Tag: հաշվարկային փաստաթուղթ

ՀԴՄ կտրոն հաշվի փոխարեն

Աշոտ․

Բարև ձեզ։ Եթե ֆիզանձի հետ գործարք ենք կատարում, և գումարը փոխանցվում է ԱՁ-ի բանկային հաշվին, որպեսզի ֆիզանձի անունով հաշիվ դուրս չգրենք, իրավունք ունե՞նք ՀԴՄ կտրոն տպել, թե՞ ՀԴՄ կտրոնը մենակ կանխիկի ու ՊՕՍ-ի դեպքում ա կարելի։

Հանդիսավարի գործունեություն

Գայանե․

Բարև Ձեզ, հարգելի հաշվապահներ։ Հանդիսավարը կարո՞ղ է միկրոձեռնարկատիրության դաշտում գործել, և ինչպե՞ս է ցույց տալու իր շրջանառությունը։ Ի՞նչ խորհուրդ կտաք՝ հաշիվ գրի, թե՞ շրջիկ ՀԴՄ ձեռք բերի։ Կանխավ շնորհակալություն։

Հանդիսությունների կազմակերպում

Աննա․

Բարև Ձեզ, հարգելի գործընկերներ։ Մի հարց. Հանդիսությունների կազմակերպում գործունեությունը կարո՞ղ է միկրոյի դաշտում աշխատել (նշեմ, որ ընկերությունը հաճախորդից գումարը վերցնում է, և տարբեր ծառայությունների համար վճարում, որից իր եկամուտը կկազմի Х%, ծառայությունները կարող է վճարվել ինչպես քաղաքացիաիրավական պայմանագրով, այնպես էլ հաշվարկային փաստաթուղթ դուրս գրելու հիման վրա)։ Իսկ հանդիսության ծառայությունները լինում են՝ ֆոտո նկարահանում, երաժշտություն, դիզայն, մեքենաների վարձույթ։

Հաշվի չեղարկում , հաշվի ճշգրտում

Լիլիթ․

Բարև Ձեզ։ Հնարավո՞ր է արդյոք էլեկտրոնային հաշիվը, որում հայտնաբերվել է սխալ, մեկ շաբաթ անց ետ կանչել՝ չեղարկել, կամ կատարել փոփոխություն։

Ապրանքի ետ վերադարձ

Տաթևիկ․

Բարև Ձեզ։ Ապրանքի առաքման հաշիվ վավերագիր է դուրս գրվել, ցանկանում ենք ապրանքի ետ վերադարձ կատարել և ապրանքը մատակարարել ավել ցածր գնով, քանի որ չի վաճառվում։ Խնդրում եմ հուշեք գործողությունների հերթականությունը։

Լեզուների դասավանդում ֆիզ. անձի կողմից

Վահագն․

Բարև Ձեզ։ ԱՁ չհանդիսացող ֆիզ. անձը ցանկանում է զբաղվել երեխաներին լեզուների դասավանդմամբ։ Կարո՞ղ է արդյոք դիմել հարկային տեսչություն և ստանալ միկրոձեռնարկատիրության արտոնագիր։ Ընդհանրապես հաշվետվություններ տալու պարտավորություն ունի՞։ Եթե այո՝ ի՞նչ հաշվետվություն։

ՀԴՄ-ի կարիք ունի՞։ Եթե ՀԴՄ չի օգտագործվում, հաշիվ դուրս գրելու պահանջ կա՞։ Եթե չկա պահանջ, հաճախորդի պահանջի դեպքում կարո՞ղ է հաշիվ դուրս գրել, և ամենակարևորը ուսուցման վճարը կարո՞ղ է առձեռն ստանալ, թե՞ պետք է ստանա անկանխիկ եղանակով, բանկային փոխանցմամբ։

Եվ միկրոյի արտոնագիր ֆիզ. անձի տրամադրվում է 1 տարվա՞ համար։ Այսինքն, օրինակ, եթե արտոնագիրը տրամադրվի դեկտեմբերի 18-ին, մինչև ե՞րբ այն ուժի մեջ կլինի։

Ռեստորանը որպես միկրոձեռնարկատիրություն

Անի․

Բարև Ձեզ։

Ռեստորանը, որը գտնվում է մարզում, աշխատում է միկրոձեռնարկատիրության համակարգում։

Կարելի՞ է հաշիվ դուրս գրել իրավաբանական անձ հաճախորդին՝ գումարը փոխանցումով ստանալու համար։

Շնորհակալություն։

Ավտոմեքենայի յուղերի առք ու վաճառք

Հասմիկ․

Բարև ձեզ, հարգելի հաշվապահներ։ Հարցս վերաբերում է ավտոմեքենայի յուղերի առք ու վաճառքին։ Պարտադի՞ր է արդյոք յուղման կետի համար յուղը ձեռք բերել բացառապես հաշվարկային փաստաթղթերով։ Կա՞ համապատասխան օրենքի հղում։

Բեռնափոխադրման գործունեություն

Անի․

Բարև Ձեզ։ Ցանկանում եմ զբաղվել բեռնափոխադրմամբ Հայաստանում և գործել միկրոյի հարկման դաշտում, խնդրում եմ նշել՝ հնարավո՞ր է, թե՞ ոչ, և ի՞նչ նրբություններ կան տվյալ ոլորտում աշխատելիս։

Բեռը գնելու ենք կազմակերպությունից և տեղափոխենք գնորդի հասցե (ֆիզ․ անձ) և վաճառենք։ Անհրաժե՞շտ է արդյոք ՀԴՄ կիրառել, թե՞ կարող ենք հաշվարկային փաստաթղթեր դուրս գրել ֆիզ․ անձանց անուններով։ Եվ միկրոձեռնարկատիրության դաշտում աշխատելու դեպքում բացի դրոշմանիշային վճարի, ուրիշ այլ հարկ կամ պարտադիր վճար առաջանալու՞ է, թե՞ ոչ։

Շնորհակալ եմ շատ։

Wildberries հարթակում գործունեություն

Լիլիթ․

Wildberries – ի հաշվապահներ, խնդրում եմ օգնեք։ ԱՁ-ն, որն աշխատում է շրջհարկով, ունի Wildberries սրահ և ծառայությունը դեռ նոր է սկսել մատուցել։ Ուզում եմ հասկանալ՝ ի՞նչ ունենք անելու հարկային դաշտում, հաշվետվություն և հաշիվների դուրս գրման մասին է խոսքը, շաաաատ եմ խնդրում օգնեք։

1. Հաշվարկային փաստաթուղթ դու՞րս է գրելու Wildberries – ին և ի՞նչ հաճախականությամբ

2 Իսկ եկամուտների մասով ինչպե՞ս ցույց տանք

ԱՁ-ն ավտոմատ անցել է ԱԱՀ դաշտ

Արթուր․

Բարև ձեզ։ Խնդրում եմ օգնել հետևյալ հարցով․ ԱՁ-ն բացվել է, սակայն ճիշտ ժամանակին չի ներկայացվել հարկման դաշտ ընտրելու հայտարարություն, և ավտոմատ անցել է ԱԱՀ-ի դաշտ, դրանից հետո մատուցել են ծառայություն և դուրս են գրել հաշվարկային փաստաթուղթ, ոչ թե հարկային հաշիվ, հիմա ԱԱՀ-ի հաշվարկում պետք է 20% հարկվի՞։

Գործակալական պայմանագիր

Աննա.

Բարև Ձեզ, հարգելի հաշվապահներ։ Մի հարց կխնդրեի պարզաբանել. Ա կազմակերպությունը Բ կազմակերպությանը գործակալական պայմանագրով տալիս է ապրանք վաճառի։ Գործակալը ապրանքը վաճառում է իր անունից։ Հասկանալի է, որ գործակալ հանդես եկող ընկերությունը պետք է գործի ԱԱՀ-ի դաշտում, իսկ պրինցիպալ հանդես եկող կազմակերպությունը, եթե դիմացի կողմի հետ գործակալը գործարքն անում է իր անունից (հդմ-ով վաճառք է իրականցնում, ամսվա վերջում հաշվետվությամբ ցույց տալիս վաճառքը, որի համար դուրս է գրվում հաշվարկային փաստաթուղթ)։ Արդյո՞ք ճիշտ է։

Հաշվարկային փաստաթուղթ դուրս գրելը պարտադի՞ր է

Շուշան․

Բարև Ձեզ։ Եթե շրջհարկով աշխատող ԱՁ-ն էլեկտրոնային ծառայությունների դիմած վճարում է ստանում բանկային հաշվին (բանկային-քարատային փոխանցումներով, տելսել կամ այլ տերինալով), ապա հաշվարկային փաստաթուղթ դուրս գրելը պարտադի՞ր է։

Ճի՞շտ եմ հասկանում, որ Հարկային օրենսգրքի 56 հոդվածի 2-րդ մասով ասվում է, որ բնակչությանը մատուցվող ծառայության համար պարտադիր չէ, եթե ծառայություն ստացողը չի պահանջում։ Իսկ եթե պարտադիր է, ապա փաստորեն ծառայություն ստացողը պիտի տրամադրի իր անձնագրային, բանկային տվյալները և հասցեն։

Հաշվի դուրս գրում ֆիզ. անձանց

Գոհար․

Հարգելի հաշվապահներ, խնդրում եմ օգնեք հասկանալ։ ԱՁ-ն, ով ունի հյուրատուն և գործում է միկրոյով, կարո՞ղ է արդյոք հաշվարկային հաշիվներն ֆիզ անձանց դուրս գրի ծառայությունից օգտվելուց որոշ ժամանակ հետո, օրինակ՝ մարտ ամսով ծառայությունների հաշիվն դուրս գրեմ մարտի վերջում։

ՀԴՄ կտրոն հաշվի փոխարեն

Նորայր․

Բարև Ձեզ։ ՀՕ հոդված 16-ի համաձայն՝ եթե ծառայություններ ենք մատուցում ոչ ՀՀ քաղաքացու / ընկերությանը ԱՐՏԱՐԺՈՒՅԹՈՎ, ապա հաշվարկային փաստաթղթում գրում ենք դրամով` հաշվելով տվյալ օրվա ԿԲ փոխարժեքը։ Հարցս հետևյալն է` կարո՞ղ ենք հաշվարկային փաստաթղթի փոխարեն ՀԴՄ կտրոն տրամադրել։ Խնդրում եմ նշեք նաև համապատասխան օրենսդրական կարգավորումը։

Հաշվի չեղարկում

Արմին․

Ողջույն։ Եթե հաշիվ դուրս գրելուց սխալ է նշվել մատակարարման ամսաթիվը, ո՞ր կետը պետք է նշել հաշիվը չեղյալ անելու ժամանակ։ Եվ արդյո՞ք դա խնդիր կարող է առաջացնել հետագայում։

Հաշիվ ոչ ռեզիդենտին

Գոհար․

Հարգելի հաշվապահներ, եթե ոչ ռեզիդենտին (ՌԴ) հաշվարկային հաշիվ ենք գրում, պիտի ռուսերե՞ն գրենք, թե՞ հայերեն։

Հաշվի արտացոլում հաշվետվության մեջ

Լիանա․

Բարև Ձեզ։ Ա/Ձ-ն (ԱԱՀ վճարող) ստացել է Բ հաշիվ, որի դիմաց Ա/Ձ-ն չի վճարելու, այլ բարեգործական հիմնադրամ։ Արդյո՞ք ԱԱՀ-ի հաշվետվության մեջ պետք է արտացոլել ստացված հաշվի գումարը։

Հաշիվների չեղարկում

Մելինե․

Բարև ձեզ։ Եթե այս ամիս 3 ամսվա նախորդ երեք ամիսների հաշիվներ եմ չեղյալ արել (դիմացի կողմի խնդրանքով), և մեկ նոր հաշիվ եմ դուրս գրել (այդ երեք ամիսների+պլյուս հունվար համար)՝ մատակարման ամսաթիվն նշելով 31.01.2022։ Ես հիմա ԱԱՀ-ի հաշվարկներում ճշտելու բան ունե՞մ։ Նշեմ, որ այդ հաշիվների վճարումները ստացած են եղել։ Շնորհակալություն։

Քարի մշակման գործունեություն

Դավիթ․

Միկրոձեռնարկատիրությամբ գործող ԱՁ -ն զբաղվում է քարի սղոցում, մշակում և հարդարում գործունեությամբ: Դա համարվու՞մ է արդյոք արտադրություն այն դեպքում, երբ մշակումից հետո վաճառվում են քարերը, և կարո՞ղ է կազմակերպությանը հաշիվ գրել։ Շնորհակալություն։

Գնորդը ջնջել է հաշիվը

Նելլի․

Բարև ձեզ, հարգելի հաշվապահներ։ Էսպիսի մի հարց՝ գնորդը ջնջել է մայիս ամսին գրված հարկային հաշիվը առանց կազմակերպությանը տեղյակ պահելու, ու գնորդին ոչ մի կերպ չենք կարողանում գտնել, ի՞նչ է արվում էդ դեպքում։

Անհատույց մատակարարում

Ինեսա․

Բարև ձեզ, եթե ցանկանում եմ խանութին անվճար ապրանք տալ, ինչպե՞ս եմ ձևակերպում, ինչպե՞ս եմ հաշիվ դուրս գրելու:

Электронный счёт без НДС

Армине.

Как выписать электронный счёт без НДС? Выдаёт ошибку сумма НДС должна быть выше 0. Заранее спасибо!

Ի՞նչ հաշիվ պետք է դուրս գրել

Աննա․

Հարգելի հաշվապահներ, ԱՁ-ն սկսելու է freelance ծառայություններ մատուցել, ընդհանուր հարկման համակարգում է: Քանի որ ծառայության մատուցման վայրն ՀՀ-ից դուրս է, զրոյական ԱԱՀ-ով է հարկվելու: Այս դեպքում, որքանով տեղյակ եմ, հարկային հաշիվների փոխարեն պետք է դուրս գրել այլ հաշվարկային փաստաթուղթ: e-invoice համակարգում համապատասխան փաստաթղթի տեսակ չգտա: Խնդրում եմ օգնեք՝ ի՞նչ փաստաթուղթ պետք է դուրս գրեմ ու ո՞րտեղից: Որտե՞ղ կարող եմ ավելի շատ ինֆորմացիա հաշիվներ դուրս գրելու մասին գտնեմ:

Ֆրիլանսով զբաղվող ԱՁ

Քրիստինե․

Բարև, հարգելի հաշվապահներ: Ֆրիլենսով զբաղվող ԱՁ-ն եկամուտ ստանում է մի քանի կլիենտներից, որոնք նստում են նույն հաշվի վրա ( Payoneer քարտի վրա ): Հարցս հետևյալն է․ հաշիվ վավերագիր դուրս գրելիս հնարավո՞ր է 1 հատ պատրաստել ամբողջ ամսվա համար և “Ստացող”-ի անվան տեղը գրել Payoneer կամ միգուցե բաց թողնել: Թե՞ առանձին պետք է լինի յուրաքանչյուր կլիենտի համար, և այս դեպքում ստանալու ամսաթիվը ամսվա վերջին օրը կարելի՞ է դնել, նույնիսկ եթե ասենք այդ կլիենտը այդ ամսվա մեջ մի քանի անգամ է ուղարկել ( և ներառել բոլոր ուղարկած եկամուտները այդ ամսվա ընթացքում ): Նշեմ, որ շրջհարկի տակ է գործում: Շնորհակալ եմ:

Արդյո՞ք դիմացի կողմը միկրոբիզնես է

Արամ․

Բարև Ձեզ, կոլեգաներ։ Ինչպե՞ս պարզել՝ դիմացի կողմը միկրոձեռնարկատիրության սուբյեկտ է, թե՞ ոչ, և կարո՞ղ ենք արդյոք նրա կողմից դուրս գրված հաշիվը ծախս ճանաչել։

Ստացված հաշվի չեղարկում

Կարեն․

Հարգելի հաշվապահներ, եթե հոկտեմբեր ամսվա մեջ ԱԱՀ-ով հաշիվ եմ ստացել մեկ այլ ընկերությունից, որից հետո ներկայացրել եմ հեկտեմբերի համար ԱԱՀ հաշվետվություն, սակայն նոյեմբերի մեջ ծառայություն մատուցողը չեղարկել է իր դուրս գրած հաշիվը և նույն հոկտեմբերի մատակարարման ամսաթվով հաշիվը գրել է արդեն առանց ԱԱՀ-ի՝ հաշվարկային փաստաթուղթ։ Այս դեպքում ԱԱՀ հաշվետվության մեջ փոփոխությունը ինչպե՞ս եմ արտացոլում և ԱԱՀ հաշվարկի 20-րդ կետում ո՞ր հոդվածի համաձայն եմ նշում։

Կամերալ ուսումնասիրություն

Աննա.

Ողջույն բոլորին։ Խնդրում եմ ասեք՝ ինչպե՞ս վարվել հետևյալ իրավիճակում: Ուրեմն, Ա/Ձ-ն զբաղվում է կահույքի արտադրանքով և ունի դպրոցի հետ պայմանագիր: Որպես արտադրող ներկայացրել ենք միկրո համարվելու հաշվետվություն: Այս ընթացքում դուրս ենք գրել 4 հաշիվ Բ-ով: Այսօր ստանում ենք կամերալ, որտեղ նշված է, որ ներկայացված չէ օգոստոս ամսվա համար ԱԱՀ-ի հաշվետվություն: Հարց 1՝ արդյո՞ք կարող ենք չհամաձայնվել հարկային մարմնի կայացրած որոշման հետ և համարվել միկրոձեռնակարատիրության սուբյեկտ, որպես արտադրող: Հարց 2՝ համաձայն լինելով հարկայինի որոշման հետ, ի՞նչ տվյալներ նշել ԱԱՀ-ի հաշվետվության մեջ, եթե դուրս են գրվել հաշվարկային փաստաթղթեր:

Կանխավ շնորհակալ եմ։

Հաշվի կրկնօրինակում

Գայա.

Բարև Ձեզ։ E-invoicing ծրագրի հաշվարկային փաստաթղթեր բաժնում չի ստացվում հաշիվ կրկնօրինակել կամ նոր հաշիվ գրել: ի դեպ միայն մի համակարչից, այլ համակարգչից նորմալ աշխատում է։

ՀԴՄ անհրաժեշտություն

Lilia.

Բարև ձեզ, ո՞վ կարող է ասել՝ արդյո՞ք պարտադիր է ունենալ ՀԴՄ, երբ ԱՁ-ն (միկրո) իրականացնում է ավտոմեքենայի սրահի վերանորոգման աշխատանք, թե՞ ֆիզ. անձին հաշվարկային փաստաթուղթ գրենք՝ նորմալ է։

ԱՁ-ն վճարում է ստացել Airbnb համակարգից

Էլինա․

Հարգելի հաշվապահներ, խնդրում եմ օգնել։ Միկրո-ով աշխատող ԱՁ-ն մատուցել է հյուրանոցային ծառայություն և վճարումը ստացել փոխանցումով դոլարով (airbnb) ոչ ռեզիդենտ ֆիզանձից։ Ճի՞շտ եմ հասկանում, որ պետք է դուրս գրվի հաշվարկային փաստաթուղթ, և արդյո՞ք պարտադիր է նշել անձնագրի սերիա համարը և հասցեն (այդ տվյալները չունեմ)։ Կանխավ շնորհակալ եմ։

Նվազեցում շրջանառության հարկից

Գոհար.

Բարև ձեզ, հարգելի հաշվապահներ։
1. Կարո՞ղ եմ հիմնադիր տնօրենի աշխատավարձը եկամտայինի հաշվետվության մեջ լրացնեմ 68 000դր և քանի՞ ժամ լրացնեմ շաբաթական աշխատանքային ժամը։
2. Հարգելի հաշվապահներ, արդյո՞ք միկրոձեռնարկատիրոջ կողմից դուրս գրվող հաշվարկային փաստաթուղթը հիմա կարո՞ղ եմ շրջհարկով գործող բանջարեղենի խանութի ծախսերում ընդգրկեմ։

Բժշկական ապրանքը ԱԱՀ-ից ազատված չէր

Անահիտ․

Բարև ձեզ, ԱԱՀ-ով աշխատող ընկերությունը բժշկական կենտրոնին հաշվարկային հաշիվ է դուրս գրել մի քանի անգամ նախորդ տարվանից, բայց այդ բժշկական ապրանքը ԱԱՀ-ից ազատված չէր, ի՞նչ կարելի է անել, եթե մինչ այժմ էլ հարկայինից ծանուցում չի ստացվել, չեղյալ անել, նորից գրել չենք կարող։

Հաշվարկային փաստաթուղթ

Արմեն.

Բարև Ձեզ, հարգելի հաշվապահններ։ Փաստորեն միկրոձեռնարկատրիության սյուբեկտները հարկային օրենսգրքով սահմանված կարգով կարողանու՞մ են հաշվարկային փաստաթղթեր դուրս գրել։ Կխնդրեի քննարկենք։ Նախապես շնորհակալություն։

Վճարում տերմինալով

Բժշկական ծառայության համար իրականացվել է անկանխիկ վճարում տերմինալով /easy pay/։ Հարց՝ արդյո՞ք պարտադիր է հաշվարկային փ-թ դուրս գերլ և ի՞նչ անել, եթե հաճախորդը հրաժարվում է անձնագրային տվյալներ տրամադրել հաշիվ դուրս գրելու համար։ Նշեմ նաև, որ Իզի փեյ Սպը-ն տրամադրում է հաշվետվություն օրական մուտքերի վերաբերյալ։

Կազմակերպությունն ազատված է ԱԱՀ-ից

Շուշանիկ.

Բարև ձեզ, հարգելի կոլեգաններ: Եթե ԱԱՀ-ով աշխատող ընկերությունը ապրանքներ է մատուցում մի ընկերության, որը ԱԱՀ-ից ազատված է, դուրս ենք գրում հաշվարկային փաստաթուղթ առաց ԱԱՀ: Ինչպիսի՞ տեղեկենք պետք է ներկայացնի դիմացի կողմը այդ արտոնեությունից օգտվելու պարագայում: Էկոնոմիկայի նախարաության տեղեկանքը բավարա՞ր է։ Կնախավ շնորհակալություն

ՏՏ ոլորտի գործունեության հետ կապված

Արուս.

Հարգելի հաշվապահներ, խնդրում եմ օգնել ստանալու այս հարցի հստակ պատասխանը.
ՏՏ ոլորտում ծառայություններ մատուցող և շրջանառության հարկով աշխատող ԱՁ-ն իր ծառայության համար ամեն ամսվա համար մինչև հաջորդ ամսվա 15-ը 2 000 դոլար է ստանում արտերկրից:
Հուլիս ամսվա համար – 2000 դոլար կնստի հաշվին օգոստոսի 15-ին,
օգոստոս ամսվա համար – 2000 դոլար կնստի հաշվին սեպտեմբերի 15-ին,
սեպտեմբեր ամսվա համար – 2000 դոլար կնսի հաշվին հոկտեմբերի 15-ին:
Հարցս այսպիսին է. հաշվին նստելու օրո՞վ է հաշվարկային փաստաթուղթ դուրս գրվում և նույն օրվա փոխարժեքով է հաշվարկվում եկամուտը, թե՞ հնարավոր է յուրաքանչյուր ամսվա վերջում դուրս գրել հաշվարկային փաստաթուղթ և նույն ամսվա վերջին օրվա փոխարժեքով հաշվարկել եկամուտը:
Երրորդ եռամսյակի համար, եթե ցանկանում եմ հոկտեմբերի 10-ին հաշվետվություն ներկայացնել, դեռ սեպտեմբեր ամսվա գումարը նստած չի լինում, հետևաբար դա հաշվարկելու եմ սեպտեմբեր ամսվա վերջին օրվա դրությամբ, որը դեռ հաշվին չի երևալու: Ինչպիսի՞ն է Ձեր պրակտիկան և նման պարագայում ինչպե՞ս եք հաշվարկելու:

Վաճառք հաշվարկային փաստաթղթով

Երվանդ.

Շրջ. հարկով հարկվող ՍՊԸ-ն իրավունք ունի՞ ֆիզ. անձին վաճառել ապրանքներ ըստ հաշվարկային փաստաթղթի և ստացված հասույթի դիմաց տրամադրելու դրամարկղային մուտքի օրդերի անդորրագիր:

Կանխիկի ստացում մինչև 300 000 դրամ

Արա․

Բարև ձեզ, հարգելի հաշվապահներ։ Եթե ընկերությունը ֆիզիկական անձանց տվյալներով դուրս է գրում հաշվարկային փաստաթուղթ, և գումարը չի գերազանցում 300 000 դրամը, արդյո՞ք չի կարող դա կանխիկ ստանալ, այլ պետք է փոխանցվի միայն հաշվարկային հաշվին։

Հաշվարկային փաստաթղթի դուրսգրում օտար լեզվով

Անահիտ.

Բարև Ձեզ։ Սիրելի կոլեգաներ, խնդրում եմ օգնեք: Ոչ ռեզիդենտին առանց ՀՎՀՀ-ի դուրս գրվող հաշվարկային փաստաթուղթը կարո՞ղ եմ լրացնել անգլերեն տառերով։

Շրջանառության հարկի շեմի գերազանցում

Գեղամ.

2022թ.-ի հունիսի 14-ից 115մլն շեմը գերազանվել է 8մլն դրամով, 14-ից գրվել է դիմում՝ ԱԱՀ վճարող դառնալու համար, սակայն նույն 14.06.22-ին գերազանցված 8մլն դրամի համար գրվել է առանց ԱԱՀ-ի հաշվարային փաստաթուղթ։ Խնդրում եմ ասեք՝ կարո՞ղ եմ ճշտել, չեղյալ անել 8մլն և գրել հարկային հաշիվ կամ ի՞նչ պետք է արվի։

Ե՞րբ դուրս գրել հաշիվը

Գևորգ․

Հարգելի հաշվապահներ,

ԱՁ-ն տրամադրում է ծառայություն արտասահմանյան կազմակերպությանը (կազմում է հաշվետվություններ) և եկամուտը ստանում է արտարժույթով։ Կազմակերպությունը յուրաքանչյուր հաշվետվության հաշվարկը իրականացնում է առանձին (օրինակ մեկ օրվա ընթացքում հաստատում է 10 փաստաթուղթ, յուրաքանչյուրը 10 դոլարով), սակայն գումարը փոխանցում է անձի էլեկտրոնային հաշվին ամսվա վերջում։

Արդյո՞ք հաշվարկային փաստաթուղթը պետք է դուրս գրել յուրաքանչյուր հաստատման համար, թե՞ հնարավոր է այն դուրս գրել մեկ անգամ (գումարի փոխանցման օրը):

Բեռնափոխադրում իրականացնելու համար

Նաիրա.

Բարև ձեզ, հարգելի հաշվապահներ։ Եթե բեռնափոխադրող ընկերությունը Հայաստանի նեսում փոխադրում է կատարում, բացի հաշվարկային փաստաթղթից է՞լ ինչ պետք է ունենա մոտը՝ ուղեկցող փաստաթուղթ կամ բեռնագիր։ Կօգնեք՝ ինֆորմացիա ստանամ։ Շնորհակալ եմ։

Դուրսգրված հաշվարկային փաստաթուղթ

Ռուբ.

Բարև ձեզ, հարգելի հաշվապահներ։ Խնդրում եմ պարազբանել ՀՕ121 հոդվածի 7-րդ մասի 1,2 կետերը։ 1. Եթե ճիշտ եմ հասկանում, ապա, եթե օրինակ՝ աշխատանքների կատարման համար ձեռք են բերվել նյութեր 2021-ին, բայց աշխատանքների կատարման փաստը հավաստող հաշվարկային փաստաթուղթը դուրս է գրվել 2022-ին, ապա այդ ծախսերը վերաբերվում են 2022-ի՞ն և 2021-ի շահութահարկից նվազեցման ենթակա չե՞ն։ 2. Եթե ճիշտ եմ հասկացել հոդվածի բովանդակությունը, ապա այդ դեպքում, եթե 2022-ին ֆիրման անցնում է շրջանառության հարկի դաշտ, ապա ինչպե՞ս պետք է վարվի այդ նյութական ծախսումների և աշխատանքների կատարման հետ անմիջական կապ ունեցող ստացված ծառայությունների հետ։

Ի՞նչ հաշվետվություններ պետք է հանձնել

Անի․

Հարգելի՛ հաշվապահներ, 1. եթե ՍՊԸ է և գրանցված է միայն տնօրենը, այլ աշխատակից չունի, իրականացնում է ապրանքների վաճառք՝ դուրս գրելով հաշվարկային փաստաթղթեր, ի՞նչ տարեկան հաշվետվություններ պետք է ներկայացնի վիճակագրական բաժին, եթե գրություն չի ստացել: 2. Իսկ հանրային սննդի մասով, եթե ՍՊԸ է, ներկայացնում է ամսական առևտրի ձևը, տարեկան ի՞նչ հաշվետվություններ պետք է ներկայացնի: Կանխավ շնորհակալ եմ։

Լիզինգով ձեռքբերված ՀՄ

Նարեկ․

Կազմակերպությունը լիզինգի պայմանագրով ձեռք է բերել ՀՄ, որի համար նախատեսված տոկոսային ծախսերը ամբողջությամբ սուբսիդավորվում է պետության կողմից։ Կազմակերպությունը ամեն ամիս ստանում է հաշվարկայն փաստաթուղթ, որում առանձնացված են վարձավճարն ու տոկոսագումարը։ Հարցս հետևյալն է․ արդյո՞ք սուբսիդավորվող տոկոսագումարները պետք է համարել որպես եկամուտ շահութահարկի հաշվարկում, և եթե հնարավոր է՝ պարզ օրինակի վրա ցույց տվեք նաև ձևակերպումները, սկսած ակտիվի ճանաչումից մինչև վարձավճարի վճարում և տոկոսի սուբսիդավորում։ կանխավ շնորհակալ եմ։

Եկամուտ համատիրության համար

Նարինե.

Համատիրությունը, որը համարվում է շահույթ չհետապնդող կազմակերպություն, ամեն ամիս գրում է հաշվարկային փաստաթուղթ` ոչ բնակելի տարածքներին։ Խնդրում եմ պատասխանել` արդյոք այն համարվում է համատիրության համար եկամուտ, թե՞ ոչ, և շահութահարկի հաշվետվությունում որտե՞ղ պետք է այն ներկայացվի։

ՀԿ հաշվետվություն

Մերի.

Բարև Ձեզ, հարգելի հաշվապահներ: Հարցս վերաբերվում է հասարակական կազմակերպության հաշվետվություններին: Խնդրում եմ օգնեք հասկանալ` 2019-ին գրանցված ՀԿ-ն չունի ո՛չ գույք, ո՛չ էլ անդամավճարներ, չի ունեցել նաև որևէ տեսակի դրամական ներդրումներ: Այս տարի մի դասասենյակի համար ձեռք է բերել գույք, որի համար ստացել է հաշվարկային փաստաթուղթ և տրամադրվել է հանձման-ընդունման ակտ, գույքի գումարը տրամադրվել է մի ֆիզիկական անձի կողմից: Խնդրում եմ օգնեք հասկանալ` ո՞ր հաշվետվության ձևն է անհրաժեշտ լրացնել և եթե հնարավոր է` ինչպե՞ս։ Կանխավ և անչափ շնորհակալ եմ 😊