Accountant.am

Accountant.am

Մասնակցի մասին`

Գրանցման ամսաթիվ 04/02/2009

Հոդվածներ`

  1. Միկրոձեռնարկատիրությամբ զբաղվող Ա/Ձ-ն կարո՞ղ է հաշիվ դուրս գրել — 13/08/2020
  2. Մելանյա Մանուկյան — 13/08/2020
  3. Կիսաֆաբրիկատների արտադրությամբ զբաղվող Ա/Ձ-ն կարո՞ղ է նաև խմորեղեն արտադրել — 13/08/2020
  4. Ինչպե՞ս են փաստաթղթավորում վերջնահաշվարկը — 12/08/2020
  5. Շրջանառության հարկ վճարող համարվելու վերաբերյալ հայտարարություն — 12/08/2020

Most մեկնաբանությունed posts

  1. Գնումների որակավորման քննություններ — 78 comments
  2. Որակավորման քննության խնդիրներ իրենց լուծումներով — 67 comments
  3. Հաշվապահական ծրագրի վերաբերյալ — 64 comments
  4. Ծրագրի ուսուցողական գիրք — 63 comments
  5. Հաշվապահների որակավորման քննությունների վերաբերյալ — 46 comments

Author's posts listings

Aug 03 2020

Մայրության նպաստ

Արփինե.

Բարև Ձեզ: Ես գրանցված աշխատող եմ 80 000 դրամով: Հղի եմ մյուս ամիս անցնում եմ ֆիզ. /դեկրետ/: Կասեք՝ որքա՞ն է կազմում ֆիզ. արձակուրդի գումարը /դեկրետ/:

Aug 02 2020

Ինչպե՞ս հաշվել աշխատավարձը

Դանիելյան.

Բարև ձեզ, հարգելի հաշվապահներ: Կարո՞ղ եք ինձ օգնել։ Խնդրում եմ բացատրել՝ ինչպես հաշվել հուլիսի աշխատավարձը: Աշխատած ընդհանուր ժամերի քանակը 200 է, որից 88 ժամը գիշերային, դրույքաչափը՝ 88 312 դրամ, սոց. վճար չի հաշվարկվում: Կանխավ շնորհակալություն:

Aug 02 2020

Առևտրի կենտրոնում աշխատող ատելյեն կարո՞ղ է միկրոյով աշխատել

Անիկա.

Առևտրի կենտրոնում աշխատող ատելյեն կարո՞ղ է միկրոյով աշխատել՝ 24 մլն-ի շեմը չի գերազանցում: Միկրոյով աշխատող կազմակերպությունների աշխատողների հետ կապված կա՞ն ինչ-որ սահմանափակումներ։

Aug 02 2020

Ինչպե՞ս է հաշվարկվում վերջնահաշվարկը

Arshak.

Բարև Ձեզ։ Ինձ հարկավոր է իմանալ՝ ինչպե՞ս է հաշվարկվում աշխատողի աշխատանքից ազատվելու ժամանակ վերջնահաշվարկի հաշվարկումը, ի՞նչ բանաձևով։

Aug 01 2020

Արդյո՞ք տարվա վերջ վերադարձվելու է սոցիալական վճարը

Աննա․

Բարև բոլորին։ Մինչև 500 000 դրամ աշխատավարձ ստացողների սոցի շեմը /12 500/ հուլիսից հանվե՞լ է, թե ոչ: Եթե աշխատողը մի քանի տեղ է աշխատում և մի քանի անգամ վճարում է 12 500 դրամները՝ տարվա վերջ վերադարձվելու՞ է ավել վճարած գումարը, ինչպես կատարվում էր նախկինում: Շնորհակալություն։

