Tag: հավելավճար

Հերթափոխով աշխատող պահակ

Լիլի․

Բարև Ձեզ: Խնդրում եմ օգնել հետևյալ հարցում․

Հանրակրթական դպրոցում հերթափոխով աշխատող պահակը տոնական օրերին արդյո՞ք կրկնակի պետք է վարձատրվի, և եթե այո, ապա հաշվարկն ինչպե՞ս է արվում։ Տոնական ժամերի մեջ կան նաև գիշերային ժամեր, որի համար 30 տոկոս է տրվում հավելում: Շնորհակալություն:

Հավելավճարները հաշվի առնվու՞մ են արձակուրդային հաշվարկելիս

Կարեն․

Բարև Ձեզ։ Խնդրում եմ ասեք՝ արդյո՞ք նախկինում ամեն ամիս ստացված հավելավճարները հաշվի են առնվում արձակուրդայինի գումարը հաշվարկելիս։

Հավելավճար գիտական աստիճանի համար

Արմեն․

Գիտական աստիճանի համար տրվող հավելավճարը արդյո՞ք հարկվում է, եթե այո, ապա ի՞նչ կարգով։

Գործուղման վերաբերյալ

Լուսինե․

Բարև Ձեզ, հարցս գործուղման մեկնելուն է վերաբերվում։ Գործուղման մեկնելու և այնտեղից վերադառնալու ժամանակահատվածը գերազանցում է իմ աշխատաժամանակը ( աշխատում եմ 9-ից 6-ը, բայց մեկնում եմ 7-ին և վերադառնում 10-ին): Խնդրում նշեք՝ կա՞ արդյոք օրինական հիմք հավելավճար ստանալու։

Երկրից դուրս մեկնել եմ գործուղման, վերադարձել առավոտյան 5-ին, նույն օրը 9-ին խնդրել են ներկայանալ աշխատանքի, իմ վերադարձի օրն արդյո՞ք չի համարվելու գործուղման վերջին օր։

Արդյո՞ք հավելավճարը պարտադիր է

Եվա․

Եթե կազմակերպությունում աշխատողների թիվը չի գերազանցում 3-ը, բայց ունի գրանցված գանձապահ-վաճառողուհի պաշտոնով աշխատակից, այս դեպքում պարտադի՞ր է 30% հավելում տալ աշխատողին։

Վճարում հավելյալ աշխատանքի համար

Արմեն․

Բարև Ձեզ։ Հերթափոխով աշխատանքի դեպքում, եթե աշխատակացիներից մեկը արձակուրդի մեջ է, մյուս աշխատակիցները ավելի խիտ գրաֆիկով են աշխատում, արդյո՞ք գործատուն պետք է վճարի հավելյալ աշխատանքի համար։ Եթե այո, ապա ինչպե՞ս հաշվարկել։

Գումարի տրամադրում աշխատակցին

Կարեն․

Բարև Ձեզ։ ԱԱՀ-ով աշխատող ՍՊԸ-ն ցանկանում է գումար տալ իր աշխատակցին 1 600 000 ՀՀ դրամի չափով։ Եթե դա ձևակերպեմ որպես հավելավճար աշխատավարձ, պետք է հարկվե՞մ 25 տոկոսի չափով։ Կարո՞ղ եմ արդյոք դա ձևակերպել որպես փոխառության տրամադրում։ Այդ դեպքում պե՞տք է 16,67 տոկոսի չափով ԱԱՀ վճարե՞մ։

Հավելավճար ՔԻՊ դեպքում

Անուշ.

