Tag: ՏՏ

ՏՏ ուսումնական կենտրոն

Մարիամ․

Ողջույն, կասե՞ք, խնդրում եմ, ի՞նչ է հարկավոր IT ուսումնական կենտրոն բացելու համար, որը պետք է գործունեություն ծավալի IT ընկերությանը կից՝ Ընկերության ներսում։ Շնորհակալություն։

Գործունեություն ՏՏ ոլորտում

Անի․

Ողջույն։ Ես ուզում եմ որպես ԱՁ գրանցվել՝ օտարերկրյա կազմակերպությունում ՏՏ ոլորտում ծառայություն տրամադրելու համար։ Ինչպիսի՞ն են հաջորդական քայլերը, և ի՞նչ հարկային ձևակերպում խորհուրդ կտաք կատարել հարկային արտոնություններից օգտվելու համար։

ԲՏԱ նախարարության հաշվետվություն

Վահե․

Բարև Ձեզ։ Որևէ ծանուցում չեմ ստացել, սակայն այսպես ասած լսելով իմացա նման հաշվետվության մասին:

ԱՁ-ն շրջհարկի դաշտում է, գործունեության ոլորտն է 62.01.0 (Ծրագրային ապահովման մշակում): Աշխատում է բացառապես ՀՀ -ում։ Ծառայությունը մատուցվում է ՀՀ տարածքում: Հետևաբար ԲՏԱ հավաստագիր ստանալու կարիք չկա:

Հարց- 1. Արդո՞ք պարտադիր է տվյալ հաշվետվության ողղակումը իմ պարագայում

2. Եթե այո , ապա ի՞նչ է սպասվում, եթե հաշվետու ամսվա հաջրդող 5 աշխատանքային օրն արդեն անցել է

3. Արդո՞ք տվյալ հաշվետվությունն չուղարկելու հետևանքով կկրեմ պատասխանատվություն, եթե ԲՏԱ-ի կողմից չունեմ որևէ ծանուցում:

P.S. ԱՁ- գրանցվել է 02.01.2024-ին և գործունեություն ծավալվել է առնվազն այս ամիս:

ԱՁ աշխատում է ՏՏ ոլորտում

Հայկ․

Բարև ձեզ։ ԱՁ-ն որը զբաղվում ՏՏ-ով, աշխատում է շրջանառության հարկով: ԱՁ-ն ծառայություններ է մատուցում արտասահմանյան ընկերությանը և ստանում աշխատավարձ արտաժույթով: Հիմա ամեն անգամ գումար ստանալուց անհրաժե՞շտ է, որ հաշիվ դուրս գրվի, թե՞ նման իրավիճակում կարիք չկա հաշիվ գրելու, այլ միայն եռամսյակը մեկ հաշվետվություն ներկայացնել։

ՏՏ ոլորտի նորաստեղծ ԱՁ

Նարինե․

Հարգելի հաշվապահներ, ՏՏ ոլորտի նորաստեղծ ԱՁ-ն շրջանառության հարկի ոլորտում է: Պետք է ծառայություն մատուցի արտասահմանում գնտվող ՀՀ քաղաքացու: Համագործակցությունն կարող է կրել շարունակական բնույթ, այսինքն աշխատավարձի պես ամեն ամիս ֆիքսված գումար փոխանցվի ՀՀ-ից:

Այս դեպքում հաշիվ վավերագիր դուրս գրելն պատվիրատու ֆիզ. անձի անձնագրային տվյալներով բավարա՞ր է: Արդյո՞ք պայմանագիր էլ է պետք: Քանի որ թղթային ստորագելու տարբերակ չկա, ինպե՞ս կարելի է կնքել:

ԲՏԱ նախարարություն ներկայացվող հաշվետվություն

Ալլա․

Բարև Ձեզ։ ՏՏ ոլորտի բոլո՞ր ԱՁ-ներն են ներկայացնում հաշվետվություն ԲՏԱ նախարարություն: Եթե այո՝ ի՞նչ հաշվետվություններ են, և ե՞րբ պետք է ներկայացնել։

ՏՏ ոլորտի շահութահարկի արտոնություն

Մարի․

Բարև Ձեզ, հարգելի հաշվապահներ։ Հարցս հետևյալն է․ ՏՏ ոլորտի հավաստագրված կազմակերպությունը, որը գործում է ԱԱՀ դաշտում, գրանցվել է 2023 թվականի փետրվար ամսին, սակայն հավաստագրվել է հունիս ամսին։ Ճի՞շտ եմ հասկացել արդյո՞ք, որ շահութահարկի արտոնությունը կիրառվելու է հունիսից իրականացված գործարքների վրա, և հաշվարկելու ու բյուջե եմ վճարելու փետրվարից մինչև հունիս առաջացած շահութահարկի պարտավորությունը։ Կանխավ շնորհակալ եմ պատասխաների համար։

ՏՏ ոլորտի շահութահարկ 2024

Հայկ․

Բարև ձեզ, ես ունեմ ՏՏ հավաստագիր, և իմացա, որ 2024-ից շահութահարկի արտոնությունը այլևս չի գործելու։ Հիմա մեկ հարց ունեմ. Դեկտեմբեր ամսվա համար ես վարձատրությունը ստացել եմ հունվարի 4-ին։ Արդյո՞ք դրա համար ես պետք է արդեն հարկ վճարեմ, թե՞ ոչ։ Եվ ինչ կասեք դրամարկղային մեթոդի մասին, արդյո՞ք ՏՏ հավաստագիր ունեցողը դրամարկղային մեթոդով է աշխատում։

Լիազորագիր ՏՏ հավաստագիր ստանալու համար

Գուրգեն․

Կարո՞ղ է Ա/Ձ-ն լիազորագիր տալ որևէ մեկին, ով կզբաղվի ՏՏ հավաստագիր ստանալու հարցով, թե՞ պարտադիր պետք է Ա/Ձ-ն անձամբ մոտենա ԲՏԱ նախարարություն և մասնակցի նիստին:

ՏՏ ոլորտի հավաստագիր 2024

Հովհաննես․

Բարև ձեզ։ Հարգելի հաշվապաներ, ՏՏ ոլորտի հավաստագրի երկարացման հետ կապված նորություններ կա՞ն։ Կանխավ շնորհակալություն։

ՏՏ ոլորտի հաշվետվություն

Նունե․

Բարև ձեզ, խնդրում եմ կասե՞ք՝ ՏՏ արտոնագիր ունեցողները մինչև դեկտեմբերի 1-ը ո՞ր հաշվետվությունը պետք է ներկայացնեն ՏՏ նախարարություն։

ԱՁ գործելու է ՏՏ ոլորտում

Գուրգեն․

Բարև ձեզ։ Ցանկանում եմ բացել ԱՁ, մատուցելու եմ ՏՏ ծառայություններ արտերկրում գտնվող ֆիզանձանց և ընկերությունների համար: Դիմելու եմ ՏՏ հավաստագիր ստանալու համար, և հաստատվելու դեպքում կազատվեմ շահութահարկից, և քանի որ միայն արտերկրի համար եմ աշխատելու, ԱԱՀ-ն 0% կլինի:

Գործելու է կայք, որի միջոցով պատվիրելու են ծառայությունը և վճարելու են քարտով՝ ԱՄՆ դոլար արժույթով, որը նստելու է ԱՁ-ի դոլարային հաշվին և ավտոմատ փոխարկվի դրամի՝ բանկի տվյալ պահի փոխարժեքով և փոխանցվի դրամային հաշվին:

Մի քանի հարց ունեմ.

1. Ի՞նչ հաշվետվություններ և ի՞նչ պարբերականությամբ պետք է ներկայացնեմ ՊԵԿ
2. Արդյո՞ք պետք է հաշիվ դուրս գրեմ ամեն պատվերի համար: Եթե այո, ապա հաճախորդի ի՞նչ տվյալներ են հարկավոր դրա համար
3. Հաշվետվություններում ո՞ր փոխարժեքը պետք է հաշվի առնեմ՝ բանկի՞, թե՞ ԿԲ-ի
4. Կարո՞ղ եմ գումարը ստանալուց հետո միանգամից փոխանցել իմ անձնական հաշվին

Փոխանցում ԱՁ հաշվեհամարին

Տիգրան.

Աշխատանքի առաջարկ եմ ստացել ՌԴ-ից։ Ցանկանում եմ ԱՁ բացել, բայց փոխանցումը ՌԴ-ից իմ ԱՁ հաշվեհամարին խնդիր է։ Գործը ՏՏ ոլորտում է։ Ո՞վ փորձ ունի, կարո՞ղ եմ արդյոք քարտիս (անհատական) փոխանցված գումարը ներկայացնել հաշվետության մեջ։ Շնորհակալություն։

ԱՁ ստացել է ՏՏ հավաստագիր

Լիանա․

ԱՁ-ն աշխատում է շրջանառության հարկի համակարգում, ստացել է ՏՏ հավաստագիր։ Հարկային արտոնությունից օգտվելու համար պետք է անցնի ընդհանուր հարկման դաշտ։ Աշխատողներ չունի։ Այս դեպքում չի ունենում ԱԱՀ-ի և շահութահարկի վճարման պարտավորություն, ճի՞շտ է։

Ֆրիլանս գործունեություն

Վազգեն․

Բարև Ձեզ, ցանկանում եմ ֆրիլանս գործունեություն ծավալել արտասահմանյան հարթակներում։ Մատուցելու եմ ծրագրավորման ծառայություններ։ Արդյո՞ք պարտադիր է հարկեր վճարել այդ դեպքում։

ԱՁ-ն նոր է գրանցվել

Խաչատուր․

Ծրագրավորող եմ, գրանցվել եմ որպես ԱՁ։ Դրանից դեռ մի քանի օր է անցել։ Ե՞րբ, որտե՞ղ ու ի՞նչ հարկեր պետք է վճարեմ։ Շնորհակալություն։

ՏՏ ոլորտի աշխատակիցների եկամտային հարկ

Դուխիկ.

Արդյո՞ք հաստատվել է ՏՏ ոլորտի աշխատակիցների 5% եկամտային հարկ վճարելու նախագիծը, եթե կազմակերպությոան եկամուտը նախորդ տարում 80% գոյացել է արտասահմանից։

Ի՞նչ հարկեր կառաջանան

Հ.

Գերմանիայի ռեզիդենտ ֆիզիկական անձը ծառայություն է մատուցում ՀՀ ռեզիդենտ ՏՏ հավաստագիր ունեցող կազմակերպությանը։ Ի՞նչ հարկեր կառաջանան այս դեպքում։

ՏՏ ոլորտի արտոնություններ

Նարինե․

Նորաբաց ՏՏ ոլորտի կազմակերպությունը տվել է շրջ․ հարկ վճարող համարվելու վերաբերյալ հայտարարություն։ Դիմել է հավաստագիր ստանալու համար։ Հավաստագիր ստանալուց հետո որ անցնի հարկման ընդհանուր համակարգի, կարո՞ղ է օգտվել արտոնությունից։

ԲՏԱ նախարարության հաշվետվություն

Գրիգ․

Բարև Ձեզ։ ԲՏԱ նախարարությունից ստացել եմ նամակ, որ պետք է իրենց հաշվետվություն ներկայացնեմ: ԱՁ-ն շրջհարկի դաշտում է, գործունեության ոլորտն է 62.01.0: Աշխատում է արտասահմանի հետ։ Կասե՞ք՝ ծավալը նկատի ունի ամսական մատուցված ծառայության գումարը, և նշու՞մ եմ արտահանման երկիրը։ Կանխավ շնորհակալություն։

Համատեղ գործունեություն օտարերկրյա ընկերության հետ

Գրիգոր․

Բարև ձեզ։ Օգնեք հասկանալ սա․ եթե ՏՏ կազմակերպությունը օտարերկրյա կազմակերպությունից ձեռք է բերել օնլայն բազա, ավելի կոնկրետ օտարերկրյա կազմակերպությունը տրամադրել է բազմաֆունկցիոնալ օնլայն հարթակի օգտանուն գաղտնաբառ, կա պայմանագիր, որ տվյալ օնլայն հարթակում և ՀՀ ռեզիդենտ, և օտարերկրյա կազմակերպությունը միասին պետք է մշակեն ծրագրեր և հասցնեն վերջնական մակարդակի, այսինքն առանց օտարերկրյա կազմակերպության մուտքի և գործունեության ՀՀ ֆիրման չի կարող վերջնական պրոդուկտ ստանալ։ Այս գործունեությունը ի՞նչ տեսակի գործունեություն է։ Ի՞նչ հարկեր կարող են առաջանալ։ Պասի՞վ եկամուտ է, թե՞ ոչ։

Կարո՞ղ է համարվել միկրոձեռնարկատիրություն

Կիմա․

Բարև ձեզ։

-Մատնահարդարում
-ՏՏ ոլորտ, ավելի կոնկրետ Մոբայլ հավելվածների ստեղծում
-Վիդեո, ֆոտո նկարահանում

Կարո՞ղ եք ասել՝ այս երեք ոլորտներում գործունեություն ծավալող մարդիկ կարո՞ղ են միկրոձեռնարկատիրության սուբյեկտ լինել, եթե տարեկան շրջանառությունը չի անցնում 24 միլիոնը։ Կարդում եմ Հոդված 266-ը, չհամարվողների մեջ կարծես թե չկան, պարզապես ուզում եմ համոզվել, որ ամեն ինչ ճիշտ եմ հասկացել։ “Չեն կարող համարվել”-ի մեջ գրված է՝ տեղեկատվության մշակման (այդ թվում` տեղեկատվության հավաքման ու ընդհանրացման) և փոխանցման (հաղորդման), սա մի քիչ կասկած առաջացրեց, որ գուցե ծրագրավորումը ու ՏՏ ոլորտը ի նկատի ունեն։

Շնորհակալություն ժամանակի համար։

Եկամտային հարկի վերադարձ

Թինա․

Բարև Ձեզ, հարգելի հաշվապահներ։ ՏՏ ոլորտում եկամտային հարկին 50% վերադարձը ինչպե՞ս է ձևակերպվում։ Որպես եկամու՞տ, թե՞ հարկի նվազեցում։ Եվ 2-րդ հարցը՝ շահութահարկի առումով գումարը դիտարկվու՞մ է որպես եկամուտ։

Եկամտային հարկի դրույքաչափ ՏՏ ոլորտի համար

Lian.

Հարգելի հաշվապահներ, ՏՏ ոլորտի հավաստագիր ունեցող կազմակերպության աշխատակցի մայրության նպաստից եկամտային հարկը և՞ս հարկվում է 10% (ինչպես աշխատավարձի դեպքում)։

Արդյո՞ք ԱԱՀ դրույքաչափը զրոյական է

Տիգրան․

Բարև ձեզ: ԱՁ եմ, աշխատում եմ ՏՏ ոլորտում, մատուցում եմ ծրագրային ապահովում և մշակում ոչ Հայաստանում գտնվող կազմակերպությանը։ Մինչև 2023թ․ աշխատել եմ շրջանառության հարկով։ Չեմ իմացել, որ օրենքով սահմանված ժամկետներում պետք է ներկայացնեի հաշվետվություն, որպեսզի շարունակեմ շրջանառության հարկով հարկվելը։ Հիմա հարկվում եմ ԱԱՀ–ով։ Հարց․ իմ պարագայում ես ընկնու՞մ եմ ԱԱՀ-ի 0-ական դրույքաչափով հարկվող դաշտում, թե՞ ոչ՝ ըստ Օրենսգրքի 65-րդ հոդվածի 2 մասի 11-րդ կետի։ Շնորհակալություն։

ԲՏԱ նախարարության հաշվետվություն

Աննա․

Բարև Ձեզ։ ԲՏԱ նախարարությունից ստացել եմ նամակ, որ պետք է իրենց հաշվետվություն ներկայացնեմ: Կասե՞ք՝ 0-ական շարժի դեպքում ԲՏԱ նախարարություն հաշվետվություն ներկայացնելու անհրաժեշտություն կա՞: ԱՁ-ն ԱԱՀ դաշտում է, գործունեության ոլորտն է 62.01.0: Սակայն գործունեություն դեռ չեմ իրականացրել և բոլոր հաշվետվությունները հանձնել եմ այս կոդի տակ զրոյական:

Դասակարգչի ընտրություն

Աննա․

Բարև Ձեզ, կօգնե՞ք գործունեության տեսակի դասակարգիչն որոշել: ԱՁ-ն զբաղվում է freelance աշխատանքուվ` ՏՏ ոլորտի թեմաներով ուսուցողական հոդվածներ գրելով և կայքերի թեստավորմամբ (quality assurance):

Գործն ամենուր եռում է

Բոլորը խառն են մինչև ապրիլի 20-ը 🙃

Accountant.am – ը խնդրել է արհեստական բանականությանը պատկերել տարբեր հերոսների՝ իրենց հաշվետվությունները հանձնելիս։ Տեսնենք, թե ինչ է ստացվել․

ՏՏ ծառայություններ

Թինա.

Բարև Ձեզ, հարգելի հաշվապահներ։ ԵՏՄ երկրներց ստացված ՏՏ ծառայությունները հարկային առումով ի՞նչ պարտավորություն է առաջացնում հաշվետվության և վճարների տեսանկյունից։ ԱԱՀ-ով աշխատող ընկերություն ենք։ Խնդրում եմ հղում տալ օրենքի հոդվածներին։ Շնորհակալ եմ պատասխանների համար։

Հեռավար աշխատանք

Մանե.

Բարև ձեզ: Կազմակերպությունը աշխատում է ՏՏ ոլորտում: Գրանցել է ոչ ռեզիդենտ ֆիզիկական անձին որպես աշխատող (ունի սոց. քարտ), սակայն աշխատողը վերադարձել է ՌԴ և աշխատանքը կատարում է այնտեղից: Կարո՞ղ է այդ փաստը կազմակերպության համար առաջացնել այլ հարկային պարտավորություններ, բացի աշխատողի աշխատավարձը։

Ծրագրային ապահովման ծառայություններ

Աստղ․

Բարև Ձեզ: 2022 թվականին մեր ԱԱՀ–ով աշխատող ընկերությունը ծրագրային ապահովման ծառայություններ է մատուցել ՌԴ ֆիզ․ անձերին և ստացել գումարներ: Կասե՞ք՝ ի՞նչ հարկեր պետք է վճարեմ, ինքնահաշիվ պե՞տք է գրել, թե՞ ոչ։

ՏՏ ոլորտի գործունեություն

Անա․

Բարև ձեզ։ Կարո՞ղ եք ասել՝ ՏՏ ոլորտում աշխատող ֆիզ անձը կարո՞ղ է բացել ՍՊԸ, և դրանով դիմել արտոնագրի համար։ Բայց այս պարագայում ՍՊԸ-ն բացվելու է ոչ թե իր, այլ ուրիշի անունով, և ինքը այդտեղ կարո՞ղ է գրանցվել որպես տնօրեն և այդպես աշխատել։ Շնորհակալություն։

ՏՏ ոլորտի ՍՊԸ

Լիլիթ․

Բարև Ձեզ, ցանկանում եմ բացել ՍՊԸ և օգտվել ՏՏ հարկային արտոնություններից, ունեմ հաճախորդ ԱՄՆ-ից, ներկայումս աշխատավարձը փոխանցում է իմ անձնական հաշվեհամարին.

1. ՍՊԸ հաշվեհամարին փոխանցելուց հետո, նույնձև կարո՞ղ եմ տնօրինել այդ գումարը

2. Ենթադրենք 2 000$ ամսական մուտքի դեպքում ի՞նչ վճարներ պետք է իրականցնեմ (աշխատող չունեմ մենակ եմ)

ՏՏ ոլորտի ԱՁ

Iskan.

Բարև Ձեզ, հունվարի 20-ին բացել եմ ԱՁ, ՏՏ ոլորտում եմ աշխատում, հունվարի 23-ին ներկայացրել եմ հաշվետվություն շրջանառության հարկով աշխատելու վերաբերյալ։ Աշխատելու եմ Ռուսաստանում գտնվող կազմակերպության հետ, սակայն գործը ավարտելուց հետո (կավարտեմ մինչը 31․01․2023) ցանկանում եմ գործունեության ժամանակավոր դադարեցման հայտ ներկայացնել։ Խնդրում եմ կասե՞ք՝ ի՞նչ հաշվետվություններ պետք է ներկայացնեմ, ե՞րբ, և ի՞նչ հարկեր պետք է վճարեմ, բացի շրջհարկից։ Եվ 232 հաշվետվության ո՞ր տողում պետք է լրացնեմ ստացված եկամտիս չափը։ Կանխավ շնորհակալություն։

ԱՁ զբաղվում է ծրագրավորմամբ

Ցողիկ․

Բարև Ձեզ, ես գրանցել եմ ԱՁ, զբաղվելու եմ ծրագրավորմամբ՝ կայքերի ստեղծմամբ և սպասարկմամբ, ներկա պահին համագործակցում եմ ՌԴ գործընկերոջ հետ։ Խնդրում եմ օգնեք կողմնորոշվել՝ ի՞նչ հարկատեսակով աշխատել և աշխատանքի կատարումից հետո ինչպե՞ս դուրս գրել հաշիվ։

ՏՏ ոլորտը՝ շրջ․ հարկով

Լիլիթ․

Բարև Ձեզ, զբաղվում եմ ծրագրավորմամբ, ցանկանում եմ բացել ՍՊԸ։ Ընտրելով հարկման տեսակը շրջհարկով հարկվող՝ կարո՞ղ եմ հետագայում փոփոխել, օրինակ՝ եթե կառավարությունը որոշում կայացնի երկարաձգել ՏՏ ոլորտի արտոնությունները։ Եվ խնդրում եմ ուղղարդեք՝ որտե՞ղ կարող եմ կարդալ հարկային պարտավորությունների մասին շրջհարկով հարկվելու դեպքում։ Շնորհակալ եմ։

ՏՏ ոլորտ

Աննա․

Բարև Ձեզ, շնորհավոր Ամանոր և Սուրբ Ծնունդ։ Ուզում եմ ճշտել հետևյալ հարցերը.

1) անկախ նրանից, որ ՏՏ ոլորտի հավաստագրի մեջ գործողության ժամկետը գրված է մինչև 31.12.2022թ, համաձայն 26.12.2022թ ՀՕ-570-Ն օրենքի 18 հոդվածի 4-րդ կետի, գործողության ժամկետը ավտոմատ երկարացվու՞մ է մինչև 2023թ դեկտեմբերի 31-ը։ Ոչ մի հայտարարության, գրության ներկայացնելու կարիք չկա՞

2) Հավաստագրի գործողության ընթացքում ստացված արդյունքների վերաբերյալ հաշվետվությունը կարո՞ղ ենք ներկայացնել info@hti.am էլեկտրոնային հասցեին, կամ e-request.am հարթակի միջոցով ԲՏԱ նախարարությանը

3) Հաշվետվության մեջ Գործունեության տեսակը դաշտում գրում ենք պարզապես ՏՏ ոլո՞րտ

Կանխավ շնորհակալություն:

ԱՁ-ն գրանցված է ՏՏ ոլորտում

Անա․

Հարգելի հաշվապահներ, շնորհավորում եմ տոների կապակցությամբ։ Խնդրում եմ օգնել հասկանալ հետևյալ հարցերը․

ՌԴ քաղաքացիություն ունեցող անձը, ով ՀՀ-ում չունի հատուկ կեցություն, այստեղ գրանցվել է ԱՁ, Ռեզիդենտ չի համարվում, քանի որ 183 օր դեռ չի եղել ՀՀ-ում։ ԱՁ-ն գրանցված է ՏՏ ոլորտում , աշխատում է շրջհարկով, կարո՞ղ եք ասել՝ այս պարագայում բացի շրջանառության հարկից մնացած վճարները պարտադի՞ր են համարվում։ Շնորհակալություն։

ՏՏ ոլորտի ԱՁ

Անա․

Բարև Ձեզ, սիրելիներս, կխնդրեյի պատասխանել հետևյալ հարցին․

ՏՏ ոլորտում ՝ շրջհարկով աշխատող ԱՁ-ն, որը չունի աշխատող, կասե՞ք՝ ի՞նչ վճարներ պետք է կատարի։ Որքանով որ ես եմ տեղյակ, դրանք են․ 5 տոկոս շրջանառության հարկ, 5 000 սոցիալական վճար և տարեկան հասույթից գոյացած դրոշմանիշային վճար։ Վճարները այսքա՞ն են, թե՞ կա հարկատեսակ, որը բաց եմ թողել։

Շնորհակալություն։

Ծառայություններ հետին ամսաթվով

Աննա․

Բարև Ձեզ։ Ֆիզ.անձը, երկրից բացակայելու պատճառով, ԱՁ է գրանցել նոյեմբեր ամսվա կեսին, սակայն ՏՏ ոլորտի ծառայություններ է մատուցել արտերկրի կազմակերպությանը՝ սեպտեմբեր, հոկտեմբեր և նոյեմբեր ամիսներին: Դեկտեմբերի 1-ին ինվոյս է ներկայացրել, որտեղ երեք տողով նշել է համապատասխան ամիսներին մատուցած ծառայությունները: Խնդրում եմ ասեք՝ ի՞նչ հարկային հետևանքներ կլինեն:

Պայմանագրի վաղաժամ խզում

Արևիկ.

Ուկրաինական ՏՏ ոլորտի կազմակերպության հետ ծառայության ՀՀ քաղաքացու կողմից պայմանագիր կնքելու պարագայում ո՞ր երկրի օրենսդրությամբ է ծառայություն մատուցողը հարկվելու։

Խնդրում եմ նաև նշեք՝ ծառայությունների մատուցման պայմանագիրը ծառայություն մատուցողի կողմից վաղաժամ կարո՞ղ է խզվել, թե՞ ոչ։ Եթե այդպիսի կետ նշված չէ պայմանագրում, ապա ծառայություն մատուցողն իրավունք ունի՞ ըստ աշխ. օրենսգրքի, 30 օր առաջ տեղեկացնելով մյուս կողմին, լուծելու պայմանագիրը և դադարեցնելու ծառայությունների մատուցումը։

Եկամտային հարկի հաշվարկ

Աննա․

Բարև Ձեզ, այսպիսի մի հարց ունեմ: ԱՁ-ն 2022թ նոյեմբեր ամսին դիմել է «Տեղեկատվական տեխնոլոգիաների ոլորտի պետական աջակցության մասին» Հայաստանի Հանրապետության օրենքով սահմանված կարգով հավաստագիր ստանալու համար:

Ըստ ՀՀ հարկային օրենսդրության 445 հոդվածի 5) կետի (Հոդված 445. Օրենսգիրքն ուժի մեջ մտնելու կապակցությամբ Հայաստանի Հանրապետության որոշ օրենքների ուժը կորցրած ճանաչելը_ 5) «Եկամտային հարկի մասին» Հայաստանի Հանրապետության 2010 թվականի դեկտեմբերի 22-ի ՀՕ-246-Ն օրենքը, բացառությամբ այդ օրենքի 10-րդ հոդվածի 1.1-ին մասով «Տեղեկատվական տեխնոլոգիաների ոլորտի պետական աջակցության մասին» Հայաստանի Հանրապետության օրենքով սահմանված կարգով հավաստագրված հարկային գործակալներին վերաբերող դրույթների, որոնք գործում են հավաստագրի տրամադրման օրվանից մինչև 2022 թվականի դեկտեմբերի 31-ը) ԱՁ-ն որպես հարկային գործակալ կարող է այդ հավաստագրով տրված արտոնությունից օգտվել մինչև 2022թ դեկտեմբերի 31-ը:

Այսինքն՝ 2023թ հունվարի 1-ից աշխատողների աշխատավարձից պետք է եկամտային հարկը հաշվարկվի 20% տոկոսադրույքո՞վ՝ 10%-ի փոխարեն։ Կանխավ շնորհակալություն:

ՏՏ ոլորտի գործունեություն

Մարինե․

Բարև ձեզ, հարգելի հաշվապահներ։ Նախապես ներողություն եմ խնդրում շատ հարցեր հղելու համար։ Գործող ԱՁ-ն ուզում է դադարեցնել գործունեությունը և բացել ՍՊԸ ու դիմել հավաստագրի համար։ Զբաղվելու է ֆրիլանս ծրագրավորմամբ։ ԱՁ-ն 1 տարի է ինչ գործում է որպես միկրոձեռնարկատիրություն։ Դասավանդում է։ Ունի մեկ աշխատող։ Նախկինում ցավոք չի դիմել հավաստագրի համար։

1․ Կարո՞ղ է ՍՊԸ-ի հիմնադիրը լինել մեկ ուրիշ մարդ։ Հաճախորդները փոխանցելիս կարո՞ղ են պատճառաբանել, որ հիմնադիրը այլ մարդ է, և չեն կատարի փոխանցում։ Թե՞ ՍՊԸ-ի դեպքում փոխանցումը չի սուբյեկտիվացվում։

2. Կարո՞ղ է ԱՁ-ի հիմնադիրը դառնալ ՍՊԸ-ի տնօրեն այն դեպքում, երբ գրանցված աշխատող է հանդիսանում այլ ընկերությունում։

3. Այս դեպքում ՍՊԸ-ն կարո՞ղ է դիմել հավաստագրի համար։ Աշխատող ունենալ / չունենալու խնդիր կարո՞ղ է լինել։

4․ Եթե ԱՁ-ով շարունակի, ապա պե՞տք է փոխել գործունեության տեսակը – շրջանառության հարկ։ Այդ դեպքում որքա՞ն տարեկան տոկոս պետք է ԱՁ-ն վճարի

5․ ԱՁ-ն մեկ տարի գործելուց հետո կարո՞ղ է դիմել հավաստագրի համար։

ՏՏ ոլորտի արտոնություններ

Լիլիթ․

Բարև Ձեզ, հարգելի հաշվապահներ։ Կխնդրեմ պատասխանեք հետևյալ հարցերին․ ո՞րն է ամենանպատակահարմար կազմակերպաիրավական ձևը ֆրիլանսերի համար, որն առցանց աշխատում է արտերկրում գտնվող գործատուների հետ։ ՏՏ ոլորտում աշխատելու դեպքում որևէ արտոնություններ կա՞ն։ Ի՞նչ հարկեր և հաշվետվություններ են նախատեսված այդ գործունեության համար։ Կանխավ շնորհակալություն։

Համատեղությամբ ծառայությունների մատուցում

Անա․

Բարև Ձեզ, կխնդրեյի պատասխանել իմ հարցին․ ԱՁ, որը իրականացնում է ծառայությունների մատուցում ՏՏ ոլորտում, կարո՞ղ է համատեղությամբ աշխատել երկու տարբեր կազմակերպությունների հետ, նշեմ, որ աշխատանքը իրականցվելու է ՀՀ տարածքից դուրս, իսկ աշխատաժամանակը 2 աշխատանքի պարագայում էլ 8 ժամ է, ամբողջ դրույք։ Այս պարագայում հնարավո՞ր է արդյոք 2 աշխատանք իրականացնելը։

ՏՏ ոլորտի հարկեր

Սիրան․

Բարև Ձեզ։ ՏՏ ոլորտի Ա/Ձ-ն, ով ունի հավաստագիր և աշխատում է հարկման ընդհանուր համակարգում, վճարու՞մ է արդյոք սոց․ վճար, և եթե այո, ապա ո՞ր հաշվետվությունը պետք է ներկայացնի։ Նախապես շնորհակալություն։

Ինչպե՞ս են հաշվում եռամսյակը

Անա.

Բարև ձեզ, սիրելի հաշվապահներ։ Կխնդրեյի օգնել ինձ այս հարցերում։ 1․ Հարկային դաշտում ինչպե՞ս են հաշվում եռամսյակը (4-րդ եռամսյակը ներառու՞մ է նոյեմբեր, դեկտեմբեր, հունվար ամիսները)։ 2․ Եթե Ա/Ձ ՏՏ ոլորտում բացվել է հոկտեմբերի 26-ին, նոյեմբերի 10-ին ուղարկել եմ շրջհարկով աշխատելու դիմում, կարո՞ղ եք ասել՝ այս պարագայում պետք է 3-րդ եռամսյակի համար հաշվետվություն ուղարկել։ Շնորհակալություն

Ռեզիդենտության տեղեկանքի անհրաժեշտություն

Աննա․

Բարև Ձեզ։ ՏՏ ոլորտի ընկերություն ենք, ստանում ենք ոչ ռեզիդենտ կազմակերպությունների կողմից վիտուալ ծառայություններ, որի համար մեզ հաշիվ է գրվում, համապատասխանաբար մենք էլ ինքնահաշիվ ենք գրում։ Ինձ հետաքրքիր է՝ բացի կրկնակի հարկման երկրների միջև համաձայմանգրերից, անհրաժե՞շտ է նաև կոնկրետ կազակերպության ռեզիդենտության տեղեկանքը, որպեսզի ոչ ռեզիդենտ շահութահարկի մասով նվազեցում կատարվի, և եթե ունեք Slack, AWS (Ամազոն) ընկերության հրապարակային ռեզիդենտության տեղեկանքները, խնդրում եմ կիսվել։

Ծառայությունների մատուցում ՏՏ ընկերությանը

Ալինա․

Ողջույն, նախագծերի ղեկավար եմ, ցանկանում եմ ԱՁ բացելու միջոցով ՏՏ ընկերությանը ծառայություն տրամադրել, որի տարեկան շրջանառությունը չի անցնում 10 մլն տարեկան։ Ուզում էի իմանալ՝ պետ․ ռեգիստրում ի՞նչ ծառայության տակ պետք է գրանցեմ, կարո՞ղ եմ միկրոբիզնեսի տակ լինել ու ի՞նչ հարկեր պետք է վճարեմ։