞ք պետք է ցույց տալ այդ եկամուտը և ո՞ր տողում: Նախապես շնորհակալ եմ։

Ապահովագրական ընկերություններ

Երվանդ․

Ողջույն: Ցանկանում եմ ծանոթանալ ապահովագրական ընկերությունների ֆինանսա – տնտեսական գործունեության հաշվային պլանին։

Մյուս հարցը. ապահովագրական ընկերությունները ի՞նչ հաշվետվություններ են ներկայացնում:

Ապահովագրական հատուցման ձևակերպում

Անի․

Բարի օր: Հարգելի՛ գործընկերներ, եթե ապահովագրական ընկերությունից մեքենայի վնասի փոխհատուցման գումար ենք ստացել, ինչպե՞ս ձևակերպել: Ի՞նչ ձևակերպում տալ: Շնորհակալություն։

Լիզինգով ձեռքբերված բեռնատար

Նելլի․

Բարև ձեզ, հարգելի հաշվապահներ։ Եթե կազմակերպության բեռնատար մեքենան վթարի է ենթարկվել՝ լիզինգով վերցված, ապահովագրությունը փոխատուցել է և մեքենան վերանորոգվել է։ Էս դեպքում էլ՞ վերանորոգման գումարը պետք դիտարկել կապիտալ բնույթի ծախս ու ավելացնել հաշվեկշռային արժեքին։ Շնորհակալություն։

Բենափոխադրման միջնորդային գործունեություն

Էլլա․

Բարև Ձեզ։ Միջնորդ կազմակերպությունը ԱԱՀ վճարող պատվիատուից (ՀՀ ռեզիդենտ) բեռը վերցնում է, տալիս է բեռնափոխադրող ընկերությանը (Բուլղարիա) ՀՀ-ից Իտալիա բետնափոխադրման համար: Հարց՝ 1. Ինչպե՞ս պետք է հարկվի միջնորդ ընկերությունը: 2. Բուլղարական ընկերության կողմից ստացված ծառայության հաշիվը ինչպե՞ս պետք է ցույց տալ: 3. Բեռնափոխադրման ապահավոգրության համար ԱԱՀ-ով հաշի՞վ պետք է գրի պատվիարտուին։

Հաշվապահական խնդիր

Մարգարիտ․

Բարև Ձեզ։ Ուսանող եմ, նոր եմ սովորում հաշվապահական հաշվառում։ Խնդրում եմ օգնել տալ հետևյալ խնդրի հաշվապահական ձևակերպումները։ Նախապես շնորհակալություն։

“Սոֆիստ” ՍՊԸ-ն սկսել է գործունեությունը 2019 թվականի ապրիլի 1-ին: Հետևյալ գործարքները վերաբերում են առաջին ամսվա բիզնեսի գործառնություններին:
1) Ապրիլի 1. Ստանում 500 000 ԱՄՆ դոլար $ 100 անվանական արժեքով 5 000 բաժնետոմս թողարկելու համար: 2) Ապրիլի 2. Գնում ապրանքներ $ 20 000-ով: Գումարը ենթակա է 2% զեղչի, եթե վճարվում 10 օրվա ընթացքում: 3) 3) Ապրիլ 5. Հիփոթեկային վարկի միջոցով 150 000 ԱՄՆ դոլարով գնում է գրասենյակային շենք և պահեստ:
4) Ապրիլի 11. “Սոֆիստ” ՍՊԸ վճարում է պահուստների համար (Տող 2) զեղչվող ժամանակահատվածում, այդպիսով ստանում 2% զեղչ: 5) Ապրիլի 15. Գնում է արտոնագիր 1 000 դոլարով:
6) Ապրիլի 15. Արտոնագիրը գրանցելու համար վճարում $ 100:
7) Ապրիլի 20. Ապահովագրական ընկերությանը գույքի ապահովագրության համար վճարում է 600: Ծածկույթի շրջանը սկսվում է մայիսի 1-ից: 8) Ապրիլի 29. Պատվիրում է դիսփլեյներ $ 10 000-ով: Պատվերի պահին վճարում չի կատարվում:

Առողջության ապահովագրության վճարներ

Էլինա․

Հարգելի հաշվապահներ, հարցս 189 ձևում առողջության ապահովագրության վճարները ցույց տալու վերաբերյալ է։
1․ Ճի՞շտ եմ հասկանում, որ եթե 1 հոգու 1 ամսվա գումարը 22 000 է, ապա պիտի ցույց տամ 1․8 վանդակում 12 000 (10 000 գերազանցող մասը)
2․ հաշվետվության 2-րդ բաժնում եկամտի կոդերի մեջ կա 011 – ֆիզիկական անձի համար ապահովագրավճար, ի՞նչ եմ ցույց տալիս այդ տողում
3․ կազմակերպությունը ներառել է առողջության ապահովագրության ցուցակներում նաև որոշ աշխատողների բարեկամներին, ի՞նչպես եմ ցույց տալիս այդ գումարը և ճ՞իշտ եմ հասկանում, որ 10 000-ը գերազանցելու պայմանը բարեկամների գումարներին չի վերաբերվում։

Կանխավ շնորհակալ եմ օգնության համար։

Արդյո՞ք ապահովագրավճարը ենթակա է նվազեցման շահութահարկի հաշվարկի ժամանակ

Lyudmila.

Ողջույն բոլորին:
Կազմակերպությունը ապահովագրել է Պողոսին, որը չի աշխատում տվյալ կազմակերպությունում, օրինակ` 10 000 ապահովագրավճար է փոխանցել և դրանից 11% եկամտային հարկ է փոխանցել: 10 000 × 11% = 11 000 :
Հիմա հարցս հետևյալն է` 10 000-ը շահութահարկի հաշվարկում ծախս համարվու՞մ է:
Եթե համապատասխան հղում անեք, շնորհակալ կլինեմ:

Կազմակերպությունը ապահովագրական փոխհատուցում է ստացել

Kristina.

Բարև Ձեզ:

1. Եթե ԱՊՊԱ-ից ՍՊԸ-ին պատկանող ավտոմեքենայի համար փոխատուցվել է 100 000 դրամ, ապա դա դիտվու՞մ է որպես եկամուտ ՍՊԸ-ի համար (Շահույթահարկի պարզեցված հաշվարկի մեջ 0103 տողում լրացնե՞մ այդ 100 000-ը):

2. Այդ 100 000-ը ՍՊԸ-ն փոխանցել է ավտոտեխսպասարկման կազմակերպությանը վերանորոգման համար (փաստաթղթերով հիմնավորվել է), ապա այդ ծախսը ցույց տամ Շահութահարկի պարզեցված հաշվարկի մեջ 0201 տողում, թե՞ 0202 տողում:

ԱՊՊԱ հատուցման գումարի ձևակերպում

Eva.

Հարգելի հաշվապահներ, խնդրում եմ հուշել, թե ինչպես ձևակերպել ԱՊՊԱ հատուցման գումարը: Այդ գումարը ԱԱՀ հաշվետվությունում երևու՞մ է կամ հարկ առաջացնու՞մ է:

Կազմակերպությունը վճարել է ապահովագրավճար

ԱՆՆԱ.

Հարգելի հաշվապահներ, խնդրում եմ օգնել ինձ հետևյալ հարցում. կազմակերպությունը 2011թ. մայիսին վճարել է ապահովագրավճար 1 տարվա համար մինչև 2012թ. մայիս: Արդյո՞ք ամբողջ գումարը կարող եմ ճանաչել ծախս 2011թ-ին, թե՞ մի մասը պիտի ճանաչեմ 2012-ին: Ի՞նչ ձևակերպումներ տամ: Կանխավ շնորհակալություն:

ՍՊԸ լիզինգով մեքենա է ձեռք բերել

Ժաննա.

Բարև Ձեզ: Մեր ՍՊԸ լիզինգով մեքենա է ձեռք բերել, ի՞նչ հաշվապահական ձևակերպումներ է անհրաժեշտ կատարել: Քանի որ մեքենայի սեփականության իրավունքը լիզինգ տրամադրող ընկերությանն է, ես չեմ կարող չէ՞ այն որպես հիմնական միջոց դիտել: Լիզինգի մարելու համար ամսական արված վճարումները, ապահովագրական վճարները, գույքահարկը ծախսերի մեջ կարո՞ղ եմ ներառել: Նշեմ, որ մեր ընկերությունը ԱԱՀ վճարող չի: Շնորհակալություն:

ՀԴՄ կտրոնի տրամադրում

Արման.

Հարգելի կոլեգաներ, կազմակերպությունը զբաղվում է ավտոմեքենաների ապահովագրությամբ, ինչպես նաև ինտերնետ ծառայություն է մատուցում, ունի հսկիչ-դրամարկղային մեքենա: Հարցս` ԱՊՊԱ-ի ժամանակ հսկիչ դրամարկղային կտրոն տրամադրվու՞մ է, թե՞ ոչ: