Tag: գործուղում

ՍՊԸ հիմնադիրների գործուղում

Վահե․

Բարև ձեզ։ Կասե՞ք խնդրում եմ՝ ՍՊԸ-ի հիմնադիրները կարո՞ղ են արդյոք մեկնել գործուղման և ծախսերը կարո՞ղ են ծախսագրվել։

Օրապահիկ և գիշերավարձ

Մարինե Բաղիրյան․

Բարև Ձեզ: Խնդրում եմ տրամադրել գործուղման ծախսերի՝ օրապահիկի և գիշերավարձի, թույլատրելի սահմանաչափերի ցանկը վերջին փոփոխությամբ: Շնորհակալ եմ:

Օրապահիկի ձևակերպում

Անահիտ․

Բարև Ձեզ: Խնդրում եմ օգնել տալ հաշվապահական ձևակերպում: Աշխատակցին օրապահիկի գումար է փոխանցվել: Ինչպիսի՞ հաշվապահական ձևապերպում պետք է տալ։ Փոխանցված գումարը ո՞ր հաշվով ձևակերպեմ։

Գործուղում համատեղությամբ աշխատելու դեպքում

Սաթենիկ․

Բարև Ձեզ։ Հարցս այսպիսին է․ եթե անձը համատեղությամբ է աշխատում, և նրա հիմնական աշխատատեղից տրամադրում եմ գործուղման մասին տեղեկանք, ապա մյուս աշխատավայրում դա կարո՞ղ են համարել հարգելի բացակա, և եթե, այո՛, ապա աշխատանքային օրենսգրքի ո՞ր հոդվածով է դա սահմանվում:

Գործուղման ձևակերպում

Արմեն․

Աշխատակիցը մեկնում է արտերկիր՝ մասնակցելու կոնֆերանսի զեկուցման համար, որը տևելու է մեկ օր։ Վերադարձի տոմսը կոնֆերանսից հետո 4 օր հետո է։ Ինչպե՞ս ձևակերպել գործուղումը։ Քանի՞ օրն է հնարավոր ձևակերպել որպես գործուղում։

Օրապահիկի վերաբերյալ

Արմեն․

Ողջույն։ Օրապահիկի հստակ սահմանում կա՞, կոնկրետ ի՞նչ ծախսերի համար է։

Կխնդրեմ նաև ասել, եթե․

– գործուղվողը օրապահիկի ծախսերի փաստաթղթավորման պարտավորություն ունի՞
– օրապահիկն արդյո՞ք գործուղվողի համար օրինական եկամուտ է, եթե փաստացի ծախսել է ավելի քիչ, քան ստացել է

Գործուղման փաստաթղթեր

Քրիստինե․

Բարև Ձեզ։

ՀՀ տարածքում գործուղման մեկնելու համար հաշվապահին ի՞նչ փաստաթեթեր է պետք պատրաստել։

Գործուղման վերաբերյալ

Լուսինե․

Բարև Ձեզ, հարցս գործուղման մեկնելուն է վերաբերվում։ Գործուղման մեկնելու և այնտեղից վերադառնալու ժամանակահատվածը գերազանցում է իմ աշխատաժամանակը ( աշխատում եմ 9-ից 6-ը, բայց մեկնում եմ 7-ին և վերադառնում 10-ին): Խնդրում նշեք՝ կա՞ արդյոք օրինական հիմք հավելավճար ստանալու։

Երկրից դուրս մեկնել եմ գործուղման, վերադարձել առավոտյան 5-ին, նույն օրը 9-ին խնդրել են ներկայանալ աշխատանքի, իմ վերադարձի օրն արդյո՞ք չի համարվելու գործուղման վերջին օր։

Ավիատոմսի ձեռքբերում

Հերմինե․

Բարև Ձեզ, խնդրում եմ պատասխանել մի քանի հարցի․

1․ Եթե գործուղվող աշխատակիցը ձեռք է բերել ավիատոմս, որի համար հաշիվ չի գրվել կազմակերպությանը, գումարը ենթակա՞ է շահութահարկից նվազեցման

2․ Եվ, եթե կազմակերպությունը օնլայն ավիատոմս է պատվիրում ոչ ռեզիդենտից և ինվոյս է վերցնում, գումարը ենթակա՞ է ոչ ռեզիդենտի շահութահարկով հարկման և շահութահարկից նվազեցման

Գործուղման փաստաթղթեր

Էլինա․

Հարգելի հաշվապահներ, եթե օտարերկրյա գործուղման մկնելու համար աշխատողին վճարվել է օրապահիկ (գիշերավարձը վճարել է կազմակերպությունը հաշվարկային հաշվից անմիջապես հյուրանոցին) ՝ սահմանված չափը չգերաանցող գումար, արդյո՞ք անհրաժեշտ են փաստացի կատարված ծախսերի հաշվետվությունը, գործուղման ծախսերը հաստատող փաստաթղթերը։

Նշված փասաթղթերի բացակայության դեպքում արդյո՞ք չի նվազեցվի օրապահիկի ծախսը շահութահարկի հաշվարկում։ Չէ՞ որ ՀՕ 111 Հոդվածը ասում է « 2. Անկախ սույն հոդվածի 1-ին մասի դրույթներից` ռեզիդենտ շահութահարկ վճարողի և մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողի հարկման բազան որոշելիս թույլատրվում է առանց փաստաթղթերով հիմնավորման համախառն եկամտից նվազեցնել Օրենսգրքի 117-րդ հոդվածով սահմանված չափը չգերազանցող օրապահիկի, ինչպես նաև դաշտային պայմաններում և տեղափոխման (տեղաշարժման) աշխատանքների կատարման դեպքում` Կառավարության սահմանած չափը չգերազանցող չափով տրվող հատուցման գումարները:»

Ի՞նչ խնդիրներ եմ կարող ունենալ փաստացի կատարված ծախսերի հաշվետվություն և գործուղման ծախսերը հաստատող փաստաթղթեր չունենալու դեպքում։

Կանխավ շնորհակալ եմ։

Գործուղման փաստաթղթավորում

Lucy.

Եթե գործուղման ծասերը հաշվարկվում են Կառավարության սահմանած չափը չգերազանցող օրապահիկի չափով, ապա արդյո՞ք պարտադիր է գործուղման հրամանների, գործուղման վակայականների և գործուղման ծախսերի հաշվետվությունների կազմումը։

Գործուղման ծախսերի նվազեցում

Արուսյակ․

Շրջանառության հարկով աշխատող կազմակերպությունը կարո՞ղ է նվազեցնել տնօրենի գործուղման ծախսերը։

Եկամտային հարկ օրապահիկից

Կարեն․

Բարև Ձեզ։ Քաղաքացիաիրավական և աշխատանքային պայմանագրով աշխատողների համար օրապահիկ վճարելիս եկամտային հարկ առաջանո՞ւմ է։ Եթե այո, ո՞ր տողում ենք նշելու հաշվետվության մեջ։

Գործուղման ծախսեր

Նարեկ․

Հարգելի հաշվապահներ, հարցս հետևյալն է՝ կազմակերպության աշխատակիցը կազմակերպությանը պատկանող մեքենայով գործուղվել է ՌԴ, ճանապարհի և մնացած բոլոր ծախսերը կատարել է իր գրպանից, վերադառնալուց ներակայացրել է սնունդի և վառելիքի ծախսերը հիմնավորող ՀԴՄ կտրոններ։

2335-Ն որոշումը ուսումնասիրել եմ, կխնդրեմ ուղղորդել՝ ինչպե՞ս կատարեմ ծախսերի փոխհատուցումը, ի՞նչ փաստաթղթեր են անհրաժեշտ պատրաստել բացի գործուղման հրամանից։

Նշեմ նաև, որ ծախսերը կատարվել են ռուբլով, իսկ հյուրանոցի գիշերավարձը հիմնավորող փաստաթղթեր առկա չեն։