Aug 01 2020

Կա՞ արդյոք աշխատավարձը կրճատելու տոկոսային նվազագույն շեմ

Հերմինե․

Բարև Ձեզ, հարգելի մասնագետներ։ Ընկերությունը, ստեղծված այս իրավիճակից, ունի ֆինանսավորման խնդիր, և գործատուն ցանկանում է որոշակի տոկոսով աշխատողների աշխատավարձները օգոստոս ամսից կրճատել, արդյո՞ք իրավունք ունի կրճատելու, և կա՞ նվազագույն տոկոսային շեմ։

Jul 31 2020

#գործկա Արփի Սոլար ՍՊԸ-ում

Ընկերություն` Արփի Սոլար ՍՊԸ
Հասցե՝ ք. Երևան, Դավիթաշեն 3-րդ թաղ. 12/3
Հեռախոս՝ 077071738
Էլ․ փոստ՝ hr շնիկ arpisolar.com
Թափուր աշխատատեղ՝ Ֆինանսիստ
Աշխատանքի նկարագրություն՝ Արփի Սոլարում առկա է ֆինանսիստի թափուր հաստիք։
Հիմնական պարտականությունները՝
• ՀԾ-ծրագրով ապրանքային մուտքերի և ելքերի ձևակերպում
• Ապրանքների շարժի վերահսկողություն
• Ներմուծումների ձևակերպում
• Ինֆորմացիայի հավաքագրում, ցանկացած պահի՝ հավաքագրած ինֆորմացիայի հիման վրա հաշվետվությունների տրամադրում
Պահանջները՝
• Տեխնիկական կամ տնտեսագիտական կրթություն
• ՀԾ իմացություն
• Հաշվապահական հաշվառման իմացություն
• MS Office-ի իմացություն
• Գրավոր և բանավոր հաղորդակցվելու և թիմային աշխատանքը կազմակերպելու ունակություններ
• Սեղմ ժամկետներում աշխատելու, կազմակերպելու և որոշումներ կայացնելու, ինչպես նաև ինքնուրույն աշխատելու ունակություն

Jul 31 2020

#գործկա Անդակո ընկերությունուն

Ընկերություն՝ Անդակո
Հասցե՝ Իսակովի 10/12
Հեռախոս՝ 044280050
Էլ․ փոստ՝ job շնիկ andaco.am
Թափուր աշխատատեղ՝ Հաշվետար
Աշխատանքի նկարագրություն՝ e invoicing, ՀԾ
Աշխատավարձ՝ 140 000 դրամ

Jul 31 2020

Իզաբել Ղազարյան

Անուն, Ազգանուն՝ Իզաբել Ղազարյան
Էլ. փոստ՝ izabelghazaryan շնիկ yandex.ru
Հեռախոս՝ 098160603
Պաշտոն՝ Հաշվետար, հաշվապահ
Բովանդակություն՝ Ավարտել եմ ՀԱԱՀ-ի Հաշվապահական հաշվառում և աուդիտ ֆակուլտետը, մասնակցել եմ հաշվապահական դասընթացների։ Աշխատել եմ հաշվապահական ընկերությունում որպես հաշվետար։
Ցանկալի աշխատավարձ՝ 100 000 – 120 000 դրամ
Այլ նշումներ՝ Տիրապետում եմ՝ e-Invoicing, ՀԾ-Հաշվապահ, MS Word, MS Excel

Jul 31 2020

Քաղաքաշինության բնագավառում լիցենզիա ունեցող ընկերությունը կարո՞ղ է հանդես գալ որպես բնակարանների կառուցապատող

Nona.

Հարգելի հաշվապահներ, խնդրում եմ ասեք. շինարարական ընկերությունը, որն ունի լիզենզիա քաղաքաշինության բնագավառում շինարարության իրականացման, կարո՞ղ է չէ առանց որևէ խնդիր հանդես գալ բնակարանների կառուցապատող, երիտասարդ ընտանքիներին տրվող հիփոթեքային վարկի միջոցներն ուղղել կառուցապատմանը, գնել տարածք ընկերության անունով, կառուցել բնակարանը կամ սեփական տունը և վերջում կադաստրի միջոցով հանձնել երիտասարդ ընտանիքին: Խնդրում եմ մանրամասն բացատրել՝ ո՞նց է կատարվում պրոցեսը, վարկը ընտանիքին է տրվում, թե՞ կազմակերպությունն է վերցնում: Եվ եկամտային հարկի հետ կապված, եթե տվյալ երիտասարդ ընտանիքը գրանցված աշխատող է՝ կարծեմ կառուցապատողից եկամտային հարկի գումար է հե՞տ ստանում:

Jul 31 2020

Կոսմետիկայի ներմուծում երրորդ երկրից

Մարինե Կիրակոսյան.

Բարև Ձեզ: Երրորդ պետությունից կոսմետիկա ներմուծելու դեպքում ինչպե՞ս է իրականացվում մաքսազերծումը, ի՞նչ փաստաթղթեր պետք է ներկայացնեմ մաքսային և հարկային մարմիններ, ի՞նչ պարտադիր ինֆորմացիա դրանք պետք է պարունակեն ներմուծվող ապրանքի վերաբերյալ։ Վաճառողը MSDS / Material safety data sheet/Паспорт безопасности химической продукции/ չի կարող տալ, քանի որ ինքը չի հանդիսանում արտադրողը/։
Շնորհակալություն:

Jul 31 2020

Ինչպե՞ս է աշխատավարձ վճարվում քաղաքացիաիրավական պայմանագրով աշխատողին

Hermine.

Բարև Ձեզ: Քաղաքացիաիրավական պայմանագրով աշխատողին ինչպե՞ս է աշխատավարձ վճարվում, արդյո՞ք պետք է պահպանել նվազագույն աշխատավարձի մասին դրույքաչափերը, և վճարում ենք ամեն ամիս, թե՞ պայմանագիրն ավարտվելուց հետո:

Jul 31 2020

ԱԱՀ հաշվառումը 1C Հաշվապահություն 8-ում

Jul 30 2020

Ինչպե՞ս հաշվետվություն ներկայացնել

Mariam.

Բարև Ձեզ։ Ինչպե՞ս կարող եմ ներկայացնել հաշվետվություն հունվարից մինչև հուլիս ամիսների համար։ Խոսքս վերաբերում է մանկապարտեզին։ Որտեղ կա սնունդ և այլ ծախսեր։ Պարզապես կուզեմ հաշվելու ձևը իմանալ կամ մոտավոր նմուշ լինի, մի գուցե հասկանամ։

Jul 30 2020

Ի՞նչ դասակարգիչ կիրառել

Մարինե․

Բարև Ձեզ։ Մեր հիմնական գործունեությունը համարվում է ուղևորափոխադրումը: Վաճառել ենք մեր մեքենաներից մեկը, այսինքն՝ մեր հիմնական միջոցը: Շրջանառության հարկի հաշվարկում մեքենայի իրացման հասույթը ցույց պետք է տանք 16 տողում /այլ գործունեությունից կամ այլ ակտիվների օտարումից ստացվող եկամուտներ/: Խնդրում եմ՝ գրեք այդ գործունեության դասակարգիչը: Կանխավ շնորհակալ եմ:

Jul 30 2020

Ո՞ր օրով պետք է ազատել աշխատակցին

Ani.

Բարև Ձեզ, եթե աշխատողի հետ կնքված աշխատանքային պայմանագիրն ավարտվում է ոչ աշխատանքային օրով, ապա ո՞ր օրով պետք է նրան ազատել հարկայինով և, ո՞ր օրով պետք է հրամանը գրել:

Jul 30 2020

Եթե ինքնարժեքի մեջ ներառվել է ԱԱՀ-ի գումարը

Armin.

Բարև Ձեզ: Խնդրում եմ ասել, եթե ՍՊԸ-ն ԱԱՀ-ով աշխատող է, և ինքնարժեքի մեջ ներառել է ԱԱՀ-ն, ինչպե՞ս կարող եմ ապացուցել, որ սխալ է, խնդրում են պատասխանել իրավական ակտերով:

Jul 30 2020

Գլոբբինգից կատարված պատվերի հետ կապված

Սյուզան․

Բարև Ձեզ։ Գլոբբինգից պատվեր կատարելու դեպքում, ո՞ր դեպքում է մաքսատան գումար վճարելու անհրաժեշտություն առաջանում։ Գլոբբինգի աշխատակցից տեղեկացա, որ 200 դոլարը գերազանցելու դեպքում է պետք վճարում կատարել, բայց նաև ինֆորմացիա ունեմ, որ նույն ապրանքից 1-ից ավել ներմուծելու դեպքում ևս պետք է վճարել։
Խնդրում եմ եթե կարող եք հստակ ինֆորմացիա տրամադրեք։
Նախապես շնորհակալ եմ։

Jul 30 2020

Կարո՞ղ է արդյոք աշխատակիցը 2 ամիս ազատման դիմում չգրել

Susan.

Բարև Ձեզ, հարգելի գործընկերներ։ Ունենք աշխատակից, ով գտնվում է մինչև 3 տարեկան երեխայի խնամքի արձակուրդում: Նրա զբաղեցրած հաստիքը կրճատվել է և նրան ծանուցվել է, որ ֆինանսական խնդիրների պատճառով կազմակերպությունը նրան չի կարող նոր աշխատանքով ապահովել /ԱՕ հոդված 113-ի 3-րդ կետ/։ Աշխատակիցը նշում է, որ ինքը կարող է 2 ամիս ազատման դիմում չգրել, պատճառաբանելով, որ այդ ընթացքում հնարավոր է կազմակերպության ֆինանսական իրավիճակը փոխվի: Խնդրում եմ ասեք, կա արդյո՞ք նման իրավունք: Շնորհակալություն:

Jul 29 2020

Արդյո՞ք միկրոձեռնարկատիրության սուբյեկտի աշխատողը կստանա մայրության նպաստ

Նվարդ Մաթևոսյան.

Բարև Ձեզ: Ես միկրոձեռնարկատիրության աշխատող եմ, ուզում եմ իմանալ՝ ինչքա՞ն գումար կստանամ, կամ արդյո՞ք կստանամ ֆիզ. արձակուրդ գնալու դեպքում, որպես աշխատող և հետագայում մայրության նպաստ կստանամ, թե՞ ոչ։ Նշեմ, որ գյուղաբնակ եմ, իսկ բալիկս կծնվի նոյեմբերին:

Jul 29 2020

Ձեռքի աշխատանքներ վաճառող խանութը կարո՞ղ է համարվել միկրոձեռնարկատիրության սուբյեկտ

Էվելինա.

Ցանկանում եմ խանութ բացել, որտեղ վաճառելու եմ իմ ձեռքի աշխատանքները /ավելի կոնկրետ՝ շապիկների, պայուսակների, բրոշների և այլ տարբեր իրերի վրա ձեռքով նկարելու եմ և վաճառեմ/: Ես կարո՞ղ եմ աշխատել որպես միկրոձեռնարկություն, և առհասարակ ինչի՞ց պետք է սկսեմ։

Jul 29 2020

Ինչպե՞ս օգտվել եկամտային հարկի փոխհատուցումից

Անի.

Բարև Ձեզ: Ես աշխատում եմ և ուզում եմ այս տարի դիմել մագիստրոսական ծրագրի համար՝ բիզնեսի ոլորտում: Կարո՞ղ եք ինձ հուշել՝ արդյոք կկարողանամ օգտվել եկամտահարկի փոխհատուցման օրենքից: Եվ կարգն ինչպե՞ս է, արդյոք համապատասխանու՞մ եմ, ու՞ր պետք է դիմել, ինչպե՞ս պետք է ստանալ փոխհատուցումը:
Կանխավ շնորհակալություն

Jul 29 2020

Ֆինանսական հաշվառման հիմունքների գիրք

Hasmik.

Բարև Ձեզ: Ո՞վ կարող է էլեկտրոնային տրամադրել ՖԻՆԱՆՍԱԿԱՆ ՀԱՇՎԱՌՄԱՆ ՀԻՄՈՒՆՔՆԵՐ 1.1 գիրքը: Անչափ շնորհակալ կլինեմ. hasmik.melkumyan7 շնիկ gmail.com

Jul 29 2020

Արդյո՞ք պայմանագիրը պետք է նոտարով հաստատվի

Նելլի.

Բարև Ձեզ: Ցանկանում էի իամանլ, եթե ՍՊԸ-ն զբաղվելու է դասընթացներով և վաճառքով /արտադրություն, միկրո/, պայմանագրերը պարտադիր պետք է նոտարով հաստատվե՞ն, թե միայն կնիքը բավական կլինի:
Շնորհակալություն:

Jul 29 2020

Ե՞րբ պետք է վճարել արձակուրդայինը

Լիաննա.

Բարև Ձեզ: Եթե աշխատողը արձակուրդ է գնում ամսվա կեսից, ես երեք օր առաջ պետք է վճարեմ և աշխատավարձ, և արձակուրդային: Թե՞ կարող եմ վճարել միայն արձակուրդայինը, իսկ մինչև հաջորդ ամսվա 15-ը վճարել աշխատավարձը:

Jul 28 2020

Արդյո՞ք պետք է որպես աշխատող գրանցել

Hovo.

Բարև Ձեզ: Ա/Ձ-ն Հայրիկիս անունով, միկրոձեռնարկատիրությամբ է զբաղված, որպես ավտոտեխսպասարկում: Եթե ես իր հետ աշխատեմ, ապա պե՞տք է գրանցվեմ որպես աշխատող, թե՞ կարիք չկա։

Jul 28 2020

Ինչպե՞ս ներկայացնել աշխատանքի ազատման հայտը

Karinka.

Բարև Ձեզ: Կօգնեք՝ ինչպե՞ս աշխատանքի ազատման հայտ ներկայացնեմ հարկային, գիտեմ, որ պետք է լրացնել 79 ձևը, բայց չի ընդունում գրանցման, սխալ է տալիս:

Jul 28 2020

Ա/Ձ-ն ի՞նչ հաշվետվություն պետք է ներկայացնի

Ani.

Բարև Ձեզ: Կարո՞ղ եք օգնել հետևյալ հարցում. եթե ԱՁ-ն չի դադարեցրել իր գործունեությունը, ունի գրանցված աշխատող, որը գտնվում է ֆիզ. արձակուրդում, սակայն ներկա պահին շրջանառություն չունի, ի՞նչ հաշվետվություն պետք է ներկայացվի և ի՞ նչ պարտավորություններ ունի:

Jul 28 2020

Արդյո՞ք արձակուրդի չօգտագործված օրերի համար պետք է վճարել

Լիաննա.

Բարև Ձեզ։ Եթե աշխատողին հետ ենք կանչում արձակուրդից, ապա չօգտագործված օրերի համար պե՞տք է նորից վճարենք։ Կանխավ շնորհակալություն:

Jul 28 2020

Ինչպե՞ս գտնել մասնագիտական որակավորում պահանջող աշխատանքների ցանկը

Գայանե.

Բարև Ձեզ: Կարո՞ղ եք ինձ օգնել գտնելու մասնագիտական որակավորում պահանջող աշխատանքների /պաշտոնների/ ցանկը: Այսինքն՝ այն աշխատանքները, որոնց համար աշխատողին աշխատանքի ընդունելու համար մասնագիտական որակավորման փաստաթղթեր են պետք: Նշեք խնդրեմ իրավական ակտերը: Շնորհակալ եմ:

Jul 28 2020

Ինչպե՞ս է կատարվում ՍՊԸ-ի միակ մասնակցի անձնագրային տվյալների փոփոխության պետական գրանցումը

Մանե.

Կարո՞ղ եք հստակ նշել՝ ՍՊԸ-ի միակ մասնակցի անձնագրային տվյալների փոփոխության պետական գրանցումն ինչպե՞ս է կատարվում /նշեմ՝ կանոնադրությունը չի փոխվելու/: Խնդրում եմ օրենքի հոդվածը նշել։ E-register-ը հստակ պատասխան չի տալիս: Շնորհակալ եմ:

Jul 28 2020

Մայրության նպաստ

Արմենուհի.

Բարև Ձեզ: Մայրության նպաստը հաշվարկելիս 12 ամիսների մեջ մտնու՞մ է արձակուրդայինը, հարկադիր պարապուրդը, թե՞ այս ամիսները պետք է հանվի և նոր միջին ամսական եկամուտ հաշվարկվի:

Jul 28 2020

Կարո՞ղ է գյուղատնտեսական կոոպերատիվը գործել միկրոյի դաշտում

Սիմոնյան.

Հարգելի հաշվապահներ, խնդրում ե ասեք. արդյո՞ք կարող է տվյալ գործունեությունը գործել միկրոյի դաշտում՝ գյուղատնտեսական կոոպերատիվը արտադրում է բանջարեղեն և վաճառում Երևանում: Չէ ո՞ր դա առք և վաճառք չէ:

Jul 27 2020

Բարեգործական հասարակական կազմակերպության գործունեության հետ կապված

Արմեն.

Բարև ձեզ: Ցանկանում եմ տեղեկանալ՝ բարեգործական հասարակական կազմակերպության գործունեության մեջ կարո՞ղ եմ ներառել նաև ԶԼՄ – էլեկտրոնային կայք և լրատվություն:

Jul 27 2020

Արդյո՞ք անհուսալի դեբիտորական պարտքերը կարելի է ծախս ճանաչել

Hayk.

Բարև Ձեզ, հարգելի հաշվապահներ: Խնդրում եմ օգնել հետևյալ հարցում. շրջհարկով աշխատող ՍՊԸ-ն կարո՞ղ է արդյոք անհուսալի դեբիտորական պարտքերը ծախս ճանաչել և նվազեցնել կուտակված շահույթից: Նշեմ, որ ծախս ճանաչելու համար առկա են հիմնավորող փաստաթղթեր /որոշում՝ քննչական վարչության/:

Jul 27 2020

Տալ հաշվապահական ձևակերպումներ

Zoya.

Բարև Ձեզ: Խնդրում եմ օգնեք հաշվապահական ձևակերպումներ տալ: ՍՊԸ-ն օտարել է իրեն պատկանող հողատարածքը, և գնորդը գումարը փոխանցել է գանձապետական բաժամունք հ/հ 900415151068:

Jul 27 2020

Հաշվապահի որակավորման նոր հարցաշար

Մանե.

Հաշվապահի որակավորման նոր հարցաշարը որտեղի՞ց կարող եմ գտնել, և ո՞վ է հանդիսանում, որպես լիազոր /մասնագիտացված կառույցը/:
Շնորհակալություն:

Jul 27 2020

Պարապուրդը հաշվարկելու վերաբերյալ

Hermine.

Բարև Ձեզ: Խնդրում եմ ասեք՝ ի՞նչ խախտում կանեմ, եթե պարապուրդը չհաշվեմ աշխատողի միջին ժամային կամ միջին աշխատավարձի հիման վրա, այլ, հիմք վերցնեմ ընթացիկ սահմանաված աշխատավարձի չափը, սակայն էլի պահպանեմ նվազագույն աշխատավարձի մասին կանոնները:

Jul 27 2020

Ինչպե՞ս պետք է կազմակերպել հաշվապահությունը

Սիմոնյան.

Բարև Ձեզ: Ո՞վ կարող է ինձ ասել, եթե նույն Ա/Ձ-ն ցանկանում է զբաղվել գործունեությամբ, որը կարող է գործել միկրոի դաշտում և գործունեությամբ, որը միկրոի դաշտից դուրս է, այս դեպքում՝ ինչպե՞ս պետք է կազմակերպել հաշվապահությունը: Ո՞ր հարկային ռեժիմն է գործում:

Jul 27 2020

Ինչպե՞ս էլեկտրոնային ստորագրել Excel ֆայլով փաստաթուղթը

Իրինա.

Բարև Ձեզ, հարգելի կոլեգաներ, excel ֆայլով փաստաթուղթը ինչպե՞ս էլ. ստորագրել: PDF-ով գիտեմ: Կանխավ շնորհակալ եմ:

Jul 25 2020

Կարելի՞ է երեխայի խնամքի արձակուրդում գտնվող աշխատակցին ազատել

Սուսան.

Բարև ձեզ: Հարգելի գործընկերներ, եթե աշխատակիցը գտնվում է երեխայի խնամքի արձակուրդում, և այդ ընթացքում նրա հաստիքը կրճատվել է, ապա գործատուն ի՞նչ պետք է անի՝ ապահովի՞ աշխատակցին աշխատանքով, թե՞ կարող է ազատել: Շնորհակալություն:

Jul 25 2020

Ինչպե՞ս կազմել աշխատաժամանակի տեղեկագիրը

Ամալյա.

Բարև Ձեզ: Խնդրում եմ ինձ օգնեք մի քանի հարցերով․
1․ Դպրոցն ունի 3 պահակ։ Մինչև օրս նախկին գործատուի օրոք աշխատել են հետևյալ գրաֆիկով՝ 1-ին պահակը ժամը 9:30-ից մինչև 15:30, 2-ը՝ 15:30-ից մինչև 21:30, 3-ը՝ միշտ աշխատել է գիշերը առանց հանգստյան օրերի /աշխատում ենք 6-օրյա աշխատանքային ռեժիմով/ 21:30-ից մինչև 9:00: Խնդրում են ինձ օգնել. ինչպե՞ս կազմել աշխատաժամանակի տեղեկագիրը, որ չխախտվեն ԱՕ-ի պահանջներն ու իրավունքները:
2. Գիշերային պահակը կարո՞ղ է աշխատել առանց հանգստյան օրերի:
3․ Ինչպե՞ս հաշվարկել և վարձատրել յուրաքանչյուրին, որ սխալ թույլ չտանք:
4․ Արդյո՞ք պետք է պայմանագիր կնքել յուրաքանչյուրի հետ ըստ և աժխատաժամանակի հետ, թե՞ վարձատրության հետ։ Եթե այո, կխնդրեմ ինձ ուղարկել պայմանագրի ձև: Շնորհակալ կլինեմ, որ այն ուղղարկեք իմ էլ. փոստին՝ Patvakanyan.71 շնիկ mail.ru

Jul 24 2020

Որտեղի՞ց կարելի է ստանալ աշխատանքային գրքույկը

Gor.

Առաջին աշխատանքից դուրս գալուց, որտեղի՞ց ստանամ աշխատանքային գրքույկ։ Գործատուն պնդում է, որ այդ ամենը օնլայն է արվում և պարտադիր չի գրքույկը, բայց ինձ գրքույկնել է պետք։ Ի՞նչ կարող եմ անել այդ դեպքում։

Jul 24 2020

Արդյո՞ք կազմակերպությունն իրավունք ունի խզելու աշխատանքային պայմանագիրը

Աննա.

Բարև Ձեզ: Ես հաշվառված եմ և բնակվում եմ գյուղական համայնքում, գրանցված աշխատող եմ համարվում այնպիսի կազմակերպությունում, որը գտնվում է լուծարային փուլում, արդեն ֆիզ. արձակուրդում եմ: Կազմակերպությունն ասում է, որ 140 օրը լրանալուց հետո ևս 1ամիս համարվելու եմ իրենց աշխատողը, իսկ դրանից հետո աշխատանքային պայմանագիրը խզվելու է /ծանուցում արդեն ստացել եմ/: Այսինքն՝ ես մեկ ամիս ստանալու եմ 53 000դրամ /26 500 – պետությունից + 26 500 – կազմակերպությունից/: Խնդրում եմ ինձ կասեք, արդյոք կազմակերպությունն իրավունք ունի՞ այս տարբերակով պայմանագիրը խզել, և ես կարո՞ղ եմ մեկ անգամ ստանալու դեպքում ստանալ 53 000-ական դրամները պայմանագիրը խզելուց հետո, եթե այո, մինչև ե՞րբ կստանամ: Շնորհակալություն:

Jul 24 2020

Ինչպե՞ս կազմակերպել ապրանքի ներմուծումը Դաղստանից

Vardan.

Բարև Ձեզ: Հաշվապահներ, կասեք՝ ո՞նց կազմակերպել ապրանքի ներմուծումը Դաղստանից:

Jul 24 2020

Որքա՞ն կկազմի հերթափոխով ծառայողի աշխատավարձը

Anahit.

Անվտանգության աշխատակիցը` հաստիքով հրաձիգ, 2020թ․ հուլիս ամսում 24 ժամյա ռեժիմով ծառայել է 11 հերթափոխ, աշխատաժամանակի տեղեկագրով՝ 11 օր, 264 ժամ և գիշերային 88 ժամ։ Համաձայն ՀՀ ԱՕ 139 և 180 հոդվածների, արդյո՞ք ճիշտ է աշխատած ժամերը հաշվել 184 ժամ / 23 աշխ. օր * 8ժ /, գիշերայինը՝ 72 ժամ, քանի որ հուլիս ամիսը 4.5 շաբաթ է /9 օր առավելագույնը * 8ժ/ և արտաժամյան 32ժամ / 9 * 24ժ = 216 – 184 = 32ժ: Կխնդրեմ Ձեր կողմից հաշվարկ, կանխավ շնորհակալություն:

Jul 24 2020

Ի՞նչ ժամանակահատվածում կարելի է բողոքարկել ազատման որոշումը

Մարինա.

Բարև Ձեզ: Ուզում եմ ճշտել, եթե գործատուն աշխատողին ազատում է աշխատանքից, մեկնաբանելով, որ հաստիքի անվանափոխություն է տեղի ունենալու և դրանից հետո ուրիշի է ընդունում աշխատանքի: Ազատված անձը որքա՞ն ժամանակում կարող է բողոքարկել և արդյո՞ք կվերականգնի իր աշխատանքը։ Կանխավ շնորհակալություն:

Jul 24 2020

Առցանց գրքերի խանութի հետ կապված

Անուշ.

Բարև ձեզ: Եթե ես բացել եմ գրքերի օնլայն խանութ և հանդիսանում եմ միջնորդ գնորդի և վաճառողի միջև, այսինքն՝ երրորդ օղակ, պե՞տք է հարկային դաշտ մտնեմ, գումարը առձեռն չի փոխանցվում:

Jul 24 2020

Շարժական սուրճի/ֆրեշի տաղավարներ բացելու համար

Միքայել.

Բարև Ձեզ:Կասեք շարժական սուրճի/ֆրեշի տաղավարների համար ի՞նչ հարկեր ու տուրքեր են գործում:
Շնորհակալություն:

Jul 24 2020

Ինչպե՞ս պետք է հաշվարկել հարկերը

Araqsya.

Ա/Ձ-ն աշխատանքի է ընդունել բանվորների, ովքեր պետք է աշխատեն ընդամենը 7օր։ Աշխատանքային պայմանագրում գրված է, որ վարձատրությունը գործավարձային է՝ 1 օրը 6 000 դրամ։ Ինչպե՞ս պետք է հաշվարկել հարկերը, և պետք է եկամտային հարկի հաշվետվություն ուղղարկել, թե՞ ոչ։

Older posts «

» Newer posts