Tag: իրավաբանական հասցե

Հաշվի տեսակը մատակարարի անունից

Արեն․

Բարև ձեզ, հարգելի հաշվապահներ:

Ա կազմակերպությունը հանդիսանում է ոչ ռեզիդենտ և Բ կազմակերպությանը ՀՀ տարածքում ծառայություն է մատուցում։ Պետք է դուրս գրեմ մատակարարի անունից հարկային հաշիվ: Ծառայություն մատուցող դաշտում և ստացող դաշտում ավոտոմատ նշվում է Բ կազմակերպության ՀՎՀՀ-ն, երբ նշվում է հարկային հաշվի տեսակը մատակարարի անունից: Ստացող դաշտում կազմակերպության անվանումն ու հասցեն բացակայում է: Հարց՝ ստացող դաշտում պետք է գրել Ա կազմակերպությա՞ն, թե՞ Բ կազմակերպության տվյալները։

Գործունեության հասցեի փոփոխություն

Աննա․

Բարև Ձեզ։ Նոր բացված ՍՊԸ է, պետ. ռեգիստրում գործունեության հասցեն սխալմամբ նշված է եղել իրավաբանական հասցեն։ Որտե՞ղ և ինչպե՞ս կարող եմ փոխել գործունեության հասցեն:

Հասցեի փոփոխություն

Արմանե․

Բարև Ձեզ, խնդրում եմ ասեք՝ ինչպիսի՞ն է ՍՊԸ-ի իրավաբանական հասցեի փոփոխման ընթացակարգը, պայմանները, կա՞ն արդյոք նախատեսված  պետական տուրքեր կամ վճարումներ։

Ու՞ր պիտի դիմել։

Ի՞նչ է ասում օրենքը ՍՊԸ գրանցման վայրի և ծավալած գործունեության վայրի մասին, արդյո՞ք դրանք պիտի համընկնեն։

Կարիք կա՞ ամեն անգամ գրասենյակ փոխելիս փոխել իրավաբանական հասցեն։ 

Կանխավ շնորհակալություն։

Կանոնադրության փոփոխություն և նոր խմբագրություն

Արսեն․

Բարև Ձեզ: Որ խնդրեմ կհուշե՞ք՝ ոնր է տարբերությունը ընկերության կանոնադրության փոփոխության և նոր խմբագրության միջև: Պետ. ռեգիստրի կայքում երկու տարբեր փաստաթղթեր են հրապարակված. օրինակ, իրավաբանական հասցեի փոփոխության համար, բայց հասկանալի չէ՝ տարբերությունը որն է: Նախօրոք շնորհակալություն:

Հաշիվ ապրանքագրի հետ կապված

Անահիտ.

Բարև Ձեզ: Արդյո՞ք խնդիր չէ հաշիվ ապրանքագրի մեջ, երբ գրվում է ընկերության իրավաբանական հասցեն։

Միջնորդային գործունեություն իրականացնելու համար

Վահան.

Բարև ձեզ։ Ես օնլայն առևտրի միջնորդ կազմակերպություն եմ ուզում հիմնել, որտեղ վաճառողները միջնորդավճար են վճարում իրենց վաճառած ապրանքից։ Գրանցված աշխատողներ չեն լինելու սկզբնական շրջանում։ Հարցերս հետևյալն են.
1) Ի՞նչ տարբերակով է ձեռնտու գրանցել բիզնեսը՝ Ա/Ձ, ՍՊԸ:
2) Ի՞նչ հարկատեսակով է հարկվելու տվյալ բիզնեսը:
3) Եթե առանձին տարածք չունեմ, որպես բիզնեսի գրասենյակ, կարո՞ղ եմ արդյոք գրանցել այն իմ բնակության հասցեով։
Նախապես շնորհակալություն:

Բնակելի տարածքի՞, թե՞ գույքի անհատույց վարձակալական պայմանագիր

Լիաննա.

Բարև ձեզ, հարգելի հաշվապահներ: Այսպիսի հարց. շրջհարկով աշխատող ՍՊԸ-ի իրավաբանական հասցեն տնօրենի բնակարանի հասցեն է, արդյո՞ք պետք է ունենալ անհատույց վարձակալական պայմանագիր,(կցանկանայի ճշտել, ո՞ր տեսակն է այս դեպքում տեղին` բնակելի տարածքի վարձակալական պայմանագիր, թե՞ գույքի անհատույց վարձակալական պայմանագիր), և եթե ՍՊԸ վարձակալելու է տարածք` գրասենյակի համար, արդյո՞ք պետք է փոխել ՍՊԸ-ի իրավաբանական հասցեն, և վարձակալությունից ի՞նչ հարկեր կառաջանա ՍՊԸ-ի համար։
Շներհակալություն:

Եթե ԱՁ-ն փոխում է գործունեության հասցեն

Արփինե․

Բարև Ձեզ։ Եթե ԱՁ-ն փոխում է գործունեության հասցեն, միայն ՀԴՄ-ն վերագրանցելը բավարա՞ր է, թե՞ պետք է պետռեգիստրում էլ տեղյակ պահվի և փոփոխություն արվի։ Նախապես շնորհակալ եմ։

Անձը ցանկանում է ֆիլմարտադրության և նկարահանման ծառայություններ մատուցող ՍՊԸ հիմնադրել

Արման.

Հարգելի հաշվապահներ:

Ֆիլմարտադրության և նկարահանման ծառայություններ մատուցող ՍՊԸ պետք է գրանցեմ, մի քանի հարցեր ունեմ.

  1. Ինչքա՞ն է գրանցման վճարը:
  2. Իրավաբանական հասցեն հնարավո՞ր է գրանցել բնակարանի հասցեով, և հետագայում հասցեն փոփոխելը խնդի՞ր է, թե՞ ոչ:
  3. Կանոնադրություն տեղում ինձ կտա՞ն:
  4. Ի՞նչ հարկային վճարներ եմ անելու, ինչո՞վ եմ հարկվելու (դրամաշնորհները հարկվելու՞ են):
  5. Եթե մի 2-3 ամիս կազմակերպությունը ոչ մի ծառայություն և գործունեություն չի կատարում, էդ դեպքում ի՞նչ վճարներ եմ անելու:
  6. Կարո՞ղ եմ չգրանցել ոչ մի աշխատող: Քանի որ հնարավոր են աշխատանքային դադարներ, ինձ ավելի ձեռնտու կլինի՞ քաղիրավականով աշխատել, թե՞ ոչ:

Շնորհակալություն:

ՍՊԸ-ի իրավաբանական հասցեի վերաբերյալ

Գրիգորի.

Ես կարո՞ղ եմ որպես ՍՊԸ-ի իրավաբանական հասցե վերցնել իմ ամառանոցի հասցեն:

ՍՊԸ-ի գրանցում նույն հասցեում

Բարև ձեզ: Հնարավո՞ր է նույն բնակարանի վրա գրանցել 2 ՍՊԸ:

ՀԴՄ հասցեի ուղղում

Լուսինե.

Բարև ձեզ, խնդրում եմ ինձ օգնեք, ունեմ ԱՁ, որն զբաղվում է վարսավիրական ծառայությամբ: ՀԴՄ-ի ձեռք բերման հայտում ՀԴՄ-ի տեղադրման հասցեի
մասում գործունեության իրականացման հասցեի փոխարեն նշել եմ իրավաբանական հասցեն և արդեն 2 ամիս աշխատում եմ: Խնդրում եմ ինձ օգնեք, թե ինչպես կարող եմ ուղղել:

Պարտադի՞ր է արդյոք փոխել ՍՊԸ-ի իրավաբանական հասցեն

Մարի.

Բարև ձեզ:

Հարգելի հաշվապահներ, ՍՊԸ-ի տնօրենը (միակ մասնակից) փոխել է իր բնակության ու գրանցման հասցեն: Պարտադի՞ր է արդյոք, որ ՍՊԸ-ի իրավաբանական հասցեն փոխվի: Հասցեն փոփոխելու համար ինչպիսի՞ փաստաթղթեր պետք է ներկայացվեն իրավաբանական անձանց պետական ռեգիստրում և ՊԵԿ տարածքային գրասենյակներ:

ՀԳ: e-register.am-ում ամբողջական տեղեկատվություն չկա, միայն նմուշային կիսատ-պռատ ձևեր են:

Ապրանքը պետք է տեղափոխվի պահեստ

Աննա.

Բարև ձեզ: ՍՊԸ աշխատում է ԱԱՀ դաշտում: Ներմուծված ապրանքը մաքսատնից տեղափոխվել է իրավաբանական հասցե, իսկ հիմա դա պետք է տեղափոխվի պահեստ: Այդ դեպքում էլեկտրոնային ո՞ր փաստաթուղթն են դուրս գրում: Այսինքն, e-invoicing ծրագրով ապրանքի տեղափոխման փաստաթուղթ են դուրս գրում, թե՞ ոչ:
Շնորհակալություն:

Կազմակերպության իրավաբանական հասցեի փոփոխություն

Կարինե.

Բարև ձեզ, հարգելի գործընկերներ: Կխնդրեի նշել, թե ինչ փաստաթղթեր են անհրաժեշտ ՍՊԸ-ի իրավաբանական հասցեի փոփոխության համար, և որտեղի՞ց կարող եմ վերցնել նմուշային ձևերը:

Նախապես շնորհակալ եմ:

Մատակարարվող ապրանքի նշանակման վայրի նշումը հաշվի մեջ

228

Nshan4.

Կարո՞ղ է որևէ մի ընկերությանը մատակարարվող ապրանքի նշանակման վայրը նշվել այնպիսի հասցե, որի հետ ապրանքը ստացող ընկերությունը իրավական կապ չունի, և հաջորդ հարցս` եթե ամեն դեպքում վերը նկարագրված գործողությունը տեղի է ունեցել, ապա ի՞նչ խնդիրներ կարող են ի հայտ գալ հետագայում:

Ա/Ձ գրանցված է Շուշիում

Մելքոնյան.

Բարև ձեզ, խնդրում եմ պատասխանել իմ հարցին, եթե Ա/Ձ գրանցված է Շուշիում, իսկ գործունեության հասցեն` Երևանում, ապա պե՞տք է գրվի միմիայն հատուկ հաշիվ:

ԱՁ գործունեություն է իրականացնում տարբեր վայրերում

Վրույր.

Բարև Ձեզ: Եթե ԱՁ-ի գործունեությունն այնպիսին է, որ այն տեղի է ունենում տարբեր վայրերում, օրինակ` ոռոգման ցանցերի նախագծում և այլն: Այդ դեպքում հարկային պարտավորությունները կատարվում են գրանցման վայրու՞մ, թե՞ որտեղ: Կանխավ շնորհակալություն:

Կազմակերպության իրավաբանական հասցեի հետ կապված

Արթուր.

Բարև ձեզ: Ես ուզում եմ իմանալ՝ եթե իմ տան հասցեում մեկ ուրիշին թույլ տամ ՍՊԸ բացի, այսինքն՝ իմ տան հասցեն դառնա նրա ՍՊԸ-ի իրավաբանական հասցեն, դա իր մեջ որևէ վտանգ կարո՞ղ է պարունակել: Ես ինչ-որ ձևով պատասխանատու՞ եմ նրա գործունեության համար:

Ո՞ր հասցեն է նշվում հաշվետվություններում

Gurgen.

Խնդրում եմ պատասխանել հետևյալ հարցին. հաշվետվությունների մեջ “հարկ վճարողի գտնվելու վայրը” տողը լրացնելիս նշվում է կազմակերպության իրավաբանակա՞ն հասցեն, թե՞ փաստացի գործունեության: Շնորհակալություն:

Կազմակերպությունը փոխել է իրավաբանական հասցեն

Նարինե.

Եթե կազմակերպությունը գրանցված է Մաշտոցի հարկայինում, սակայն փոխել է իրավաբանական հասցեն, որն այժմ Կենտրոն համայնքում է, հնարավո՞ր է արդյոք սոցապ ներկայացվող անհատական հաշվի մասին հայտը ներկայացնել օրինակ Կենտրոն սոցիալական ապահովվածության տարածքային գրասենյակ:

Եթե կազմակերպության իրավաբանական հասցեն փոխվում է

Նարինե.

Ասացեք խնդրեմ, եթե կազմակերպության իրավաբանական հասցեն փոխվում է, հարկային հաշվետվություները պետք է հանձնել հի՞ն հասցեի հարկային տեսչությունում, որտեղից և ստացել ենք ՀՎՀՀ և կնիքը:

Կազմակերպության իրավաբանական հասցեն փոխելու համար

Նարիինե.

Բարև Ձեզ:
Ասացեք խնդրեմ` ի՞նչ փաստաթղթեր է անհրաժեշտ կազմակերպության իրավաբանական հասցեն փոխելու համար և ու՞ր է պետք դիմել:

Եթե կազմակերպությունը իր իրավաբանական հասցեն փոխում է

Անժելա.

Բարև Ջեզ: Ինձ հետաքրքրում է հետևյալը: Եթե կազմակերպությունը իր իրավաբանական հասցեն փոխում է, ՀԴՄ-ի ապարատը նույնպե՞ս պետք է վերագրանցել: Եթե այո, ապա ի՞նչ հերթական քայլեր պետք է անել: Նախապես շնորհակալ եմ:

Ընկերության հաշվառում այլ ՀՏ-ում

Արփինե.

Բարև Ձեզ, խնդրում եմ օգնեք ինձ: ՍՊԸ կարող է հարկային տեսչությունը ավտոմատ կերպով մեկ այլ հարկային տեսչությունից տեղափոխի մեկ այլ: Նշեմ, որ ՍՊԸ իրավաբանական հասցեն կենտրոնում է:

Արդյո՞ք պայմանագիրը ենթակա է նոտարական վավերացման

Anush.

ՍՊԸ-ն ձևակեպել է ոչ բնակելի տարածքի անհատույց ստացման պայմանագիր ֆիզ. անձի հետ: Արդյո՞ք այդ պայմանագիրը ենթակա է նոտարական վավերացման, թե՞ այդ պայմանագիրը բավարար է, որպեսզի գործունեության ծավալման վայր հանդիսանա այդ տարածքը (իրավաբանական հասցեն այլ քաղաքում է):

Շնորհակալ եմ: