Tag: ՀԿ

Իրական շահառուների հաշվետվություն

Լիլիթ․

Բարև, կոլեգաներ։ ՀԿ նախագահն ունի նաև ՍՊԸ, որտեղ 100 տոկոս բաժնեմաս ունի, իրական շահառուների հաշվետվությունը ստացվում է, որ երկու հաշվետվություններում էլ նշում եմ 100 տոկոս բաժնեմաս, արդյո՞ք սխալ չէ։

Կազմակերպությունը ՀԿ-ին անդամավճար է վճարել

Մարի․

Բարև Ձեզ, հարգելի հաշվապահներ։ ԱԱՀ-ով աշխատող կազմակերպությունը վճարել է ՀԿ-ին անդամավճար, 5 աշխատակցի համար։ Խնդրում եմ ասել՝ ինչպիսի՞ հաշվապահական ձևակերպումներ տալ, և ՀԿ -ն պե՞տք է հաշիվ վավերագիր դուրս գրի, թե՞ ոչ։

ՀԿ նախագահի վարձատրություն

Տիգրան․

Բարև Ձեզ, հարգելի հաշվապահներ։ “Կամավոր աշխատանքի մասին” օրենքի հետ կապված երկու հարց ունեմ։

1․ ՀԿ-ի նախագահը չի վարձատրվում։ Պե՞տք է կնքել նրա հետ կամավոր աշխատանքի մասին պայմանագիր , թե՞ չէ։

2․ ՀԿ-ի հիմնադիր-անդամը կատարում է ՀԿ-ի գրասենյակային աշխատանքները և նույնպես չի վարձատրվում։ Պե՞տք է նրա հետ կնքել կամավոր աշխատանքի մասին պայմանագիր, թե՞ չէ։

ՀԿ-ի նախագահը կարո՞ղ է վարձատրություն չստանալ, թե՞ պարտականությունները կատարելու համար պետք է անպայման վարձատրվի։

ՀԿ-ն որպես հարկային գործակալ

Հասմիկ․

Բարի օր, բոլորին։ ՀԿ-ն ֆիզ անձին գումար նվիրատվություն անելիս որպես հարկային գործակալ հանդիսանու՞մ է, թե՞ ոչ ։

Բաժնետերը ցանկանում է բացել ՀԿ

Մանե․

Բարև ձեզ: ՍՊԸ-ն աշխատում է շրջհարկով և ունի մեկ բաժնետեր: Բաժնետերը ցանկանում է բացել ՀԿ՝ հանդիսանալով դրա հիմնադիրը: Տվյալ դեպքում հնարավո՞ր է ՍՊԸ-ն անցնի ԱԱՀ-ի դաշտ՝ համարվելով փոխկապակցված ՀԿ-ի հետ։

Ծանուցագրի պատասխան

Սոֆյա․

Բարև Ձեզ, հարգելի հաշվապահներ։ Խնդրում եմ օգնեք, շտապ է.

2021թ-ին գործունեության ժամանակավոր դադար տված հասարակական կազմակերպության համար 2022թ-ին ուղարկվել է գործունեության հաշվետվությունը (204 ձև): 02.06.2023թ-ին ՊԵԿ-ից ստացել ենք ծանուցում.

  1. Հաշվետվության 3-րդ կետում լրացված տվյալները գործունեության առարկային և նպատակին չեն համապատասխանում:
  2. Գործադիր մարմնի ղեկավարի պաշտոնը չի համապատասխանում պետական ռեգիստրում առկա տեղեկատվությանը:

Առաջինի կետի մասով ասեմ, որ առարկան և նպատակները շատ ծավալուն էին, ամփոփ եմ գրել պահպանելով բուն միտքը, արդյո՞ք դա սխալ է: Երկրորդի մասով նախագահ բառի փոխարեն գրել եմ հիմնադիր նախագահ: Հիմա ուզում եմ իրենց բացատրական նամակ գրեմ, խնդրում եմ հուշեք՝ ինչպե՞ս վարվել ավելորդ բարդություններից խուսափելու համար: Եվ նման դեպքերում ի՞նչ տուգանքներ են նախատեսված: Շնորհակալություն։

Նվիրատվություն ՊՈԱԿ-ին

Հասմիկ․

Հասարակական կազմակերպությունը ուզում է նվիրատվություն անել ՊՈԱԿ-ին դրամաշնորհային ծրագրի շրջանակում։ Տվյալ պարագայում հարկային պարտավորություններ առաջանու՞մ են։

Շուկայից գնված օգտագործված գույք

Լիլիթ․

Մի հարց ունեմ․ ՀԿ ծախսերի մեջ կարո՞ղ եմ ներառել շուկայից գնված օգտագործված գույքը և ներառեմ ՀԿ-ի բալանսում։

ՀԿ նախագահը՝ ՍՊԸ տնօրեն

Լիլիթ․

Բարև ձեզ։ Հնարավո՞ր է ինձ օրենքի հղումով օգնեք՝ ՀԿ նախագան, որը զբաղվում է բժշկական դասընթացներով, այսինքն ձեռնարկատիրական գործունեությունով, արդյո՞ք կարող է բացել ՍՊԸ, որտեղ 100% հիմնադիրը ինքն է լինելու, ՍՊԸ-ն վերականգնողական կենտրոն է լինելու, խնդրում եմ օգնեք հասկանալ՝ ինչպե՞ս վարվենք, որ փոխկապակցված չճանաչեն։

Կամ հնարավոր է ԱՁ բացել ՍՊԸ-ի փոխարեն, կամ հնարավոր է ՀԿ-ն ու ՍՊԸ-ն նույն վարձակալված տարածքում լինի, էս երկրորդ հարցին խնդրում եմ հստակ պատասխանել։

Շնորհակալ եմ նախապես։

ՀԿ նախագահը որպես ԱՁ

Լիլիթ․

Բարև ձեզ։ Արդյո՞ք ՀԿ նախագահը կարող է որպես ԱՁ գրանցվել կամ հիմնադրել ՍՊԸ։ Հարցը նրանում է, որ ՀԿ-ն սեմինարներ է կազմակերպում բժշկական թեքվածությամբ,այսինքն ձեռնարկատիրական գործունեությամբ է զբաղվում, հիմա պետք է ստանա լիցենզիա՝ վերականգնողական կենտրոն բացի, բայց չենք ուզում ՀԿ-ով անել, այլ ՍՊԸ-ով կամ ԱՁ-ով։

ՀԿ ներքին կանոնակարգ

Հասմիկ․

Բարև ձեզ։ Հարգելի գործընկերներ, անհրաժեշտ է նախաձեռնության կամ հասարակական կազմակերպության ներքին կանոնակարգի որևէ օրինակելի ձև: Առկայության դեպքում խնդրում եմ ուղարկել hasmik.is.96@gmail.com էլ․ հասցեին։ Նախապես շնորհակալություն:

ՀԿ-ն բացվել է 2022թ.-ի հունվարին

Գոհար․

Բարև, սիրելի հաշվապահներ։ Խնդրում եմ ինձ օգնեք։ ՀԿ-ն բացվել է 2022թ.-ի հունվարին և սեպտեմբեր ամսին մեկ ծրագիր է ունեցել ու դեռ գումարը չի սպառել։ Աշխատող չկա, բայց տնօրենին պե՞տք է գրանցել և աշխատավարձ նշանակել։

ՀԿ իրական շահառու

Հրաչ․

Բարև ձեզ, հարգելի հաշվապահներ։ Խնդրում եմ կասե՞ք՝ ՀԿ-ն իրական շահառուի հայտարարագիր լրացնելիս ու՞մ է համարում իրական շահառու։ ՀԿ-ն աշխատել է դրամաշնորհային ծրագրերով, այլ (առևտրային) գործունեություն չի իրականացրել։

Նորաբաց ՀԿ

Արամ․

Հաշվապահներ ջան, կասե՞ք՝ նոր բացված ՀԿ-ի համար որևիցե դիմում կամ հաշվետվություն կա՞, որ պետք է տամ թաքսերվիսով։

ՀԿ տարեկան հաշվետվություն

Լուսինե․

Բարի օր։ Կասե՞ք՝ ՀԿ-ն տարեկան ուղարկվող ի՞նչ հաշվետվություն պիտի ուղարկվի ու մինչև ե՞րբ։ Կանխավ շնորհակալ եմ։

ՀԿ և ԱՁ փոխկապակցվածություն

Արմինե․

Հարգելի հաշվապահներ, եթե ՀԿ նախագահը գրանցված է նաև որպես անհատ ձեռնարկատեր, և ծառայություն է մատուցում այդ ՀԿ-ին, արդյո՞ք այս դեպքում այդ երկու կազմակերպությունները կարող են ճանաչվել փոխկապակցված ։ Եվ ի՞նչ հետևանքներ դա կարող է ունենալ։ Շնորհակալություն։

ՀԿ ստացել է նվիրատվություններ

Վիգեն.

Հարգելի հաշվապահներ, ՀԿ-ն ստացել է նվիրատվություններ, որոնք փոխանցվել են կազմակերպության դոլորային հաշվին։ ՀԿ-ների տարեկան հաշվետվության ժամանակ հաշվետու տարվա մուտքերը ինչպե՞ս նշել, եթե փոխարժեքը այլ է աղբյուրից ստացման և հետևաբար ինչպե՞ս փոխարժեքը հաշվել ու տարեկան մուտքով ներկայացնել ճիշտ։

ՀԿ հաշվետվություններ

Բարև Ձեզ։ Կարո՞ղ եք ասել, եթե կազմակերպությունը ՀԿ է և բարեգործական, զոհվածների ընտանիքների համար ծառայություն է մատուցում, ի՞նչ հաշվետվություններ և գործառույթներ պիտի անի։ Բացի այդ տվյալ կազմակերպությունը վճարովի շահառուներ ունի՝ ատամների մասով, վերջինիս համար ի՞նչ հաշվեվություններ և գործառույթներ պիտի իրականացնի։

Ինչպե՞ս է հարկվում դրամական աջակցությունը

Վիգեն.

Ինչպե՞ս է հարկվում շահառուներին տրամադրվող դրամական աջակցությունը, երբ տրամադրվում է բարեգործական ՀԿ֊ի կողմից։

ՀԿ օգտվում է թարգմանչական ծառայությունից

Վիգեն.

ՀԿ-ն չունի գրանցված աշխատող, կարո՞ղ է օգտվել ծառայությունից (օրինակ՝ թարգմանչական ծառայությունից) և կատարել փոխանցում համապատ. ծառայության համար։ Կանխավ շնորհակալություն։

ՀԿ ցանկանում է ապրանքներ ներմուծել

Դիաննա Ստեփանյան.

Բարև Ձեզ: Իմ հարցը կապված է ապրանքների ներմուծման ու հարկման հետ: ՀԿ-ն ցանկանում է ապրանք ներկրել (հաշմանդամություն ունեցող մարդկանց համար վերականգնողական պարագաներ) ու վաճառք իրականացնել ստացված շահույթը հասարակական նպատկներով իրականացնելու համար (համապատասխանում է կանոնադրական նպատակներին): Բացի մաքսային վճարը, ԱԱՀ պե՞տք է վճարի:

ՀԿ գրանցելու համար

Անգին.

Խնդրում եմ ինձ ուղարկել հասարակական կազակերպության կանոնադրության, արձանագրության տիպային նմուշ և այլ անհրաժեշտ փաստաթղթերի նմուշներ, որոնք անհրաժեշտ են ՀԿ գրանցելու համար:
Շնորհակալություն։

ՀԿ ներքին կանոնակարգման օրինակ

Սամվել․

Բարև ձեզ։ Հարգելի գործընկերներ, անհրաժեշտ է հասարակական կազմակերպության ներքին կանոնակարգի որևէ օրինակելի ձև: Առկայության դեպքում խնդրում եմ ուղարկել samvel.gulkanyan շնիկ internet.ru էլ. հասցեին:
Նախապես շնորհակալություն:

ՀԿ գործունեության վերաբերյալ

Սոնա․

Հասարակական կազմակերպությունների վերաբերյալ.
1. անդամավճարների համար կարո՞ղ է կիրառվել ՀԴՄ։
1. Ձեռնարկատիրական գործունեություն իրականացնելու դեպքում լրացուցիչ հաշվետվություններ ներկայացնելու պարտավորություն առաջանում է, թե՞ ոչ։
3. Շահութահարկի հաշվարկ ներկայացնու՞մ է, եթե հարկման օբյեկտ և բազա չունի։

Եկամտային հարկի հաշվարկ

Քրիստինե․

Ողջույն։ ՀԿ-ի դեպքում, եթե գրանցված աշխատող կա և եկամտային է ուղարկվում ամեն ամիս, եկամտային հարկի տվյալները պե՞տք է արտացոլվի 246 և 240 հաշվետվությունների մեջ։

ՀԿ հաշվապահություն

Սիր.

Բարև ձեզ: ՀԿ հաշվապահությամբ զբաղվող հաշվապահներ կա՞ն ձեզ մոտ։

ՀԿ հանգանակություն է ստացել

Իրինա․

Բարև ձեզ։ Եթե ՀԿ-ն հանգանակություն է ստանում ու մի երկու բանկային ծախս կատարում, տնօրեն գրանցելը պարտադի՞ր է, և արդյո՞ք կարող ենք տնօրենի հետ կամավոր աշխատանքի պայմանագիր կնքել։

ՀԿ հաշվետվություններ

Վիգեն.

Հարգելի հաշվապահներ, որո՞նք են հասարակական կազմակերպությունների հաշվետվությունները և ի՞նչ ժամանակահատվածով են տրվում։ Շնորհակալություն։

Կանխիկի սահմանապակում ՀԿ համար

Աստղիկ.

Բարև Ձեզ։ Հարգելի հաշվապահներ, խնդրում եմ հուշեք` ՀԿ-ն կարո՞ղ է արդյոք կանխիկ գումարով գնում կատարել` 1 միլիոնից ավել գումարի շրջանակներում, կա՞ արդյոք սահմանափակում կանխիկ գնումների մասով ՀԿ-ին։ Կանխավ շնորհակալություն:

ՀԿ հաշվետվություններ

Սուսաննա․

Խնդրում եմ օգնեք՝ հասարակական կազմակերպությունները ի՞նչ հաշվետվություններ են ներկայացնում։ Եվ 2021թ հաշվետվությունում փոփոխություններ կա՞ն նախորդ տարվա 2020թ համեմատ։

Պայմանագիր ՀԿ նախագահի հետ

Անահիտ․

ՀԿ-ի նախագահի հետ կնքվու՞մ է արդյոք աշխատանքային պայմանագիր։

ՀԿ նախագահի գրանցում

Արմեն․

Բարև ձեզ, հարգելի գործընկերներ: Կխնդրեի պատասխանել հետևյալ հարցին` արդյո՞ք ՀԿ-ի նախագահին (տնօրենին) պետք է գրանցել, եթե եկամուտ չի ստանում, և եթե ոչ, կխնդրեի ասել՝ ո՞ր օրենքով է կարգավորվում։

ՀԿ հաշվետվություններ

Սոֆյա․

Ասացեք խնդրեմ, արդյո՞ք 2022թ-ի համար կան նոր փոփոխություններ՝ կապված ՀԿ-ի հաշվետվությունների հետ: Պե՞տք է արդյոք ՀԿ-ն, որ 2021թ-ին ժամանակավորապես դադարեցրել է իր գործունեությունը, շահութահարկով հարկվելու հաշվետվություն տա մինչև փետրվարի 20-ը:

ՀԿ բացելու համար

Վարդան.

Բարև Ձեզ: Ինձ հետաքրքիր է` որտե՞ղ կարող եմ դիմել հասարակական կազմակերպություն բացելու համար:

Պիտակներ՝

ՀԿ հաշվետվություններ

Քրիստինե.

Խնդրում եմ ասեք` ՀԿ-ների համար ի՞նչ տարեկան հաշվետվություններ է պետք ուղարկե: ?ԱԱՀ-ով աշխատողը ո՞ր դեպքում է ուղարկում տարեկան 163 ձևը:

ՀԿ գործունեության հետ կապված

Վարդան.

Բարև ձեզ: Հկ-ն բացվել է 2017-ին, գործունեություն չի ծավալել, հաշվետվություն չի ներկայացրել, ղեկավարը՝ նախագահը երկրում չէ: Գրանցման ժամանակ պարտադիր փոխնախագահ է պահանջվել պետ.ռեգիստրում: Ի՞նչ ընթացակարգով և ճանապարհով փոխնախագահ հանդիսացող անձը դուրս գա Հկ-ից` այլևս փախկապակցված անձ չհանդիսանա:

Ի՞նչ հարկեր կառաջանան

Մարինա.

Հարգելի գործընկերներ, խնդրում եմ ասեք` եթե ՀԿ 2021թ.-ին ավանդ է ներդրել, ի՞նչ հարկային պարտականություններ են դրանից առաջանում:

ՀԿ հաշվետվություն

Գարիկ.

«Հասարակական կազմակերպությունների մասին» ՀՀ օրենքի 24-րդ հոդվածի 2-րդ մասի համաձայն՝ Կազմակերպությունը պարտավոր է յուրաքանչյուր տարի՝ մինչև հաշվետու տարվան հաջորդող մայիսի 30-ը, Կազմակերպությունների կողմից հրապարակվող հաշվետվությունների համար նախատեսված կայքում հրապարակել գործունեության վերաբերյալ հաշվետվությունը:

Հայաստանի Հանրապետության կառավարությանն առընթեր պետական եկամուտների կոմիտեի նախագահի 2018 թվականի փետրվարի 13-ի N 59-Ն հրամանի 3-րդ հավելվածի համաձայն՝ մինչև կայքի շահագործումը, հաշվետվությունը և եզրակացությունը հրապարակվում են Հայաստանի Հանրապետության հրապարակային ծանուցումների պաշտոնական ինտերնետային կայքում: Հասարակական կազմակերպությունը հաշվետվության, աուդիտորի եզրակացության և վերստուգող մարմնի եզրակացության (առկայության դեպքում) մեկական օրինակները հաշվետվությունը և աուդիտորի եզրակացությունը հրապարակելուց հետո` 30 օրվա ընթացքում, ներկայացնում է իր հաշվառման վայրի հարկային մարմին: Որտե՞ղ է պետք հրապարակել:

ՀԿ հաշվետվություն

Լիլի.

Բարև ձեզ: ՀԿ-ի հաշվապահներ կա՞ն էջում: Ինձ մի հարց է հետաքրքիր` եթե ՀԿ-ում աշխատող չկա` տարեկան քանի՞ հաշվետվություն է ուղարկվում ու ի՞նչ:

ՀԿ հաշվետվություն

Մերի.

Բարև Ձեզ, հարգելի հաշվապահներ: Հարցս վերաբերվում է հասարակական կազմակերպության հաշվետվություններին: Խնդրում եմ օգնեք հասկանալ` 2019-ին գրանցված ՀԿ-ն չունի ո՛չ գույք, ո՛չ էլ անդամավճարներ, չի ունեցել նաև որևէ տեսակի դրամական ներդրումներ: Այս տարի մի դասասենյակի համար ձեռք է բերել գույք, որի համար ստացել է հաշվարկային փաստաթուղթ և տրամադրվել է հանձման-ընդունման ակտ, գույքի գումարը տրամադրվել է մի ֆիզիկական անձի կողմից: Խնդրում եմ օգնեք հասկանալ` ո՞ր հաշվետվության ձևն է անհրաժեշտ լրացնել և եթե հնարավոր է` ինչպե՞ս։ Կանխավ և անչափ շնորհակալ եմ 😊

ՀԿ-ն ծառայությունների մատուցման հաշիվ պետք է գրի

Արուսյակ.

Բարև ձեզ, հարգելի հաշվապահներ: Հասարակական կազմակերպութունը ծառայության մատուցման էլ. հաշիվ պետք է դուրս գրի ըստ ծրագրի: Խնդրում եմ ասել` ի՞նչ հարկ կառաջանա:

Ինչպե՞ս կազմակերպել ՀԿ գործունեությունը

Անահիտ․

Խնդրում եմ ինձ ուղղություն ցույց տվեք՝ ինչպե՞ս կազմակերպեմ իմ ՀԿ-ի գործունեությունը։ Ունեմ վարձակալած տարածք, օգտագործում եմ որպես երեխաների խնամքի կենտրոն։ Ինչպե՞ս եմ վարելու իմ հաշվարկները։

ՀԿ գործունեության վերսկսում

Սամվել.

Բարև ձեզ:
Ես ՀԿ ունեմ և գրանցելուց հետո ներկայացրել եմ հետևյալ հաշվետվությունները: Այս պահին գտնվում եմ դադարի մեջ, բայց ցանկանում եմ վերաբացել, կնշե՞ք` ինչ հաշիվներ պետք է ներկայացնեմ վերսկսելու և բանկային հաշիվ կամ քարտ բացելու համար:

246. Հաշվետվություն՝ հասարակական կազմակերպությունների գործունեության

251. Հաշվետվություն՝ հասարակական կազմակերպությունների գործունեության

240. Հաշվարկ՝ ռեզիդենտ շահութահարկ վճարողի և մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողի շահութահարկի

207. Հայտարարություն` հարկ վճարողի գործունեությունը որևէ օրվանից անորոշ կամ որոշակի ժամկետով դադարեցնելու և գործունեությունը վերսկսելու մասին

Քաղաքացիաիրավական պայմանագիր

Մարի.

Բարև Ձեզ, խնդրում եմ պատասխանեք: ՀԿ-ն ունի մեկ գրանցված աշխատող և 8 քաղիրավականով, որոնք ընդունվել են օգոստոսին: Իրենց վճարումը կատարվելու է նոյեմբերին, այսինքն՝ եկամտայինի հաշվետվությունը իրենց համար պետք է տամ մինչև դեկտեմբերի 20-ը: Բայց սեպտեմբերի հաշվետվությունը ներկայացնելիս այդ աշխատողների տվյալներն էլ է նշվում, կարո՞ղ եմ իրենց գումարների սյուները դատարկ թողնել, միայն նշել աշխատողինը, թե՞ ձև կա իրենց ջնջելու:

Հաշվի մատուցման ամսաթիվ

Լիաննա.

ՍՊԸ-ն օգոստոս ամսին մատուծաց ծառայության համար (ՀԿ-ին) հաշիվ-վավերագիր դուրս չի գրել։ Կարող է արդյո՞ք այսօր դուրս գրել՝ մատակարարման ամսաթիվ նշելով օգոստոսի 31-ը։

Գրանցման հայտ ՀԿ-ում աշխատողի դեպքում

Ասթինե.

Բարև ձեզ: Հասարակական կազմակերպության անդամ և աշխատող հասկացությունները արդյո՞ք նույն են, գրանցման հայտ տալիս են, թե՞ ոչ, և ի՞նչ հարկեր են առաջանում։ Կանխավ շնորհակալ եմ:

Ձեռնարկատիրական գործունեությամբ զբաղվող ՀԿ-ի հաշվապահություն

Ալլա.

Բարի օր, հարգելի խմբակիցներ: ՀԿ ուզում է ձեռնարկատիրական գործունեություն ծավալել՝ համերգ կազմակերպել և տոմսերի վաճառք իրականացնել: Խնդրում եմ հուշեք՝ թե ի՞նչ քայլից պետք է սկսեմ հաշվապահական հաշվառումը:

ՀԿ-ն ֆիզ. անձից գնում է ավտոմեքենա

Հերմինե.

Բարև Ձեզ: Եթե Հասարակական կազմակերպությունը ֆիզիկական անձից գնում է ավտոմեքնեա՝ ի՞նչ հարկային պարտավորություն է առաջանում ՀԿ-ի համար: Շնորհակալ եմ:

Ստորագրության գումարը վճարելու համար

Մերի.

Բարև Ձեզ: Կարո՞ղ ենք ՀԿ-ի հաշվից ID-ի ստորագրության գումարը վճարել։

ՀԿ-ները իրավունք ունե՞ն զբաղվել ձեռնարկատիրական գործունեությամբ

Արթուր.

ՀԿ-ները իրավունք ունե՞ն զբաղվել ձեռնարկատիրական գործունեությամբ, որի մասով պետք է հանձնի հաշվետվություններ և հարկվեն։ ՀԿ-ն ծառայություն պետք է մատուցի, արդյո՞ք պետք է գրել հաշիվ ապրանքագիր, իրավունք ունի՞ պայմանագիր կնքի, և եթե ունի իրավունք՝ ինչպե՞ս է հարկվում, ի՞նչ հաշվետվություն պետք է հանձնեմ: