Tag: պետ. ռեգիստր

Տնօրենի ազատում աշխատանքից

Աննա․

Բարև ձեզ։

Կարո՞ղ եք ինձ օգնել՝ ի՞նչ անել, եթե տնօրենն եմ և ուզում եմ ազատվել աշխատանքից, իսկ հիմնադիր տնօրենը չի ստորագրում իմ դիմումի տակ և նոր տնօրեն չի բերում։

Գիտեմ, որ հարկավոր է պետռեգիստրից հանել և նորին գրանցել հիմնադիրի հրամանի համաձայն, կատարել վերջնահաշվարկ և հարկայինից հանում։ Սակայն հիմնադիրը չի տալիս հրաման, և բացի դատարան դիմելուց ինչպե՞ս կարող եմ ես ազատվել աշխատանքից։

ԱՁ հավաստագիր

Լյուդմիլա․

Ես նոր եմ Ա/Ձ գրանցել, ցանկանում էի իմանալ՝ հավաստագիրը ԱՁ-ի պետք է վերցնել այնտեղի ռեգիստրից, որտեղ որ գրանցվա՞ծ է։ Եվ խնդրում եմ ասեք՝ ի՞նչ փաստաթղթեր պետք է տանեմ հետս։

Տնօրենի փոփոխություն

Լիլիթ․

Բարև Ձեզ: Եթե taxservice-ով կատարել ենք ՍՊԸ-ի տնօրենի փոփոխություն, սակայն պետ. ռեգիստրով չենք կատարել և մի քանի օր ուշ ենք կատարում, ի՞նչ խնդիրներ կարող է առաջացնել:

ԱՁ լուծարում

Շուշան․

Բարև Ձեզ, հարգելի հաշվապահներ! Խնդրում եմ պարզաբանել ԱՁ-ի (շրջանառության հարկ վճարող, հանրային սննդի ոլորտ) լուծարման հետ կապված ո՞ր պետական մարմիններին և ի՞նչ տեղեկատվություն է անհրաժեշտ ներկայացնել։

Տնօրենի գրանցում պետ. ռեգիստրում

Աննա․

Բարև Ձեզ։ Հարցս հետևյալն է․ նորաբաց ՍՊԸ-ն ունի մեկ հիմնադիր, և հիմնադիրը ուզում է աշխատանքի ընդունել մեկ այլ անձի, որպես տնօրեն։ Արդյո՞ք կարիք կա դիմել պետ․ ռեգիստր տնօրենին գրանցելու համար, և ի՞նչ թղթեր են հարկավոր։

Կանխավ շնորհակալ եմ։

Շինարարական կազմակերպություն

Զոհրաբ․

Բարև ձեզ, շինարարական կազմակերպություն բացելու համար պետ. ռեգիստրում գրանցվելուց հետո ի՞նչ գործողություն պետք է արվի։

ԱՁ նույն անձի անունով

Անի․

Բարև ձեզ, հարգելի հաշվապահներ, խնդրում եմ օգնել.

ԱՁ-ն գրանցվել է պետ. ռեգիստրում և հարկայինում չի գրանցվել որպես լիազոր կամ օգտվող և, հետևաբար, բաց է թողել շրջ. հարկ վճարող համարվելու վերաբերյալ հայտարարության ներկայացման 20-օրյա ժամկետը:

Հարցը. կարո՞ղ է արդյոք ԱՁ-ն պետ ռեգիստրում փակման դիմում ներկայացնել և նոր ԱՁ բացել նույն ֆիզ. անձի անունով:

Շնորհակալ եմ նախապես։

Կանոնադրական կապիտալի նվազեցում

Ալվարդ․

Բարև ձեզ։ ՍՊԸ-ն մեկ ամիս է ինչ կա, բայց դեռ ոչ մի գործարք չեմ կատարել։ Ցանկանում եմ կանոնադրական կապիտալի նվազեցում կատարել, ինձ Պետռեգիստրից ասեցին, որ պետք որոշման թուղթը բերեք, կա ինչ որ ձևանմուշ որոշման համար։

Մասնակիցը հեռանում է ընկերությունից

Արսեն․

Բարև Ձեզ: ՍՊԸ-ն ունի երեք մասնակից, մասնակիցներից մեկը (ով տնօրեն չէ) ցանկանում է հեռանալ ընկերությունից: Նա այլևս բաժնեմաս չի ունենալու, նրա բաժնեմասը պետք է բաշխել մյուս երկու մասնակիցների միջև: Կհուշե՞ք՝ ի՞նչ փաստաթղեր է պետք ներկայացնել պետ. ռեգիստր անհրաժեշտ փոփոխությունները կատարելու համար (բաժնեմասի բաշխում մնացած երկու մասնակիցների միջև, մասնակցի հեռացում մասնակիցների ցանկից և այլն): Փաստաղթերը պետ. ռեգիստր է ներկայացնելու ՍՊԸ-ի տնօրենը: Շնորհակալություն:

Կանոնադրության փոփոխություն և նոր խմբագրություն

Արսեն․

Բարև Ձեզ: Որ խնդրեմ կհուշե՞ք՝ ոնր է տարբերությունը ընկերության կանոնադրության փոփոխության և նոր խմբագրության միջև: Պետ. ռեգիստրի կայքում երկու տարբեր փաստաթղթեր են հրապարակված. օրինակ, իրավաբանական հասցեի փոփոխության համար, բայց հասկանալի չէ՝ տարբերությունը որն է: Նախօրոք շնորհակալություն:

Գործունեության դասակարգչի փոփոխություն

Շուշանիկ․

2016 թվականից ունենք ԱՁ (Ընտանեկան ձեռնարկատիրություն), որը դադարի մեջ է, հիմա անհրաժեշտ է այն վերաակտիվացնել, բայց աշխատանքն այլ դասիչի է համապատասխանում, որպեսզի դասիչը փոխենք, ի՞նչ քայլեր պետք է կատարել, այս պահին անգամ չենք հիշում մուտքանունը և գաղտնաբառը, պետք է նաև լիազոր գրանցենք։

Հաշվետվություն տալիս դասիչը համապատասխան գրելու տարբերակը գիտենք, մեզ անհրաժեշտ է պետ․ ռեգիստրի քաղվածքում լինի գրված ճիշտ դասիչ։

Մասնակիցների փոփոխություն

Ելենա․

Բարև Ձեզ։ Եթե ՍՊԸ-ի մասնակիցը վաճառում է կամ նվիրում է իր բաժնեմասը ՍՊԸ-ի երկրորդ մասնակցին, արդյո՞ք անհրաժեշտ է այդ տեղեկությունը ներկայացնել պետ․ ռեգիստր։

Իրական շահառուի հայտարարագիր

Լիանա․

Բարև Ձեզ։ Ցանկանում եմ իրական շահառուի հայտարարագիրը ներկայացնել, գրում եմ պետ․ ռեգիստրի գրանցման համարը, նշվում է, որ տվյալ կազմակերպությունը չի գտնվել։ Ինչից՞ կարող է լինել։

Ծառայությունների մատուցում ՏՏ ընկերությանը

Ալինա․

Ողջույն, նախագծերի ղեկավար եմ, ցանկանում եմ ԱՁ բացելու միջոցով ՏՏ ընկերությանը ծառայություն տրամադրել, որի տարեկան շրջանառությունը չի անցնում 10 մլն տարեկան։ Ուզում էի իմանալ՝ պետ․ ռեգիստրում ի՞նչ ծառայության տակ պետք է գրանցեմ, կարո՞ղ եմ միկրոբիզնեսի տակ լինել ու ի՞նչ հարկեր պետք է վճարեմ։

ՍՊԸ գրանցելու համար

Սանասար․

Բարև ձեզ։ ՍՊԸ գրանցելու համար կա՞ արդյոք որևէ վճար, և արդյո՞ք դա կախված է ծավալած գործունեությունից։

Տնօրենին փոխելու ընթացակարգը

Նարեկ.

Հարգելի հաշվապահներ, հարցս հետևյալն է. կազմակերպության տնօրենին փոխելու ընթացակարգը, արդյոք ճի՞շտ եմ հասկացել, որ պետք է նախ և առաջ փոփոխությունն արձանագրել պետ. ռեգիստրում, այնուհետև կնքել աշխատանքային պայամանագիր և գրանցման հայտ ուղարկել taxservice-ում, և եթե նոր տնօրենը պետ. ռեգիստրում գրանցվի ինչ-որ ամսաթվով, գրանցման հայտը պետք է ներկայացնե՞լ հենց այդ ամսաթվով (խոսքս վերաբերվում է նրան, որ հնարավոր է կարիք լինի գրանցման հայտ տալ օրվան նախորդող ամսաթվով, արդյոք դա չի՞ դիտարկվի սխալ)։

Կանոնադրական կապիտալի ավելացում

Արթուր.

Բարև Ձեզ: Խնդրում եմ օգնել հետևյալ հարցով. ուրեմն ՍՊԸ-ի գործադիր տնօրենը ցանկանում է ավելացնել կանոնադրական կապիտալը, ներդնելով շարժական գույք՝ մարդատար ավտոբուս: Հիմա հարցս. պետռեգիստրում գրանցման համար ի՞նչ փաստաթղթեր պետք է ներկայացվի և կա՞ն արդյոք այլ ընթացակարգեր այն կազմակերպելու համար։ Եվ ձևակերպումը ո՞նց է տրվում հաշվապահորեն։

Ո՞ր գումարից է պահվում եկամտային հարկը

Ալինա․

Բարև ձեզ, մենք միկրոձեռնարկատիրություն ենք, և խնդրում եմ բացատրեք՝ անաշխատունակության վճարի ժամանակ եկամտային հարկը (5 000 դր) գործատուի՞ վճարվող գումարից ենք հանում, թե՞ պետ․ բյուջեի վճարումից։

Օտարերկրացին որպես տնօրեն

Ռուբ.

Հարգելի հաշվապահներ, մինչև այժմ ՍՊԸ-ի գործերը վարել է հիմնադիր-տնօրենը, բայց հիմա ցանկանում է նոր տնօրեն նշանակել։ 1. Արդյո՞ք փոփոխությունը պետք է անել պետական ռեգիստրում՝ գրանցման հայտ տալուց առաջ։ 2. Վրաստանի քաղաքացիություն ունեցող անձը կարո՞ղ է նշանակվել այդ պաշտոնում: 3. Քանի որ անձը ՀՀ քաղաքացի չէ և չունի նույնականացման քարտ, կարո՞ղ է արդյոք հիմնադրի նույնականացման քարտով ստորագրել հաշվետվությունները և այլ փաստաթղթեր։

Որպես ԱՁ գրանցվելու առցանց տարբերակներ

Արայիկ․

Բարև ձեզ, խնդրում եմ գրեք՝ ինչպե՞ս կարող եմ գրանցվել որպես անհատ ձեռնարկատեր օնլայն։

Տնօրեն նշանակելու վերաբերյալ

Աննա.

Բարև Ձեզ: Կազմակերպությունը նոր է բացվում: Կազմակերպությունը ունի 1 հիմնադիր, հիմնադրի որոշումով իրեն պետք է նշանակել տնօրեն, իր հետ կնքելով աշխատանքային պայմանագիր: Պետ. ռեգիստրի փաստաթղթի մեջ էլ նշված է, որ ինքը տնօրեն է, հիմա tax service-ում ես պետք է հայտ ուղարկե՞մ՝ իրեն նշանակելով տնօրեն, բայց իրենք ուզում են, որ տնօրեն նշանակեմ մեկ ուրիշի: Ինչպե՞ս վարվեմ:

ՀԿ-ն ցանկանում է դուստր առևտրային կազմակերպություն բացել

Արմինե.

Բարև Ձեզ: ՀԿ-ն ցանկանում է դուստր առևտրային կազմակերպություն բացել: Ի՞նչ փաստաթղթեր են անհրաժեշտ ներկայացնել պետ. ռեգիստր: Նախապես շնորհակալություն:

Հաշիվ վավերագրի վերաբերյալ

Քրիստինե.

Բարև Ձեզ: Եթե կազմակերպությունը պետ. ռեգիստրում գրանցվել է մարտի վերջին օրը, հարկային դաշտում գրանցվել է 15.04.21թ-ին, բայց կազմակերպությանը հաշիվ են գրել 13.04.21թ-ով, ի՞նչ որ խախտում լինում է, թե՞ ոչ: Եթե այո, դիմացի կազմակերպությանը ասեմ տան ճշգրտում նոր ես հաստատե՞մ: Կանխավ շնորհակալություն:

Տնօրենին փոխարինելու վերաբերյալ

Մագա.