Գործուղման ծախսեր

Հայկուհի․

Բարև Ձեզ, խնդրում եմ պատասխանեք հետևյալ հարցին. Կազմակերպության աշխատակիցը մեկնել է գործուղման, հյուրանոցի համար վճարել է կազմակերպության քարտով, գումարը գերազանցում է մեկ անձի համար նախատեսված սահմանաչափը: Բացի այն , որ ավել մասը ենթակա չէ շահութահարկի հարկման բազայից նվազեցման, նաև հարկում ենք եկամտային հարկո՞վ: Հյուրանոցի ինվոյսը ունենք:

Գործուղման ծախսերի հաշվարկ

Սոֆյա․

Հարգելի գործընկեր, խնդրում եմ օգնել հաշվարկել աշխատակցի գործուղման ծախսերը։

Կազմակերպության աշխատակիցը գործուղվում է 3 գիշեր և 4 օր ՌԴ, Յարոսլավլ։ Արդյո՞ք ճիշտ եմ հաշվարկել․

1. մեկ օրվա օրապահիկի և գիշերավարձի ծախսերի ընդհանուր չափը կազմում է (41+67)-15%= 91.8=92 USD

2. մեկ օրվա գիշերավարձի ծախս կազմում է 67-15%=56.95=57 USD 3 գիշերվա համար կկազմի 3*57=171 USD

3. մեկ օրվա օրապահիկի ծախսը կազմում է 92-57=35 USD

4. 4 օրվա համար կկազմի 4*35=140 USD

Կանխավ շնորհակալ եմ։

Գործուղման ժամանակ ծախսի հիմնավորում

Կարապետ․

Հարգելի հաշվապահներ, խնդրում եմ օգնեք՝ եթե աշխատակիցը մեկնել է գործուղման և արտերկրում ձեռք է բերել բջջային քարտ, պարտադի՞ր է ծախս ձևակերպելու համար ներկայացնի վճարման կտրոնը և հաշիվը, թե՞ միայն վճարման կտրոնը բավական է:

Подтверждение суточных расходов

Екатерина.

Добрый день! Сотрудник летит в РФ. Согласно Постановлению, суточные в день 51 доллар, проживание в день 94 доллара. В течение трех дней после возвращения сотрудник обязан предоставить подтверждающие документы. С документами на проживание проблем быть не должно, а вот суточные далеко не всегда подтверждаются какими – то документами… Что делать в таком случае? Или подтверждения документами требуют расходы только сверх 51 доллара? Спасибо.

Օրապահիկի և գիշերավարձի ծախսեր

Լևոն․

Բարև Ձեզ։ Գործուղման ծախսերը կազմում են 3 000 դր․ օրապահիկ և 5 000 դր․ գիշերավարձ։ Վերանայվե՞լ են արդյոք այս տարի գումարների չափերը։

Командировочные расходы

Екатерина.

Добрый день! Директор и руководитель отдела продаж полетят в Россию в командировку. Подскажите, пожалуйста, нормативы размеров суточных расходов и расходов на проживание. В России это областной город, не Москва и не С-Петербург. Если можно, то еще ссылку на последнюю версию нормативного акта. Огромное спасибо!

Գործուղում հանգստյան օրերին

Արփի․

Բարև Ձեզ։ Խնդրում եմ նշել՝ արդյո՞ք միայն հանգստյան օրերին կամ հանգստյան մեկ օրը կարող ենք աշխատակցին գործուղում ձևակերպել, և ի՞նչ չափով է վճարումը իրականացվում։

Օրապահիկի ձևակերպում

Կարեն․

Բարև Ձեզ։ Կազմակերպությունը օրապահիկ է տալիս աշխատակիցներին՝ օրական 6 000 ՀՀ դրամ։ Կխնդրեի հուշեք․

