Category Archive: Հարկեր, տուրքեր, վճարներ

Oct 21 2019

Անձը ցանկանում է մեղր վաճառել

Արամ.

Բարև ձեզ: Մտադիր եմ վարձակալել փոքր տարածք՝ մոտ երեք քառակուսի, ու վաճառել մեղր Հայաստանի տարբեր մարզերից: Վաճառելու եմ ինքս, ուրիշ աշխատող չի լինելու: Պետ. ռեգիստրում անհատ ձեռներեց գրանցվելուց հետո, ինչքան հասկանում եմ, պետք է հաշվառվել հարկայինում: Չե՞ք հուշի՝ ինչ հարկեր պետք է վճարեմ:

Oct 21 2019

Ինչպե՞ս է հարկվելու գործունեությունը

Արմեն.

Ունեմ խնձորի այգի և տարեկան 300 լ մրգային օղի արտադրելու հնարավորություն։ Խնդրում եմ հուշել գործունեության ամենամատչելի ձևը և հարկման տեսակները։ Կանխավ շնորհակալ եմ։

Oct 20 2019

ԱՁ-ն զբաղվում է առևտրային գործունեությամբ

Սիմոն.

Եթե ԱՁ-ն ունի կրպակ, զբաղվում է առևտրային գործունեությամբ, որի շրջանառությունը չի գերազանցում 24.0 մլն. դրամը, և միաժամանակ կրպակում ունի խաղային ավտոմատ (որը մինչև տարվա վերջ հարկվում է արտոնագրային հարկով) 2020 թվականի հունվարի 1-ից հետո այս երկու գործունեության տեսակները ի՞նչ հարկով են հարկվելու:

Oct 15 2019

Ո՞ր հաշվեհամարին պետք է վճարվի հարկը

Կարինե.

Բարև ձեզ: ԱՁ-ն շրջանառության հարկով է աշխատում, ո՞ր հաշվի համարով պետք է հարկը փոխանցվի:

Oct 13 2019

Արդյո՞ք ներգնա տուրիզմը կարող է ընտանեկան ձեռնարկատիրություն համարվել

Նունե.

Բարև ձեզ:

Զբաղվում եմ ներգնա տուրիզմով։ Ուզում եմ բացել ընտանեկան ձեռնարկատիրություն։ Արդյո՞ք ներգնա տուրիզմը կարող է ընտանեկան համարվել։

Եվ նաև լավ չեմ պատկերացնում, հայրս մեր ձեռնարկատիրության մեջ վարձու աշխատո՞ղ է համարվելու։ Ինչպես նաև մեկ այլ աշխատակից ունենք։ 5 000 դրամ եմ վճարելու յուրաքանչյուրի համար և վե՞րջ։

Շրջանառության առումով բավարարում ենք պայմաններին։

Շնորհակալ եմ կանխավ։

Oct 11 2019

Ֆիզիկական անձը ՍՊԸ-ից ձեռք է բերում ծառայություններ

Ալբերտ.

Բարև ձեզ: Հարցս հետևյալն է՝ ֆիզիկական անձը, որը չի հանդիսանում Ա/Ձ, պայմանագրով ՍՊԸ-ից ձեռք է բերում ծառայություններ: Արդյո՞ք տվյալ ֆիզիկական անձի համար առկա են որևիցե հարկեր վճարելու կամ հաշվարկներ ներկայացնելու հարկային պարտավորություններ:

Oct 08 2019

ԱՁ-ն աշխատում է շրջանառության հարկով

Կարինե.

Բարև ձեզ: ԱՁ-ն շրջանառության հարկով է աշխատում, ծառայություն պետք է մատուցի ֆիզիկական անձի, ի՞նչ պարտավորություն է առաջանում ԱՁ-ի համար:

Կանխավ շնորհակալություն:

Oct 05 2019

ԱԱՀ-ով աշխատող ՍՊԸ-ն ապրանք է ներմուծել ԵՏՄ-ից

Նարինե.

Բարև ձեզ:

ԱԱՀ-ով աշխատող ՍՊԸ-ն ապրանք է ներմուծել ԵՏՄ-ից, տվյալ երկրի տրանսպորտով, որի հետ առանձին կնքվել է տրանսպորտային ծառայության պայմանագիր, ինվոյս:
Հարց 1՝ հայտարարության մեջ ապրանքի արժեքում ներառե՞մ տրանսպորտային ծախսը, թե՞ ոչ:
Հարց 2՝ ոչ ռեզիդենտի շահութահարկի հաշվետվություն տալու՞ եմ, քանի որ ծառայություն է մատուցված ոչ ռեզիդենտ կազմակերպության կողմից (գումարը փոխանցված է):
Հարց 3՝ ԱԱՀ-ի հաշվարկի 17 տողում միայն ներմուծված ապրանքներ է ուզում, տրանսպորտի արժեքը գումարեմ ապրանքի գնին նոր ԱԱՀ հարկ հաշվարկե՞մ:

Կանխավ շնորհակալություն:

Oct 04 2019

Ա/Ձ-ն նորաբաց է, չի տվել շրջանառության հարկի հայտարարություն

Հասմիկ․

Ա/Ձ-ն նորաբաց է, չի տվել շրջանառության հարկի հայտարարություն, զբաղվելու է քսերոքսի ծառայությամբ, պարզ է, որ 20 % է հարկվելու ԱԱՀ, իսկ եկամտային և սոց․ վճար ամսակա՞ն է հարկվելու և որքա՞ն։

Oct 02 2019

ԱՁ-ն գործունեություն չի իրականացրել

Վահրամ.

Բարև ձեզ:

Ես բացել եմ ԱՁ և մինչև հիմա ոչ մի գործողություն չեմ իրականացրել: Այս ընթացքում հարկային պարտավորություններ իմ նկատմամբ առաջանու՞մ են, թե՞ ոչ:

Sep 27 2019

Ընտանեկան ձեռնարկատիրության սուբյեկտ հանդիսացող ԱՁ

Աննա.

Բարև ձեզ: Խնդրում եմ պատասխանել: Ունեմ ԱՁ, որը զբաղվում է ընտանեկան ձեռնարկատիրությամբ: Ի՞նչ վճարումներ ունենք կատարելու՝ սոց. վճար, եկամտային հարկ, զինվ. գումար: Ինչպե՞ս պետք է կատարենք վճարումները:

Sep 24 2019

Արդյո՞ք ԱՁ կարող է համարվել միկրոձեռնարկատիրության սուբյեկտ

Սեյրան․

Շրջանառության հարկով աշխատող ԱՁ-ն 2020թ․ հունվարի 1-ից կհամարվի՞ միկրոբիզնես, եթե շրջանառության գումարը չի գերազանցում 20 մլն դրամը։

Sep 23 2019

Արտադրանքի վաճառք համացանցով

Արուսյակ.

Բարև ձեզ: Կասե՞ք՝ որքան հարկ պետք է վճարեն, եթե գրանցվում են որպես ԱՁ և ներկայացնում են արտադրանք, որի վաճառքը իրականացնում են համացանցով:

Sep 19 2019

Գյուղատնտեսական արտադրությամբ զբաղվող ԱՁ

Սաշա.

Անձը զբաղվում է արտադրությամբ գյուղատնտեսության ոլորտում, ինչպե՞ս պետք է հարկվի ըստ ԱՁ-ի:

Sep 17 2019

Կազմակերպությունը հանդիսանում է ԱԱՀ վճարող

Նունե.

Հարգելի հաշվապահներ, եթե Հայաստանի կազմակերպությունը պայմանագիր է կնքում Ղազախստանի կազմակերպության հետ, և ծառայությունը մատուցվում է Հայաստանի Հանրապետությունում, պայմանագրում նշվում է, որ մեր կողմից կնքած պայմանագրում ԱԱՀ-ի գումարը վճարվում է, ի՞նչ հարկեր են վճարվում, եթե մեր ֆիրման աշխատում է ԱԱՀ-ով:

Sep 15 2019

Շրջանառության հարկի հաշվարկի ժամանակ

Արմինե.

Հարգելի հաշվապահներ, խնդրում եմ պատասխանել: Շրջանառության հարկի հաշվարկի ժամանակ հարկվող օբյեկտը հաշվելիս պետք է կատարած ծախսերը հանել ընդհանուր եկամտից, նոր կիրառե՞լ դրույքաչափերը, թե՞ տոկոսադրույքները կիրառվում են միանգամից ստացած եկամտի վրա՝ առանց հանելու այդ ապրանքի վրա կատարած ծախսերը: Խոսքը կահույք արտադրող ՍՊԸ-ի մասին է:

Կանխավ շնորհակալ եմ:

Sep 13 2019

ՍՊԸ-ն նախարարությունից գումար է ստացել

Գոհար.

Բարև ձեզ, հարգելի գործընկերներ: Մի այսպիսի վիճելի հարց է առաջացել. ՍՊԸ-ն նախարարությունից ստացել է, ասենք թե, 5 000 000 գումար ՀԿ-ի համար՝ գիրք տպագրելու նպատակով: Այդ գումարից ՍՊԸ-ն ծախսել է տպագրության վրա, իսկ ստացած գումարի 60 տոկոսը՝ 3 մլն, կազմում է հոնորարը: Հոնորարը ստացել է ՀԿ-ի նախագահը՝ գիրքը գրելու համար: Ես կցանկանայի իմանալ՝ ինչ կարգի վճարումներ են արվում: Ես գիտեմ, որ հոնորարի 10 տոկոսը պետք է փոխանցվի պետ. բյուջե: Եթե այլ պատասխաններ կլինեն, ես երախտապարտ կլինեմ ձեզ:

Sep 12 2019

Ի՞նչ հարկեր է վճարում ԱՁ-ն

Գարեգին.

Բարև ձեզ: Կասե՞ք, թե ինչ հարկեր պետք է մուծի ԱՁ-ն, եթե աշխատում է արտոնագրային հարկով (ավտոտեխսպասարկում): Անձամբ ես մուծում եմ 15 750 դրամ որպես արտոնագիր + 5 000 դրամ սոց. և 5 000 դրամ որպես եկամտահարկ: Հարցս հիմնականում ուղղված է այդ վերջին 5 000 դրամանոց հարկին: Եթե ես մուծում եմ 15 750 որպես արտոնագիր, այդ դեպքում ի՞նչ 5 000 դրամանոց եկամտահարկի մասին է խոսքը: Շնորհակալություն:

Sep 11 2019

ԱԱՀ վճարող ԱՁ

Աննա Անդրեասյան.

Բարև ձեզ: Կասե՞ք՝ ԱԱՀ վճարող ԱՁ-Ն ամսական ի՞նչ հարկ ունի վճարելու և ի՞նչ հաշվետվություններ պետք է ուղարկի:

Sep 11 2019

Ինչպե՞ս է հարկվում կավագործությունը

Թաթուլ.

Բարև ձեզ: Կմանրամասնեք կավագործությունը կարո՞ղ է պետական հարկ տալ արտոնագրային վճարով, եթե այո, ապա կխնդրեմ մանրամասնել՝ ինչպես է դա կատարվում:

Sep 11 2019

Դրոշմանիշային վճարի վերաբերյալ

Տիգրան.

Եթե աշխատողը գնում է երեխայի խնամքի արձակուրդ 140 օր․․․ նրա համար ամեն ամի՞ս է վճարվելու 1 000 դրամները դրոշմանիշայինի, թե՞ մի անգամ:

Sep 11 2019

Հարկային օրենսգրքի 117-րդ հոդված

Հեղինե Մանասյան.

Հարգելիներս, ասացեք, խնդրեմ՝ Հարկային օրենսգրքի 117-րդ հոդվածը նշանակու՞մ է արդյոք, որ ՀՀ-ում 12 000 դրամ օրապահիկ տալու դեպքում այն եկամտային հարկով չի հարկվում:

Sep 10 2019

Ինչպե՞ս է հարկվելու նորաբաց ԱՁ-ն

Սուսաննա.

Բարև ձեզ: Ես մատնահարդար եմ և ունեմ նոր բացված ԱՁ: Կցանկանայի իմանալ՝ իմ եկամուտի քանի տոկոսն է հարկվելու:

Sep 08 2019

ԱՁ-ն տարածք է վարձակալում

Գարիկ.

Ողջույն: Ես ունեմ ԱՁ, որը զբաղվում է ընտանեկան ձեռնարկատիրությամբ` խմորեղենի արտադրությամբ։ Մինչև այժմ ներկայացրել եմ միայն տարեկան հաշվետվություններ, հարկ չեմ վճարել։ Գրանցված աշխատողներ չունեմ։

Այժմ վարձակալում եմ տարածք, որի վարձակալության գնի 10 %-ը պետք է վճարեմ որպես եկամտահարկ։

Հարց 1․ Ավելանու՞մ են արդյոք ամսական հաշվետվություններ տարածքի հետ կապված։ Եթե այո, էլեկտրոնային հաշվետվությունների ո՞ր բաժնում պետք է դա լրացվի։

Հարց 2․ Ո՞ր հաշվին եմ վճարում վարձակալության եկամտային հարկը։

Շնորհակալ եմ։

Sep 07 2019

Արդյո՞ք ՍՊԸ-ն վճարում է շահութահարկ

Լուսինե․

Բարև ձեզ: Խնդրում եմ, ասեք՝ արդյոք շրջանառության հարկ վճարող ՍՊԸ-ն (5 %) բացի եռամսյակը մեկ վճարվող շրջանառության հարկից և ամսական վճարվող աշխատավարձի եկամտային հարկից, սոց. վճարից, դրոշմանիշի գումարից տարվա վերջում շահութահարկ տալի՞ս է, թե՞ ոչ, և եթե չի տալիս, խնդրում եմ Հարկային օրենսգրքի համապատասխան հոդվածի հղումը:

Sep 07 2019

Սոցիալական վճարի դրույքաչափի վերաբերյալ

Սիրուշո․

Բարև ձեզ: 2019թ. սեպտեմբերից սոցիալական վճարը դառնում է 5 %՞, թե՞ մնում է 2,5 %:

Sep 05 2019

Ե՞րբ պետք է կատարվի վարձավճարի վճարումը

Նունե.

Պայմանագրի մեջ վարձավճարի վճարման ամսաթիվ է նշված՝ «վարձատուի ներկայացրած հաշվի հիման վրա՝ վարձը վճարել մինչև յուրաքանչյուր ամսվա օրացուցային 10-րդ օրը»: Վարձատուն հաշիվը ներկայացնում է մինչև 10-րդ օրը, իսկ ըստ հաշվի՝ մատակարարման ամսաթիվ է նշված տվյալ ամսվա վերջին օրը: Արդյո՞ք վարձավճարը պետք է վճարվի մինչև ընթացիկ ամսվա 10-ը, թե՞ հաշվում նշված մատակարարման ամսաթվից հետո 10-րդ օրը:

Նախապես շնորհակալություն:

Sep 04 2019

Անձը ցանկանում է բացել արագ սննդի շարժական կետ

Արտաշես.

Բարև ձեզ։ Նորաբաց ԱՁ ունեմ, ցանկանում եմ զբաղվել շարժական արագ սնունդով շրջաններից մեկում: Կխնդրեի մանրամասն բացատրել՝ որտեղից պետք է ձեռք բերել սննդի և ոգելից խմիչքների լիցենզիան, և ինչ գումար պետք է վճարել: Շնորհակալ եմ կանխավ:

Aug 27 2019

ԱՁ-ն զբաղվում է ավտոտեխսպասարկման գործունեությամբ

Մարիամ.

Բարև ձեզ: Արտոնագրային հարկով աշխատող ԱՁ-ն կարո՞ղ է միկրոձեռնարկատիրության սուբյեկտով աշխատել, ավտոտեխսպասարկման գործունեություն է: Օրենքը կարդացել եմ, բայց չեմ հանդիպել հակասությունների, օրենքի կետերին համապատասխանում է, խնդրում եմ ուղղորդել, հնարավոր է՝ սխալ եմ հասկացել:
Եթե
1. ծառայություն է մատուցում,
2. 24 միլիոնը չի գերազանցել,
3. ՀԴՄ-ի երրորդ խախտման դեպքը թույլ չի տվել,
4. հայտարարությունը ժամանակին ներկայացրել է,
կարո՞ղ է աշխատել միկրոձեռնարկատիրության սուբյեկտով, թե՞ շրջանառության հարկով է հարկվելու:

Aug 26 2019

Վճարվու՞մ է արդյոք դրոշմանիշային վճար

Սուսաննա.

Բարև ձեզ։ Եթե մեկ դրույքը կիսված է, և աշխատում են 0,5 դրույքով 2 աշխատակից, ապա նրանցից արդյո՞ք պետք է գանձվի դրոշմանիշային վճար։ Եթե այո, ապա դա ո՞վ պետք է վճարի՝ գործատու՞ն, թե՞ աշխատակիցը։

Շնորհակալություն։

Aug 26 2019

Ինչպե՞ս է հարկվելու գործունեությունը

Արմեն.

Բարև ձեզ: Ունեմ բեռնատար, որը տալու եմ վարձով այլ անձի, ինչպե՞ս է հարկվելու այդ գործունեությունը։

Aug 26 2019

Նվազագույն աշխատավարձի դեպքում

Գարիկ.

Բարև ձեզ։ Նվազագույն աշխատավարձի դեպքում կա՞ եկամտահարկ մուծելու անհրաժեշտություն, թե՞ ոչ:

Aug 22 2019

Կազմակերպությունը զբաղվելու է կրթական բիզնեսով և ՏՏ ոլորտում

Արման․

Բարև ձեզ: Ես ցանկանում եմ հիմնել ՍՊԸ, որը զբաղվելու է կրթական բիզնեսով և ՏՏ ոլորտում: Կցանկանայի իմանալ՝
1. արդյո՞ք ՍՊԸ-ն է վճարելու եկամտային հարկը, և ի՞նչ գումարների մասին է խոսքը,
2. ի՞նչ չափով եմ շահութահարկ վճարելու ՊԵԿ-ին,
3. աշխատակիցների գրանցման համար ի՞նչ է հարկավոր, և ի՞նչ վճարներ պետք է կատարեմ, ամսակա՞ն, թե՞ տարեկան կտրվածքով եմ կատարելու վճարները:

Aug 21 2019

Ճի՞շտ է գրանցվել որպես ԱՁ

Կարինե.

Բարև ձեզ: Ես ունեմ մազահեռացման նոր բացված փոքրիկ սրահ և ուզում եմ հասկանալ՝ ճի՞շտ է գրանցվել որպես ԱՁ, հարկային պարտավորությունները ինչպիսի՞ն են, ինչքա՞ն պետք է վճարեմ:

Aug 21 2019

ՀԿ գրանցելու համար

Գևորգ.

Բարև ձեզ։

Որքա՞ն է ՀԿ-ն գրանցելու միանվագ վճարումը։ Եվ ի՞նչ կարգով պետք է ներկայացնել կանոնադրությունը պետ. ռեգիստր։

Aug 19 2019

Ընկերությունը ապրանք է ներմուծել

Արա.

Հանդիսանում եմ ներմուծող ընկերություն: Ռուսաստանից Հայաստան ապրանք ներմուծելիս ինչպե՞ս ես կարող եմ վերադարձնել Ռուսաստանին վճարված ավելացված արժեքի հարկը: Խնդրում եմ, բացատրեք ընթացակարգը:
Ներմուծման ընթացքում որոշ ապրանքներ դարձել են ոչ պիտանի, ինչպե՞ս ես տվյալ ապրանքների ոչ պիտանի դառնալու պարագայում կարող եմ ազատվել ավելացված արժեքի հարկից:
Խնդրում եմ պատասխանել՝ ի՞նչ է իրենից ներկայացնում «Վեռոն» ծրագիրը, և ինչպե՞ս են օգտվում:

Aug 17 2019

Եկամտային հարկի վճարում

Մերի.

Բարև ձեզ: Եթե ջերմատանս 3 աշխատող եմ պահում, որպես գործատու ի՞նչ գումարի եկամտահարկ պետք է վճարեմ:

Aug 16 2019

Հարկային օրենսգրքի նոր փոփոխությունների համաձայն

Արա.

Բարև ձեզ: Հարկային օրենսգրքի նոր փոփոխությունների համաձայն՝
1. արդյո՞ք միկրոձեռնարկատիրության սուբյեկտները չեն վճարում սոցիալական վճար,
2. արդյո՞ք Երևան քաղաքի վարչական սահմանից դուրս գտնվող մանրածախ առևտուրը ազատվում է հարկերից,
3. արդյո՞ք մանր արտադրությունը չի կարող իրավաբանական անձանց ապրանք մատակարարել, եթե նա միկրոձեռնարկատիրության սուբյեկտ է:

Aug 16 2019

Անձնական օգտագործման կիթառ ներմուծելու համար

Սաշիկ․

Բարև ձեզ: Ցանկանում եմ երրորդ երկրից կիթառ բերել նավով կամ բեռնատարով անձնական օգտագործման համար, մաքսազերծելու կարիք ունի՞, թե՞ ոչ։ Քաշը 3-5 կգ է։ Եվ քանի՞ կգ-ի մաքսազերծելու կարիք է առաջանում։

Aug 08 2019

Ի՞նչ մաքսատուրքեր և հարկատեսակներ են կիրառվում

Արմեն.

Բարև ձեզ, հարգելի մասնագետներ:

Խնդրում եմ, ասացեք՝ ի՞նչ մաքսատուրքեր և հարկատեսակներ են կիրառվում ցեմենտի մաքսազերծման ժամանակ:

Շնորհակալություն:

Aug 08 2019

Հարկվու՞մ է արդյոք տնայնագործությունը

Շուշան.

Բարև ձեզ: Ինձ հետաքրքիր է՝ հարկվու՞մ է արդյոք տնայնագործությունը, եթե այո՝ ինչպիսի՞ հարկատեսակով:

Կանխավ շնորհակալ եմ:

Aug 05 2019

Անհատ ձեռնարկատերը ցանկանում է տեղադրել վճարային տերմինալ

Մարինե.

Բարև ձեզ: Անհատ ձեռնարկատերը ցանկանում է տեղադրել վճարային տերմինալ (Telcell-ի կարգի): Ասացեք, խնդրեմ, ի՞նչ հարկեր է վճարելու և ի՞նչ հարկատեսակով է աշխատելու: Շնորհակալություն:

Aug 02 2019

Ընկերությունը պատրաստվում է զբաղվել տուրիստական գործունեությամբ

Արթուր.

Բարև ձեզ, հարգելի հաշվապահներ:
Ընկերությունը պատրաստվում է զբաղվել տուրիստական գործունեությամբ, մասնավորապես՝ ավիատոմսերի և տուրերի վաճառքով: Խնդրում եմ հուշել՝
1. ավիատոմսի վաճառքի պարագայում շրջանառության հարկը տարածվում և հաշվարկվում է ավիատոմսի ամբողջ գումարի՞ համար, թե՞ մեր տուրիստական ընկերությանը գործարքից հետո մնացած շահույթի համար:
2. տուրի համար վաճառված փաթեթի մասով շրջանառությունը որոշվում է այլ կազմակերպությունից գնված և հաճախորդին վաճառված տուրի ամբողջական գնի՞ մասով, թե՞ գործարքից հետո մեր կազմակերպությանը մնացած շահույթի համար:

Շնորհակալություն:

Jul 31 2019

Ե՞րբ է կատարվում արտոնագրային հարկի վճարումը

Գարիկ.

Բարի օր: Չէի՞ք կարող ասել, թե արտոնագրային վճարները երբ պետք է մուծել տվյալ ամսվա համար՝ ամիսը չսկսվա՞ծ, թե՞ ամիսը լրանալուց հետո:

Շնորհակալություն:

Jul 29 2019

Շահաբաժնի վերաբերյալ

Արմեն.

Հարգելի գործընկերներ, կարո՞ղ է արդյոք կազմակերպությունը 2019թ.-ին հայտարարել և վճարել շահաբաժին 2016-2017թթ. արդյունքներով, և այդ դեպքում ճի՞շտ եմ արդյոք, որ չի առաջանա 5 տոկոս եկամտային հարկի պարտավորություն ՀՀ քաղաքացի մասնակցի համար:

Jul 27 2019

Շրջանառության հարկի հաշվարկ

Արփեն.

Բարև ձեզ: ԱՁ-ի շրջանառության հարկի հաշվարկը կատարելիս աշխատողների աշխատավարձերն է՞լ են հաշվվում, թե՞ հանվում են, միայն մնացած եկամուտն է հարկվում:

Jul 27 2019

Անձը մատուցել է վճարովի ծառայություններ

Աննա.

Բարև ձեզ: Խնդրում եմ օգնել խորհրդի կարգով: Ես մատուցել եմ վճարովի ծառայություններ, սակայն դեռ պայմանագիր չի կնքվել: Հարց` պայմանագիրը կնքվում է աշխատանքի ավարտից հետո՞, թե՞ նախապես, և ի՞նչ սկզբունքով է հարկվում:

Jul 27 2019

Նորաբաց ԱՁ-ն տարածք է վարձակալել

Մարիամ.

Հարգելի հաշվապահներ, խնդրում եմ, օգնեք։ Նորաբաց ԱՁ-ն վարձակալությամբ տարածք է վերցրել իր գործունեությունը իրականացնելու համար։ Վարձակալական պայմանագիրը ո՞ր կարգի համաձայն պետք է կնքվի։ Արդյո՞ք նոտարի միջամտությունը պարտադիր է, և դա որպես ԱՁ-ի ծախս երևալու՞ է հաշվետվությունում։ Եվ եթե այո, ապա նորաբաց ԱՁ-ն, եթե չի հասցնում 20 օրվա ընթացքում կնքել պայմանագիրը, պե՞տք է տուգանք վճարի։ Պե՞տք է արդյոք գրանցել վարձատուին, որ իրեն վճարված ամսավճարները երևան։ Վարձավճարների գծով ի՞նչ հաշվետվություն պետք է ներկայացնել:

Նախապես շնորհակալություն։

Jul 27 2019

Կազմակերպությունը ձեռք է բերել գույք

231

Արմեն.

Հարգելի գործընկերներ, կազմակերպությունը (հյուրանոցային գործունեություն) ձեռք է բերել հեռուստացույցներ, սառնարաններ, կահույք և դռներ հյուրանոցի համար: Արդյո՞ք դրանք ավելացվում են հիմնական միջոցի արժեքին, թե՞ միանգամից դիտարկվում են ծախս:

Շնորհակալություն:

Jul 27 2019

Մաշվածության հաշվարկ ՀՄ վերագնահատման դեպքում

Մելինե Պ.

Բարև ձեզ: Հիմնական միջոցի առաջին վերագնահատումից հետո երկրորդ վերագնահատման ժամանակ մաշվածություն հաշվարկվում է ըստ սկզբնակա՞ն արժեքի, թե՞ վերագնահատված արժեքի: Այսինքն` եթե հիմնական միջոցի սկզբնական արժեքը եղել է 300 հազ. դրամ, առաջին վերագնահատումից հետո սկզբնական արժեքը դարձել է 407 հազ. դրամ, երկրորդ վերագնահատման ժամանակ մաշվածություն հաշվելու եմ ըստ 300-ի՞, թե՞ 407-ի:

Older posts «

Loading...