Հարց 1. Գործադիր մարմնի ղեկավարը՝ տնօրենը, հանկարծակի հիվանդացել և հոսպիտալացվել է: Ո՞վ պետք է փոխարինի նրան, եթե կազմակերպությունը չունի փոխտնօրենի հաստիք:
Հարց 2. Հանկարծակի մահացել է կազմակերպության միակ հիմնադիրը: Ո՞վ կարող է դառնալ կազմակերպության հիմնադիր:
Հարց 3. Գործադիր մարմնի ղեկավարը՝ տնօրենը, հանկարծակի հիվանդացել և հոսպիտալացվել է: Նրան փոխարինել է փոխտնօրենը: Այդ փաստը պե՞տք է գրանցել պետական ռեգիստրում:

Արդյոք կարելի՞ է կանոնադրական կապիտալը մաս-մաս օգտագործել

Էլինա.

Հարգելի հաշվապահներ/իրավաբաններ, խնդրում եմ ուղղեք, եթե սխալ կա և պատասխանեք հարցիս:
ՍՊԸ-ի հիմնադիրը ցանկացել է ներդրում կատարել՝ կանոնադրական կապիտալ։ Կազմվել է որոշում՝ հունվարին՝ 2020թ-ի, կանոնադրական կապիտալ 30 մլն մուտք անելու վերաբերյալ, և տարվա ընթացքում մաս-մաս մուտք է եղել դրամարկղ: Այսպիսով, դեկտեմբերին պիտի կազմվի 2-րդ որոշումը արդեն կանոնադրության փոփոխության վերաբերյալ և կատարվեն համապատասխան քայլերը ռեգիստրում /ներկայացվում են երկու որոշումները, կանոնադրության փոփոխությունը և բոլոր դրամարկղի մուտքի օրդերները/:
Եվ հարցս՝ արդյո՞ք կարելի է այդ մաս-մաս կատարված ներդրումները օգտագործել, օրինակ՝ աշխատավարձ տալ, թե՞ պիտի մնա գումարը դրամարկղում անփոփոխ մինչև չլրանա 30 մլն և կատարվի կանոնադրության փոփոխությունը:
ԿԱՆԽԱՎ ՇՆՈՐՀԱԿԱԼ ԵՄ:

ՍՊԸ-ի գրանցման հետ կապված

Էդգար.

Բարև Ձեզ: Խնդրում եմ ասել, թե ինչպե՞ս կարող եմ գտնել՝ իմ ՍՊԸ-ն այստեղ, գրանցված է Կոմիտասի ռեգիստրում, շնորհակալ եմ:

Ախտահանիչ հեղուկների արտադրությամբ զբաղվող Ա/Ձ-ն ուզում է նաև դիմակներ արտադրել

Ռազ.

Բարև Ձեզ, հարգելի հաշվապահներ: Հարցս հետևյալն է. եթե ԱՁ-ն զբաղվում է ախտահանիչ հեղուկների արտադրությամբ և պետ. ռեգիստրում գրանցված է համապատասխան դասակարգիչի տակ և հիմա ուզում է ավելացնել դիմակի արտադրություն՝ ի՞նչ քայլեր պետք է անի, կա՞ դիմումի ձև, որ ներկայացնի հարկային:

Ինչպե՞ս է կատարվում ՍՊԸ-ի միակ մասնակցի անձնագրային տվյալների փոփոխության պետական գրանցումը

Մանե.

Կարո՞ղ եք հստակ նշել՝ ՍՊԸ-ի միակ մասնակցի անձնագրային տվյալների փոփոխության պետական գրանցումն ինչպե՞ս է կատարվում /նշեմ՝ կանոնադրությունը չի փոխվելու/: Խնդրում եմ օրենքի հոդվածը նշել։ E-register-ը հստակ պատասխան չի տալիս: Շնորհակալ եմ:

Եթե ֆիզ. անձը ցանկանում է որպես միկրոձեռնարկատեր աշխատել

Gag.

Բարև Ձեզ: Կասեք՝ եթե ֆիզ. անձը ցանկանում է որպես միկրոձեռնարկատեր աշխատել, պե՞տք է պետ. ռեգիստրում հաշվառվի, թե՞ միանգամից հարկայինում։

Եթե ԱՁ-ն փոխում է գործունեության հասցեն

Արփինե․

Բարև Ձեզ։ Եթե ԱՁ-ն փոխում է գործունեության հասցեն, միայն ՀԴՄ-ն վերագրանցելը բավարա՞ր է, թե՞ պետք է պետռեգիստրում էլ տեղյակ պահվի և փոփոխություն արվի։ Նախապես շնորհակալ եմ։

Անձը ցանկանում է գրանցվել որպես ԱՁ, սակայն ապրում է ՌԴ-ում

Նարինա․

Ողջույն ձեզ։ Ես ապրում եմ Ռուսաստանի Դաշնությունում, անհրաժեշտություն է առաջացել գրանցել ԱՁ Հայաստանում։ Ես հայկական անձնագիր ունեմ և գրանցում ՀՀ-ում, կարդացի ինտերնետում, որ օնլայն կարգով հնարավոր է ԱՁ գրանցել իմ անունով և արդեն իմ կողմից տրված հավաստագրով, մեր ներկայացուցիչը կարող է մեզ օգնել։ Կարո՞ղ եք ինձ խորհուրդ տալ՝ ինչպե՞ս դա անել․
1․ Ի՞նչ հաշվետվություններ և ի՞նչ հաճախականությամբ պետք կլինի անել:
2․ Ի՞նչ չափի պարտադիր հարկային վճարումներ պիտի արվեն:
Ու թե էլի նրբություններ կան, խնդրում եմ, գրեք։

Նախօրոք շնորհակալություն։

Արդյո՞ք անհրաժեշտ է գրանցվել պետ․ ռեգիստրում

Գագ Խալաֆյան.

Բարև ձեզ: Մի հարց տամ՝ եթե անհատ ես ու արտերկրի քաղաքացիներին էլեկտրոնային ծառայություններ ես մատուցում, օրինակ՝ վեբ կայքերի պատրաստում, այսինքն՝ freelance ձևով ես աշխատում, պե՞տք է պետ. ռեգիստրում գրանցվել:

Որպես ԱՁ առցանց գրանցվելու համար

Քնարիկ․

Բարև Ձեզ։ Ուզում եմ ԱՁ բացել, հնարավո՞ր է օնլայն։

ԱՁ-ի անձնագրային տվյալները փոփոխելու համար

Նոննա.

Բարև ձեզ: Խնդրում եմ, օգնեք. ինչպե՞ս կարող եմ ԱՁ-ի անձնագրային տվյալները փոփոխել online պետ. ռեգիստրի հարթակում: Բանկում ԱՁ-ով հաշիվ չեն բացում անձնագրային տվյալները չհամապատասխանելու պատճառով:

Անձը չի կարողանում գրանցվել որպես ԱՁ

Սաթիկ․

Բարև ձեզ: Ցանկանում եմ Ա/Ձ գրանցել, չեմ կարողանում։ Խնդրում եմ օգնել, շատ շտապ է։

Հաշվետվություններ ներկայացնելու վերաբերյալ

Գարեգին.

Բարի օր բոլորին: Երկու ամիս առաջ բացել եմ ԱՁ՝ արտոնագրային հարկատեսակով, սակայն մինչ օրս պետ. ռեգիստրից որևէ ծանուցում կամ նամակ չեմ ստացել հաշվետվությունների ներկայացման համար: Ինչպե՞ս վարվել նման իրավիճակում, միգուցե իրենց պետք է անձա՞մբ այցելել: Որքան հիշում եմ՝ նախկինում հաշվետվությունը նույնիսկ ժամանակին չներկայացնելու համար սահմանված էր 20 000 դրամ տուգանք: Շնորհակալություն:

Պե՞տք է արդյոք հաշվետվություն ներկայացնել

Արփինե.

Բարև ձեզ։ Խնդրում եմ ինձ հուշել՝ եթե Իրավաբանական անձանց պետական ռեգիստրում գրանցվել է Հասարակական կազմակերպություն, որը ֆինանսական շրջանառություն դեռևս չի իրականացրել, արդյոք այդ կազմակերպությունը պե՞տք է հաշվետվություն ներկայացնի Պետական եկամուտների կոմիտեին։ Եթե այո, ապա ի՞նչ պարբերականությամբ։ Շնորհակալ եմ։

ՀԿ գրանցելու համար

Գևորգ.

Բարև ձեզ։

Որքա՞ն է ՀԿ-ն գրանցելու միանվագ վճարումը։ Եվ ի՞նչ կարգով պետք է ներկայացնել կանոնադրությունը պետ. ռեգիստր։

Հարկման դաշտի ընտրության մասին նշում պետ. ռեգիստրում

Արթուր.

Հարգելի գործընկերներ, ո՞վ կարող է ասել` ինչու՞ են պետ. ռեգիստրում իրավաբանական անձ գրանցելիս հարցնում և հարցաթերթիկում էլ նշում, թե տվյալ իրավաբանական անձը ԱԱՀ վճարող է համարվելու, թե ոչ, և մի հատ էլ զգուշացնում, որ եթե ընտրենք ԱԱՀ վճարող, հետո փոխել հնարավոր չէ: Ես եմ, էս տարի որոշել եմ ԱԱՀ-ով աշխատել, մյուս տարի էլ որոշում եմ շրջանառության հարկով աշխատեմ, չե՞մ կարողանալու փոխել որոշումս, և ի վերջո` Հարկային օրենսգրքում պետ. ռեգիստրում հարկման դաշտի ընտրության մասին ոչինչ չկա գրված, չէ՞:

Թեյերի արտադրությամբ և վաճառքով զբաղվելու համար

Sona Galstyan.

Պատրաստվում եմ բացել կազմակերպություն, սակայն չեմ կողմնորոշել` բացել ԱՁ-ը, թե՞ ՍՊԸ, որը զբաղվելու է թեյերի արտադրությամբ և վաճառքով: Ովքե՞ր գիտեն, բացի պետական ռեգիստրում գրացվելուց ուրիշ ի՞նչ կազմակերպություւների է պետք դիմել, սննդամթերքի անվտանգության պետական ծառայությու՞ն, թե՞ այլ` օրինական ճանապարհով հստակ ամեն ինչ սկսելու համար: Կանխավ շնորհակալություն:

Ի՞նչ փաստաթղթեր են անհրաժեշտ որպես ԱՁ գրանցվելու համար

Սարգիս.

Բարև ձեզ, իսկ որտե՞ղ է գտնվում պետական ռեգիստրը, և ԱՁ բացելու համար պետ. ռեգիստրում ի՞նչ փաստաթղթեր են հարկավոր: Նախապես շնորհակալություն:

ԱՁ բացելու համար որքա՞ն գումար է հարկավոր

Սարգիս Դ.

Բարև ձեզ, կասե՞ք խնդրեմ` ԱՁ բացելու համար որքա՞ն գումար է հարկավոր:

Ընկերությունը գործունեություն չի ծավալում, սակայն գույքահարկով հարկվող օբյեկտ ունի

Ռոյալ.

Ընկերությունը գործունեություն չի ծավալում, սակայն գույքահարկով հարկվող օբյեկտ ունի, ինչի պատճառով ժամանակավոր դադարեցման դիմում չի կարող տալ, և գույքահարկի կիսամյակային հաշվետվություններն ու եռամսյակային հաշվետվությունները պարտաճանաչ տրվում են:

Հարց՝ այս դեպքում պարտադի՞ր է տնօրենի հետ պայմանագիր ունենալ և աշխատավարձ սահմանել, թե՞ միայն պետ. ռեգիստրի ներդիրի հիման վրա տնօրեն լինելը բավական է: Եթե այո, ապա եթե ընկերությունը չի գործում և գործունեություն չի ծավալում, ինչու՞ պետք է տանը նստած ամբողջ օրը հեռուստասերիալ դիտող տնօրենին աշխատավարձ տալ: Ցանկացած պատասխանի դեպքում, խնդրում եմ, աղբյուրի հղումն էլ լինի:

Շնորհակալություն:

Պարտադի՞ր է արդյոք փոխել ՍՊԸ-ի իրավաբանական հասցեն

Մարի.

Բարև ձեզ:

Հարգելի հաշվապահներ, ՍՊԸ-ի տնօրենը (միակ մասնակից) փոխել է իր բնակության ու գրանցման հասցեն: Պարտադի՞ր է արդյոք, որ ՍՊԸ-ի իրավաբանական հասցեն փոխվի: Հասցեն փոփոխելու համար ինչպիսի՞ փաստաթղթեր պետք է ներկայացվեն իրավաբանական անձանց պետական ռեգիստրում և ՊԵԿ տարածքային գրասենյակներ:

ՀԳ: e-register.am-ում ամբողջական տեղեկատվություն չկա, միայն նմուշային կիսատ-պռատ ձևեր են:

ՍՊԸ գրանցելու համար

Արսեն.

Բարև ձեզ: Ես ցանկանում եմ ՍՊԸ բացել, ի՞նչ է հարկավոր անել դրա համար: