Tag: նոտար

Անշարժ գույքի վարձակալություն

Արմինե․

Բարև Ձեզ: Մենք ունենք ԱՁ և աշխատում ենք շրջանառության հարկով: Վարձակալությամբ անշարժ գույք ենք տվել ԱՁ-ին: Վարձակալության պայմանագիրը նոտարով հաստատված չէ: Խնդրում եմ ասել՝ 2023թ-ի և 2024թ-ի համար եթե դեռ չեմ ներկայացրել ոչ մի հաշվետվություն, ի՞նչ պետք է անել։ Եվ արդյո՞ք պարտադիր է նոտարով հաստատել պայմանագիրը։

Տարածքի վարձակալություն

Արմինե․

Բարև Ձեզ, հարգելի մասնագետներ։ Կխնդրեի պատասխանել.

Շրջհարկի դաշտում գործող ԱՁ եմ։ Արտադրամասը՝ համաձայն գրավոր պայմանագրի, վարձակալել եմ ռեզիդենտ ֆիզ անձից։ Հարցերս հետևյալն են․

Հարց 1․ Վարձավճարի եկամտային հարկը ԱՁ-ն պետք է հաշվարկի և փոխանցի բյուջե՝ այն ցույց տալով եկամտային հաշվետվության համապատասխան տողում, թե՞ քաղաքացի ֆիզ անձը հաշվառվի ՊԵԿ-ում և հայտարարգրի հիման վրա կատարվի փոխանցումը։

Հարց 2. Քանի, որ շրջհարկով եմ աշխատում, և վարձակալական վճարը ԱՁ-ի համար ծախս չի (այսինքն չի պակասեցվելու շրջհարկից), պարտադի՞ր է կադաստրում հաշվառվելը կամ նոտարական վավերացումը։

Փոխառություն

Հասմիկ․

Բարև Ձեզ։

1․ Ոչ ֆինանսական կազմակերպությունը իրավունք ունի՞ փոխառություն տրամադրել աշխատողին կամ էլ հիմնադիրներից որևէ մեկին

2․ Արդյո՞ք փոխառության պայմանագիրը նոտարական վավերացում պետք է ստանա, կարգը ինչպե՞ս պետք է լինի

Անշարժ գույքի հանձնման-ընդունման ակտի ձև

Գարիկ․

Անշարժ գույքի հանձնման ընդունման ակտը վավերացվու՞մ է նոտարի կողմից։ Եթե հնարավոր է՝ օրինակելի ձև կուղարկե՞ք։

Վարձակալության պայմանագիր առանց նոտարական վավերացման

Լալա․

Բարև Ձեզ։ Ա/Ձ-ն անշարժ գույք է անհատույց վարձակալել ֆիզ․ անձից (արտադրամաս, խանութ)։ Կնքվել է պայմանգիր առանց նոտարական վավերացման։ Խնդրում եմ գրեք՝ կա՞ն ֆինանսական կամ վարչական օրենքների խախտումներ կապված 1․ պայմանագրի անհատույց լինելու 2․ պայմանագրի նոտարական վավերացում չունենալու հետ։ Եթե այո, ապա խնդրում եմ նշել հղումները։

Փոփոխությունները նոտարով չեն հաստատվել

Հայկ․

Բարև Ձեզ: 2010 թվականից ունենք անշարժ գույքի վարձակալության պայմանագիր՝ հաստատված նոտարով: Ժամանակի ընթացքում պայմանագրի գնի փոփոխություններ են եղել, որոնք չեն հաստատվել նոտարով: Շրջհարկով աշխատելու ընթացքում վարձակալության վճարները ծախս եմ ճանաչել: Այժմ արդեն աշխատում ենք ընդհանուր հարկման դաշտում: Կարո՞ղ եմ արդյոք հաշվանցել ԱԱՀ-ն և գումարը շահութահարկով ծախս ճանաչել: Եթե ոչ, ապա ի՞նչ պետք է անել: Շնորհակալություն։

Տարածքի վարձակալության պայմանագիր

Emi.

Բարև ձեզ, խնդրում եմ ինձ ասեք․

  1. ՍՊԸ-ն կարո՞ղ է տարածքի վարձակալության անհատույց պայմանագիր կնքել ԱՁ-ի հետ (տարածքը 8 ք.մ ՍՊԸ-ինն է)
  2. Եթե ոչ, ապա ամենաքիչը ինչքա՞ն պետք է լինի վարձակալության չափը, և ինչքա՞ն է հարկը և ո՞վ է վճարում
  3. Պայմանագիրը կարո՞ղ են իրար մեջ կնքել, առանց նոտարի

Կարիք կա՞ նոր պայմանագիր կնքելու

Հայկուհի․

Բարև Ձեզ, խնդրում եմ պատասխանել հետևյալ հարցին. Կազմակերպությունը 2019թ.ից ֆիզ. անձից նոտարով վարձակալել է տարածք, 2022թվականին պայմանագրի ժամկետը լրացել է և ըստ պայմանագրում նշված կետի պայմանագիրը դարձել է անժամկետ: Արդյոք կարիք կա՞ նոր պայմանագիր կնքելու, կամ, եթե կնքվի առանց նոտարական վավերացման հարկայինի առումով կարո՞ղ է խնդիր առաջանալ, թե ոչ: Այս մասով 2023 թ. ին հարկային օրենսգրքում որևէ փոփոխություն կա՞:

Վարձավճարի նվազեցում

Արեն․

Ողջույն, հարգելի հաշվապահներ: Խնդրում եմ օգնել հետևյալ հարցում: Տեղեկատվական տեխնոլոգիաների ոլորտում աշխատող կազմակերպությունը ֆիզիկական անձից վարձով ձեռք է բերել գրասենյակային տարածք առանց նոտարական կամ կադաստրային վավերցման: Ամսական վարձավճարը կազմում է 285 000 դրամ: Կազմակերպությունն աշխատում է ընդհանուր հարկման դաշտում: Պայմանագիրը նշված է 1 տարի ժամկետով: Հիմա խնդրում եմ ասեք՝ կարո՞ղ է կազմակերպությունը ամբողջ տարվա վարձավճարի գումարը նվազեցնել համախառն եկամտից։

Եվ հաջորդ հարցս՝ տարածքը վարձակալությամբ տրամադրվում է ողջ գույքով, ներառյալ համակարգիչներ: Պայմանագրի մեջ որ նշվի՝ տարածքը հանձնվում է ամբողջ գույքով, դա բավարա՞ր է, թե՞ այլ կարգավորումներ կան: Նշեմ, որ 2023 թվականի դեկտեմբեր ամսին վճարվելու է ամբողջ գումարը տարվա և 10 տոկոս հարկը վճարվի, սա անկանխիկի խախտում չի կարող չէ՞ դիտվել, քանի որ 12 ամիսների վճարն է վճարում, թե՞ սխալվում եմ։

Վարձավճարի ծախսագրում

Արման․

Բարև ձեզ: Եթե ընհանուր հարկման դաշտում աշխատող կազմակերպությունը ֆիզիկական անձից վարձակալությամբ վերցրել է տարածք ամսական 200 000 դրամով, առանց նոտարական վավերացման, արդյո՞ք կազմակերպությունը ամբողջ 200 000 դրամ գումարը կարող է ծախսագրել շահութահարկը հաշվարկելիս։

ԱՁ տարվա կեսից դարձել է ԱԱՀ վճարող

Գայանե․

Բարև Ձեզ։ Եթե ԱՁ տարվա կեսից դարձել է ԱԱՀ վճարող և պետք է ներկայացնի շահութահարկի հաշվարկ, ընտրում է ԱՁ նոտար բաժինը, թե՞ դա միայն նոտարներին է վերաբերում։

Սոցիալական վճարի հաշվարկ

Անահիտ․

Բարև Ձեզ, հարգելի գործընկերներ։ Խնդրում եմ օգնեք՝ ինչպե՞ս է լրացվում “Հաշվարկ անհատ ձեռնարկատիրոջ և նոտարի սոցիալական վճարի” (244 ձև) հաշվետվությունը, ամբո՞ղջ տարվա եկամուտը, թե՞ տարվա եկամուտից հանած ծախսի մնացորդը։ Օգնության համար շնորհակալ կլինեմ։

Պայմանագիրը վավերացում չունի

Ռոման․

Բարև ձեզ: Կազմակերպությունը զբաղվում է գյուղատնտեսական արտադրանքի արտադրության գործունեությամբ՝ լոլիկ, կարտոֆիլ: Ջերմոցը սեփականության իրավունքով չի պատկանում կազմակերպությանը, այլ վերցված է վարձակալությունով ֆիզիկական անձից անհատույց: Վարձակալական պայմանագիրը նոտարով կամ կադաստրով վավերացված չէ: Հարց․ ի՞նչ խնդիրներ կարող են առաջանալ։

Լիազորող անձը Հայաստանում չի

Մելինե․

Բարև ձեզ։ Կազմած լիազորագիրը առանց լիազորողի կարո՞ղ եմ տանել նոտարի մոտ՝ հաստատելու։ Լիազորող անձը Հայաստանում չի, բայց կարող է ինձ PDF-ծրագրի միջոցով լիազորագիրը կազմած ուղարկել։

Վարձակալության պայմանագիր

Քրիստինե.

Բարև ձեզ: 2015թ.-ին կնքվել է վարձակալության պայմանագիր` նոտարով: 2020թ.-ին եղել է փոփոխություն արժեքի և վարձատուի հետ կապված, պայմանագրում գրված է, որ փոփոխությունները օրինական են, եթե կնքվում են կողմերի համաձայնությամբ, հաստատված նոտարական կարգով: Հարցս հետևյալն է. առանց նոտարին դիմելու չի՞ կարելի նոր պայմանագիր սարքել երկու կողմերի համաձայնությամբ:

Շահութահարկի հաշվարկի վերաբերյալ

Լիլիթ.

Բարև Ձեզ:
Ա/Ձ-ի շահութահարկի հաշվարկը գրելիս չի թողնում նշել ռեզիդենտ շահութահարկ վճարող կետը, այն ակտիվ չի։ Միայն Ա/Ձ նոտար կետն է թողնում նշել, բայց անցած հաշվարկի մեջ գրել եմ ռեզիդենտ շահութահարկ վճարող կետը (ուրեմն ակտիվ է եղել այդ ժամանակ)։ Ճի՞շտ կլինի, եթե Ա/Ձ նոտար կետը նշելով ուղարկեմ (կարող ա համակարգում ա փոփոխություն եղել), թե՞ սխալ է այսպես, ու համակարգից է խնդիրը:
Շնորհակալություն:

Որքա՞ն եկամտային հարկ պետք է վճարել վարձով բնակարան տալու համար

Անուշավան.

Բարև Ձեզ։ Բնակարան վարձով տալու համար որքա՞ն եկամտահարկ պետք է վճարեմ, և որքա՞ն պետք է վճարեմ նոտարական վավերացման համար:

Չեղյալ հայտարարել, թե՞ ճշգրտող հաշիվներ դուրս գրել

Հասմիկ.

Հարգելի կոլեգաներ, բարի օր:
Շատ շնորհակալ կլիմեմ, եթե արձագանքեք:
Երկու իրավաբանական անձեր ունեն կնքած տարածքի վարձակալության պայմանագիր, որը ունի նոտարական վավերացում և պետական գրանցում: Ամեն ամիս դուրս է գրվում հարկային հաշիվ: Փոխադարձ համաձայնությամբ պայմանագրի արժեքը պակասեցվում է: Նոտարական պայմանագիրը կնքվում է 23.11.2020թ., բայց հարաբերությունները փոխված են 01.01.2020թ. դրությամբ:
Հիմա հարցս.
Բոլոր 10 ամիսների համար պե՞տք է հաշիները փոխվի:
Պե՞տք է հաշիվները չեղյալ հայտարարել և գրել նոր հաշիվներ, թե՞ պետք է գրվի ճշգրտող հաշիվներ: Հարկային օրենսգրքի 56 հոդվածի 10 մասի 5 կետով ես հակված եմ չեղյալ հայտարարել և գրել նոր հաշիվներ: Հիմքը՝ գին փոփոխությունը և ի հայտ գալուց 15 օրվա ընթացքում գրել նոր հաշիվներ: Ձեր կարծիքով, ո՞ր տարբերակն է ճիշտ՝ չեղյալ հայտարարել և գրել նոր հաշիվ, թե՞ ճշգրտել հաշիվը:
Կանխավ շնորհակալություն:

Ինչպե՞ս կարելի է ավելացնել անշարժ գույքի վարձավճարի չափը

URENI.

Անհրաժեշտություն է առաջացել երկկողմանի համաձայնությամբ ավելացնելու անշարժ գույքի՝ պայմանագրով հաստատված, նոտարական գրանցմամբ, վարձավճարի չափը: Ինչպե՞ս կարելի է օրինականորեն ձևակերպել, առանց նոտարական ձևակերպման:

Ա/Ձ-ն անհատույց օգտագործման է վերցրել հասարակական նշանակության տարածք

Ա/Ձ-ն ֆիզ. անձից նոտարի վավերացումով և կադաստրից վկայական ստանալով անհատույց օգտագործման է վերցրել հասարակական նշանակության տարածք: Խնդրում եմ ասեք՝ ի՞նչ հարկային պարտավորություն ունի Ա/Ձ-ն: Ի՞նչ դրույքաչափով է հարկվում:

Սոցիալական վճարի վերաբերյալ

Nona.

Հաշվապահներ ջան, խնդրում եմ ասեք ինձ այս հոդվածը սոց. վճարի մասին ԱԱՀ-ով հարկվող ԱՁ-ին կամ Նոտարին է վերաբերու՞մ.
2) ձեռնարկատիրական եկամտի /բացառությամբ սույն մասի 3-րդ կետով նախատեսված դեպքի/՝
ա. 5 տոկոսի չափով, եթե այդ եկամտի տարեկան չափը չի գերազանցում 6 000 000 դրամը,
բ. 10 տոկոսի և 300 000 դրամի տարբերության չափով, եթե այդ եկամտի տարեկան չափը գերազանցում է 6 000 000 դրամը:

Հասարակական նշանակության տարածքը վարձակալությամբ տրամադրելու վերաբերյալ

Գուգո․

Բարև ձեզ։ Եթե ես հասարակական նշանակության տարածք եմ տալիս վարձով, կարո՞ղ եմ 2 հոգու միաժամանակ տալ։ Եթե այո, ապա անպայմա՞ն է, որ նոտարական ուժ ունենա վարձակալական պայմանագիրը, և որքա՞ն է հարկվում։

Արդյո՞ք պարտադիր է պայմանագիրը գրանցել կադաստրում

Գարիկ․

Բարև ձեզ։ Ես Ա/Ձ եմ և վարձակալում եմ տարածք ֆիզ. անձից։ Նոտարով կնքվել է վարձակալության պայմանագիր: Արդյո՞ք պարտադիր է գրանցել կադաստրում, թե՞ ոչ։ Եվ եթե պարտադիր չէ, ապա ես կարո՞ղ եմ էլեկտրոնային հաշվետվության մեջ նշել վարձակալության գումարի չափը, որպեսզի 10 %-ը հարկվի։ Ըստ պայմանագրի ես հանդիսանում եմ հարկային գործակալ և ես պետք է վճարեմ այդ 10 %-ը։

Ինչպիսի՞ հարկեր կարող են առաջանալ ֆիզիկական անձի համար

Յուլիա.

Բարև ձեզ:

Ինչպիսի՞ հարկեր, լրացուցիչ վճարումներ կարող են առաջանալ ֆիզիկական անձի համար, եթե նա կնքում է անշարժ գույքի վարձակալության պայմանագիր ԱՁ-ի հետ, ընդ որում պայմանագիրը նոտարով հաստատված չէ: Եվ արդյո՞ք այսպիսի պայմանագիրը իրավաբանական ուժ ունի:

Վարձակալության իրավունքը չի գրանցվել կադաստրում

Arthur.

Բարև ձեզ։ Մի հարց ունեմ, եթե իրավաբանական անձը մի քանի ֆիզիկական անձանց հետ ունի կնքած վարձակալական պայմանագիր, որը ոչ նոտարով, ոչ էլ կադաստրով հաստատված չի, բայց պայմանագրում ֆիքսված թվով վճարվում են հարկեր, այս դեպքում ի՞նչ խնդիր կարող է առաջանալ հարկայինի հետ կապված պայմանագրերի կադաստրում գրանցված չլինելու հետ:

Նոտարական գրասենյակ

Ընկերություն` Նոտարական գրասենյակ
Հասցե` Կոտայք, Աբովյան
Հեռախոս` 077-848-868
Էլ. փոստ` notar.papinyan շնիկ mail.ru
Թափուր աշխատատեղ` Նոտարի գործավար
Աշխատանքի նկարագրություն` Նոտարական գրասենյակում գործավար աշխատելու համար աշխատանքի է հրավիրվում համակարգչի իմացությամբ, աշխատանքային փորձով անձ (ցանկալի է բարձրագույն կրթությամբ) : Պարտականություններ` Ընդունել գրասենյակի հաճախորդներին, ծանոթանալ նրանց կողմից կնքվելիք գործարքների պայմաններին, պարզել դրանց բովանդակությունը կողմերի մտադրության հետ և ղեկավարի հսկողությամբ համեմատել դրանց համապատասխանությունն օրենսդրության պահանջների հետ: Ուսումնասիրել գործարքների կնքման համար առկա/ներկայացված փաստաթղթերը և գնահատել դրանց բավարարելիությունը գործարքի կնքման համար: Պատրաստել իրավական բնույթ ունեցող գործարքների նախագծեր՝ պայմանագրեր, լիազորագրեր և այլն Իրականացնել աշխատանք արխիվի հետ: Պատասխանել հեռախոսազանգերին: Իրականացնել աշխատանքային պարտականությունների հետ կապված և/կամ ղեկավարի ցուցումներից բխող այլ գործառույթներ: Պահանջվող հմտություններ. Բարձրագույն կրթություն (ցանկալի է), Համակարգչային և գրասենյակային սարքավորումներով աշխատելու կարողություն, MS Office (Word, Excel), Համապատասխան աշխատանքային փորձ, Նոր գիտելիքներ և հմտություններ ձեռք բերելու պատրաստակամություն, Հայերեն լեզվի գերազանց իմացություն (գրավոր եւ բանավոր), ռուսերեն և անգլերեն լեզուների լավ իմացություն (ցանկալի է), Գերազանց միջանձնային և հաղորդակցման հմտություններ, ճնշման տակ աշխատելու կարողություն, բանակցելու, հարաբերությունների կառուցման, խնդիրների լուծման, արագ կողմնորոշվելու և ժամանակին արձագանքելու, նամակագրության և թղթակցության վարման, վերլուծական հմտություններ. Պատասխանատվություն, սեղմ ժամկետներում աշխատելու կարողություն, նախաձեռնողականություն և թիմում աշխատելու ունակություն:
Աշխատավարձ` Սկսած 70.000 ՀՀ դրամից
Այլ նշումներ` Հավելյալ տեղեկություններ` Նոտարական գրասենյակում կամ նոտարի աշխատակազմում աշխատանքային փորձը, նոտարական aenis ծրագրի իմացությունը և օտար լեզվի (ռուսերեն, անգլերեն) իմացությունը կդիտվի որպես առավելություն և երաշխիք՝ նոտարի աշխատակազմում աշխատանքի ընդունվելու համար: Հնարավոր է, որ դիմորդներն անցնեն առնվազն մեկամսյա փորձաշրջան: Դիմելու Գործընթաց. Վերոնշյալ պահանջներին համապատասխանող անձինք կարող են զանգահարել նշված հեռախոսահամարով կամ ինքնակենսագրական (CV) ուղարկել notar.papinyan շնիկ mail.ru էլեկտրոնային հասցեին:

Տարածքի վարձակալության պայմանագիր

Արմեն.

Հարգելի գործընկերներ, կազմակերպությունը ցանկանում է տարածքի վարձակալության պայմանագիր կնքել ֆիզ. անձի հետ: Արդյո՞ք պարտադիր է այդ պայմանագրի նոտարական վավերացումը:

Զբոսաշրջային գործունեություն

209
Emily.

Բարև Ձեզ, հարգելի հաշվապահներ: Կխնդրեի, որ պատասխանեին զբոսաշրջության ոլորտում աշխատող հաշվապահները: Ա/Ձ սկսել է զբաղվել արտասահմանյան երկրների զբոսաշրջային կազմակերպությունների հետ զբոսաշրջային գործունեությամբ և հյուրանոցներում, հանգստյան տներում տեղեր ամրագրելով: Հարցերս հետևյալն են`

1. Արդյո՞ք պետք է Ա/Ձ-արտասահմանյան երկրներ ուղարկվող պայմանագրերի և հաշիվ-ֆակտուրաների համար համար ձեռք բերի կնիք կամ հակառակ դեպքում պե՞տք է արդյոք գլխավոր պայմանագրերը նոտարով հաստատված լինեն:

2. Արդյո՞ք պետք է պայմանագրերը և հաշիվ-ֆակտուրաները լինեն նաև հայերեն տարբերակով, բացի տվյալ երկրի լեզվով գրվածից:

3.Արդյո՞ք Ա/Ձ չի կարող աշխատել միայն բանկային հաշիվներով և պետք է ունենա ՀԴՄ և բացի ՀԴՄ կտրոնից հաճախորդին տրամադրի հաշիվ-ֆակտուրա ռուսերեն կամ անգլերեն, կամ այն երկրի լեզվով, ուր որ գնում է հաճախորդը: Ա/Ձ դեռ շրջանառության հարկ վճարող է:

Եվ վերջում շատ կխնդրեի, որ այս ոլորտում աշխատող հաշվահապներից մեկը իր հեռախոսի համար գրեր, որ հարցերի դեպքում դիմեի, իհարկե եթե կարելի է 🙂

Վարձակալության պայմանագիրը ճանաչվել է առոչինչ

Armen.

Բարև ձեզ: Խնդրում եմ օգնեք: Մեր կազմակերպությունը գտնվում է ստուգման մեջ (2011թ.): Բացահայտվել է, որ վարձակալության պայմանագիրը նոտարով հաստատված չէ, և ես իրավունք չունեի հաշվանցել ԱԱՀ-ն, քանի որ փաստաթուղթը առոչինչ է: Մենք անհապաղ կնքեցինք պայմանագիրը նոտարով, որում նշվեց, որ պայմանագրի դրույթները գործում են 01.01.2011-ից (դա թույլատրվում է համաձայն քաղ. օրենսգրքի 441 հոդվածի): Արդյո՞ք մենք ազատվում ենք դրանով տույժերից, թե՞ ոչ: Մի կարևոր նշում ևս` կարող է պայմանագիրը ճանաչվել առոչինչ, բայց չէ՞ որ իրականում մենք վճարում ենք հաշիվ ֆակտուրայի հիման վրա, ոչ թե պայմանագրի, այս դեպքում հաշիվ ֆակտուրան է՞լ է դառնում առոչինչ: Նախօրոք անչափ շնորհակալություն:

Արդյո՞ք պայմանագիրը ենթակա է նոտարական վավերացման

Հարություն.

Հարգելի գործընկերներ, մեր կազմակերպությունը ցանկանում է վարձակալությամբ տարածք վերցնել ֆիզ. անձից: Լսել ենք, որ 2012թ. հունվարի 1-ից անշարժ գույքի վարձակալության պայմանագրերը այլևս ենթակա չեն նոտարական վավերացման: Արդյո՞ք դա ճիշտ է, և ո՞ր իրավական ակտով է տեղի ունեցել այդ փոփոխությունը:

Կոմունալ վճարները ծախս դիտելու համար

Մարիա.

Բարև ձեզ, հարգելի հաշվապահներ: Խնդրում եմ օգնել հետևյալ հարցում: ՍՊԸ-ն անհատույց վարձակալել է տարածք գուրծունեությունը ծավալելու համար: Արդյո՞ք պարտադիր պետք է այդ տարածքի հետ կապված կոմունալ վճարները` հեռախոսը, էլեկտրաէներգիան և այլն ծախս դիտելու համար անվանափոխել ՍՊԸ-ի անունով, թե՞ վարձակալման պայմանագիրը նոտարական հաստատումով բավարար է:
Շնորհակալ եմ:

Ծախսի հիմնավորում պատճեով

Արփինե.

Հարգելի կոլեգաներ, կարո՞ղ եք օգնել ինձ մի հարցում: Ես Ա/Ձ եմ, զբաղվում եմ նոտարի մոտ թարգմանություններով և մուծում եմ պետ. տուրք, ինձ մոտ փաստաթղթի պատճեն է, ես կարո՞ղ եմ արդյոք դա նվազեցնել իմ եկամուտից, օրիգինալը պարտադիր մնում է նոտարի մոտ, նախապես շնորհակալություն:

Ֆիզիկական անձը տարածք է վարձով տալիս

Սրբուհի.

Բարև ձեզ, հարգելի հաշվապահներ: Ֆիզիկական անձը տարածք է վարձով տալիս, ինձ տարածքի վարձակալության պայմանագրի ձև է անհրաժեշտ: Պայմանագիրը պետք է նոտարով վավերացնեմ և կադաստրում վարձակալության վկայական վերցնեմ, նոտար և կադաստր ի՞նչ փաստաթղթեր պետք է ներկայացնեմ, ինչքա՞ն գումար պետք է վճարեմ: Եկամտահարկի գումարը 10 տոկոս է չէ՞ կազմում, եկամտահարկի գումարը վճարում և եռամսյակային հաշվետվությամբ ներկայացնում եմ ես, թե՞ կազմակերպությունը: Շատ շնորհակալություն srbuhy շնիկ mail.ru

Պայմանագրի փոփոխում

Ata.

Բարև ձեզ, հարգելի կոլեգաներ: Ես սկսնակ հաշվապահ եմ և հետևաբար խնդրում եմ օգնեք ինձ: Եթե հիմնադիրն ու տնօրենն է փոխվում (երկուսն էլ նույն մարդն է), ֆիզ. անձից տարածք է վարձակալել, իհարկե վարձակալության պայմանագրով, որը նոտարով կնքված է, այդ դեպքում պարտադի՞ր է, որպեսզի փոխվի պայմանագիրը, և տարբերություն կա՞ անհատույց օգտագործման է, թե վարձակալած: Եվ եթե պայմանագրի ժամկետը լրացել է, ինչպե՞ս պետք է վարվել: Կանխավ շատ շնորհակալ եմ:

Ընկերության գործունեության հասցեի հետ կապված

Սոնա.

Հարգելի հաշվապահներ, ես սկսնակ հաշվապահ եմ և իմ առաջին գործն եմ վերցրել և շատ եմ զգում Ձեր օգնության կարիքը: Ընկերությունը նորաբաց ՍՊԸ է, որը դեռ չունի գործունեության հասցե: Տնօրենը ցանկանում է վարձակալել տարածք: Ուղղակի գործունեության բնույթը այնպիսին է, որ տարածքը իրականում այդքան էլ պետք չի գալու (ինտերնետ առևտուր): Իսկ հիմա հարցերս.
1. Հնարավո՞ր է որպես գործունեության հասցե ձևակերպել տնօրենի բարեկամներից մեկի բնակարանը, որում մարդիկ են ապրում:
2. Օֆիսային տարածքներ տրամադրող շենքերից մեկում, երբ տարածք էինք նայում, ասեցին, որ վարձակալության պայմանագիրը կարող է տվյալ դեպքում նոտարով չհաստատվել, այլ ներքին պայմանագիր կնքել: Դա հնարավո՞ր է: Թե՞ ամեն դեպքում վարձակալության պայմանագիրը պետք է հաստատվի նոտարով:
3. Եթե վարձակալության պայմանագիրը պետք է հաստատվի նոտարով, ի՞նչ քայլեր են պետք դրա համար և ի՞նչ ծախսեր կան:
Շատ շնորհակալություն:

Կնքվել են փոխառության պայմանագրեր

Արթուր Կաղզվանցյան.

Կխնդրեի խորհրդատվություն հետևյալ հարցի վերաբարյալ` կնքվել են երկու փոխառության պայմանագրեր դրամ տրամադրելու վերաբերյալ, որոնցից առաջին պայմանագրի վաղեմության ժամկետը լրացել է: Փոխառուն հրաժարվում է վերադարձնել նոտարով կնքված երկու պայմանագրերով նախատեսված գումարները: Վեճի լուծումը հանձնվել է դատարանի քննությանը: Հարցս հետևյալն է` եթե դատարանի որոշմամբ կիրառվի վաղեմության ժամկետը, և առաջին պայմանագիրը համարվի անվավեր, այսինքն փոխառուն ազատվի առաջին պայմանագրով նախատեսված գումարը վճարելու պարտավորությունից, ապա ի՞նչ հնարավոր միջոցների է կարելի դիմել: Արդյո՞ք հնարավոր է փոխառուին ենթարկել քրեական պատասխանատվության խարդախության համար, համաձայն ՀՀ քրեական օրենսգրքի 178/179 հոդվածների: Հուսով ենք, որ հայցը երկրորդ պայմանագրի մասով դատարանի կողմից կբավարարվի, քանի որ չունի վաղեմության ժամկետի խնդիր:

Կանխավ շնորհակալություն:

2 ՍՊԸ կնքել են տարածքի վարձակալության պայմանագիր

Մկրտիչ.

Հարգելի կոլեգաներ, ունեմ հետևյալ հարց` 2 ՍՊԸ կնքել են տարածքի (անշարժ գույքի) վարձակալության պայմանագիր, որը վավերացվել է նոտարի մոտ և գրանցվել կադաստրում մեկ տարի ժամկետով: Հարկայինի տեսուչի այցի ժամանակ նա ասաց, որ այժմ ինչ որ փոփոխություն է եղել, և երկու ՍՊԸ իրար հետ կարող են պայմանագիր կնքել առանց նոտարի: Հիմա այդ պայմանագրի ժամկետը ավարտվել է, կարո՞ղ ենք արդյոք այն երկարացնել առանց նոտարի և կադաստրի մարմինների: Կամ հիմնվել քաղաքացիական օրենսգրքի 624 հոդվածի հիման վրա:

ՍՊԸ-ն ֆիզ. անձից վարձակալել է տարածք

Շուշան.

Իմ հարցը հետևյալն է` ՍՊԸ-ն ֆիզ. անձից վարձակալել է տարածք, ունի վարձակալության պայմանագիր նոտարով հաստատված, կոմունալ ծախսերը անվանափոխելու համար կադաստրի վարձակալության սեփականության իրավունքը պարտադի՞ր պայման է: Շնորհակալ եմ:

Տարածքի սեփականության վկայական

Ֆլորա.

Հարգելի հաշվապահներ, Ա/Ձ-ն դարբնոցի արտադրական տարածքի և գրասենյակի համար ֆիզ. անձից շինություն է վերցրել` ամսավճարով իհարկե: Սակայն խնդիրը կայանում է նրանում, որ ֆիզ. անձը այդ շինության համար սեփականության վկայական դեռ չունի: Ի՞նչ խորհուրդ կտաք, ինչպե՞ս վարվել: Չէ՞ որ տարածքի վարձակալության համար չենք կարող նոտարով պայմանագիրը հաստատել: Ինչպե՞ս վարվել, որ ամեն ինչ օրինական լինի և հնարավոր լինի այդ վարձավճարը ծախս ճանաչել:

Անհատույց նվիրարատվության ստացում

Աննա.

Կազմակերությունը վարձակալել է մեքենա, իսկ այս տարվա հունվարի մեկից այդ նույն մեքենան ստանացել է որպես անհատույց նվիրարատվություն: Արդյո՞ք կարիք կա այդ պայմանագիրը հաստատել նոտարով, և ի՞նչ հարկային պարտավորություններ են առաջանում:

Ինչպիսի՞ ձևակերպումներ պետք է տալ

Ֆլորա.

Հարգելի հաշվապահներ, ինչպիսի՞ ձևակերպումներ պետք է տամ, եթե վճարվել է գույքի նկատմամբ պետ. գրանցման տուրք, վճարումը կատարվել է գործառնական վարձակալության պայմանագիրը նոտարում հաստատելու համար: Կանխավ շնորհակալություն:

Արդյո՞ք պայմանագիրը ենթակա է նոտարական վավերացման

Anush.

ՍՊԸ-ն ձևակեպել է ոչ բնակելի տարածքի անհատույց ստացման պայմանագիր ֆիզ. անձի հետ: Արդյո՞ք այդ պայմանագիրը ենթակա է նոտարական վավերացման, թե՞ այդ պայմանագիրը բավարար է, որպեսզի գործունեության ծավալման վայր հանդիսանա այդ տարածքը (իրավաբանական հասցեն այլ քաղաքում է):

Շնորհակալ եմ:

Տարածքի վարձակալության պայմանագիր

aleqs.

Օգնեք, խնդրում եմ:
Տարածքի վարձակալության պայմանագիրը նոտարով վաղաժամկետ լուծելուց հետո կադաստր գնալը արդյո՞ք պետք է:

Պայմանագրի փոփոխություն

Հայկուշ.

Հարգելի հաշվապահներ, խնդրում եմ ինձ օգնել հետևյալ հարցում: Ա/Ձ -ն կնքել է վարձակալության պայմանագիր ֆիզ. անձի հետ նոտարով: Որոշ ժամանակ անց նրանք կարող՞ են առանց նոտարի պայմանագրի վարձավճարի կետի վերաբերյալ փոփոխություն անել գրավոր, երկու կողմի ստորագրությամբ և կցել պայմանագրին որպես նրա անբաժան մաս: Կանխավ շնորհակալություն:

ՍՊԸ լուծարում

Էդգար.

Հարգելի գործընկերներ,
խնդրում եմ օգնել ՍՊԸ-ի լուծարման հարցում: Վարձակալությամբ աշխատացնում էի խանութ: ՍՊԸ-ն գրանցված է 2010 թ. սեպտեմբերից, խանութն աշխատել է նոյեմբերից: Շուրջ մեկ ամիս է այլևս ՍՊԸ-ն գործունեություն չի իրականացնում, սակայն որևէ փաստաթղթով դա հիմնավորված չէ: Ասացեք խնդրեմ, արդյո՞ք պարտադիր է վարձակալության պայմանագիրը չեղյալ համարել նոտարով, թե՞ հնարավոր է զուտ դիմել կադաստրին և զերծ մնալ նոտարական ծախսից: Արդյո՞ք խորհուրդ կտայիք դիմել հարկային մարմնին` գործունեություն չծավալելու վերաբերյալ` լրացուցիչ հարկերից խուսափելու համար (այժմ ամսական անիմաստ ավելանում են հարկային պարտավորությունները` տարածքի վարձակալության եկամտահարկի և սոցվճարների պատճառով): Եվ ընդհանրապես, քայլերի ի՞նչ հերթականություն կառաջարկեիք լուծարման համար (ռեգիստր, կադաստր, հարկային և այլն):

Շնորհակալություն

Տարածքի ենթավարձակալություն

Անի.

Հարգելի կոլլեգաներ,
կարո՞ղ եք ասել, ինչ հետևանքներ կարող է բերել, եթե կազմակերպությունը ենթավարձակալության տա իր գրասենյակի մի մասը և նոտարով ու կադաստրով չհաստատի այն: Այն տարածքը, որտեղ նա նստած է, վարձակալության է վերցված նոտարով և կադաստրով հաստատված է:
Շնորհակալ եմ:

Տարածքի վարձակալության հետ կապված

Zara.

Ես ունեմ մի կարևոր հարց կապված տարածքի վարձակալության հետ:
Մեր պայմանագիրը կնքվել է այնպես, որ տարածքի վարձակալության պայմանագրի(նոտարով հաստատված)ժամկետը երկու տարի է, ժամկետը լրանալուց պարտադիր է արդյոք նորից նոտարով հաստատված պայմանագիր կնքել, թե կարող ենք համաձայնագիր կցել հին պայմանագրին(վարձատուն ֆիզիկական անձ է)առանց նոտարի աստատման: կանխավ շնորհակալություն:

Նոտարական վավերացում

Հովհաննես.

Հարգելի կոլեգաներ խնդրում եմ ինձ օգնել հետևյալ հարցում:
2009 թ-ին ֆիզիկական անձի հետ կնքվել է անշարժ գույքի/տան/ վարձակալության պայմանագիր /3-ամիս/,եկամտահարկը 10-% պահել և վճարվել է պետ. բյուջե,ֆիզիկական անձին վճարումն հիմնավորող փաստաթղթերը կան:
Կնքված պայմանագիրը նոտարական վավերացում չունի: Խնդրում եմ ասեք եթե պ/գ-ը նոտարական վավերացում չունի ինչ խնդիր կառաջանա,ասեմ նաև այդ գումարը համախառն եկամտից նվազեցրել եմ:

Տարածքի վարձակալության պայմանագիր

Աննա.

Բարև Ձեզ,կարող եք օգնել ինձ մի հարցով,եթե ֆիզ աձի և կազմակերպության միջև կնքվում է տարածքի վարձակալության պայմանագիր, տվյալ դեպքում ֆիզ անձըհանդիսանում է վարձատուն,պետք ` նոտարական հաստատման տալայդ պայմանագիրը,թե ոչ և տվյալ դեպքում գումարից միայն պահվում է 10% եկամտահարկ ?????