Tag: դեկրետ

Նպաստի վճարում լուծարման դեպքում

Դիանա․

Բարի երեկո։ Եթե անձը ֆիզ. արձակուրդում է, կազմակերպությունը լուծարվում է.

1) Երեխայի խնամքի նպաստը դադարեցնու՞մ են փոխանցել

2) Եվ եթե մյուս աշխատակցի վճարվող արձակուրդն ավարտվել է (2 տարին), 1 տարի հետո պետք է վերադառնար աշխատանքի, վերջնահաշվարկ ունի՞ ստանալու

Շնորհակալ եմ։

Երեխայի խնամքի արձակուրդը լրանում է

Դիանա․

Հարգելի հաշվապահներ, շնորհակալ կլինեմ, եթե արձագանքեք։ Եթե ֆիզ. արձակուրդից ֆիզ. եմ գնացել և մի քանի ամսից ավարտվում է արձակուրդը․
1) առանց գրավոր ծանուցելու չեն կարող ազատել աշխատանքից, այդ դեպքում որո՞նք են իմ անելիքները (բանավոր ուղղակի ասել են, որ առայժմ աշխատողի կարիք չունեն)
2) եթե ժամկետը լրանա, ու ինձ չընդունեն աշխատանքի, ես վերջնահաշվարկ ունե՞մ ստանալու, եթե ֆիզից ֆիզ եմ գնացել ու այդ ընթացքում չեմ աշխատել
3) ինչպե՞ս կարող եմ իմանալ՝ արձակուրդային չօգտագործված օրեր ունե՞մ

Կանխավ շնորհակալ եմ։

Աշխատանքային պայմանների փոփոխություն

Մայիս․

Բարև Ձեզ:

1․ Ընկերությունն ունի աշխատակից, ով այս պահին ծնողական արձակուրդում է (2 տարի), ով նախատեսում է վերականգնվել սեպտեմբերի 1-ին: Նրա վերջին պայմանագրով ամբողջ դրույքի համար իր աշխատավարձը եղել է 250 000 ՀՀ դրամ: Վերջին տարվա ընթացքում Ընկերության աշխատավարձերի սանդղակը փոփոխվել է, և իր դիպլոմի և փորձի պայմաններում աշխատավարձը նոր հաշվարկով պետք է նվազի: Արդյո՞ք կարող է աշխատակցին առաջարկվել ավելի վատ աշխատանքային պայմաններ, ծնողական արձակուրդից վերադառնալու պարագայում, եթե աշխատանքային օրենսգրքով պահանջվում է պահպանել հաստիքը և նույն պայմանները:

2․ Ո՞ր դեպքերում Գործատուն կարող Աշխատողին ազատել աշխատանքից Աշխատանքային օրենսգրքի 111-րդ հոդվածի հիմքով։

3 000 դրամ սոցիալական վճար

Քնարիկ․

Բարև ձեզ, եթե հունվարին հայտ ենք ներկայացրել մինչև երեք տարեկան երեխայի նպաստի արձակուրդի, հունվարի եկամտային հարկի հաշվետվության մեջ ցույց չե՞մ տալու 3 000 դրամը, տողը ակտիվ չէ, ինքն էլ ինքնաշխատ չի լրացվում, ինչը ՞ կարող է խնդիր լինել։

Արդյո՞ք մայրը կզրկվի նպաստից

Նարե․

Հարգելի մասնագետներ, խնդրում եմ օգնել ճիշտ կողմնորոշվելու այսպիսի իրավիճակում․

Երեխան 2023թ-ի ծնունդ է։ Մայրը վարձու աշխատող է՝ գտնվում է խնամքի արձակուրդում, ստանում է նպաստ 31 600 դրամ։ Մայրը ցանկանում է իր դիմումի համաձայն ազատվել աշխատանքից, այսինքն դուրս գալ վարձու աշխատողի կարգավիճակից։ Այնուհետև պետռեգիստրում գրանցվի որպես անհատ ձեռներեց և հաշվառման կանգնի ՊԵԿ-ում։ Աշխատելու է, գործունեություն է ծավալելու հարկման շրջհարկի դաշտում և համաձայն օրենքի վճարելու է ամսական սոցվճար։ Խնդրում եմ պատասխանել ճի՞շտ եմ մտածում՝

1․ Մայրը այս պարագայում չի՞ զրկվի նպաստից

2․ Նպաստ կստանա 37 500 դրամ՝ որպես աշխատող նպաստառու։

3․ Վերոգրյալի դրական պատասխանի դեպքում, արդյոք կա՞ լրացուցիչ թղթերի ներկայացման անհրաժեշտություն։ Եթե այո, ապա խնդրում եմ ուղղորդել՝ ի՞նչ թղթեր են անհրաժեշտ ներկայացնել online տարբերակով և որտե՞ղ։

Կանխավ շնորհակալություն պատասխանի համար։

Երեխայի խնամքի նպաստ որպես ԱՁ գրանցվելու դեպքում

Մարիամ․

Բարև ձեզ։ Քաղաքաբնակ եմ, աշխատանքից անցել եմ դեկրետի։ Ուզում եմ սկսել նոր գործունեություն և բացել ԱՁ, արդյո՞ք կզրկվեմ միչև երկու տարեկան երեխայի խնամքի նպաստից։ Շնորհակալություն։

Աշխատանքից ազատում երեխայի խնամքի արձակուրդի ընթացքում

Մարի․

Բարև ձեզ։ Ես հիմա երեխայի խնամքի արձակուրդում եմ, բալիկս 5 ամսական է։ Ինձ բանավոր տեղեկացրել են, որ հաստիքս կրճատվելու է ֆինանսական դժվարությունների պատճառով։ Կարո՞ղ է գործատուն ինձ հեռացնել աշխատանքից խնամքի արձակուրդի ընթացքում։ Եթե այո, փոխհատուցում նախատեսվա՞ծ է։ Եթե ոչ, ապա ե՞րբ կկարողանա` բալիկի 1 տարեկան, թե՞ 3 տարեկան դառնալուց հետո։

Արձակուրդ դեկրետից հետո

Լիզա․

Եթե անձը գտնվում է դեկրետում, ունի կուտակված արձակուրդի օրեր և աշխատանքի անցնելուն պես պետք է օգտագործի կուտակված արձակուրդի օրերը, արձակուրդային գումարի հաշվարկը ինչպե՞ս է կատարվում: Եթե նախորդող 12 ամիսներին եղել է դեկրետում:

Աշխատողի համար նորից պետք է մայրության նպաստ հաշվել

Արմին․

Բարև Ձեզ, խնդրում եմ օգնել հետևյալ հարցում․

Ա/Ձ-ն աշխատում է միկրոյով։ Վարձու աշխատողը մինչև երեք տարեկան երեխայի խնամքի արձակուրդ է գնացել 2022 թվականի հուլիսից (տվյալ ժամանակահատվածում մայրության նպաստը հաշվարկվել է հաշվի առնելով միկրոյի համար սահմանված աշխատավարձից պահվող 5 000 դրամ եկամտային հարկը)։ Այժմ վարձու աշխատողի համար նորից պետք է մայրության նպաստ հաշվել, իսկ աշխատավարձից պահվում է 20% եկամտային հարկ։ Ինչպե՞ս հաշվարկեմ մարյության նպաստը (ֆիզից ֆիզը): Արդյո՞ք որպես միջին աշխատավարձ պետք է հիմք ընդունեմ 78 020 ՀՀ դրամը (խնամքի արձակուրդն սկսվելու ամսվան նախորդող ամսին աշխատանքային պայմանագրով սահմանված հիմնական աշխատավարձը):

Շնորհակալություն։

Ուսուցիչը ներկայացրել է հիվանդաթերթիկ

Լամարա․

Բարև ձեզ։ Խնդրում եմ պատասխանել։

Ուսուցիչը գնացել է մայրության արձակուրդ 140 օրով։ Նոր ուսուցիչ ընդունեցինք (ժամանակավոր, փոխարինող)։ Ոչ մի օր չհասցրեց գալ աշխատանքի։ Հիվանդանոց գնաց, վիրահատություն, բուժումներ։ Բերել է հիվանդանոցից թերթիկ։ Ի՞նչ անել 🤔🤷 Եթե դրույքի միջինով վճարեմ, ճիշտ կլինի՞։ Բայց քանի որ փոխարինող է՝ կասկածում եմ։ Օգնեք։

Նպաստը ավել է վճարվել

Արփինե․

Բարև ձեզ: Հարգելիներս, խնդրում եմ կօգնե՞ք։ Աշխատողը 3 տարի խնամքի արձակուրդից հետո 9 ամիս աշխատելուց հետո նորից գնում է ֆիզ․ արձակուրդ, մայրության և ծննդաբերության նպաստը հաշվարկելիս միջին աշխատավարձի հաշվարկի մեջ ներառվել են նաև ֆիզ․ արձակուրդի գնալուն նախորդող ամսվա աշխատավարձը 3 տարեկան երեխայի խնամքի արձակուրդին նախորդող ամիսվա փոխարեն։ Որոնք եղել են տարբեր։ Որի արդյունքում հաշվարկված նպաստի չափը ավել է ստացվել, բայց նպաստը արդեն փոխանցվել է նպաստառուին: Ինչպե՞ս վարվել։ Արդյո՞ք պետք է կատարել վերահաշվարկ և գումարի ետպահում կատարել տվյալ անձի արձակուրդայինի հաշվարկից։ Նշեմ նաև, որ ֆիզ․ արձակուրդի ավարտից հետո նա պետք է օգտվի իրեն հասանելիք ամենամյա արձակուրդից։ Ինչպե՞ս է կատարվելու ավել վճարված գումարի ետգանձման ընթացակարգը ըստ հերթականության։

Չօգտագործած արձակուրդը ե՞րբ տրամադրել

Անի․

Հարգելի՛ հաշվապահներ, աշխատակիցը ֆիզ․ արձակուրդից վերադառնում է նոյեմբերի 15-ին, բայց մինչև ֆիզ գնալը արձակուրդ վերջին անգամ գնացել է 2020թ. հոկտեմբեր ամսին: Ֆիզ է գնացել 2021թ. սեպտեմբերի 20-ին: Ինչպե՞ս վարվել, չօգտագործած արձակուրդը ե՞րբ տրամադրել:

Արձակման նպաստ լուծարման դեպքում

Նառա․

Բարև Ձեզ, հարգելի հաշվապահներ։ Խնդրում եմ ինձ օգնել։ ՀՈԱԿ-ը լուծարվում է, ունի երկու ֆիզ․ արձակուրդում գտնվող աշխատողներ, ինչպե՞ս հաշվարկել արձակման նպաստ։

Նպաստի վճարում օտարերկրյա քաղաքացուն

Սոնա․

Բարև Ձեզ։ Կխնդրեմ օգնեք, հարցս հետևյալն է՝ օտարերկրյա քաղաքացին, ով ունի հատուկ անձնագիր, աշխատում է ՀՀ-ում, երեխայի նպաստ կարո՞ղ է ստանալ։ Երեխան ծնվել է ՀՀ-ում։

Չվճարվող արձակուրդ

Սոֆյա․

Հարգելի հաշվապահներ, ասացեք խնդրեմ՝ կարո՞ղ է արդյոք աշխատակիցը գնալ չվճարվող արձակուրդի 15 օր տևողությամբ, այնուհետև ֆիզ․ արձակուրդի, եթե նա ունի չօգտագործված վճարովի արձակուրդի օրեր:

Декретные выплаты

Анжела.

Добрый день,

Необходима ваша консультация, пожалуйста, подскажите, на что можно рассчитывать в следующей ситуации.

Беременность, почти 7 месяцев (30 недель), состою в гражданско-правовых отношениях с работодателем с мая 2022 года, до это был с этим же работодателем трудовой договор (с ноября 2021 по апрель 2022). Все налоговые отчисления как полагается делаются работодателем в бюджет.

Я получила гражданство Армении в июле 2022, до этого с марта 2018 состояла в статусе резидента, соц.номер присвоен с июля 2018, то есть более 5 лет фактической регистрации на территории страны.

Могу ли я подать в ограны соц.защиты ходатайство на декретные выплаты, так как соответствую по всем критериям, насколько мне известным, только по формату трудовых отношений у меня не трудовой, а гражданско-правовой договор?

Заранее благодарю за помощь.

Տնօրենը մեկնում է ֆիզ. արձակուրդ

Սոֆյա․

Բարև Ձեզ: Հարգելի հաշվապահներ, աշխատակիցը ով հանդիսանում է ՍՊԸ-ի 100% բաժնետեր և գրանցված է որպես տնօրեն, 22.11.23թ-ին գնալու է ֆիզ․ արձակուրդ:

Հարց 1. Պե՞տք է արդյոք տնօրենի պարտականությունները ժամանակավորապես դնել այլ աշխատակցի վրա, և ի՞նչ կարգով է դա արվում:

Հարց 2. Կարո՞ղ է արդյոք նույն աշխատակիցը ֆիզ․ արձակուրդ գնալ մի կազմակերպությունից , բայց ընդունվել որպես գրանցված աշխատող մեկ այլ կազմակերպությունում, քանի որ աշխատանքը հեռավար է (Հայաստանում): Ինչպե՞ս է օրենսդրորեն կազմակերպվում նման հարցերը:

Շնորհակալություն:

Սոցիալական վճար 3 000 դրամ համատեղությամբ աշխատանքի դեպքում

Անահիտ․

Հարգելի հաշվապահներ, աշխատակիցը միաժամանակ աշխատում է 2 գործատուի մոտ, որոնցից մեկը իր հիմնական գործատուն է, իսկ երկրորդը համատեղություն է 0,5 դրույքով։ Արդյո՞ք երեխայի խնամքի արձակուրդում գտնվելու ժամանակահատվածում 3 000 դրամ ամսական վճարվող սոց. վճարը պետք է վճարվի երկու գործատուների կողմից, թե՞ վճարում է միայն հիմնական գործատուն։ Շնորհակալ եմ, հնարավորություն դեպքում նաև խնդրում եմ տրամադրեք օրենքից հղում։

Երեխայի խնամքի արձակուրդում գտնվող աշխատակցի ազատում

Արա․

Բարև ձեզ, ընկերությունը ցանկանում է անորոշ ժամկետով դադար տալ, բայց ունի գրանցված աշխատակցուհի, ով այս պահին գտնվում է երեխայի խնամքի արձակուրդում: Նշեմ, որ խնամքի արձակուրդից արդեն անցել է 1 տարի: Արդյո՞ք ընկերությունը կարող է աշխատանքից ազատել աշխատակցուհուն, եթե վերջինս կողմ է ազատմանը:

Օտարերկրյա քաղաքացու մայրության նպաստ

Աննա․

Հարգելի գործընկերներ, կազմակերպության աշխատակիցը օտարերկրյա քաղաքացի է, հաշվառումը կատարում ենք որպես կացության կարգավաիճակ չունեցող օտարերկրյա քաղաքացի։ Համաձայն ՀՀ Ժամանակավոր անաշխատունակության և մայրության նպաստների մասին օրենքի ՀՀ քաղաքացիների հավասար ունեն նպաստի իրավունք։ Հնարավո՞ր է կացության քարտի առկայության դեպքում գրանցել, վճարել մայրության նպաստ և հարկերից նվազեցում ստանալ։

Նպաստի հաշվարկ համատեղությամբ աշխատանքի դեպքում

Անահիտ․

Բարև Ձեզ։ Խնդրում եմ նշել՝ ինչպե՞ս է կատարվում մայրության նպաստի հաշվարկը, եթե անձը բացի հիմնական աշխատավայրից, համատեղությամբ աշխատում է նաև այլ գործատուի մոտ։ Շնորհակալություն։

Վերջնահաշվարկ

Արմինե․

Բարև Ձեզ, խնդրում եմ օգնել հետևյալ հարցով.

Աշխատակիցը, որը գտնվում էր մինչև երեք տարեկան երեխայի խնամքի արձակուրդում, արձակուրդը լրանալուց իր դիմումի համաձայն ազատվել է աշխատանքից։ Ինչպե՞ս հաշվել վերջնահաշվարկ, ո՞ր աշխատավարձը վերցնել մինջին աշխավարձը հաշվելիս։

Նոր պայմանագիր աշխատակցի հետ

Սոֆյա․

Հարգելի հաշվապահներ, աշխատակիցը վերադարձել է երեխայի խնամքից, և այս ընթացքում աշխատանքի վճարման էական փոփոխություններ են տեղի ունեցել: Արդյո՞ք ճիշտ է նոր պայմանագիր կապել աշխատակցի հետ՝ պայմանագրի սկիզբը նշելով խնամքի արձակուրդից վերադառնալու օրը:

Մայրության նպաստ լուծարման դեպքում

Լիանա․

Բարև ձեզ։ Սեպտեմբերի վերջին սկսվում է դեկրետային արձակուրդս, սակայն մինչ այդ կազմակերպությունը լուծարվում է։ Ես պետք է աշխատանքից հեռացման ու նոր ընդունման դիմումներ լրացնեմ։ Ինչպե՞ս է այդ դեպքում հաշվարկվելու մայրության նպաստ և կլինի՞ այն, եթե փաստացի նոր աշխատավայր է դառնում։

Տնօրենը նաև դասընթացավար է

Սոֆյա․

Բարև Ձեզ, հարգելի հաշվապահներ։ ՍՊԸ-ի տնօրենը տվյալ կազմակերպությում կատարում է նաև դասընթացավարի աշխատանք (պայմանագրին կից համաձայնագրով): Նա հոկտեմբերի 01-ին տեղափոխվելու է արտերկիր վերապատրաստման ծրագրով: Սակայն շարունակելու է աշխատել որպես դասընթացավար հեռավար: Իսկ նոյեմբեր ամսին գնալու է մայրության արձակուրդի, բայց շատ հավանակն է, որ այդ ժամանակ դեռ վերադարձած չի լինի: Ի՞նչ անել․

1. Տնօրենի համար ուղարկել ճշտված գրանցամն հայտ և դադարեցում տալ տնօրենի աշխատանքին, սակայն շարունակի մնալ որպես դասընթացավար: Արդյոք կարո՞ղ է նա որոշ ժամանակ հեռավար աշխատել որպես դասընթացավար

2. Նշանակել տնօրենի ժամանակավոր պաշտոնակատար:

3. Պե՞տք է արդյոք զբաղվել տնօրենի մայրության արձակուրդի ձևակերպման հարցերով, եթե արտերկրից մեզ ուղարկվի անաշխատունակության թերթիկ: Կա՞ն արդյոք գումարը վճարելու ժամկետներ այդ մասով, եթե աշխատակիցը հանրապետությունից բացակայում է:

Երեխայի խնամքի նպաստ

Արփինե․

Ողջույն, ունեցել եմ ԱՁ, միաժամանակ ինքս եղել եմ գրանցված աշխատող։ Այժմ ինձ իմ հիմնական աշխատանքից կրճատել են, և ես այսօր դադարեցրեցի ԱՁ գործունեությունը։ Երեխաս 1.5 տարեկան է, եթե դիմեմ խնամքի նպաստի համար, կընդունվի՞ դիմումս, կարո՞ղ եմ ստանալ նպաստ մինչև երեխայի երկու տարեկան լրանալը։

Մայրության նպաստի հաշվարկ

Նարինե․

Բարև Ձեզ։ Հարցս հետևյալն է. Աշխատողը 2 ամիս աշխատել է ԵՊԲՀ-ում, այնուհետև ԱՁ-ի մոտ, մինչև հուլիսի 17-ը։ Հուլիսի 17-ից գնալու է ֆիզ. արձակուրդ։ Ինչպե՞ս հաշվարկել մայրության նպաստը։

Որպես ԱՁ գրանցվելու համար

Շողիկ․

Բարև Ձեզ։ Ես մեկ հարց ունեմ ձեզ, հարգելի հաշվապահներ։ Ես անգլերենի ուսուցչուհի եմ, տանը ունեմ աշակերտներ։ Ցանկանում եմ բացել այնպիսի ԱՁ-ը, որպեսզի լինեմ գրանցված աշխատող։ Նպատակս այն է, որ կարողանամ գնալ ֆիզ արձակուրդ և ստանամ մինչև 2 տարեկան երեխայի նպաստի գումարը՝ որպես գրանցված աշխատող։ Չգիտեմ՝ ճիշտ բացատրեցի, թե ոչ🙂։ Հիմա ինձ կասե՞ք, թե ես ինչ ԱՁ պետք է բացեմ այդ դեպքում🙂🥰

Գործունեության դադարեցում

Ռուբ.

Բարև ձեզ, եթե ՍՊԸ-ն ցանկանում է գործունեության ժամանակավոր դադար տալ անորոշ ժամկետով, սակայն ունի ֆիզ․ արձակուրդում գտնվող աշխատակից և պարտավորություն դրոշմանիշային վճարի գծով, ապա կարո՞ղ է ներկայացնել դիմումը թե՞ ոչ, և արդյո՞ք ֆիզ․ արձակուրդում գտնվող աշխատակցի գծով ամեն ամիս պետք է ներկայացվի եկամտային հարկի զրոյական հաշվետվություն, թե՞ ոչ։ Կանխավ շնորհակալություն։

Փոխարինող աշխատողի նպաստ

Էմմա․

Բարև Ձեզ։ Խնդրում եմ օգնեք հասկանալ՝ արդյո՞ք գործատուն ճիշտ է վարվել, և օրենքով այդպես է։ 2021թ․ ուսումնական հաստատությունում ընդունվել էի ժամանակավոր աշխատանքի, փոխարինում էի ֆիզարձակուրդում գտնվող աշխատակցին։ 2022 թ․ հունիսի 3-ին ես նույնպես գնացի ֆիզարձակուրդ։ Բալիկս ծնվեց օգոստոսի 6-ին, և երբ լրացավ նրա ծննդյան 70 օրը, դիմեցի գործատուիս մայրության նպաստ ստանալու համար անհրաժեշտ փաստաթուղթը վերցնելու, որ աշխատել եմ ուսումնական հաստատությում, և ինձ ասացին, որ չեն կարող տրամադրել դա, քանի որ նախկին աշխատակիցը վերադարձել է, և ես ինքնստինքյան ազատվել եմ աշխատանքից։ Արդյո՞ք դա օրինական է, և ես էլ չեմ կարող ստանալ մինչև 2 տարեկան երեխայի խնամքի նպաստը։ Կանխավ շնորհակալ եմ օգնելու համար։

Արձակուրդ դեկրետից հետո

Սուսաննա․

Բարև ձեզ, հարգելի գործընկերներ, մանկապարտեզի աշխատակիցը հուլիսի 1-ով հետ է վերադառնում երեխայի խնամքի արձակուրդից, բայց այդ օրով հաստատությունը 1 ամսով փակվում է` աշխատողների ամենամյա արձակուրդից օգտվելու պատճառով։ Արձակուրդից հետ վերադարձող աշխատակցին կարելի՞ է տրամադրել ամենամյա արձակուրդ, թե՞ պետք է որոշ ժամանակ աշխատի, հետո օգտվի ամենամյա արձակուրդից։ Շնորհակալություն։

3 000 դրամ սոց. վճարի պահում

Սիրուշ․

Աշխատում եմ միկրոձեռնարկություն հանդիսացող ԱՁ մոտ, ֆիզարձակուրդի մեջ եմ ներկա դրությամբ, մեկ ամսից ավել է չի փոխանցվել մայրության նպաստը, որը կազմում է 194 500 դրամ։ Գործատուս ասում է, որ 2 տարվա 3 000-ական սոցվճարի գումարը (72 000 դրամ) պետք է պահեն այդ 194 500-ից, կխնդրեմ պարզաբանեք:

3 000 դրամ սոցիալական վճար

Սիրուշ․

Բարև ձեզ: Մինչև 2 տարեկան երեխայի խնամքի արձակուրդ գնալու դեպքում գործատուն ի՞ր միջոցների հաշվին է վճարում 3 000-ական դրամները, թե՞ աշխատողի:

Արձակուրդի տրամադրում

Անուշ․

Բարև ձեզ։ Եթե աշխատողը, գտնվելով ֆիզ արձակուրդում, վերադառնում է աշխատանքի, բայց անմիջապես ցանկանում է գնալ ամենամյա արձակուրդ, կասե՞ք՝ հասնում է, և հաշվարկը ինչպե՞ս հաշվել, եթե եկամուտ չունի, բայց նաև ունի 2016-2017թթ չօգտագործված արձակուրդ։ Ուզում ենք դա տալ, վերցնում ենք այս տարվա նվազագույն աշխատավարձը, թե՞ այն տարիների, որ չի գնացել։

Մայրության նպաստ

Կարինե․

Աշխատակցին տրվել է մայրության նպաստ, 01.03.2023-02.08.2023թթ գտնվելու է հղիության և ծննդաբերության արձակուրդում։ Երեխան ծնվել է մարտի 9-ին, եկամտային հարկի հաշվետվությամբ ներկայացվել է նպաստը գումարով և ժամկետով։ Հետագա քայլը ո՞րն է լինելու։ Աշխատակիցն ասում է՝ երեխայի ծննդյան 70 օրը լրացել է, ու պետք է ինչ որ հայտ ներկայացնեմ, որ ինքն էլ սոցապում դիմում գրի։ Չեմ հասկանում՝ ինչի մասին է խոսքը․ առաջին անգամ եմ առնչվում ֆիզարձակուրդի հարցերի։

Եկամտային հարկի դրույքաչափ ՏՏ ոլորտի համար

Lian.

Հարգելի հաշվապահներ, ՏՏ ոլորտի հավաստագիր ունեցող կազմակերպության աշխատակցի մայրության նպաստից եկամտային հարկը և՞ս հարկվում է 10% (ինչպես աշխատավարձի դեպքում)։

Մայրության նպաստի հաշվարկ

Գրիգոր․

Բարև Ձեզ: Աշխատակիցը ֆիզ․ արձակուրդ է գնացել 2023թ․ ապրիլի 01 -ից, սակայն պայմանագիրը կնքված է որոշակի ժամկետով՝ մինչև 2023թ․ հուլիսի 31-ը ներառյալ: Հարց՝ քանի՞ օր ենք հաշվարկում մայրության նպաստը՝ 122 օր, այսինքն մինչև հուլիսի 31-ը (պայմանագրի ավարտը), թե՞ 140 օր: Եթե 140 օր, ապա հաշվարկը ինչպե՞ս ենք կատարում, նախորդ 12 ամիսների համար հաշվարկված եկամուտների միջինով՝ 140 օրվա համար, թե 122 օրվա համար՝ նախորդ 12 ամիսների համար հաշվարկված եկամուտների միջինով, իսկ մնացած 18 օրվա համար՝ մինիմումի կեսով:

1024-Ն որոշումը հստակ չի սահմանում: Նախկինում տալիս էինք մինչև պայմանագրի ավարտը, իսկ մնացած օրերը մինիմում աշխատավարձի կեսով հաշվարկում էր սոցիալական ծառայությունը, հիմա կարծես թե փոխվել է, սակայն որևէ կետ չեմ գտնում, եթե նման փորձ ունեցել եք, խնդրում եմ կիսվեք:

Շնորհակալություն:

Երեխայի խնամքի նպաստ

Լուսինե.

Բարև ձեզ։ Կներեք ինձ մի հարց է հետաքրքիր։ Ես աշխատում եմ մանկապարտեզում որպես փոխարինող դաստիարակ, բայց հիմա գտնվում եմ ֆիզ. արձակուրդի մեջ։ Ապրում եմ գյուղում և ստանում եմ 63 000 դրամ։ Հիմա ուզում եմ շուտ վերադառնամ աշխատանքի՝ նախքան երեխայիս երկու տարեկան դառնալը, այս դեպքում ես կստանա՞մ այդ գումարը, թե՞ մենակ արդեն իմ աշխատավարձը։ Ինձ ասում են, որ կստանամ այդ 63 000 դրամի կեսը, այսինքն՝ միայն գյուղաբնակի գումարը և իմ աշխատավարձը։ Արդյո՞ք այդպես լինում է։

Դեկրետ փորձաշրջանի ընթացքում

Լարիսա.

Բարև ձեզ։ Եթե փորձաշրջանով ընդունված աշխատողը մինչև փորձաշրջանի ավարտը ֆիզ բյուլետեն է ներկայացնում, արձակուրդից հետ վերադառնալիս արդյո՞ք փորձաշրջանը անցած է համարվում։ Շնորհակալություն։

Այլ աշխատանք դեկրետի ընթացքում

Աննա.

Բարև Ձեզ։ Ես գտնվում եմ երեխայի խնամքի արձակուրդում: Ցանկանում եմ աշխատանքի անցնել այլ կազմակերպությունում: Պարտադիր պետք է դիմումո՞վ դուրս գամ նախորդ աշխատավայրից, թե՞ քանի որ դեռ արձակուրդիս ժամկետը չի լրացել, կարող եմ դիմումս գրել լրանալուց հետո, իսկ մինչ այդ անցնել աշխատանքի այլ կազմակերպությունում։

Գրանցման հայտի ուղարկում

Արուս․

Վարձու աշխատողին երեխայի խնամքի արձակուրդ ուղարկելու գրանցման հայտը ե՞րբ պետք է ուղարկել, խնդրում եմ պատասխանել։

Երեխայի խնամքի նպաստ

Արևիկ․

Բարև ձեզ։ Ես նոր եմ ունեցել փոքրիկիս, դեռ 10 օր է, դիմումը ներկայացրել եմ միանվագ գումարը ստանալու, հիմա 3 ամսով պետք է անհատ ձեռներեցը բացեմ։ Ինձ պետք է հասկանալ՝ կապ ունի՞ մայրության նպաստի հետ, թե՞ ոչ, կարո՞ղ եմ հանգիստ բացել, թե՞ խնդիրներ կարող են լինել, և չստանամ փոքրիկի ամսական նպաստը, որը տրվում է մինչև 2 տարեկան։

Как рассчитать отпускные?

Екатерина.

Добрый день. Ситуация: сотрудница находится в отпуске по уходу за ребенком (декрет), 3 марта он истекает и она должна либо выйти на работу, либо уволиться. У нее есть 10 дней неиспользованного отпуска (еще до родов). Подскажите, пожалуйста, как рассчитать ей отпускные (или компенсацию за неиспользованный отпуск), если последние 12 месяцев ей никаких начислений доходов не было? Спасибо.

Մայրության նպաստ համատեղության դեպքում

Մերի․

Բարև Ձեզ։ Երբ վարձու աշխատողը համատեղությամբ է աշխատում, և արդեն 1 գործատուն հաշվարկել և վճարել է մայրության նպաստը, 2-րդ գործատուն նպաստը հաշվարկելիս վերցնում է միայն ի՞ր վճարած եկամուտները։ Եվ 1-ին գործատուի կողմից վճարած նպաստը հանում ենք հիմնական գործատուի հաշվարկած նպաստի գումարից, վճարում տարբերությու՞նը։

Երեխայի խնամքի նպաստ

Գոհար.

Բարև ձեզ, հարգելի հաշվապահներ։ Ըստ նոր փոփոխված օրենքի, եթե ֆիզում գտնվող մայր է /ԱՁ բացի/, ապա կարող է շարունակել օգտվել խնամքի նպաստից։ Նշեմ, որ 1.5 տարի է ֆիզարձակուրդում։ Նաև կասեք, եթե ցանկանում է ծաղիկների օնլայն վաճառքով զբաղվել, կարո՞ղ է միկրոյով գործել և հդմ չկիրառել, այլ միայն փոխանցումով աշխատել։

Սոց․ վճար դեկրետում գտնվողի համար

Գայանե․

Բարև Ձեզ, հարգելի հաշվապահներ։ Հասարակական կազմակերպությունը մեկ տարվա ծրագիր է շահել, և աշխատանքի ենք ընդունել հոգեբան, ով հիմա երեխայի է սպասում։ Ծրագրի ավարտից հետո, երբ աշխատողը գտնվի երեխայի խնամքի արձակուրդում, ՀԿ-ի նախագահը պետք է ամեն ամիս 3 000 դրամ սոց վճար անի չէ՞ տվյալ աշխատողի համար։ Բայց այստեղ խնդիրը կայանում է նրանում, որ կազմակերպությունը միջոց չունի վճարելու։ ՀԿ -ն զբաղվում է հատուկ խնամքի երեխաների ծառայությամբ: Իրավունք ունե՞նք խնամքի արձակուրդում գտնվող աշխատակցին ազատել։ Եվ մի հարց էլ՝ ֆիզի գումարը, եթե տվյալ ամսվա եկամտային հարկը չի բավականացնում, կարո՞ղ եմ երկու կամ երեք ամսում վճարել: Շնորհակալ եմ։

ԱՁ մայրության նպաստ

Լիլիթ.

Շրջհարկ վճարող ԱՁ-ի տարեկան շրջանառությունը 58 մլն է կազմել, մայրության նպաստը վճարվել Է 156579, նվազագույն աշխատավարձի 50%-ից Է կատարվել հաշվարկը։ Արդյո՞ք ճիշտ է հաշվել սոցապը, և ո՞ր դեպքում է ամսական հաշվարկման բազան վերցվում շահութահարկի հարկման բազա համարվող եկամուտը 12 բաժանելու միջոցով ։ Շնորհակալ եմ նախապես։

Մայրության նպաստ միկրոյի դեպքում

Մանե․

Բարև Ձեզ։ Անհատ ձեռնարկատերը, ով հղի է, աշխատում է միկրոյով և ունի 1 վարձու աշխատող։ Կստանա՞ արդյոք պետբյուջեից ժամանակավոր անաշխատունակության և մայրության նպաստ։ Ինչպես նաև՝ Ա/Ձ֊ն պե՞տք է դադարեցվի։

Միջին աշխատավարձի հաշվարկ

Անժելա.

Բարև ձեզ։ Ֆիզ. արձակուրդի գումարը հաշվելիս, երբ 12 ամսվա ընդհանուր եկամտի մեջ կա նաև քաղիրավական կազմակերպությունից ստացած աշխատավարձ, դա նույնպես հաշվու՞մ են որպես եկամուտ, թե՞ ոչ։