Բարև Ձեզ։ Խնդրում եմ պարզաբանել հետևյալ հարցը. քաղիրավական պայմանագրով աշխատողին տրամադրվու՞մ է հավելավճար 30 որպես վնասակար և վտանգավոր պայմաններում աշխատող։ Շնորհակալություն։

Գործատուն միայն ցերեկային է վարձատրում

Հասմիկ․

Բարև Ձեզ։ Ես աշխատում եմ հերթափոխով (8ժամյա)։ Բայց գործատուն ցերեկային է վարձատրում: Արդյո՞ք օրենքով է։ Եվ ի՞նչ պետք է անել այդ դեպքում։

Ժամավարձի հաշվարկ

Հռիփսիմե․

Բարև՛ Ձեզ։ Խնդրում եմ օգնեք հաշվարկել աշխատավարձը ժամանակավարձով։ Տվյալները. Բանվորը հաշվարկային ամսում աշխատել է 180 ժամ, որից 20 ժամը համարվել է գիշերային աշխատանք։ Ժամային տարիֆային դրույքը սահմանված է 250 դրամ։ Գիշերային աշխատանքի յուրաքանչյուր ժամի համար տրվում է հավելում ժամային դրույքի 30%-ի չափով։ Բացի այդ, բանվորին հաշվարկվել է պարգևավճար՝ հաշվարկված աշխատավարձի 50%-ի չափով։

Աշխատակիցը կատարել է լրացուցիչ աշխատանքներ

Աննա․

Բարև Ձեզ: Հարցս հետևյալն է․ աշխատակիցը կատարել է որոշակի լրացուցիչ աշխատանքներ (մեկ ամիս), որի համար նրան հատկացվել է լրավճար: Արդյո՞ք պետք է նրա հետ կնքվի համաձայնագիր և հրամանագրվի, թե՞ կարելի է միայն հրամանով, որտեղ կնշվի կատարված աժխատանքի բնույթը: Կանխավ շնորհակալություն:

Գիշերային աշխատանքի համար հավելավճար

Գոհար.

Հարգելի գօրծընկերներ, կարո՞ղ ենք աշխատանքային պայմանագրում գրել, որ աշխատավարձը կազմում է օրինակ՝ զուտ 150 000, ներառյալ գիշերային աշխատանքի հարար 30 տոկոս հավելու՞մը։

Հավելավճարի հետ կապված

Արմեն.

Բարև Ձեզ։ ՀՀ ո՞ր օրենքով և ի՞նչ չափով պետք է հավելավճար ստանա աշխատողը, որն աշխատում է բարձր լեռնային գոտում (2200-2400մ)։ Մասնավոր արտադրություն։

Հանգստյան օրը աշխատելու դեպքում

Արմեն.

Հերթափոխով աշխատանքի դեպքում, աշատողի հանգստյան օրը աշխատանքի հրավիրելու դեպքում, արդյո՞ք պետք է հավելյալ վճարում կատարվի։ Եթե այո, ապա քանի՞ տոկոս ավել՝ 48 ժամը շաբաթական չի գերազանցվում։

Միջին աշխատավարձի հաշվարկ

Էմիլի․

Հարգելի հաշվապահներ, մեկ հարց ունեմ․ ԱՕ 133 հոդված 1 կետ 1 հիման վրա համայնքի խոշորացման հիմքերով լուծարվում ենք և պետք է ստանանք լուծարման գումար միջին աշխատավարձի չափով: Խնդրում եմ ասել՝ ինչպե՞ս հաշվեմ․ 12 ամիսների ընդհանուր գումարո՞վ է հաշվարկվում և ինչպե՞ս:

Աշխատավարձի տարբերություն

Մարինե.

Հարգելի հաշվապահներ, խնդրում եմ օգնեք` աշխատավարձի տարբերությունը դա հավելավճա՞րն է:

Լրացուցիչ պարտականություններ

Անահիտ.

Աշխատողի վրա դրվել է հաստիքացուցակի թափուր հատիքի պարտականությունները և վճարվում դրա 50 տոկոսը: Ինչպե՞ս է այդ արտացոլվում տաբելում, կանխավ շնորհակալություն:

Վարձատրություն լրացուցիչ աշխատանքի դիմաց

Սարիբեկ.

Հարգելի գործընկերներ, եթե աշխատողը կատարել է հաստիքացուցակում նշված գործառույթներից ավել աշխատանք (աշխատանք, որը նախատեսված է եղել այլ հաստիքով, որը կրճատվել է)` այդ դեպքում աշխատողը կարո՞ղ է աշխատավարձի ավելացման հարց բարձրացնել, թե՞ ոչ: Կանխավ շնորհակալ եմ։

Լրավճար, թե՞ հավելավճար

Աննա.

 

Բարև ձեզ: Լրագրողին վճարվող հոնորարը համարվու՞մ է լրավճար, թե՞ հավելավճար և, արդյո՞ք արձակուրդայինի, վերջնահաշվարկի ժամանակ գումարվում է աշխատավարձին, շնորհակալ եմ։

Արձակուրդայինի հաշվարկ

Անի.

Հարգելի հաշվապահներ, պահակի դրույքը 93 289 է և հավելավճար 15 800դրամ (109 089): Հիմա արձակուրդային հաշվելուց, եթե միջին ամսականը 109 089-ից ցածր է՝ պե՞տք է այդքանը ապահովել, թե՞ ոչ:

Մայրության նպաստի հաշվարկ

Անի.

Բարև ձեզ: Կներեք մի հարց ունեմ. ֆիզարձակուրդի հաշվարկի մեջ ներառվու՞մ են արդյոք պարգևավճարները, նոր տարվա պրեմիան և այլ վճարները: Եթե այո, ո՞նց է տեղի ունենում հաշվարկը 1/12-ի, ի՞նչ է դա նշանակում:

Աշխատաժամանակի հաշվարկ

Anahit.

Հատուկ կատեգորիայի աշխատակիցների ցանկում ներառված հրաձիգների հետ կնքել ենք աշխատանքային պայմանագիր, որտեղ նշել ենք՝ աշխատավարձը դրույքաչափով, և դրանից ելնելով աշխատավարձի չափը։ Յուրաքանչյուրն աշխատում է 24 ժամ և 2 օր հանգստանում։ Բնականաբար գիշերային աշխատանքը պետք է վարձատրվի 30% հավելավճարով, իսկ արտաժամյա աշխատանքը՝ 50%։ Հարցս հետևյալն է. ինչքա՞ն կկազմի նրանց մայիս ամսվա նորմա-ժամը, եթե Աշխ․ Օ-քի 139 հ. 4 կետում նշված է, որ 24 ժամյա աշխատաժամանակի դեպքում շաբաթական 48 ժամը չպետք է գերազանցի։ Բայց այս դեպքում ամեն 3-րդ օրը հաշվելիս ստացվում է 72 ժամ։ Նախապես շնորհակալ եմ օգնության համար։

Որքա՞ն պետք է վարձատրել փոխարինող աշխատակցին

Օլյա․

Բարև ձեզ։ Կազմակերպության գլխավոր հաշվապահը գտնվում է ֆիզ. արձակուրդում, նրա փոխարեն նշանակվել է այլ աշխատակից որպես ժ/պ։ Որքա՞ն պետք է վարձատրվի այդ աշխատակիցը, արդյո՞ք հավելավճար վճարելը կազմակերպության հայեցողությունն է։

Արդյո՞ք հավելավճարը և պարգևավճարը օրենսդրության խախտում է

Լուսինե.

Բարև Ձեզ:
ՔՊ պայմանագրով աշխատողին հավելավճար և պարգևավճար տալը արդյո՞ք օրենսդրության խախտում է, եթե պայմագրում նման կետ նշված չէ:

Պարգևավճար, թե՞ հավելավճար

Գայանե.

Բարև Ձեզ, հարգելի հաշվապահներ: Հասարակական կազմակերությունը մեկ տարվա պետական ծրագրով է աշխատել, աշխատավարձի հոդվածում մի 200 հազար դրամ է ավելացել, որ խնդրեմ կհուշեք՝ ինչպե՞ս ճիշտ տնօրինել. պարգևավճար, թե՞ հավելավճար տալ մի երեք աշխատողի: Կանխավ շատ շնորհակալ եմ, կոլեգաներ ջան:

Ինչպե՞ս հաշվել հերթափոխով աշխատող հյուրանոցի աշխատակցի աշխատավարձը

Բարև բոլորին։ Այսպիսի հարց` արդյո՞ք հյուրանոցային աշխատակիցները հերթափոխով աշխատելու դեպքում պետք է աշխատավարձը հաշվարկել որպես հատուկ ռեժիմով աշխատող բնագավառի աշխատակցի համար։
Ինչպե՞ս և քանի՞ ժամ հավելավճար և գիշերային վճար պետք է հաշվել 100 000 դրամ աշխատավարձի դեպքում, եթե աշխատողն աշխատում է 12 ժամ մեկընդմեջ երեկոյան 7-ից մինչև առավոտյան 7-ը։ Փաստացի ամսական 15 օր՝ 12 ժամ ընդհանուր գրաֆիկով, որից օրական 8 ժամ գիշերային։

Արդյոք հնարավո՞ր է գիշերային հավելում չվճարել աշխատողին

Արամ.

Բարև Ձեզ: Կազմակերպությունը ունի մեկ վարձու աշխատող` տնօրեն: Նոյեմբերի 11-ին ժամը 22:11 ապրանքների մատակարարման հաշիվ է դուրս գրվել նույն օրվա մատակարարման ամսաթվով: Տվյալ դեպքում հնարավո՞ր է գիշերային հավելում չվճարել աշխատողին:

Ճի՞շտ է վճարել պարգևավճար, թե՞ հավելավճար

Բարև Ձեզ: Խնդրում եմ օգնել հասկանալ, եթե աշխատողի աշխատանքը դառնում է ծանրաբեռնված, այդ դեպքում ճի՞շտ է վճարել պարգևավճար, թե՞ հավելավճար:
Եվ երկուսի դեպքում էլ կարո՞ղ է վճարվել աշխատավարձից կրկնակի անգամ շատ գումար: Եվ խնդրում եմ ասել ԱՕ-ի ո՞ր մասով է կարգավորվում:

Մասնագիտական որակավորման կամ բարձր կարգի համար կա՞ հաստատված հավելավճար

Գայանե.

Բարև Ձեզ: Ինձ հետաքրքիր էմասնագիտական որակավորման կամ բարձր կարգի համար կա՞ հաստատված հավելավճարի չափ, օրինակ զոդողի կամ էլեկտրիկի համար: Եթե կա, ո՞ր իրավական ակտով է կարգավորվում: Կանխավ շնորհակալություն:

Համատեղության դեպքում ինչպե՞ս է հաշվարկվում հավելավճարը

Sofya.

Համատեղության դեպքում, ո՞ր դրույքից է հաշվարկվում հավելավճարը, հիմնական, թե՞ փոխարինվող:

Ինչպե՞ս հաշվարկել պահակի աշխատավարձը

Հայկուհի.

Բարև ձեզ։ Առաջացել է անհրաժեշտություն ընդունել պահակ, որը պետք է աշխատի 24 ժամ և հանգստանա 48 ժամ։ Խնդրում եմ, օգնեք հաշվել աշխատավարձը մայիս ամսվա համար, աշխատավարձի չափը՝ 92 592 դրամ։

Միջին ամսական աշխատավարձի հաշվարկում արդյո՞ք ներառվում են հավելավճարները

Լևոն.

Հարց՝ գիտական աստիճանի համար սահմանված 25 000 և 50 000 դրամ հավելավճարները հաշվարկվու՞մ են գիտաշխատողի միջին ամսական աշխատավարձի մեջ, թե՞ ոչ, և ի՞նչ հիմունքներով:

Կարո՞ղ է արդյոք գործատուն պարգևավճար տալ ֆիզ. արձակուրդում գտնվող աշխատակցին

Լիա.

Բարև ձեզ։
Եթե աշխատակիցը գտնվում է ֆիզ․ արձակուրդի մեջ, գործատուն իրավունք ունի՞ նրան այդ ընթացքում պարգևավճար կամ հավելավճար վճարել։ Վտանգ կա՞, որ աշխատակիցը այդ չափով կկորցնի մայրության նպաստը։ Ո՞ր օրենքով է սահմանվում։

Արդյո՞ք անհրաժեշտ է կատարել վերահաշվարկ

Լիլիթ.

Բարև ձեզ։ Եթե ամենամյա արձակուրդը տեղափոխվում է մի քանի ամսով ժամանակավոր անաշխատունակության պատճառով, բայց արձակուրդային վճարն արդեն արվել է, ինչպես նաև գործատուն վճարել է հավելավճար աշխատավարձից կախված, ապա այդ ամիսների ընթացքում աշխատավարձի փոփոխության դեպքում արդյո՞ք կատարվում է վերահաշվարկ։ Շնորհակալություն:

Գիշերային աշխատանքի համար աշխատավարձի հաշվարկ

Վահե․

Բարև Ձեզ, հարգելի հաշվապահներ: Խնդրում եմ պարզաբանեք․
Աշխատողի հաստիքը 90 000 է, աշխատում է 18:00 ից մինչև հաջորդ օրվա 10:00։ Ժամային դրույքաչափը 90 000 / 168 = 535.71, գիշերային ժամվա համար 535.71 * 30% = 160.71։ 535.71+160.71= 696.42 Նոր հետո սա էլ բազմապատկեմ գիշերային (8 ժամ) փաստացի աշխատած ժամերով, ճի՞շտ է։

Բարձր լեռնային վայրում աշխատողին չի վճարվել հավելում

Վարդանյան.

Բարձր լեռնային հավելավճար չեն վճարել մոտ 6 տարի, ինչպե՞ս պետք է վերականգնեն չվճարվածը։ Կանխավ շնորհակալություն։

Արդյո՞ք տոնական և հանգստյան օրերին աշխատելու համար պետք է վճարել հավելում

Արմինե.

Բարև ձեզ, հարգելի հաշվապահներ: Մի հարց ունեմ. բենզալցակայանը աշխատում է շուրջօրյա, աշխատակիցները աշխատում են հերթափոխով, շաբաթական 40 ժամ և ֆիքսված 90 000 դրամ աշխատավարձով: Սակայն նրանք աշխատում են նաև տոնական օրերին և հանգստյան օրերին (շաբաթ, կիրակի), քանի որ բենզալցակայանը միշտ գործում է: Ինչպե՞ս պետք է հաշվարկվի նրանց աշխատավարձը, արդյո՞ք տոնական և հանգստյան օրերին աշխատելու համար հավելավճարներ պետք է տալ:

Անկանխիկ վճարման պահանջի վերաբերյալ

Հռիփսիմե.

Հարգելի գործընկերներ, խնդրում եմ պատասխանել հետևյալ հարցին. արդյո՞ք Երևանում 10-ից ավել աշխատող ունեցող կազմակերպությունը անկանխիկ եղանակով պետք է վճարի նաև վերջնահաշվարկները, արձակուրդային վճարները, նպաստները, պարգևավճարները, հավելավճարները և այլն, թե՞ դրանց կամ դրանց մի մասի համար թույլատրելի է կանխիկ վճարումը: Ինչպես նաև, եթե կարելի է, նշեք այս կետի խախտման դեպքում նախատեսված պատասխանատվության մասին իրավական ակտը: Կանխավ շնորհակալություն:

Որքա՞ն կկազմի աշխատավարձը

Մուշեղ.

Բարև ձեզ: Աշխատավարձս առանց հարկման կազմում է 195 000 դրամ + 45 % հավելավճար, ամսվա ընթացքում հինգ օր եղել եմ վատառողջ և ներկայացրել եմ անաշխատունակության թերթիկ, որքա՞ն պետք է լինեն պահումները, և որքա՞ն աշխատավարձ պետք է ստանամ:

Արդյո՞ք երկու գործատուներն էլ պետք է վճարեն հավելավճար

Արմեն.

Բարև ձեզ:
Անձը համատեղությամբ աշխատում է երկու աշխատատեղում, որոնք երկուսն էլ գտնվում են բարձր լեռնային գոտում: Այս դեպքում արդյոք երկու գործատուներն էլ պե՞տք է վճարեն բարձր լեռնային գոտում աշխատելու համար աշխատավարձի հավելավճարը, թե՞ միայն մեկ գործատուն: Կանխավ շնորհակալություն:

Որքա՞ն կկազմի հավելավճարը

Ռոզա.

Հարգելի գործընկերներ,
ես աշխատում եմ դպրոցում և ունեմ որակավորման առաջին աստիճանի տարակարգ: Հավելավճարը կազմում է մանկավարժական դրույքի 10 %-ը: Ունեմ 0,5 դրույք: Խնդրում եմ հայտնել, թե իմ հավելավճարը ինչքան կկազմի:

Կանխավ շնորհակալ եմ:

Հարգանքներով՝ Ռոզա

Աշխատակցին չի վճարվել վերջնահաշվարկ

Անահիտ Ս.

Հարգելի գործընկեր, հարցս հետևյալն է. Նախկին աշխատակցին, ով ՏԻՄ – ում աշխատել է 1999-2017թթ ընկած ժամանակահատվածում, ունեցել է չվճարված արձակուրդ 1999-2006թթ-ի համար: 2017թ-ին համայնքների խոշորացման հետևանքով ազատվել է աշխատանքից, և նրան հաշվարկվել և վճարվել է վերջնահաշվարկ 2003-2006թթ-ի համար, իսկ մինչև 2003թ-ը չի վճարվել, քանի որ չկա այդ ժամանակահատվածի համար կնքված պայմանագիր: Հիմա այս աշխատակիցը դիմել է դատարան և պահանջում է 1999-2003թթ ընկած ժամանակահատվածի համար չվճարված գումարը: Խնդրում եմ պատասխանել հետևյալ հարցերին.
1. վերջնահաշվարկ հաշվարկելիս ո՞ր ժամանակահատվածի աշխատավարձն են ընդունում միջին ամսական աշխատավարձ՝ 1999-2003թթ-ին ստացած աշխատավարձը, թե ըստ աշխ. օրեսգրքի 195 հոդվածի նման պահանջ առաջանալուց ամսվան նախորդող վերջին տասներկու ամիսների ընթացքում տվյալ գործատուի կողմից աշխատողի համար հաշվարկված աշխատանքի վարձատրության բոլոր տեսակների (հիմնական աշխատավարձ, լրացուցիչ աշխատավարձ` հավելումներ, հավելավճարներ, լրավճարներ, պարգևատրումներ և այլն) ընդհանուր գումարը տասներկուսի բաժանելու միջոցով:
2.Ճի՞շտ է արդյոք, որ վճարվել է 2003-2006թթ-ի համար` 60 օր տևողությամբ, քանի որ աշխատանքային օրենսգիրքը գրվել է 2005թ-ին և հետադարձ ուժ ունի ընդունումից երկու տարի առաջ ծագած հարաբերությունների վրա, այսինքն սկսած 2003թ-ից հետո պետք է վճարվի: Կանխավ շնորհակալ եմ:

Պահակներին տոնական օրերին վճարվելիք կրկնակի գումարի հետ կապված

Բարև ձեզ:
Հարցս կապված է պահակներին տոնական օրերին վճարվելիք կրկնակի գումարի հետ:

Եթե պահակի համար սահմանված է աշխատանքային ռեժիմ՝ 21:00-ից հաջորդ օրվա 09:00-ն (12 ժամ), ապա տոնական օրվա (օրինակ՝ սեպտեմբերի 21-ին իր հերթափոխն է, ժամը 21:00-ին գալիս է աշխատանքի) համար կրկնակի պետք է վճարել 3 ժա՞մը միայն: Եվ ստացվում է մյուս պահակին, որը ընդունել է հերթափոխը 20-ին սեպտեմբերի, 9 ժամ պետք է կրկնակի վճարել: Խնդրում եմ պատասխանեք այդպե՞ս է, թե ոչ:

Արդյո՞ք հաստիքը համարվում է վնասակար

Սոնա.

Բարև ձեզ:
Խնդրում եմ, ինձ օգնեք մի հարցում: Ունեմ հնոցապանի հաստիք, արդյո՞ք տվյալ հաստիքը համարվում է վնասակար, և աշխատողին պե՞տք է հավելավճար տամ վնասակար աշխատանքի համար: Կանխավ շնորհակալ եմ պատասխանի համար:

Ինչպե՞ս է հաշվարկվում բժիշկների աշխատավարձը

arcax1988.

Հարգելի հաշվապահներ, որպես սկսնակ կուզենայի իմանալ Ձեր կարծիքը մի երկու հարցի վերաբերյալ. 1. Բուժհաստատության, որը աշխատում է 5 օրյա աշխատանքային գրաֆիկով, միջին և կրտսեր անձնակազմի աշխատանքի վարձատրությունը ինչպե՞ս է իրականացվում գիշերային և շաբաթ-կիրակի օրերի համար, եթե նրանց աշխատանքային ժամը սկսվում է 09:00-ից մինչև հաջորդ օրվա 09:00 և ժամի տարիֆային արժեքը 435 դրամ է:
2. Ընկերության հիմնական Բժիշկների վարձատրությունը, որոնք ժ.17:00-ից հետո մինչև առավոտվա 09:00 հերթապահում են, գիշերային ժամերի և շաբաթ-կիրակի օրերի համար, որոնց ժամի տարիֆային արժեքը 450 դրամ է:
3. Եվ այն բժիշկների գիշերային ժամերի և շաբաթ-կիրակի օրերի վարձատրությունը, որոնք հրամանով ընդունված են որպես հերթապահող բժիշկներ և աշխատանքային ժամը սկսվում է 17:00-ից մինչև 09:00 աշխատանքային օրերին և շաբաթ-կիրակի օրերին 09:00–ից մինչև հաջորդ օրվա 09:00 ( որոնց ժամի տարիֆային արժեքը նույնպես 450 դրամ է):

Վերջնահաշվարկ

Գառնիկ Մ.

Բարև ձեզ, ես էսպիսի հարց ունեմ` կապված արձակուրդայինի հաշվարկի հետ, կոնկրետ իմ դեպքում` վերջնահաշվարկ: Եթե ենթադրենք իմ աշխատավարձը կազմում է 80 000 դրամ, + ամեն ամիս ստանում եմ KPI բոնուս 20 000-ի չափով, ունեմ արձակուրդային 60 օր, ինձ ինչքա՞ն գումար կվճարեն աշխատանքից դուրս գալու դեպքում, և ի՞նչ բանաձևով է հաշվարկվում դա: Շնորհակալություն:

Արձակուրդայինի հաշվարկ

Մարինե.

Բարև ձեզ, հարգելի մասնագետներ: Դիցուք աշխատողը գնում է արձակուրդ սեպտեմբերի 1-ից: Նրան անհրաժեշտ է վճարել արձակուրդային առնվազն երեք օր առաջ (ՀՀ աշխատանքային օրենսգրքի 169 հոդվածի համաձայն), այսինքն առնվազն օգոստոսի 28-ին: ՀՀ աշխատանքային օրենսգրքի 195 հոդվածում նշվում է. “Աշխատողի միջին ամսական աշխատավարձի չափը որոշվում է այդպիսի պահանջ առաջանալու ամսվան նախորդող վերջին տասներկու ամիսների ընթացքում տվյալ գործատուի կողմից աշխատողի համար հաշվարկված աշխատանքի վարձատրության բոլոր տեսակների (հիմնական աշխատավարձ, լրացուցիչ աշխատավարձ` հավելումներ, հավելավճարներ, լրավճարներ, պարգևատրումներ և այլն) ընդհանուր գումարը տասներկուսի բաժանելու միջոցով:” Խնդրում եմ պատասխանել այսպիսի հարցին. պահանջ առաջանալու պահը համարվում է սեպտեմբերի 1-ը, թե՞ օգոստոսի 28-ը: Կանխավ շնորհակալություն: