Tag: արտահանում

Կահույքի արտահանում

Քրիստինե․

Բարև բոլորին։ Խնդրում եմ օգնեք։ Կազմակերպությունը իր արտադրած կահույքը վաճառելու է ֆիզիկական անձի, ով գտնվում է Իտալիայում։ Ինչպե՞ս պետք է կազմակերպենք արտահանումը, և ի՞նչ հարկեր ու վճարներ են առաջանալու։

Միկրոձեռնարկատերը գույք է ներմուծել

Հարութ․

Հարգելի հաշվապահներ, խնդրում եմ պատասխանեք հետևյալ հարցերին.

Մարզում գրանցված ԱՁ-ն աշխատում է որպես միկրոձեռնարկատեր։ Ներմուծել է գույք արտահանման նպատակով, բայց մինչ օրս չի արտահանել։

Հարց 1․ Շրջանառության դաշտում աշխատելու դեպքում կարո՞ղ է կատարել վերը նշված գույքի արտահանում և շրջանառության գումարը նվազեցնել ներմուծված գույքի ձեռքբերման գնով, թե՞ պետք է վճարի 5% շրջ. հարկ, քանի իր այդ գույքը ձեռք է բերել միկրոձեռնարկատեր եղած ժամանակահատվածում

Հարց 2. Հարկման ընդհանուր համակարգում աշխատելու դեպքում կարո՞ղ է մաքսային մարմնին վճարված ԱԱՀ-ն դեբետագրել

Գյուղատնտեսական արտադրանքի արտադրություն

Կարեն․

Բաև Ձեզ։ ԱՁ-ն զբաղվում է գյուղատնտեսական արտադրանքի արտադրությամբ, որը արտահանում է։ Կասե՞ք՝ հարկերից ազատվա՞ծ է, թե՞ ոչ։ Օրենքի ո՞ր հոդվածը պետք է կարդամ։

Նկարչական ծառայություններ

Թինա․

Բարև Ձեզ, հարգելի հաշվապահներ։ Ֆիզիկական անձը նկարչական ծառայություններ է մատուցում ՀՀ տարածքից դուրս գտնվող ոչ ռեզիդենտ IT ֆիրմային: Հարցերս հետևյալն են․

1․ Ֆիզ անձի մատուցված ծառայությունները կարո՞ղ են համարվել որպես ստեղծագործական ծառայություններ, և նա կկարողանա աշխատել միկրոձեռնարկատիրության դաշտում

2․ Ֆիզ անձը նախօրո՞ք պիտի ՀՎՀՀ վերցնի 2024թ․ համար և դուրս գրված հաշիվներում այդ ՀՎՀՀ-ն նշի։

Նախապես շնորհակալություն։

ԱՁ-ն զբաղվում է freelance աշխատանքով

Աննա․

Բարի օր։ ԱՁ-ն զբաղվում է freelance աշխատանքով, ծառայություններն արտահանում է (0 – ական ԱԱՀ): Աշխատում է տարվա մեջ ընդամենը մի քանի ամիս, այդ պատճառով է ընդհանուր հարկման համակարգում:

Հնարավո՞ր է արդյոք ծառայությունն որպես արտահանված ձևակերպել, եթե վճարողն արտասահմանում օրինական բնակվող ՀՀ քաղաքացի լինի: Ծառայությունն օգտագործվելու է ՀՀ-ից դուրս փոքր նորաստեղծ ընկերության կողմից:

ԱԱՀ վերադարձ արտահանման ժամանակ

Լիլիթ․

Բարև Ձեզ, հարգելի հաշվապահներ։ Հարցս հետևյալն է՝ եթե ընկերությունը, որն աշխատում է ընդհանուր հարկման դաշտում, զբաղվում է ապրանքների ներմուծմամբ, որոնց ներմուծման ժամանակ առաջացել է ԱԱՀ, և այդ նույն ապրանքները արտահանում է Ռուսաստան արդյո՞ք այդ ԱԱՀ կարող է դիմումի համաձայն հետ ստանալ։

ԱՁ գործելու է ՏՏ ոլորտում

Գուրգեն․

Բարև ձեզ։ Ցանկանում եմ բացել ԱՁ, մատուցելու եմ ՏՏ ծառայություններ արտերկրում գտնվող ֆիզանձանց և ընկերությունների համար: Դիմելու եմ ՏՏ հավաստագիր ստանալու համար, և հաստատվելու դեպքում կազատվեմ շահութահարկից, և քանի որ միայն արտերկրի համար եմ աշխատելու, ԱԱՀ-ն 0% կլինի:

Գործելու է կայք, որի միջոցով պատվիրելու են ծառայությունը և վճարելու են քարտով՝ ԱՄՆ դոլար արժույթով, որը նստելու է ԱՁ-ի դոլարային հաշվին և ավտոմատ փոխարկվի դրամի՝ բանկի տվյալ պահի փոխարժեքով և փոխանցվի դրամային հաշվին:

Մի քանի հարց ունեմ.

1. Ի՞նչ հաշվետվություններ և ի՞նչ պարբերականությամբ պետք է ներկայացնեմ ՊԵԿ
2. Արդյո՞ք պետք է հաշիվ դուրս գրեմ ամեն պատվերի համար: Եթե այո, ապա հաճախորդի ի՞նչ տվյալներ են հարկավոր դրա համար
3. Հաշվետվություններում ո՞ր փոխարժեքը պետք է հաշվի առնեմ՝ բանկի՞, թե՞ ԿԲ-ի
4. Կարո՞ղ եմ գումարը ստանալուց հետո միանգամից փոխանցել իմ անձնական հաշվին

Ավտոմեքենաների ներմուծում

Անի․

Ողջույն բոլորին։

ՍՊԸ-ն ներմուծում է ավտոմեքենաներ ԱՄՆ-ից, բացի ՌԴ արտահանելուց նաև վաճառելու է ՀՀ ում ֆիզ․ անձի։ 1-ին մեքենայի համար ներմուծման ժամանակ չի վճարվել բնապահպանական հարկ, 2-րդի համար վճարվել է։

1․ Հարկային հաշիվ դուրս գրելուց պե՞տք է բնապահպանական հարկ հաշվարկեմ և ինչպե՞ս։

2․ Այն մեքենայի համար, որի ներմուծման ժամանակ չի հաշվարկվել բնապահպանական հարկ, հարկային հաշվի մեջ պե՞տք է հաշվել բնապահպանակ հարկ։

3․ Բնապահպանական հարկի եռամսյակային հաշվետվություն պե՞տք է ներկայացնել։

Շնորհակալ կլինեմ պատասխաններիի համար։

Մեքենաների ներմուծում և արտահանում

Բագրատ․

Բարև բոլորին։ Ընկերությունը զբաղվում է մեքենաների ներմուծմամբ և վաճառքով, նաև արտահանում է դեպի ՌԴ (վաճառում է ֆիզ անձի)։ Ներկա պահին կարո՞ղ է արդյոք ետ ստանալ ԱԱՀ-ն, և եթե ոչ՝ կներկայացնե՞ք այն հոդվածը, որով արգելվում է։

Արտահանման հաշիվ

Գայանե․

Բարև Ձեզ, խնդրում եմ օգնեք, քանի որ առաջին անգամ եմ արտահանում կատարում: Արտահանում ենք մեր արտադրանքը ԱՄՆ: Պե՞տք է գրեմ հաշիվ վավերագիր, եթե այո, ինչպե՞ս եմ լրացնում, նշել եմ ՀՎՀՀ պարտադիր չէ, բայց առաքման հասցե է ուզում, ինչպե՞ս անեմ։

Բեռնատար մեքենայի ներմուծում և արտահանում

Արմեն․

ԱԱՀ-ով աշխատող կազմակերպությունը բեռնատար մեքենա է ներմուծել Վրաստանից, որի համար ներմուծման ժամանակ գործում է արտոնություն, ներմուծման ԱԱՀ չի առաջանում, վճարվում է միայն մաքսատուրք 10 %: Հարցը հետևյալն է․ եթե կազմակերպությունը արտահանում է այդ բեռնատար մեքենան ՌԴ, ապա արդյո՞ք այդ դեպքում գործում է ԱԱՀ զրոյական դրույքաչափը, և առաջանում է միայն շահութահարկ ձեռքբերման գնի և վաճառքի գնի տարբերության մասով։ Առհասարակ, ի՞նչ նրբություններ կան այս հարցի հետ կապված։ Շնորհակալություն։

Շրջանառության հարկի նվազեցումներ

Լիլիթ.

Բարև ձեզ։ Շրջանառության հարկով աշխատող ընկերությունը ձեռք է բերել բժշկական սարքավորումներ ՀՀ-ում գործող ներմուծող ընկերությունից, ու արտահանում, իրացնում է ոչ ռեզիդենտ կազմակերպության: Շրջհարկի ի՞նչ նվազեցումներ են կատարվելու։

Գործունեություն Wildberries հարթակում

Գայանե․

Բարև Ձեզ։ Ես հարց ունեմ Wildberries-ի հետ կապված։

Wildberries-ում վաճառք է կատարվում, պատվերները արվում են և՛ արտերկրից, և՛ ՀՀ-ից։ Ապրանքները տրվում են լոգիստիկ կազմակերպության, և այդ կազմակերպությունն էլ պատվերները հասցնում է պատվիրատուներին։ Հարցս հետևյալն է՝ դա ձևակերպվում է որպես վաճառք և պետք է հաշիվ գրել e-invoicing համակարգով, թե՞ արտահանում ձևակերպել։

Վաճառք Wildberries հարթակում

Եվա․

Վայլդբերիզում վաճառք իրականացնող ԱՁ-ի հաշվառում վարող հաշվապահներ կա՞ն։ Կասե՞ք՝ արտահանող հենց ԱՁ-ն է համարվում։ Հայտարարագիր պե՞տք է ներկայացնի։

Հումքի վերամշակում

Նորայր․

Բարև Ձեզ։ ԱԱՀ-ով աշխատող կազմակերպությունը Ռուսական կազմակերպությունից ձեռք է բերում հումք, որպեսզի որոշակի աշխատանքներ կատարի այդ հումքի վրա և նորից որպես կիսաֆաբրիկատ հետ ուղարկի Ռուսական այդ նույն ընկերությանը։ Այս դեպքում ի՞նչ հաշվետվությունների կարիք է առաջանում։

Արտահանում ԵՏՄ

Կարինե․

Կազմակերպությունը ապրանք է արտահանել ԵՏՄ, արդյո՞ք բացի հայտարարագրից պետք է դուրս գրի հաշիվ վավերագիր, և ԱԱՀ-ի հաշվետվության մեջ ցույց տրվու՞մ է։

Ներմուծման և արտահանման ձևակերպումներ

Լիլիթ․

Բարև ձեզ։ Ցանկանում եմ սովորել ներմուծում և արտահանում ձևակերպել՝ սկսած անհրաժեշտ փաստաթղթերի ցանկից: Որտեղի՞ց սկսեմ, կա՞ն նյութեր հասանելի ներկայացված: Շնորհակալ կլինեմ, եթե ուղղություն ցույց տաք:

Կամ գուցե կա՞ն արդյունավետ դասընթացներ:

ԱԱՀ վերադարձ

Շուշանիկ․

Բարև ձեզ, հարգելի գործընկերներ, խնդրում եմ պատասխանել մի հարցի: Ընկերությունը զբաղվում է ներմուծմաբ՝ ներմուծում է ապրանքը Հայաստան և այնուհետև անմիջապես արտահանում ՌԴ, որի արդյունքում մնում է ԱԱՀ գերավճար ՀՀ տարածքում: Կարո՞ղ ենք այդ գերավճարը հետ վերադարցնել: Կանխավ շնորհակալ եմ։

Ավտոմեքենաների ներմուծում և արտահանում

Նիկա․

Հարգելի կոլեգաներ, ՍՊԸ զբաղվում է ավտոմեքենաների ներկրմամբ 3-րդ երկրներից և վաճառում ՌԴ։ Ո՞վ ինձ կօգնի կատարել համապատասխան ձևակերպումներ՝ առաջին անգամ եմ անելու այդ ներմուծումը։

ԵՏՄ վիճակագրական հաշվետվություն

Անահիտ․

Հարգելի հաշվապահներ, ԵՏՄ-ից ներմուծման և արտահանման վիճակագրական հաշվետվությունները կարողանու՞մ եք հանձնել Արտաքին առևտրի Ազգային մեկ պատուհան կայքից։

ԱԱՀ դեբետային գումարի վերադարձ

Տիգրան․

Հարգելի հաշվապահներ, խնդրում եմ հայտնել Ձեր կարծիքը հետևյալ հարցի վերաբերյալ: ՏՏ ոլորտում գործող ՀՀ կազմակերպությունը, ով գործում է հարկման ընդհանուր համակարգում և ունի ՏՏ ոլորտի հավաստագիր, ծառայություններ է մատուցում օտարերկրյա կազմակերպություններին և, քանի որ ՀՀ-ից դուրս է ծառայության մատուցումը, ԱԱՀ-ի զրոյական դրույքաչափ է կիրառվում: Միաժամանակ կազմակերպությունը ՀՀ-ում տարածքի վարձակալությունից վարձակալան վճար է վճարում ՀՀ ռեզիդենտ ԱԱՀ վճարող հանդիսացող կազմակերպությանը և ներկայումս կուտակել է ԱԱՀ-ի դեբետ: Հարցս հետևյալն է՝ արդյո՞ք հնարավոր է կուտակված ԱԱՀ-ի դեբետը հետ ստանալ և եթե հնարավոր է՝ ի՞նչ կարգով է դա լինելու։

Շրջհարկի նվազեցումներ

Կարեն․

Բարև Ձեզ։ Շրջանառության հարկով աշխատող ԱՁ-ն գնել է 5 000 000 դրամի սարքավորում ֆիզ․ անձից, որից հետո այդ սարքավորումը արտահանել է։ 10 տոկոսը որպես գույքից եկամուտ ֆիզ․ անձի փոխարեն եկամտային հարկ ԱՁ-ն վճարել է։ Կարո՞ղ է այդ 5 000 000 դրամի 4 տոկոսը շրջհարկից ծախս ճանաչել։

How to get a VAT refund?

Paloma.

Good evening,

I’d be grateful if you could answer to my below questions:

1. If my company is buying Armenian products with VAT from Armenian company and when my company exports those products, how is the procedure to ask the VAT back (which I have paid)?

2. How long it will take to get the VAT back?

Thanks.

Արդյո՞ք ԱԱՀ դրույքաչափը զրոյական է

Տիգրան․

Բարև ձեզ: ԱՁ եմ, աշխատում եմ ՏՏ ոլորտում, մատուցում եմ ծրագրային ապահովում և մշակում ոչ Հայաստանում գտնվող կազմակերպությանը։ Մինչև 2023թ․ աշխատել եմ շրջանառության հարկով։ Չեմ իմացել, որ օրենքով սահմանված ժամկետներում պետք է ներկայացնեի հաշվետվություն, որպեսզի շարունակեմ շրջանառության հարկով հարկվելը։ Հիմա հարկվում եմ ԱԱՀ–ով։ Հարց․ իմ պարագայում ես ընկնու՞մ եմ ԱԱՀ-ի 0-ական դրույքաչափով հարկվող դաշտում, թե՞ ոչ՝ ըստ Օրենսգրքի 65-րդ հոդվածի 2 մասի 11-րդ կետի։ Շնորհակալություն։

Հագուստի արտադրություն և արտահանում

Նարեկ․

Հարգելի հաշվապահաներ, ո՞վ կուղղորդի․ կազմակերպությունը զբաղվում է հագուստի արտադրությամբ և ուզում է արտադրված հագուստը արտահանել։ Կասե՞ք խնդրեմ՝ արտահանման համար ի՞նչ փաստաթղթեր պետք է ունենա կազմակերպությունը, որպեսզի սահմանին ցույց տա, որ հայկական արտադրության է հագուստը, և ի՞նչ տեղեկություններ պետք է պարունակվի հագուստի պիտակի վրա (QR, made in Armenia և այլն)։

Wildberries գործունեության վերաբերյալ

Անի․

Բարև Ձեզ, հարգելիներս։ Խնդրում եմ օգնել Wildberries-ում վաճառողի հաշվառման հարցերում։ ԱՁ–ն դեռ չի բացվել, պլանավորում է իրականացնել օնլայն վաճառք Wildberries–ում։

1) Այս դեպքում վաճառողը ԱԱՀ, թե՞ շրջհարկի հայտ պիտի տա (կարո՞ղ եք օրենսգրքից հղում տալ):

2) Ամեն վաճառքից հետո e-invoicing-ով մատակարարի անունից պիտի՞ հաշիվ գրենք ֆիզ անձի անունով

3) Եթե վաճառքները (օնլայն գնորդները) նաև ՌԴ–ում են լիելու, ապա դա դիտարկվելու՞ է որպես արտահանում

4) Իսկ ինչու՞ պետք է հաշիվ գրենք Wildberries–ին (ինչպես նշված էր բազմաթիվ մեկանաբանությունում)։

5) Wildberries-ից առանձին թղթային հաշիվներ ստանալու դեպքում պե՞տք է գրվի ինքնահաշիվներ

Այս հարցում փորձառու ընկերներ Խնդրում եմ օգնեք։

Գլխավոր հաշվապահի աշխատավարձ

Աշոտ․

Ողջույն, հարգելի հաշվապահներ։ Ներմուծում և արտադրության գործունեություն իրականացնող, իրացման 5 մլրդ շրջանառություն ունեցող ֆիրմայի գլխավոր հաշվապահի աշխատավարձը ի՞նչ սահմաններում է տատանվում։

Արտահանված ապրանքի վերադարձ

Քրիստինե․

Խնդրում եմ օգնել հետևյալ հարցում՝ կազմակերպությունը փետրվարի 7-ին կատարել է արտահանում, պատվիրատուն ապրանքը ընդունել է, հետո հայտնաբերել է թերություններ և մարտի 10-ին հետ է ուղարկել: Հարցս հետևյալն է՝ կատարոել է արտահանում և պետք է 0-ական հարկով թիվը լրացնել ԱԱՀ-ի փետրվարի հաշվետվության մե՞ջ, և հետ վերադարձը որպես ներմուծում մարտ ամսվա հաշվետվության մե՞ջ, թե՞ ուրիշ բան էլ պետք է արվի (ներմուծման ժամանակ մաքսային վճարներ չեն եղել):

Экспорт мебельной продукции

Давид.

Здравствуйте! Пишу на русском, но можно отвечать на армянском:

1. Какие сертификаты нужны для экспорта мебельной продукции из Армении в Германию?

2. Есть ли компании, которые занимаются помощью в сборе документов и подаче заявлений на получение таких лицензий? Если да – то прошу обозначить какие. Спасибо!

Ծառայությունների արտահանում

Աննա․

Ողջույն, հարգելի հաշվապահներ։ Ա/Ձ-ն աշխատում է ընդհանուր հարկման դաշտում, ծառայություններն արտահանում է (0-ական ԱԱՀ) և պետք է դուրս գրի հաշիվ վավերագիր: Եթե ճիշտ եմ հասկանում՝ հաշիվ վավերագիրն դուրս է գրվում ծառայության մատուցումն ավարտելուց, իսկ հարկերն պետք է հաշվել վավերագիրն դուրս գրելու ԿԲ օրվա փոխարժեքով:

Հարցերս հետևյալն են․

1) Կարելի՞ է հաշիվ վավերագիր դուրս գրել նախորդ ամիսների ծառայությունների համար, եթե վարձատրությունն խմբավորված են փոխանցելու

2) Պե՞տք է մանրամասնել հենց որ ամիսների աշխատանքի համար է, թե՞ բավար է պարզապես նշել ծառայության տեսակն ու գումարի չափն

3) ԱԱՀ հաշվետվությունը ներկայացնելուց փաստաթուղթն դուրս է գրելու՞ օրն է էական, թե՞ գումարն հաշվին նստելու: Օրինակ, եթե հաշիվ վավերագիրն դուրս գրվի ամսվա վերջում, սակայն գումարն հաշվին նստի հաջորդ ամիս:

Արտահանում ՌԴ

Լուսինե․

Բարև ձեզ։ Կազմակերպությունը Թուրքմենստանից ձեռք է բերել ապրանք և արտահանել Ռուսաստան այլ գնով։

Մատակարարման վայրը ՌԴ է։

1․ Այս դեպքում լրացվու՞մ է արդյոք ԵՏՄ հայտարարագիր արտահանման համար։

2․ Տարբերությունը արդյո՞ք արտացոլվում է ԱԱՀ-ի և ակցիզային հարկի միասնական հաշվարկում։

Ներմուծում և արտահանում

Արև․

Հարգելի հաշվապահներ, ընկերությունը 2020թ․ շինարարական ապրանքներ է ներմուծել ՌԴ-ից և 2023թ․ ցանկանում է արտահանել Վրաստան։ Ինչպիսի՞ փաստաթղթեր է անհրաժեշտ պատրաստել։

ԱԱՀ վերադարձ արտահանման դեպքում

Նարինե․

Բարև ձեզ։ ԱԱՀ վճարող, տնտեսական, խոհանոցային, պլաստմասե տարաներ արտադրող կազմակերպությունը ցանկանում է ապրանք արտահանել երրորդ երկիր։ Ինչպե՞ս կարող եմ իմանալ՝ կարո՞ղ եմ ԱԱՀ ետ ստանալ։ Ի՞նչ չափանիշերի պետք է համապատասխանի։ 71 և 72 հոդվածները կարդացել եմ, սակայն կուզեմ փաստացի արտահանող կազմակերպության հաշվապահից իմանալ առավել մանրամասն, ով փորձ ունի տվյալ դաշտում, կանխավ շնորհակալություն։

Ապրանքանիշի ներմուծում

Լիլիթ․

Բարև ձեզ, օգնեք խնդրում եմ․ եթե ՌԴ-ից առանց կրիչի՝ մեիլով ապրանքանիշ ենք ներմուծելու Հայաստան և արտահանելու ենք էլի օնլայն ԵԱՏՄ երկրներ, հարցս այն է, որ իմ մոտ կառաջանա՞ արդյոք ոչ ռեզիդենտի շահութահարկ, և երկրորդ հարցս՝ արդյո՞ք այս պարագայում ներմուծելուց 20 % ԱԱՀ և արտահանելուց 0%, ես ճի՞շտ եմ հասկանում։

Էլեկտրական ավտոմեքենաների ներմուծում

Նարինե․

Բարև ձեզ։

ՀՀ-ում գրանցված կազմակերպությունը, որի հիմնադիր տնօրենը ՌԴ քաղաքացի է, ցանկանում է 3-րդ երկրից ներմուծել էլեկտրական շարժիչներով տրանսպորտային միջոցներ։ Ի՞նչ արտոնություններ ունի կազմակերպությունը, և արդյո՞ք կարող է արտահանել այդ տրանսպորտային միջոցները, թե՞ միայն ՀՀ-ում կարող է վաճառել։

Ավտոմեքենաների ներմուծում և արտահանում

Արա․

Բարև Ձեզ։ Հիմնադրելու ենք ՍՊԸ, որը աշխատելու է ավելացված արժեքի հարկով։ Երրորդ երկրից ներմուծելու ենք ավտոմեքենա՝ վճարելով մաքսատուրք և ավելացված արժեքի հարկ, որը վաճառելու ենք Ռուսաստանի դաշնությանը։ Խնդրում եմ ասեք, թե ինչպես պիտի արտահանելու դեպքում վերադարձնենք վճարված ավելացված արժեքի հարկը։

Արտահանման հարկային հայտարարագիր

Տիրուհի․

Բարև Ձեզ։ ԵՏՄ արտահանման դեպքում արտահանման հարկային հայտարարագիրը ի՞նչ ժամկետներում է պետք ներկայացնե՞լ։ Իսկ trade gov վիճակագրական հաշվետվությու՞նը։ Կանխավ շնորհակալ եմ։

Մեքենաների ներմուծում և վաճառք

Արմինե․

Բարև Ձեզ հարգելիներս, ՌԴ քաղաքացին (ոչ ռեզիդենտ) ցանկանում է ՀՀ-ում ՍՊԸ բացել, որպեսզի ԱՄՆ-ից մեքենաներ ներմուծի ՀՀ և արտահանի ՌԴ: Հայաստանում ոչ մի վաճառք չի իրականացնելու: Կասե՞ք, թե ինչ կարգով դա պետք կազմակերպվի, և դրույքաչափերը: Կանխավ շնորհակալ եմ։

Հաշիվ վավերագրի դուրս գրում

Աննա․

Հարգելի հաշվապահներ, հաշիվ վավերագիր լրացնելուց ինչպե՞ս պետք է լրացնել «Պայմանագիր» բաժինը:

1) Կնքման ամսաթիվն ինչո՞վ է մատակարարման ամսաթվից տարբերվում: Կարելի՞ է նույն բանն լրացնել ծառայություն արտահանելու դեպքում, ասենք գումարն հաշվին նստելու օրն:

2) Ի՞նչ տրամաբանությանբ պետք է կազմել պայմանագրի համարները:

ԱԱՀ պարտավորություն

Գագիկ․

Բարև ձեզ, հարգելի հաշվապահներ։ ԱԱՀ վճարող ընկերությունը երրորդ երկրից ներմուծելու է ապրանք (էլեկտրոնային տեխնիկա` պայմանական 100 000 դրամի), ՀՀ-ում կատարելու է որոշակի ծախսեր (մաքսազերծում, բրոկեր, տեղափոխում, պահպանում, փաթեթավորում և այլն` պայմանական 30 000 դրամի), և գործընկերոջը վաճառելու նպատակով արտահանի ԵՏՄ երկիր (պայմանական 160 000 դրամի): Ո՞ր փուլում և ո՞ր մասով է առաջանում ԱԱՀ վճարելու պարտավորություն: Կանխավ շնորհակալ եմ:

Ապրանքի արտահանում

Քնարիկ․

Հարգելիներս, խնդրեմ ասեք, ապրանքի (օգտագործված տրակտորի մասեր) արտահանելու համար ТН ВЭД կոդերը որտեղի՞ց պետք է ստանալ։ Արդյո՞ք հաշվապահը որևէ թուղթ պետք է ներկայացնի մաքսային կամ ՊԵԿ։

Ծառայությունների արտահանում

Աննա․

Բարև Ձեզ, հարգելի հաշվապահներ: Նորաստեղծ ԱՁ-ն զբաղվելու է freelance-ով, այսինքն՝ ծառայություններն արտահանելու է: Զրոյական ԱԱՀ-ն ինչպե՞ս պետք է արտացոլել ամսական ԱԱՀ հաշվետվությունում: Պե՞տք է արդյոք այս դեպքում հարկային հաշիվ դուրս գրել:

Արտահանում ԵՏՄ

Աննա․

ԵՏՄ արտահանելու համար ի՞նչ ընթացակարգ է, եթե կարելի մանրամասն: Շրջանառության հարկով է աշխատում ընկերությունը:

1.Արտահանելուց գրվու՞մ է հաշիվ, որի գումարը պետք է արտացոլվի շրջհարկի հաշվետվության մեջ

2. Պայմանագիրը միայն ռուսերեն լեզվով խնդիր չի՞ առաջացնի արտահանելուց

3. Մինչ արտահանելը պե՞տք է գրություն ուղարկել ՊԵԿ։ Եվ եթե այո, կա՞ ինչ-որ ձև, կարո՞ղ եք տրամադրել

Արտահանում ՌԴ

Գևորգ.

Բարև Ձեզ, հարգելի հաշվապահներ։ Խնդրում եմ հարցիս պատասխանեք : ՍՊ ընկերությունը զբաղվում է շորերի արտադրությամբ, աշխատում է շրջանառության հարկի դաշտում։ Ուզում ենք արտահանել Մոսկվա, այս դեպքում ի՞նչ հարկային պարտավորություններ են առաջանում և ի՞նչ փաստաթղթավում է անհրաժեշտ: Նախապես շնորհակալություն։

Քարերի մշակման և արտահանման հարկեր

Բարև ձեզ։ Ինձ հետաքրքրում է Ռուսաստանի դաշնությունում պայմանագիր կնքելու դեպքում որպես Ա/Ձ, կիսաթանկարժեք քարեր և այլն մշակելու և արտահանելու դեպքում ի՞նչ պայմաններով է գործելու հարկային դաշտը։

Ծրագրի արտահանում

Անահիտ․

Բարև ձեզ հարգելի հաշվապահներ։ ԱԱՀ-ով աշխատող ընկերությունը դեպի Ռուսաստան ծրագիր է վաճառել (արտահանել) ֆիզ անձին, քանի որ այն իրականացվել է էլեկտրոնային եղանակով, հայտարարագիր չկա, միայն հաշիվ ապրանքագիր և պայմանագիր է կազմվել։
Հարցս հետևյալն է՝
1․ Արտահանման հայտարարգիրը կազմելու համար որպես արտահանման ամսաթիվ ո՞րը կարող եմ հիմք ընդունել
2․ արդյո՞ք այդ փաստաթղթերը բավարար են արտահանում ձևակերպելու համար
3․ և եթե այդ ֆիզ անձը հարկեր չի վճարելու, առանց իր հարկերի վճարման ծանուցումը մեզ ուղարկելու, ես կարո՞ղ եմ այն ամեն դեպքում ձևակերպել որպես 0% դրույքաչափով հարկվող գործարք

Եթե արտահանումը կատարվել է էլեկտրոնային եղանակով, ծրագրային ապահովում է, այդ դեպքում ինչպես պետք է ձևակերպել արտահանումը և լրացնել հայտարարագիրը արտահանման, եթե չկա ապրանքային հայտարարագիր կամ ավիաբեռնագիր։

Ներմուծում և արտահանում

Կարինե.

Բարև Ձեզ, հարգելի կոլեգաներ։
ՀՀ ռեզիդենտ ՍՊԸ-ն ապրանքներ է գնել 3-րդ երկրից և միանգամից ուղարկել ՌԴ՝ վաճառելով ռուսական ընկերությանը: Ապրանքը Հայաստան մուտք չի գործել: Խնդրում եմ հուշել՝ ի՞նչ հարկային պարտավորություններ է ունենալու ՀՀ ընկերությունը, արդյո՞ք ներմուծում և արտահանում է համարվելու:

Արտահանում ԵԱՏՄ

Նատա.

Բարև ձեզ: ԵՏՄ-ին ապրանքների արտահանում: Ցանկանում եմ իմանալ հերթական քայլերը, հաշվետվությունները, վճարումները: Կանխավ շնորհակալ եմ:

Ներմուծում 3-րդ երկրից

Քրիստինա.

Ներմուծել են 3-րդ երկրից մեքենա ՀՀ և պետք է արտահանվի ԵՏՄ, հարկերը կլինի 0, իսկ պե՞տք է դուրս գրվի հաշիվ ապրանքագիր։ Կազմակերպությունն աշխատում է շրջ․հարկով։