1․ Ի՞նչպես պետք է փաստաթղթավորեմ։

2․ Շահութահարկով ծախս համարվելու՞ է։

3․ Եկամտային հարկով հարկվելու՞ է։

Կխնդրեի ասեք նաև՝ օրապահիկի հետ կապված ո՞ր օրենքը կարդամ։

Գործուղման ծախսերի նվազեցում

Անի․

Բարև Ձեզ, հարցս վերաբերվում է արտերկիր գործուղում կատարելուն։ Արդյո՞ք գործուղման ծախսերը նվազեցվում են շահութահարկի հաշվարկման ժամանակ, եթե կազմակերպությունը պետական կառույց չէ։ Խնդրում եմ այն հաշվապահները, ովքեր ունեն փորձ այս հարցում, տան համապատասխան ուղղություն։

Աշխատակիցը մեկնում է գործուղման

Արմեն․

Բարև Ձեզ, մի հարց ունեմ․ աշխատակիցը մեկնում է արտասահման գործուղման, բոլոր ծախսերը փոխհատուցում է հրավիրող կողմը։ Մեկնելու օրը համընկնում է կիրակի օրվա հետ, սակայն աշխատանքը լինելու է երկուշաբթիից մինչև հինգշաբթի, իսկ վերադարձը ուրբաթ է։ Գործուղման հրամանում պետ՞ք է նշվի մեկնման (տվյալ դեպքում կիրակի օրը) և վերադարձի օրերը ներառյալ։ Եթե այո, ապա տաբելում կիրակի օրը և վերադարձի օր պե՞տք է նշվեն գործուղում և վարձատրվեն, կամ տրվի լրացուցիչ երկու օր վճարվող արձակուրդ։

Աշխատակիցը մեկնում է գործուղման

Հռիփսիմե․

Բարև Ձեզ: Խնդրում եմ օգնել հետևյալ հարցում․ եթե աշխատակիցը մեկնում է գործուղման, ինչպե՞ս պետք է հաշվեմ օրապահիկը և գիշերակացը, և ի՞նչ հարկային պարտավորություններ են առաջանում։ Հրամանից բացի ի՞նչ փաստաթղթեր պետք է կազմեմ։ Մի խոսքով մանրամասն ասեք՝ ի՞նչ պետք է անեմ։ Նախապես շնորհակալություն։

Գործուղում օտարերկրյա պետություններ

Աննա․

Բարև Ձեզ։ Խնդրում եմ օգնել՝ գործուղում օտարերկրյա պետություններ մեկնողների վճարման կարգը, եթե ոչ բյուջետային է։ Կանխավ շնորհակալ եմ։

Տոմսի առցանց ձեռքբերում

Գրիգոր․

Բարև Ձեզ: Արտասահման գործուղվող աշխատակցին ինքնաթիռի տոմս ձեռք բերելու համար կարո՞ղ ենք արդյոք վճարել առհաշիվ, քանի որ ինքնաթիռի տոմսը ցանկանում է ձեռք բերել ONLINE, չի՞ հակասում արդյոք անկանխիկ գործառնությունների մասին օրենքին, եթե այո՝ շահութահարկի հարկման նպատակով ծախս կարո՞ղ ենք համարել:

Աշխատավարձ գործուղման ընթացքում

Լիլիթ.

Հարցս հետևյալն է՝ տնօրենը գործուղման մեջ է 3 օր, նրան աշխատավարձ տրվու՞մ է, թե ոչ այդ երեք օրվա համար, իսկ փոխարինողին տնօրենի դրույքաչափո՞վ։

Գործուղման ծախսերի չափեր

Հռիփսիմե․

Խնդրում եմ մեկնաբանել՝ ՀՀ Կառավարության 2335-Ն որոշման ներքոնշյալ կետի կիրառությունը, որը գործում է 01․05․2022թ․-ից հետո ընկած ժամանակահատվածի համար․

7.2. Ցանկում օտարերկրյա պետություններ գործուղվող աշխատողների համար գործուղման ծախսերի (օրապահիկ, գիշերավարձ) չափերը հաշվարկվում են հետևյալ կարգով՝ 1) ՄԱԿ-ի դեկտեմբեր ամսվա նորմատիվով նախատեսված աղյուսակի՝ գործուղման առաջին 60 օրվա համար նախատեսված սյունակի մեկ օրվա օրապահիկի և գիշերավարձի ծախսերի ընդհանուր չափը նվազեցվում է 15 տոկոսով։

Գործուղում պարապուրդի ընթացքում

Նարինե.

Պարապուրդում գտնվողին արդյո՞ք կարելի է գործուղման ուղարկել։

Գործուղման ծախսեր

Գրիգոր․

Դասախոսը դրամաշնորհային ծրագրի ղեկավար է, ծրագիրը նախատեսում է արտասահման գործուղում գնալու ճանապարհածախսի և օրապահիկի ֆիքսված գումար: Գործուղումից ետ գալուց հետո, պահանջում ենք ինքնաթիռի համար վճարված գումարի invoice-ը, չի ներկայացնում՝ ասելով, թե ծրագիրն ինչքան նախատեսում է, այդքան էլ պետք է վճարենք: Վճարել ենք առհաշիվ: Հարցս՝ ինչպե՞ս կարող ենք ինքնաթիռի տոմսի արժեքը հիմնավորել:

Գործուղման ծախսերի ձևակերպում

Գրիգոր․

Բարև Ձեզ: Բուհը ունի դրամաշնորհներ, որտեղ օտարերկրյա գործուղման ծախսերը ծրագիրը նախատեսում է հաստատուն օրապահիկի արժեք։ Կա, որ ավելի բարձր է, քան 2335-Ն որոշմամբ նախատեսված է, և կա, որ ավելի ցածր է: Նույնը նախատեսված է նաև ճանապարհածախսի համար: Ի՞նչ թղթակցություններ պետք է տրվի ավել կամ պակաս տրված առհաշիվ գումարի ծախսագրման համար, և արդյո՞ք կարել է ավելի պակաս կամ ավել վճարել, քան նախատեսում է 2335-Ն որոշումը:

Գործուղման ծախսերի հաշվարկ

Գոհար․

Աշխատակիցը մեկնել է Դուբայ 27.09.2022- 07.10.2022թ գործուղման (առկա է գործուղման վկայականը կնքված), վերադառնալով՝ ներկայացրել է միայն ինքնաթիռի տոմսը և հյուրանոցի ամրագրումը առանց գումարի կտրոնի։ Ինչպե՞ս հաշվարկեմ 11 օրվա ծախսերը։

Գործուղում չմեկնելու դեպքում

Ֆլորա.

Բարև Ձեզ։
Կարո՞ղ է արդյոք աշխատողը անհարգելի պատճառով հրաժարվել գործուղման մեկնելուց։ Հրաժարվելու դեպքում գործատուն ի՞նչ պետք է անի:

Գործուղման հետ կապված

Ռուզաննա.

Բարև Ձեզ։ Խնդրում եմ պատասխանել՝ քաղիրավական պայմանագրով աշխատակցին կարո՞ղ ենք հրաման տալ գործուղման համար, քանի որ քաղիրավական պայմանագրով աշխատակիցը համարվում է ոչ հաստիքով, և՛ ոչ հրամանով, և՛ ոչ էլ աշխատավարձի տաբելում չի գրվում։
Կանխավ շնորհակալ եմ։

Գործուղում արտասահման

Գրիգոր.

Բարև Ձեզ:
Հարց 1) Հիմնադամը (ԲՈՒՀ) ծրագրեր է իրականացնում, և աշխատակիցները մեկնում են գործուղման արտասահման։ Կարո՞ղ ենք արդյոք օրապահիկը աշխատակիցներին փոխանցել արտարժույթով։ Նշեմ, որ ճանապարհածախսի գումարները վճարում ենք ՀՀ դրամով:
Հարց 2) Աշխատակիցը ազատվել է աշխատանքից 2021թ. մարտի 3-ին, ստացել է վերջնահաշվարկ (արձակուրդի փոխհատուցում), այնուհետև 2022թ. օգոստոսի 25-ին դատարանի որոշումով վերականգնվել է աշխատանքի: Դատարանի որոշումը ներկայացվել է կազմակերպութուն 2022թ. սեպտեմբերի 10-ին։ Համաձայն դատարանի որոշման 2021թ. մարտի 3-ից մինչև 2022թ. օգոստոսի 25-ը վճարել են միջին աշխատավարձի չափով, քանի որ որոշումը ուշ է տրվել, աշխատակիցը օգոստոսի 25-ից մինչև սեպտեմբերի 10-ը աշխատանքի չի ներկայացել: Ի՞նչ փաստաթղթի հիման վրա վճարել աշխատակցի աշխատավարձը 2022թ. օգոստոսի 25-ից մինչև սեպտեմբերի 10-ը, արդյոք հե՞տ պետք է պահենք աշխատողի արձակուրդի փոխհատուցումը, քանի որ այն արդեն ցույց է տրվել 2021թ. մարտ ամսվա եկամտային հարկի և 2021թ. տարեկան շահութահարկի հաշվետվությունում։ Եթե այո, ՀԾ-ում ինչպե՞ս կատարել հետ պահումը:
Շնորհակալութկուն:

Գործուղում ՀՀ տարածքում

Անի.

Հարգելի՛ հաշվապահներ, 1. եթե աշխատակիցը մեկնել է ՀՀ մարզեր գործուղման, ստացել է միայն հասանելիք 12 000դր., չի գիշերել ոչ մի տեղ, այդ դեպքու՞մ էլ պետք է հաշվետվություն ներկայացնի: 2. Եթե մի քանի աշխատակից է գործուղվում, ամեն մեկի համար առանձին հրաման պետք է գրվի՞: Շնորհակալություն

Գործուղում արտասահման

Գրիգոր.

Բարև Ձեզ: Աշխատակիցը գործուղման է մեկնում արտասահման: Վճարումը կատարել եմ համաձայն 2335-Ն որոշման: Հարց 1՝ գիշերավարձի և օրապահիկի համար ի՞նչ-որ հիիմնավորող փաստաթղթեր են պետք, թե՞ միայն գործուղման վկայականը բավական է շահութահարկի գծով ծախս ճանաչելու համար: Հրաց 2՝ վճարումը կարո՞ղ ենք կատարել արտարժույթով, թե՞ միայն ՀՀ դրամով:

Գործուղում արձակուրդի ընթացքում

Լուսինե.

Բարև ձեզ, հարգելի հաշվապահներ։ Ես կարո՞ղ եմ արձակուրդի ժամանակ աշխատողին ուղարկել գործուղման (մրցումների)։
Կանխավ շնորհակալություն։

Աշխատաժամանակի հաշվառման տեղեկագիր

Ջուլիետա.

Բարև ձեզ։
Խնդրում եմ պարզաբանեք.
աշխատողին գործուղել են 3 օր, ՀՀ ներսում, աշխատավարձի պահպանմամբ, աշխատաժամանակի հաշվառման տեղեկագրում նշում են «գործուղում»։ Որպես աշխատած ժամեր սյունակում նշում ենք 24 ժա՞մ, թե՞ նշվում է 0։

Գործուղում ՀՀ տարածքում

Անի.

Խնդրում եմ ուղղություն տալ. 1. եթե աշխատակիցներին գործուղում ենք Շիրակի մարզ, բայց նույն օրը հետ են գալիս, հաշվետվություն գրու՞մ են, եթե միայն օրապահիկն է: Ի՞նչ է անհրաժեշտ գործուղում ձևակերպելու համար: 2. Գործուղվել են 2 աշխատակից ՀՀ Տավուշի մարզ, Իջևան, աշխատանքների կատարման համար, սակայն մնացել են այնտեղ գիշերելու: Հյուրանոցից հաշիվ են դուրս գրել էլեկտրոնային: Ինչպե՞ս վարվել գործուղման հաշվետվության հետ:

Գործուղման հրամանի ձև

Անի.

Հարգելի՛ հաշվապահներ, 1. ինձ կարո՞ղ եք ՀՀ տարածքում գործուղման հրամանի ձև և վերադարձի հաշվետվության ձև ուղարկել կամ հղում տալ: 2. Եթե ՍՊԸ-ի տնօրենը նույն ինքը հիմնադիրն է, այլ աշխատակից չունի, ինչպե՞ս տեղեկանք գրել եկամուտների մասով բանկ ներկայացնելու համար: Ինչ-որ հատուկ ձև կա՞: Շնորհակալ եմ։

Գործուղում Իտալիա

Նելլ․

Բարև ձեզ, հարգելի հաշվապահներ։ Եթե աշխատակիցը գնացել է գործուղման՝ Իտալիա, հյուրանոցը վճարել է կազմակերպության բանկային քարտով, առկա է ՀԴՄ։ 1. ՀԴՄ կա, հյուրանոցի անունով, բայց աշխատակցի անունը չկա նշված, կարո՞ղ եմ ծախս ճանաչել։ 2. Հարց․ հյուրանոցի գումարը գերազանցում է օրենքով սահմանված չափը, արդյո՞ք գերազանցող գումարը համարվում է եկամուտ և պետք է հարկվի։ Շնորհակալություն։

Գործուղում ՀՀ տարածքում

Կիմա․

Բարև ձեզ։ Եթե դպրոցի հաշվապահը գործուղվում է մարզ՝ հաշվետվություն հանձնելու, գնալ գալու մեկ օրվա համար ինչքա՞ն պետք է վճարվի /68կմ հեռավորության/։ Օրապահիկ հասնու՞մ է, թե՞ ոչ։ Շնորհակալություն։

ՓԲԸ կատարում է գույքագրում

Նարինե․

Բարև Ձեզ։ Խնդրում եմ պատասխանել՝ ՓԲԸ կատարում է գույքագրում, ունի մարզերում գույք: Հարց․ արդյո՞ք առանց գործուղման հնարավոր է այն իրականացնել, եթե մարզի տնօրենը գույքը նկարում, ուղարկում է որպես հիմք: Նշեմ, որ կազմակերպությունը չունի այս պահին միջոցներ գործուղման:
Շնորհակալություն։

Աշխատակցի փոխարինում

Տիգրան․

Այսպիսի հարց է հետաքրքրում․
եթե աշխատողը գործուղվում է նույն կազմակերպության այլ տարածքային ստորաբաժանում և փոխարինում է իրենից ավելի բարձր աշխատավարձ ստացող, բայց հավասար պաշտոն զբաղեցնող պաշտոն, ապա տվյալ դեպքում՝ գործատուն պարտավո՞ր է այդ ընթացքում փոխարինողին վճարել նույն աշխատավարձը՝ ում փոխարինում է տվյալ աշխատակիցը, թե՞ քանի որ պաշտոնները հավասար են, կարող է և չվճարել։

Ոչ ռեզիդենտի շահութահարկ

Նելլի․

Բարև ձեզ։ Կազմակերպությունը գործուղման համար օնլայն ավիատոմս է գնում, արդյոք առաջանու՞մ է ոչ ռեզիդենտի շահութահարկ։ Շնորհակալություն։

Գործուղում ՀՀ տարածքում

Անի.

Հարգելի՛ հաշվապահներ, հարցս վերաբերում է գործուղմանը: Եթե աշխատակիցը գործուղման է գնում ՀՀ տարածքում` ամեն օր, և հետ է գալիս, կարելի՞ է արդյոք ամսվա մեջ իր աշխատավարձի չափով գումար դուրս գրել ելքի օրդերով՝ առանց հիմնավորումների: Ցանկացած ինֆորմացիա գործուղման հետ կապված օգտակար կլինի: Շնորհակալություն:

Գործուղում

Սոնա.

Բարև Ձեզ: Կարող եք օգնել` ինչպե՞ս պետք է հաշվարկվի արտասահմանյան և տեղական գործուղումները: Հղում կարո՞ղ եք տալ: