Tag: արձակուրդ

Նպաստի վճարում լուծարման դեպքում

Դիանա․

Բարի երեկո։ Եթե անձը ֆիզ. արձակուրդում է, կազմակերպությունը լուծարվում է.

1) Երեխայի խնամքի նպաստը դադարեցնու՞մ են փոխանցել

2) Եվ եթե մյուս աշխատակցի վճարվող արձակուրդն ավարտվել է (2 տարին), 1 տարի հետո պետք է վերադառնար աշխատանքի, վերջնահաշվարկ ունի՞ ստանալու

Շնորհակալ եմ։

Չվճարվող արձակուրդ

Էմմա․

Բարև ձեզ։ Հարցս վերաբերվում է ՀՀ ԱՕ 176-րդ հոդվածին: Կարո՞ղ եմ աշխատողին տրամադրել չվճարվող արձակուրդ՝ առանց 176-րդ հոդվածի 1-ին մասում նշված հիմքերի: Կանխավ շնորհակալություն:

Երեխայի խնամքի արձակուրդը լրանում է

Դիանա․

Հարգելի հաշվապահներ, շնորհակալ կլինեմ, եթե արձագանքեք։ Եթե ֆիզ. արձակուրդից ֆիզ. եմ գնացել և մի քանի ամսից ավարտվում է արձակուրդը․
1) առանց գրավոր ծանուցելու չեն կարող ազատել աշխատանքից, այդ դեպքում որո՞նք են իմ անելիքները (բանավոր ուղղակի ասել են, որ առայժմ աշխատողի կարիք չունեն)
2) եթե ժամկետը լրանա, ու ինձ չընդունեն աշխատանքի, ես վերջնահաշվարկ ունե՞մ ստանալու, եթե ֆիզից ֆիզ եմ գնացել ու այդ ընթացքում չեմ աշխատել
3) ինչպե՞ս կարող եմ իմանալ՝ արձակուրդային չօգտագործված օրեր ունե՞մ

Կանխավ շնորհակալ եմ։

Աշխատանքային պայմանների փոփոխություն

Մայիս․

Բարև Ձեզ:

1․ Ընկերությունն ունի աշխատակից, ով այս պահին ծնողական արձակուրդում է (2 տարի), ով նախատեսում է վերականգնվել սեպտեմբերի 1-ին: Նրա վերջին պայմանագրով ամբողջ դրույքի համար իր աշխատավարձը եղել է 250 000 ՀՀ դրամ: Վերջին տարվա ընթացքում Ընկերության աշխատավարձերի սանդղակը փոփոխվել է, և իր դիպլոմի և փորձի պայմաններում աշխատավարձը նոր հաշվարկով պետք է նվազի: Արդյո՞ք կարող է աշխատակցին առաջարկվել ավելի վատ աշխատանքային պայմաններ, ծնողական արձակուրդից վերադառնալու պարագայում, եթե աշխատանքային օրենսգրքով պահանջվում է պահպանել հաստիքը և նույն պայմանները:

2․ Ո՞ր դեպքերում Գործատուն կարող Աշխատողին ազատել աշխատանքից Աշխատանքային օրենսգրքի 111-րդ հոդվածի հիմքով։

Աշխատակիցն ազատվել է աշխատանքից

Սոնա․

Բարև Ձեզ։ Վեցօրյա գրաֆիկով աշխատող աշխատակիցն իր դիմումի համաձայն ազատվել է աշխատանքից 2024թ․ հունվարի 31-ին։ Նախորդ տարիներից չի ունեցել չօգտագործած արձակուրդային օրեր։ Կատարվել է աշխատակցի հետ վերջնահավարկ, վճարվել է աշխատած օրերի համար և հունվար ամսին կուտակած 2 օր արձակուրդային։ Արդյո՞ք ճիշտ են կատարված գործողությունները, և այս դեպքում արձակման նպաստ գործատուն պե՞տք է վճարի, թե՞ ոչ։

Արձակուրդային գումարի վերադարձ

Քրիստինե․

Բարև Ձեզ, հարցս հետևյալն է․ աշխատողը 2020 թվականից ստացել է իր արձակուրդայինները, 2023 թվականի դեկտեմբերին դիմում է գրել արձակուրդի, որը տրամադրվել է 2024 թվականի հունվարի 3-ից, արձակուրդից հետո դիմում է գրվել աշխատանքից ազատվելու, և դուրս է եկել աշխատանքից (նախօրոք դեկտեմբերին տեղեկացրել է, որ դուրս է գալու )։ Հիմա քանի որ տրամադրել են արձակուրդային, հետ են պահանջում՝ նշելով, որ 6 ամիս 2024 թվականին չի աշխատել։ Իրավացի՞ են արդյոք գումարը հետ պահանջեն, (վերջնահաշվարկը վաղը պետք է փոխանցեն, բայց չգիտենք ինչքան, բոլոր արձակուրդներից օգտվել է)։

Արդյո՞ք աշխատակիցն ունի լրացուցիչ արձակուրդի իրավունք

Սոնա․

Բարև Ձեզ, խնդրում եմ կնշե՞ք՝ ապահովագրական ընկերության բժիշկ հաստիքում աշխատող մասնագետը համարվու՞մ է լրացուցիչ արձակուրդ ունեցող անձ: Լրացուցիչ արձակուրդների վերաբերյալ Կառավարության որոշման մեջ միայն մասնագիտություն հատվածում նշված է Բժիշկ: Բայց ապահովագրականի բժիշկը պրակտիկ բժշկությամբ չի զբաղվում:

Հավելավճարները հաշվի առնվու՞մ են արձակուրդային հաշվարկելիս

Կարեն․

Բարև Ձեզ։ Խնդրում եմ ասեք՝ արդյո՞ք նախկինում ամեն ամիս ստացված հավելավճարները հաշվի են առնվում արձակուրդայինի գումարը հաշվարկելիս։

Արձակուրդային գումար 2024 համար

Մանուշակ․

Բարև Ձեզ, կխնդրեի հարցիս պատասխանել, եթե հնարավոր է։ Աշխատողը աշխատում է 01.12.2009թ-ից։ Աշխատողը 2013-ին գնացել է արձակուրդ երեխայի խնամքի հետ կապված 2 ամիս, դրանից հետո ամեն տարի իրեն տրվել է ամենամյա վճարվող արձակուրդ, 2024 դուրս գալուց աշխատանքից վերջնահաշվարկի ժամանակ չեն տալիս 2024 հասանելիք արձակուրդի գումարը, դա օրենքի սահմաններու՞մ է։

Չվճարվող արձակուրդ

Աննա․

Բարև Ձեզ, չվճարվող արձակուրդի 60 օրացույցային օրը հաշվարկվում է 1 տարվա համար, թե՞ աշխատանքային պայմանագրի սկզբի օրվանից 1 տարվա ընթացքում։

Ուսանողական արձակուրդ

Աննա․

Բարև Ձեզ: Ունենք աշխատող, որը ուսանող է։ Քանի որ սկսվում են քննությունները, նրան պետք է տրամադրենք ուսանողական արձակուրդ իր տեղեկանքի հիման վրա: Այս դեպքում պե՞տք է ուղարկել հարկային հայտ չվճարվող արձակուրդի վերաբերյալ, և տաբելում բացակա՞ է դրվելու, թե՞ չվճարվող արձակուրդ: Կանխավ շնորհակալություն:

Կոլեկտիվ արձակուրդի հրամանի ձև

Անիկ․

Բարև Ձեզ։ Եթե հնարավոր է՝ ուղարկեք կոլեկտիվ արձակուրդի հրամանի ձև մանկապարտեզի համար։ Կանխավ Շնորհակալ եմ։

Աշխատանքից ազատում երեխայի խնամքի արձակուրդի ընթացքում

Մարի․

Բարև ձեզ։ Ես հիմա երեխայի խնամքի արձակուրդում եմ, բալիկս 5 ամսական է։ Ինձ բանավոր տեղեկացրել են, որ հաստիքս կրճատվելու է ֆինանսական դժվարությունների պատճառով։ Կարո՞ղ է գործատուն ինձ հեռացնել աշխատանքից խնամքի արձակուրդի ընթացքում։ Եթե այո, փոխհատուցում նախատեսվա՞ծ է։ Եթե ոչ, ապա ե՞րբ կկարողանա` բալիկի 1 տարեկան, թե՞ 3 տարեկան դառնալուց հետո։

Արձակուրդ դեկրետից հետո

Լիզա․

Եթե անձը գտնվում է դեկրետում, ունի կուտակված արձակուրդի օրեր և աշխատանքի անցնելուն պես պետք է օգտագործի կուտակված արձակուրդի օրերը, արձակուրդային գումարի հաշվարկը ինչպե՞ս է կատարվում: Եթե նախորդող 12 ամիսներին եղել է դեկրետում:

Աշխատանքային պայմանագրի լուծում

Անի․

Բարև Ձեզ: Հարցս հետևյալն է․ աշխատողի հետ կարելի՞ է լուծել որոշակի ժամկետով կնքված աշխատանքային պայմանագիրը ամենամյա արձակուրդում գտնվելու վերջին օրը: Դիցուք, պայամանգրի ժամկետը լրանում է հունվարի 3-ին, բայց վերջինս մինչև հունվարի 3-ը գտնվում է ամենամյա արձակուրդում: Հաջորդ օրով լուծելու տարբերակ չունենք, քանի որ վերջինիս պայմանագրի լուծման մասին ծանուցոոմ է ուղարկվել նշված ժամկետներով:

Տնօրենի փոխարինում արձակուրդի ընթացքում

Էլեն․

Ողջույն, հարցս հետևյալն է․ եթե ՍՊԸ-ն ունի մեկ հիմնադիր, ով նաև կազմակերպության տնօրենն է, և ցանկանում է գնալ արձակուդ, կարո՞ղ է արդյոք որպես իրեն փոխարինող նշանակել իր հաշվապահին, և եթե ոչ, ապա ո՞վ պետք է փոխարինի նրան արձակուրդի ժամանակահատվածում։

Աշխատողի համար նորից պետք է մայրության նպաստ հաշվել

Արմին․

Բարև Ձեզ, խնդրում եմ օգնել հետևյալ հարցում․

Ա/Ձ-ն աշխատում է միկրոյով։ Վարձու աշխատողը մինչև երեք տարեկան երեխայի խնամքի արձակուրդ է գնացել 2022 թվականի հուլիսից (տվյալ ժամանակահատվածում մայրության նպաստը հաշվարկվել է հաշվի առնելով միկրոյի համար սահմանված աշխատավարձից պահվող 5 000 դրամ եկամտային հարկը)։ Այժմ վարձու աշխատողի համար նորից պետք է մայրության նպաստ հաշվել, իսկ աշխատավարձից պահվում է 20% եկամտային հարկ։ Ինչպե՞ս հաշվարկեմ մարյության նպաստը (ֆիզից ֆիզը): Արդյո՞ք որպես միջին աշխատավարձ պետք է հիմք ընդունեմ 78 020 ՀՀ դրամը (խնամքի արձակուրդն սկսվելու ամսվան նախորդող ամսին աշխատանքային պայմանագրով սահմանված հիմնական աշխատավարձը):

Շնորհակալություն։

Արձակուրդայինի վերադարձ

Արմեն․

Բարև Ձեզ։ Եթե աշխատողը արձակուրդ է գնում 6 ամիս հետո, արձակուրդից հետո անմիջապես աշխատանքից դուրս է գալիս, ի՞նչ պետք է արվի։ Գումարը պետք է վերադարձնի՞։ Որտե՞ղ է սահմանված այս կարգը։ Շնորհակալություն։

Ուսուցիչը ներկայացրել է հիվանդաթերթիկ

Լամարա․

Բարև ձեզ։ Խնդրում եմ պատասխանել։

Ուսուցիչը գնացել է մայրության արձակուրդ 140 օրով։ Նոր ուսուցիչ ընդունեցինք (ժամանակավոր, փոխարինող)։ Ոչ մի օր չհասցրեց գալ աշխատանքի։ Հիվանդանոց գնաց, վիրահատություն, բուժումներ։ Բերել է հիվանդանոցից թերթիկ։ Ի՞նչ անել 🤔🤷 Եթե դրույքի միջինով վճարեմ, ճիշտ կլինի՞։ Բայց քանի որ փոխարինող է՝ կասկածում եմ։ Օգնեք։

Պարգևավճար չվճարվող արձակուրդում գտնվելիս

Արմեն․

Բարև Ձեզ, ես երկու հարց ունեմ․

1․ Աշխատակիցը կարո՞ղ է չվճարվող արձակուրդում գտնվելու ընթացքում ստանալ պարգևավճար։

2․ Աշխատակցի հարգելի բացակայության օրերը վճարվու՞մ են, թե՞ ոչ։

Աշխատանքի վերադառնալու դիմում

Անի․

Բարև Ձեզ։

Երբ աշխատողը համաձայն է իր ամենամյա արձակուրդից հետ վերադառնալ աշխատանքի՝ այդ դեպքում դրա համար պե՞տք է դիմում գրի, թե՞ ոչ, որ համաձայն է վերադառնալ աշխատանքի, թե՞ դիմումը ճիշտ չէ, և ի՞նչ բովանդակությամբ փաստաթուղթ պետք է լինի:

Նպաստը ավել է վճարվել

Արփինե․

Բարև ձեզ: Հարգելիներս, խնդրում եմ կօգնե՞ք։ Աշխատողը 3 տարի խնամքի արձակուրդից հետո 9 ամիս աշխատելուց հետո նորից գնում է ֆիզ․ արձակուրդ, մայրության և ծննդաբերության նպաստը հաշվարկելիս միջին աշխատավարձի հաշվարկի մեջ ներառվել են նաև ֆիզ․ արձակուրդի գնալուն նախորդող ամսվա աշխատավարձը 3 տարեկան երեխայի խնամքի արձակուրդին նախորդող ամիսվա փոխարեն։ Որոնք եղել են տարբեր։ Որի արդյունքում հաշվարկված նպաստի չափը ավել է ստացվել, բայց նպաստը արդեն փոխանցվել է նպաստառուին: Ինչպե՞ս վարվել։ Արդյո՞ք պետք է կատարել վերահաշվարկ և գումարի ետպահում կատարել տվյալ անձի արձակուրդայինի հաշվարկից։ Նշեմ նաև, որ ֆիզ․ արձակուրդի ավարտից հետո նա պետք է օգտվի իրեն հասանելիք ամենամյա արձակուրդից։ Ինչպե՞ս է կատարվելու ավել վճարված գումարի ետգանձման ընթացակարգը ըստ հերթականության։

Չօգտագործած արձակուրդը ե՞րբ տրամադրել

Անի․

Հարգելի՛ հաշվապահներ, աշխատակիցը ֆիզ․ արձակուրդից վերադառնում է նոյեմբերի 15-ին, բայց մինչև ֆիզ գնալը արձակուրդ վերջին անգամ գնացել է 2020թ. հոկտեմբեր ամսին: Ֆիզ է գնացել 2021թ. սեպտեմբերի 20-ին: Ինչպե՞ս վարվել, չօգտագործած արձակուրդը ե՞րբ տրամադրել:

Չվճարվող արձակուրդ

Լիլիթ․

Բարև ձեզ, հարգելի հաշվապահներ։ Հարցս վերաբերվում է չվճարվող արձակուրդին․ մեկ տարվա ընթացքում տրամադրվող 60 օրը դա աշխատանքայի՞ն օրերի մասին է խոսքը։

Եթե աշխատակիցը չօգտվի արձակուրդի իրավունքից

Կարեն․

Բարև Ձեզ։ Եթե աշխատակիցը այս տարվա ընթացքում արձակուրդ չգնա, դա աշխատանքային օրենսգրքով խախտու՞մ է համարվում։

Արձակուրդային վճարի վերադարձ

Հայկ․

Բարև ձեզ։ Եթե ուսուցիչը հոկտեմբեր ամսին դուրս է եկել աշխատանքից, արդյո՞ք նա պետք է վերադարձնի նախորդ ամառվա ստացած արձակուրդային վճարը։

Արձակուրդի դիմում

Հայաստան․

Արձակուրդ գնալուց քանի՞ օր առաջ աշխատողը պետք է դիմում ներկայացնի արձակուրդի տրամադրման վերաբերյալ։

Չվճարվող արձակուրդ

Սոֆյա․

Հարգելի հաշվապահներ, ասացեք խնդրեմ՝ կարո՞ղ է արդյոք աշխատակիցը գնալ չվճարվող արձակուրդի 15 օր տևողությամբ, այնուհետև ֆիզ․ արձակուրդի, եթե նա ունի չօգտագործված վճարովի արձակուրդի օրեր:

Տնօրենը մեկնում է ֆիզ. արձակուրդ

Սոֆյա․

Բարև Ձեզ: Հարգելի հաշվապահներ, աշխատակիցը ով հանդիսանում է ՍՊԸ-ի 100% բաժնետեր և գրանցված է որպես տնօրեն, 22.11.23թ-ին գնալու է ֆիզ․ արձակուրդ:

Հարց 1. Պե՞տք է արդյոք տնօրենի պարտականությունները ժամանակավորապես դնել այլ աշխատակցի վրա, և ի՞նչ կարգով է դա արվում:

Հարց 2. Կարո՞ղ է արդյոք նույն աշխատակիցը ֆիզ․ արձակուրդ գնալ մի կազմակերպությունից , բայց ընդունվել որպես գրանցված աշխատող մեկ այլ կազմակերպությունում, քանի որ աշխատանքը հեռավար է (Հայաստանում): Ինչպե՞ս է օրենսդրորեն կազմակերպվում նման հարցերը:

Շնորհակալություն:

Արձակուրդի օրերը ավել են տրամադրվել

Լարիսա․

Ողջույն: Աշխատակիցն ազատվել է աշխատանքից, սակայն վերջնահաշվարկի ժամանակ պարզվել է, որ իրեն տրամադրված վճարովի արձակուրդային օրերը տրամադրվել են հասանելիք օրերի քանակից ավել, և վերջինս պարտք է գործատուին: Տեղյակ ենք, որ գանձման ընթացակարգը սահմանված է 213 հոդվածով, սակայն մեզ անհասկանալի է 214 հոդվածը։ Եթե հնարավոր է՝ խնդրում եմ պարզաբանել, նաև կուզեմ իմանալ ՀԾ ծրագրով ձևակերպման կարգը։ Կանխավ շնորհակալություն:

3 տարվա չօգտագործված արձակուրդ

Նարինե․

Բարև Ձեզ, հարգելի հաշվապահներ: Կարո՞ղ եք պատասխանել հետևյալ հարցին՝ աշխատակիցը ունի 3 տարվա չօգտագործված արձակուրդ: Կարո՞ղ եմ արդյոք նրան տրամադրել արձակուրդ 48 աշխատանքային օր միանգամից, թե՞ դա կլինի ինչ-որ օրենքի խախտում:

Սոցիալական վճար 3 000 դրամ համատեղությամբ աշխատանքի դեպքում

Անահիտ․

Հարգելի հաշվապահներ, աշխատակիցը միաժամանակ աշխատում է 2 գործատուի մոտ, որոնցից մեկը իր հիմնական գործատուն է, իսկ երկրորդը համատեղություն է 0,5 դրույքով։ Արդյո՞ք երեխայի խնամքի արձակուրդում գտնվելու ժամանակահատվածում 3 000 դրամ ամսական վճարվող սոց. վճարը պետք է վճարվի երկու գործատուների կողմից, թե՞ վճարում է միայն հիմնական գործատուն։ Շնորհակալ եմ, հնարավորություն դեպքում նաև խնդրում եմ տրամադրեք օրենքից հղում։

Վերջնահաշվարկ

Արմինե․

Բարև Ձեզ, խնդրում եմ օգնել հետևյալ հարցով.

Աշխատակիցը, որը գտնվում էր մինչև երեք տարեկան երեխայի խնամքի արձակուրդում, արձակուրդը լրանալուց իր դիմումի համաձայն ազատվել է աշխատանքից։ Ինչպե՞ս հաշվել վերջնահաշվարկ, ո՞ր աշխատավարձը վերցնել մինջին աշխավարձը հաշվելիս։

Չվճարվող արձակուրդի հայտ

Ռուզան․

Ողջույն, հարգելի խմբակիցներ։ Ասեք խնդրեմ՝ չվճարվող արձակուրդի մասին հայտը ի՞նչ ժամկետներում է ուղարկվում և ի՞նչ տույժ է կիրառվում ուշացնելու դեպքում։ Կանխավ շնորհակալություն։

Արդյո՞ք պետք է կնքվի համաձայնագիր

Աննա․

Բարև Ձեզ: Աշխատողը գտնվում է հերթական արձակուրդի մեջ, նրա պարտականությունները դրվել են կազմակերպության այլ աշխատողի վրա հրամանով: Աշխատողի հետ պե՞տք է կնքվի համաձայնագիր, թե՞ հրամանը բավարար է: Եթե այո՝ խնդրում եմ ուղարկեք ինձ համաձայնագրի ձև:

Արձակուրդի սկիզբ/ավարտ

Հերմինե․

Բարև Ձեզ, խնդրում եմ հուշել՝ արդյո՞ ք կարող է վեցօրյա աշխատանքային շաբաթվա դեպքում աշխատողի արձակուրդը սկսվել/ավարտվել շաբաթ օրով, թե՞ պետք է սկսվի/ավարտվի երկուշաբթիից վինչև ուրբաթ որևէ օրով: Կանխավ՝ շնորհակալություն:

Միկրոձեռնարկատիրության աշխատողին հասնու՞մ է նպաստ և արձակուրդ

Արթուր.

Միկրոձեռնարկատիրության աշխատողին արդյո՞ք հասնում է նպաստ և ամենամյա արձակուրդ: Խնդրում եմ ուղարկել նաև հղում:

Արդյո՞ք հրամանը բավարար է

Հայկ․

Բարև ձեզ: Խնդրում եմ հուշել, եթե աշխատակիցը գտնվում է արձակուրդում, և նրա պարտականությունները այդ ընթացքում դրվում են մեկ այլ աշխատակցի վրա, ապա տնօրենի հրամանը բավարա՞ր է, թե՞ փոխարինող աշխատակցի հետ պետք է ունենալ նաև համաձայնագիր: Նախապես շնորհակալություն։

Նոր պայմանագիր աշխատակցի հետ

Սոֆյա․

Հարգելի հաշվապահներ, աշխատակիցը վերադարձել է երեխայի խնամքից, և այս ընթացքում աշխատանքի վճարման էական փոփոխություններ են տեղի ունեցել: Արդյո՞ք ճիշտ է նոր պայմանագիր կապել աշխատակցի հետ՝ պայմանագրի սկիզբը նշելով խնամքի արձակուրդից վերադառնալու օրը:

Մայրության նպաստ լուծարման դեպքում

Լիանա․

Բարև ձեզ։ Սեպտեմբերի վերջին սկսվում է դեկրետային արձակուրդս, սակայն մինչ այդ կազմակերպությունը լուծարվում է։ Ես պետք է աշխատանքից հեռացման ու նոր ընդունման դիմումներ լրացնեմ։ Ինչպե՞ս է այդ դեպքում հաշվարկվելու մայրության նպաստ և կլինի՞ այն, եթե փաստացի նոր աշխատավայր է դառնում։

Տնօրենը նաև դասընթացավար է

Սոֆյա․

Բարև Ձեզ, հարգելի հաշվապահներ։ ՍՊԸ-ի տնօրենը տվյալ կազմակերպությում կատարում է նաև դասընթացավարի աշխատանք (պայմանագրին կից համաձայնագրով): Նա հոկտեմբերի 01-ին տեղափոխվելու է արտերկիր վերապատրաստման ծրագրով: Սակայն շարունակելու է աշխատել որպես դասընթացավար հեռավար: Իսկ նոյեմբեր ամսին գնալու է մայրության արձակուրդի, բայց շատ հավանակն է, որ այդ ժամանակ դեռ վերադարձած չի լինի: Ի՞նչ անել․

1. Տնօրենի համար ուղարկել ճշտված գրանցամն հայտ և դադարեցում տալ տնօրենի աշխատանքին, սակայն շարունակի մնալ որպես դասընթացավար: Արդյոք կարո՞ղ է նա որոշ ժամանակ հեռավար աշխատել որպես դասընթացավար

2. Նշանակել տնօրենի ժամանակավոր պաշտոնակատար:

3. Պե՞տք է արդյոք զբաղվել տնօրենի մայրության արձակուրդի ձևակերպման հարցերով, եթե արտերկրից մեզ ուղարկվի անաշխատունակության թերթիկ: Կա՞ն արդյոք գումարը վճարելու ժամկետներ այդ մասով, եթե աշխատակիցը հանրապետությունից բացակայում է:

Չվարձատրվող արձակուրդը ներառվու՞մ է ստաժի մեջ

Էլեն․

Բարև ձեզ։ 60 օրյա չվարձատրվող արձակուրդը աշխատանքարին ստաժի մեջ ներառվու՞մ է:

Ուսումնական արձակուրդ

Մանե․

Բարև ձեզ։ Հարցս այսպիսինն է. մասնագիտությամբ բժիշկ եմ, աշխատում եմ պետական բուժ հաստատությունում 0.5 դրույքով։ Իմ ցանկությանբ հաճախում եմ մասնագիտացման դասընթացների, որը տևելու է մեկ տարի։ Իմ և տնօրենի միջև եղել է բանավոր համաձայնություն, որ կարող եմ հաճախել աշխատանքի ըստ իմ հարմարության։ Բայց հաճախ խնդիրներ եմ ունենում փոխտնօրենի հետ։ Ներկայացրել եմ անհրաժեշտ թղթերը՝ մասնագիտացման վայրի և տևողության մասին։ Այժմ ուզում եմ իմանալ՝ ինչպե՞ս անել, որ օրենքով ճիշտ լինի։ Ինձ հասնու՞մ է արդյոք ուսումնական արձակուրդ մեկ տարով, եթե տնօրենի կողմից հատուկ ուղղորդում չի եղել, իսկ իմ մասնագիտացումը ՀՀ-ում է։

Ե՞րբ հաշվարկել նպաստը

Նաիրա․

Բարև ձեզ, հարգելի գործընկերներ, հարցս այսպիսին է. Ուսուցիչը դեռ արձակուրդում է, սակայն այսօրվանից (17.08.2023) բուժհաստատությունից ֆիզարձակուրդի փաստաթուղթ է ներկայացրել 140 օրվա համար։ Արդյո՞ք կարող եմ հաշվարկել արձակուրդի ավարտի օրվանից, այսինքն՝ 25.08.2023-ից հետո, կամ ինչպե՞ս վարվել նման դեպքում։ Նախապես շնորհակալ եմ։

Համատեղությամբ աշխատողի աշխատավարձ

Միլենա․

Բարև Ձեզ։ Խնդրում եմ օգնեք՝ արդյո՞ք համատեղությամբ աշխատողների արձակուրդը կիսվում է (20 աշխատանքային օրից դառնում է 10)։

Փոխարինող աշխատողի ազատում

Անի․

Բարև ձեզ։ Եթե աշխատողը չվճարվող արձակուրդի մեջ է, և նրան փոխարինող է ընդունվել, և պայմանագրում ազատման ժամկետի տեղը նշվել է մինչև առաջին աշխատողի աշխատանքի ներկայանալը, հիմա առաջին աշխատողը առողջացել է և վերադարձել աշխատանքի, հիմա երկրորդ (փոխարինող) աշխատողին օրենքի ո՞ր հոդվածով պետք է ազատել և ազատման հրամանը ինչպես ձևակերպել։

Հավելում վնասակար աշխատանքի համար

Գոհար.

Բարև Ձեզ։

Հարցս էսպիսին է.

մարդը ստանում է հավելում ծանր, վնասակար աշխատանքի համար 30%-ի չափով: Տվյալ ամիս եղել է արձակուրդում և ամսվա մեջ աշխատել է 2 օր: Հավելում պետք է հաշվել նորից ամբողջ հաստիքի չափով, թե՞ աշխատած օրերի համար հասանելիք աշխատավարձի 30%-ի չափով։

Հերթափոխային պահակի արձակուդի վերաբերյալ

Աննա․

Կազմակերպությունը աշխատում է 6-օրյա աշխատանքային շաբաթով և ունի 3 հերթափոխային պահակ՝ 1 աշխատակից գտնվում է իր հերթական ամենամյա արձակուրդում 24 աշխատանքային օր տևողությամբ մինչև հուլիսի 29-ը ներառյալ, խնդրում եմ օգնել՝ հրամանում պետք է նշել աշխատանքի ներկայանա հուլիսի 30-ին (որը կիրակի օր է), թե՞ հուլիսի 31-ին։ Կանխավ շնորհակալություն։

Հարկադիր պարապուրդ

Լուսինե․

Բարև Ձեզ։ Խնդրում եմ օգնեք հասկանալ․ մանկապարտեզի հաշվապահ եմ, 06,05,2022 թ․ ընդունվել եմ աշխատանքի, ես ու իմ նման նոր աշխատողներ ևս 4 հոգի, սակայն օգոստոսի 22-ից մինչ օրս գտնվում ենք հարկադիր պարապուրդում։ Ուզում եմ իմանամ՝ հարկադիր պարապուրդում գտնվելու ամիսների օրերը մտնու՞մ են արձակուրդայինի հաշվարկի մեջ, գիտեմ, որ աշխատավարձը չի մտնում հաշվարկի մեջ։ Շնորհակալություն։