Tag: վարձավճար

Վարձակալության եկամտային հարկ

Մարիամ․

Ինչպե՞ս և որտե՞ղ վճարել տան վարձակալության եկամտահարկը, եթե վարձատուն գտնվում է ԱՄՆ-ում, ունի հայկական անձնագիր և սոց. քարտ։

Նվազագույն վարձավճար

Սեդա․

Բարև Ձեզ։ Եթե ֆիզ․ անձը ՍՊԸ-ին անշարժ գույք է տվել վարձակալության, նվազագույնը ինչքա՞ն պետք է կազմի վարձավճարը:

Տարածքի վարձակալություն

Արմինե․

Բարև Ձեզ, հարգելի մասնագետներ։ Կխնդրեի պատասխանել.

Շրջհարկի դաշտում գործող ԱՁ եմ։ Արտադրամասը՝ համաձայն գրավոր պայմանագրի, վարձակալել եմ ռեզիդենտ ֆիզ անձից։ Հարցերս հետևյալն են․

Հարց 1․ Վարձավճարի եկամտային հարկը ԱՁ-ն պետք է հաշվարկի և փոխանցի բյուջե՝ այն ցույց տալով եկամտային հաշվետվության համապատասխան տողում, թե՞ քաղաքացի ֆիզ անձը հաշվառվի ՊԵԿ-ում և հայտարարգրի հիման վրա կատարվի փոխանցումը։

Հարց 2. Քանի, որ շրջհարկով եմ աշխատում, և վարձակալական վճարը ԱՁ-ի համար ծախս չի (այսինքն չի պակասեցվելու շրջհարկից), պարտադի՞ր է կադաստրում հաշվառվելը կամ նոտարական վավերացումը։

Վարձակալությունից ստացված եկամուտ

Աշոտ․

Բարեվ ձեզ։ Կասե՞ք, թե ինչպե՞ս վճարել վարձակալությունից ստացված եկամտից առաջացող եկամտային հարկը (10%)՝ ապրելով արտասահմանում։ Ունեմ ՀՀՎՀ, ասում են՝ ինչ որ Էլեկտրոնային համակարգի միջոցով է արվում, սակայն չեն մանրամասնում, թե ինչպես։ Շնորհակալ եմ։

Տարածքի վարձակալություն

Նարե․

Բարև Ձեզ։ Հարգելի հաշվապահներ, խնդրում եմ պատասխանել վարձակալության հետ կապված մի քանի հարցի`

1. Եթե ԱԱՀ-ով աշխատող ՍՊԸ-ն տարածք վարձակալի շրջ. հարկով աշխատող ՍՊԸ-ից, ապա իր մոտ հարկային պարտավորություններ չի առաջանա չէ՞, միայն ստացված հաշիվ վավերագրի գումարը պետք է ներառել ԱԱՀ հաշվարկի մեջ` որպես ՀՀ տարածքում ստացված ծառայություն։

2. Վերոնշյալ դեպքում վարձակալության պայմանագիրը պե՞տք է հաստատվի կադաստրում, և վարձավճարի նվազագույն չափը պե՞տք է լինի կադաստրային արժեքի 2,5%-ից ոչ պակաս` տարվա կտրվածքով։

3. Եթե շրջ. հարկով աշխատող ՍՊԸ-ի տարածքը հիմնադիր-տնօրենի սեփական տարածքն է և ՍՊԸ-ին տրված է անհատույց, ապա պե՞տք է տնօրենի` որպես ֆիզ. անձի հետ կնքվի անհատույց վարձակալության պայմանագիր, իսկ տնօրենն էլ ուղղակի պե՞տք է հարկայինում հայտարարություն ներկայացնի, որ տարածքը տրամադրել է անհատույց հիմունքներով։

Տարածքի վարձակալություն

Սվետա․

Բարև Ձեզ: Խնդիրս այսպինին է, խնդրում եմ օգնել․

Ֆիզ. անձը վարձակալությամբ է տվել իր տարածքը ԱՁ-ին, որը գործում է որպես գեղեցկության սրահ: Վարձակալությունը իրար միջև եղել է ներքին պայմանավորվախությամբ: Այս օրենքի փոփոխությունից հետո ֆիզ. անձը կդիմի ՊԵԿ գրանցման համար։

Հարց. այս դեպքում 10% հարկը վճարում է ԱՁ-ն և եթե այո, ապա ի՞նչ հաշվետվության ձևով և ինչպե՞ս: Նախապես շնորհակալ եմ:

Վարձավճարի մինիմալ չափ

Գոռ․

Բարև Ձեզ: Իսկ կա՞ վարձակալության մինիմալ կադաստրային արժեքի չափ։

ԱՁ-ն տարածք է վարձակալել ֆիզ. անձից

Հարութ․

Բարև Ձեզ, հարգելի հաշվապահներ, խնդրում եմ ինձ օգնել հետևյալ հարցում. ԱՁ-ն տարածք է վարձակալել ֆիզ. անձից, արդյո՞ք պայմանագրի սկիզբ է համարվում հարկային մարմնում հատարարագրման օրը, և վարձավճարը կարող եմ վճարել ամբողջ տարվանը դեկտեմբեր ամսին և հանձնել հաշվետվություն միայն այդ ամսվա համար, թե՞ պետք է ներկայացնել զրոյական հաշվետվություն մյուս ամիսների համար, և կարո՞ղ է արդյոք ԱՁ-ն վարձավճարը ֆիզ անձին վճարել կանխիկ։

Անշարժ գույքի վարձակալություն հարկային գործակալի առկայության դեպքում

Արմեն․

Հարգելի գործընկերներ, եթե անշարժ գույքը վարձակալած կողմն իրավաբանական անձ է, այսինքն հանդիսանում է հարկային գործակալ (վարձավճարը արտացոլվում է ամսական եկամտային հարկի հաշվարկում), արդյո՞ք այդ դեպքում էլ վարձատու ֆիզ․ անձը պետք է ներկայացնի “Անշարժ գույքի հետ կապված եկամտի ստացման իրավունքի և դրա դադարեցման վերաբերյալ հայտարարության ձևը”։ Եվ արդյո՞ք տվյալ դեպքում էլ գործարքը ենթակա է պետական գրանցման։ Շնորհակալություն։

Վարձավճարը փոքր է կադաստրային արժեքի 2,5%-ից

Լիլիթ․

ԱՁ-ն կամ ՍՊԸ-ն, որոնք աշխատում են շրջհարկի դաշտում, ստանում են տարածքի վարձակալության ծառայություն, որի տարեկան վարձավճարը առանց ԱԱՀ փոքր է տարածքի կադաստրային արժեքի 2,5 % -ից։ Ի՞նչ պարտավորություններ են առաջանում վարձակալների համար:

Տան վարձակալություն

Անի․

Հարգելի՛ հաշվապահներ, սեփական տունը վարձով է տրվում ֆիզ․ անձից ֆիզ անձին: Կան մի քանի սենյակներ, և բոլոր սենյակները վարձակալում են տարբեր մարդիկ: Ինչպե՞ս կազմակերպել օրինական աշխատելու գործընթացը: Որտեղի՞ց սկսել և ի՞նչ հարկատեսակով աշխատել օրինական դաշտում: Շնորհակալություն։

Եկամտային հարկ վարձավճարից

Կարեն․

Բարև Ձեզ: Շրջանառության հարկով աշխատող ՍՊԸ-ն կամ ԱՁ-ն ֆիզ․ անձից վարձակալել է տարածք։ Այս դեպքերում ո՞վ է վճարելու եկամտային հարկը, և քանի՞ տոկոս։ Ո՞ր հոդվածով առաջնորդվել։

Վարձավճարի հաշվարկ և փոխանցում

Հեղինե․

Հարգելի հաշվապահներ, խնդրում եմ օգնեք կողմնորոշվել։ Իրավաբանական անձը տարածք է վարձակալել ֆիզ․ անձից, կնքվել է պայմանագիր 19.10-ից, այն պայմանավորվածությամբ, որ եկամտային հարկը վճարելու է իրավաբանական անձը։ Վարձակալության վճարը պետք է փոխանցվի մինչև 25-ը։ Ժամկետը հաշվարկելիս ճի՞շտ է հաշվել և փոխանցել ամսվա 19-31, փոխանցել այդ ժամանակահատվածի գումարը, հետո 1-30, թե՞ 19.10-19.11.23:

Վարձակալության պայմանագիր

Լիլիթ․

Եթե տարածքի սեփականատերը անշարժ գույքի վարձակալության պայմանագիր չի կնքում, այդ պարագայում ո՞վ է պատասխանատվություն կրում՝ վարձակա՞լը, թե՞ վարձատուն։

Գործունեության դադարեցում

Հովհաննես․

Բարև ձեզ։ Մոտ երեք տարի է վարձակալությամբ տվել ենք բնակարան ՆԳՆ աշխատակցի և մուծել հարկեր 10%-ի չափով: Դրա համար բացել ենք ՀՎՀՀ հաշիվ, այժմ որոշել ենք դադարեցնել վարձակալության պայմանագիրը, քանի որ վարձակալը ազատում է բնակարանը, ուստի և կասեցնել ՀՎՀՀ հաշիվը: Խնդրում եմ պատասխանեք՝ ի՞նչ անհրաժեշտ փաստաթուղթ է պետք ներկայացնել ՊԵԿ ՀՎՀՀ հաշվեհամարը փակելու համար:

Արդյո՞ք կազմակերպությունը հանդիսանում է հարկային գործակալ

Աննա․

Բարև ձեզ, հարգելի հաշվապահներ։ ՍՊԸ աշխատում է շրջանառության հարկով, ֆիզ․ անձից վարձակալել է տրանսպորտային միջոց, այս դեպքում․

1․ ՍՊԸ հանդիսանու՞մ է հարկային գործակալ

2․ Որպես հարկային գործակալ պե՞տք է ֆիզ․ անձից պահի գումարի 10% և վճարի բյուջե

Տարածքի վարձակալության պայմանագիր

Emi.

Բարև ձեզ, խնդրում եմ ինձ ասեք․

  1. ՍՊԸ-ն կարո՞ղ է տարածքի վարձակալության անհատույց պայմանագիր կնքել ԱՁ-ի հետ (տարածքը 8 ք.մ ՍՊԸ-ինն է)
  2. Եթե ոչ, ապա ամենաքիչը ինչքա՞ն պետք է լինի վարձակալության չափը, և ինչքա՞ն է հարկը և ո՞վ է վճարում
  3. Պայմանագիրը կարո՞ղ են իրար մեջ կնքել, առանց նոտարի

Եկամտային հարկի հաշվարկի լրացման վերաբերյալ

Մանե․

Բարև ձեզ: ԱՁ-ն աշխատում է միկրոյով: Վարձակալել է տարածք ֆիզ. անձից: Եկամտայինի հաշվետվության մեջ համակարգը թույլ չի տալիս որպես այլ եկամուտ լրացնեմ: Արդյո՞ք տեխնիկական խնդիր է, թե՞ միկրոն իրավունք չունի այլ եկամուտ ցույց տալու։

Վարձավճարի վճարում արտարժույթով

Թինա․

Բարև Ձեզ, ԱԱՀ-ով աշխատող կազմակերպությունը ֆիզ անձից կարո՞ղ է տարածք վարձակալել և պայմանագիրն ու վճարումը արտարժույթով կատարել։

Անհատույց վարձակալություն

Ալլա․

Բարև ձեզ, հարգելի հաշվապահներ:

Խնդրում եմ օգնել հետևյալ հարցում: ՍՊԸ-ն, որն աշխատում է ԱԱՀ-ի դաշտում, իր տնտեսական գույքը անհատույց վարձակալությամբ հանձնել է ԱՁ-ին, որն աշխատում է շրջանառության հարկի դաշտում, հանրային սնունդ է կազմակերպում: Այս գործարքից ինչպիսի՞ հարկային պարտավորություններ է առաջանանում ՍՊԸ-ի մոտ։ ՍՊԸ-ն կարո՞ղ է ամորտիզացիա հաշվարկել։ Շնորհակալություն:

ԱԱՀ դեբետային գումարի վերադարձ

Տիգրան․

Հարգելի հաշվապահներ, խնդրում եմ հայտնել Ձեր կարծիքը հետևյալ հարցի վերաբերյալ: ՏՏ ոլորտում գործող ՀՀ կազմակերպությունը, ով գործում է հարկման ընդհանուր համակարգում և ունի ՏՏ ոլորտի հավաստագիր, ծառայություններ է մատուցում օտարերկրյա կազմակերպություններին և, քանի որ ՀՀ-ից դուրս է ծառայության մատուցումը, ԱԱՀ-ի զրոյական դրույքաչափ է կիրառվում: Միաժամանակ կազմակերպությունը ՀՀ-ում տարածքի վարձակալությունից վարձակալան վճար է վճարում ՀՀ ռեզիդենտ ԱԱՀ վճարող հանդիսացող կազմակերպությանը և ներկայումս կուտակել է ԱԱՀ-ի դեբետ: Հարցս հետևյալն է՝ արդյո՞ք հնարավոր է կուտակված ԱԱՀ-ի դեբետը հետ ստանալ և եթե հնարավոր է՝ ի՞նչ կարգով է դա լինելու։

Լիզինգի ձևակերպումներ

Կարեն․

Բարև Ձեզ։ Լիզինգով ստացել եմ հիմնական միջոց, լիզինգային կազմակերպությունը հանձնման ընդունման հաշիվ է գրել, որը ձևակերպել եմ դ․տ 119 կ․տ 413- 15 000 000։ Անցած ամիս լիզինգային կազմակերպությունը հաշիվ է գրել, որի մեջ ներառված է վարձավճար 90 000 ՀՀ դրամ, տոկոսագումար 85 400 ՀՀ դրամ, և լրացուցիչ վարձավճար՝ 120 000 ՀՀ դրամ։ Խնդրում եմ կասե՞ք՝ այդ գրված հաշվի հաշվապահական ձևակերպումները ինչպես տամ։

Վարձավճարի նվազեցում

Արեն․

Ողջույն, հարգելի հաշվապահներ: Խնդրում եմ օգնել հետևյալ հարցում: Տեղեկատվական տեխնոլոգիաների ոլորտում աշխատող կազմակերպությունը ֆիզիկական անձից վարձով ձեռք է բերել գրասենյակային տարածք առանց նոտարական կամ կադաստրային վավերցման: Ամսական վարձավճարը կազմում է 285 000 դրամ: Կազմակերպությունն աշխատում է ընդհանուր հարկման դաշտում: Պայմանագիրը նշված է 1 տարի ժամկետով: Հիմա խնդրում եմ ասեք՝ կարո՞ղ է կազմակերպությունը ամբողջ տարվա վարձավճարի գումարը նվազեցնել համախառն եկամտից։

Եվ հաջորդ հարցս՝ տարածքը վարձակալությամբ տրամադրվում է ողջ գույքով, ներառյալ համակարգիչներ: Պայմանագրի մեջ որ նշվի՝ տարածքը հանձնվում է ամբողջ գույքով, դա բավարա՞ր է, թե՞ այլ կարգավորումներ կան: Նշեմ, որ 2023 թվականի դեկտեմբեր ամսին վճարվելու է ամբողջ գումարը տարվա և 10 տոկոս հարկը վճարվի, սա անկանխիկի խախտում չի կարող չէ՞ դիտվել, քանի որ 12 ամիսների վճարն է վճարում, թե՞ սխալվում եմ։

Վարձավճարի ծախսագրում

Արման․

Բարև ձեզ: Եթե ընհանուր հարկման դաշտում աշխատող կազմակերպությունը ֆիզիկական անձից վարձակալությամբ վերցրել է տարածք ամսական 200 000 դրամով, առանց նոտարական վավերացման, արդյո՞ք կազմակերպությունը ամբողջ 200 000 դրամ գումարը կարող է ծախսագրել շահութահարկը հաշվարկելիս։

Շրջանառության հարկի նվազեցումներ

Անի․

Բարի օր: Հարգելի՛ հաշվապահներ, կարո՞ղ եք օգնել. հանրային սննդի ոլորտում շրջհարկի հաշվետվության մեջ ներառվու՞մ են կոմունալ ծախսերը, աշխատավարձը՝ տնօրենին և աշխատակիցներին, տարածքի վարձավճարը ֆիզ անձից (պայմանագիր կա): Շնորհակալ եմ։

Կոմունալ ծախսերի ներառում հաշվի մեջ

Ալլա․

Բարև Ձեզ, հարցս հետևյալն է․ ԱԱՀ-ով աշխատող կազմակերպությունը իրեն սեփականության իրավունքով պատկանող տարածքը տվել վարձակալության: Այդ տարածքի հոսանքի ու ջրի հարկային հաշիվները գրվում են վարձատուին, և վարձատուն ամեն ամիս կոմունալ ծախսերի փոխհատուցման նպատակով հարկային հաշիվ է դուրս գրում վարձակալին: Այս տարվանից համատիրությունից վարձատուն այդ տարածքի համար սկսել է առանց ԱԱՀ-ի հաշիվ ստանալ, և հարց է առաջացել՝ այդ առանց ԱԱՀ հաշիվը վարձատուն ինչպե՞ս պետք է դուրս գրի վարձակալից այդ գումարը հետ ստանալու համար: Պայմանագրով ֆիքսված է, որ բոլոր տեսակի վճարները՝ հոսանք, ջուր, աղբ, համատիրություն, վճարում է վարձակալը , բայց ԱԱՀ-ով աշխատող կազմակերպությունը կարո՞ղ է առանց ԱԱՀ հաշիվ դուրս գրել։

Ենթավարձակալության եկամտային հարկ

Վիկա․

Բարև ձեզ։ Որ խնդրեմ կօգնե՞ք մի հարցով․ ՍՊԸ ֆիզ․ անձից տարածք է վարձակալել և ՍՊԸ-ն այդ տարածքից մեկ սենյակ վարձակալության է տալիս միկրոյով աշխատող Ա/Ձ-ին, ստացվում է 3 անձի այս դեպքում 10 տոկոս տարածքի վարձակալությունից եկամտային հարկ ո՞վ պետք է վճարի և օրենքի ո՞ր հոդվածն է, որ խնդրեմ՝ կասե՞ք:

Լիզինգի ձևակերպումներ

Կարեն․

Բարև Ձեզ։ ԱԱՀ-ով աշխատող Կազմակերպությունը լիզինգով ստացել է հիմնական միջոց, որի դիմաց լիզինգատուն գրել է լիզինգի հանձնման ընդունման ակտի հաշիվ։ Կապիտալ գումարը (առանց ԱԱՀ) 70 000 000 է, որը ձևակերպել եմ դ․տ 119 կտ 413։ Ամեն ամիս լիզինգատուն հաշիվ է գրում, որի մեջ ներաված է վարձավճարը, որի ընդհանուր գումարը ես արդեն ձևակերպել եմ, ինչպես նաև տոկոսագումարը։ Օրինակ, առաջին ամսվա համար գրվել է՝ 845 000 ՀՀ դրամ ԱԱՀ-ով վարձավճար և տոկոսագումար առանց ԱԱՀ 984 600 ՀՀ դրամ։ Հարց։ Այդ հաշիվները ո՞նց ճիշտ մուտքագրեմ և ի՞նչ գործառնություններ տամ։

Վարձավճարի ծախսագրում

Նար․

Բարև ձեզ։ ՍՊԸ-ն ֆիզ․ անձից մեքենա է վարձակալել 300 000 + դրամով և վճարել կանխիկ։ Սակայն կա պայմանագիր։ Դա որպես ծախս չենք կարող չէ՞ դիտարկել։

Լիզինգի ձևակերպումներ

Կարեն․

Բարև Ձեզ։ ԱԱՀ-ով աշխատող ԱՁ-ն լիզինգով ստացել է հիմնական միջոց։ Գույքի ձեռքբերման գինը՝ 57 600 000, կանխավճարի չափը՝ 5 760 000, պայմանագրի գումարը՝ 51 840 000։ Լիզինգային ընկերությունից ստացել ենք հարկային հաշիվ՝ վարձավճար 594 900 ներառյալ ԱԱՀ և տոկոսագումար 677 000 առանց ԱԱՀ։ Որ խնդրեմ՝ կասե՞ք, թե հաշվապահական ի՞նչ ձևակերպումներ պետք է տրվի։

Լիզինգի ձևակերպումներ

Նարե․

Բարև Ձեզ։ Հարգելի հաշվապահներ, շրջ․ հարկով աշխատող կազմակերպությունը լիզինգով ձեռք է բերել հիմնական միջոց։ Գումարը 15 500 000դրամ է, որից 3 100 000դրամը տրվել է որպես կանխավճար և ձևակերպվել դտ-152 կտ-252։ Բոլոր տարիների տոկոսագումարը կազմում է 4 119 412 դրամ։ Վարկային կազմակերպությունը դուրս գրել հաշիվ-վավերագիր, որտեղ որպես նյութ․ արժեք ներառված են՝ վարձավճար 181 559,20դր, տոկոս 93 764,40դր, մեկնարկային վարձավճար (կանխավճար) 3 100 000դր։ Դեռ ոչ մի ձևակերպում չենք տվել, բացի կանխավճարի ձևակերպումից։ Խնդրում եմ օգնել մյուս ձևակերպումների հարցում։

Վարձավճարի նվազեցում շրջ. հարկից

Արթուր․

Բարև Ձեզ։ Խնդրում եմ պատասխանել հետևյալ հարցին․ ԱՁ-ն աշխատում է շրջանառության հարկի դաշտում և գործունեությունը իրականացնում է վարձակալած տաղավարում, որի համար տվյալ կազմակերպությունը ստանում է հաշվարկային փաստաթուղթ։ Արդյո՞ք տաղավարի վճարը կհամարվի նվազեցման ենթակա։

ԱՁ-ն կանաչի է արտադրում

Մարիամ․

Բարև ձեզ։ Կարող է մի քիչ շատ լինեն հարցերս, բայց կխնդրեյի պատասխանեյիք․ ԱՁ-ն կանաչի է արտադրում և աշխատում է միկրոյի դաշտում, մարտի 1 ից ուզում է անցնել շրջ. հարկի: Շրջ․ հարկի հայտը տալուց հետո ի՞նչ հաշվետվություններ պետք է լրացվեն։ Աշխատող չունի, սոց․ վճարող չէ, և կա վարձակալած տարածք։ 189 ձևը պե՞տք է լրացնեմ վարձավճարի համար: Ներմուծումը և այլ ծախսերը կարո՞ղ եմ նվազեցնել հարկից: Նախապես շնորհակալ եմ։

Վարձավճարի նվազեցում շահութահարկից

Դավիթ․

ԱՁ-ն կազմակերպությունից վարձակալել է տարածք, կազմակերպությունը հաշվարկային փաստաթուղթ է դուրս գրում վարձակալության համար: ԱՁ-ն շահութահարկից կարո՞ղ է ամբողջ գումարի չափով նվազեցնել վարձակալության ծախսը։

Միկրոձեռնարկատերը տարածք է վարձակալել

Մարիամ․

Բարև ձեզ, կխնդրեի օգնել: ԱՁ-ն միկրո է և տարածք է վարձակալել ֆիզ անձից: Այս դեպքում ի՞նչ հարկային պարտավորություն ունի ԱՁ-ն:

Վարձավճարի նվազեցում

Կարինե․

Բարև ձեզ։ Ես կարո՞ղ եմ ընկերության տարածքի վարձակալության վճարը շրջանառության հարկի նվազեցումների մեջ ներառել, ավելացնեմ, որ ամսական 10% եկամտային հարկը վճարում եմ, կանխավ շնորհակալություն։

Միկրոձեռնարկատիրության հաշվետվություն

Մարի․

Հարգելիներս, նախ շնորհակալություն հարցերին արագ և հստակ պատասխան տալու համար:

Հիմա հարցս` ՍՊԸ-ն համարվում է միկրոձեռնարկատիրության սուբյեկտ, գրանցված է միայն տնօրենը, այլ գրանցված աշխատող չունի, նշեմ նաև, որ գործունեությունը իրականացնում է մարզում, 79.11.0 դասակարգչի տակ է աշխատում, 257 ձևը հանձնել ենք 2023թ․ համար, կարելի է ասել 2022թ․ եկամուտ չի ունեցել, տնօրենի 189 ձևը 0-ական է լրացվել, միայն դեկտեմբերին կատարել է մեկ աշխատանք, որի համար հաշիվ է դուրս գրել, որպես հաշվարկային փաստաթուղթ: Դա է եղել միակ արված գործը:

Հիմա 256 ձևի մեջ այդ դուրս գրված հաշվի թիվը պե՞տք է գրենք։ Նաև խնդրում եմ ասեք՝ ՍՊԸ-ն տարեկան դրոշմանիշային վճար 18 000 վճարու՞մ է, թե՞ ոչ:

Մի բան էլ ավելացնեմ, որ տարածք է վարձակալել, որպես աշխատանքային սենյակ, վարձատու կողմը հաշիվ է դուրս գրել, մենք ամեն ամիս անկախ այն բանից, որ եկամուտ չենք ունեցել, այդ վարձը վճարել ենք:

Վարձավճարի նվազեցում շրջ․ հարկից

Հայկ․

Բարև Ձեզ: Հանրային սննդի ոլորտում գործող ԱՁ-ն աշխատում է շրջհարկով: Տարածքի վարձակալության գծով ծախսը իրավունք ունի՞ նվազեցնել Հարկային օրենսգրքի 258 հոդվածի 3-րդ մասին համապատասխան: Ծախսը հիմնավորված է Պայմանագրով և էլեկտրոնային հարկային հաշվով:

Լիզինգի ձևակերպումներ

Սուրեն․

Բարև Ձեզ։ Հարցս վերաբերում է լիզինգի ձևակերպումներին, խնդրում եմ վրայով անցնենք իրար հետ, նոր ձևակերպեմ։

1- ՀՄ Ձեռքբերման մասով դտ 1119-կտ 413,

2- կանխավճարի ձևակերպման մասով՝ դտ 413-կտ 252,

3-չկրած տոկոսի ծախսի մասով՝ դտ 414-կտ 413 (ընդհանուր տոկոսն եմ գրում) և 12 ամսվա համար դտ 414-կտ 516 ,

4- տոկոսի ծախսագրում՝ դտ 727-կտ 516, 5- մայր գումարի վճարում՝ դտ 413-կտ 252։

Խնդրում եմ տոկոսի սուբսիդավորման մասով ասեք՝ ի՞նչ ձևակերպեմ, և եթե լիզինգի պայմանագիրը արտարժույթով է ու պայմանագրային արժեքի և նախնական արժեքի մեջ կա դրական տարբերություն, դա ի՞նչ ձևակերպում տամ։ Նախապես շնորհակալ եմ։

Վարձավճարի ծախսագրում

Գեղամ.

Կազմակերպությունը ֆիզիկական անձից վարձակալել է անշարժ գույք, կազմվել են կատարողական ակտեր և արձանագրություններ, սակայն կադաստրով չի անցել: Կարո՞ղ է արդյոք կազմակերպությունը այդ գումարը ծախսագրել և եթե ոչ՝ ինչի՞ հիման վրա:

Վարձավճարի կանխիկ վճարում

Սամվել․

Հարգելի գործընկերներ, արդյո՞ք ֆիզ․ անձին վճարվող վարձավճարը կարելի է վճարել կանխիկ՝ հաշվի առնելով կանխիկ գործարքների սահմանափակումները։

Շենքի վարձակալություն

Սերգեյ․

Բարև Ձեզ, հարգելի հաշվապահներ։ ԱԱՀ-ով աշխատող ՍՊԸ-ն ֆիզ․ անձից վարձակալել է շենք հյուրանոցային ծառայություններ մատուցելու համար ամսական 800․000 վարձավճարով։

Հարց 1․ ՀԾ հաշվապահ ծրագրով ի՞նչ ձևակերպումներ եմ տալու

Հարց 2․ Վարձավճարի լրիվ գումարը կարո՞ղ եմ նվազեցնել շահութահարկից, թե՞ մենակ 10% եկամտային հարկի գումարն եմ նվազեցնելու՝ 80 000-ը։

Լիզինգի ձևակերպումներ

Արեգա.

Հարցս ուղղում եմ գործող հաշվապահներին և կանխավ հայտնում շնորհակալություն:

Հարցի բովանդակությունը հետևյալում է. ԱԱՀ վճարող կազմակերպությունը 27.10.22թ. ԱԳԲԱ ԼԻԶԻՆԳ ՎԱՐԿԱՅԻՆ ԿԱԶՄԱԿԵՐՊՈՒԹՅԱՆ հետ կնքել է լիզինգի (վերականգնող էներգիայի ) պայմանագիր: Լիզինգի առարկա հանդիսացով առարկայի արժեքը կազմում է՝ 26 920 000 դրամ, 27.10.22թ. վճարվել է՝

ա. կանխավճար՝ 4 000 000դրամ,

բ. ապահովագրավճար՝ 116000 դրամ:

31.10.22թ ԱԳԲԱ ԼԻԶԻՆԳ ՎԿ դուրս է գրել հարկային հաշիվ՝ անվանումը Չափի միավ քանակը արժեքը ԱԱՀ ընդամենը՝

Մեկնարկային ամիս 1 3333333.3 666666.7 4000000

վարձավճար

վարձավճար ամիս 1 376114.1 75222.8 451336.9

Տոկոսագումար ամիս 1 40188.5 0 40188.5

ընդամենը 3749635.9 741889.5 4495525.4

Խնդրում եմ տալ բոլոր հաշվապահական ձևակերպումները։

Վարձակալություն ֆիզ. անձից

Կարինե.

Բարև ձեզ։ Եթե կազմակերպությունը տարածքը վարձակալել է ֆիզ. անձից, ապա նրան ըստ պայմանագրի ամսական վարձավճար փոխանցելուց հետո ես պետք է կազմեմ կատարողական ակտ, իսկ ինվոյիս պե՞տք է դուրս գրել ֆիզ. անձի տվյալներով։ Եթե ոչ, ապա ինչպե՞ս ձևակերպեմ։ Կանխավ շնորհակալություն։

Վարձակալած տարածք

Մարի.

Հարգելիներս, ՍՊԸ-ն գրանցված է հարկայինի դաշտում որպես միկրոձեռնարկատեր: Գրանցված աշխատողներ չունի, դեռ գործունեություն չի իրականացնում, տնօրենն էլ դեռ գրանցված չէ: Բայց ունի վարձակալած տարածք որպես աշխատանքային սենյակ: Վարձավճարի համար ուզում են ֆակտուրա դուրս գրեն, որ վարձը անկանխիկ վճարենք: Դա ինչպե?ս է լինելու, խնդրում եմ փորձառուները օգնեն հասկանամ:

Վարձակալությամբ տարածքների տրամադրում

Nora.

Բարև Ձեզ, բիզնես կենտրոնը վարձակալությամբ տարածքներ է տրամադրում: ԱԱՀ հաշվարկելիս արդյո՞ք պետք է առաջնորդվել 62 հոդվածի 9 կետի “կադաստրային շուկայական արժեքին մոտարկված կադաստրային արժեքի 80 տոկոսի”, թե՞ “անշարժ գույքի ընդհանուր մակերեսում վարձակալության կամ անհատույց օգտագործման հանձնված տարածքի մակերեսի տեսակարար կշռին համապատասխանող կադաստրային արժեքի 2.5 տոկոսի չափով”։

Կանխիկ վճարման սահմանափակումներ

Նինել.

Բարև Ձեզ։ Կարո՞ ղ է արդյոք կազմակերպությունը վարձակալության վճարը վճարել կանխիկ, եթե վարձատուն հանդիսանում է ֆիզ. անձ։ Վարձավճարը ամեն ամիս կազմում է 50 000 ՀՀ դրամ, տարեկան 600 000 ՀՀ դրամ։ Եթե այո, ապա ամբողջ տարվա վճարման 600 000 դրամով չի՞ խախտվում անկանխիկի 300 000 ՀՀ դրամի սահմանաչափը։

Եկամտային հարկի հաշվարկ

Մաշա.

Բարև Ձեզ, հարգելի հաշվապահներ։ Եթե Ֆիզ. անձը 30.05 տարածքի վարձակալության պայմանագիր է կնքել ՍՊԸ-ի հետ, տարածքը հանձման ընդունման ակտով ՍՊԸ-ն ընդունել է հունիսի 4-ին։ Կարող եմ արդյո՞ք ես հունիսի հաշվետվությամբ ցույց տալ վարձավճարից առաջացած եկամտային հարկը՝ հիմք ընդունելով հանձման ընդունման ակտի ամսաթիվը։ Կանխավ շնորհակալություն։

Վարձավճարի կանխիկ վճարում

Արտյոմ․

Ողջույն, խնդրում եմ օգնել․ կազմակերպությունը ֆիզ․ անձից վարձակալում է տարածք, վճարում է կանխիկ՝ եկամտային հարկը պահելուց հետո։ Ասացեք խնդրեմ՝ հուլիսի 1-ից հետո կարո՞ղ է շարունակել վճարել կանխիկ, թե՞ ոչ։ Շնորհակալություն։

Վարձակալություն ֆիզ. անձից

Արմեն.

Հարգելի հաշվապահներ, եթե ՍՊԸ֊ն վարձակալել է տարածք ֆիզ. անձից, կա վարձակալական պայմանագիր, գիտեմ 10% եկամատային հարկ պետք է հաշվարկել և վճարել, իսկ գումարը վարձակալին կանխիկ վճարելիս` ինչ որ այլ փաստաթուղթ (ակտ) կա՞ ստորագրելու։